روايه كبريائي
الفصل العاشر 10
بقلم هبة احمد
قمر / بابا انت بخير
روضة / نعم يا بابا تحت امرك
مراد / عوز اكل شوربة خضار و لسان عصفور من ايدك
روضة / ارتمت في حضنه فداك عمرى يا غالى حاضر ستو عوزة كوسة وجزر ولسان عصفور
رسمية / ام ايمن انزلى هات كوسة وجزر و فيه لسان عصفور في باب التلاجة
مراد / هادخل انام فريد تعالى ادينى الحقنة
فريد / حاضر يا حبيبي
نجمة / ربنا يشفيك يا عمى
سندس / تعالى نروح المطبخ لو فى حاجة عوزة تتعمل
مراد / أية رأيك في بنت عمك سندس
فريد / شكلها طيبة بتسأل ليه
مراد / اتزوجها يابنى دى بنت غلبانة شكلها اتبهدلت كتير من فهد اخوها
فريد / مقدرش اعترض على اى قرار ليك يا بابا تحت امرك
مراد / ربنا يبارك فيك يا بنى خلى بالك من اخواتك و امك جدك ده جسر الحماية ليكم اسمعوا كلامه
فريد / حاضر يلا خد الحقنه و ارتاح
هدى / يلا يا قلبى ارتاح
فهد / قاعد في مكتبه بيفكر فى كلام معتز و مش عارف ازاى هيقدر يتقدم لطلب ايد المتمردة اللى نفسه مش يتزوجها فقط علشان يكسر شوكتها ويجعل منها قطة أليفة تسمع كلامه وتنفذ أوامره زى اخواته نجمة و سندس
فارس / راح لعمه شاكر فى مكتبه
شاكر / خير يا استاذ فارس تحت امرك
فارس / مالك يا عمى فى أية
شاكر / اصل غريبة حد فيكم ياجى مكتبى اقصد المخزن اللى انا قاعد فيه
فارس / انا جاى اطلب من حضرتك تروح تزور عمى مراد هو عند جدى و تعبان جامد عنده الكنسر و فى مرحلة متأخرة
شاكر / حاضر هاروح اشوفه بعد العصر
فارس / تمام يا عمى عاوز حاجة
شاكر / تشكر يا بنى انت الصراحة غير امك و ابوك واخوك اللى شافنى واقف على الطريق بعد ما مر عليه رجع و بصلى و ضحك وجرى بالعربية
فارس / معلش يا عمى اسف ليك كنت رنيت عليه كنت جيت اخدتك
شاكر / تشكر عمك مراد بخير
فارس / لا هو ماشى مع دكتور اعرفه وقال إنه عنده الكنسر وفى مرحلة متأخرة ربنا يتولاه هو بيتعذب و كمان ولاده مكنوش يعرفوا عن مرضه حاجة
شاكر / ربنا يشفيه مفيش حاجه بعيد على ربنا
فارس / هامشى انا تأمرنى بشيئ ياعمى
شاكر / الميزانية جاهزة محتاجة جدك يمضى عليها
فارس / جدى جاى الشركة بكرة بأمر الله
فهد / ساب الشغل و خرج ركب عربيتة ورجع إلى البيت خبط على باب شقة جده
نجمة / فتحت الباب بخوف انا معملتش حاجة والله و هاطلع فوق دلوقت يلا ياسندس
سندس / هو فى أية مين فههههد احنا طلعين فوق اهو يلا ياختى
رسمية / ادخل جدك عاوزك جوه و سيب البنات مع ولاد عمهم
فهد / اول مرة يصعب عليه نجمة وسندس حس انه كان قاصى اوى معاهم دخل لقى جده فى اوضتة
الحاج عتمان / انت عاوز اخواتك تطلع ليه عندك الست الوالده واتنين شغالين
فهد / ممكن اتكلم معاك في موضوع
الحاج عتمان / اتفضل مالك فيك أية
فهد / معتز ابن خالتى نجوى عاوز يتقدم يطلب ايد نجمة
الحاج عتمان / معتز اتقدم لأختك مرتين و انت رفضته أية اللى جد علشان توافق
فهد / الصراحة انا حاسيت انى ظلمت اختى معتز انسان محترم و شارى نجمة
الحاج عتمان / انت واثق من كلامك دة ولا نمرة هتعملها عليه
فهد / فى حاجة كمان انا عاوز اطلب ايد بنت عمى مراد الكبيرة
الحاج عتمان / مين روضة شكلك مش طبيعي النهارده فيك حاجة
فهد / لية بتقول كده انا بخير
الحاج عتمان / بالنسبة لمعتز انا موافق رغم أن امك هتعترض
فهد / سيب امى عليه
الحاج عتمان / خلصنا من اختك امك مستحيل توافق على زواجك من بنت عمك دى حاجة و الحاجة التانية مش يمكن العروسة ترفض طلبك
فهد / البركة فيك تقنعها
الحاج عتمان / ممكن سؤال انت عايز تتزوج روضة ليه انت لا شوفتها ولا تعرف عنها اى حاجة
فهد / مش عارف الصراحة
الحاج عتمان / علشان ضربتك بالقلم
فهد / يمكن ده سبب من الأسباب
الحاج عتمان / هات مواقفه الست الوالده الاول ولازم تاجى هى و خيال المأته ابوك يتقدموا لطلب أيدها من عمك مراد
فهد / الحكاية كبرت كده ليه هو انا مش كفاية انا كبير بما فيه الكفاية انى أقرر مصيرى
الحاج عتمان / لا مش كفاية و انا هاكلم اختك رغم انى مقتنع أنها هتوافق علشان تخرج من سجنك وقرفك
فهد / يعنى انت هتقدر تخلص مع معتز من غير وجود امى
الحاج عتمان / اقدر بأمر الله امك دى تتحكم فيكم انتم إنما أنا لاااااا
فهد / هامشى انا
الحاج عتمان/ سيب اخواتك هنا
فهد / تمام انا راجع الشغل
الحاج عتمان / بكرة فوت عليه عوز اروح أمضى على مرتبات الموظفين والميزانية
فهد / لا تعالى مع فارس انتم حبايب
الحاج عتمان / حاول تعيش حياتك انت واخد كل حاجة على صدرك
فهد / هاحاول سلام عليكم و خرج لقى روضة فى وشه
روضة / ستو انا عملت صنية الكيكة بس الصراحة طلعت جميلة اوى
فهد / بص فيها جامد و خرج
رسمية / استنى اتغدا معانا الغدا جاهز
فهد / انا راجع الشغل تانى
سندس / احنا اسفين و طلعين فوق اهو
فهد / خليكم عند ستوكم براحتكم
سندس / بتتكلم بجد ربنا يوفقك يا رب و بعد ما فهد نزل قعدت ترقص وتغنى الغزاله رايقة و الناس الحلوة سايقة سيدى ياجمالوا .....
فريد / هههههه انتى بنت مجنونة بجد
نجمة / افراج افراج تشكر يا جدى انا بتخنق فوق
روضة / انتم بنات جبانه خايفين اوى كده ليه
نجمة / انتى عايشة فى المدن هناك الحرية كلها مش زى هنا الولد متحكم فى حياة اخواته ده الطبيعي هنا وبعد الزواج زوجها بيتحكم فيها حتى لو زوجها مات ولادها بتتحكم فيها هو ده حال الست هنا
روضة / الشخصية الضعيفة هى اللى بتخلى اللى حواليها يتحكموا فيها جاتكم الغم
نجمة / انتى لو كنتى اخدتى على قفاكى كان زمانك غيرتى رأيك
قمر / اخوية فريد عمره ما لمسنا ولا بابا بالعكس لما بنبقى فى مشكلة بنجرى عليه نتكلم معاه و ناخد برأية
نجمة / هناك فرق بين جليلة و مرأت عمى هدى امى ربنا يهديها لما البيت بيكون هادئ بتسلط فهد علينا علشان قال أية يعلمنا الادب
قمر / انتم عالم غريبة و كئيبة
هدى / بابا عوز ياكل خلصتى الاكل
روضة / الاكل جاهز من بدرى
هدى / طب ادخلى اكلى بابا علشان جدك عوز يتكلم معاكى هو فى اوضة بابا
روضة / حاضر
فريد / هانزل شوية ممكن
رسمية / أما خالد و فارس ياجوا ابقى أخرج معاهم علشان اكون مطمئنة عليك ام ايمن حضرى الغدا
ام ايمن / حاضر من عنيه
قمر / تعالوا نحضر السفر انا مش متعودة حد يخدمنى
سندس / احنا مش محتاجين ندخل المطبخ فى ناس بتعمل كل حاجة
قمر / مسكت الشبشب ادامى يا فاشلة منك ليها
نجمة / يخربيتك انتى بنت مجنونة و جرت على المطبخ
الحاج عتمان/ فهد ابن عمك طلب ايدك منى أية رأيك
روضة / مش موافقة
الحاج عتمان / ليه مش موافقة
روضة / علشان ه........