رواية احكام اللعبة
الفصل الثامن 8
بقلم ايمي عبده
محمود: دى رنا ودول مريم وماجد ولاد خالى
مريم :هاى بس برضه معرفناش مين دى
ماجد :وانتى مالك
محمود :دى رنا خطيبتى
رنا مصدومه وماجد فهم انها اللى حكاله عنها ومريم مبرقه وهتتفجر من الغيظ
مريم: وايه اللى عجبك فى البتاعه دى لا شكل ولا منظر
محمود بغضب واضح :مريم كلمه واحده زياده وهتشوفى منى اللى عمرك ماشوفتيه مش معنى انى ساكت لك عشان خالى تسوقى فيها الزمى حدودك احسن لك
مريم هتموت من الغيظ: يلا ياماجد
ماجد :يلا سلام يا محمود هكلمك بعدين
مشيو ورنا بصت لمحمود: انا اسفه انى سببت لك مشكله لكن ليه قلت انى خطيبتك
محمود :وانتى ذنبك ايه وبعدين أنا مكدبتش ما انتى هتبقى خطيبتى بصى انا هحكيلك كل حاجه لما نتقابل ونروح الكافيتريا
((((((((*******))))))))
حسام داخل شقته :ريهام
ام ريهام: حمد الله عالسلامه مالك داخل بزعبيبك كده
أبو ريهام: احم احم بتقولى حاجه يا ام ريهام
ام ريهام: لا ياخويا دا بقوله حمدالله عالسلامه (وقعدت ذى الجزمه منطقتش*
حسام: منور يا عمى ريهام فين يعنى مش شايفها
ام ريهام: بتريح شويه
حسام خاف: مالها ريهام جرى ليها ايه
أبو ريهام: ذى الفل هتفهم لما نمشى قومى يلا يأم ريهام خلينا نمشى
ام ريهام :وهو احنا لحقنا نقعد
أبو ريهام بيبرق لها اوى: انا مش بقول قومى
ام ريهام بسرعه :حاضر ياخويا
حسام بيدارى ضحكته : حبيبى يا عمى يا مسيطر ههههه
مشيو ودخل لمراته لقاها بتاخد دوا فقلق اكتر
حسام :ريهام انتى مالك ايه اللى تاعبك
التفتت له وابتسمت ومسكت ايده وحطتهها على بطنها وقالت له: جاى لنا ضيف
حسام فرحان ومش مصدق :معقوله ريهام انتى انتى حامل يعنى هبقى ام قصدى أب
ضحكت ريهام اوى وشالها حسام ولف بيها
(((((((((********)))))))))))
سلوى خدت اجازه اسبوعين واحمد هيتجنن حاسس ان الدنيا ملهاش لازمه من غيرها وكل كام يوم يروح قريب من بيتها يحاول يشوفها من بعيد
مريم الغل عميها لدرجه انها قررت انها توافق على أول واحد يخطبها فاكره بكده بتغيظ محمود اللى اتجوز مره وخطب التانيه متعرفش انها كده بتضر نفسها وفعلا أول واحد وافقت وشرط اهلها عليه انها تكمل تعليمها عنده وافق وفعلا نفذ لكن بيربيها التربيه اللى اهلها معرفوش يربوها لها ونقلت ورق كليتنا اسكندريه محل سكنها الجديد
(((((((*******)))))))
طبعا كلهم حضروا فرح مريم وبعد ما سافرت فضلو ضيوف فى فيله محمود لمده أسبوع
أسعد :أظن مفيش احسن من كده تغيير جو لا شرم ولا غيره
هاله: انت بتتلكك
محمود:أهدى ياهاله الصراحه الجو هنا جميل وبعدين ممكن تولدى هناك هتبقى فسحه ولا سبوع و ريهام حامل والسفر غلط عليها
هاله: كده يعنى اتفقتو عليا ماشى (زعلت وسابتهم وراحت الجنينه )
أسعد راح وراها ومسك ايديها وضمها ليه وهيا واقفه ضهرها ليه: مقدرش أشوفك زعلانه وياستى لو على الرحله نطلعها بعد ماتقومى بالسلامة وبالمره نفسح الاولاد
هاله زقته بنرفزه :انا مش عاوزة رحلات انا عاوزاك انت محتاجه أحس بوجودك جنبى بحبك ليا اللى حاسه أنه انتهى والرحله عشان نقرب من بعض مش عشان اتفسح
أسعد قرب منها :والله العظيم بحبك مقدرش أعيش من غيرك انا أول ما بخلص شغل برجع البيت بسرعه عشان أشوفك واقعد معاكى احكيلك يومى واشورك فى امورى ومشاكلى بقضى معظم وقتى معاكى انتى ويارا بنتنا بلاقى راحتى معاكى مش معنى أن خروجتنا قلت والجو الرومانسى مبعملهوش كتير ذى الأول ان حبى قل بالعكس بحبك وهفضل أحبك لحد ما اموت
هاله حطت ايديها على بوقه: بعد الشر عنك حبيبى يكفينى اللى قولته ومش عاوزة حاجه اكتر من كده اخدها فى حضنه وباس ايديها وقعدو فى الجنينه
___________
حسام مستمتع بالمكان والجو الحلو هو و ريهام بيتمشو فى الغيطان يتفرجوا على الريف وجماله
____________
محمود قعد مع رنا فى أحد الغيطان وحكالها حكايه مريم معاه اللى اتصدم لما ماجد صارحه بيها وحكالها عن اللى قاله عز وبيفكروا سوا يعملو ايه
رنا :لازم سهر تعرف الكلام ده
ماجد وأحمد وسهر جايين من بعيد
محمود شاور لهم ييجوا وحكى الموضوع لهم
محمود: انا عارف أن الموضوع يخصك بس دول اخواتى واهلى ورنا خطيبتى وكلهم عارفين وقلت يمكن حد يساعدنا بفكره
سهر :لا يا محمود متتاسفش وهما بالنسبه لى أخوات وأهل بما فيهم رنا انا وأنت اخوات دلوقت والقديم انساه تمام الانى نسيته
رنا :عندى فكره
محمود: اتحفينى
رنا :اتصل بيه وخليه يجى مكتبك وتكون سهر موجوده ومستخبيه لحد متتفقوا على كل حاجه تطلع قدامهم وتعرفهم انها اختارت حياتها هيتكسفو ويمشو
ماجد :حلوة الفكره بس سهر انتى متأكده أنهم أهلك
سهر: أكيد والا مكنتش فضلت عندهم لحد دلوقت مهماش من النوع اللى يتبنى أكيد بنتهم عشان كده كنت بالنسبه لهم تدبيسه لو مش بنتهم كانو سابونى من زمان
أحمد: مش عارف بس فى حاجه غلط مهما الاهل حصل بينهم وبين ولادهم لو طرف منهم مات الطرف التانى بيتوجع انا رأى تتكئ عليه فى الكلام يمكن نقدر نعرف حاجه
محمود: تمام كده إن شاء الله نرجع القاهره كلنا آخر الاسبوع ونفذ موافقين
كلهم :موافقين
______________
رنابدأت تلاحظ نظرات سهر وماجد والحزن اللى فيها واتصاحبت على سهر وفوزيه وأم محمد وحبيتهم وحبوها جدا
فى يوم كان الراجاله بيلعبو كره بره مع رجاله من البلد والستات بيجهزوا الغدا طبعا ماعدا ريهام وهاله عشان الحمل وسهر بتشرف على طلباتهم
ام محمد ورنا فى المطبخ
رنا :ايه الحكايه انا شايفه أن ماجد وسهر زى ميكونو زعلانين سوا
أم محمد: والنبى مانا عارفه من يوم فرح الواد محمد ابنى وهما حالهم متلخبط ماجد محترم بس بيموت فى الضحك والهزار
رنا :هزار مين دا ماجد إلا ما شفت سنانه من ساعه ما جيت
ام محمد: مش بقولك حاله متلخبط كان على طول ضحكته مبتفارقهوش يوم الفرح وصل أمه البيت وعزمو على الست سهر تتعشى معاهم وبعدين وصلها
رنا :لحظه انتى ليه بتقولى ليه الست سهر مع أنك بتناديهم كلهم باساميهم عادى ثم أنت جبتى معلوماتك دى منين ايه سهر حكتلك
ام محمد: سهر تحكى يا بنتى من ساعه ما جت وهيا زى ما انتى شايفه وإن فرحت يادوب دقائق وتقلب تانى عشان كده مش عارفه اشيل كلمه الست دى خفت لا تزعل لو خدت عليها مع انها غلبانه وبتصعب عليا ومعلوماتى جبتها من خالتك فوزيه ام ماجد
رنا :اااه فهمت طيب كملى كملى وبعد ما وصلها
ام محمد: مرجعش إلا تانى يوم
رنا :ايه دا معقول قصدك انه بات معاها
ام محمد: لا اهيه ماجد ميعملهاش ولا الست سهر دى العربيه عطلت واكمنه طول اليوم مشغول من تصليحها لتصليح أفعال مريم و الفرح نسى التليفون دا خالص والست سهر ممعهاش تليفون من أصله والبلد اللى لسه فى الفرح واللى نايم وكانو فى حته حواليها غيطان بعيد عن العمار باتو فى العرببه لحد النهار ما طلع وصلها وروح البيت وبعت يقطر العربيه ومن يومهاوضحكته بقت قليله و يجى يسألني عليها وإن كنا محتاجين حاجه ويمشى وغير السلام ميقولش ليها حاجه وهيا كانت بتكلمنى وتقعد معايا بس بعد الفرح بقت سرحانه أكتر من الاول وساعات بلاقيها تبتسم وهيا قاعده لوحدها وقلت له وبعدها بكام يوم جه يمشى وقفته وسألته ليه بيتجنبها وفضلو يرغو مش فاهمه عن ايه اللى دق ومدقش وبعدها لقيتهم فرحانين اوى وبعدها سكتو فجاءه وميشو وبعدها حتى السؤال قل والسلام مبقاش يقولو لبعض وزى ما انتى شايفه حتى مبقاش يناكف فيا زى الاول وأمه هتجنن على ابنها ومش عارفين ماله وهو كل اللى عليه أنا بخير الحمد لله
رنا: يااااه كل دا ربنا يهديهم
محمود جه على السيره: يهدى مين بتقطعو فى سيره مين طبعا مانتو اتلميتو على بعض ربنا يستر
رنا: انت بتعمل ايه هنا اصلا
محمود: جعان وانتو قاعدين تلتو وتعجنو هنا والماتش خلص والرجاله اللى مشى واللى واقع بره من الجوع فجيت استعجلكم انجزو يلا
_____________
قعدو كلهم يتغدو سوا
ريهام: بس انتو طلعتو مش سهل خالص يعنى فجأه الاقى اللى بتتصل تقولى محمود خطبنى
ريهام: محمود مين
رنا: بتاع الكورنيش
ريهام: وانتى شوفتيه فين تانى
رنا :هو انا مقلتلكيش يقطعنى مش يبقى صاحب الشركه اللى بشتغل فيها
ريهام: وساكته دا كله يا واطيه
محمود :و بقيت بتاع الكورنيش
أسعد: هههههه تستاهل يا ندل متقوليش
حسام :طب هو قالك فى التليفون أنا عرفت من ريهام
محمود: باااس كلوكو علينا ايييه الحكايه وما فيها انى روحت خطبتها بعد ماشوفت ماجد ومريم وشديت قبال مريم فقررت انها تبقى خطيبتي فعلا ومفيش داعى لللف والدوران وهيا وافقت هيا ووالدتها وقلنا هنعمل فرح بس لكن الخطوبه وكتب الكتاب على الضيق متنسوش ظروفى ولولا أن رنا بتحبنى أمها مكنتش وافقت تجوزها لواحد مطلق بس ايه سلوى قامت بالواجب وحسستنى انى عريس بهدلت الدنيا زغاريط أحمد انتبه :سلوى
محمود: أيوه دى صاحبه رنا بس بت جدعه فوق ما تتخيل
أبتسم أحمد واخد نفس طويل
خلصو الأكل وكلهم قامو
((((((((((*********)))))))))))
عز: كل دا ومتصلش الحيوان دا لازم يتربى
شريف: آخر معلوماتى أنهم كلهم سافروا فرح قريبته لا وكمان خطب بس بعد كده مش هقدر اجيب اى معلومات اللى معينه يراقبهم مشيته معييش فلوس ليه
كوثر: لازم يدفع مفيش وقت يااما نسافر
عز :بفكر ناخد الفلوس ونسافر بره والديانه يشربوها هاهاهاها
(((((((*******))))))))
محمود قاعد فى الجنينه تحت تكعيبه عنب صغيره أد الكرسى اللى قاعد عليه اللى يادوب ياخد اتنين ورنا واقفه جنبه
رنا: حووووده
محمود ماسك كتاب ومركز فيه : هه
رنا: حبيييييبى
محمود: يا نعم
رنا اتنرفزت وصرخت فيه: محمود
محمود انتفض من مكانه جرى: ايه انت اتهبلتى بتصرخى كده ليه
رنا :حضرتك مركز فى الكتاب لدرجه مكنتش سامعنى خالص وانا عاوزاك فى موضوع مهم دا انت مبتركزش معايا كده
محمود :ههههههه انتى غيرانه من الكتاب وأدى الكتاب (قفله وحطه جنبه)هه خير ايه موضوعك المهم دا بقى
رنا :مفيش وقامت تمشى شدها ليه وقعت فى حضنه
محمود حاطط أيده اليمين على خدها والشمال سندها بيها قرب منها قوى: بحبك يا مجنونه قرب كمان: كلمه حبييييبى حلوه اوى كل منكون سوا قوليهالى ومكنتش اعرف أن اسمى حلو كده ايه مالك أيوه كنت سامعك معقول حبيبتى تتكلم ومسمعهاش
رنا اتكسفت اوى وطلعت تجرى
ماجد جه :ايه يا عم خف عن البت شويه
محمود:هو أنا عملت حاجه
ماجد: لا أبدأ البت وشها زى الطماطم وأنت معملتش حاجه
محمود: مش خطيبتى ثم أنت هتفضل قاعد لنا زى قرد قطع كده كتير كلنا اللى اتجوز واللى خطب وأنت وأحمد محلك سر
ماجد :كله بأوانه متستعجلش ويرفع رأسه لفوق يتنفس لمح سهر واقفه فى البلكونة عينيها عليه وكلها دموع أول ماشافها دخلت أوضتها استأذن من محمود يروح يتمشى شويه
____________
ريهام: مالك يابت وشك أحمر كده ليه
رنا :هه اه دا من الشمس
هاله: من الشمس برضه ألا هو فين محمود
ريهام: بينه مكان ما جت رنا
رنا :انتو هتتسلو عليا أنا خارجه
ريهام و هاله: هههههههه
_________________
رنا :انت لسه هنا
محمود: ايه وحشتك
رنا :بس بقى يا محمود مش عارفه اكلمك كلمتين على بعض
محمود: طب ياستى اتفضلى كلى أذان صاغية
رنا :مش ملاحظ أن فيه حاجه غريبه بتحصل لماجد وسهر وأحمد
محمود : ملاحظ انهم معظم الوقت سرحانين مش زى عادتهم
رنا :طب أخدت بالك من نظرات ماجد وسهر لبعض
محمود: يعنى نوعا ما بس قصدك ايه
رنا :شاكه أنهم بيحبو بعض
محمود :طب ليه مرتبطوش
رنا :بسببك
محمود :بسببك أنا ازاى
رنا: انت انسى أن محدش يعرف بطلاقكو دا غير انها كانت مراتك وهو زى اخوك يمكن خايفين من رد فعلك
محمود: والعمل يا خبيره
رنا :تعرف الكل أنك مطلقها من زمان وأنها اوفت شهور العده ولما نسافر عشان موال أبوها تاخد ماجد لأنها هتحتاجه جنبها و لو بيحبو بعض كلمه وفهمه انها صفحه واتقفلت
محمود: تسلم لى افكارك وأحمد اخدتى بالك لما سمع اسم سلوى
رنا :فعلا وافتكرت حاجه كانت حكت لى على الدكتور أحمد اللى معاها فى الشغل بس منتبهتش للاسم عموما هتكون اجازتها خلصت ولو متفقوش ندخل
__________________
محمود عمل وليمه لأهل البلد كلهم وقبل مايمشو وقف يتكلم والكل انتبه
محمود: أنا بعتبر كل واحد فيكم من عيلتى ولما سيبت سهر هنا لأنكم أهلى بس انا وهيا مينفعش نكمل مع بعض وانفصلنا بمنتهى الاحترام والكلام دا من ساعه مشيت آخر مره
الناس بدأت تعلق والحس يعلى
محمود: لو سمحتوا اسمعونى للآخر كان فيه ظروف منعتنى أعلن الموضوع لحمايتها من ناس عاوزة تاذيها يمكن أكون غلطت فسامحونى انتو اهلى ومحبش اخبى عنكم حاجه ورايكم يهمنى
الناس كل واحد قال رأى واجتمعو فى النهايه على أنهم يسامحوه ويايدوا قراره لأنهم بيحبوه
___________
نزلو كلهم القاهره ومحمود اتصل بعز وطلب يقابله يتفاهمو بس كوثر وشريف راحو معاه خوفا من انه يهرب بالفلوس
السكرتير: فيه ناس بره عاوزين حضرتك من ضمنهم الراجل اللى اسمه عز اللى جالك من فترة بيقولو فيه ميعاد مع حضرتك
محمود :دخلهم بعد ربع ساعه
بعد ما: خرج السكرتير
ماجد :مدخلتوش ليه على طول
محمود: لسببين الاول انتظارهم هيوترهم وهيبقى سهل استفذهم واعرف كل حاجه والتانى تعرفه بعدين دلوقتى خد سهر واسخبوا بحيث ميشوفكوش
سهر :ماشى نقف ورا الستاره لا فى البلكونه لا
ماجد لا حظ توترها فمسك ايديها وبصلها :أهدى أنا معاكى مش هسمح لحد ياذيكى
سهر كانت مرعوبة وماجد طمنها قربت واترمت فى حضنه
محمود: أحم أحم نحن هنا
ماجد: ايه مراتى
محمود :مش وقته استخبوا فى الحمام وفعلا
دخل عز و كوثر وشريف
محمود: أهلا أهلا أهلا كلكم هنا دا ايه الهنا دا كله
كوثر: ايه دا مفيش إتيكيت مش تقول اتفضلو
محمود: اتيكيت ماشى اتفضلو خير
عز: انت هتستهبل مانت عارف جهزت الفلوس ولا لسه
محمود: فلوس ايه
عز :مؤخر البنت و٤/٣ ثروتك فوقهم
محمود :نعععم
كوثر :احنا مش طماعين كل واحد فينا ربع وسايبين لك ربع بحاله
محمود: لأ كتر خيركم وايه اللى يجبرنى اديكو فلوس اصلا
شريف :عشان نسكت على جريمتك ولا تحب تنعدم
محمود :وايه دليلك انى قتلتها
عز :العيار اللى ميصبش يدوش وانت لك اسمك والبوليس سلمها لك بحكم الطاعه واختفت بعدها ولو حققو مش هتطلع منها خصوصا انك كارهها من ساعه معرفت بخيانتها
شريف :من غير لف ودوران هتدفع ولا
محمود: من غير ولا كل اللى عاوزينه هعمله بس سؤال هيا سهر دى بنتكم
عز :وهتفرق
محمود: لأ مجرد فضول مش أكتر ولو انى متأكد من الإجابة
عز :قصدك ايه
محمود: مهياش بنتك على فكره محبش الكذابين خليك صريح وإلا مفيش فلوس
عز: مفيش فلوس يعنى ايه أنت مش فى وضع يخليك تهدد
محمود: ومين قال البنت مش بنتكم وممعكوش دليل انى قتلتها البوليس مش اهبل دا غير انى طلقتها بعد حكم الطاعه والكلام دا من فتره طويله يعنى البوليس هيسجنكم بتهمة البلاغ الكاذب بنتكم لو ميته ساكتين ليه لحد دلوقت مهى مطلقه من زمن
عز :وبعدين
محمود: أنا هديكم المؤخر وفقهم مليون شرط اعرف الحقيقه لو مش عاجبكم نفضها