صباح جديد
...................
الساعة السادسة ونصف
هدى / رنت على فريد و الحاج عتمان
الحاج عتمان / حاجة رسمية قومى علشان يومنا طويل
رسمية / هى الامانه وصلت صاحبها
الحاج عتمان / أيوة ربنا رحمه من العذاب
رسمية / اللهم اشهد انى راضية عنه اللهم اغفر له وارحمه
الحاج عتمان / مسك هاتفه وخلص كل شيئ بالفون بعد ما كلم ابنه شاكر وأحفاده
فريد / قاعد جنب جثة ابوه يبكى
روضة / لا انتم كدابين بابا بخير وقعدت تهز فيه
قمر / بابا انا لسه محتاجالك وقعدت تبكى
الحاج عتمان / يلا ياولاد حد يروح مع فريد لمكتب الصحة يجيب تصريح الدفن الدكتور مجهزه و انت يافهد اقف مع الناس بتاعوا الفراشه علشان الصوان و انتى يابنتى انا عارف ان ابنى كان بيحبك و انتى كنتى له نعم الزوجة المخلصة ربما يخزيكى خير
رسمية / ممكن أودع ابنى
قمر / و انا كمان
روضة / واقفة مصدومة مش بتتكلم و لا بتبكى
الحاج عتمان / نجمة مع اختك
جليلة / هو فى أية
فارس / و هو بياخد البطاقة بتاعته مفيش عمى صبرى مات
جليلة / بصويب انت كداب مستحيل يموت من غير ما يودعنى
فارس / ليه هو انتى كنتى مرأته لمى الدور مش ناقصين فضايح
فضل / انت بتقول اية معقولة عمك مات
فارس / ربنا رحمه حضرتك كنت خايف منه اهو سابلك الدنيا كلها
جليلة/ عوزة اشوفه لازم اشوف
فارس / ليه هو انتى كنتى بتطيقى تسمعى اسمه هو ولا مرأته
جليلة / لازم اشوفه و أودعه
فهد / لمى الدور الا اقسم بالله اوديكى مصحة للأمراض العقلية دلوقت
جليلة / انا مش هاقعد هنا من غير ما اشوفه وعوزة تخرج من الشقة
فهد / مسكها انتى بتجبرانى امسكك و اتحمل ذنوب و دخلها الاوضة وقفل الباب عليها بالمفتاح ونزل لقى نجمة فقالها اطلعى شوفى امك خدى المفتاح اهو بلاش تخرج من الشقة مش ناقصين فضايح
نجمة / حاضر
معتز / انا جاى معاكى
نجمة / بلاش و النبى الا حد يشوفنا و تبقى مشكله
معتز / انتى مرأتى يا قلبى وطلع فتح الباب على جليلة واعطها حقنه مهدئة هى هتنام على الأقل ست ساعات
نجمة / يا ريت ودخلت امها اوضتها و نيمتها و غطتها و قبل ما تنزل تحت مع البنات
نجمة / دادة صالحة خلى بالك من امى انا نازلة تحت علشان عزا عمى
صالحة / هو انتم هتعملوا اكل للناس اللي هتاجى تعزى
نجمة / ام ايمن و بناتها بيعملوا للستات وجدى كلف عمى محسن يعمل شاى و قهوة للمعازى خلى بالك من امى
صالحة / حاضر هتعمل بسلة باللحمة و رز معمر لاخواتك
نجمة / مع نفسك و نزلت
فريد / واقف مع الناس اللى بتغسل ابوه هو و فارس
الحاج عتمان/ قاعد فى الصوان منتظر حضور جسمان ابنه صبرى علشان صلاة الجنازة عليه اللى هتكون بعد صلاة الجمعة
فهد / قاعد جنب جده هو و خالد و عمهم شاكر ومعتز و فضل
الحاج عتمان / يلا على صلاة الجمعة بالمسجد
فهد / طب لما الجثمان يحضر الاول
الحاج عتمان / لو محدش راح المسجد هتلاقي أمام المسجد و المصلين جم هنا و حرام يكون فى مسجد مفروش والناس تسيبه وتاجى تصلى هنا
فهد / تمام هاتوضى وأروح يلا معايا
بعد تغسيل الجسمان خرجوا بالرحمة إلى المسجد ومعاهم كل اللى فى البيت إلا ام ايمن و بناتها اللى بيجهزوا الاكل
جليلة / و هى بين النوم و اليقظة انا عوزة اروح معاك مش هقدر اعيش من غيرك
صالحة / نهار احوس الولية اتهبلت ربنا يحفظنا
جليلة / اتكلمت كتير و هى تحت المخدر
بعد دفن الجسمان فى مقبرة الأسرة رجع أهل الميت الستات فى شقة الحاج عتمان و الشقة اللى فى وشها اللى كانت بتاعة صبرى و مقفولة و الرجاله فى الصوان اللى ادام البيت
روضة / بكت كتير هى و قمر و هدى حزن على سندهم عشير عمرهم
بعد اسبوعين
...................
جليلة / سرحانه مع نفسها بتفكر فى أشياء كثيرة أهمها ازاى تتخلص من هدى اللى بنت سعادتها على حزن وقهرت جليلة من وجهه نظرها
الحاج عتمان / لو عوزة تقعدى فى شقتك هى مقفولة من يوم ما خرجتوا من هنا اقعدى يابنتى و كل طلباتك هتوصلك لو عاوزة حاجه من السما ولو مرتاحة معايا على رأسى
هدى / انا مرتاحة هنا يا عمى و صبرى الله يرحمه وصانى افضل معاكم
رسمية / على رأسنا يابنتى
روضة / السلام عليكم
الحاج عتمان / وعليكم السلام فهد مصمم انك تروح للدكتور
روضة / لا انا مش رايحة انا شكلى ده عاجبنى كده
الحاج عتمان / مش لو كان شكلك د انتى ماشاء الله قمر اربعتاشر ليه عاملة في نفسك كده
روضة / انا مرتاحة كده ولو صممت على مرواح الدكتور هارجع شقتنا و اشتغل واصرف على نفسى و هافضل هناك لوحدى
هدى / انتى كده بتعاندى نفسك
روضة/ انا مرتاحة كده مش عاوزة حد يتدخل فى حياتى
فهد / خبط و دخل انا حجزت عند الدكتور و الكشف النهاردة و العملية كمان يومين و مفيش حل تانى
روضة / لا فيه تطلقنى
هدى / بزهول انتى بتقولى أيه
فهد / طب و الفرح اللى بعد اسبوع هاخدك بعبلك بالعباية اللى عليكى و بروضة هتروحى للدكتور و هتعمل العملية و غصب عنك انتى مش شايفة شكلك عامل ازاى
روضة / اقسم بالله لو انت اخر راجل فى العالم ماهتلمسنى
فهد / الايام بينا و هنشوف
فريد / هو فى أيه
الحاج عتمان / انت كده هتخسرها و للابد
فهد / مش فهد اللى حد يقصر له كلمة
روضة / و مش روضة اللى حد يغصب عليها انت ولا حاجة بالنسبة ليه
فهد / مسكها من أيدها جامد طب تعالى هانتمم ام الزواجة السوده دى و هتروحى للدكتور و هتعملى العملية غصب عنك مش مجبر اتصبح بوشك البشع ده كل يوم
روضة / شدت أيدها جامد وزقته بكل قوتها ورحمه أبوية ماهتكون فى يوم من الايام زوجى يا عرت الرجاله
فريد / بلاش تختبر صبرى يا ابن عمى انا اقدر اتصدا ليك و ادافع عن اختى خد اخواك يا فارس عقله
نجمة / نهار اسود هو اخواكى اتجنن
سندس / اول مره اشوف اخوكى حد واقف قصاده وبيتعامل معاه بالند د زقته جامد لولا مسك فى حرف الكرسي كان وقع
نجمة / عندك حق
فارس / هو انت ف.......