رواية احكام اللعبة
الفصل الثالث 3
بقلم ايمي عبده
ماجد :اه بس أنا أما جتلك الدار مع أحمد لمحت هدومها مرميه جنب الكنبه وواضح انها مقطعه بغباوة عشان كده كروتت احمد فى الكلام ومشيته بسرعه ليلمحها المهم هتطططفحنا حاجه فى ليلتك ولا هتجوعنا وتصدعنا برغيك
محمود :طب يا عم متذقش هشوف التلاجه يمكن فى حاجه فاتت من ام محمد ابن حلال فيه عصير ونص فرخه وشويه مكرونه مش فاهم ازاى فلتو منها😃هسخنهم فى الميكرويف و نتعشى بقى (سخن الاكل وكلو وقعدوا يتكلمو وهما بيشربوا العصير)
ماجد :انت الصبح تخلى ام محمد تيجى تقعد معاها وتعملها اكل لحد ماتشد حيلها وبعدين ابقى شوف هتعمل معاها ايه ولو ان شكلها كده ميديش على مفترى حتى لوطماعه بس حاسس ان فيه حاجه غلط(محمود أتنهد جامد وحكاله على اللى حصل من ساعه ما سابه لحد ما اغمى عليها)
ماجد :يا نههههار اسود يعنى البت طلعت مظلومه وأهلها عصابه لا كده احلوت اوى يعنى أمى كان عندها حق لما صعبت عليها طب يا حلو هتعمل ايه هتكمل ولا هتسيبها ولا ناوى على ايه
محمود :لأ أكمل ايه صحيح هيا مظلومه بس احنا مبنحبش بعض احنا كان بينا إعجاب مشترك وصداقه لكن مرتقتش لمستوى الحب وهيا كانت مضطرة للجوازه دى من حقها تعيش وتحب وتختار وانا كمان بس مش عارف اساعدها ازاى بس اللى متأكد منه انى مش هسمح لأهلها يستغلوها تانى أما تفوق وتهدى ابقى اكلمها ونشوف هنعمل ايه
ماجد :وانا معاك فى اى قرار هتخده ممكن يساعدها
محمود :تمام بس دلوقتى هيا محتاجه أن نفسيتها تتحسن ايه رايك بقول اخلى مريم تقعد معاها تفرفشها
ماجد:مين دى مريم أختى لااا دا انت ناوى تموت البت بقى
محمود:يا راجل حرام عليك دى مريم بنوته ذى العسل
ماجد :اه العسل الأسود يا ابنى دى لو طالت تخنقها مكنتش اتأخرت
محمود :ليه يعنى دا حتى مريم لطيفه جدا
ماجد :اااه لطيفه دا معاك بس بص يا محمود مريم مبقتش صغيره وبطل تعاملها كده ولازم تحطلها حدود حاولت افهمك قبل كده لكن انت بتاخدها بهزار لكن لحد هنا وبس انت عارف انا صممت ابعت امى معاها وهيا بتودى الخضار لمراتك عشان متمسكش فى خناقها وتفضحنا وقالت عليها طيبه لأنها لاحظت انك اضايقت من كلام أمى وكان أملها تضربها ولما اتصلت بقت هتتجنن انك قلقان على مراتك وفى فرحك مجتش لأنها لو جت هتنهار لما تشوفك بتتجوز غيرها ولما جيت فرحت انك واقع مع مراتك ولما اتصلت سمعتنا وهيا اللى فضحت الدنيا فى البلد ووصت الحريم يضايقوها انا هاودتك لكن انا مليش فى نشر الفضايح وزعقت لها على كده مريم حب طفولتها بقى مراهقة واعتبرتك حقها و قالت للناس كلها انها بتحبك وملكك وليك انت بس انت عارف أن احمد بيحبها وخطبها ووافقت لمجرد تبقى مخطوبه ذى صحابتها بس لما وقعت مع مراتك أملها اتجدد و بدأت تصده دى اعتبرته عدوها لأننا موافقين ودا هيبعدها عنك انت بتحبها كاخت وبتعاملها كده لكن هيا فسرتها حاجه تانيه لأنكم مش اخوات فعلا وهنا الوضع مختلف عن القاهره العلاقات بين الراجل والست لازم تبقى واضحه وهيا مش متفتحه كفايه عشان تفهم انها بالنسبة لك أخت وبس
محمود قاعد مبرق ومصدوم من اللى بيسمعه😮 :يااه معقول اللى بتقوله دا وليه مقولتليش
ماجد :كنا بنقول لعب عيال وطيش بنات انا قلت انها عقلت لما انت اتجوزت وفهمت اتاريها مستنيه على أمل وخلافك مع مراتك جدد أملها وصدقت اوهامها فقلت لازم انبهك لانها ممكن تعمل اى حاجه عشان تخلص من مراتك مش عارف اية الغل دا
محمود :معقول انا كنت أعمى للدرجه دى عموما انا من هنا وجاى هعاملها رسمى لحد ما تشيلني من دماغها خالص
ماجد :بس انت مقولتليش مين شار عليك بحكايه الطاعه دى وكنت فين الساعه اللى غبتها دى
محمود حكاله كل شىء:بس تصدق كل ما أبقى لوحدى الاقينى بفكر فيها بدل ما أفكر فى مشاكلى وافتكر كلامها ضحكتها وجنانها ههه مستحوزه على تفكيرى حتى من غير ما اعرفها حتى لما اذيت سهر لقيتنى بسال نفسى لو عرفت هبص فى وشها ازاى
ماجد :اوبا شكلك وقعت ولا حدش سمى عليك بس انت مجنون يا ابنى دا انت متعرفش عنها حاجه ابدا هتوصلها ازاى
محمود :معرفش بس لو لينا نصيب هنتقابل تانى يا إما هتفضل ذكرى حلوه فى قلبى وحلم متحققش
ماجد:واااو وكمان بتقول شعر ياعينى دا انت سنينك سوده طب استنى لما نخلص من واحده وبعدين دور على التانيه قوم قوم نتخمد صدعتنى عاوز اصحى بدرى اصلى الفجر وابقى اجيب الحاجه من الدار قبل الناس ما تشوفها
(((((((((******))))))))
من اسبوع فات
رنا:هاه جيبتى ايه يامنيله اوعى يكون انضحك عليكى فى السعر
ريهام :ياختى اسم الله اللى يسمعك يقول ناصحة ومبتتخميش فى أى حاجه خالص
رنا عملت عبيطه و حطت ايديها ورا ضهرها وقعدت تبص لفوق يمين وشمال وتصفر
سلوى :سيبك من دا كله انتى بتوهى ليه
ريهام:اه صحيح هو المز دا ظروفه ايه شكلك انسجمتى اوى
سلوى:ههههه يا بنتى دول فرشو وقعدوا وناقص يجيبوا ترمس ودره مشوى😏
ريهام:دى ما صدقت قولنا لها خليكى إلا ما قالت لأ انا جيه معاكوا لزقت بغرة جنبه
رنا:يا ساتر يا رب ايه دا قاعدين تقطعوا فى فروتى وأنا لسه ممشتش أمال أما أمشى هتعملو ايه يا باااى
ريهام:ايه دا دا انتى لوكل خالص ايه فروتى دى ياى
رنا:لا حوش حوش الإتيكيت اللى انتى فيه اللى أول ما التفت طلعتى تجرى ههههههه كان منظرك يهلك من الضحك
سلوى:والله ماتفرقوا عن بعض بقى الواد عليه لبس وعربيه وحلاوة مبنشفهاش الا فى الأفلام وتقعديه على الرصيف يا قادرة وانتى الغلبان بتاعك كل مايقلب رومانسى تقلبى عباس جتكم الهم
رنا و ريهام بصوا لبعض ورفعوا حواجبهم وطاروا وراها جرى
رنا و ريهام و سلوى ساكنين فى بيت واحد وأصحاب من صغرهم أول مايجى الليل يطلعو السطوح ويقعدوا يحكوا ويلعبو ويحلمو و يضحكوا كانت دائما رنا اللى تبدأ وتحل كل المشاكل بالهزار لكن المره دى أول ما طلعت فردت ضهرها على الأرض وحطت ايديها تحت رأسها وفضلت تتفرج على النجوم وهما كمان
سلوى بتتنهد اوى:ياما نفسى أحب واتحب
ريهام:مستعجله على وجع الدماغ ليه
سلوى:هو كده طب انا هقول لحسام الست ريهام بتقول عليك وجع دماغ
ريهام :يوووه يا سلوى هو الواحد مينفكش معاكوا بكلمتين
رنا:بس يا سلوى واضح انها معبيه ومش ناقصه خير هو حسام مزعلك ولو انى مظنش دا بيحبك اوى
ريهام:صحيح وأنا كمان بموت فيه بس بس يعنى انا خايفه أوى
رنا :من ايه مش فاهمه
ريهام :من يعنى قصدى من الجواز
رنا:فعلا هو الجواز مسئوليه كبيره لكن سوا هتقدروا تتحملوها وبالحب كل العقبات هتتخطوها
ريهام :لأ انتى مش فاهمه انا قصدى ال ال الدخله نفسها لو تعرفى اللى أمى قالتهولى هتترعبى
سلوى:نعععم انتى بتستهبلى طب مهو أن ما كنش النهارده هيبقى بكره هتأجلى لامتى لحد ما يزهق ويمشى
رنا:لا يا ريهام أمك تفكيرها قديم ومتجوزتش ابوكى عن حب كان جواز صالونات عشان كده وافقت على حسام (أمها مفتريه وقويه ومحدش قادر عليها حتى جوزها مع ان معندهاش غير ريهام) لو عرفت أنكو بتحبو بعض كانت الجوازة باظت حسام بيحبك كلنا خايفين بس الرجاله مش ذى بعض انتى لازم تكلميه لأن تصرفاتك بتخليه يشك انك مش بتحبيه وعاوزاه وممكن يمشى فعلا وساعتها هتقعى فى واحد من عينت اللى أمك بتحكى عنهم وهتشوفى السواد الوان وساعتها مش هينفعك ندم ولا قولة ياريت
سلوى :عشان كده كل يوم تلففينا كعب داير ومتجبيش إلا حاجه بسيطه ونرجع نعيده تانى وتجيبى نفس اللى سبتيه انا كنت بقول يمكن مش قصدها وبقالنا شهرين مكتوب الكتاب و كله جاهز إلا هدومك مش عاوزة تخلصيها وحاجات العرايس مش عاوزة تجبيها يا بنتى دا انتى بتعقبينا كده مع ان أمك اللى تستاهل الدوخه دى يمكن مخها ينضف
ريهام:تصدقوا عندكم حق انا لازم أكلمه
سلوى:أيوه كده اعقلى وخلينا نفرح عقبالى وانتى ياست رنا توهتى ومقولتيش كنتوا بتحكوا فى ايه دا كله
رنا:عن مراته الخاينه الطماعه
ريهام:نعععم ياختى مراته وانتى عملتى ايه😞
رنا:نصحته يطلبها فى بيت الطاعه ويربيها ويمكن فى الآخر يرجعوا لبعض
سلوى:ياختى حلوة حد شافك النهاردة انتى هبله يا بت
رنا:يوووه يعنى كنتى عاوزانى اعمل ايه اقوله ولع فيها ويعدين انا مالى آلله
ريهام:ياستى لأ عموما لو ليكو نصيب هتتقابلو تانى ألا هو اسمه ايه
رنا:معرفش حتى أما سألني عن اسمى مقولتلوش قلت خلينا أغراب احسن مش عارفه ليه يمكن لأن فرق المستوى بينا أقرب للمستحيل بلاش أعلق نفسى بوهم كداب
ريهام:وانتى كده متعلقتيش انا مش هتكلم عشان المراره متفرقعش😤
رنا:ماهو انتو السبب باحكامكم الغبيه
ريهام:وكمان ليكى عين تتكلمي أيش حال انتى اللى بداتى دا أنا حسام بيذلنى بيها لحد دلوقت
سلوى :هههههههه مش قادره انسى منظرك ساعتها وانتى ماشيه وراه بتعاكسيه وتقوليله ايه دا هو القمر بيطلع بالنهار قديم اوى الجو دا يا بنتى دا اتلغى حتى من المقرر دا كان ناقص تقوليله شايف القمر يا قيس ههههههه
رنا:لأ وهو أول ما سمع الكلام دا أتلفت وعنيه بتطق شرار دى شافته طلعت تجرى وجه ناحيتنا سبتينى يا واطيه و طلعتى تجرى وراها وانا من المفاجأة معرفتش اتحرك اااه اندال وربنا
سلوى:وانا اعملك ايه بس صحيح انتى مقولتليش ايه اللى حصل بعدين أنا فجأه بعد يومين لقيت ريهام جايه تضحك زى الهبله بتقولى اتخطبت لحسام حسام مين يا بنتى بتاع القمر هههههههه
رنا :بعد ما جريتوا يا اندال لقيته جاى يسألني انتى صاحبتها وانا من الرعب رجلى بتخبط فى بعض وبقوله هيا مين قالى الهبله اللى كانت بتعاكسنى
ريهام:نعععم هبله بقى كده يا حسام والله لأوريك
رنا:النبى تتلهى المهم انى هديت وفهمته الحقيقه عن الحكم وقالى أنه شافك أكتر من مرة وماخدتيش بالك منه وأنه معجب بيكى ونفسه يرتبط بيكى وأما سأل عرف أن أمك دقه قديمه والكلمة كلمتها وفى نفس الوقت خايف ترفضيه وعايز يبقى بينكم إعجاب متبادل قلت له اننا قاصدين ندبسها معاك لانها معجبه بيك ومش عارفه تكلمك وكانت هتموت من الكسوف وهيا بتعاكسك قالى بجد والنبى طب اعمل ايه أتقدم على طول ولا اعمل ايه قولت له لأ أنا هقول لأمها أنك قريب صحبتي وبتدور على عروسه ووصتنى ادور لك معاها وملقتش أحسن من ريهام بس لازم اعرف شغلك ومهيتك عشان اقولها وأول ما توافق تيجى على طول وخليها مفاجأة لريهام عشان مننكشفش قالى أنه مهندس فى شركه مقاولات كبيره ومستواة المادى كويس وعنده شقه جاهزة ليه وعربيه ولو وافقت أمها قابليني هنا بكره نفس الميعاد وقوليلى وفعلا نفذنا وكله تم على خير
ريهام:ياولاد الايه كل دا واحنا مش حاسين دا أنا كنت عاوزة اقتلك لما ماما قالتلى أنك جيبه عريس وأول ما شفته رميت صينيه العصير وجريت على اوضتى مش مصدقه ماما افتكرتنى رافضه فعندت ووافقت
حسام من ورا باب السطوح : بتقطعو فى فروت مين
كلهم اتخضو وقامو اتعدلو
سلوى: ايه دا فزعتنا طب كح اتنحنح اعمل اى منظر افرض حد من الحريم خالع راسه ولا حاجه
حسام: خالع راسه انتى رأسك مش موجوده أصلا وبعدين انا كنت بتكلم من ورا الباب عشان كده(بص لريهام )ازيك يا ريهام منوره السطوح مرضتيش ولا عشان غلطانه بصى يا بنت الناس الحب مش بالعافيه لو مش عاوزانى احنا لسه عالبر
رنا:أهدى يا حسام ريهام بتحبك بس فى حاجات لازم تتكلمو فيها سوا عندكم التكعيبة أهه واحنا هننزل (بعد ما نزلو)حسام:اتفضلى ياختى عالتكعيبه أما نشوف أخرتها تصدقى التكعيبه حلوه بتعيطى ليه دلوقتى
ريهام:عشان هتسيبنى
حسام:أسيبك حد يسيب روحه دا انتى روحى يا ريهام أنا قولت انتى اللى مش عاوزانى من ساعه مبدأتى تتهربى منى كل ما اجى ازوركم واخر ما غلبت قولت اواجهك وأخلص بقى
ريهام:لا انت فاهم غلط أنا مش بتهرب أنا بس خايفه منك و محتاجه ليك
حسام :خايفه منى ليه هو أنا بعض و محتاجه ليا أزاى وانتى خايفه منى لاء انتى كده ناويه تجننينى
ريهام :مش عارفه ابدا منين بس بس أ أ أنا لازم اقولك (شويه واستجمعت شجاعتها وغمضت عنيها وهيا وشها أحمر و غرقان دموع) وقالت له فى الاخر أنا عارفه أنه حقك وعارفه انى مكنش لازم اقولك لا تفهم غلط بس مش قادره خايفه والله ما فى حاجه مخبياها وأنت أول واحد قلبى يدق له وهتكون أول واحد يلمسنى بس مش كده ليه مش بالحنيه ليه أنا حضرت أفراح كتير كلهم بيبقو مبسوطين ليه أنا متبسطش ليه مليش حق زيهم أنا حكيت لرنا وسلوى بس مقولتش الحقيقه قولت انى خايفه لتكون عنيف معايا ليله الدخله لكن مقدرتش اقولهم على الكارثه الكبيره فاكر آخر مره قعدنا سوا وكنا سعدا ببعض بعد كتب الكتاب بأسبوع قبل ما أمى تقلى على طلبك ولقيتك بتبصلى بغل عشان مرفضش رعبتنى يومها
حسام كان مصدوم من اللى بيسمعه اخدها فى حضنه وفضل يطبطب عليها:هشششش أهدى خالص متخافيش عمرى ما هأذيكى أو أعمل حاجه تضايقك واضح أن أمك لعبتها صح أنا يومها كنت مفروس منك لأنها قالت لى انها رغبتك ودا اللى هيثبتلك انى راجل بقيت اقول لنفسى معقول يا ريهام منتش شيفانى راجل ومش هملى عينك غير لما ابهدلك كده قدام الناس لولا أمى الله يحفظها لى قالت لى مش معقول ريهام بتتكسف من خيالها دى لازم أفعال أمها عشان قالت لك متكلمش مع ريهام لتقلق منك أنا حذرتك انها لبط وملهاش كبير ومبتعملش حساب لحد ولا حتى جوزها اسأل ريهام ومن يومها وانتى بتهربى ومعرفتش أسألك
ريهام:يعنى انت مش عاوز الدخله البلدى دى طب ليه ماما بتعمل كده وليه مرفضتش
حسام:أنا يومها مسكت نفسى بالعافيه عشانك والا كنت فتحت دماغها هيا فسرت سكوتي على مزاجها بس أنا سبتها لانك لسه فى بيتها ومسكانى من ايدى اللى بتوجعنى لكن لما تبقى فى بيتى والله لو اتنطتت سيبيها وماترديش عليها وانا عارف هعمل فيها ايه وادينا اتعلمنا من هنا و جاى أى مشكله نناقشها ونصارح بعض منسمحش لطرف تالت يدخل بينا ويوقعنا فى بعض
ريهام :أنا بحبك اوى يا حسام واسفه على سوء ظنى
حسام:لا يا ماما الأسف دا مينفعش دا كان فى الخطوبه انتى مراتى وحاليا هنعمل تعديل بسيط فى طريقه الاسف وقرب منها وشدها بشويش ناحيته وضم وشها بايديه وقرب منها شايفه حضنت شفايفها وهيا كانت مستسلمة ليه وسعيده انها بين ايديه شويه وبدأ يبوس خدها ورقبتها وبعد شويه وقالها: شفتى بقى الصلح حلو أزاى لأ وبعد الجواز ما يتم الطريقه دى هنطورها كمان😉
ريهام اتكسفت اوى وبعدت شويه :مجنون افرض حد شافك
حسام :مراتى حد له عندى حاجه
ريهام: ههههه مش بقولك مجنون ههههه
أم ريهام:ايه يأولاد متضحكونا معاكو وقعدين لوحدكو فى الضلمه ليه مش كده عيب ولا عشان كتبت الكتاب خلاص لا دى لسه مبقتش فى بيتك