رواية مهاد والنذير
الفصل السابع عشر17
بقلم منوش
قعد جنبي مسك لي يدي قال لي مالك حبيبي الحاصل شنو مالك اتغيرتي فجأه كدا قلته ليو اسأل نفسك انت المتغير شايل تلفونك و م شغال بي شكلو في واحده تانيه قعد يضحك قال لي وين واحدة تانيه م قلنه في غيرة قالو لا حضني عليو قال لي مستحيل انشغل منك ولا افكر في غيرك انتي حبيبي وبس لكن فعلا في حاجه شاغلاني لكن غير الفي بالك هسي قومي معاي قلته ليو وين قال لي ننوم في غرفتي قلته ليو انا ح نوم هنا قال لي لا تاني مافي ليك نوم لوحدك نومك معاي وجنبي قمته مشيت معاهو اول شئ مشيت عملته عشاء قعدنه حضرنه فيلم بعدين جهزته الاكل اكلنا ودخلنا غرفه النوم رقدنه كل واحد في اتجاها قال لي كدا مرتاحه يعني قلته ليو ايوة نمنه زي ساعه كدا تلفونو ضرب ردا شكلها كانت بنت لانو قال ليها تمام دقايق واكون عندك لبس سريع وطلع انا خلاص النار عايذه تاكلني لكن انا اصلا م مرتو لانو زواجنا علي الورق حتي ولو دا م بديو الحق انو يخوني طلعته قعدته في الصالون الساعه تلاته وهو م جا مرت تاني ساعه وهو م جا بعد شويه سمعته حركتو وهو بفتح في الباب كنته داخله غرفتي لكن تاني وقفته ليو لمن شافني قال لي مالك صاحيه قلته ليو اسمع بكرة تسلمني ورقتي قال لي بسم الله ورقته شنو يا بت قلته ليو طلقني بس قال لي روقي افهمك قلته ليو م عايذه افهم زاير قميصك وضحت اي شي