رواية تزوجت اخو زوجي الفصل الثاني2بقلم وسام الفرجاني
كاعدين بالحديقة اني وعمتي وحسام ديلاعب بطوعة ..
اندك الباب .. اندك 3 مرات بس سريع ..
فتحنا الباب !!
زلمة فات ووكف ع درجة الباب يشبه زياد !!
بس هذا شعره ولحيته طويلة ومتعوب
بس ملامح قوية من زياد !!
كلبي فز ميعرف شيسوي !!
شسوي حسام يمي كاعد
طوعة جاي تلعب بالحديقة ..
عمتي كعدت ع رجليها عرفته بسرعة صارت تبجي وفتحت ايديها ..
اني من شفت عمتي تأكدت مدا اتخيل تأكدت احساسي صحيح هذا زياد بس مو زياد قبل
زياد متغير 180 درجة ظالة منه بس ملامح السابق
ركض لحضن امه وهي تبجي وهو يبجي وصارت تحضن ويبوسون ببعض
بس جانت اكو نظرة وهو حاضن امه ما انساها طول عمري ولا نسيتها هو ديحضنها خاص بصفحة وسام الفراجي
يناظرني .. يباوع عليه .. مثل الي يكلي مشتاقلج ومستحي
كال هاي الحلوة منو ؟ عمتي ردت طوعة
فتح حلكه طوعة !"
سو بعدها صغيرة شنو ماتكبر تخيلتها عزبة هسة
تقرب عليها حتى يحضنها صارت تبجي وركضت ع حسام 💔
ضحك كال بنتي متعرفني حقها يصيحلها اني ابوج ولج تعالي ..
اكثر موقف حز بكلبي وما انساه
جان يظن طوعة بنته .. وهي بنت اخوه لان بنته ماتت !!
بس محد حب يفهمه وغلسوا بس اني انشك كلبي بهالموقف
وكفله حسام وطبعا حسام هم بموقف لا يحسد عليه وحضنه ووين جنت وحبيبي ومن هالسوالف وصارت بجي وكلها تكهد و تون ..
باللحظة الي حسيته نيته يجي عليه
ركضت ابجي لغرفتي
شنو يحضن وهو مايدري مو مسموحله
شنو يحضن واني هسة بذمة اخوه مو هو
يبو ع مصيبتي الي وكعت فوك راسي .. مشتاقتله اني .. ادري الكل حيكول عني شلون تحجين هيج و انتِ بذمة رجل غيره بس مشتاقتله .. عيونه فززن كلبي ..
عيونه الباوعت عليه رجعتني سنين ليورة ..
اباوعله من شباك يكوللهم شبيها زينة
كالتله عمتي خطية من صدمة لتدير بالك فوت والتمت عليهم العائلة والجيران وصارت هلاهل وتراحيب
وشاع الخبر بالديرة كلها .. خاص بصفحة وسام الفراجي
واني من البردة مالت الغرفة مغطية الشباك واباوع بخلسة عليهم بالحديقة ملتمين وزلم وحجي صوت عالي ..
يسألونه وين جنت وشنو هالغيبة
كاللهم قصة طويلة
تحتاج كعدة وتعليلة وجاي .. وكل شوي واحد داخل للبيت ياهلا بزيودي شهالغيبة ويتحاضنون
ههه احسد الي كدروا يحضنوه ..
كعدوا الناس بالديوان .. وحسام اجه عليه للغرفة شبيج ليش ضايجة اني اعرف موقفج و الشي الي صار عليج صار عليه
خلي تروح الناس ونتفاهم ع كلشي .. ضحكت اني ههه زياد عايش تعرف شنو زياد .. زياد يحسبني مرته دا تتخيل !
تتخيل واعدته محد يمسني .. تتخيل صدمته وهو يعرف اخوه ماخذ مرته ..
حسام كال .. يبو يهالطركاعة والله ادري وشالعة كلبي هالقصة بس ع الاقل خلي العالم تروح
طلعيلي فلوس اخذه للحلاق ارتبه وحضروله هدوم من هدومي بالحمام علمود يسبح ..
اخذه للحلاق وكملوا واجه سبح وترتب ورجع ذاك زياد القديم بس كبران سودة عليه ..
ماطلعت باب غرفتي ومن خلص سبح لاكي عمتي بالحديقة سألها وين زينة ؟
كالتله مشغولة هسة روحي اكعد يم الناس هسة يكلها وكت ناس هسة اريد احاجيها اشوفها
كالتله امي روح يم الناس هسة ..
راد يجي لكه غرفتي مقفولة الي نفسها تزوجت بيها زياد ..
خطية راح وهو مشغول عليه ..
اجوا ناس يسلمون عليه وكذا حدما فرغ البيت بالكامل ..
زياد متمدد بالديوان
واسمعه يكول لعمتي وين زينة
شو بس حيدر عندي وكل شوي ينهزم خايف مني
زينة طوعة خلي يجون ..
ماتحملت اني
طبيت للغرفة كتله زياد اريد احجيلك كلشي ..
عمتي عيطت عليه كالت زينة يعني شبيج متكدرين تتحملين لثاني يوم كتلها عمة هاهي خليني احجي
زياد صافن عن شنو ديحجن
كال شكو مجاي افهم شنو صاير احجي زينة ليش خايفة وعيونج وارمة شبيج
كتله زياد انت ضعت منعرف عنك خبر وظليت منتظرتك كم سنة بعدين اجانة خبر يكولون مات وسوينالك فاتحة
كال صدك تحجين مسويلي فاتحة كتله اي ..
عمتي حجت من مكانها كالت وليدي زياد اجانه خبر شهادتك غير فاتحة نسوي
كتلها عمة من رخصتج خلي اكمل الي اريد اكوله وهاهي
اخذت ابني ورحت لبيت اهلي
بهاللحظة فاتت طوعة للغرفة وراحت ركض لحسام عاد كال فوك مو اهلي مسويلي فاتحة انوب بنتي متعرفني ..
كتله زياد اسمعني
بنتك ماتت ببطني وهاي بنت حسام كال هاي شنو وانو اكول صار هواي مفقود معقولة بعدها بهالصغر صدك صرت شايب ومدا اجمع
كتله زياد اسمعني بس اكمل
طوعة هاي بنت حسام واني امها !!
اني تزوجت حسام اخوك !!
تزوجته لخاطر ابنك مو علمود اتزوج اني
علمود احافظ عليه يكبر بين عمامه !!
كال شنو ؟ كتله مثل ما سمعت ..
يمة صدك تحجي زينة ..
عمتي دنكت سودة عليه وصارت تبجي كالت ..
حط راسه ع الحايط وكال ..
لو ظال مو جاي هواي ارحملي .. لو طلقة وميت ولا هالشوفة ولكم اني نص عمري راح تايه
ومن اجيت حتى اعيش انصدم اخوي ماخذ مرتي الي وعدتني ما تاخذ احد
كتله واني عند وعدي .. جان يعيط انجبي وهاي الي جايبتها وهذا الي ماخذته يا وعد تحجين عنه زينة ..
كتله والله عند وعدي والله
بس هسة صدك ما ظلي اي كعدة عدكم ابد يحرم عليه اشوف هذا البيت ..
طوعة لحسام
وحيدر لزياد
اخذوهم ماريد شي رايحة لاهلي .. طبعا بداخلي اريدهم غير قطعة من روحي بس اريد حل ..
حسام صاح واني دا اروح من الغرفة ..
كالي كدام الكل
طلاگ ما اطلكج وتبقين ع ذمتي لو مو اخوي !!