رواية تزوجت اخو زوجي
الفصل الثالث3
بقلم وسام الفرجاني
بس هسة صدك ما ظلي اي كعدة عدكم ابد يحرم عليه اشوف هذا البيت ..
طوعة لحسام
وحيدر لزياد
اخذوهم ماريد شي رايحة لاهلي .. طبعا بداخلي اريدهم غير قطعة من روحي بس اريد حل ..
حسام صاح واني دا اروح من الغرفة ..
كالي كدام الكل
طلاگ ما اطلكج وتبقين ع ذمتي لو مو اخوي !!
كتله لا اريدك ولا اريد زياد عيشوا حياتكم بعيد عن زينة رايحة لأهلي وانتو اختاروا ولدكم
وتزوجوا الي تريدوهن واذا نسوانكم الجديدة ما يقبلن بحيدر وطوعة
عود دزولياهم .. لا تقهرون نسوانكم !!
رتبت شالي ملابسي طلعت ..
طلعت عمتي وراي خلي واحد من الولد يوصلج يا بنتي شلون تطلعين وحدج مو عيب ..
كتلها عمتي حبوبتي لازم اتعود استند ع نفسي واصير امراة بالف رجل لان الظاهر الوكت هيج يريدني بلا رجل
كامت تبجي عمتي وبوستني كالت بس خلي اشوف تالي هالقصة تجين هنا ترجعين
كتلها لا عمة هاهية هذا البيت مع احترامي الج ماشفت بي خير ابد القصة خاصة بوسام الفراجي
لزمت عمتي #ملفع اذا تعرفوه يصير اسود مال نسوان وعجايز كبل وشدته ع راسها وكالت اني اوديج واروح وياج كتلها عمة لا فدوة اروحلج ..
زياد وحسام و الي يصير بيناتهم يحتاج وجودج لا تخليهم بتعاركون بيناتهم ..
واني رايحة لأهلي راح اسأل الشرع واشوف حل لقصتي الي صارت اكشن مو قصة حتى اذا نحجيها للعالم راح يكولون كذب
المهم رحت اني لبيت اهلي ..
وطبعا اهلي من نوع مسالمين جدا وابوي فقير ومو مال مشاكل .. بس من يتعصب او يقفل ع رأي خلاص ميتغير الا نادرا
انكطعت اخبارهم عني .. ظليت ببيت اهلي وطبعا عرفوا كل القصة .. وكالوا ظلي حدما يلاكون حل بيناتهم
وصار شوكي لطوعة وحيدر ما ينوصف عطشانة لشوفتهم عطش مو طبيعي ..
بالليل اضعف هواي واقرر اروح اشوف جهالي وبالصبح اكول لا ..
لازم يصير حد للمهزلة هاي اني مو بنت ليل حتى اخوان اثنين يريدوني الهم وبنفس البيت اكعد شيوديني لازم اثكل
اني صوجي والله جان لازم افكر بالنتيجة ..
اندك الباب ..
فتح الباب ابوية ..
هلا بيج شلونج شلون صحتج وابوي من نوع اليستحي .. ومدنك ويحجي وفتح الطريق صار عندي فضول اعرف منو هاي !!
جارتنا اسمها ام سارة وسارة بنتها الي هي صديقتي روح بالروح .. مو جيرانة كولش بس يعني دائما تزورني خصوصا بعدما اتفقد زياد ..
هاي شنو شجابها هنا شعدها ..
طلعتلها ياهلا ومية هلا .. ما اصدك عيوني ام سارة ..
وسريوة حبيبتي حضنتها كلش ومكدر اسيطر صرت ابجي وبجت وياي سارة ..
ابوي عاد كال اهوو رجعنا لهالبجي الاكشر يماما ميصير هيج غير جايين زيارة تبجين ضيوفج ليش
سكتت وكعدتهن بغرفتي
واجت امي كعدنا كلنا وسولفنا ..
جان سارة تكولي .. عرفت كلشي وعرفت حالتج وكلت اجي اطمنج ع جهالج بارحة جنت يمهم وشفت جهالج وبوستهم وما بيهم شي واجيت متعنية من هناك حتى ابرد كلبج عليهم لان ادري بيج وحاسة بموقفج اني هم مطلكة وابني عايش عند #سيف ابوه تدرين بقصتي بعد..
كتلها اعرف ولو سيف خوش ولد بس هاي بعض مرات ينفصلون الاثنين اجباري غصب عنهم حتلو يريدون بعض بس باوعيلي اكلج
كلت الها بذمتج سارة حيدر وطوعة شلونهم لتحجيلي الا الصدك ..
كالت والله والله يازينة بارحة جنت عدهم ديلعبون ومحد يمهم بس التفاصيل الباقية ما ادري بعد ممكن تفهميني شنو صاير
حجيتلها الي صار وكتلها هسة كل واحد يكول اني ما اترك ام جهالي ..
كالت ام سارة اني اعرف واحد رجل دين ويعرف هالتفاصيل نروح عليه انتِ ميصير تبقين هيج صافنة القرار مو الج ولا لزياد ولا لحسام
القرار للشرع لازم يحكم بيها الشرع ..
ونعرف شنو ممكن يسوي لان هالشي بي حرام وبي حلال وبي جنة ونار
امي كالت اي والله يا ام سارة ياريت احنه ماعدنا هنا معارف هواي بهالخصوص ..
ثاني يوم سألنا الشرع .. وطبعا ما اكلكم يا شرع بيهم بس المهم سألنا وكالوا لازم تطلك من الاخ الثاني الي متزوجه منه الزواج الثاني وترجعين للاول طبيعي ..
يقصد اطلك من حسام وارجع لزياد ..
كلت لسارة يبو عاد هذا حسام قافل شلون وياه
كالت هذا شرع ودين قافل مو قافل
مستعدة تعيشين بحرام ؟
كتلها لا
كالت اذن يطلك غصب عنه !!
كتلها زين وبنتي طوعة !!
كالت خليها اله هاهي شسوين قابل
اوف والله ما اكدر ع فراكها .. كالت سارة زيينة فكري بعقلج ادري بنتج وادري تشتاقين بس هيج انحكم عليج وبعد بكيفج .. اني عفت ابني تجنبا للمشاكل لطليقي سيف ومجبورة تحملي مثلما تحملت
رجعنا وكاعدين ننتظرة الغدة اندك بابنا ..
عمتي ام زياد وحسام بالباب
كمتلها وبوستها مشتاقتلها جنت وهي تبوس بية وتكلي البيت من دونج ميسوة وبجتني كلش وطبت سلمت ع ام سارة وسارة ومن شافتهن اها هنا شو
كالن اجينا نشوف جنتكم ونسلم عليها ..
كعدت عمتي وكالت لامي ..
ام زينة اني جاية حتى اخذ زينة للبيت واخليها كدامهم منو تختار ومنو تعوف .!
امي كالت .. هاي شلون يا ام زياد ميصير هيج شنو تختار شنو تعوف ميصير شلون تقبليها قابل هي لعبة صيري بمكانها تقبلين هيج ؟ ..
ام زياد .. كالت والله صعبة اعرفها بس هم مجبورة ولدي حيتذابحون بيناتهم ومدا اكدر لاكي حل كلت بلكي هيج يشوفون هي تختار الي تريده وتفض القصة ...
ام سارة كالت ام زياد عيني
الشغلة مو هيج .. هاي سالفة لازم يتدخل بيها الشرع يفصل ويحكم بيها مو بكيفنا .. وطبعا قبل جانت البشر ع نيتها يعني مو كلها بس يعني شفنا الشياب كبل شلون ع نياتهم يعبالون كلشي ينحل بيناتهم
كالت شلون ام سارة ؟
كالت الشرع يكول يطلكها حسام وترجع لزياد
كالت يمعودة كولي غيرها كالت والله يا ام زياد
امشي نروح نسال انوب
رحنا اني زينة وامي .وابوي . وسارة وامها .. وام زياد ..
ونفس التفاصيل ونفس الحجي ..
هنا عمتي استسلمت وكالت شلون اذا حسام عرف بالشرع شيطلب معقولة ينفذ ..
المهم باتت عدنا وطلعت من الغبشة ع اهلها ..
وراحوا وياها ام سارة وصديقتي سارة
الصباحيات الساعة 10 تقريبا اندك بابنا وابوي ما جان موجود .. طلعت فتحته لكيت حسام بوجهي !!
فزيت بصراحة .. وهو باوع ع صفحة وكالي شبيج فزيتي اني زوجج وابو بنتج لو نسيتي ؟
زينة : حسام شتريد ؟
حسام : ايباه هيج يعني شتريد عبالك غريب ..
كتله حسام شتريد فضني
حسام: امي اجتكم وينها ؟
كتله راحت ...
هو صفن شوي مدري شدا يفكر ..
حسام : ادري بيها .. شعدها باتت يمكم ؟
جاوبته ..رحنا لشيخ حتى يفتي بشغلتنا
حسام: اها مم .. واجيت اخذج حتى نشوف شيخ دين يفصل سالفتنا كدامنا اني وياج لان ما اصدك ب اي احد ..
كتله شلون ؟
حسام: نروح سوة شلون يعني بس يعني يمكن مو راهمة اظل بالباب واكف عبالك غريب ..
كتله - ماكو احد بالبيت تقبل تفوت لبيت بس نسوان ؟
حسام: اها لهذا السبب بس ؟
جاوبته اي
حسام : صيحي امج اريد ابلغها اذا تقبل اريد اخذج هسة وافض المشكلة لأن طولت لو اني ما عندي بنت عادي اطلكج بس ذنب بنتي طوعة شنو ؟
صحت امي وكاللها وقنعها وامي استحت منه ووافقت ولبست ورحت وياه ..
دا اشوف واحد ديلاحكنا لاحظته كولش بس محجيت لحسام ..
وصلنا لبيت .. كتله شنو هذا ؟ وين مو كلت شيخ ونشوف القصة كال اي هو يجي هنا ..
البيت هذا مو فارغ بيت صديقي ..