رواية تقي
الفصل الاول
بقلم اسماء عبد الهادي
بصلها وهي نايمة بحب شديد
فضل يلعب في شعرها بحنان وهو بيقول عملتي فيا ايه خلتيني اتعلق بيكي بالشكل دا، وجودك في حياتي كان لعنة معرفتش اتخلص منها، بس تعرفي أنا اعترف انك احسن حاجة حصلتلي في حياتي كلها، أسف على كل اللي عملته فيكي وانتي اتحملتيني لحد ما اتغيرت
تقى كانت صاحية وعاملة نفسها نايمة وابتسمت لكلامه واتنهدت براحة الحمد لله يارب
استوب خليني احكيلكم الحكاية من الاول
تقى كانت ماشية في طريقها للشركة ولما وصلت وقفت في طابور البنات على البوابة علشان يدخلوا واحدة واحدة بالكرديت التعريفية اللي معاهم
ووقتها كان المسؤل واقف يحكي مع البنات ويهزر ويقول نكت والبنات كلها تضحك الا تقى الوحيدة اللي تعابير وشها متغيرتش ولا كأنها مهتمة خالص للي بيقوله ولا مركزة معاه
واللي عملته دا استدعى انتباه فايز
مدير وصاحب المصنع اللي هي شغالة فيه واللي بيحب يجي وقت دخول البناات علشان يختار له بنت يقضي معاها وقته بالفلوس ودا طبعا لانه زير نساء من الدرجة الاولى
فقال
غريبة البنت دي اوي ولا كأنها واقفة معاهم، البناات كلها بتضحك واللي بتبتسم بس ودي واقفة دي الصنم دا الصنم ممكن يتحرك عنها لا سيبني من النوع المعقد دا واخليني ف الحلويات ودل
صرف نظره عنها بعدها وبدأ يبص ع البنات التانية بحقارة وشهوانية
راحت تقى وقعدت ع مكنة الخياطة زي عادتها وبدأت شغل
وسمعت البنات جنبها بتقول
يا باي مكنة شغل مبتنطقش ولا حرف ولا بتضيع لحظة واحدة من وقتها كله شغل شغل دي حتى مبتلتفتش جنبها لثانية واحدة
الكلام دا لفت انتباه فايز اللي قرر يعمل مرور على البنات يشوف شغلهم والمرة يسلي وقته وعينه الزايغة
فراح عندها فلقاها فعلا بتشتغل بهمة ونشاط كبير مش موجود عند غيرها
فقرب منها وقال برافو عليكي مشوفتش حد من الموجودين هنا بنشاطك واتقانك للعمل
تقى مردتش عليه وتابعت شغلها بمهارة وحرافية عالية
ودا دايق فايز فقال بانزعاج
انتي انا مش بكلمك هو انتي طارشة ولا ايه ،
وبص لحلمي المساعد بتاعه وقال
البت دي طارشة ولا ايه
حلمي
لا يا باشا مهياش طرشة ولا حاجة هي كدا مبتتكلمش مع حد وخاصة الرجالة تلاقيها بس متعرفش مين حضرتك
فايز بصلها وقال انتي اسمك ايه
رفعتله تقى الكارنيه بتاعها من غير ما تبص ليه
فايز قرأ الاسم ممم تقى عبد الصمد
وانتي يا استاذة تقى مش من الزوق والادب لما اكلمك تبصي عليا ولا تعملي اي اعتبار حتى ولا للدرجة دي متكبرة والغرور ماسكك وهتتنططي ع مديرك وصاحب الشغل اللي بتأكلي من خيره
تقى ادركت ان دا صاحب المصنع مش واحد من العمال او المشرفين فقالت
العفو حضرتك ، انا فكرتك واحد من المشرفين فمهمنيش الكلام معاه لأي سبب هو ليه يشوف شغلي على المكنة وبس
فايز ابتسم وقال اخيرا اتكلمتي انا فكرتك خارسة بجد
تقى لا الحمد لله بقدر اتكلم كويس
فايز ممم وانتي عندك كم سنة يا تقى
تقى بهدوء امم مأظنش ان دا هيفيد حضرتك بحاجة قد ما هيفيدك شغلي ولا ايه
فايز اممم لا انتي طلعتي جد اوي وصعبة في التعامل
تقى الكل بيقول عليا كدا فعلا
فايز ممم اعتبر دا غرور منك مثلا
تقى مع احترامي لحضرتك ميهمنيش رأي الناس عني طالما انا عارفة قيمة نفسي كويس قدام نفسي ودا يكفيني
فايز مكانش متوقع ان فيه بنات في سنها كدا وبالحكمة والعقل دا وخاصة انه واضح من شكلها انها لسه صغيرة مش كبيرة
فقال امم تمام تابعي شغلك يا تقى
وساب المكان وراح ع مكتبه وهو بيفكر فيها وقال حلمي
حلمي كان واقف جنبه تحت امرك يا فايز بيه
فايز عايز ملف البت دي وأصلها وفصلها
حلمي من عيوني يا باشا ملفها كله موجود عندنا هنا هطلب من السكرتيرة تجيبه لحضرتك
فايز لا انا مش عايز اعرف مؤهلها ولا ابوها وجدها اسمهم ايه ، انا عايزك تسأل عن حالتهم المادية عاملة ازاي وساكنة فين وعايشة ازاي
حلمي ابتسم ليه يا باشا خير البت عجبتك للدرجة دي فقررت تخش دنيا اخيرا
فايز اخش دنيا وجواز ايه وكلام فارغ من دا، ما انا عايش حياتي ملك زماني ومش مضطر للي بتقول عليه
حلمي معاك حق يا باشا بس اول مرة تكون عايز معلومات من دي عن بنت يعني ومعتقدش ان البت دي هتجيب سكة معاك دي بنت قفل والكل بيقول عليها صعبة ف التعامل اوي
فايز ما هو دا اللي لفت نظري ليها لنها مش زي اي بنت اشتغلت هنا، حتى البنات المحترمة اللي بتيجي هنا بتاخد وتدي انما دي مشوفتش ف دماغها دي اتنين علشان كدا محتاج اعرف اصلها وفصلها ايه
حلمي وماله يا باشا نجيبه بكرة بالكتير يكون عندك انت تؤمر
فايز ماشي يلا روح ع شغلك ودخلي البت لوزة تروق عليا شوية ع الصبح
حلمي ابتسم بخبث وماله ياباشا وتفطرك كمان ميضرش
فايز ابتسم تعرف انا ايه اللي مصبرني عليك يا حلمي
حلمي اني دراعك اليمين وحافظ اسرارك يا بيه
فايز تؤ انك لماح وفاهم دماغي فيها ايه
حلمي طبعا يا باشا دا احنا عشرة عمر واعرف كويس ايه اللي يمزج سعادتك
فايز طيب يلا ع شغلك
حلمي اوامرك يا باشا
وبعد شوية خبطت لوزة ودخلت
العواف يا بيه
ابتسم فايز تعالي يا قمر
وتاني يوم
حلمي دخل المكتب عند فايز وف ايده ملف
الملف اهو يا باشا فيه كل معلوماتها واصلها وفصلها كله
فايز ابتسم بخبث حلو اوي حطه ع المكتب لحد ما اقرأه بمزاج
حلمي ناوي ع ايه يا باشا
فايز بمكر
ناوي طبعا ان البت دي تكون جارية من الجواري بتوعي
حلمي ملقتش الا البت دي يا باشا ، بس تعرف يا باشا متشوق اشوف هتعرف توقعها ازاي
وبعد ساعة من قراءة ملف تقى
فايز قال بس لقيتها عرفت ازاي هجيب البت دي
حلمي قام وقف وقال اشجيني يا باشا
فايز اسمع احنا هنعمل اننا بنمضي العمال كلهم على علاوة الشهر دا وطبعا من ضمنهم البت تقى ومن ضمن الورق اللي هتمضيه تقى وصل امانة بمبلغ كبير ومن هنا اقدر ابتزها انا واخليها تقضي معايا ليلة حلوة اجرب الصنف بتاعها دا هل كنت عند ظني فيها ولا أنا طلعت غلطان
حلمي باعجاب بالخطة برافو عليك يا باشا دي خطة نمس بصحيح
فايز عيب عليك دا انا فايز باشا بردو مش اي حد
حلمي باشا مصر الكبير وكلنا بنتعلم منه والله
فايز طيب يلا روح نفذ
وبالفعل عمل حلمي المطلوب والبنات كلها جت مكتب فايز علشان تمضي على العلاوة وهي مبسوطة
وجه الدور ع تقى اللي قالت ف نفسها
الحمد لله يا من انت كريم يارب انت العالم بحالي وعارف اني محتاجة الفلوس دي علشان كريمة اختي علاجها اللي بقا مكلف جدا ومبقتش اقدر عليه
وبالفعل مضيت ع الورقة وجت تمشي
فايز قال
استنى لسه بقيت الورق
فقالت وهي مبتسمة علشان علاج اختها
حاضر همضي
وبالفعل مضيت وهي مغمضة على الورقة اللي فيها الخطة اللي متحاكة ضدها من غير ما تحس
فايز قال عال اوي تقدري تروحي يلا ع مكتب استاذ حلمي وهو هيوزع عليكم كلكم العلاوة
تقى بامتنان كتر خير يا فايز بيه
وبالفعل وزع حلمي العلاوات كلها ولما خلص دخل مكتب فايز وقال
المرة دي البنت كلفتك غالي اوي يا فايز بيه اول مرة تدفع مبلغ زي دا علشان توقع بنت
فايز لما نشوف اخرتها يا حلمي يمكن الغالي فعلا تمنه فيه
حلمي يارب فعلا با باشا وتعبنا ميطلعش على فشوش، ها هتبدأ تقولها امتا
فايز يومين كدا خليها تفرح بالقرشين اللي خدتهم الاول
وبالفعل بعد كم يوم
تقى كانت قاعدة ع المكنة بتشتغل بهمة زي ما هي متعودة
جالها المشرف وقال
تقى المدير عايزك روحيله مكتبه
تقي ودا عايزني في ايه مفيش بينه وبينه اي شغل وكل شغلي مع المشرفين وبس
المشرف وانا مالي معرفش عايزك ف ايه ما تروحي تشوفيه انتي خسرانة ايه
مشيت تقى فالبنات غمزت لبعض وواحدة قالت بسهوكة يا بختك يا بت يا تقى دا ايده سخية وهيغرقك فلوس
سمعتهم تقى وهي ماشية ومهتمتش
ولما وصلت للمكتب خبطت
فقال فايز ادخلي تعالي
تقى صباح الخير يا فايز بيه ممكن اعرف حضرتك عايزني ف ايه
فايز تعالي يا تقى ادخلي واقفلي الباب وراكي
تقى قال لا مش هينفع اقفل الباب ونكون انا وحضرتك لوحدنا ف المكتب، اتفضل حضرتك قول عايز ايه وانا واقفة هنا
فايز اتضايق منها
ما تقربي من المكتب يا بنتي هكلمك من اخر الدنيا كدا ازاي
قربت تقى من المكتب ع مضد وقال افندم يا فايز بيه
فايز عطاها الورقة وقال
اقري الورقة دي
ولما قرأتها تقى بصوت عالي
اقر انا تقى عبد الصمد بأني ادين لفايز بيه المهدي بمبلغ قدره مليون جنيه
تقى خلصت قراءه وبعدها برقت ايه؟؟ هو ايه دا انا مش مديونة ليك بحاجة يا باشا انا حقي ف الشهر باخده زي زي الناس مليون جنيه ايه دي
فايز بمكر مش دي امضتك
تقى ايوة يا بيه زي امضتي بس انا ممضتش ع حاجة زي دي ابدا
فايز يعني ممضتيش ع وصل الامانة دا من اسبوع وبتاريخة زي ما هو مكتوب
تقى ابدا يا بيه محصلش انا ايه اللي يخليني اكتب على نفسي مبلغ كبير زي دا وعارفة اني لو اتنططت طول عمري ، عمري ما هقدر اجمع تمنه حتى
فايز الوصل اللي معايا بيثبت كدا لنا مبجبش حاجة من عندي
تقى لو كان معايا مبلغ زي دا ايه اللي كان هيشغلني هنا ف المصنع لا يا فايز بيه وصل الامانة دا مش حقيقي وانا معملتش حاجة زي كدا
فايز بس حلمي المسؤل عن القبض والمرتبات بيأكدلي الكلام دا وقال إنه هو بنفسه سلمك المبلغ وانتي مضيتي على الوصل
تقى بحدة كداب ف اصل وشه اقسم بالله محصلش ، تلاقيه هو اللي طمع ف المبلغ قال يلبسها في البت تقى الغلبانة
فايز طيب نجيب حلمي ونشوف
ولما جه حلمي قال فايز
حلمي الوصل دا انت بتقول ان تقى اخدت المبلغ دا
حلمي ايوة يا باشا من قيمة اسبوع كدا جتني واسترجتني اسلفها علشان عملية اختها وصعبت عليا وعطيتهم ليها يا باشا
تقى كداب اقسم بالله ما حصل انا هستلف مبلغ كبير زي دا ازاي واسدده بعد كدا منين لا طبعا انا استحالة اعمل كدا
فايز بس اديكي عملتيه علشان عملية اختك
تقى والله العظيم محصلش انا حتى اختي لسه معملتش العملية ومش عارفة هجمع المبلغ المطلوب ازاي
فايز امم كل دا ميهمنيش يا انسة تقى المهم عندي ان الشركة فيها عجز ف المبلغ دا وانا محتاجه واظن كتر خيري اوي اني سلفته ليكي تقضي بيه حاجتك
تقى يا فايز بيه قلتلك معرفش حاجة عنه اقسملك بالله اجيب المصحف احلفلك كمان
فايز الاوراق اللي عندي بتقول كدا وكمان انا ناقص من ميزانية الشركة مليون جنيه
تقى معرفش عنهم حاجة انا مالي هو اللي اسمه حلمي دا ضيعهم ولا الله اعلم وداهم فين وعايز يلبسهالي انا
فايز طب انا اعمل ايه دلوقتي انا محتاج فلوسي ومفيش اي دليل ع اي حد غيرك فهتجيبي فلوسي بالزوق ولا ابلغ البوليس وهو يرجعلي حقي بالعافية
تقى عيطت من القهر
يا بيه انا حلفت كتير اقسملك معرفش حاجة عنهم لو كانوا معايا كان ظهر اثرهم عليا كان ع الاقل عملت عملية اختي او بدات اجحزها حتى
فايز يعني مصرة ع الانكار
تقى مش انكار يا فايز بيه دي الحقيقة والله العظيم
سكت فايز شوية وكأنه بيفكر وقال
طب انا عندي ليكي فكرة تخرجك من الورطة دي بم ان ان عليكي ليا فلوس يا اما تدفعيهم لاما تتسجني
تقى بقهر اتسجن ايه بس انا اقسم بالله طول عمري ماشية جنب الحيط ولا ليا اي علاقة بحد انا هتدبس ليه ف مكيدة حد عملها وعايز يدبسني انا فيها، انا لو اتسجنت يا فايز بيه امي واختي يموتوا من الجوع من غيري انا العائل الوحيد ليهم
فايز بمكر وانتي صعبتي عليا علشان كدا عندي ليكي فكرة حلوة وبمليون جنيه وهتخليني اتغاضي عن المبلغ دا لمجرد اني انبسط معاكي ليلة
تقى بعدم فهم ناتج لبراءتها وقلة خبرتها
يعني ايه تنبسط معايا ليلة
فايز شاور بعينه لحلمي يخرج وقال يعني نفضي انا وانتي ليلة سوا تخليني مبسوط فيها
تقى فهمت قصده الحقير وشهقت وهي بتحط ايديها بصدمة هيىىء ابدا استغفر الله العظيم حد الله بيني وبين الحرام انت ايه اللي بتقوله دا
فايز ظهر جانب من حقيقته وقال
دا الحل الوحيد اللي يخليني اتنازل عن المليون جنيه
تقي عيطت بقهر انا معرفش حاجة عن الفلوس دي، وعايزني ابيع نفسي بالحرام مقابل السجن لا اقسم بالله السجن عندي احب من اللي بتطلبه دا حتى لو هدخله مظلومة
فايز يعني موافقة تتسجني؟؟ موافقة تقضي اكتر من عشر سنين من عمرك وسط الحرامية ؟؟
تقى مش احسن من اقضي عمره كله بحاول اكفر عن ذنب وكبيرة من الكبائر ربنا يعافينا يارب
فايز تقى انا هعطيكي كل اللي تحتاجيه بس تسمعي كلامي ومستعد اعمل عملية اختك واتكفل بيها هي وامك بمبلغ شهري يتصرفلهم كل شهر
تقى بعفة
بمقابل اللي بتطلبه دا لا الله الغني عن طلباتك دي اسجني يا باشا لو مصر اني انا اللي اخدت فلوسك وامي واختي ربنا يتولاهم برحمته ربنا مبينساش حد
فايز اتأكد انها لو هتموت مش هتنفذ اللي بيطلبه وهو مصر يجرب النوع دا من البناات فقال بحيلة ومكر
اممم طب لو اتجوزتك يا تقى
تقى بصتله بصدمة وقالت
عرفي؟؟ حد الله بيني وبين الحرام يا بيه ما انا قلتلك عندي اموت ولا اغضبش ربنا
فايز بانزعاج اه عرفي مش جواز اهو زي ما انتي عايزة
تقى بقلة حيلة جواز شرعي ع سنة الله ورسوله ماشي غير كدا لا
فايز عينه لمعت لانه قرر يتجوزها يومين ويرميها فقال
وماله مفيش عندي اي مشكلة اتجوزك على سنة الله ورسوله
تقى هتقطع الوصل دا اللي معرفش عنه حاجة
فايز هقطع الوصل وهخليكي تعملي عملية اختك كمان ها قلتي ايه
تقى بقلة حيلة لانها مش عايزة تتسجن وتسيب امها واختها العاجزة لوحدها فقالت موافقة وامري لله ومنه لله اللي خلى حالي بالشكل دا
فايز تمام يا تقى بالليل المأذون هيجي ويكتب كتابنا وتيجي فيلتي
تقى بلعت ريقها بخوف
ربنا يستر
___
بالليل وبعد كتب الكتاب
وصلت تقى معاه الفيلا
فهنا قال فايز نورتي بيتك يا عروسة
وبصلها بابتسامة خبيثة
تقى قالت عروسة ايه بقا انا عارفة وفاهمة انت ليه جايبني هنا يا فايز بيه وممكن يكون حوار المليون جنيه دا كله انت اللي مخطط ليه علشان تجيبني هنا
فايز بسخرية شاطرة ودي عرفتيها لوحدك ولا حد قالك
تقى تعرف بالرغم من اني عارفة دا الا اني وافقت علشان خاطر اختي، انت وعدتني انك تعملها العملية هتكون عند وعدك دا
فايز وهو بيقرب منها وبيقول بلا اهتمام لكلامها
سيبك من كل دا دلوقتي وتعالي معايا
بعدت عنه وقالت فايز انت حبتني بجد ولا متجوزني تسلية
فايز امم فايز كدا حاف ماشي هعديها، اسمعي بقا يا تقى علشان نكون على نور انا جايبك هنا يومين اتسلى وبعد كدا أطلقك وتروحي لحالك ها ارتحتي واحمدي ربنا اني استخدمت معاكي الاسلوب الحلال ها فاخلصي بقا في يومك اللي مش معدي دا
قرب منها تاني وهي بعدت وقالت ايه
لا طبعا دا يبقى اسمه جواز متعة وحرام ربنا ما يراضش بدا انت لا يمكن تلمسني انت فاهم
اتعصب فايز وشدها جامد نعم يا حلوة اومال انا عملت دا كله ليه
وبعدها اعتدى عليها وسط صرخاتها وتوسلاتها ليه انه يسيبها لكن لا حياة لمن تنادي
وبالصبح قام لقاها قاعدة على الارض وبتعيط
واول ما شافته قالت بحرقة
خلاص عملت اللي انت عايزه طلقني بقا انا لا يمكن اعيش وياك
فايز تجاهلها وراح اخد شاور ولبس ولما لقاها ع وضعها لسه ع الارض قال
طلاقك قريب يا حلوة اطمني بس لسه شوية لما اخد مزاجي وازهق منك مش انتي اللي تحددي امتا وازاي
فضلت تقى تعيط طول اليوم وبعد اسبوع على نفس الحال
جه ف دماغها فكرة
طالما حالي مش هيتغير يبقى انا اللي هغيره ويانا يانت يا فايز ماهي كدا كدا خلاص كل حاجة ضاعت
ولما رجع فايز بالليل
اول ما شافته تقى نفرت من ريحة السجاير والسكر اللي هو فيه فقالت بضيق
فايز انت كنت سكران؟؟ وكمان ريحتك برفيوم نسائي انت كنت فين، اتجوزت يعني خلاص تبطل اللي بتعمله دا
ضحك فايز ايه يا بت انتي مش كنتي بتعيطي الصبح ايه اللي حصل وكمان دلوقتي مفكرة نفسك حاجة وبتسأليني كنت بعمل ايه وجاي منين انتي اتجننتي؟؟
تقى بثقة
لا متجننتش انا دلوقتي مراتك ومن حقي لما اشوف اي تصرف غلط مسكتش عليه واللي بتعمله دا مش صح ابدا يا فايز اومال انت متجوز ليه
فايز مسكها من دراعها جامد انتي يا بت اياكي تكرري اللي عملتيه دا تاني فاهمة
تقى مخافتش منه وشدت من ايديه السجارة وقالت لا هكرره انا هنا اعتبر صاحبة المكان يعني الحاجات دي طول ما انا موجودة ممنوعة فيه
الكلام دا عصب فايز اكتر وبهدلها جامد
وتاني يوم اتوقع انه كدا قضى ع تمردها
لكنه على رجع من برا ملقاش السجاير بتاعته ولا ازايز الشرب
فنادي عليها وهو بيزعق تقى انتي يا زفتة
جت تقى وبالرغم من ان على وشها اثار بهدلته ليها امبارح الا انا كانت لابسة احسن حاجة موجودة في دولابها وقالت
حمدا لله على السلامة يا فايز يلا تعالى
وشدته من ايده ودخلته الحمام وفتحت الدش وهو واقف وغرقت هدومه
هو استغرب من اللي بتعمله
انتي اتجننتي بتعملي ايه ازاي تجرؤي ع دا
حطت ايدها ع بوءه وقالت اشش ممكن تهدى انت لا يمكن تنام وانت كدا
بعد كدا قفلت الدش وجابتله منشفة
واختارت ليه هدوم مريحة
اتفضل دي هتكون مريحة ليك
لبسها وهو مستغرب البنت دي بتعمل ايه
لما خلص لقاها بتقرب منه وف ايديها الفرشة وبتمشط شعره وقالت تعرف ان كدا بيكون شكلك احلى
فايز فضل يبصلها باستغراب انا مش عارف ليه مطلقتكيش لحد دلوقت