في ايه يا امنيه ايه اللي حصل يا حبيبتي
أمنيه و هي تنظر ليها بأعين دامعه : مفيش حاجه يا امل اطمني انا كويسه يا حبيبتي هي بس الصينيه وقعت من ايدي غصب عني
أمل : ألف سلامة عليكي يا حبيبتي ان شالله كنت انا و انتي لاء يا حبيبة قلبي
امنيه : بعد الشر عليكي يا امل ربنا يخليكي ليا يا حبيبتي يارب
امل : مالك يا امنيه انتي فيكي حاجه حصلت حاجه ضايقتك
امنيه : حاجه لاء طبعا حاجة ايه لا مفيش حاجة و الله انا كويسه
امل بخضه عليها : امنيه مالك يا امنيه انتي تعبانه حبيبتي انتي بتعرقي جامد و جسمك دافي يا أمنيه
امنيه و هي حاسه انها تعبانه : امل الحقيني يا ا..
متحسش امل باختها غير و هي بيغمى عليها تحاول تفوقها و هي متوترة و تتصل على خالد يجيبلها دكتور بسرعه و ييجي
الدكتور بعد ما كشف عليها : متقلقوش ان شاء الله خير بس هي محتاجه تروح لدكتور قلب ضروري
امل : قلب ليه يا دكتور هي اختي مالها فيها ايه
الدكتور : ان شاء الله ميكونش في حاجه وحشه بس لازم تروحوا عشان نطمن ان القلب كويس
خالد ياخد الدكتور و يخرج يرجع لها يلاقيها منهاره : إيه يا امل في ايه بس يا حبيبتي
امل : مسمعتش الدكتور قال ايه الدكتور بيقول دكتور قلب ليه اختي مالها اختي فيها ايه يا خالد
خالد : ان شاء الله يكون خير يا حبيبتي اهدي بقى عشان خاطري انا ححجز لها عند دكتور كويس و نروحله و ان شاء الله حتبقى بخير
امل و هي بتبكي : يارب يا خالد يارب
تفضل امل طول الليل سهرانه جمب امنيه مش قادرة تنام و لا تغمض عينها غير لما تطمن عليها بتبوس في ايدها و فجبينها و واخداها فحضنها طول الليل
في اليوم التالي ياخدهم خالد و يروحوا لدكتور قلب يكشف عليها و يعمل لها أشعة ايكو
امل : طمني يا دكتور الله يخليك
الدكتور : هي اختك مشتكتش قبل كده من تعب لما بتقوم بمجهود
امل : مجهود لاء خالص بالعكس امنيه طول عمرها نشيطه و مبتقعدش أصلا و حركتها كتيرة
الدكتور : بتلعب رياضه
امل : لاء أمنيه ملهاش في الرياضه
هي مالها يا دكتور فيها إيه أختي
الدكتور : عضلة القلب ضعيفه
امل : عضلة القلب ضعيفه معناه ايه الكلام ده يعني حضرتك عاوز تقول إن أختي عندها القلب أختي انا أمنيه قلبها تعبان ازاي و امتى ده حصل ازاي قلبها يكون تعبان و انا مش حسه ازاي
الدكتور : قولي ازاي قلبها يكون تعبان و هي مش حسه
امل : و ده معناه ايه يا دكتور
الدكتور : معناه ان ممكن يكون التعب ده عندها من وقت قريب مش من بعيد بس واضح انها كانت متعايشه معاه بدليل انها مشتكتش من حاجه
امل : طب ايه اللي خلاها تتعب دلوقتي و يبان عليها التعب
الدكتور : ممكن مجهود فوق طاقتها
امل : مجهود بس أمنيه معملتش اي مجهود يخليها تتعب
الدكتور : المجهود مش شرط يكون مجهود عضلي ممكن يكون مجهود ذهني او يكون فرح شديد او حزن شديد و ده اللي تعبها
امل : طب هو المفروض نعمل لها عمليه و اللا حتاخد علاج و اللا الوضع حيكون ازاي دلوقتي
الدكتور : مفيش عمليه لحالتها حتاخد علاج يساعد القلب يضخ بشكل أفضل عشان عضلة القلب متضعفش اكتر من كده و يحافظ على صحة القلب بوضعها الحالي
تخرج امل من عند الدكتور و هي منهاره و خالد بيحاول يهديها لكن من غير فايده : مينفعش اللي عاملاه فنفسك ده يا حبيبتي
أمل : مش قادره أصدق و لا استوعب اللي سمعته ده طب انا اعمل ايه دلوقتي اتعامل معاها ازاي اعاملها بأي معامله عشان تبقى صحتها كويسه و ميحصلهاش اي مضاعفات
خالد : اللي انا شايفه انك تحاولي تتعاملي معاها بشكل طبيعي جدا و كأن مفيش حاجه حصلت لازم متحسسيهاش انها مريضه عشان نفسيتها متتاثرش يا امل
امل : طب انا المفروض اقولها و اللا مقللهاش
خالد : ازاي متقوليلهاش و المفروض ان في علاج حتاخده بصفه مستمرة امنيه لازم تكون عارفه حالتها عشان تحافظ على نفسها من اي إجهاد و تفضل كويسه
امل : يا ترى ايه اللي حصل خلاها تزعل يا حبيبتي و يحصللها اللي حصل ده
خالد انت كنت موجود في البيت و انا برة هو حصل حاجه حد زعلها فحاجه
خالد : لا و الله ما حصل حاجه يا امل انا كنت قاعد بتكلم مع تيته و فجأة سمعت صوت الكوبايات و هي بتقع و عملتلها الاسعافات الاوليه و بعد كده روحت و هي مقالتش حاجه خالص
امل : يارب اشفيهالي يا رب انت العالم أمنيه عندي ايه يارب انا ممكن استحمل اي وجيعه في الدنيا إلا اني اتوجع في اختي مستعده ارضى بأي ابتلاء الا ان ابتلي فيها
يا ترى انتي حسه بإيه دلوقتي يا حبيبتي يا ترى قلبك حاسس بوجعه عامله ايه دلوقتي يا أمنية
♥️انا الحمد لله بخير يا اموله و النونو بخير كمان
امل : بجد يا حبيبتي يعني الدكتور طمنك انكم انتم الاتنين كويسين
أمنيه : أيوة و الله يا امل و حياتي عندك متقلقيش علية انا كويسه و الله و على فكرة انا حجيب بنوته
امل بفرحه : بنت
امنيه : ايوة الدكتور قاللي النهارده اني حجيب بنوته حظري بقى حسميها ايه
امل : حتسميها ايه يا حبيبتي
أمنيه : امل حسميها امل
امل : يا حبيبتي يا امنيه ربنا يخليكي لية يا حبيبتي يارب و يقومك لية و لأمل بالف سلامه
امنيه اوعي تكوني مبتاخديش العلاج بتاعك يا حبيبتي
أمنيه : باخده و الله يا اموله اطمني خالد بيديهولي بنفسه
تبتلع امل غصه في حلقها : ربنا يخليكم لبعض يا حبيبتي و يفرحكم ببنوتتكم يارب
تقفل معاها السكه و هي بتدعيلها : يارب اقف معاها و كملها حملها على خير و قومها بالسلامه يارب
دوامة ذكريات محاوطاها مش قادرة تنساها لحظه عايشه معاها يوم بيوم بتحاول تتخطاها و تعيش الحاضر لكن غصب عنها بتلاقي نفسها جواها و كأنها لسه بتحصل دلوقتي ادام عينيها
تدخل من البلكونه و تحاول تغمض عينيها و تنام
في اليوم التالي
تدخل عليها اوضتها و هي بتلبس : بسم الله ماشاء الله قمر يا حبيبتي
امل : يا حبيبتي يا طنط ربنا يخليكي ليا
هدى : ربنا يفرح قلبك و يهنيكي يارب يا للا يا حبيبتي إياد و باباه و مامته برة
امل : حاضر يا طنط
تخرج امل مع هدى و يقف إياد يستقبلها و يسلم عليها و الفرحه ماليه قلبه
تسلم عليه و تسلم على مامته اللي اول ما تشوفها : بسم الله ماشاء الله قمر يا عروستنا
تبتسم امل لها و تشكرها و تسلم على باباه و تقعد جمب باباها
يتكلموا كلهم سوا و عيون إياد مش بتنزل عن امل اما امل فكانت تايهه فدنيا تانيه غير الدنيا اللي هيا فيها دلوقتي اتكلموا في موضوعات كتير اتكلموا عن الشقه و الموبيليا و الشبكه و المهر و معاد الفرح و كل ده و أمل مش معاهم خالص شارده عنهم لحد ما تنتبه على صوتهم و هما بيقولوا انهم حيقروا الفاتحه
يقروا الفاتحه و يحضنها باباها و يباركلها و تحضنها هدى و تتمنى لها السعاده يسلموا كلهم على بعض و يباركوا لأمل و إياد
و إياد يقعد جمبها و يلبسها خاتم في صوباعها
تحاول تبتسم و ترسم الفرحه على وشها يقعد معاها اياد و يتكلم معاها تتجاوب معاه في الكلام هي عارفاه كويس بحكم شغلهم مع بعض و متأكده من حسن أخلاقه و انه يستحق كل تقدير و لو كانت ظروفها غير اللي هيا فيها دلوقتي مكنتش حتتمنى لنفسها افضل منه
يقعدوا يتكلموا مع بعض شويه و بعد كده يمشي مع باباه و مامته و الفرحه ماليه قلبه
هدى : مبسوطه يا امل
امل : الحمد لله يا طنط
هدى : حاولي تكوني سعيده يا امل حاولي تنسي بقى اللي فات و تبصي لادام المستقبل فاتح دراعاته ليكي يا حبيبتي انتي حتتجوزي و بعد كده ان شاء الله حتجيبي ولاد و تكون لك حياه جديده قادره تنسيكي كل اللي فات
امل : يارب يا طنط يارب
هدى : تصبحي على خير يا حبيبتي
امل : و حضرتك من اهل الخير
تخرج هدى و أمل تغير هدومها و تتصل على امنيه عشان تبلغها بخطوبتها وقتها امنيه كانت قاعده جمب خالد بيتفرجوا مع بعض على فيلم
و اول ما لقت تليفونها بيرن و اسم امل عالشاشه فتحت الخط على طول و جمبها خالد محاوط كتفها بدراعه سامع صوت امل و قلبه موجوع و مش قادر يقولها حتى سلميلي عليها
امنيه بفرحه : بجد بجد يا امل الف مبروك يا حبيبتي الف الف مبروك يا امل
ياااه انا مش مصدقه نفسي اخيرا يا حبيبتي حتتجوزي و تفرحي و تفرحينا كلنا انا مبسوطه اوي اوي بس بقولك ايه عشان خاطري متعمليش الفرح غير لما اولد نفسي اوي احضر الفرح انا و امل الصغيره عارفه يا امل انا حلبس امل فستان عروسه حلو اوي و حكتب عليه خالتو امل احلى عروسه في الدنيا كلها
تبص لخالد اللي مبيتكلمش و لا باين على وشه اي تعبير و تقولله : خالد امل اتخطبت مش عاوز تبارك لها
ياخد منها التليفون و ايده بتترعش مش قادر ينطقها و لا قلبه مطاوعه يقولهالها لكن لازم يبين لها أن خطوبتها متعنيش ليه شئ و انها بقت بالنسبه ليه ولا حاجه : مبروك يا أمل ربنا يتمم على خير
قالها بكل قوة و تحدي ليها
امل : الله يبارك فيك يا خالد
يدي خالد التليفون لأمنيه و يقوم من مكانه
تاخد منه امنيه التليفون و تيجي تكمل كلامها مع امل تلاقي الخط اتقطع
تحط التليفون جمبها و تدخل لخالد اللي اول ما يحس انها جايه عليه يمسح دمعه هربت من عينيه غصب عنه و يقوم بسرعه
أمنيه : رايح فين يا حبيبي
خالد : حجيبلك الدوا يا حبيبتي
أمنيه : اه
خالد : مالك يا امنيه في حاجه تعباكي
امنيه : بنتك يا سيدي بتخبط فية الهانم دي
خالد : سيبيها تدلع براحتها
امنيه : بكرة لما تيجي حتاخد الدلع كله لوحدها و انا بقى حتركن عالرف
خالد : لاء طبعا انا حدلعك زي ما حدلعها انتي الأصل يا موني
امنيه : خالد انا بحبك اوي
خالد : و انا كمان بحبك يا امنيه
يخرج خالد عشان يجيبلها العلاج و هو حاسس انه مخنوق و مش قادر ياخد نفسه حاسس انه متضايق و يكلم نفسه :
هو ده وعدك لية انك عمرك ما حتكوني لغيري يا امل مهما حصل
يا خسارة حبي و عشقي ليكي يا خسارة يا امل
ما اصعبها من ليله تمر على العاشقين ما اشده من وجع يصيب قلوب المحبين تضع رأسها على وسادتها بينما تحتضن الأخرى و هي تحاول كتم دمعات عينيها تإن و تتألم وحدها و لا تريد ان يشعر بها احد
تحدث نفسها و هي تبكي : انا اسفه انا اسفه مكنتش عاوزه و الله كنت عاوزة افضل محافظه على عهدك بس خلاص مش قادره اتحمل وجع قلبي مش قادره نفسي انسى نفسي انسى بقى يارب يارب انت العالم بحالي يارب ساعدني يارب خرجه من قلبي يارب
اما خالد فكانت امنيه نايمه فحضنه بيمسح على شعرها برفق و بيدعيلها ربنا يعدي الشهور القليله اللي فاضله على خير و تقوم هي و بنته بالف سلامه
يمر الليل و تشرق الشمس لتعلن عن بدء يوم جديد
تفتح عينيها تلاقيه داخل عليها بالصينيه عليها الفطار : صباح الخير
امنيه : صباح النور يا حبيبي
هو انت لازم كل يوم تفطرني قبل ما تنزل يا حبيبي انت كده بتتعب نفسك
خالد : و هو انا لو متعبتش عشان حبيبتي ام بنتي حتعب عشان مين و بعدين انتي عارفه اني مقدرش امشي غير اما اتأكد انك فطرتي و اخدتي علاجك
امنيه : يا حبيبي يا خالد ربنا يخليك لية يارب يا حبيبي
خالد : و يخليكي لية يا حبيبتي يارب
يخرج خالد من الشقه و يروح شغله يفتح الأوراق اللي ادامه لكن عقله يروح لذكريات مر عليها فترة
مالك يا امل من وقت موضوع تعب أمنيه و انا حسك مش معايا خالص
امل : غصب عني و الله يا حبيبي احساسي ان امنيه تعبانه و ان قلبها ضعيف ممو.. تني
و بعدين العلاج اللي بتاخده بقى يخليها تنام وقت طويل ده انا تقريبا مبقتش بشوفها و لا بعرف اقعد معاها يا خالد ده غير جامعتها اللي مبقتش منضبطه فيها و لا بقت بتذاكر زي الاول انا خايفه عليها اوي يا خالد
خالد : معلش يا امل يمكن عشان الموضوع لسه في أوله لكن لما تتعود عليه حتبقي كويسه ان شاء الله اهم حاجه دلوقتي انها تنتظم فجامعتها عشان تعدي بقى انا تعبت خلاص يا امل مبقتش مستحمل اكتر من كده خلاص
امل : هو ده كل اللي هامك يا خالد
خالد اللي لازم تعرفه و تتأكد منه ان قلبي ده عمره ما حيحس بالفرح غير و انا مطمنه على اختي
خالد : حتطمني عليها ان شاء الله يا حبيبتي بس عشان خاطري بقى فكيها شويه ميبقاش دمك تقيل بقى امل انتي وحشتيني اوي
امل: و انت كمان وحشتني اوي يا خالد
خالد : طب ياللا بقى استعدي عشان حتصل على باباكي و اقولله على موضوعنا
امل : معلش يا خالد عشان خاطري اصبر بس الكام شهر دول لحد ما اطمن على أمنيه
خالد : امل انا تعبت بقى خلاص حسي بية بقى يا امل انا مبقتش قادر على بعدك عني أكتر من كده
امل : يعني جت عالكام شهر دول اصبر بقى عشان خاطري
خالد : ماشي يا امل ماشي حاضر بس يكون فعلمك اليوم اللي حتخلص فيه امنيه امتحاناتها انا حطلبك من باباكي
امل : ماشي يا خالد حاضر يا سيدي ارتحت كده
خالد : لاء مارتحتش يا امل و مش حرتاح و لا قلبي حيعرف طعم الراحه غير لما تبقي معايا تبقي لية و ملكي ملكي انا و بس يا امل
امل : و انا قلتهالك كتير و حفضل اقولها لك يا خالد اني عمري ما حكون لحد غيرك يا حبيبي
دمعه تسقط من عينيه على الورق اللي ادامه يمسح وشه بايديه و هو مش مصدق اللي هما بقوا فيه و ان كل ده بقى مجرد ذكريات و انها خلاص حتبقى ملك حد تاني حتكون بين ايدين واحد تاني و كل اللي اتمناه يعيشه معاها حيعيشه معاها حد تاني غيره
يمر اليوم و تنتهي من عملها و تلاقي إياد بيعزمها عالغدا و بيقوللها انه استئذن من باباها
توافق على الخروج معاه لعلها تقدر تخرج من دايرة ذكرياتها و تريح قلبها و عقلها و لو لوقت صغير
يقعدوا مع بعض فمطعم و يطلب الاكل و يحاول يفتح معاها اي موضوع يتكلموا فيه سوا و تبادله امل الكلام و تحس بالراحه و هي بتتكلم معاه و بعد كده يوصلها لحد البيت و يمشي و تدخل هيا و تسلم على باباها و اخوها و هدى مراته
و تسيبهم و تدخل اوضتها و بعد شويه تخبط عليها هدى و تدخل لها : طمنيني عليكي يا امل عامله ايه يا حبيبتي
امل : الحمد لله و الله يا طنط هدى
هدى : انبسطتي مع إياد
امل : إياد انسان كويس و يستاهل كل خير
هدى : امل عشان خاطر نفسك يا حبيبتي ادي لنفسك فرصه تقربي منه و تحبيه و زي مانتي قلتي هو إنسان كويس و يستاهل انك تحبيه و تبدئي حياتك معاه
امل : ان شاء الله يا طنط هدى
هدى : طب ممكن اعرف لزمتها ايه الد.. موع اللي انا شايفاها فعنيكي دي دلوقتي
امل: د.. موع لا انا مببكيش
هدى : مش انتي اللي بتبكي يا امل قلبك هو اللي بيبكي بس متنسيش يا امل ان قلبك ده انتي اللي دستي عليه و انك انتي اللي اخدتي القرار و انتي اللي وقفتي قصاده و حرمتيه السعاده اللي ياما كان بيتمناها
فضلتي سعادة الكل على سعادتك خفتي على قلبها و دستي بكل قوه على قلبه و قلبك
بس اللي لازم تفهميه ان انتوا خلاص افترقتم للأبد و عمركم ما حتتجمعوا تاني مهما طال الزمن اتحرمتم على بعض ليوم الدين يبقى خلاص ننسى بقى و نعيش و الايام كفيله انها تخليكي تنسيه و انا متأكده انك لما حتعيشي مع اياد حتحبيه و الماضي حيبقى مجرد ذكرى و انتهت
امل : يارب يا طنط هدى انا نفسي و الله نفسي انسى و قلبي يرتاح
هدى : ان شاء الله يا حبيبتي حيرتاح و حيفرح و حينسى كل اللي فات بس لازم انتي تساعدي نفسك بصي كل ما تلاقي نفسك بتفتكري فوقي نفسك و اشغليها بأي شئ
ياللا بقى غيري هدومك و تعالي اقعدي معانا شويه دي فرصه باباكي قاعد برة عاوزاكي تلحقي تقعدي معاه شويه قبل ما السرير يناديه
امل : حاضر يا طنط
تيجي هدى تخرج تناديها امل : طنط هدى
هدى : نعم يا امل
امل : انا متشكره اوي لحضرتك مش عارفه اشكرك ازاي على كل اللي بتعمليه معايا
هدى : مفيش بنت بتشكر امها يا امل و ربنا يعلم اني بعتبرك بنتي و عمري ما بصتلك على انك بنت جوزي انا طول عمري شايفاكي انتي و أمنيه بناتي ربنا يطمنا عليها يارب و يطمن قلبي عليكي يا حبيبتي يارب
تغير امل ملابسها و تفتح تليفونها تلاقي امنيه باعتالها صور جنينها عالواتساب : اموله بصي امل الصغيره جميله ازاي شكلها شقيه اوي طول الوقت نازله فية خبط مش بعرف انام منها طول الليل
ترد عليها امل : حبيبة قلب خالتو تتشاقى زي ما هيا عاوزه ربنا يجيبها بالف سلامه يارب
تقفل التليفون و تفتكر شئ من ذكرياتها
تعود من عملها و تطمئن على جدتها ثم تدخل إلى غرفة اختها كي تطمئن عليها فتجدها نائمه كعادتها من يوم مرضها تجلس بجوارها و تمسح على شعرها و تقبلها من وجنتيها تدثرها بالغطاء جيدا ثم تقوم من جوارها و تتجه نحو مكتبها كي ترتب كتبها و أغراضها و لكن تقع اعينها على تلك المفكره التي تحمل من الأحاديث التي تحدث بها نفسها الكثير وجدت نفسها تمسكها بيدها و بعد ان وضعتها جانبا وجدت نفسها تمسكها مرة اخرى و تفتحها لتقرا ما بها
بدأت تقرا تلك الكلمات التي كتبتها اختها بخط يدها و لكنها فجأة احست بدوار شديد مما
راته عيناها و قرأته شفاهها انها صدمه شديده لا بل صاعقه نزلت عليها و وقعت على رأسها
و