لم أكن اتمنى يوما ان تعلم اختي بحقيقة مرضي الذي اخفيته عنها طيلة ثلاث سنوات و أكثر نعم فلقد علمت بأنني مريضة قلب منذ انتهاء امتحانات
الثانويه العامه قلقي الشديد وقتها جعلني أشعر ببعض الآلام و أصبحت بعدها الاحظ أنني كلما قمت بمجهود عضلي او ذهني اتعب و اتعرق بشده
خفت عليها خفت ان أخبرها لأنني اعلم انها لا تطيق علي اي شئ فقررت الذهاب وحدي للطبيب و وقتها علمت بمرضي و انني مريضة قلب
حاولت بكل طاقتي ان اخفي هذا الأمر عنها و انا ابدو أمامها بهيئتي التي تعودت عليها كنت أحاول الا اقوم بأي مجهود حتى لا تلاحظ ارهاقي
نعم فهي املي في الحياه هي ليست اخت بالنسبه لي بل هي امي و صديقتي و كل ما في دنياي انني على اتم الاستعداد ان اضحي بأي شئ مهما كان نفيسا من أجل سعادتها هي من أجل ان أراها سعيده
فكفاها تعب من اجلي طيلة هذه السنوات فمنذ أن جئت إلى الدنيا و انا لا اعرف ام لي سواها و لا معلمة غيرها و لا اخت الا هي
عذرا يا اختي فلتسامحيني كنت أود الا اجعلك تتالمين من أجلي و تتجرعين كأس مرارة تعبي و مرضي
و لكن ما حدث و ما اوصلني لتلك الحاله و ان تعلمي ما بقلبي كان فوق طاقتي لم يكن ابدا ناتجا عن مجهود بدني او عضلي و إنما هو حزني الشديد مما تطرق اليه سمعي
فكيف لقلبي المريض ان يتحمل نبا خطبة اكثر من احببته في هذه الحياه نعم فهو حبيبي الوحيد و الذي لم يعشق قلبي سواه و لم تتنعم عيني سوى برؤياه لحبيبة عمري و رفيقتي انتي يا املي في تلك الحياه
نعم فعندما سمعت جدتي و هي تتمنى لكما السعاده و تدعو الله ان تراكما زوجا و زوجه لم يتحمل قلبي ذاك الأمر
فلتسامحيني فو الله لم اكن اعلم انكما محبين بل كان كل ظني انكما بحكم سنكما المتقارب و دراستكما الواحده و نفس مجال عملكما انكما صديقين و فوق كل ذلك هو ابن خالنا و لحكم وجوده دائما هنا ظننت انكما تعتبران انفسكما اخ و اخت
اما انا فلم أراه طيلة حياتي سوى حبيبي الوحيد الذي عشقته بكل جوارحي و كم تمنيت و دعوت الله في سري و جهري ان يكن لي زوجا و عوضا عن مرضي
و لكن الآن ماذا علي فعله بعد ما سمعته سوى الدعاء لكما بالسعاده و الهناء و سابذل كل ما بوسعي حتي لا اجعلك تشعرين بشئ يعكر عليك صفو حياتك حتى و ان اضطرني الأمر أن اسافر لأبي أو أرحل من تلك الدنيا و يضمني قبري حتى و ان أصبحت تحت التراب ذكرى
فكل ذاك لا يهمني فقط كل ما اتمناه ان اراك سعيده يا حبيبة عمري
سامحيني يا اختي فأكثر الأوقات التي تدخلين فيها إلي و تجديني نائمه و تظنين انه بفعل الدواء انا لا اكون نائمه بل مستيقظه أشعر بلمسات يديكي على شعري احس بعبراتك التي تنحدر على خدي اسمع دقات قلبك التي تتألم لأجلي
اوهمك بأنني نائمه حتى لا تشعرين بشئ حتى لا تتألمين من أجلي فلتفرحي و تسعدي بحق قلبك الطيب بحق حبك لي و قلقك علي فأنت تستحقين كل خير
اختي الحبيبه اتمنى لك و له السعاده من كل قلبي فانتما أكثر من احببتهما في تلك الحياه و لا اتمنى السعادة لأكثر منكما
تطوي تلك الصفحات و التي أصبحت مبلله من عبًراتها يكاد قلبها ان يتوقف مما قراته لا تعي و لا تفهم شيئا غير أن اختها اخفت عنها مرضها حتى لا تقلقها و الآن تخفي عنها عشقها حتى لا تؤلمها
تتجه نحو فراشها و تنظر إليها و هي نائمه و تسأل نفسها هل هي نائمه حقا ام تدعي النوم مثل كل مرة تميل عليها و تطبع قبله محمله بالعبرات على خدها و تترك الغرفه و ترحل و لكن امنيه لم تشعر بها تلك المره لأنها كانت نائمه حقا
تدخل غرفتها و قلبها يصر.. خ من وجعه عليها تخرج صورة امها و تتذكر عندما امنتها عليها و هي صغيره و اخبرتها بأنها ليست اختها الصغيره بل ابنتها و انها امانه في رقبتها
امل و هي تبكي : اطمني يا ماما مفيش حاجه ممكن تحرم امنيه من سعادتها ربنا يقدرني و احققلها السعاده اللي بتتمناها
تتذكر امل العبارات التي قراتها من قبل و التي جعلتها تتاكد من وجود شخص ما في حياتها و كم كانت تتمنى ان تعلم من هو و الآن فقط علمته و عرفت مًن هو
ليل طويل يمر عليها كالدهر لم تتوقف عيناها عن البكاء لحظه واحده
رنات متواصله من حبيب عمرها لا ترد عليها و رسائل و اتصالات كثيره منه لم تنتبه لها
يشرق الصباح و يملأ النور الدنيا يجدها تتصل به فيرد عليها بلهفه و شوق : امل انتي كنتي فين طول الليل ازاي مترديش علية
أمل : خالد انا عاوزة اشوفك دلوقتي
خالد : تشوفيني فين
امل : في المكان بتاعنا يا خالد
بعد دقائق كان خالد في الكافيه منتظر وصولها
اول ما توصل يلاحظ عينيها المتورمه ' امل انتي كنتي معيطه
امل : خالد انا تعبانه اوي و ياريت تحس بية و تقدر موقفي عشان خاطري و متوجعنيش اكتر مانا موجوعه
خالد : في ايه يا امل قلقتيني حصل إيه اتكلمي
امل : حقولك على كل حاجه يا خالد
تحكي امل لخالد اللي حصل و كل اللي قريته في مذكرات اختها
خالد كان مصدوم من اللي بيسمعه و مش مصدق
خالد : معقوله يعني امنيه كانت عارفه بمرضها من تلت سنين و اكتر و ساكته
امل : عشان متوجعنيش عليها يا خالد
خالد : ياااه للدرجه دي بتحبك لدرجة انها تتحمل الألم لوحدها عشان متحملكيش همها
امل : بس أنا بحبها اكتر يا خالد
خالد : انا عارف يا حبيبتي امنيه ايه بالنسبه لك ربنا يشفيها و يعافيها يارب
امل : طب و الكلام اللي قالته عن مشاعرها ناحيتك
خالد : انتي بتقولي ايه يا امل ده اي كلام طبعا يا حبيبتي
امل : أي كلام ازاي يعني مشاعر اختي و احساسها و حبها ليك اي كلام
خالد : مش قصدي كده بالظبط بس انتي عاوزاني اعمل لها ايه يعني و اللا أقولها إيه أمنيه لسه صغيره و مراهقه و أكيد مشاعرها دي حتتغير مع الوقت
امل : هي ممكن تتغير فعلا بس امتى ده ممكن يحصل الله أعلم ممكن تتغير لما تكون راحت مني لما يكون قلبها وقف من حزنها على فراقك صح يا خالد مش ممكن ده يحصل طب انا وقتها اعمل إيه اعيش أزاي أكمل حياتي إزاي قللي
خالد : انا مش فاهم يا أمل انتي عاوزة توصلي لأيه بكلامك ده يعني انتي عاوزانا نعمل لها ايه بس
انتي بنفسك مش بتشوفي معاملتي ليها طول الوقت بزمتك انتي عمرك حسيتي اني ببالغ في شئ ناحيتها انا طول عمري بتعامل مع أمنيه زي ما بتعامل مع نهى أختي بالظبط فكونها هي فهمت ده غلط او مشاعرها راحت ناحيه تانيه فده مش ذنبي يا امل
أمل : و لا ذنبي و لا ذنبها هي كمان انها حبتك يا خالد
خالد أمنيه بتحبك أوي بتعشقك يا خالد عارف ده معناه ايه معناه انها لو شافتنا مع بعض ممكن قلبها ميستحملش و تروح فيها
خالد : و المطلوب مني ايه دلوقتي إيه يا امل استنى تاني مش كده نأجل خطوبتنا تاني مش كده و بدل ما كنا حنتخطب و نتجوز بعد كام شهر نأجل بقى لحد ما أمنيه تخف و انتي سمعتي الدكتور بنفسك ان اللي هيا فيه ده حيفضل معاها العمر كله يبقى قوليلي حوقف حياتنا عليها لحد امتى حتفضلي معطلانا كده لحد امتى يا امل
أمل و هي بتبكي : انا مش حوقف حياتك يا خالد و لا حعطلها يا حبيبي انت حتيجي و حتتقدم و فأقرب وقت كمان
خالد بفرحه : بجد بجد يا امل يعني اقدر اتصل بباكي و اكلمه انتي بتتكلمي جد
يا امل ياااه انا مش مصدق نفسي معقوله خلاص حنبقى مع بعض معقوله ياااه اخيرا حلمنا حيتحقق يا امل
أمل و هي بتمسح د.. موعها : تقدر تتصل ببابا و تتقدمله يا خالد بس انت مش حتتقدملي انا يا خالد انت حتتقدم لأمنيه أختي حتخطبها هيا مش انا يا خالد
يصمت خالد و هو غير مصدق ما سمعته اذناه و لا مستوعب ما قالته بفمها تظهر على وجهه الدهشه الشديده من كلامها يمسك بكأس العصير الذي امامه و يرتشفه رشفة واحده و تنتابه نوبة ضحك : هههههههه هههههههه هههههههه انتي بتهزري يا امل صح بتهزري مش كده
امل و هي بتبكي : لاء يا خالد انا مبهزرش أنا عاوزاك تتجوز امنيه
خالد : اتجوز امنيه مين اختك
امل انتي حصل لمخك حاجه انتي ازاي بتطلبي مني طلب زي ده ازاي اصلا لسانك طاوعك يقول حاجه زي دي ازاي قلبك دق و هو بينطق الكلام الفارغ ده
امل انا عارف إحساسك ناحية اختك و مقدر موقفك كويس لكن مهما كان اللي هيا فيه فده استحاله يكون على حساب قلبنا و حبنا لبعض يا أمل استحاله يكون على حساب سعادتنا اللي بقالنا سنين بنحلم بيها و بنحلم اننا نعيشها سوا
امل : و انا عمري ما حقدر ابنى سعادتي على تعاسة اختي يا خالد انا مش حقدر اكون في نايمه فحضنك وانا عارفه انها بتتعذب ببعدك عنها
خالد : ااه فتقومي تعملي ايه بقى تقرري تتخللي عن حضني و تديهولها هيا مش كده حضني انا يا أمل حضن خالد يا امل خالد حبيب عمرك عاوزة تتنازلي عنه بالبساطه دي يا امل عاوزه تهديه لغيرك بسهوله كده
لا شابوه ليكي الصراحه تضحيه تستحق التقدير
يصقف بايديه : برافوووووو برافو عليكي بجد
أمل : غصب عني يا خالد مش بأيدي
خالد و هو بيخبط بايده بقوة عالطربيزه و بيعللي صوته عليها : هو ايه ده اللي غصب عنك فهميني
امل برجاء : خالد الناس بتبص علينا
خالد : بصيلي انتي هنا انتي عاوزه تسيبيني يا امل عاوزه تتخللي عن حب عمرنا يا امل انطفي
امل تغمض عينيها من صدمة كلامه ليها و بتبكي من غير ماترد
خالد : طول عمرك قايمه بدور الأم قبل الاخت معاها و اديتيها حقها من الحب و الاهتمام اكتر ما اديتيه لنفسك و بقول معلش وصية امها و بتنفذها موقفه مستقبلنا بقالنا سنين لحد ما تطمني على مستقبلها و انا راضي و ساكت و مستحمل عشان بحبك و كل شويه اقول معلش اصبر هانت لكن الظاهر ان الموضوع عجبك و دور التضحيه تقمستيه و عشتي فيه و قلتي ياللا بالمرة هي جت على خالد اضحي بيه بالمرة عشان ابقى كده قمت بواجبي ناحيتها على أتم وجه مش كده يا امل
أمل ببكاء : خالد انت بتقول ايه يا خالد انا أضحي بيك
خالد : انتي حتجننيني أمال اللي انتي بتطلبيه مني ده ايه هو انتي باللي قلتيه دلوقتي مش بتضحي بية مش بتسلميني بايدك لغيرك يا امل
هنت عليكي هان عليكي قلبي تكسريه بالشكل ده قلبي اللي عمره ما شاف غيرك عمره ما حب غيرك هان عليكي توجعيه كده
امل انتي لو بتحبيني زي ما بحبك و لو كل كلامك اللي ياما قلتيهولي عن إخلاصك لية حقيقه عمرك ما كنتي قدرتي تنطقي كلام زي اللي قلتيه ده و لو حتى بهزار
امل : خالد انت عارف كويس أوي ان حبي ليك ملهوش حدود و انك اول حب و حتكون اخر حب فحياتي لكن انا حبي لاختي اكبر من اي حب في الدنيا
خالد : اه ما هو واضح طبعا
امل امل يا حبيبتي فوقي يا امل متضيعيناش يا امل متهديش اللي طول عمرنا بنبنيه في لحظه امنيه لسه صغيره يا امل و المستقبل قدامها و كل اللي هيا عايشاه دلوقتي مشاعر مش حقيقيه بكرة تروح و تنتهي
امل : و ممكن هي نفسها اللي تنتهي يا خالد
خالد امنيه قلبها ضعيف دي لما سمعت تيته بتكلمك مستحملتش يا خالد امال لما تلاقينا مع بعض حيحصللها ايه يا خالد دي ممكن تروح فلحظه طب انا وقتها اعمل ايه و اقول لماما ايه
خالد : حتعملي ايه و حتقولي لماما ايه هو ده كل اللي هامك مش كده لكن انا مش فبالك انتي ايه عقلك ده فيه ايه فهميني عاوزة تكسري قلبين عشان تحافظي على قلب
ذنبي ايه انا اذا كانت هيا حبتني انا مالي انا مقلتلهاش تحبني ذنبي ايه انا عشان اسيب حب عمري و اتجوز واحده عمرها ما خطرت على بالي ذنبي ايه قوليلي
امل : ما حدش فينا ليه ذنب يا خالد ده مقدر و مكتوب
خالد : مقدر و مكتوب ااه فتعملي ايه تضحي بية و تفرضي علية وضع ده على اساس ايه فهميني على اساس اني تحت امرك مش كده تقوليلي اعمل ده اعمله اتجوز اختي بدل مني اتجوزها فوقي يا امل انا مش لعبه في ايدك انتي فاهمه
انا حعتبر نفسي مسمعتش حاجه و حنسى كل الهبل اللي قلتيه دلوقتي و حتصل بباباكي و حطلبك منه و حتجوزك برضاكي بقى غصب عنك مش حيهمني و اللي يكون يكون
يقوم خالد من مكانه و يسيبها قاعده و يمشي اما امل تقعد تعيط و هي مش مصدقه اللي عملته و طلبته من خالد تقوم هي كمان و ترجع البيت تلاقي اختها نايمه زي عادتها
يمر يوم ورا يوم مفيش جديد خالد بيتصل على أمل و هي مبتردش عليه و هو مش عاوز ياخد قرار يزعلها منه يروح لجدته و يتكلم معاها و يحكيلها اللي حصل و جدتها تتكلم معاها و تفهمها ان خالد بيحبها هيا و انها كده بتظلم اختها و بتظلمه
تدخل امل اوضتها و تبكي بشده تلاقيه باعتلها رسايل عالتليفون انه مش حيتجوز اختها مهما حصل ترد عليه : خالد انا مش حجبرك تتجوز امنيه لكن انت كمان متقدرش تجبرني اني اتجوزك انا مش حبني سعادتي على حساب اختي يا خالد
انا اسفه يا خالد انا مش حقدر اتجوزك
يقرأ خالد الرساله و عيونه بتبكي من قهرته على حب عمره كان تايه مش عارف يعمل ايه فكر يتكلم مع امنيه و يفهمها انه بيحب امل و مش حيقدر يرتبط بحد غيرها مهما حصل لكنه خاف ان قلبها ميستحملش و يحصللها حاجه و وقتها امل عمرها ما حتسامحه
قرر يصبر لحد ما يشوف الوضع حيرسى على ايه
مرت الايام و الشهور وامنيه معظم الوقت بتتهرب من أختها بالنوم و لو اتكلمت معاها بيكون كلام قليل جدا و مبتذاكرش غير بسيط و حتى علاجها كانت مهمله فيه و مفهمه امل انها بتاخده و الحقيقه انها كانت مبتاخدش غير كل كام يوم مرة
و جه معاد الامتحان اللي كانت بتخرج منه و هي مش عارفه هي كتبت ايه في الورقه و بعدها ظهرت النتيجه و رسبت في الامتحان صحيح امنيه مكنتش متفوقه بس كانت بتنجح كل سنه عمرها ما رسبت و لا سنه
امل راحت الجامعه و جابت النتيجه اللي اول ما شافتها انهارت و طول الطريق بتبكي مش قادره تصدق إن اختها سقطت دخلت البيت و هي مش عارفه تقوللها ايه
لكن امنيه كانت عارفه انها حتسقط خبر رسوبها مش حيكون مفاجأه بالنسبه لها
بصت لها امل بعيون باكيه و مش عارفه تلوم عليها و اللا تطبطب عليها مش عارفه تمد ايدها عليها و تض.. ربها و اللا تاخدها فحضنها قعدت عالكرسي و د.. موعها نازله على خدها
أمنيه : انا أسفه يا أمل أنا أسفه
امل : ليه كده يا امنيه دي كانت اخر سنه ليكي خلاص ليه كده بس ليه
أمنيه : انا اسفه غصب عني و الله سامحيني يا امل
فجأة تقع امنيه و يغمى عليها و تحاول امل تفوقها من غير اي فايده تتصل على خالها بسرعه عشان يلحقها
بعد مرور عدة ساعات في المستشفي تفوق امنيه تلاقي الكل حواليها امل و جدتها و خالد و خالها
الف حمد لله على سلامتك يا حبيبتي
تبصلهم أمنيه و تعيط و تحاول تبعد عنيها عن أمل و خالد
خالها : سلامتك يا امنيه الف سلامه عليكي يا بنت الغاليه فداكي السنه يا حبيبتي فداكي الدنيا كلها المهم انتي يا حبيبة خالك متزعليش يا امنيه ان شاء الله السنه الجايه تنجحي و تعوضي يا حبيبتي
امل : ان شاء الله يا خالي مش كده يا حبيبتي
امنيه : ان شاء الله
تدخل لهم الممرضه و تبلغهم ان الدكتور عاوزهم عنده فمكتبه
الدكتور : ينفع كده يا جماعه ازاي البنت متاخدش الدوا بانتظام
امل : مبتاخدهوش ازاي
الدكتور : أيوة مبتاخدهوش او بمعنى أصح مش منضبطه فيه و ده اثر على عضلة القلب و ارهقها بزياده احنا قلنا عاوزين نسيطر عالوضع و نفضل محافظين على صحة القلب بوضعها الحالي عشان تقدر تعيش حياة طبيعيه زي أي واحده في الدنيا و متتحرمش من أي حاجه لكن لكن بالمنظر ده احنا بنساعدها تم.. وت بالبطئ
امل : انا كنت بديهولها لما بكون في البيت و كنت بوصيها تاخده و كنت بسالها و بتقوللي بتاخده
الدكتور : لاء مبتاخدهوش و اللا مكنتش تعبت اوي بالشكل ده ده غير كمان ان حالتها النفسيه واضح انها مش مستقره و دي حاجه مهمه جدا لأن كل ما نفسيتها تكون احسن كل ما القلب صحته تبقى كويسه و أفضل الزعل و الحزن مش كويس علشانها يا جماعه من فضلكم لو صحتها و حياتها مهمين بالنسبه لكم حاولوا تهتموا بيها تخرجوها تبسطوها و تشوفوا هي بتحب ايه و تعملوهولها ده حيكون له تأثير كويس جدا و حينعكس على صحتها
يخرجوا من عنده و امل تقعد على اقرب كرسي و تحط ايدها على وشها و تبكي بقهره على حال اختها يحاول خالها بهديها لكن من غير فايده كل اللي على لسانها اختي حتروح مني يا خالي انا لو أمنيه حصللها حاجه انا حم.. وت
ياخدها خالها فحضنه و يطبطب عليها
و خالد واقف ساكت مش عارف يعمل حاجة و لا قادر ينطق بكلمه
تقوم امل و توجهله الكلام : خالد
وجودك فحياة أمنيه هو اللي حيخللي قلبها يفضل ينبض و حيديها فرصه تعيش انت حبيبها اللي طول ماهي شايفاك ادامها حتقدر تكمل و تفضل بيننا وحياتي يا خالد و حياة كل لحظه حلوة عشناها سوا تتجوزها يا خالد لو بتحبني زي ما بتقول اتجوز امنيه يا خالد
خالد و عيونه بتبكي : و لو اتجوزتها يا امل حتكوني سعيده حتفرحي و انتي شايفاني مع واحده غيرك
امل و هي بتبلع غصه فحلقها : أيوة حكون سعيده
خالد و هو بيبص لها بقهرة : حاضر يا امل حاضر اذا كان ده هو اللي حيريحك
انا حلبيلك طلبك حتجوز امنيه يا أمل ما دمتي شايفه ان جوازي منها ده هو اللي حيديها فرصه للحياه
أنا حكلم باباكي و حطلب منه ايد أمنيه و حتجوزها يا امل و حعيش معاها و الشقه اللي عملت فيها كل حاجه بتحبيها حتكون من نصيبها هيا خلاص ارتحتي كده مبسوطه دلوقتي
أمل تخفض رأسها و لا ترد عليه فقط تكتفي بالصمت و الدموع حزنا على تفريطها في حبيب عمرها
خالد بتحدي : بس يارب متزعليش انتي بعد كده على نفسك و انتي شايفاني مع غيرك لأني متأكد ان قلبك انتي اللي مش حيستحمل يا أمل
و خليكي فاكره دايما انك انتي اللي بعتيني و هديتيني لغيرك و اتنازلتي عني و عن حبي و قلبي و يوم ما تتوجعي من بعدي عنك متلوميش غير نفسك يا أمل
ثم يحذرها باصبعه : بس انا بقولك اهو انا مش مسامحك فاهمه مش مسامحك و عمري ما حسامحك ابدا
و