رواية حب بعد الزواج
الفصل السابع عشر17
بقلم زينب أمير
تاني يوم من الصباح بعد شربنا الشاي وكده، دخلت مع منذر علشان يجهز، طلعت توبي وختيتو في كرسي الهول وقعدت، جا قعد جنبي وسألني ح تمشي الساعه كم؟ قلت ليهو بعد الفطور كده قال لي تمام، قام ع حيلو، رتب امورو وطلع،، بعدها م كان في حاجه يعملوها، البيت اصلا نضيف، والمطبخ مرتب وكل مستلزماتو قاعده،، قمت طلعت لي فستان بالجنبه، دخلت المطبخ، لقيت فواكهه،، عملت عصيرر مشكل،، جيت مسكت تلفوني ضربت ل رحمه قلت ليها ح اجيكم بعد الفطور، قالت لي تمام،، لمن جات تسعه شلت العصير ونزلت،، خالتو خديجه قالت لي م كان تتعبي نفسك، قلت ليها ماف تعبب والله، جات سهي وقالت لينا قومو الفطور جاهز، سألتني ح تمشي ب شنو بيت اهلك؟ قلت ليها طلعت لي فستان قالت لي فستان شنو ي لجين وانتي ماشه بيت اهلك لأول مره وانتي متزوجه؟ مها قالت ليها كلامك صح ي سهي قبلت على وقالت لي اسمعيني البسي ليك واحد من تيابك ديل،، كدي بعد الفطور، بطلع معاك َاختار ليك واحد ظريف كده، قلت ليها تمام، بعد الفطور عاينت ل الساعه لقيتها حداشر ، قمت وقلت ليهم بقوم اجهز بعده، قبلت ع مها وقلت ليها ارح، هزت لي راسها وقامت معاي ، فتحتا الدولاب وطلعت ليها كل التياب العندي، في النهايه اختارت لي واحد جوافي بتطقيمتو وقالت لي، البسي ده وانزلي الوكت مشي، قفلت الباب وراها،. اخدت شور ولبست التوب، وقفت قدام المرايا، ومسكتو بالدبابيس، جريت لي كحل وروج، ورشيت العطر، بخ بخ،، دخلت التلفون جوه الشنطه ومعاهو قروش الترحيل، الكان اداني ليهم منذر قبلي م يمش، طلعت وقفلت باب الشقه وراي، لقيت خالتو خديجه بس القاعده،، ودعتها ومشيت، مع مرقتي كده لقيت لي ركشه وقفتها وركبت،، من باب الشارع، سامعه أصوات الضحك والونسه، دقيتو، فتحت لي ريم، من شافتني جات واقعه فيني حضن، سلمت عليها ودخلنا جوه، لقيت خالتو سوسن قاعده (ام رحمه ) ،،سلمت عليها وبعدها مشيت مسكت امي دي وبكيت معاها زين، جات رحمه حضتني برضو، قمت قلت ليها كيف ي ماما؟! قعدت تضحك، قلت ليها بعده خلاص قربنا، قالت لي العقبال عندك،، ردت ليها امي ي رب ي رب.. ياهو تاني قعدنا واتونسنا، وناس خالتو سوسن فاتو،، قمت وقلت ليهم اغير التوب ده واجيكم رحمه قالت لي م عرفتك لكن، بقيتي سمحه ياخي، والعجب التوب فيك موبالغه عديلل،، قلت ليها سمحه عيونك يختي،، مشيت شلت لي بجامه، وانا طالعه من الغرفه جات رحمه داخله شايله كبايه عصيرر، قلت ليها م كان في داعي للتعب، قعدت في السرير، وقالت لي ماف تعب+احكي لي الحصل شنو؟ قلت ليهو في شنو؟ قالت لي لجين، عموما يعني، التعامل كيف بيناتكم؟ قلت ليها ي ستي حلوين شديد ماف حاجه تذكر، هو كويس والله يعني م اكذب عليك م شفت منو شي كعب، ابتسمت لي وقالت طيب ال... قرصتها في يدها وقلت ليها قومي بالله عايزه انوم انا واقفلي الباب ده وراك، قعدت تضحك، قالت لي طيب انتي بس احكي لي، قلت ليها م حصل شي ويلا قومي، قالت لي م بسألك عاد، اصلك هبله، رديت ليها وانا بقوم من السرير وبمرق فيها بره،"شكرا " قفلتو ورجعتا قعدتا في السرير بفكر، في النهايه رقدتا ونمتاا..
*عند منذر*
زي الساعه تلاته كده مع العصر، كان اتصل علي أحمد وبقول لي الغدا عندنا، وافقتو وقلت ليهو تمام ان شاء الله، وانا اصلا كان عندي النيه امشي ليهم بعد المغرب، منها اقابلهم ومنها اجيب معاي لجين، وفعلا لمن الوكت قرب، وقفت لي جنب بتاع فواكهه، شلت انواع كتيره وكميه،، وصلت وفتح لي أحمد زاتو،، سلمت عليهم كلهم ب ناس خالتي سوسن، وهي م جات معاهم، انتظرت كتير، لحدي م جابو الغدا، واتغدينا الحمدلله،، مشينا طلعنا صلاه المغرب، قلت بمشي وبجي،، ح ألقاها طلعت واشوفها،،
قاعدين في الصاله وبنشرب في الشاي، جات داخله رحمه وختت سيرمس القهوه، خالتي سوسن قالت ليها البت دي لسه م صحت؟ قالت ليها لسه والله صحيتها كم مره لكن نومها تقيل،، قامت ع حيلها وقالت، اقوم اشوفها واجي، بعد شويه جات داخله، ووراها طوالي، جات هي، لابسه ليها توب ونصو في الأرض ، كان ظاهر عليها آثار النوم، من دخلت قعدت في الكرسي، وبقت تعاين، عم عمر قال ليها لجين، سلمي ي بتي ساي، قولي السلام عليكم ،بعد نص ساعه وقفت ع حيلي وقلت ليهم يلا ي جماعه بعده نحن نمش..احمد قال الوكت بدري اقعدوا اتونسوا حبه، قلت ليهو مره تانيه ان شاء الله، عندي مع مشوار مع الحاجه، بعد صلاه العشا طوالي نستأذن نحنا،،
*عندي*
قمت دخلت جبت حاجاتي ودخلتهم في شنطه صغيره ومرقت معاهو بالتوب اللابساهو،، في طريق الرجعه للبيت كان رايق وبصفر،، قلت ليهو شكلك مبسوط، دايما ان شاء الله ، ابتسم لي وقال وياك ي رب، بعد وصلنا انتظرني لمن دخلت البيت جوه وفات قال لاحق الصلاه،، الهول كان فاضي م فيهو زول، طلعت فوق شقتنا،، جدعت الشنطه في السرير، ومشيت صليت العشا، بقيت قاعده ساي، قلت اقوم اعمل كيكه اشيلهاض معاي بكره ل شاي الصباح بإذن الله،، بعد نص حتي لقيت كل المكونات العايزاها، مشيت تاني جبت التلفون والسماعه وقعدت عملتها بمزااج،، بعد خلصت، فتحت الشاشه وقعدت احضر، الساعه كانت تسعه ونص ومنذر لسه م جا،، بقيت قاعده ومتوتره ي ربي اتأخر كده مالو، يكون حصل ليهو حاجه، بقيت ماشه وجايه، اتصل عليهو واسألو؟،،طيب اعمل شنو انا أسي؟! مع عشره كده الباب فتح وجا داخل شايل كيس في يدو، قال لي مساء الخير، م اكون اتاخرت عليك بس،، ساعه سمعت صوتو، مشيت عليهو وحضنتو، لقيت نفسي بقول ليهو "بعتاب" منذر! ع فكره يعني اتاخرت شديدد شديدد، تاني م تعمل كده ياخي، لمن م سمعتو رد لي، زحيت منو براحه، وعاينت ليهو، م قدرت اعرف ردت فعلو، ده شنو العمتلو ده أسي يفكر فيني شنو، بس م يكون حس ب حاجه؟ ناديتو "بتردد" (منذر! ) جاني صوتو بعيدد وهو بقول لي *بضحكه" معليش ياخ بس م تكوني خفتي، تعالي طيب، مسكني من يدي وقعدني في الكرسي، فتح الكيس وطلع منو كرتونه باسطهه! قال لي الحاج كان عندو مشوار، وصلتوو واتاخرنا شويه مع زحمه المواصلات دي، شال قطعه ومداها لي ، كنت ساكته ساي وبعاين ليهو، تصرفاتي السريعه والغبيه، دائما بتدخلني في حتات ضيقه،، قبل ع الشاشه وقال لي الفيلم ده شكلو سمح، دقائق اغير ملابسي واجي احضرو معاك..
بعد اسبوع مع المغربيه كده، كانت كل العائله قاعده ومجتمعه، عبدالله قال لينا، فتحو مطعم قريب بةاي تعالو نمش بعدين ونشوف، كلهم قالو موافقين، عمي عبدالرحيم قال م قادر تعبان وعايز يرتاح، خالتو حدبحع قالت لينا خلاص امشوا انتو، انا بقعد معاهو، لكن م تنسوا هاا جيبو لينا حقنا،قعدنا نضحك عمي عبدالرحيم قال ليها "بضحكه" لازم لازم،،
واقفه قدام الدولاب ومحتاره البس شنو! منذر الكان قاعد في طرف السرير ومركز مع بتلفونو،، مشيت وقفت قدام الجزامه، قلت اختار لي حاجه البسها في رجلي اول طلعت لي شبط زاحف،، سمعت منذر بقول لي ده حلو؟ قبلت عليهو لقيتو طلع لي فستان! مشيت عليهو واتناولتو منو،عاينت للفستان وقلت ليها حلو جدا تسلم !! بعدها اتجهزنا وطلعنا..
*عند منذر*
م عارف هل هي اصلا سمحه ولا انا مكتشفها جديد؟؟ لمن وصلنا المطعم كان زحمه شويه نسبه ل انو جديد،، قاعد وهي قاعده قدامي طوالي،، لمن عاينت لي قمت ابتسمت ليها وغمزت، كنت مبسوط جدا وانا بشاغل فيها، حرفيا كل القعده ونحنا م معاهم خالص انا وهي وابتسامتها.. !!
*#خاطره :*
*هو الفرح والفرحة تتخطاك تمشي وين*
*ما هي ف مشيتك وقدلتك*
*نبره صوتك وضحكتك*
*وكان المبسم شرح وابتسم ووووب من سنونك ولمعتك💛💛💛*