روايه لم يكن بيدي انا فقط أحببته
الفصل التاسع 9
بقلم دنيا محمد
دنيا : بس انا بحبك وهتبقي جوزي
__ رجع مال عليا تاني وعينه قصاد عيني نظرته فيها كتير معاني اشتياق خوف حب وجع فضل يبص ف عيني كتير وانا عيني بتتنقل بين عيونه وشفايفه كان نفسي اجرب معاه
الاحساس ده اوي اول قُبله حطيت ايدي علي رقبته وقربته نحيتي لحد ماحسيت بنـفَسه وشميته كمان حتي أن شفايفه لمست شفايفي بس فجأه بعد عني واداني ضهره قعدت ع السرير مكاني
دنيا : مالك يا اكرامي فيه حاجه
اكرامي : ال عملتيه ده مايتكررش تاني
دنيا : انا اسفه ماكنتش اعرف اني هضايقك اوي كده
اكرامي : انا خارج
دنيا : رايح فين دلوقتي
____
خرج وقفل الباب وراه انا قاعده بجد مصدومه ياتري قُربي ليه حاجه تدايق اوي كده ! ولا حصل ايه مش فاهمه .. فضلت قاعده حزينه فات وقت كبير علي رجوعه أتأخر اوي
ليه كده بقينا الساعه 5 صباحا وهو لسه بره النوم غلبني استسلمت له ....ولما صحيت بصيت ف الاوضه محدش موجود وف الساعه 2 بعد الضهر معقول لحد دلوقتي
مارجعش وقفت غسلت وشي ف الحمام وسرحت شعري خرجت لقيت علبة طعام وعليها ورقه فتحت الباب بسرعه وخرجت علي أمل ألحقه مالقيتوش رجعت دخلت بخيبة امل
بصيت ف الورقه لقيته كاتب فيها ( انا اسف بشأن امبارح )
ولقيت العلبه فيها اكل كتير قولت ف بالي معقول جايب اكل يكفي اليوم كله عشان مايرجعش انهارده تاني زقيتها
بعيد عني من خنقتي انا عاوزاه هو جنبي ليه بيعمل كده اعمل ايه ألبس واروحله العياده افتكرت اني ماجبتش عربيتي ولا حتي معايا فلوس اركب تاكسي يعني كده
مضطره استناه لحد ما يرجع وده ال عملته فعلا فات اليوم
كله بقينا الساعه 7 مساءا من خنقتي قعدت اعيط سمعت صوته طالع ع السلم وبيفتح الباب خلاص جريت عليه و حضنته وكملت بكاء وانا مش راضيه اسيبه ...
اكرامي : مالك يادنيا ايه ال حصل
دنيا : ازاي تسيبني الوقت ده كله لوحدي
اكرامي : كنت ف شُغلي يادنيا وده مايستهلش تعملي عليه ده كله
___ بعدت عنه وقولتله بحزن
دنيا : مايستاهلش سايبني من امبارح لحد دلوقتي ف المكان ده لوحدي حتي من غير ماتقولي انك هتتأخر كل ده وتقولي مايستاهلش
اكرامي : والله دي ظروف شُغلي والمفروض تقدريها وإلا بطريقتك دي كل حياتنا هتبقي خناق
دنيا : كل ده عشان زعلانه انك سايبني لوحدي
اكرامي : يوووه انا راجع مكان ماجيت اتفضلي عندك اكل اهو والتليفون ده خليه معاكي لو احتاجتي حاجه كلميني
___بيلف ضهرو وخلاص هيمشي
دنيا : بس انا محتجالك انت مش عاوزه الحاجات دي
___وقف وبصلي قرب نحيتي وقالي دموعك دي بتقهرني كفايا بكاء
دنيا : هتسيبني وتمشي
اكرامي : لا بس متعيطيش تاني
دنيا : ماشي خلاص اهو
اكرامي : طيب الاول كده امسكي التليفون ده وكلمي والدتك عشان قلقانه عليكي
دنيا : ماشي ينفع اكلمها بره
اكرامي : ع السلم متنزليش
دنيا : حاضر
______
الو
ماما : دنيا ياعمري وحشتيني
دنيا : وانتي كمان ياماما وحشتيني اخباركم ايه وبابا عامل ايه
ماما : احنا كويسين ياعمري متشغليش بالك طمنيني انتي عنك
دنيا : انا كويسه اوي ياماما وفرحانه ومش هنسالك الجميل ده لحد ماموت
ماما : جميل ايه بس يابنتي دانتي نور عيني كنت هسيبك تتجوزي هادي ده ازاي دنا من اول قاعده متقبلتوش بس مارضتش اقولك
دنيا : عادي ياماما ال حصل حصل
ماما : دنيا جوبيني بصراحه حصل بينك وبين اكرامي حاجه
دنيا : زي ايه مش فاهمه
ماما : يعني اممم قربلك أو لمسك
دنيا : لا يا ماما اكرامي شخص كويس جدا وبيخاف عليا
ماما : وانا متأكده من ده والا ماكنتش آمنت عليك معاه
دنيا : طيب انا هقفل دلوقتي ياقلبي ماشي
ماما : خلي بالك من نفسك يادنيا وياريت تكلمي اكرامي ف موضوع الجواز ماينفعش يابنتي تفضلو مع بعض كده
دنيا : حاضر ياحببتي هفاتحه اكيد ياله تصبحي علي خير
ماما : وانتي من أهله يانور عيني
____ دخلت لقيته قاعد بيكتب حاجات ف دفتر قالي من غير مايبصلي كله تمام قولتله ايوه رجع قالي مالك عاوزه تقولي حاجه قولتله لا خالص انت مش هتتعشي لو هاناكل سوي
يبقي موافق اكيد ... دنيا : ماشي ياله
اتعشيني وبعدها لقيته بيقولي انا هروح ابات عند امي مش كل يوم هينفع اقولها انا نابطشيه انهارده
دنيا : بس انا بخاف انام لوحدي ف البيت ده
اكرامي : حاولي تتعودي علي كده يادنيا
دنيا : ليه الجفاء ال بقي بينا ده يا اكرامي بجد مش متحمله
اكرامي : هو انا قولت ايه غلط دلوقتي مش عاوز انام هنا متضغطيش عليا اكتر من كده ارجوك
دنيا : خلاص رجعني بيت بابا
اكرامي : لا للبيت ده مافيش رجوع غير لما نتجوز ابقي روحي زوريهم علي كيفك
__ اتكلمت ببكاء وانا خايفه من رد فعله اوي
دنيا : بس انا خلاص مش عاوزه اتجوزك رجعني بيتي
مجرد ماسمع الكلام دي مني لقيته بيقرب مني شويه بشويه لحد مابقي مافيش فاصل بينا نهائي مسكني من دراعي وضغط عليه
اكرامي : المكان ال هكون فيه من هنا ورايح هو ال هيبقي بيتك وبيت ابوكي ده انتي من يوم ماخرجتي منه معايا خلاص بقيتي ضيفه فيه كلمة رجعني بيتي دي معتش اسمعها
دنيا : ايدي وجعتني سيبها
اول مابعد عني جريت علي الحمام وقفلت الباب عليا وقعدت فيه اعيط ليه رجع بقي زي الاول تاني وبالزات من يوم ماحاولت اقربله
اكرامي : دنيا افتحي الباب ده
دنيا : _________
اكرامي : حبيبتي افتحي الباب
دنيا : لا انا مش حبيبتك انت بتخدعني
اكرامي : طب افتحي الباب ده واطلعي من عندك
دنيا : لا مش هفتح واتفضل روح نام عند مامتك ياله
اكرامي : طب اطلعي ومش هاروح
دنيا : توعدني
اكرامي : اوعدك
مسحت دموعي وفتحت الباب لقيته بيحضر لنفسه نومه ع الارض مشيت لحد السرير من غير مابص له وطلعت عشان انام فضل الصمت دايم ف المكان لحد ما حسيت أن أنفاسه
بقت منتظمه عرفت أنه نام غمضت عيني ونمت انا كمان ولما
صحيت ملقتوش وفات اليوم بنفس الروتين اليومي مافيش اي جديد غير لما لقيت جايلي رساله من رقمه فيها معا
ضيوف اعملي حسابك استغربت وقولت لنفسي ضيوف مين ياتري ال جاين معاه هنا لبست الطقم ال جيت بيه واستنيته
ولما وصل لقيت المأذون معاه واتنين رجاله اغراب واخويا
امير وماما جريت عليهم وحضنتهم لقيت ماما بتقولي كان نفسي ابوك يبقي وكيلك ياعمري بس ربنا يبارك ف اخوكي ويعوضك خير مع اكرامي .. بصيت لإكرامي لقيته بيقولي ايه
رايك ف المفجأه دي قولتله انت واثق من الخطوه دي
اكرامي : مش معني أننا اختلفنا اليومين ال فاتو علي حاجات هايفه تفكري ف اني هسيبك انا حبي ليك بيزيد مش بينقص
دنيا : طيب ماكنت تستني شويه لحد ما الأمور بينا تهدي يعني --
اكرامي : دنيا انتي مش عوزاني ؟
دنيا : لا طبعا مش حكايه كده انا خايفه ترجع تندم انك اتجوزتي وبس
اكرامي : تعالي نتجوز وبعدين نتكلم ف الامور دي لوحدنا
____
وانكتب الكتاب والكل كان فرحان حتي انا سعادتي ماكنتش تتوصف وبعد ما الكل مشي حتي ماما وامير
دنيا : اكرامي هو انت ليه ماجبتش دعاء ووالدتك يحضرو كتب الكتاب
اكرامي : ماحدش فيهم يعرف حاجه عن الموضوع ده ومش هينفع افاتحهم فيه دلوقتي
دنيا : طب ليه
اكرامي : ليه ايه انت ناسيه انك كنتي خطيبة اخويا مالك كده يادنيا
دنيا : اه عندك حق بس المفروض زي ما اهلي اتقبلو الموضوع اهلك كمان بتقبلوه
اكرامي : الوضع عندنا مختلف وكده امي هتفكرني اناني وماصدقت احمد يتوفي عشان اخدك منه انتي مش فاهمه هيا حزينه علي فراقه قد اي
دنيا : خلاص تمام براحتك مش ضروري تعرفهم خالص
اكرامي : واضح انها هنتعب كتير مع بعض
دنيا : بسببك انت مش بسببي
اكرامي : فعلا عندك حق ... انا هنام يكون احسن تصبحي علي خير
______
هوووووف غلطانه ف ايه انا فيها ايه لما أمه تعرف يعني كان نفسي يحضرو ويفرحو بإبنهم يمكن يخرجو من حالة الحزن ال هما فيها ابقي انا برضو ال غلطانه لقيته راح نام ع الأرض
نزلت جنبه وهزيته بخنقه
دنيا : انت يا استاذ اصحالي كده
اكرامي : نعم ياقلب الاستاذ هيا ليله باينه من اولها
دنيا : تقصد اي يعني بكلامك ده
اكرامي : ماقصدش حاجه يادنيا عاوزه ايه
دنيا : اتفضل نام جنبي موش انا بقيت مراتك ودي كانت حجتك
اكرامي : بس انتي مش جاهزه لحاجه زي دي وانا مش حابب اضايقك
دنيا : تضايقني عشان هتنام جنبي ؟؟
اكرامي : اه نوم لا دانتي ف البطاطا خالص قومي ياروحي وانا هنام جنبك منا اصلي اتجوزت طفله
دنيا : متقولش طفله انا كبيره اهووو
اكرامي : كبيره كاجسم لكن عقل تقريبا كده مافيش خالص
دنيا : امشي قدامي يا اكرامي ولا اقولك هات المخده معاك الاول
اكرامي : نعممممم اجيبها ليه
دنيا : عشان تحطها بينا
اكرامي : اومال ايه ال انا بقيت مراتك من شويه دي
دنيا : اه اتحجج بقي هو عشان بقيت مراتك تلزق فيا
اكرامي : لا لا كتير عليا كده طبعا انام جنب مراتي وألزق فيها ازاي ده يبقي عيب حتي
دنيا : طيب بطل غلبه وهاتها ياله
___ ابتسمت علي جنانه ده بجد انسان غريب ودمه خفيف ف كلامه وحركاته وبصراحه طلبت منه يحط المخده بينا عشان
ادايق مني المره ال فاتت لما قربته ليا ...طلعت علي السرير جاب المخده ورماها ف وشي
اكرامي : خودي ياختي المخده اهي
دنيا : عااااا ليه كده طيب
اكرامي : بصي يابت انتي نامي وشك للحيطه ومش عاوز اسمعلك صوت تاني ياله
دنيا : متزوقش طيب محسسني اني رغايه
اكرامي : لا ل سمح الله رغاية ايه دانتي راديو
__________
بعد خناق دام لساعه تقريبا نمنا وبينا المخده ودخلنا ف سبات نوم عميق صحيت الصبح لقيته لسه نايم وأيده حضناني
والمخده مش موجوده عرفت أن هو ال شالها وحضني لما
نمت طيب لما هو حابب قُربي اتهرب مني ليه يومها ؟!.فضلت
اتفرج علي وشه ال لما ينام بيبان طفولي لا ايه الوش ده بجد هو انا لو اخدت بوسه منه هيحس 🤔 قربت من وشه اوي
وغمضت عيني وبوسته جنب شفايفه رجعت بعدت وقولت لازم اقوم قبل مايصحي بعدت أيده عني بشويش ولسه جايه اقوم لقيته مسك ايدي قولت ف بالي لا يارب ارجوك
مايكونش حس بيا وانا بابوسه بصيتله لقيته مغمض ارتحت وقولت اكيد بيحلم شدني تاني نيمني وقرب مني اوي حسيت بدفا جسمه ومعرفش ليه قلبي دق بسرعه كده
حاولت ابعد تاني لقيته تبت فيا وبعد دقيقه فتح عنيه واول ماشافني قعد بسرعه وقالي اي ده ازاي تتحضنيني كده
دنيا : نعممممم حضرتك ال كنت حاضني علي فكره مش انا
لقيته قالي بابتسامة جانبيه
اكرامي : وانا برضو ال بوستك مش كده
دنيا : انت كنت صاحي 😐
اكرامي : ايوه
دنيا : تصدق انك غلس وبارد
اكرامي :ليه بس كده بس اقولك حاجه كانت حلوه اوي
بيتكلم وهو بيقرب مني ولقيته بيلف أيده علي وسطي وقربني منه اوي وقرب وشه من وشي كمان قال بهمس
اكرامي : عاوز اجربها
دنيا : هاا
اكرامي : البوسه عاوز اجربها
دنيا : اكرامي عيب ك كده سيبني
اكرامي : عيب ايه دنا جوزك
_____
من كتر ماكنت مكسوفه وشي احمر ولما خلاص حسيت بيها زقيته وطلعت جريت ع الحمام قفلت الباب عليا ..ماكنتش
عارفه اخد نفسي بيعمل فيا ايه لما بيقربلي ده .. هو راح فين
مارضيتش افتح الباب لحد مالقيته بيخبط عليا وقالي خليكي عندك انا نازل قولتله من ورا الباب رايح فين قالي
الشغل ومشي حسيت من نبرته أن زعل مني بس عادي مهو
عملها فيا قبل كده بعد نص ساعه سمعت حركات غريبه بتحصل حوالي البيت استغربت وقولت معقول رجع بسرعه
كده بصيت من الشباك لقيت ناس غريبه تحت وعشان كنا
بالنهار شفت وشهم ومعرفتش اي حد منهم رنيت علي اكرامي بسرعه ماردش عليا رنيت تاني بردو ماردش عرفت أنه زعلان بجد بعتله رساله وأيدي بتترعش فيه (إلحقني)
رن عليا بسرعه فتحت بس مالحقتش اتكلم بس سمعني وانا بقولهم انتم مين وعاوزين مني ايه محدش فيهم رد عليا شدوني غصب عني ولفو ايدي وبوقي ببلاصتر كبير عيط
من الخوف وحاولت اقاومهم معرفتش كانو خمس رجاله وشكلهم مرعب اخدوني ف عربيه سوده وفيه عربيه تانيه معاهم قولت ده اكيد الزفت هادي محدش هيعمل فيا كده
غيرو وهما اكيد هياخدوني ليه دلوقتي لاكن تفاجأت بيهم واخدني لل________