روايه لم يكن بيدي انا فقط أحببته
الفصل الخامس 5
بقلم دنيا محمد
نزل وقف قصادي وباين علي وشه الغضب مسكني من دراعي وفضل يرجعني لورا لحد ما بقي ورايا حيطه سد وقالي
عاوزه تعرفي معناها انا هقولك انتي اول ماحبيتي حبتيني انا مش هو قابلتيني انا مش هو فاكره لما نسيتي شنطتك ف استراحه قريبه للكليه انا ال بحثت عنك وجبتهالك مش احمد
وفاكره لما قابلتيني تاني وناديتي عليا وقتها سألتيني عن اسمي ووقتها بردو صحبتك ندهتلك واتلهينا و سبتيني ومشيتي وكل مره كنت بشوفك تضحكيلي من بعيد وتمشي
كانت ضحكتك دي عالم بضيع فيه لما بس بلمحها و لمدة 7 شهور كنت ماشي وراكي ف كل حته زي المجنون لحد ماجت الصدفه ال غيرتلي كل حياتي يوم ماقابلتك ف الكافيه
استغربت تصرفاتك كنتي بتكلميني كأننا بنتقابل كل يوم كنت اليوم ده مقرر اعترفلك بمشاعري نحيتك لحد مالقيتك بتحضنيني كنت فرحان اوي لحد ماسمعتك بتقولي لي انا
بحبك اوي يا احمد عرفه يعني ايه تبقي ف حضني وتقولي لحد غيري بحبك هتعرفي ازاي هه واسيب دراستي واسيب كل حياتي واتابعك وف الاخر تطلعي بتحبي اخويا
دنيا : ليه ماقولتليش
اكرامي : كنتي هتعملي ايه ها كنتي هتسيبي احمد وترجعيلي يعني انتي حبتيه هو مش انا وبسببكم سبت امي واختي ومشيت سنين خايف ارجع اشوفك معاه طول السنين دي
ماغبتيش عن بالي لحظه بقيت بحس انك مجرد لعنه احتلت حياتي
دنيا : لعنه ،، انـ ..انا مش مصدقه ال بسمعه ده كان لازم تقولي انا طول الوقت كنت فكراك الشخص ال جابلي الشنطه اول ماشوفتك اتعلقت بيك يعني حبيتك انت مش هو ودي غلطتك ماينفعش تلومني انا عليها
ساب ايدي وبعد عني لما عنيه دمعت واداني ضهره عشان ماشوفش دموعه كنت واقفه مزهوله ازاي ده يحصل انا ازاي ماحستش بحاجه زي دي
اكرامي : عندك حق مافيش داعي ألومك انتي كان المفروض اقولك انا اكرامي وانتي حبيتي توأمي بالغلط مش كده
دنيا :
اكرامي -- ارجعي نامي عشان هنمشي بدري
دنيا : اكرامي اسمعني طيب خليني جنبك يعني مترجعش تبعد تاني ..مش عارفه اوصلك ال جوايا افهمني انت ارجوك
اكرامي : هه كنت عارف اني دي هتكون رد فعلك عادي أخين شبهه بعض ايه يعني واحد راح التاني موجود
دنيا : ارجوك بلاش تشوفني بالطريقه دي انا مش كده انا بس عوزاك
قبل ماكمل كلامي رجع مسكني من ايدي تاني وقالي
اكرامي : انسي وجودي جنبك ال مات ده يبقي اخويا وكان بيحبك وانتي كمان كنتي بتحبيه ده حتي بينكم عشرة سنين
لكن انا يادوب كل الحكايه كام شهر واتنسيت وماعتش عندي استعداد اخوض التجربه دي معاكي تاني ولا مع اي حد فا شيلي الفكره ال ف دماغك دي
دنيا : انا ماستهلش منك ده كله وبعدين حتي انا مش عوزاك انا كنت هقولك تبقي زي .... زي اخويا واشوفك ونتكلم من وقت لتاني عادي وبس
اكرامي : بس انا مش مرتاح وانتي معايا عارفه ده ايه (بيشاور علي صدره مكان القلب) ده قلب اتكسر ميت حته علي ايدك انتي حبيتي اخوويا وكنتم هتتجوز فوقي ...بعد
النهارده مش هتشوفي ضافري وابعدي عن امي واختي وكفايه كلام كده اتفضلي نامي وانا خارج
خرج وقفل الباب وراه قعدت ع الارض اعيط ده حقيقي ال سمعته ده عشان كده احمد كانت اوقات تصرفاته غريبه ف الوقت ده افتكرت حاجه
باك
ازيك يا دنيتي
اي ده هو انت .... طبعا عرفت اسمي من الكتب ال كانت ف الشنطه
..شنطة اي دي انا عرفته من صاحبتك وهيا بتندهلك
بس ----
دنيااااا ياله اتأخرنا ع المحاضره .......
باك ________
لدرجادي انا طلعت غبيه ظلمته ازاي كده بس انا كنت هعرف منين يعني هو ليه قاسي اوي كده كان ممكن يسامح بس هو عنده حق ازاي هيرتبط ب حبيبة اخوه 💔 يعني خلاص من
بكره مش هشوفه تاني وهرجع اعيش نفس الوحده ال كنت فيها بعد وفاة أحمد .. طلعت ع السرير بس فضلت قلقانه ومستنيه يرجع خلاص المغامرات دي هتخلص بكره وهيبعد
عني انا نفسي مش عارفه انا عاوزه ايه انا فعلا عوزاه عشان هو يشبه احمد ودي انانيه مني يمكن لما ارجع لحياتي اقدر انسي وقلبي يرتاح عنده حق البعد هو الحل ___ شويه
وحسيت اني خلاص جبت اخري وهموت وانام وفعلا نمت صحيت بعد وقت اطمن انه رجع كان النهار قرب يطلع ولقيته
نايم مكانه ومش متغطي اخدت الغطا بتاعي ورحت نمت
جنبه كان مديني ضهره نمت وراه وغطيته وبعد وقت تاني صحيت علي صوت العصافير لقيت وشه قدامي اول مافتحت عيني كنت فرحانه اوي وباقول يارب يفضل نايم
شويه عشان افضل اتفرج عليه شكله يجنن وهو نايم اوي
لقيت جفونه ابتدت تتحرك وقفت بسرعه وبعدت عنه لقيته
قعد وقالي فيه ايه قولتله ابدا مافيش قالي كويس انك
صاحيه افطري ياله عشان نمشي ...... طيب مانستني شويه
انا حاسه اننا دلوقتي بدري قوي طلع تليفون من جيبه وبص
فيه لقيته بيقولي لا بدري ولا حاجه الساعه بقت 9 قلت ف
بالي لازم اخد التليفون ده منه مشيت نحيته وقولتله حلو اوي الفون ده ممكن اشوفه مسكته وعملت اني بتفرج عليه لكن الحقيقه اني كنت بجيب رقمه وحفظته ف دماغي وطول
منا قاعده بردده عشان منساهش رغم ان رجعت حسيت اني كده بضر نفسي وبضره معايا انا كنت خلاص قررت ان بعده عني هو الحل .... بعد شويه لقيته بيقولي ها خلصتي قولت
له ايوه قالي تمام ياله فيه عربيه بعيده عن هنا بحاجات بسيطه هنمشي بس لحد مانوصلها انتي حسه انك بقيتي احسن هزيتله راسي ب ايوه وقفت ونزلنا من البيت ده وانا
بقول ياريت ارجعلك تاني .... فضلنا ماشين شويه لحد ماوصلنا للعربيه كل ده واحنا ساكتين لقيتها عربيه حديثه وحلوه اوي استغربت وسألته هيا العربيه دي بتاعتك قالي
بإستهزاء لا سارقها قولتله انا بتكلم جد علي فكره بلاش الاسلوب ده
اكرامي : حد قالك اني كنت مسافر السنين دي كلها ألعب اتفضلي اركبي ياله
ركبت ومشينا بعد شويه لقيته بيطلع حاجه من جيبه وبيقربها مني بصيت لقيتها دبله قولتله ايه دي
اكرامي : دبله احمد خطيبك
__ اخدتها من ايده وغصب عني عنيا دمعت افتكرت ذكرياتنا والحب ال كان بينا بكل تفصيله فيه
اكرامي : كفايه دموع كده
دنيا : دي الحاجه الوحيده ال بقيت بتريحني
لما لقاني زدت ف البكاء وقف العربيه علي جنب ونزل منها وبعد كام دقيقه دخل تاني وكملنا الطريق وصلت عند بيت اهلي وقبل مانزل م العربيه بصيتله وقولتله مش عاوز تقولي
حاجه ؟ قالي من غير مايبصلي مع السلامه .... نزلت وانا حسه ان روحي بتروح مني للمره التانيه البُعد ده حاجه وحشه اوي ..اول مانزلت مشي علطول افتكرت احمد لما
كان بيفضل واقفلي لحد ما اطلع ويطمن عليا .. طلعت وانا مش عارفه هقول بابا وماما ايه اول ما امي فتحتلي الباب حضنتني وقالتلي حمدلله علي السلامي ياقلبي استغربت
انه عادي كده فكرت هيحصل انقلاب اول ماوصل ولقيت بابا يقولي ماتصلتيش علينا ليه وقولتي انك جايه كنت جيت اخدتك ؟ تاخدني منين ! انا مش فاهمه حاجه لقيت ماما
قربت مني وقالتلي كده يادنيا تغيبي ده كله ومتكلفيش نفسك تطمنيني عليك وتخلي ساره هيا ال تكلمنا تعرفنا انك سافرتي .... كده فهمت الموضوع وقررت اتجاوب معاهم
عشان ميحسوش بحاجه قولتلها معلهش ياماما كان تلفوني علطول فاصل ونسيت اخد الشاحن معايا ....عادي ياحببتي ولا يهمك ادخلي انتي ارتاحي شويه علي ماجهزلك الغدا ..
دخلت وانا مش مستوعبه ال حصل دلوقتي معقول اكرامي ليه ايد ف الحصل دلوقتي ده ؟ يعني كان مرتب كل حاجه
حقيقي بني ادم يذهل ....دخلت اخدت شاور رغم انه كان
ماينفعش عشان الجرح افتكرت ان اكرامي نسي يفك لي الخياطه وقولت دي حجه هكلمه عشانها اخدت تليفون ماما عشان تلفوني ف عربيتي ال مازالت موجودة عند التله و
كتبت رقمه اترددت كتير ارن خفت يكلمني بطريقه وحشه او يزعل اني اخدت رقمه من ورا المهم اتشجعت ورنيت ..اداني
جرس شويه ولقيته بيقو ألو ..مش عارفه ليه لساني اتجمدت
ومعرفتش انطق بعد ثواني لقيته بيقولي دنيا !
دنيا : نعم
اكرامي : خير فيه حاجه
دنيا : اي.. ايوه انت نسيت تفكلي الخيط
اكرامي : تقدري تروحي لأي دكتور الصبح او دلوقتي هيفكهالك
دنيا : بس انا هتكسف حد غريب يعملهالي
اكرامي ----------- تعالي بكره العياده ال هبعتلك عنوانها الساعه 10 الصبح
دنيا : اوك جايه
قالي سلام وقفل رغم ان كلامه ناشف ويعصب بس اتعودت عليه ف حياتي وياريته يفضل كده ... طول الوقت كنت بابص ف الساعه عوزه بكره يجي دلوقتي هتجنن طب وبعد
الجرح هشوفه بحجة ايه لو بس يرضي نتقابل من وقت لتاني ...اخيرا حسيت اني هلكانه وعوزه انام عملت المنبه ع الساعه 9 نمت وصحيت تاني يوم الصبح مبسوطه اوي
اخدت شاور ولبست احسن حاجه عندي وحطيت برفان وطلبت من بابا عربيته وفهمته ان بتاعتي ف التصليح نزلت وركبت العربيه وجريت علي مكان العياده انا خلاص بقيت
مهوسه بيه ...كانت عياده خاصه ف الدور التاني طلعت وانصدمت من