رواية 30 يوم
الفصل الثالث عشر 13
بقلم مارلي أيهاب
في المستشفى كانت تبكي روح بقهر وهي حاسة بالعجز الشديد بعد ما طلعت نتيجة الاشعة اللي طلع مفيهاش اي حاجة تخلي الصوت يروح بشكل ده قهرها اكتر و خلاها تفضل تبكي كان يجلس احمد هي صعبانة علية ومش قادر يحدد اللي حصل ليها ده بسبب الموضوع بتاعتها ولا ده من عند ربنا
احمد بحزن..... اهدي شوية ان شاء الله صوتك هيرجع
روح نظرت ليه بعجز لانها حتي مش قادرة ترد عليه
دخل محمد طلقها واتكلم ببرود... انت مين
احمد بهدوء.... و انت بتسال ليه بقي يا دكتور
محمد بهدوء... من حقي اسأل انت بتعمل اية في اوضة المريضة
احمد... لا مش من حقك حقك انك تدخل تتطمن علي صحتها وبس و بعدين مش انت الدكتور المختص بتاعها
محمد بغضب..... انا بقي عايز اعرف انت مين وعايز اية منها بظبط
يسري دخل بعد ما سمع صوت الزعيق... في اية
محمد بغضب... مين الراجل ده انا عايز اعرف
يسري.... ده استاذ احمد قريب دكتوره روح
محمد... بس ده مش قريبها وانا اللي اتجوزتها وعشت معاها سنين الراجل ده مش قريبها
كانت روح تسمع وتبكي و ليس لها قدرة علي الرد
احمد بستفزاز... انا مش فاهم انت مضايق ليه هي طلقتك علي فكرة مش مراتك لو مش واخد بالك وبعدين انا قريبها من بعيد وكنت برة مصر انا اكون ابن بنت عمتها و مكنش لينا صله ببعض علشان كدة انت متعرفنيش
محمد بغضب..... ايوة يعني اية اللي قوي العلاقات اوي بينك وبينها خلاك تفضل قاعد معاها
احمد بستفزاز..... ميخصكش
محمد ترك الغرفة بغضب اما يسري شك ان في حاجه بينهم خرج هو من الغرفة
احمد اتكلم بهدوء... اوعي في يوم تعرفيهم انا مين سامعة
روح ونظرات القهر باينه علي وجهها و كأنها تقول لها انا كدة كدة مش هعرف اتكلم
احمد بهدوء.... ان شاء الله قريب تتكلمي انا هسيبك دلوقتي لاني عندي شغل وهاجي تاني اطمن عليكي بعد اذنك
خرج احمد من الغرفة وكانت مني متابعه بعيونها
اما مازن عرف اللي حصل لاخته وراح هو ونهي اللي كانت كالعادة شاردة
مازن بدموع قرب من اخته وقبل ايديها..... حبيبتي الف سلامة عليكي يارب كنت انا وانتي لا
روح هزت راسها برفض
مازن بدموع... لو اعرف بس اية اللي بيحصل معاكي كنت عملت كل اللي اقدر عليه علشان تقومي من نومتك دي يا حبيبتي
روح كانت الدموع تلمع في عيونها بقهر
مازن مقدرش يستحمل وحضنها بكل حب اخوي و دموعه نزلت حزناً علي اخته الكبيرة
كانت نهي تقف وتتأملهم بحزن
مازن بدموع.... ان شاء الله تخفي قريب يا حبيبتي انتي ربنا بيحبك وهيشفيكي قريب
روح بدموع هزت راسها برجاء
مازن فضل قاعد مع اخته لغاية الساعه 8 مساء
روح هزت راسها وشاورت علي الباب
مازن بهدوء... انا مش هسيبك. يا روح
روح هزت راسها بضعف وشاورت علي الباب
مازن بضيق... يا روح سبيني معاكي فين المشكلة يعني لو تسبيني اقعد معاكي
روح هزت راسها برفض......
مازن بضيق... طيب. بس هاجي الصبح بدري
روح هزت راسها بالموافقة
مازن قبل راسها واخد مراته ومشي وركبوا العربية تلفونه رن وكان الشغل بتاعه
مازن خلص مكالمته بضيق وقال... هروحك علي البيت ورايح الشغل و هبات فيه تمام.
نهي بهدوء.... تمام تروح وتجي بالسلامه
مازن كان مضايق انه كدة مش هيقدر يروح يشوف اخته الصبح
وصل مراته البيت وطلع
في الساعة واحدة مساء كان معاد المنوم اللي بيخلي روح تنام لانها من غيره مش بتقدر تنام
الممرضة ادتلها الحقنة ولكن نظرات الممرضة مكنتش مطمنه خرجت بس روح المنوم معملش اي مفعول ابدا
بس ربع ساعة ابتدت تسمع حاجات غريبة وتشوف اشكال بتحوم حاولين الغرفة اشكال مرعبة جدا
روح حاولت تصرخ ولكن الصوت مش بيطلع الصوت مش طالع.
روح كانت هتموت من الرعب يسري دخل الغرفة واول ما دخل وقرب من السرير روح حضنته برعب وكانت بتشاور علي اشكال في الاوضة اصلا مش ظاهرة
يسري مكنش مركز في حاجه غير انها حضنته وهي بنفسها.
شافها بتشاور تاني والدموع والرعب علي وجهها
يسري بحزن..... مفيش حاجه يا روح اهدي
روح بكت بوجع وهي تشاور علي شكل مرعب يقف...
يسري بحنية... اهدي يا روح صدقيني مفيش حاجه يا حبيبتي الموضوع مجرد تهيوأت انتي منمتيش ليه لغاية دلوقتي
يسري مسك حقنة فيها منوم وادهلها وبعد شوية نامت نوم عميق
يسري ابتسم بحب ومكنش مصدق انها حضنته وفضل قاعد جنبها يتأملها بحب ومراته كانت بتصل
يسري بهدوء... الو
زوجته بغضب... في اية يا استاذ يسري حضرتك نسيت ان ليك. بيت وعيال ليل ونهار في المستشفى وتيجي علشان تاكل وتغير في اية انا عايزة افهم بقي ولا انت مش في المستشفى ومع واحدة
يسري بضيق... في اية بقي يا ماجدة يا ستي انا في المستشفي تحبي انهدهلك الممرضين. والاستقبال تسأليهم انا الفترة دي عندي شغل مهم فاهمة
ماجدة بضيق... ماشي خلي البيات برة ينفعك
وقفلت الخط في وجهه
اما هو مهتمش ابدا ورجع يتأمل روح مرة اخري
،.،..،.،.،..،.،.،.،.،.،.،.،.،.،،،.
في مكان في الصحراء كان يقف اثنان معا
..... حالة روح بقت زي ما احنا عايزين ولسه اكتر اما الدواء عقار البريجابلين يشتغل اكتر فيها و تتجنن والتجربة لما تتعمل في بلدك اكيد هتنجح وهتكون عقاب قوي لاي مجرم
..... اكيد علشان كدة عايز تفاصيل بالحالة اول بالاول لاني بابعت التقرير للباشا الكبير
..... انا علي طول ببعتلك التقاير اللي تخص حالتها
.... يكون ده احسن وانا مراقب الكل ولو حسيت بغدر من اي حد ساعتها هتندموا
.... انا معاك دايما ومستحيل اغدر بيك
.... مين الراجل اللي دايما يجي لروح
..... بيقول ابن بنت عمتها
.... انا هعرف اذا كان بيقول الحقيقه ولا بيكذب
يلا امشي دلوقتي
.... تمام بعد اذنك
ومشي الشخص ده وركب عربيته والتاني كان يقف وينظر بغموض