الفصل الاول1
بقلم عبير سليم
نقل فؤادك مهما شئت من الهوى
ما الحب إلا للحبيب الأول
بيت شعر قديم حفظناه عن ظهر قلب حتى اقتنعنا و امنا بكل كلمه به فمن اسعده حظه نال حبه الأول وأصبح له الحياه و من لم يكن له نصيب معه أصبح ذكرى قد تستطيع الايام على ان تمحيها و قد يحدث ما يذكرهم به دائما و يعكر عليهم صفو حياتهم
يخرجان من الجامعه و ايديهما متشابكه فرحين بنجاحهما و أنهما قد أنهيا دراستهما الجامعيه
يجلسان سويا بأحد الكافيهات : يااه اخيرا خلصنا يا حنين
حنين : الحمد لله يا فارس انا مش مصدقه نفسي دلوقتي بقى نقدر نشتغل بشهادتنا
فارس : ياريت يا حنين بس تفتكري حنلاقي شغل بالبساطه دي
حنين : مش لازم بسرعه احنا ندور و نقدم وان شاء الله ربنا حيوفقنا اهم حاجه بس تجيب الشقه يا فارس عشان في البيت يوافقوا عليك
فارس : الشقه و هي الشقه حتيجي كده بين يوم وليله مش لازم اشتغل الأول و احوش تمنها عشان اقدر اشتريها
حنين : أي حاجه يا فارس ان شالله حتى اوضه وصاله المهم نبقى مع بعض
فارس : يا حبيبتي يا حنين اطمني ان شاء الله حنبقى مع بعض انا من بكرة حقلب الدنيا على شغل
حنين : وانا كمان من بكرة حنزل ادور و ربنا معانا يارب حبيبي معلش ممكن نقوم
فارس : هو احنا لحقنا نقعد مع بعض يا حنين
حنين : معلش يا فارس مانت عارفهم بيحسبوهالي بالثانيه و لو اتاخرت بتبهدل
فارس : خلاص يا حنين حاضر قومي اوصلك
يمشي فارس و حنين و هما بيتكلموا عن مستقبلهم لحد ما يوصلوا لأول الشارع عندها و يسلم عليها و يروح يفرح اهله اما هي تدخل شقتهم : ماما حبيبتي انتي فين
تسمع صوتها من جوة تدخل لها الأوضة : ماما مالك يا حبيبتي انتي تعبانه و اللا إيه
مامتها : التعب اللي بيجيلي علطول ده المهم طمنيني يا حنين عملتي ايه يا حبيبتي
حنين : الحمد لله يا ماما انا نجحت
مامتها : بجد الف مبروك يا حبيبتي الحمد لله ان ربنا فرح قلبك و مضيعش تعبك
حنين : الله يبارك فيكي يا ست الكل
يدخل عليهم : البرنسيسه وصلت انتي اتاخرتي كده ليه
حنين : أنا متاخرتش و لا حاجه يادوب على ما جبت النتيجه و جيت يا عمي
مامتها : مش تبارك لها يا رجب
رجب : مبروك يعني كده خلاص ارتحنا من مصاريفها و هم دخولها و خروجها كل شويه اعملي حسابك بقى من بكرة تنزلي تدوري على شغل و تساعديني شويه فمصاريفكم
حنين : من غير ما تقول ياعمي حاضر
رجب : و انتي يا ست عايده حتفضلي كل شويه عيانه و مرضانه كده ما كل الستات زي الفل و مفرحين اجوازهم اللا انتي ست فقر
عايده : انا فقر ليه عملتلك ايه يا رجب
رجب : عملتيلي ايه يعني مش عارفه الأول لفيتي على اخويا لحد ما اتجوزتيه و بعد ما اتكل على الله خليتي ابويا يحكم علية اتجوزك عشان خاطر الست حنين هانم و بسببكم سيبت حبيبتي اللي اتجوزت غيري و انا اتدبست فيكي و فوشك الفقر
اللا عمري ما شفت معاكي يوم عدل واحد من يوم ما اتجوزتك جتكم الهم
يخرج و يهبد الباب وراه و حنين تاخد امها فحضنها و هي بتعيط : ياريتك ماكنتي اتجوزتيه يا ماما انا مش حاسه ان ده عمي واني بنت اخوه انا حساه واحد غريب عننا عمره ما اخدني فحضنه و لا طبطب علية دايما شخط و بهدله و بيدينا الفلوس بالعافيه انا نفسي بقى اشتغل و اخدك من هنا و نمشي
عايده : نمشي نروح فين بس يا بنتي معلش يا ضنايا منك لله يا رجب و الله يسامحك يا حمايا هو اللي غصب علية اتجوزه بعد ابوكي الله يرحمه ما مات و قاللي احنا مش حنسيب لحمنا و هد.. دني بيكي يا حنين قاللي لو متجوزتيهوش حاخد منك حنين و ارميكي في الشارع و انا مكنش لية حد يقفلي اضطربت اوافق و اتجوزه و الله لو كان سابنا لكلاب السكك كانت حتبقى احن علينا منه كفايه بهدلته فينا كل شويه
حنين : خلاص يا ماما ده بختنا ونصيبنا المهم مينفعش نسكت على تعبك اكتر من كده لازم اخدك المستشفى عشان نعرف مالك يا ماما انا معنديش أغلى منك يا حبيبتي ربنا يخليكي ليا يا رب
عايده : يا حبيبتي يا حنين انا استحملت الذ. ل والاهانه دي كلها عشان خاطرك يا حبيبتي وكل اللي انا عاوزاه اني اطمن عليكي وبس
حنين : اطمني يا ماما انا و فارس حننزل من بكرة ندور على شغل واول ما ظروفه تتحسن حييجي يتقدملي على طول
عايده : ربنا يكتبلكم الخير يا حبيبتي يارب
يمر اليوم و في اليوم التالي تصر حنين انها تاخد مامتها للمستشفى و الدكتور يكشف عليها و يطلب منها تحاليل و اشعه لكن تمنها غالي عشان توضح هي عندها ايه و سبب الآلام اللي بتحس بيها و لما تطلب فلوس من عمها يرفض يديها فتضطر انها تبيع الحلق اللي ودنها عشان تقدر تعمل لمامتها الاشعه و التحاليل و بالفعل عملتها و لكن للأسف النتيجه طلعت ان عندها لوكيميا وانها لازم تاخد علاج كيماوي عشان تتعالج
و الدكاترة ساعدوها انها تقدم في مستشفى بالمجان لأن جلسات الكيماوي غاليه جدا لكن في علاج حيكون على نفقتها هي الشخصيه
و حنين بدأت تدور على شغل عشان تقدر تصرف على علاج امها
لكن عمها مكنش ساكت و كل شويه يسمعهم كلام زي الزفت ومكنش مراعي تعب مراته و لا بهدلة بنت اخوه كل همه نفسه و بس
لقيتي شغل و اللا لسه
حنين : اديني بدور يا عمي وان شاء الله حلاقي
رجب : بقولك ايه شوفيلك اي شغلانه وخلاص اهو المهم تساعدي امك في مصاريفها
حنين : طب ومش المفروض انت كمان يا عمي تساعد فالمصاريف هي اللي تعبانه دي مش مراتك بردو
رجب : لا يا حبيبة امك انا كفايه علية اني مستحملكم و معيشكم في بيتي اكتر من كده ملكوش حاجه عندي و بقولك ايه انتي من بكرة حتنزلي تشتغلي في محل الملابس بتاع هاني اللي على اول الشارع
حنين : انت بتقول يا عمي انا صحيح معنديش مانع اشتغل اي شغلانه عشان ارتاح من التقطيم ده كل شويه لكن مش لدرجة اني اشتغل عند هاني اللي سمعته الزفت و معروف عنه ان مفيش واحده بتدخل محله غير اما يعاكسها
رجب : والله البنت الشريفه تعرف تحافظ على نفسها كويس
وهو ده اللي عندي يا اما تاخدي امك من هنا و تغوروا فستين داهيه انا مش ناقص قرف كفايه شبابي اللي ضيعته معاكم
تدخل حنين اوضتها و تتصل على فارس اللي هو كمان لسه ملقاش شغل لحد دلوقتي و تحكيله اللي حصل و فارس يقوللها توافق و تشتغل عنده وخلاص لحد ما ربنا يدبرها و ان ده محل في الشارع فوسط الناس و مش، حيقدر يضايقها و لو عمللها حاجه تسيبه و تمشي و تنزل حنين المحل اللي كانت بتفتحه الضهر و تطلع منه بالليل و طبعا كانت بتستئذن صاحب الشغل كل أسبوع عشان تروح مع امها الجلسه
كانت بتلاحظ دايما نظراته ليها و أنه عينه عليها في الرايحه و الجايه لكن كانت بتحاول تبعد عنه على اد ما تقدر المهم تاخد فلوسها اخر الاسبوع اللي عمها اصلا كان بيشاركها فيها وتجيب لأمها الادويه و العلاج و كانت بتقابل فارس كل فتره لظروف شغلها كانوا بيقعدوا عالكورنيش و يتمشوا شويه لان ظروفه مكنتش تسمح له انه يقعدها كل مرة فكافيه و كانوا بيتكلموا مع بعض في التليفون يعرفوا اخبار بعض : وبعدين بس يا فارس متشوفلك اي شغلانه وخلاص
فارس : خلاص يا حنين محمد ابن خالتي حيشغلني معاه وخلاص لحد ما ربنا يسهلها
حنين : ياااه يا فارس تشتغل مع محمد بس انت كده حتتعب اوي حتفضل طول اليوم تشيل و تحط في المخازن بتاعتهم
فارس : اعمل ايه بس اهو احسن من مفيش انا اللي صعبان علية اني حبقى زيي زي اللي لا اتعلموا و لا دخلوا مدارس يا خسارة الشهاده اللي اخدناها
حنين : معلش يا فارس ان شاء الله ربنا حيدبرها
فارس : ان شاء الله يا حبيبتي المهم طمنيني انتي عليكي عامله ايه مع عمك
حنين : منه لله بياخد نص الفلوس اللي بشتغل بيها و ياريت بس لسانه يسكت شويه
فارس : و هاني عامله معاه ايه اوعي يكون بيضايقك يا حنين
حنين : هو لحد دلوقتي محترم نفسه معايا بس اوقات بحسه بيبص علية مش عارفه هل ده فعلا بيحصل و اللا انا بيتهيألي من الكلام اللي بسمعه عنه
فارس : خدي بالك من نفسك يا حنين عشان خاطري متقلقنيش عليكي
حنين : متخافش علية يا فارس حبيبتك بمية راجل
فارس : يا حبيبتي يا حنين يااه ياما نفسي انا وانتي نبقى فبيت واحد نفسي حب السنين ربنا يجمع شمله
حنين : ان شاء الله يا حبيبي احنا اتولدنا وحبنا اتولد معانا وان شاء الله مفيش حاجه حتقدر تفرق بيننا
فارس :ان شاء الله يا حبيبتي
ترجع حنين البيت و تلاقي مامتها تعبانه : ماما انتي تعبانه يا حبيبتي
عايده : ريقي ناشف اوي يا بنتي ناوليني المياه الله يسترك
حنين تديها المياه و مامتها تشرب : اشرب شربات فرحك يا حبيبتي يارب
ياااه تعرفي يا حنين انا طول عمري عايشه على أمل اني افرح بيكي و اشوفك عروسه لكن الظاهر اني مش حلحق اعيش لليوم ده
حنين : متقوليش كده يا ماما ربنا يخليكي لية يارب و يديكي الصحه و طولة العمر
عايده : حنين لو حصللي حاجه خللي بالك من نفسك يا حبيبتي احنا ملناش حد يا بنتي انا مقطوعه من شجرة وأهل ابوكي زي ما نتي شايفه انتي من بعدي ملكيش غير ربنا اللي احن علينا من كل الدنيا
تحضنها حنين و تعيط : متقوليش كده يا ماما الله يخليكي انتي حتخفي و حتبقي كويسه و حتفرحي بية زي ما كان نفسك يا حبيبتي
عايده : ان شاء الله يا حبيبتي ياللا قومي كليلك لقمه قبل ما عمك ييجي من برة و ياكل اكلك يا حبيبتي انتي شقيانه يا ضنايا و طول اليوم واقفه على رجلك
حنين : حجيب الاكل وناكل سوا
تجيب حنين الاكل وتاكل مع مامتها و تنام فحضنها وتاني يوم تروح شغلها كالعاده و البنت اللي معاها في المحل تغيب
هاني : معلش بقى يا حنين فاطمه مجاتش النهارده و الشغل كله حيبقى عليكي لوحدك
حنين : ميهمكش يا استاذ هاني ان شاء الله تعدي على خير
هاني : دلوقتي المصنع حيجيب لنا بضاعه و معلش حتساعديني نرتبها في المخزن
تقلق حنين : طب و هي البضاعه مينفعش تستنى لبكرة لما فاطمه تكون موجوده معايا
هاني : لا مينفعش يا حنين احنا فموسم و لازم الشغل ينزل من بكرة و اطمني حزودلك اليوميه بتاعتك
حنين : حاضر يا استاذ هاني
بعد شويه فعلا توصل البضاعه و العمال يمشوا و هاني يطلب من حنين تدخل البضاعه للمخزن
حنين تاخد الأكياس و تدخلها المخازن و هاني يستغل فرصة دخولها المخزن و يدخل وراها
تحط حنين البضاعه و تلتفت تلاقيه قصادها و عيونه بتتفحصها بشهوه و يبتدي يقرب منها و يحاول يلمس جسمها
حنين : في انت عاوز ايه
هاني : عاوزك يا حنين
حنين : إياك تقرب مني حصوت والم عليك الناس
هاني : صوتي زي ما نتي عاوزة محدش حيسمعك
يحاول يته. جم عليها و حنين تحاول تدافع عن نفسها و تصرخ لكن للأسف محدش سامعها
وقعها في الأرض و حاول انه ينته.. ك عرضها لكنها دافعت عن نفسها بكل قوتها و غرزت ضوافرها في وشه و قامت تجري مسكها من شعرها و حاول يوصل للي هو عاوزه لكن هي عضته في دراعه و طلعت تجري عالشارع و بقت بتجري في الشارع بسرعه و دخلت الشقه و هي بتتنفض من الخو.. ف
امها اول ما شافتها : مالك يا حنين ايه اللي جابك دلوقتي وايه اللي بهدلك هدومك كده اتكلمي يا بنتي الله يخليكي
تترمي فحضنها و تعيط بصوت عالي
امها : يالهوي يا لهوي حد عملك حاجه اتكلمي يا بنتي حصلك حاجه يا حنين
حنين و هي بتعيط : لاء يا ماما لاء انا كويسه بس كنت حضيع يا ماما اللي منه لله اللي اسمه هاني اته. جم علية يا ماما و كان عاوز .... ........ بس الحمد لله هربت منه و جيت جري على هنا
عايده : يا حبيبتي يا بنتي يا ضنايا منك لله يا رجب انت السبب الحمد لله يا حبيبتي انك بخير الحمد لله خلاص انتي ملكيش شغل تاني عنده مش حتروحي عنده تاني
حنين : مش حروح يا ماما انا اصلا ضربته و عضيته
عايده : يا حبيبتي يا بنتي كل ده كان مستخبيلنا فين بس ياربي حسبي الله ونعم الوكيل في الظالم و المفتري
حنين : خلاص يا ماما الحمد لله انها جت على اد كده وعدت على خير وانا حدور على شغل فمكان تاني
عايده : ربنا يقدرلك الخير يا حبيبتي يارب
تدخل تستريح في اوضتها و يتصل عليها فارس و تحكيله اللي حصل و قلبه يوجعه عليها و تسأله عن الشغل و يقوللها انه مش مرتاح و تعب من الشيل كل شويه و أنه حيسيب الشغلانه دي و يدور على شغلانه غيرها
بعد شويه يرجع رجب : انتي يا زفته ياللي اسمك حنين يا وش الفقر
حنين : عاوز ايه يا عمي
رجب : عملتي ايه خليتي الراجل طفشك من المحل
حنين : اسأله هو عمل ايه معايا
رجب : مانا سألته يا هانم و قاللي انه ظبطك و انتي بتمدي ايدك عالخزنه
حنين : أنا ده كدا. ب ده هو اللي اته. جم علية و ضر. بته و سبتله المحل
ومش حرجعله تاني
رجب : مترجعيش براحتك لكن تشوفيلك شغلانه تانيه انتي فاهمه
حنين : حاضر يا عمي حاضر
و ترجع حنين تدور على شغل تاني و مش لاقيه لحد ما تلاقي مكتبه فتشتغل فيها و فيوم تلاقي فارس داخل المكتبه : صباح الخير يا حنين
حنين : صباح النور يا فارس مالك يا حبيبي في حاجه
فارس : تعبت يا حنين و مش لاقي حاجه
حنين : وبعدين حتعمل ايه
فارس : حروح القاهره
حنين : تروح القاهره فين مش فاهمه
فارس : حروح ادور على شغل في القاهره يا حنين القاهره مجال الشغل فيها اكبر من هنا بكتير
حنين : انت مين اللي قالك كده قلة الشغل فكل مكان يا فارس
فارس : حجرب يا حنين مش حخسر حاجه
حنين : وانا يا فارس حتسيبني
فارس : اسيب مين ده انتي روحي حد يسيب روحه انا حتصل بيكي علطول و اقولك اخباري و ادعيلي يا حنين الاقي شغل بقى و وقتها اخدك معايا و نسيب المكان هنا خالص
حنين : و ماما يا فارس
فارس : ناخدها معانا طبعا مانتي عارفه غلاوتها عندي
حنين : و حتسافر امتى
فارس : بكرة ان شاء الله ادعيلي يا حنين
حنين : ربنا معاك يا حبيبي يارب خللي بالك من نفسك يا فارس و إياك عينك تروح كده و اللا كده
فارس : عيني با يمكن تشوف غيرك يا حبيبة عمري
يسلم عليها و يمشي و يتصل عليها اول ما يوصل القاهره و يقوللها انه حيطمنها عليه كل شويه
اما حنين فتلاقي حالة مامتها بقت صعبه و التعب زاد عليها اوي لدرجة انها مش قادره حتى تتحرك و الدكتور يقوللها ان حالتها مش مستجيبه للعلاج و ان نفسيتها مأثرة عليها جامد
حنين : ماما عشان خاطري يا حبيبتي شدي حيلك يا ماما
عايده : أنا عاوزة ارتاح يا حنين مش قادرة استحمل الألم اكتر من كده
حنين : و انا تسيبيني للعذاب يا ماما ده انا بقوى بيكي يا ماما
عايده : تعبت يا بنتي وانا و الله مش خايفه من الموت يا حنين انا خلاص مبقتش عاوزة حاجه من الدنيا انا اذا كنت خايفه فأنا خايفه عليكي انتي يا حبيبتي حنين خدي بالك من نفسك يا بنتي خليكي قويه يا حبيبتي
حنين تفضل تعيط ليل و نهار على امها و خوفها من انها تفارقها لكن امها اختارت الفراق و سابت الدنيا و راحت للآخرة راحت للي احن عليها من الكل
تفضل حنين طول ايام العزا دموعها مبتنشفش من على وشها كانت مش لاقيه الايد الحنينه اللي تطبطب ملقتش غير الايد اللي عاوزة تنهش فيها و بس
ما خلاص بقى هي ماتت و ارتاحت خلاص نشوف حالنا بقى
حنين : انت عاوز ايه يا عمي
رجب : عاوز اتجوز يا حنين وافتكر ان ده حقي انا عملت باصلي و استحملت امك فمرضها و تعبها و اظني من حقي بقى اني اشوف حالي انا كمان
حنين : ماشي يا عمي براحتك بس مش تستنى شويه هي اللي راحت دي مش امي
رجب : الحي ابقى من الميت يا حنين و انا كفايه علية هم لحد كده عاوز افرح بقى
حنين : طب وانا يا عمي
رجب : انتي مالك مانتي عايشه اهوه و انا مش حرميكي في الشارع مانتي لحمي بردو و حتفضلي هنا لحد ما يجيلك عدلك
حنين : كتر خيرك يا عمي
يسيبها و يخرج و هي تقعد تعيط على حظها و بختها و ترجع تاني تنزل الشغل و ترن على فارس اللي بقاله كام يوم ما اتصلش حتى ما عرفش ان مامتها اتوفت لكن تلاقيه مغلق
تنتظر اتصاله بيها لكن مفيش اي اتصال منه و تقلق عليه و تروح البيت عندهم تسأل اخته عنه اللي تقولها انه بقاله كام يوم ما اتصلش
ترجع حنين البيت و هي قلقانه على فارس ان يكون حصلله حاجه فتتفاجئ بيه في البيت : انت ايه اللي جابك هنا
رجب :اقعدي يا حنين استاذ هاني جاي يتقدملك
حنين : يتقدم لمين انتوا بتهزروا انت عاوز تتجوزني انا هو انا بردو مش كنت حراميه
هاني: المسامح كريم المهم اني دلوقتي عاوز اتجوز و الصراحه لقيت قلبي مايل ليكي
حنين : انت بتهزر هو انت مش متجوز و عندك ولاد
هاني : و ايه المشكله الراجل ليه مثنى و ثلاث و رباع
حنين : اسفه
رجب : ايه يا حنين هو انتي ملكيش كبير و اللا إيه انتي ازاي تتكلمي كده
حنين : عمي انا مش موافقه انابقولك اهوه قدامه
رجب : انتي اتجننتي و اللا إيه انا اللي اقول مش انتي و لو فتحتي بؤك ده
بكلمه مش حتلاقي نفسك غير في الشارع انتي فاهمه خشي جوة
رجب : بقولك ايه يا استاذ هاني انت بقى تنسى خالص حكاية انها مدت ايدها دي عشان بنت اخويا لا يمكن تعمل كده و انا عديتها بمزاجي واللي انا متأكد منه انك اتعديت عليها
ولولا انك اتاكدت من أخلاقها مكنتش فكرت تيجي دلوقتي و عاوز تتجوزها
هاني : جيب من الاخر يا رجب عاوز ايه
رجب : خمسين ألف جنيه يتحطوا هنا ادامي و تاخدها بشنطة هدومها اه انا راجل غلبان و محيلتيش حاجه
هاني : وانا موافق
رجب : يبقى نقرا الفاتحه
الشربات يا سعاد
حنين : والنبي يا خالتي سعاد انا عارفه انك طيبه والنبي متخليهوش يجوزني انا بحب فارس و هو حيرجع ياخدني و نمشي من هنا
سعاد : يا حبيبتي يا بنتي مانتي عارفه عمك يا حبيبتي و مادام قال كلمه للراجل ده يبقى خلاص اتجوزي يا حنبن و عيشي حياتك و انبسطي و كل واحد بياخد نصيبه يا حبيبتي
تسيبها و تخرج و يطلب منها رجب انها تزغرد فتزغرد اما حنين تحاول تتصل على فارس تاني و تالت و عاشر من غير فايده فترمي التليفون من ايدها و تفضل تعيط
تحاول كل يوم انها تتحايل على عمها لكنه ميسمعلهاش
تروح تاني عند اخت فارس عشان تسأل عليه لو كان اتصل بيهم و تخبط عالباب كتير لكن محدش يفتحلها و لما تسأل جارتهم تبلغها ان عمهم اتوفى امبارح بالليل و سافروا كلهم البلد
ترجع البيت و دموعها على خدها تلاقيه مستنيها : انتي ازاي تخرجي من
غير اذني يا زفته انتي
حنين : مخنوقه و عاوزة اتمشى فيها ايه دي مش كفايه قعدتني من الشغل بلاش افك عن نفسي شويه
رجب : طب هاتي بقى الزفت ده
حنين : ده تليفوني يا عمي بتاخده مني ليه
رجب : هو كده كيفي
كده و من الساعه دي اياكي رجلك تعتب عتبة البيت لحد ما تغوري و ارتاح منك
و اعملي حسابك يا هانم ان كتب كتابك و دخلتك الجمعه الجايه و يسيبها و يخرج
تفضل حنين تعيط و مش عارفه تعمل ايه و متلاقيش حنين ادامها
غير حل واحد بس هو ده اللي فايدها عشان تنقذ نفسها من جوازها من حد غير فارس
و