CMP: AIE: رواية بنت المخاوي الفصل الثاني 2بقلم السعيد محمد
أخر الاخبار

رواية بنت المخاوي الفصل الثاني 2بقلم السعيد محمد

 

رواية بنت المخاوي 

الفصل الثاني 2

بقلم السعيد محمد


خرجنا جري وجرينا مع الناس ...؟؟

وصلنا لبيت العريس والبلد كلها تقريباً كانت وصلت لهناك....!!


عروسته واقفة علامات الفزع علي وشها وبتبكي ..

وبتقول خدته مني الجنيا ...!!


سألوها ايه اللي حصل ...؟؟

اتكلمت قالت وهي منهارة ..!؟

كنا قاعدين مع بعض ومرة واحدة باب الاوضة اتفتح علينا وصوت خطوات جيه ناحيتنا بس مكناش شايفين حاجه ....؟؟

وكملت وهيا بتبكي  وقالت ..؟؟

بس عرفنا انها هي وجايه تاخده ..!!


صرخت وقولتلها حرام عليكي سيبية متخدهوش مني وفضلت أصرخ وهوه باصلي وقالي مافيش فايده وفجأه اتسحب من جنبي شئ خفي شده بكل قوه ...!!!


هي خدته عندها هاتولي جوزي حرام عليكوا لازم تعملوا حاجه وانهارت من البكاء....!!


أهل النجع اتجمعوا ومن غير تفكير اتجهوا لسكة البيت القديم ولقيت نفسي رايح معاهم ...؟


كنت خايف بس فضولي خلاني اروح معاهم ومترددتش...!!!


وصلنا عند البيت ..؟؟

بيت قديم ومتطرف في آخر النجع شكله من بره مرعب ازاز شبابيكة مكسر وتصميمه غريب جداً  في المجمل بيت زي اللي بنشوفهم في أفلام الرعب ...!!


الشباب وأهل النجع اتجمعوا قدام البيت ...؟؟

وفضلوا وانا معاهم ندور حوالين البيت علي العريس بس ملقناش حاجه ..!!؟؟

وبعد مدورنا كتير وموصلناش لحاجه قرروا انهم يدخلوا البيت ويدوروا جواه ..!!؟؟؟


حوالي عشره بس هما اللي اتشجعوا واتفقوا يدخلوا ومنهم ابن خال العريس وانا طبعا كنت معاه ومش عارف ايه خلاني ااقرر ادخل معاهم ..!!


دخلنا البيت ومحدش في العشره اللي دخلوا كان دخلوا قبل كده ولا انا طبعا ..!!


البيت عبارة عن دورين ..،!!

في  اول دور ماشين كلنا مع بعض ومشغلين كشافتنا وفيه منا اللي ماسك حاجه مولعه بنار ينور بيها..!


كل الحيطان والارضيات سوده سواد الكحل وده اكيد تأثير الحريقة..!!

 الشبابيك والأبواب كلها عنكبوت وبيوت خفافيش فعلا بيت من بيوت الرعب. ...!!


دورنا في كل حته في كل ركن ملقناش حاجه..؟؟

قررنا نطلع الدور التاني ؟؟

بس قبل منطلع حصلت حاجه غريبة ..؟؟

اتنين مننا جاتلهم حاله تشنك رهيبه ..!!؟؟


اترعبنا كلنا واتصدمنا من شكلهم وحالتهم ..

اربعه منا اضطروا ياخدوا الاتنين اللي تعبوا ويخرجوهم ....!!


واحنا كنا خمسة اللي موجودين لسه في البيت وقررنا نطلع ...؟؟

مرعو'بين بس لازم نكمل ...!!


قدامنا طرقة طويله مشينا فيها وكل حاجه كانت بتقابلنا كانت محر'وقة ومتفحمة بس مش لاقين اي اثر للعريس صاحي او ميت...!!


سمعنا صوت باب بيتفتح من اخر الطرقة وشوفنا خيالات .....؟؟


اتفزعنا اكتر وفجأة واحنا في طريقنا للاوضة اللي بابها اتفتح دخلت علينا ريح طفت كل حاجه مولعه وبتنورلنا حتي اللي كان ماسك كشاف فصل كمان ....!!!؟؟


قربنا من بعض وكملنا لطريقنا ناحية الاوضة ..

اول مقربنا شوفنا خيال والباب اتقفل تاني لوحدة ..

قربنا من الباب وواحد مننا مد أيده وفتح الباب اللي اغلبه متفحم ...!!؟

وببطأ دخلنا الاوضة كلنا ...؟؟

أوضة كبيره كلها سوده ضلمة كحل ، ضوء بسيط جاي من شباك إزاره مكسور ..


كل حاجه في الاوضة محر'وقة الا سرير موجود في نص الاوضة مفروش عليه ملايه نظيفه  وكأن حد لحد يومها كان بينام عليه ..!!!!


في حد تحت الملاية ..؟؟

قربنا من السرير وفجأة باب الاوضة اتقفل علينا ...!!

كلنا بصينا ورانا علي الباب اللي اتقفل لوحده بس ملقناش حاجه ..؟؟


لفينا وشنا تاني ناحية السرير واتصدمنا من اللي شوفناه ....؟؟؟


جثة. العريس متفحمة علي السرير وواحدة نايمة جنبة شكلها مفزع  متفحمة برده والسرير المرادي مكنش سليم كان محر'وق ....!!!


اتثبتنا مكانا محدش بيتحرك مفيش نفس طالع منا وكأن قلوبنا وقفت ...!!

فضلت بأصلنا شويه واحنا واقفين متجمدين مبنرمش حتي ..!!

لفت وشها ناحيتي انا تحديدا وفضلت مركزه معايا وانا بموت من جوايا ،عرقي بيشر مني وجسمي بيترعش ..؟؟


وفجأة هي اختفت وفضلت جثة العريس علي السرير ..!!


استعذنا بالله  وتمالكنا نفسنا وقربنا منه وشيلناه والباب اتفتح لوحده ..؟؟

خرجنا من الاوضة بسرعة ..؟؟

مش عارفين ماشين ازاي وكأن حاجه بتدفعنا عشان نخرج من البيت ...؟؟

نزلنا علي تحت وخرجنا من البيت ...!!!!


اهل البلد جريوا علينا وخدوا منا جثة العريس ولفوها بحاجه واحنا كلنا قعدنا علي الارض بنترعش ومش قادرين نتنفس ومصدومين من اللي شوفناه جوه البيت ..؟؟


اهل البلد كلها جاتلوهم حالة ذهول وحزن من منظر الجثة اللي كانت متفحمة !!


فوقنا من صدمتنا ومشينا كلنا وخدنا اهل البلد ورجعنا علي النجع ..


بعد العصر دفنا الجثة واليوم ده البلد كلها عاشت يوم حزين والنجع كله كان خايف ومرعوب ...


مش عارف ليه بعد كده مخدتش نفسي ورجعت علي بلدي وحسيت كأني من النجع ده ولازم أفضل معاهم ...؟؟


بليل قعدت مع الشاب اللي اتصاحبت عليه (ابن خال العريس) واتكلمت معاه وسألته ليه البلد متتجمعش وتهدم البيت ده وتخلص من الكابوس ده..؟؟


قالي ان من خمس سنين وبعد محصلت كام حادثة بنفس الشكل حاوله فعلا يهدموا البيت بس كان يوم غريب وكل اللي كان موجود في محاولة الهدم منهم اللي اتصاب لوحده ومنهم اللي اتمس ومنهم اللي اتلبس ومنهم اللي اتجنن ومن وقتها ومحدش بيفكر يهدم البيت ده ...؟؟


تاني يوم عمدة النجع وكبار البلد اتجمعوا وانا واللي دخلوا البيت قعدنا معاهم وحكينا علي اللي حصل جوه البيت وقرروا انهم يجيبوا شيخ كبير مشهور من بلد جنبهم ويحاول يشوف حل للبيت ده ...


فعلا جابوه والراجل كان شكله غريب مش شكل شيخ ..؟؟

شكله اقرب الي ساحر او دجال ...


قعد معاهم وحكوا كل حاجه واحنا حكيناله اللي شوفناه في البيت ..!!


وقالنا كلام غريب جدا ...

قال انه عاوز يروح يبات ليلة في البيت ويقابلها ويتكلم معاها ....!!!؟؟


بس طلب مننا طلب اغرب من كده ...؟؟

طلب يجيبوله شاب يكون مش من ولاد النجع يدخل معاه البيت وهوه بيقابلها ..؟؟

ولازم يكون مش من النجع عشان متأذيهوش ...!!!


وفجأة كل اللي كان قاعد بص عليا انا ..!!


هاه ؟؟

انا اخش البيت تاني واروحلها بنفسي ..؟؟؟؟

لاااااااااااااا....


               الفصل الثالث من هنا 

لقراءة باقي الفصول من هنا


تعليقات



حجم الخط
+
16
-
تباعد السطور
+
2
-