CMP: AIE: رواية القاسي والقوية الفصل الرابع والعشرون بقلم مريم هاني
أخر الاخبار

رواية القاسي والقوية الفصل الرابع والعشرون بقلم مريم هاني


رواية القاسي والقوية
 الفصل  الرابع والعشرون
 بقلم مريم هاني




عدى اسبوع لم يحدث بهم شئ سوا ان اسيل ولمار انتهوا من امتحاناتهم ونظرا لانشغال اسيل فى دراستها قررت فريدة تأجيل موعد الزفاف لاسبوع اخر وبالطبع وافق فهد على هذا وها هى اسيل تتجهز ليوم زفافها
اسيل بتعب:اااااااه خلاص مش قادرة انا مش حاسة برجلى
لمار بتعب ايضا:اة ومين سمعك انا كمان مش حاسة برجلى خلاص 
فريدة:يلا يبت انتى وهى لسة فاضل حاجات كتير مجبنهاش يلا بلاش دلع
لمار:يا فرى يحببتى اللى فاضل حاجات بسيطة مش مستاهلة خلينا نروح ونكمل بكرة
صفاء:يعنى هو عشان حاجات بسيطة يبقى مانجبهاش
لمار:يحجة هو انا قولت كدة انتى بتقولينى كلام ماقولتوش لى بس
صفاء:ما انتى اللى قولتى اهو
اسيل:يا صفصف لمار قصدها ان احنا لسة قدامنا اسبوع نقدر نجيب اللى فاضل ونخلص خالص
لمار:بالظبط هو دة اللى اقصده
فريدة:طب وفستان الفرح يا فالحة منك ليها
اسيل:كدة كدة انا ولمار بننزل كل يوم نلف عليه ومافيش حاجة عجبانا ادينا هنلف تانى لغاية ما حاجة تعجبنا
لمار:لا ياختى تعجبك انتى مش انا انتى اللى مش عاجبك العجب اصلا لفينا محلات مصر كلها ومافيش حاجة عاجباكى مع ان شوفنا فساتين تجنن وتهبل اصلا وانتى برضه مافيش فايدة دماغك صرمة قديمة
اسيل:الله مش عروسة وبعدين انا حرة فستان فرحى ولازم انقيه على مزاجى ويكون عاجبنى
لمار بغيظ:وهو عشان حضرتك تتبسطى تشلى اللى خلفونى انا يعنى
اسيل:الله مش صاحبتى يعنى لازم تستحملينى غصب عنك
لمار:عندك حق ماهو الحق عليا يشيخة ابو صحوبيتك دى
صفاء:بس خلاص انتوا الاتنين كفاية شغل الاطفال دة خلونا نخلص اللى ورانا بقى
لمار برجاء:والنبى والنبى خلوها بكرة انا خلاص مش قادرة
اسيل برجاء ايضا:اة يا ماما وحياتى عندك انا كمان لسة هروح الشركة عشان فهد عايزنى ضرورى ف الشغل ارجوكى
لمار بخبث:شغل برضه
اسيل وهى تضربها فى بطنها بكوعها:ها يا ماما قولتى اى
لمار بوجع:اااااة يخربيت ابو اللى يزعلك يشيخة
اسيل بشماتة:احسن تستاهلى
صفاء بضحك:ههههه خلاص يا فريدة خلينا نمشى ونيجى بكرة نكمل اللى فاضل
لمار/اسيل بفرحة:ينصر دينك يا صفصف
فريدة بضحك:هههههه خلاص خلاص الناس هتتفرج علينا خلونا ناخد تاكسى نوصل اسيل الشركة الاول وبعدين نروح احنا عشان فيه حاجات ف البيت كمان عايزة تتوضب
لمار:هو الجواز متعب كدة لى
صفاء:دة على اساس انك انتى اللى هتتجوزى مثلا
لمار:لا بس انا مطمرمطة اكتر من العروسة نفسها صحيح العروسة للعريس والجرى للمتاعيس
فريدة:معلش يا ليمو نتعبلك يوم فرحك
اسيل:دة مين اللى امه داعية عليه دة
لمار:شايفة بنتك ولاهى ابطحها بقالب طوب
فريدة:الله مالك بيها يا اسيل
صفاء:ماينفعش ماتتنقروش ابدا يعنى
اسيل:الله هو انا قولت حاجة غلط دة حقيقى مين اللى امه داعية عليه ليل نهار دة
فريدة بخبث:زى ما لاقينالك واحد امه داعية عليه برضه عادى
لمار بضحك وشماته:اوباااااا على الكسفة اللى انت فيها يا حازم هههههه احسن تستاهلى
اسيل:كدة يا ماما تضحكيها عليا
صفاء:لالا كدة مش هنخلص يلا قدامى انتى وهى خلينا نمشى 
فريدة:ايوة يلا بينا عشان منتأخرش وانتى كمان يا اسيل عشان متتأخريش على الشغل
لمار:طالاما قولتى كدة هتلاقيها بتجرى قدامك اهى😹
صفاء:يبت بس بقى وبتزعلى لما بتتريق عليا ولا بتضربك
اسيل:ايوة بالظبط ياريت تتخرسى بقى
لمار:باااااااااس انا هقف مع فرى حببتى هى اللى نصفانى دايما
فريدة بضحك:ههههههههه سبحان اللى مصبرنا عليكوا انتوا الاتنين اقسم بالله يلا قدامى
خرجوا من المول واخذوا تاكسى اوصل اسيل للشركة اولا وبعدها اوصلهم للمنزل اما اسيل عندما وصلت الى الشركة صعدت فورا الى مكتبها وبحثت عن فهد فى مكتبه ولكنها لم تجده هناك ف هو لم يأتى بعد
اسيل بتنهيدة:هووووووف لسة ماجاش كويس
.........:هو انا مزعج اوى كدة
نظرت اسيل بخضة لمصدر الصوت وقالت:........
                   •~•~•~•~•~•~•~•~•~•
اما عند فهد استيقظ من نومه وارتدى ملابسه وتوجه للاسفل حتى يتناول افطاره ويذهب لعمله
انعام:صباح الخير يا فهد احضرلك الفطار
فهد بتفكير:لا يا دادة انا هفطر ف المكتب بس اعمليلى كوباية قهوة بعد اذنك
انعام:ماينفعش تشرب قهوة على معدة فاضية كدة غلط كل حاجة وبعدين اشرب اللى انت عايزه
فهد:صدقينى مش هينفع لازم اروح الشركة انا اصلا متأخر
هنا جاء سيف وقال بمكر:متأخر على الشركة ولا على ناس تانية وكمان حابب تفطر معاهم هاااااا
انعام بأبتسامة ومكر ايضا:اهااااا فهمت مش كونت تقول يا فهد انك مستعجل عشان كدة خلاص روح الشركة وبالمرة اشرب القهوة هناك كمان
فهد:هى الحفلة عليا ولا اى وبعدين انت يازفت مش كنت عامل فيها عندك دم وقولت مش هاتيجى تانى هنا غير لما تقولى اى اللى جابك بقى فجأة كدة
سيف:مافيش تعبان ومش قادر اسوق ف جيتلك عشان نروح سوا بعربيتك
فهد:وهو انا سواق اهلك...واكمل بخبث... وبعدين اى اللى تعبك
سيف بغيظ:بعيد عنك المدير بتاعى ربنا يهده مضاعفلى شغلى بقاله تلات اسابيع 
انعام بضحك:ههههههه حرام عليك يا فهد لى كدة
فهد:لا مش حرام ولا حاجة هو يستاهل وبعدين انتى شايفة انه محوق فيه مثلا
انعام:الصراحة لا😹
سيف:وانت فاكر انك لما تضاعفلى شغلى انا هبطل مثلا دة بعينك دة انا هزيد
فهد:براحتك وانت عارف هعمل فيك اى
سيف بأريحية:لا خلاص اخدت على الضرب والشتيمة خلاص
فهد بخبث:بس لسة ماتعرفش حاجة مهمة عن لمار
سيف بأنتباه:بتقول اى اى هى الحاجة المهمة دى
فهد:دة بعينك انك تعرف وبالمناسبة روح وحدك الشركة انا مش هاخد حد معايا انت مش ابن اختى هاخده افسحه يلا سلام يا دادة
سيف:استنى يا فهد انت يبنى يخربيتك اسم على مسمى صح....عجبك كدة يا دادة
انعام:يا حبيبى فهد بيهزر معاك اكيد هيقولك طبعا
سيف:يسمع منك انا هروح الشركة بقى
انعام:مش تفطر الاول طيب
سيف:لا هفطر ف الشركة شكرا يا دادة يلا سلام
انعام:سلام يحبيبى ربنا يحرسكم 
انطلق الاثنان الى الشركة وصل فهد الى الشركة وصعد الى مكتبه وجد اسيل تبحث عن شئ ف مكتبه ف اختبئ 
اسيل بتنهيدة:هووووووف لسة مجاش الحمدلله كدة كويس
سمعها فهد فأبتسم بخبث وجاء من ورائها:للدرجادى انا بسببلك ازعاج وبخوفك كمان
التفت اسيل له بخضة:انت جيت امتى
فهد:من ساعة هووووووف لسة مجاش الحمدلله.....
قاطعته اسيل بتوتر:خخخلاص خلاص عرفت جيت من امتى
فهد بأبتسامة:ممكن افهم بقى اى اللى خلاكى تقولى كدة
اسيل بخجل:بصراحة وجودك بقى يوترنى اوى خصوصا لما بتفضل تقولى كلام يكسف وانا مش بعرف اشتغل وانهاردة بالذات لازم اخلص بسرعة
فهد بأستغراب:اشمعنى انهاردة يعنى
اسيل:لان فى حاجات كتير ف البيت لسة مخلصتش وانا لسة مخلصتش حاجتى اللى ناقصانى وكمان فستان الفرح لسة ملقتش حاجة عاجبانى و..........
قاطعها فهد:بس بس اهدى اى كل دة على فكرة كل دة ممكن يخلص لسة معانا اسبوع تلحقى تخلصى فيه خصوصا انك مش عايزة تجددى حاجة ف القصر يعنى لا ديكور ولا عفش جديد يعنى اللى باقى رفايع صح
اسيل بتنهيدة:المشكلة ف الحاجات دى الحاجات دى تخلص ف اقل من اسبوع كمان المشكلة ف الفستان لفيت كتير اوى مسبتش حتة وبرضه مش لاقيه حاجة تعجبنى
فهد:اكيد هتلاقى يا اسيل طب بصى تحبى بكرة ننزل سوا ونلف هوديكى كذا مكان اكيد هتلاقي فيهم حاجة تعجبك انا متأكد
اسيل:بس بكرة انا متفقة انزل مع لمار
فهد:مش مشكلة خلى لمار لبعد بكرة مش يمكن لما اوديكى الاماكن دى حاجة تعجبك وتبقى وفرتى على نفسك تعب اللف
اسيل بأقتناع:طب خلاص ماشى هقول لماما وانت بكرة ابقى عدى عليا نروح سوا
فهد:اشى يقلبى
اسيل بخجل:يووووه بقى انا بقول نفضى للمناقصة احسن عشان معادها خلاص بعد بكرة
فهد بضحك:ههههههه ماشى يستى خلينا ف المناقصة انا رايح مكتبى دلوقتى ممكن لو مافيهاش تعب تعمليلى قهوة
اسيل:انت فطرت
فهد:لا مفطرتش وماليش نفس افطر كمان يلا اعمليلى قهوة وهاتى ملف المناقصة وتعالى
اسيل:حاضر
ابتسم لها ودلف لمكتبه قليلا ووجد من يطرق الباب عرف على الفور انها اسيل فأذن لها بالدخول ف نظر لها بصدمة
فهد بصدمة:اى دة اى اللى جايباه دة يا اسيل
كانت تحمل صينيه بها بعض السندويتشات والعصائر فقالت:بصراحة كدة انا مفطرتش وواقعة من الجوع ومش بعرف افطر وحدة ف ممكن تتكرم عليا وتفطر معايا(كانت تتكلم وهى تنظر له بنظرتها البريئة التى تسحر)
فهد وهو تائه بجمال عيونها:وانا ارفض ازاى بقى بعد النظرة دى هاااا اكيد طبعا موافق
اسيل:ايوة كدة هو دة الكلام
فهد:بس مش هشرب عصير انا بحب اشرب قهوة على الصبح
اسيل:عارفة عارفة العصير دة ليا انا انا بحبه اوى عشان كدة جايبة اتنين انت اول ما هتخلص الفطار هجبلك قهوتك
فهد:ماشى
اسيل:قولى يا فهد هو عم سعيد رجع الشغل من امتى
فهد:وانتى عرفتى انه رجع امتى
اسيل:مافيش لما روحت اجيب الفطار لاقيته هناك واستغربت الصراحة من وجوده ف الشركة لانى عارفة انك لما بتطرد حد مش بترجعه تانى انا سألته رجع ازاى بس حسيته بيتهرب الصراحة ف ممكن تقولى انت هو رجع ازاى
فهد بكذب:مافيش جالى وطلب منى انى ارجعه لانه محتاج الشغل اوى ف قبلت
اسيل بهدوء:فهد انت كداب
فهد بغضب:انتى بتقولى اى
اسيل بنفس الهدوء:بقول انك كداب لان ف الاساس انت مطردتهوش من الشغل صح
فهد:لا مش صح دة خيالك انتى اللى مصورلك كدة
اسيل بأبتسامة:طب عينى ف عينك كدة
لم ينظر لها ف تأكدت هى من كلامها:كنت متأكدة طب لى يا فهد لى بتخبى طيبتك وحنيتك دى على فكرة دى حاجة حلوة مش وحشة
فهد بتنهيدة:عارف يا اسيل بس الناس بتعتبرها نقطة ضعف انا عشان اوصل للى وصلتله دى كان لازم اكون جلاد لا بيحس ولا بيرحم لو مكنتش كدة كان هيداس عليا بألف جزمة ف بالتالى كل الناس خدت عنى فكره انى فعلا وحش وجلاد محدش حاول يفهمنى او يقرب منى
اسيل بأبتسامة:على فكرة انت احسن شخص قابلته ف حياتى .....اكملت وهى تنظر بخجل للارض.....وكمان فخورة جدا انى مراتك وشايلة اسمك انا ف حياتى مكنتش احلم حتى انى ممكن اقابل شخص زيك انت نعمة ف حياتى ربنا يديمها ليا وميحرمنيش منها ابدا
لم ينطق بحرف انما ظل صامتا فلاحظت هى هدوءه نظرت له وجدته ينظر لها بصدمة وحب فى نفس الوقت
اسيل بتوتر وقلق:فهد مالك؟! فهد انت كويس طيب؟!
فهد بصدمة:هو اللى انتى قولتيه دة حقيقى ولا انا بتخيل
اسيل بضحك:هههههههه دة انت حالتك صعبة اوى انا هقوم امشى احسن اجبلك القهوة
قامت وكانت على وشك الخروج ولكن فهد كان الاسرع فهو امسكها من يدها وحاصرها بينه وبين الباب
اسيل بخوف:فى اى يفهد
فهد:مش هسيبك غير لما تعيدى اللى قولتيه تانى
اسيل بخجل:فهد بجد مش هقدر سيبنى بقى
فهد بأصرار:لا يعنى لا يلا قولى
اسيل بتنهيدة:طيب كنت بقولك انك احسن واحد ف الدنيا كلها وانا فخورة انى مراتك وشايلة اسمك انت اكبر نعمة ف حياتى هفضل ادعى ربنا انه يديمها ليا ومايحرمنيش منها طول عمرى
ما ان انهت كلامها حتى حملها فهد ودار بها كثيرا لدرجة انها داخت وشعرت ان رأسها يدور
فهد بسعادة:انا مش مصدق نفسى بجد اخيرا سمعت منك الكلام دة تعرفى بعد كلامك دة انا مش عايز اى حاجة تانى ف حياتى
اسيل بدوخة:وانت بعد رد فعلك دة انا مش عايزة اعرفك تانى اوعى من قدامى حرام عليك مش حاسة براسى منك لله
فهد بضحك:ههههههه منى انا لله ولا منك انتى بوظتى اللحظة يخربيت فصالانك يشيخة
اسيل بضحك ايضا:هههههههه اعملك اى ما انت اللى رد فعلك متعب انا متخيلتش ف حياتى ان حد يدوخنى كدة
فهد بحب:سيبك من كل دة بس بجد انا فرحان اوى بكلامك دة مش ناوية بقى تحنى عليا وتقوليلى انك بتحبينى
اسيل بخبث:وانت مين قالك بقى انى بحبك انا اللى قولته دة ممكن اى بنت تقولوا لجوزها ومايكونوش متجوزين عن حب ولا حاجة عادى يعنى
فهد بخبث اكبر:اسيل ماتلعبيش معايا اللعبة دى انتى مش قدى وماتعمليش فيها ناصحة لانى كاشفك انا بس سايبك تستهبلى براحتك لغاية ماتيجى وتقولى بحبك ومقدرش اعيش من غيرك يا فهد
اسيل بتحدى:تبقى بتحلم لان اليوم دة مش هيجى ابدا طول ما انا عايشة
فهد بتحدى اكبر:هنشوف يا اسيل وانا وانتى والزمن طويل
اسيل:موافقة.....احم ابعد بقى عشان نشتغل
فهد بخبث:بس انا مبسوط كدة
اسيل:وانا مش مبسوطة ولا مرتاحة ممكن تبعد بقى شوية
فهد:كام مرة اقولك بلاش الاسلوب دة مش عشان سكت قبل كدة يبقى هستحمل كل مرة يا اسيل
اسيل:وانا كام مرة اقولك ان كدة غلط و......
قاطعها فهد بعصبية:لا مش غلط كان يبقى غلط لو مش مكتوب كتابنا قصاد امة لا اله الا الله انما احنا مكتوب كتابنا انا مش فاهم اى الغلط ف كدة
اسيل:ايوة بس احنا لسة معملناش فرح يعنى لسة احنا زى المخطوبين
فهد:اديكى قولتيها زى المخطوبين لكن احنا مش مخطوبين احنا متجوزين يا اسيل وبعدين عايز افهم اما من دلوقتى مش طايقة قربى دة وكل ما اقرب منك تبعدى كأن اللى بيقرب منك دة تعبان مش جوزك اومال بعد الفرح هتعملى اى هاااا
اسيل بتوتر:انا.......
فهد:انا هقولك انتى اى انتى ماتعودتيش عليا ومش واخدة عليا وانا قدرت دة وسكت بس معقولة كل الفترة دى مش قادرة انك تاخدى عليا انتى عايزة اد اى عشان تاخدى عليا سنة مثلا ردى
اسيل:مش بس مش مستوعبة دة 
فهد:مش مستوعبة لانك مش مدية نفسك فرصة اصلا انتى لسة الطابع الاولانى اللى اخدتيه عنى محفور ف دماغك صح
لم تجب عليه فقال هو:شكل كلامى فعلا صح.....تنهد تنهيدة ثم اكمل.....ماشى يا اسيل بس معنى كلامك دة انك مش واثقة فيا وف كلامى ليكى وانا مش هقدر اجى على نفسى اكتر من كدة الصراحة
اسيل:قصدك اى
فهد:قصدى ان كل حاجة هتمشى زى ما كنا متفقين احنا هنتجوز سنة واحدة وبعدها نتطلق وكأن مافيش حاجة حصلت لان بشكك فيا دة مستحيل علاقتنا تستمر بشكل طبيعى والحياة بينا هتبقى مستحيلة
اسيل:انت مستوعب اللى قولته دة
فهد:ايوة مستوعبه ومتأكد منه كمان وعلى فكرة مش هعمل زى كل مرة وهاجى اكلمك بهدوء لان المرة دى انا مش غلطان بالعكس انتى اللى غلطانة وزى ما كرامتك غالية عليكى انا كمان كرامتى غالية جدا وماسمحش لحد انه يجرحها ابدا حتى لو هضطر انى ادوس على قلبى بالجزمة القديمة ولو سمحتى ياريت تمشى من هنا دلوقتى وياريت تروحى اصلا البيت لانك لو فضلتى هنا قدامى انا مش هقدر اتحكم ف نفسى وممكن اتصرف تصرف وحش يلا من قدامى
اسيل:ماشى يا استاذ فهد بس افتكر ان انت اللى اخترت كدة عن اذنك(يخربيت بجاحتك يبنتى انتى اللى غلطانة اصلا😳😹)
وتركته وذهبت الى منزلها اما هو ظل يفكر فيما فعله وهل هو صحيح ام خطأ الى ان قال:لا مش غلط هى الى غلطت المرة دى وانا مش هاسمحها بسهولة لازم تعرف غلطتها
وانكب على ملفاته يتابع عمله حتى ينسى ما حصل قبل قليل
                        •~•~•~•~•~•~•~•~•~•
اما اسيل عند وصولها للمنزل استقبلتها والدتها بقائمة اعمال وتحضيرات يجب انجازها الى ان انفجرت هى
اسيل بعصبية:يوووووووه وبعدين بقى يا ماما انا معرفش انتى اعملى اللى شايفاه مناسب
فريدة بعصبية ايضا:اولا لما تتكلمى معايا توطى صوتك دة بدل ما اخفيهولك وبعدين هو مش دة فرحك انتى ولا فرحى انا ماتنطقى ولما اعمل حاجة وماعجبكيش تقعدى تجعرى مش كدة ما تردى
اسيل بعصبية اكبر:لا مش فرحى مش فرحى ومش هجعر ولا غيره اقولك على حاجة احلى انا هلغى الفرح دة خالص ومش عايزاه ارتحتى كدة عن اذنك انا داخلة اوضتى
ودلفت لحجرتها بالفعل ف قالت فريدة بصوت عالى:تعالى هنا يا حيوانة اظاهر انى دلعتك زيادة عن اللزوم بس انا هعرف اعيد تربيتك تانى بس استنى عليا
صفاء:اهدى يا فريدة عشان قلبك ماينفعش كدة
فريدة:اهدى اى وزفت انتى ماسمعتيهاش قالت اى دى عايزة تلغى الفرح بنت الجزمة
لمار:اهدى يا فرى هى اكيد ماتقصدش اكيد فى حاجة مضايقها انا هخش اشوف مالها وارجع اقولك بس اهدى انتى وبلاش انفعال عشان قلبك
صفاء:ايوة ايوة صح لمار بتتكلم صح خشى انتى يا لمار شوفيها وطمنينا
لمار:حاضر
وبالفعل ذهبت لاسيل وجدتها جالسة على السرير وشاردة ف قالت لها ببعض العصبية:ممكن افهم اى اللى انتى قولتيه لطنط برة دة وازاى توصليها للمرحلة دى هااا انتى مش عارفة ان الانفعال غلط عليها وعلى صحتها
اسيل وقد تذكرت ان الطبيب حظرها من الانفعل(يشيخة اخيرا حمدلله على السلامة😒😹):اااااخ ازاى نسيت طمنينى هى عاملة اى يا لمار
لمار بسخرية:يسلام على اساس فارق معاكى اوى مش كدة
اسيل:اى اللى انتى بتقوليه دة يا لمار اكيد طبعا دى امى
لمار:لو كنتى فعلا خايفة عليها مكنتيش تعملى اللى عملتيه برة دة يا هانم احنا بالعافية لغاية ماقدرنا نعديها شوية
اسيل:غصب عنى صدقينى انا اصلا مش طايقة نفسى
لمار:ممكن افهم اى اللى حصل
اسيل بتنهيدة:اصل انهاردة ف مكتب فهد......وقصت عليها كل شئ....بس هو دة اللى حصل
لمار بصدمة:وكمان بتقولى بس لى يختى كنتى عايزة اى تانى يحصل انا مش فاهمة
اسيل:يوه عليكى يعنى انا غلطانة
لمار بزهول:وكمان بتسألى طبعا غلطانة وستين غلطانة وانا لو مكانه مش كنت بس خرجتك من مكتبى دة انا كنت خرجتك من حياتى كلها واول حاجة كنت عملتها كنت طلقتك اصلا يبنتى انتى عارفة يعنى اى واحد مراته مش طايقة قربه منها انتى متخيلة كمية الاحسايس اللى جواه عاملة ازاى واى هى اصلا وفوق كل دة وانتى خارجة بتقوليلوا انت اللى اخترت ومش عارف اى يعنى غلطانة وكمان بتبحى يجبروتك يشيخة
لم تجب عليها ف اكملت:ماتردى عليا اتخرستى لى ما انتى لسانك معاه طوله مترين
اسيل بعصبية:عايزانى اقولك اى انا مش عارفة عايزانى اقولك انى لغاية دلوقتى معرفش عملت كدة لى انا لغاية دلوقتى مقتنعة ان قربه منى دة غلط ومينفعش
لمار:عارفة لى عشان زى ماهو قال انتى لسة واخدة عنه الانطباع الاولانى ومش قادرة تنسيه او بمعنى اصح انتى مش عايزة تنسيه اصلا انتى مقتنعة ان فهد السيوفى عمره ماهيتغير حتى لو عشانك انتى مقتنعة انه بيكدب عليكى ودة طبعا معناه انك مش بتثقى فيه صح
اسيل:ايوة صح عارفة ان كلامى مش منطقى بس بالرغم من كل حاجة هو بيعملهالى الا انى برضه مش مرتاحة وحاسة ان فيه حاجة غلط
لمار بتنهيدة:حببتى احساسك دة لانك انتى مش عايزة تقتنعى ان فهد فعلا اتغير انتى لو نسيتى شخصيته القديمة انتى هتحبيه فعلا وتقدرى تبقى معاه عادى جدا
اسيل:معاكى حق بس......
لمار:مافيش بس ولا حاجة انتى دلوقتى تقومى تغيرى هدومك وتنامى تمام وبالنسبة لفرى انة هقولها اى حاجة بس المهم انتى ماتكلميهاش دلوقتى لانها متعصبة منك اما بخصوص فهد ف احنا لازم نشوف طريقة عشان تصالحيه بيها
اسيل:هو كان قايل انه هايجى معايا بكرة عشان الفستان
لمار بسخرية:اشك انه هيجى بعد اللى حصل دة
اسيل بغيظ:بقولك اى مش ناقصاكى
لمار بضحك:ههههههه خلاص خلاص روحى بس خدى دش ونامى وبكرة يحلها الحلال
اسيل:ماشى تصبحى على جنة
لمار:وانتى من اهلها
تركتها وخرجت لفريدة وصفاء ما ان رأوها حتى هجموا عليها بالأسئلة
فريدة:ها قالتلك اى؟
صفاء:اتخانقت مع فهد؟!
فريدة:هتلغى الفرح فعلا؟!
صفاء:ماتنطقى
لمار بصراخ:ادونى فرصة انطططططططق الله اولا مش هتلغى الفرح ثانيا مذ متخانقة مع فهد ثالثا بقى ايوة قالتلى قالتلى انها متوترة وخايفة من الفرح وانهاردة كان فيه ضغط شغل عليها لدرجة ان فهد خلاها تروح بدرى ولما جت محدش اداها فرصة ترتاح ونازلين عليها اشى تجهيزات واشى حاجات ناقصة لازم تتجاب واصلا فاضل اسبوع ولسة كمان ملقتش فستان الفرح كل دة خلاها ف الحالة دى
فريدة بأطمئنان:يعنى هو دة السبب مافيش حاجة تانى
لمار:اة هو دة السبب ومافيش حاجة تانى اطمنى بقى
صفاء:اطمنتى خلاص اهدى بقى عشان قلبك
فريدة:اة اطمنت خلاص وهديت ودلوقتى بقى يلا ننام عشان عندنا حاجات كتير بكرة
لمار/صفاء:يلا
وذهب كل واحد الى غرفته وغطوا جميعهم فى سبات عميق
                        •~•~•~•~•~•~•~•~•~•~•
اما عند فهد ف الشركة كان لا يزال يعمل على الملفات حين دخل عليه سيف وجده بهذه الحالة
سيف:اى يبنى لسة شغال لحد دلوقتى وبعدين فين اسيل مش موجودة لى على مكتبها
فهد:مافيش روحتها بدرى انهاردة
سيف:اهااااا شكلكوا متخانقين
فهد بتنهيدة:ولاهى انا تعبت معاها يا سيف مش عارف اعملها اى عشان تثق فيا
سيف:طب احكيلى اى اللى حصل
فهد:انهاردة قررت انها تجبلى الفطار ونفطر سوا واحنا بنفطر.....قص عليه كل شئ......ادى اللى حصل يسيدى
سيف:مش عارف اقولك اى بس اعذرها يعنى......
قاطعه فهد:من غير ماتكمل عارف اللى شافته منى ف الاول مكنش سهل بس مش للدرجة دى وبعدين تغيرى دة اللى وصل ل 360 درجة دة ميشفعليش هو باين انى بكدب للدرجادى كنت وحش معاها
سيف:اهدى يا فهد مش كدة صدقنى كل حاجة هتبقى تمام بس محتاجة وقت
فهد:لا يا سيف هى مش حكاية وقت هى حكاية ثقة واسيل مش بتثق فيا ودة معناه ان احنا مش هينفع نكمل
سيف بشك:قصدك اى
فهد:انا قررت ان احنا نرجع اتفاقنا القديم هنتجوز سنة وبعدها كل واحد يروح لحاله وانا قولتلها كدة
سيف بصدمة:انت اتجننت اى الجنان اللى انت بتقوله دة
فهد:اللى بقوله هو الصح ولو سمحت مش عايز نقاش ف الموضوع دة انا خلاص اخدت القرار يلا انا ماشى سلام
وتركه ورحل دون ان يسمع باقى كلامه اما سيف ظل وقف مكانه مصدوم قائلا:انا مش فاهم لى حصل كل دة ولى اسيل بتعمل كدة اللى عملته اسيل المرة دى فعلا كان غلط ربنا يهديهم على بعض احسن هما الاتنين افظع من بعض
وصل فهد لمنزله وكان صاعدا لغرفته ولكن اوقفه صوت انعام قائلة:فهد حبيبى تحب احضرلك العشا
فهد:لا شكرا مش جعان
انعام:مالك يحبيبى انت مضايق من حاجة
فهد:لا ابدا انا بس تعبان شوية من ضغط الشغل وتجهيزات الفرح انتى عارفة
انعام بأبتسامة:ماشى يحبيبى ربنا يقويك اطلع انت استريح
اكتفى فهد بالابتسام لها فقط زصعد لغرفته اخذ حماما دافئا وبدل ملابسه لاخرى مريحة وظل يفكر ف اسيل
فهد:انا مش عارف اذا كنتى صح ف اللى بتعمليه ولا لا بس الىى اعرفه انك المرة دى جرحتينى اووى يا اسيل وانا مش هسامحك بسهولة المرة دى انتى لسة متعرفيش غضبى
وغط قى سبات عميق وهو يتوعد لها انه لن يسامحها بسهولة هذه المرة وسيذيقها من نفس الكأس الذى تُذيقه منه



تعليقات



حجم الخط
+
16
-
تباعد السطور
+
2
-