رواية اسمي حياة
الفصل الثالث والخمسون53
بقلم الاء اسماعيل
حياة بصدمة : معقولة يكون لقى صندوق جدتي !!
نيرة بخوف : ليه هو انتي حاطاه فين؟؟
- انا متأكدة أنه ف مكان بعيد و حسام مش النوع اللي يفتش في حاجات غيره
- اومال ايه تفسيرك للبلاغ اللي اتقدم ضدها ؟؟
حياة بخضة - اقفلي يا نيرة انا لازم اطلع فورا
لفت و هي بتفكر : معقولة يكون هو اللي عملها !! يا نهار اسود
بتتصل بحسام و هي بتلبس
- مفيش رد . .اوووف هيكون راح فين دلوقت !!!
اتصلت تاني و ثالث .. مفيش رد
غيرت هدومها و نزلت على طول
لقت سند و حنان داخلين الفيلا
- سند معلش تديني مفاتيح عربيتك ؟!
سند - ليه ؟؟ رايحة فين ؟
- مشوار مهم ..... ارجوك يا سند و النبي مستعجلة !!
حنان : و مال وشك أصفر كدة ؟؟
- بعدين يا حنان ...هنتكلم بعدين
سند : لا انا مش هاقدر اسيبك تطلعي و انتي بالشكل ده . ... امشي قدامي انا هاوصلك للمكان اللي انتي عايزاه
بصت حياة بإستسلام و هزت دماغها
- ماشي يالا بينا
بص سند لحياة و هوما طالعين - قلتي لحسام انك طالعة !
- تلفونه مقفول
- و لو جه و ما لقاكيش ؟ مش قلتي أنه هيعدي عليكي ؟؟
- مش مهم ...يالا بينا هاوريك الطريق
اومأ سند لحنان : اطلعي انتي و انا معاها هأبقى أتصل عليكي و اطمنك
- ماشي حبيبي
طلعت حياة عالعربية هي و سند و انطلقوا الى وجهتهم
شهيرة بإنهيار - بتقولي جابلي شقة ؟؟ يعني يطلقني بعد عشرة سنين طويلة و دلوقت بيعاملني زي المتشردين و يدورلي على مكان اتاوى فيه ! لا فيه الخير برضو 😒😓
نور بحزن على حالها : يا ماما انتي اللي وصلتيه لكدة انتي عارفة بابا قد ايه حبك ... كان نفسه تتغيري عشانه
- ليه يعني ...هو انا كنت عملت له ايه لكل ده ؟؟؟
- يعني بعد كل اللي شفناه و سمعناه لسة مش عايزة تعترفي انك غلطتي في حق ابنك و مراته ؟؟ ده ابنه هو كمان و اللي جايين دول احفادكم انتو الإثنين يا ماما !! 😤
- يقوم يطلقني عشانهم ؟؟
نور بقلة حيلة : يوووه يا ماما أنا غلبت معاكم و الله !!
انا جهزتلك كل حاجتك عشان ننقلها بكرة الصبح مش عايزين مشاكل تاني ارجوكي يا ماما ...و انا هأقعد معاكي ما تخافيش مش هسيبك لوحدك
- بس انتي هتتجوزي ! و هأفضل ساعتها لوحدي 😭💔
همست نور في نفسها بضيق - و الله مش باين أبدا أم الجوازة دي هتتم ولا لا ... على اساس الجماعة جايين يحددوا معاد الفرح قمتو انتو قبلها بيومين اتطلقتوا . .يا ترى هيجو هنا لبابا و حسام و لا يجو عندك الشقة الجديدة ولا نأجل أم الحكاية من أصله !! ربنا يسترها
شهيرة بقهر - و مالك مبوزة انتي كمان ؟ هو انتي اللي اتطلقتي ولا انا !!!
- مليش يا ماما 😓...انا رايحة أنام ... أصل اليوم ده كان كابوس بكل المقاييس يا ريت اصحى الصبح الاقي كل اللي حصل ده مش حقيقي و كان مجرد حلم مزعج .
مش دي العمارة اللي كنتي ساكنة فيها مع جدتي ؟!
- ايوة هي
- جاية هنا ليه !؟؟
حياة بقلق - صحبتي مقبوض عليها. ... ساكنة في الدور اللي فوقينا ...هاعرف من والدتها في أي قسم حاجزينها عشان هنطلع لها ....استناني مش هأطول
سند بإستسلام: حاضر
وقفت قدام العمارة و حست برهبة لوهلة ..بصت يمين و شمال مفيش حاجة اتغيرت كإنها سابت المكان امبارح
لسة فاكرة كل ذكرى حزينة او سعيدة ...رعشة سرت مع كل جسمها ...اتوترت شوية و هي طالعة بس استجمعت شجاعتها لما وصلت عند الباب و خبطت بلطف
وصل حسام عند فيلا سند
فتحت الشغالة الباب و دخل حسام
إلهام جاية من بعيد : حسام ! اهلا يا ابني .
- أهلا يا طنط هي حياة فوق ؟؟
كانت هتتكلم إلهام لما جات حنان من وراها
- لا يا استاذ حسام طلعت هي و سند ..
حسام بدهشة : طلعت !!! طلعت فين ؟؟ من غير ما تقولي !
حنان : هي قالت انها اتصلت كثير و كان مقفول
حسام بتذكر : ايوة صحيح فصل شحن و اول ما اتشحن طين على طول
إلهام بقلق- طب ما تتصل عليها يا ابني نشوف راحت فين !
أتصل حسام كثير محدش بيرد
- مش بترد يا طنط
- جرب تاني
حسام بتوتر - يووووه منك يا حياة تلفونك دايما صامت !!
حنان : طب ما تتصل بسند مش هي معاه !!
- فكرة برضو . .
أتصل حسام شوية و رد سند
- الو ايوة يا ابو نسب ازيك
- الحمد لله يا سند ..بقولك ايه لو حياة معاك اديهاني لوسمحت
- لا مش معاي ..
- اومال راحت فين ؟؟
- بص هي اتصلت بيك كثير و لما ما رديتش جينا على بيت جدتها
حسام بدهشة : بتعمل ايه ف بيت جدتها ؟؟
- لا هي فوق عند واحدة جارتهم بتقول بنتها في القسم عايزة تعرف انهي قسم عشان تروحلها
حسام بصدمة - بتقول صاحبتها! !!!
- اهي جات هاخليها تكلمك هي و تفهمك
- اسمعني. . استنى يا سند .. اوعااا تااا. ...... ده قفل السكة !!!
إلهام بتعجب : فيه ايه يا ابني مالك ؟! مش فاهمة حاجة
- انا ماشي دلوقت هافهمك بعدين يا طنط
كان هيمشي لما جات الشغالة بسرعة وقفتهم
- ست إلهام .. انا كنت في اوضة حياة هانم لقيت التلفون ده بيرن !!!
حنان بإستغراب : ده تلفون حياة !!!!
حسام بغضب : و كمان ناسية تلفونها !! ماشي هاتيه هآخذه معايا .
طلع و هو بيتمتم : يبقى أكيد عرفت بحكاية هدى ..يا ترى ناوية على ايه يا مجنونة !! مش كفاية خبيتي عني خبر زي ده
ماشي يا حياة انا نشوف اخرتها
- ميييين !!
- احم ...انا حياة يا طنط فتحية
فتحت الباب بدهشة و هي بتبصلها من فوق لتحت
- حيااااة !!! ازيك يا بنتي !! اتفضلي جوة ..
- مش هاقدر أتأخر يا طنط انا عايزة اعرف القسم اللي هدى محجوزة فيه و ايه اللي حصل .
- ااااه يا بنتي .. و الله ما انا عارفة اقولك ايه !!
كنا نايمين في أمان الله لقينا اللي بيخبط على الباب قال ايه بوليس و جايين يقبضوا على هدى بتهمة ق'تل واحد اسمه أحمد حسني و البوليس بيقولوا عندهم دليل ضدها و اخذوها على قسم سيدي جابر
- طب ما تقلقيش انا هاتصرف ..
كانت هتمشي مسكت فيها بتوسل : و النبي يا بنتي تريح قلبي و تقوليلي هي بنتي بجد عملتها ؟! و حياة اللي في بطنك ده
هزت دماغها بقلة حيلة : مش عارفة اقولك ايه يا طنط
لما اشوفها الاول و هأبقى اقولك ...هو انتو وكلتو محامي ولا لسة !!!
غمضت عينيها بضيق : منين يا حسرة و المضروب على قلبه كل قرش بيجي في ايده بيطفحه
- طب ما تقلقيش انا هأوكل لها محامي شاطر ...عن اذنك
وصلت عند سند
- اتأخرتي ليه؟؟
- معلش يا سند على ما هديت والدتها ...يالا اطلع بينا على قسم سيدي جابر .
- على فكرة حسام أتصل بيا و بيقول رن عليكي كثير و انتي ما ردتيش..
فتشت في شنطتها و بعدين ضربت دماغها بايدها
- نسيت تلفوني في الاوضة لما كنت باتصل عليه و مستعجلة
- طب خذي كلميه من عندي
- قل لي الاول هو انت قلتله احنا فين
- طبعا. . سألني قلتله انك عند صاحبتك عشان نروح القسم
- طب اطلع بسرعة
- مش هتكلميه؟؟
- مش دلوقت اطلع مفيش وقت
سند بتعجب: و الله ما انا فاهم حاجة !!! امري لله
كانت منكمشة على نفسها بتعيط بشكل هستيري و بتشد في شعرها
- كان هيتجوزني !!!.. كان زعلان بس ...مكانش قاصد الكلام اللي بيقوله! كان هيتجوزني و انا قتلته !!! 😭😭
طب هأقول لأهلي ايه دلوقت
لو طلبوا تقرير الطب الشرعي !! الكل هيعرف ...
محدش هيصدقني ...انا عملت ايه يا رب عملت ايييييه !!!!
وصلت القسم و دخلت هي و سند كان الوقت متأخر و الزيارة ممنوعة اصلا
فضل سند يتحايل على الضابط لحد ما سأله اسمها ايه و عايزة تزور مين
اول ما سمع الإسم بصلها
- حضرتك تبقي مدام حسام رشدي العطار ؟؟
- ايوة حضرتك ..انا مراته
بص لسند : ده صديقي ...انا عشان خاطر حسام هاخليها تشوفها بس هوما 5 دقائق بس و تطلع
- ماشي يا حضرة الضابط . .اشكرك
اخذها العسكري على الزنزانة
وصلت و هي بتترعش و حاسة برهبة
يا ترى اتغيرت. يا ترى شكلها بقى عامل ايه ؟؟
وصلت و كانت الدنيا ظلمة نسبيا
ما عدا نور خافت جاي من شباك عالي
كانت بتعيط و صوت بكاها واصل لبرة
- هدى !
التفتت بدهشة تشوف مين جايلها
شافت حياة حالتها و قالت بحزن :
- شفتي عملتي في نفسك ايه
قامت بتوجس و هي بتركز في الصوت و الشكل : حياااااة !!!
انتي بجد حيااااة !؟!
حياة بأسى : أيوة انا حياة
- جات جري على القضبان شدتهم جامد : انتي اللي عملتي كدة صح !!! انتي اللي بلغتي عني !!! محدش يعرف الموضوع ده غيرك !!! اعترفي
حياة بحزن : يا ريتني كنت اقدر اأذيكي زي ما أذيتيني ...بس للأسف ما اقدرش ... لسة صاينة العيش و الملح و العشرة
- اومال مين ؟؟!! هاااا مين له مصلحة يسجنني و مين يعرف حكاية أحمد دي غيرك انتي و انا؟؟!
- و أنا ....نسيتيني ؟؟؟
اترعبت حياة لما لقت حد حضنها من ورا وهمس في وذانها
- حسابنا بعدين ...لما نطلع من هنا
حياة بخضة : حسااام اناااا ...
هدى بصدمة : حساااام .. انت. و .... حيااااااة ...إزااااي
بصت هدى لبطنها و لحسام اللي حاضنها و الصدمة عقدت لسانها
حسام بإبتسامة مستفزة - مفاجأة ...مش احنا اتجوزنا !!!
حياة بحدة: حسام ايه اللي انت عملته ده !!!
- اللي كان لازم يتعمل من زمان ...اللي المفروض تعمليه انتي بس انتي خبيتي عنها ليه ؟؟؟! اه افتكرت... لانها صحبتك
انا بقى هأعدمها لان اللي اتق'تل ده صاحبي انا كمان . .
بص لهدى اللي لسة مصدومة: سلام بقى نتقابل في المحكمة
مسك حياة من ايدها و هي بتشدها منه
- استنى هنا واخذني على فين انا لسة مخلصتش كلامي معاها
- انتي ملكيش كلام معاها ...و أصلا حسابنا لما نوصل البيت
- انت ازاي تقرر و تعمل حاجة زي دي من غيرما تكلمني !!
- هسسس من فضلك لما نروح هنبقى نتكلم ما تنسيش انك حامل و محتاجة الراحة .
مشيوا لحد ما وصلوا برة شافهم سند طلع من عربيته
- الله ؟؟ حسام انت وصلت امتى و ادخلت ازاي !! ما شفتكش
- معلش انا دخلت من باب تاني . روح انت يا سند حياة معاي
- ماشي يا ابو نسب تصبح على خير
ركب العربية و طلعوا و حياة ساكتة مش عارفة تقول ايه و هو كمان بس كان واضح أنه متضايق اوي
بعد نص ساعة
- احنا رايحين فين ده مش طريق بيتكم
- ايوة
- اومال واخذني على فين
- على بيتنا احنا
حياة بتعجب: ده اللي هو ازاي يعني !!!
بصت يمين و شمال لقت نفسها قدام فيلتها !!!
- احنا جينا بيتي ليه ؟؟!
- ادخلي جوة و انا هافهمك كل حاجة
دخلت و هي في قمة الدهشة و اللي زاد دهشتها اكثر انها لقت سعاد مستنياهم و السفرة جاهزة
سعاد - نورتي بيتك يا ست حياة... في معادكم يا بيه العشاء جاهز .
كانت الفيلا نظيفة و العفش مترتب مش زي ما كانت سايباها
- هي ايه الحكاية يا حسام ما تفهمني
- خشي غيري الاول و ارتاحي ...هنتكلم بعدين
- مش عايزة اتزفت يا حساااام و هتفهمني حاااالا اللي بيحصل هنا ده
سعاد بإحراج : طب عن اذنكم يا بيه
حسام : حاضر ...اتفضلي عالصالة اقعدي الأول
- انتي بتقولي ايه يا مجنونة انتي !!
- بقول اللي انت سمعته 🙄... البيت بقى بإسمي ..ماهو مش على آخر الزمن يجي المحروس اللي انت مش عارف اصلا ان كان ابنك او لا يشاركني في بيت ولادي
مراد بغضب- انتي عايزة تورثيني بالحيا يا وا'طية!! بتستغفليني يا صافيناز !! و تتمضيني انا على ورق و تاخذي مني شقاي و تعبي.. ده جزاتي بعد ما لميتك من الشارع !!
- لا يا عنيا اوعة تغلط !! الشارع ده للي زيك انت و حبيبتك ..
اللي راحت جابت ولد مش عارفة منين و قالتلك ده ابنك و صدقتها .... لا و فوق كل ده بتقولي بكل بجاحة في وشي انها احسن مني في كل حاجة . .. ولا انت فاكر اني نسيت!!!؛
مراد بإنهيار - انتي .. انتي مستحيل... تكوني ست انتي .. انتي.... شيطاااا
خرجت نيرة من اوضتها على صوت وقعته عالأرض : بابااااا !!!
بصتلها بغضب و هي بتتصل
- انتي ايه ....الووووو الاسعاف !!!