رواية بنات راعي البقر
الفصل الثامن8
بقلم مريم اليوسف
ببيت ابو بدر
قاعد ابو بدر وفريد لحالن بالغرفة وابو بدر صبلو شاي وقلو اشرب عمي
فريد : يسلمن ياعم
ابو بدر ؛ اي قلي شو اخبارك كيف كانت سفرتك
فريد ؛ اولها تعسرت الامور بس بعدين الحمد لله ظبطت شغل منيح واخدت بيت صغير على قدنا ومن بعد اذنك عمي بدي رجع نجمة .. وهي يلي طلبتوه تنفذ بيت لحالها وبعيد عن الضيعة
ابو بدر : يعني ما تزوجت
فريد : عمي انت بتصدق هالحكي
ابو بدر : على خير ...
فريد : يعني بقدر اخدها معي
ابو بدر : اي كيف لكن بس بالاول خليك هون جايين اهل الضيعة يشقو على بنت عمك خليك جنبي بشوف حالي فيك
فريد : تكرم عمي انا بخدمتك
~~~~~~•
بالغرفة التانية
نجمة عم تحاول تخفي فرحتها .. بس واضح على عيونها شقد مبسوطة وهي عم تتسمع على ابوها وزوجها شو عم يحكو
شمس : ليكي قمر ليكي ...
قمر : اااخ من الحب وسنينو
شمس : ههههه معك حق
نجمة : اي سكتي انت واياها بكرا بنشوفكن
شمس : لك شوبدك تشوفي فينا ... وحياتك على نفس القعدة انا وهالمنظومة
صباح جاية من المطبخ عليهن وقالت : لا تقولي هيك الله يفرحني فيكن عن قريب يارب
شمس : ماما بدك مساعدة ههههه
صباح : عم تحكي جد
قمر : هلق لانها قاعدة بالفرشة عم تعرض خدماتها .. ولا بالايام العادية بدها عزايم لتقوم بس تنضف تحتها
شمس : عم حسسكن انت واختك تقوموا تساعدو امي صرلا ساعة بالمطبخ وانتو قاعدين هون وحدة ادنها ع الباب والتانية قاعدة ومسبلة رجليها
صباح : اقعدو كلكن مابدي غير سلامتكن كلو جاهز
شمس : امي بدنا ضيافة تبيض الوجه هدول اهل الضيعة وكباريتها مو حيلا 😏
صباح : اي كلو ومن احسنو
قمر : كأنو شامة بحكيك ريحة مسخرة
شمس : هيك شي
صباح: بكفي امي .. وماحلو الواحد يضل حاقد وشايل السلم بالعرض
قمر : وبعدين بلكي صرتي منهم حاج تحكي حكي تندمي عليه بعدين
صباح : شويعني
شمس : مافي شي هي بتحكي كتير
نجمة : اجو اجو
سكتو وشمس عم تتوعد لقمر بعيونها
~~~~~~~~~~~~~•
سهرانين
جواد وفاروق وقاسم ببيت اهل جواد
فاروق : وينن اهلك انت
جواد : مابعرف ... بس بظن عند ابو شادي او عنكن
قاسم : ليه مابعتو ورا شادي يجي يسهر
فاروق : شيلنا منو يووه ... لسه كل مابدنا نحكي سالفة بقول عنا بالمدينة غير ... نسي هو ابن مين ووين خلق ووين ربي
جواد : بس والله بسلي ولو
فاروق : خلص مانا مطولين ... لو بدنا نسهر كنا بعتنا وراه
قاسم : اسمعت ابي كان يقول بدو يروحو ع بيت ابو بدر ويطمنو على شمس
فاروق : عنجد
قاسم : هيك سمعتو يقول
جواد : وايمت بدن يروحو
قاسم : مابعرف ... بس اكيد مو اليوم لسه لأنو اليوم خرجوها
جواد : فاروق تروح معن
فاروق : انا الي بروح
قاسم : ههههههه اخ من العشاق
جواد : انا باذن الله رح افتح الموضوع مع اهلي ...المرة فوق المليون والأخيرة
فاروق : ههههههه معقول يصير فيني متلك
جواد: خدها مني من اول مرة مارضو روح اخطبها من ابوها واطفش فيها من هالضيعة ... اسألني انا
فاروق : لكن انت بتحكي مع اهلك بكرا وانا كمان بحكي معن مامشي الحال دبرلنا مكان نهرب عليه انا واياك
قاسم : مو طبيعيين انتو ..
فاروق : انه العشق يا صديقي .. اي صح انت اخي
قاسم : اي قوم قوم حاجتك علاك
فاروق : روح انت ... انا وهالمعتر ماعنا نسوان تسأل عنا
قاسم : ع الذمة انتو عم تتعاطو شي
جواد : ههههه مالقيت غير نحنا يا زلمة
~~~~~~~~~~~•
اغلب كبارية الضيعة عند ابو بدر ... مستقبلن ببيتو الصغير والغرفة يلي قاعدين فيها يادوب ساعيتها بس ظبطو وضعن
و الجو كان حلو والحديث حلو وابو بدر ابتسامتو عريضة وعم يرحب بضيوفو يلي اول مرة بزوره وجنبو صهرو فريد
والارض مليانة ضيافة من احسن الانواع
اطمنو عن شمس واخدتن بعض الاحاديث الجانبية .. لينتبه ابو قاسم ع الساعة
قاسم : اي يا رجال بتعطونا مجال نحكي هالكلمتين
الكل سكت وحكي المختار : تفضل يا ابو قاسم شو هنن هالكلمتين
ابو قاسم : اسمعني يا ابو بدر .. شيلك عن الحادثة يلي صار بس نحنا كنا ناطرين عرس المستورة بنت ابو محمد (المختار ) ليمضى وكنا ناويين نجي ونقصدك .. بس سبحان الله ليك كيف الظروف
ابو بدر: خير خيي شو القصة
ابو قاسم : مافي غير الخير ... والله يا ابو بدر ناويين القرب منك ونطلب ايدك المحروسة شمس لأبني فاروق .
ابو بدر انصدم وماتوقع ابدا هيك طلب .. بس كانت صدمة حلوة
ابو بدر : والله يا ابو قاسم .. مابعرف شو قلك .. بصراحة فاجئتني
ابو قاسم : حقك علي .. وكان لازم مهدلك بس قلنا صايرة وصايرة ... بس والله ابني رايد هالبنت وكتير وانا كل همي سعادة ولادي
ابو بدر : اكيد بنتشرف فيكن يا ابو قاسم وبنتشرف بنسبكن .. بس خلونا نشاور العيلة
ابو قاسم : اكيد وحقكن
ابو جواد : اي خيي ابو بدر
ابو بدر : امرني
ابو جواد : وانا نفس حكي اخي ابو قاسم ناوي اطلب ايد البنت الكبيرة الله يستر عليها لابني جواد
ابو بدر من لبكتو ضحك : وقال وانتو كمان يا ابو جواد بتشرفونا
ابو جواد : الله يزيدك شرف
ابو بدر : ابني فريد قوم صب قهوة مرة للرجال
~~~~~~~~~~•
قمر كانت ع جوالها وشمس متمددة كمان بفرشتها ع جوالها ... وامهن متمددة ومغمضة عيونها ونجمة واقفة على الباب عم تتسمع
انتبهتلا شمس وقالت لقمر : شبها اختك هيك مخشبة على الباب
رفعت قمر راسها ولاحظت على اختها مصدومة
قمر : هيي بست
فتحت صباح عيونها واتجلست بسرعة وقالت شو راحو
قمر :لا امي .. بس عن نحكي نجمة
صباح : شبك ، شو عم تسمعي
قربت نجمة لعندن شاردة وقالت : لو تعرفو شو سمعت
شمس : شوو
نجمة : مارح تتحملو الصدمة
قمر : خلصينا ولوو احكي
نجمة : امسكو اعصابكن
شمس : تضربي صحي
نجمة : خلص رح احكي
قمر : خلصينا
نجمة : ابو قاسم
:الكل : اييي
نجمة : طلب شمس لفاروق
شمس : شوووو
اتجلست بسرعة ووجعتها العملية (ااااخ )
قمر : لك انتبهي انتبهي
شمس : تجاهلت وجعها وقالت : عم تحكي جد
نجمة : والله
ابتسمت غصب عنها
نجمة : مو بس هيك
قمر : شو كمان
نجمة : وابو جواد طلبك لجواد
قمر : اي قومي عاد .. عم تأفلمي علينا اخر هالليل
نجمة : والله العظيم ماع زل عليكن
صباح : الحمد لله يارب ... الحمد لله
شمس وقمر عم يتطلعو ببعض بعدم تصديق
صباح : الحمد لله .. الحمد لله ... الله استجبلي دعواتي
شمس : امي ع السريع ادعي شي مليون دولار
قمر : هههه اي والله
صباح : تضربو ايي... الحمد لله اجا هاليوم افرح فيكن بنسب بشرف
نجمة : كأنو نسب فريد مو عاجبكن
الكل: هههههههه
قمر : وشو قلن ابوكي
نجمة : بدنا نتشاور
قمر : قومي ماما قوليلو بسرعة موافقين .. بركي غيرو رأين
صباح : تضبضبي يابنت ... يلي بشوفك بقول قاتلة حالك ع الجازة
~~~~~~~~~~~~~•
انفتح الباب ودخل فريد ونجمة على بيت اهلو وامو كانت بانتظارن
فريد : مسالخير امي
امو : مسالنور ... عأساس رايح تجيبها وتجي فورا ... ونحنا ناطرينك ع العشا
تنهدت نجمة بداخلها متل ماتركتها ومستحيل تتغير
نجمة : مرحبا مرت عمي
من دون نفس ردت : اهلين ... ماقلتلي ليش تأخرتو
فريد : كانو اهل الضيعة جايين يشقو عبنت عمي ... وعمي قلي خليك جنبي
ام فريد: اي منيح ... اي ياحسرة ماعندو رجال توقف جنبو منيح الله بعتلن اياك
فريد : امي شو هالحكي وكمان لاتنسي عندو بدر بكر بيكبر وبشوف احسن رجال ومانو بحاجة حدا ... وانا اصلا يلي تشرفت كون معو بهل الجلسة كانو اغلب رجال الضيعة وكباريتها ... ومو بس هيك ابو جواد خطب قمر لجواد ... وابو قاسم خطب شمس لفاروق
امو بصدمة : عم تحكي جدد
فريد : والله
امو : وبدن يوافقو ؟
فريد : اي بظن هيك
امو : يعني عدلاتك رح يصيرو فاروق وجواد
فريد : اذا تم النصيب
شردت وبعدها ابتسمت وقالت : طيب فوتو لحطلكن عشا
فريد : تعشينا هنيك ... بدنا ننام عنا سفر عبكرة
امو: خليكن شي يومين صرلي زمان ماشفتها لكنتي
فريد : لشوف بكرا اذا معي مجال بضل كمان يوم
امو : اي الله يوفقك .. يلا فوتو ارتاحو مابدي لهيكن اكتر من هيك .. بتكونو مشتاقين لبعض
ابتسم فريد لنجمة واخدها عغرفتن
نجمة : مو معقولة امك كيف تحولت بعد ماخبرت هالخبرية
فريد : هههه امي بتحب المناصب ولا تستقلي بجواد وفاروق من زينة شباب هالضيعة .. المهم شيلنا مننن وتعي لقلك شقد اشتقتلك
سحبها لحضنو وضمها ضمة قوية
~~~~~~~~~~~~~•
البيت فيه روح الفرح .. متجمعين العيلة كلها بغرفة وحدة
صباح : والله مو مصدقة يلي صار
ابو بدر : اي والله الحمد لله عكل حال ... بس بالاول بدنا نشوف رأي البنات
اشمس وقمر اتطلعو ببعض وابتسمو وماردو ع ابوهن
صباح: خلص انا ببقا بخبرك برأيهن شو رأيك تقوم وترتاح
ابو بدر : اي والله بدها تصبحو على خير
قام وقامت معو صباح وقالت : ناموو هاا .. شمس لاتنسي دواكي
شمس : ماشي ماما
طلعو ع غرفتن وشمس وقالت : ايو دواا ... اااخ ياقلبي انا بدي عناية مركزة
قامت قمر بحماس وضمتها
قمر : مو مصدقة
شمس : بتصدق انا فرحانتلك الك اكتر مني
قمر : تسلميلي يارب
قمر : قولك حاكيه لجواد
شمس : لا خليه هو يحكي ... اكيد بكون ناطرتك تحكيه خليكي تقيلة
قمر : وهو هيك
شمس : طيب انا حكيه لفاروق
قمر : بالله شووو انا اتقل وانت معلش
شمسس : هههه عم امزح معك
~~~~~~~~~~~~~•
داخل فاروق ع البيت وسمع صوت اهلو بالصالون
هيام : يعني الكبيرة خطبتوها لجواد والصغيرة لفاروق
ابو قاسم : اي هاد يلي صار .. والله يوفق
ام قاسم واخيرا رح يصير عنا بهل البيت فرح ... من هلق شهر زمان بدي العروس تكون عنا
ابو قاسم : ليردو علينا خبر بالاول
دفش الباب فاروق وفات : يلي سمعتو صح
امو : مع انو كنت حابة اعملك اياها مفاجأة بس مازال سمعت اي صحيح
فاروق : وكيف بتروحو من غير ماتخبروني
ابو قاسم : اذا بدنا ننطرك لتحكي مارح تتزوج
فاروق : لك كيييف بتتصرفوا من راسكن كييف .... وانا مامليون مرة قلتلكن مابدي اياها .... حطيتوني تحت الامر الواقع ورحتو خطبتوها
امو : والله كل علمي انك حاببها
فاروق : انااا ... مين قلك هالحكي ... مابحبها غير متل اخت الي
ابو قاسم : هاد الناقص تمشينا من تحت امرك ... خلص انا حكيت مع ابوها ماعد اتراجع .. مابدك اياها خطبها شهر زمان وقول ما اتفقنا
فاروق : انت مفكر الامور بهل البساطة ... والبنت يلي رايدها شوبدي اشرحلها
ابو قاسم : مازال من الاول في بنت رايدها ليش ما انقبرت وحكيت ... وانت يا امو عأساس تأكدتي انو هي هية يلي بدو اياها ماكنا حكينا فيها
ام قاسم : والله هيك جواد حكالي
فاروق باستغراب : جواد ؟؟ شو حكالك
ام قاسم : انو بدك شمس
فاروق : لحظة لحظة ... انتو خطبتولي شمس
ابو قاسم : اي ليش مين مفكر انت
فاروق : فكرت لونا .. لما سمعت انو الكبيرة لجواد والصغيرة الي ... لككك يعني جواد كمان خطب قمر
ابو قاسم : اي ... هي هية البنت يلي بدك اياها
حك راسو بخجل وفرح
ابتسم ابو قاسم : يالله الله يقدم يلي فيه الخير
فاروق قرب من ابوه وباس ايدو وراسو وقال : الله لايحرمني منك ويديمك فوق راسنا
وقرب من امو وكمان بسلها ايدها وراسها : الله لايحرمنا منك يا ست الكل
امو : الله لايحرمني منك ويفرحني فيك ...
قعدو وهو لساتو مو مصدق من الفرحة
فاروق : بس كيف هيك والله مو مصدق
امو : انا ماسبق قلتلك عنها وقلتلي لأ ... بس انا احساسي مابخيب وحتى يوم طلع عليها الحكي انت ماشفت وجهك كيف كان مابيتفسر وتأكدت انك بتحبها .. وانا ياعمري مستحيل وقف بطريق سعادتك
قرب منها وضمها وباسهامن راسها مرة تانية
فاروق : وبيت ابو جواد كيف اقتنعو
امو : انت بتعرف انو الكلمة الاولى والاخيرة لام جواد .. وانا حكيت معها وهي ماعارضت الفكرة ابدا .. بالعكس كان عم تفكر فيها لأنو بتتذكرو يوم ارتفع ضغطها بالارض عنا والبنات ساعدوها مع انو كانت ماسحة الارض فيهن .. بس اول ماوقعت انلهفو عليها وساعدوها لتستعيد وعيها ومن وقتها كبرو بعيونها وشفت الاحداث كيف مرقت وهي كانت ناوية على هالشي بس انا سبقت عليها
والحمد لله عكل حال
فاروق : اي والله الحمد لله عكل حال
هيام : سلفي والله كأنو اول مرة بشوفك هيك فرحان
فاروق : هههههه
رجع باس ايد امو وقام على غرفتو توضا وهو عم ينشف اخد جوالو وبعت رسالة لجواد... خبرتت
رد عليه : شو
فاروق : عنجد عم تحكي
جواد : شوفي
فاروق : وينن اهلك
جواد : اجو من شوي .. بس انا رح اغفى لو مابعتت انت
فاروق : اي قوم بسرعة وشوف شو عاملين
جواد : شو عاملين
فاروق : قال خطبولك ميرفت
جواد : ششووووو
سكر جواد وفاروق ضحك وقال : شو بس تمرق علي
فرش سجادة الصلاة كبر وبلش صلاة
~~~~~~~~~~~~~•
نزل جواد فورا من غرفتو دور ع اهلو مالقهن كمل ع غرفتهن .. دق الباب واجا الرد انو يدخل
فتح الباب :مساء الخير
امو : اهلين .. والله فكرتك نايم ومابدي ازعجك
جواد : عشو بدك تزعجيني
امو : بدي خبرك هالخبرية
جواد : ماصار الا وعملتو يلي بدكن اياه ... لك حرام عليكن انا ابنكن ... مشان الله ليش هيك عم تعملو ... لك هي حياتي وانا يلي بدي عيشها مع مين مابدي ليش هيك انتو ليش ..
بس لهون وبس .... انا غير هديك البنت مابديي ورح اخطفها واختفي وماعد تشوفوا وجهي مرة تانية
ابو : شبك يا ولد ليش هيك عم تحكيي معناا
جواد : بسبب عمايلكن ... ماصار الا ورحتو خطبتو ميرفت
امو : من وين جايب هالحكي
جواد : مافي شي بيتخبى .. هلق فاروق اتصل وخبرني
ابوه وامو صارو يضحكو
جواد : شوفي بضحك
ابوه : عملها فيك
جواد : شو هي ... فاروق عم يضحك علي ؟؟
ابوه : هههههه اي
جواد : يعني ماخطبتو ميرفت
امو : لا
جواد : والله لأخرب عيشتك يا فاروق بسيطة
ابوه : بس خطبنا قمر
جواد من الصدمة كأنو ما فهم
امو : اي حبيبي ... خطبنالك البنت يلي بدك اياها ان شاءالله فرحت
جواد : عم تحكو جد ولا عم تمزحو معي
ابوه : لا والله ... اليوم رحنا شقينا ع اختها وبطريقنا خطبنا قمر الك وشمس لفاروق
جواد من كتر فرحتو بالخبر دمعو عيونو
ابوه : يلا بوس ايد امك
جواد : بوس ايدها ورجلها كمان
قرب باس ايدها وهية ضمتو ... وصارت تبكي
~~~~~~~~~~~~
~~~~~~~~~~~~
بعد اسبوع تقريبا
تمت الخطبة وابطالنا عم يعيشو جو الخطبة
ببيت البنات داخلة عغرفة شمس ومعها صينية عليها كاسات الشاي وقمر فورا اخدت منها وصارت تضيف والموجودين كانو فاروق وجواد وقمر وامها وابوها
شمس : شو كنتو تحكو كانو سمعت كتب كتاب وعرس
فاروق: اي عم نقول نعمل كتب كتاب والعرس بنفس اليوم
شمس : ليه غيرتوا مو كان كتب الكتاب الاسبوع الجاي
جواد : اي بس اهلها عرضو علينا انو نعمل العرس بعد اسبوعين فقلنا خلص بنعمل مع بعض بس طبعا اذا عجبكن
قعدت جنب فاروق وحكت : بابا وقمر شو قلتو
ابو بدر : انا ماعندي مانع بالعكس هيك احسن ... احسن ماكل جمعة نعجقها
قمر : وانا كمان مابتفرق معي
شمس : لكن الاتكال ع الله وهلق دوقولي هالشايات
فاروق : بجننو من قبل مادوق
الكل ضحك
الاب استأذن انو بدو يصلي العشاء والام قامت معو وضلو الاربعة
شمس بهمس مشان مايسمعو اهلها : انتو بالاصل (واشرت ع المحبس يلي بايدها ) كيف بدكن تتزوجو مرة تانية
جواد : ما بأثر ... رفيقي هديك المرة بعد ماتزوج ضيع عقد الزواج وراح لعند الشيخ مشان يعملو واحد جديد بس الشيخ مارضي فكرو ع يكذب قلو بتجيب مرتك وتنين شهود .. وبالفعل اخد مرتو وابوها وعملو عقد جديد وكأنو هلق عم يتزوجو
فاروق : مين هو رفيقك بعرفو
جواد : لا من المحافظة
قمر : اي صحي فاروق شو اخبار الشغل بالارض
فاروق : تمام الحمد لله .. جبنا ورشة عاساس مضمونة بس مابظن يرجع يتكرر الشي يلي صار
شمس : وانا بقول هيك
قمر ؛ متمنية ارجع ع الشغل عم طق خلاقي من البيت
جواد : اي اقعدي وانضبي احسن ماكسرلك رجليكي
شمس : عجب بالاول كنت قبلان 😏
جواد : غصب عني
شمس : فاروق وانا حابة ارجع ع الشغل ومنو بضل جنبك
فاروق : متل ماقال جواد رجليكي بكسرن .. بعدين جرحك امبارح لطاب
شمس : اي عسيرة جرحي ليش مقربين العرس .. يعني بركي ارجعت انتكست
فاروق : بعيد الشر وبعدين مشان انا دير بالي عليكي
شمس : امممم قلتلي
فاروق :(لقمر) انو هالبنت لمين طالعة نفسية عنكن
شمس : هلق انا نفسية
فاروق : وكتيير ... عم شك انك بتحبيني
شمس : مازالني نفسية لي خطبتني
فاروق : اسمعو موشح كل يوم
جواد : ههههههه
شمس : بس اكيد ماخدني على طمع
فاروق : بشو بدي اطمع يا مخلوقة
شمس : صغيورة وعم تقول مابتفهم شي وبربيها علي ايدي
فاروق : علي الحلال لتربيني وتربي عيلتي كلها
شمس : مشان تعرف حبيبي انا ماحدا بياخدني ع طمع
قرب منها وهمس : بتجنن كلمة حبيبي منك
خجلت وحمرت وماعد نطقت
قمر : يووه ... شو قلتلا لحتى هيك خجلت
فاروق : شغلة بيني وبين خطيبتي .. انتو التهو بحالكن
التفت جواد لعند قمر وسحب ايدها حطها تحت ايدو
شمس :هييي .. شيل ايدك
جواد : انت مادخلك هي مرتي
شمس : عندك هالحكي .. بس هون مابيمشي هالحكي شيل ايدك احسن ما انهد لأبي
شال ايدو وقال : خلص شلتها بس اسكتي فضحتينا ... وبعدين انت حكيها(لقمر) شي كلمة على شو اختها الكبيرة
قمر : مابيطلعلي معها
فاروق : مابتقصر ... لكن انتو تمسكو ايدن بعض ونحنا بنشوفكن وبنتحسر
جواد : اي امسكلها ايدك مين مانعك
شمس : بكسرلو اياها .. قبل كتاب الكتاب لايحلم يقرب سانتي واحد عن المتر
فاروق : شمسس هالحكي اليي
شمس : اسفة حبيبي بس مشان يفهم 😅
فاروق : اممم .. اسماع جواد انا وقت بدي المسلها ايديها مو سائل لا عليها ولا على كل عيلتها بس بخاف من الله
شمس : فاروق هالحكي اليي
فاروق : اسف حبيبتي بس مشان يفهم
وهون الكل فرط من الضحك .. وعضحكهن دخلت صباح : لك شبكن
فاروق: ولا شي جواد حكالنا نكتة 😅😅
جواد : عكل حال نحنا قايمين نمشي
صباح : خليكن
جواد : حاج مرت عمي مابدنا نكون تقال دم
و مشان نرجع مرة تاني وماتقلعونا ههههه
فاروق : ههههه لك امشي امشي فضحتنا .. تصبحو على خير
الكل :وانتو بخير
~~~~~~~~~~~~•
شمس متمددة بفرشتها والجنب التاني قمر
وشاردين بالسقف
شمس : مو مصدقة يلي عم يصير ... و كلشي عم يمشي بسرعة
قمر : ولا انا ... والله
التفتت عليها شمس وقالت : اتاري الحب كتير حلو وخصوصا اذا كان من الطرفين ويكون بالحلال وقدام كل الناس
قمر : اي والله ... بس بتعرفي شو انا ندمانة
شمس : على شو
قمر : انو كنت متزوجتو بالسر ... مافي بهجة للمسة الأولى ولا حتى لليلة العرس
شمس : لا تحكي هيك ولو بالعكس .. هو هلق بكون دايب عليكي اكتر من لما كنتو عرسان جداد
قمر : بس في غصة
شمس : لا غصة ولا غيرها لاتفكري بشي خلص عيشي اللحظة
قمر : ماشي ... بس صحي وليه خفي شوي على فاروق لسه كل حكيك دج .. والله لو مابحبك مابيتحملك ساعة
شمس تجلست وقالت : عنجد
قمر : والله .
شمس : بس بكون عم امزح
قمر : حتى لو بالمزح مو منيح هو بيسكتلك وانت بتتمادي لحتى شي نهار يطالع كل قهرو فيكي
شمس : طيب علميني دوبو عندك سوابق
قمر : اااخ منك انت وهاللسان
شمس : عم احكي جد .. قوليلي شو اعمل
قمر : اول شغلة شو ماحكي وافقي معو حتى لو عم يكذب .. وحسسيه انك بضهرو على طول
شمس : كيف يعني مافهمت
قمر : مثلا اذا جواد تقل معو بالحكي انت وقفي بوجه جواد مع فاروق وقوليلو مابسمحلك تحكي ع خطيبي هيك وخطيبي مافي منو
شمس : اي اي فهمت عليكي
قمر : واتغنجي عليه .. وبيني قدامو رقيقة مو ابو عنتر وجاهزة على طول للمناقرة والنكد ... ولسه كل يوم ليش خطبتني بزمتك هاد حكي
شمس : يااه والله انا خاربة الدنيا لكن
قمر : ههههه ... لكن عشو هالروايات والاقتباسات بتجمعيهن
شمس : لك ماكنت اقرى هيك شغلات ماكنت مفكرة انو يجي يوم وحب وانحب واتزوج
قمر : لانك بقرة
شمس : خلص لاتزيدها علي والله حاسة بتانيب الضمير
قمر : اي شوفيه اذا فاتح واحكي معو
اخدت جوالها من تحت المخدة وبلشت تحكيه
: نمت (واترددت كتير لتكتب الكلمة يلي بعدها ) يا عمري
وفورا اجاها الرد : يا عمررري هالكلمة ما احلاها
شمس : انت زعلان مني
فاروق : ليش لازعل منك يا عيوني انت
شمس : هلق قمر بهدلتني وقالتلي انو عم زودها معك
فاروق : فداكي يا حب .. احكي يلي بدك اياه بتموني
شمس : بس خلص ماعد عيدها
فاروق : دخيلو انا يلي عم تتغنج علي
شمس : ازعجتك مو هيك
فاروق : ياريت كل الازعاجات متل هالازعاج
شمس : طيب انا مابعرف رد على هالكلام الحلو كلو
فاروق : بكفيني خجلك ومابدي اي رد منك
شمس : بحبك كتير فاروق
فاروق : وانا بموت فيكي
شمس : متحمس للعرس
فاروق : عم عدهن بالثواني ومبسوط انو رح نعملو عن قريب
شمس : بس انا لما بتذكر بحس نار وشبت بكل جسمي
فاروق : لك محدا رح تاكلو النار غير انا
شمس : خلص روح نام شكلي ازعجتك
فاروق : ع وين ع وين .. تعي اليوم السهرة صباحي بدي اسهر معك
شمس : بس مابدي اتعبك انت عم تفيق بكير وعندك شغل
فاروق : بكرا ماعندي شغل مابأثر بتأخر بالنومة
شمس : اممم والسيارات شو اخبارها
فاروق : ماعم اقدر اشتغل فيها زيادة اكتر شغلي بالارض
شمس : صح عجب عم تشتغل بالارض وانا صرلي عمر بشتغل عنكن وماشفتك غير من لما اتقابلنا بالارض
فاروق : انا كل شغل الارض مابحبو ... بس اخي قلي في بنت بتجنن عم تشتغل روح شوفها واذا بتعجبك لنخطبلك اياها
شمس : هاا
فاروق : مو مصدقة
شمس (اتذكرت حكي قمر ) : يلي بتحكيه انت عندي كلو طابو
فاروق : هههههههه بتصدقي مبسوط قد الدنيا
شمس : الله يديم عليك ضحكتك يارب
فاروق : و الله يديملي اياكي يا سببها لفرحتي
~~~~~~~~~~~~
تاني يوم فاقت شمس متأخرة كعادتها الجديدة لانو مافي شغل سمعت صوت سيارة برا وقامت بسرعة وشافت جواد وقمر عم تستقبلو ..
لبست على راسها وطلعت لعندن
شمس : صباح النور صهري
جواد : اهلين
شمس : شو جايبك لعنا من الصبح
جواد : والله جاي اشرب قهوة مع خطيبتي اذا مافي مانع
شمس : امممم
اي تفضل اهلا وسهلا
قمر : تفضل جواد اهلا وسهلا
شمس : ماما اجا صهرك
قمر : امك مو هون
شمس : وينها
قمر : راحت مع ابوكي
شمس : وبدر وينو
قمر : كمان معن
شمس : امممم .. ومشان هيك ماخدة راحتك وبعتي وراه
قمر : خلص اسكتي فضحتينا
شمس : لكن تفضلي صهري انا بقعد معك وقمر بتعملنا القهوة اكيد جاي تشربها من تحت ايدها
جواد عم ينفخ بقهر منها قعدو هو وشمس وقمر راحت تعمل قهوة
شمس : كيفو هالشغل
جواد : منيح
اخد جوالو من جيبتو وبعت رسالة لفاروق : اتصل بخطيبتك واحكي معها خليها تحل عني شوي
اجاه الرد : مافهمت
جواد : جيت اقعد مع قمر شوي انبزتلي وقاعدة بيناتنا عزول
فاروق : ههه والله مابتقصر فيك .. ماني محاكي حدا
جواد : بشرفك .. مجهزلك سيارة لقطة والله اذا مابتحكيها مارح فرجيك اياها
فاروق : طيب رح اتصل فيها
رن جوال شمس وشافت اسمو وفهمت انو جواد حكاه
سكرت بوجهو وطفت الجوال كلو
جواد : مين ردي
شمس : خلص جوالي شحن ...
جواد : مين .. بركي في شي مهم
شمس : لا مو مهم هاد فاروق بكون بدو يصبح علي .. هلق بحكيه بعد القهوة
اجت قمر ضيفتن قهوة وجواد مقهور وعم يتزورها
جواد : طيب مو لابقلك تقعدي عازل بيناتنا
شمس : والله سبق وقلتلكن ... لاتحلم تضل انت واياها لحالكن
جواد : لك هي مرتي مرتييي
شمس : بينك وبينها بس الناس مابتعرف هالشي
شرب قهوتو وقال : دايمة
قمر : قعود جواد ماشفتك
جواد : بنحكي .. سلام
راح معصب وقمر حكت شمس : انت شبك وليه ...
شمس : انا يلي شبني ولا انتو معد استحيتو ... عيييب .. عييب
دخلو ع البيت بملل
قمر : ايمت بدنا ننزل ع المدينة نجهز
شمس : اليوم بنحكي مع الشباب
فتحت جوالها واول مافتحتو اجتها رسالة استغربتها
عماد : سلام
شمس : اهلا
عماد : كيفك
شمس : الحمد لله .. كيف حضرتك
عماد : تمام الحمد لله .. كيف صرتي
شمس : الحمد لله احسن بكتير
عماد : اي منيح طمنيتي : كيف العيلة كلها
شمس : الكل بخير بسلمو عليك
عماد : شو الاخبار بالضيعة
شمس : انخطبت
عماد : لفاروق؟
شمس : اي شو عرفك
عماد : كنت متوقع .. الشب مبين انو بحبك
شمس : وقمر كمان خطبها جواد
عماد : والله الاخبار عندكن تمام .. وهيك مابتعزموني
شمس : ماعملنا شي ع الديق .. بس جهز حالك ع العرس
عماد : من هلق جاهز ...
شمس : بتشرفنا
عماد : طيب بهل المناسية حابب اعزمكن عندكن شي نزلة عن قريب لهون
شمس : مافي داعي لاتعذب حالك
عماد : مافي ابدا عذاب .. حابب اعزمكن انتو وعرسانكن
شمس : مابظن يوافقوا
عماد : اف ليه
شمس : مابعرف بس هيك بظن
عماد : مابتمشي معي .. اكيد بدكن تنزلوا لتحضيرات العرس بس تنزلوا خبريني وانا بتصرف
شمس : طيب ماشي
عماد : سلميلي ع قمر
شمس : بيوصل
سكرت وهية محتارة ... فاروق اكيد مارح يقبل ولا حتى جواد بغارو من عماد لان كان قريب مننا ..وحتى فاروق حذرني ما احكي معو ..
راحت ع المطبخ كانت قمر عم تجلي فناجين القهوة
شمس : حزري مين حكاني
قمر : مين
شمس : عماد
قمر : عنجدد
شمس : والله
قمر : ما عاساس وعدتي فاروق انو معد تحكي معو
شمس : الزلمة ماعمل معي شي غلط لحتى اتجاهلو
قمر : اي والله معك حق الزلمة كتير محترم .. وخصوصا وقت المشفى ماتركنا واتواسطلنا عندن واهتمو فيكي كتير
شمس : اي والله الله يحميه لشبابو .
قمر : وشو بدو
شمس : قال عازمنا بس ننزل ع المدينة
قمر : انت ناوية تجيبي اجلنا
شمس : قلي هو بيتصرف
صباح من وراهن : مين هو
شمس : الضابط عماد ماما
صباح : اي شبو
شمس : عازمنا نحنا والشباب
صباح : اكيد الشباب مارح يقبلو
شمس : اي والله ... بس مافيني ارفض عزيمتو ....هو مابفكر متلنا .. وكمان معرفة هيك شخص مكسب
صباح : على أية اساس عزمكن
شمس : قلي اذا نزلتو تجهزو للعرس
صباح : اي صح ايمت ناويين تنزلو وتجهزو
قمر : كنا رح نحكي معك
صباح ؛ لكن بكرا
شمس ؛ وعماد
صباح : بقول انو عزمني الي
شمس : لك يسعدك ربي يا صبوحة
صباح : مشان تعرفو
قمر : ومنو بنمر ع نجمة شو رايكن
صباح : اي والله .. تقبر قلبي اشتقتلها كتير
شمس : المهم انها مبسوطة
~~~~~~~~~~~~~•
تاني يوم جهزو امورهن .. ونزلو العرسان ع المدينة وصباح كانت معن ... جواد كان حابب يروحو بسيارتين ويكون هو وقمر لحالن .. بس طبعا شمس طلعتلو بالمرصاد ومارضت الا يروحو كلن بسيارة وحدة
قضو وقت كتير حلو وكانو كتير مبسوطين ... وصار وقت الغدا
ركبو بالسيارة فاروق عم يسوق وجنبو جواد والبنات وامهن بالخلف
التفت فاروق عليهن وقال : شو بتحبو تتغدو
شمس نكعت امها مشان تحكي
صباح : بصراحة نحنا معزومين ع الغدا
فاروق : ومين عازمكن
صباح : كلنا معزومين
جواد : ومين عازمنا .. نجمة يعني
صباح: لا .. الضابط عماد
جواد ؛ نعممم .. كيف وايمت
صباح : هو حكاني وبدو يعزمكن ويباركلن
فاروق : يعني هالزلمة خلص شغلو شو لسه بدو منكن
صباح : والله الشب محترم
فاروق: بدكن تروحو روحو انا وشمس مارايحين
جواد : ولا حتى انا وقمر
صباح : بالله شوو يعني انا روح ع العزيمة لحالي
جواد : ليش لتقبلي عزيمتو مرت عمي ...
صباح : يا ابني هو مابفكر متلكن .
فاروق : كيف يعني
صباح : مابفكر بالبنات بالطريقة يلي عم تفكرو فيها .. هو ابن مدينة ويمكن عند الصداقة بين البنت والشب امر عادي
جواد : صداقة ؟؟؟ سمعت شو قالت ...هاد الناقص يصير صديق نسوانا
شمس : مارح نصادقو بس مافي اي سبب لنحاربو للزلمة
فاروق : يعني بدك تروحي ع العزيمة
شمس : اي
جواد ؛ وانت قمر
قمر : اي
جواد : مازال مخططين روحو لحالكن ...
قمر : بترضاها علينا نقعد معو لحالنا
جواد : مابرضاها ... بس اذا رحتو اعتبرو كل مين راح بطريق .
قمر : بهل البساطة
جواد : لا مو بهل البساطة .. بس انتو عم تخلو عزيمة سخيفة تخربها علينا
شمس : طيب بدنا نروح معكن لو بدنا نعمل شي من ورا ضهركن ماحدا منعنا
صباح : والله مافيها شي ... الشب معرفتو مكسب
فاروق : اوووف
شمس : شو فاروق
فاروق :....
شمس : جواد بوعدك معد تقل دم عليك وعلى قمر
جواد : هه لهل الدرجة غالي عليكن
شمس : ماعم تفهمونا ... بس عماد شخص كتير منيح وماعمل معنا الا كل خير ليش لنحاربو او نرفض عزيمتو ويصير يفكر بالطريقة يلي انتو عم تفكرو فيها وهو بالاصل مافي ببالو اي تفكير من يلي عم يدور براسكن
(فاروق دائما شخص متفهم ومانو عصبي متل جواد )
فاروق : طيب ماشي .
جواد : وانا موافق لنشوف شو نهاية هالشغلة
صباح : هالمرة وبس بوعدكن
جواد : والله لو ما انت معنا يا مرت عمي كان الي تصرف تاني
فاروق : خلصنا جواد مرقها
جواد نفخ وقال : مرقناها
~~~~~~~~~~•
وصلو ع المطعم يلي بعتلن عنوانو عماد وكان من افخم مطاعم البلد وكان في حجز باسمهن على طاولة كبيرة ... قعدو وهنن عم يتفحصو جمال هالمطعم
شمس : فاروق شو رايك نتصور
ابتسملها وقربت منو وصارت تتصور سيلفي .. وتصورو كلن سيلفي
قمر : شمس هلق بنتصور ع مراية الحمام
شمس : اي والله ذكرتني هههه
ومافي دقائق ودخل عماد من باب المطعم وجنبو صبية مقاربة لعمرو لابسة سبور شعرها اسود وطويل كانو كتير انيقين وشيك .. والبنت كتير حلوة
تقريبا انصدمو كلن بس اداركو الامر
جواد : شايفلي هالضرب يلي معو
قمر : جوواد
فاروق : ههههه بوعدك هنن ماعد بدن يلتقو فيه وبكرا شوف
شمس : حياتك اخر مرة
وصلو ع الطاولة ووقفو يسلمو عليهن
سلمو ع بعض الكل
عماد : بعرفكن .. شيرين زوجتي
شمس : تشرفنا
عماد : حبيبتي هي البنت يلي قلتلك عنها يلي ساعدتني بالقضية
شيرين : اهلا ... تشرفت فيكي
عماد : وهدول امها واختها ... خطيبها وخطيب اختها
شيرين : ناايس ... حلو كتير
شمس ؛ تسلمي هاد من زوقك
شيرين كانت كتلة انوثة ونعومة وحبابة بنفس الوقت .. واضح اختلاف الثقافات لانو كل شخص تربى ببيئة بس انسجمو مع بعض كتير وجواد وفاروق بعد ماعرفو انو متزوج ارتاحو بعض الشيء وبلشو ياخدو ويعطو مع بعض
شمس : صح شو صار بالحرامية
عماد : اعترفو ع كلشي وعكل السرقات يلي عملوها وتحولو ع القضاء
شمس : حلو كتير هالخبر
شيرين : بس برافو عليكي وحدة بعمرك تعاملت مع الامن بهل السرية بدون محدا يحس ووقعتي الحرامية ... عنجد بهنيكي ع شجاعتك
عماد : شمس اخت رجال
شيرين : واضح .. بس كيف قدرتي تجمعي بين هالنعومة والجمال والقوة
شمس : تسلميلي خجلتيني
شيرين : ياعمري 😘 ... خالة صباح ماعندك غير هالبنتين
صباح : لسه عندي بنت وولد
شيرين ؛ وحلوين متلك هيك
خجلت صباح : تسلميلي
شيرن لا واضح ورتانين الجمال منك
صباح : بجوز
شيرين ، : عنجد بدون مجاملة فيكن شي مميز
قمر : وانت كمان ماشالله عنك
شيرين : تسلميلي
عماد همس لجواد وفاروق : هدول رح يضلو طول اليوم يتغزلو ببعضن ومارح ناكل
ضحكو التلاتة
شمس : شو بتشتغلي
شيرين : ميكب ارتسيت
شمس : كتير حلو
قمر همست لشمس : شو يعني
شمس : عندا صالون تجميل وهيك شي
قمر : اممم
شيرين :خبرني عماد انو عرسكن عن قريب ومن هلق عم قلكن تجهيزكن كلو رح يكون عندي بالصالون هدية مني الكن
شمس : والله مافي داعي لهل الشي كلو
شيرين : انتو من طرف عماد والكن معزة خاصة
عماد : اي حبيبتي توصي فيهن منيح
شيرين : ماتوصي حريص حبيبي
عماد : المهم هلق نطلب غدا
الكل : اي
~~~~~~~~~~~•
بعد يومين
قاعدين قمر وشمس بغرفتهن ... شمس عم ترتب خزانتها وقمر جنبها عم تطوي الغسيل
شمس : بكرا بدي خلي فاروق يخصصلي خزانة لكتبي ورواياتي
قمر : كأنك ماعد قريتي
شمس : اي صح .. بس كيف بدي اقرا وانا هلق عم اكتب قصتي
قمر : عم تكتبي ؟؟
شمس : لاا انو عم عيشها لقصتي
قمر : اممم
طلع قميص رجالي مع قمر
قمر : شو هاد وليه
شمس : شو وصلو لايدك ... هاتيه
اخدتو وضمتو وصارت تشمو
قمر : هاد يلي عطاكي اياه فاروق يوم انكب عليكي المبيد
شمس : اي .. ومخيبتو من يومها ... ااااه ما أحلى ريحتو
قمر : والله فكرت رجعتيه
شمس : لااا كنت حابة خليه ذكرى .. بس ليكي سبحان الله
اخدت جوالها وصورتو وبعتتو لفاروق
فاروق : قميصي
شمس : اتذكرتو
فاروق : معقول انساه وانسى هداك اليوم
شمس : ماصار شي مهم اصلا هداك اليوم لا تلف وتدور علي
فاروق : انت بتقولي هيك ..
شمس : عنجد شو صار هداك اليوم
فاروق : لما طرش عليكي السم
شمس : اي صح ... وانت كنت هنيك وقتلك لاتفوت وبعتلي قمر وبعدها جينا ع البيت
فاروق : اي
شمس : اي ماصار شي
فاروق : بس انا شفتك
شمس : شوووو
فاروق : والله بدون قصدي .. وكتير استغفرت ربي .. بس ماعم تروحي من بالي
شمس : ياااه
فاروق : خلصنا عاد بلا خجل كلها اسبوع زمان وبتكوني مرتي وبتصيري انت وجسمك ملكي
شمس : يا فضيحتي
فاروق : لا تحكي هيك .. مو ذنبك .. ذنبي
شمس : طيب ليه ماخبرتني
فاروق : ماكان بدي احرجك ...
شمس : بحبك انا
فاروق : وانا بموت فيكي
شو عم تعملي
شمس : عم رتب خزانتي .. اي صح من هلق بدي مكان خاص لكتبي
فاروق : انت بتأمري ... الغرفة كلها عحسابك وانا اذا ماضللي مكان بطلع من الغرفة كلها
شمس : لا يووه ... شو بدي بالغرفة اذا انت ما فيها
فاروق : هههههه خلص خليلي رفين رضيان وجنبك بالتخت قدر شبرين
شمس : بكفوك شبرين
فاروق : اي لأنو بكون نايم بحضنك
شمس : فاروق لا تنحرف عن الطريق
فاروق : وحياتك ثابت بس رجلي عم تزل
~~~~~~~~~~~~•
قاسم : احم احم نحن هنا
رفع فاروق راسو وكان مبتسم ولقى الكل صافن فيه وعم يضحك .. جلس قعدتو وقال : شوفي شبكن
فيصل : عفكرة ابتسامتك حلوة
فاروق : يلا عاد عوفوني تيابي .. لسه مبتسم ومشقرقر .. ياعمي ما خطبتو انتو ... ما حبيتو ... حلو عني
امو : طيب سمعنا صوتك قاعد معنا وما معنا
طفا الجوال وقال : كلني معك يا ست الكل
امو : اي هيك بدي اياك ... قلي شو اخر الاخبار
فاروق : مافي شي
امو : وصيت عغرفة نوم جديدة
فاروق : لا لسه
امو : وشو ناطر .. بكرا مابتلاقي غير اجا يوم العرس
فاروق : طيب بكرا بشوف
ابو قاسم : ابي قاسم دلو لفاروق ع النجار يلي فصلتو من عندو غرف نومكن .. شغلو حلو ومرتب
فاروق : اهم شي تكون ماكنة
قاسم : من ناحية ماكنة ماكنة لا تخاف ههههههه
الكل ضحك
فاروق : شو نيتكن عاطلة هههههه
قاسم : تروح نسهر عند جواد
فاروق : اي بنروح .. يلا
~~~~~~~~~~~~~~•
شمس : مدري وين غط فاروق
رفعت راسها شافت قمر غرقانة بجوالها هي التانية
قربت بخفة لتشوف اختها شو عم تحكي .. وقمر ما انتبهتلا
جواد : طيب انو هيك ماعم اقدر احظى فيكي ولو خمس دقايق
قمر : وانت شبك ماعد تصبر
جواد : والله انا مابحب شغلة الي وحدا حاجبها عني
قمر : اووف منك .. ماعندك غير هالسالفة
جواد : ااااه قلك شقد مشتقلك ... المشكلة الحكي مابعبر عن شوقي
قمر : وانا كتير مشتاقتلك .. ليه ماجيت لعنا اليوم
جواد : مشان تطلعلي شمس وتقعدلي متل الدركي
قمر : منيح طالعة من خرجك
جواد : اااه انا مو مصبرني عليها غير انها اختك
قمر : هههههه
جواد : تقبرني ضحكتك
قمر : شو عندك هلق
جواد : حكوني الشباب جايين يسهرو عندي
قمر : اي تمام
حكت جنب ادنها شمس : يعني فاروق رايح يسهر عندو
نقزت قمر وقالت : يخرب بيتك نقزتيني ... شو عم تعملي
شمس : عم اقرا
قمر : قومي انقلعي من هون .. ليه مين بقرب عليكي انت
شمس : قربت ولقيتك منسجمة ... بس والله هالجواد قليل ادب
قمر : عأساس المحادثات بينك وبين فاروق متحجبة
شمس : ومتخمرة كمان
سمعو صوت سيارة برا
شمس : معقول هدول اجو لعنا
قمر : لا ولو مابظن
قامو ع الشباك وكان رجال كبير شوي بالعمر ضعيف لابس جاكيت وبنطلون متل الموظفين
قمر : مين هاد
شمس : مابعرف
طلع ابوهن لعندو
ابو بدر : اهلا وسهلا
: انت سهيل
ابو بدر : اي وصلت
: معك المحامي راجي
ابو بدر : تشرفت فيك .. تفضل
راجي : تفضلنا
دخلو ع الغرفة التانية .. والبنات قعدو بحيرة .. دخلت الام عليهن وقالتلن جهزو ضيافة
شمس : امي شوبدو هاد
صباح : شبعرفني
~~~~~~~~~~~~~~•
ابو بدر : من وين حضرتك
راجي : مو مهم .. المهم انو انا جاي والك عندي أمانة
ابو بدر : احكي
راجي : جدك ابو والدك
ابو بدر : الله يرحمو .. شبو
راجي :جدك قبل مايموت ... كان يحب ابوك كتير ... اكتر من كل اخواتو .. لانو هو الوحيد يلي كان يهتم فيه
ابو بدر : صح
راجي : انا كنت شب اول تخرجي وكان في معرفة اهل بينا وبين بيت جدك .. وجدك طلبني لعندو وكتب وصية انو نص املاكو تروح لأبوك وولادو
ابو بدر : بس ابي مات قبل جدي باسبوع وهيك مابيورث
راجي : الوصية غير الورثة ..
ابو بدر : بس ابي مات
راجي : كاتب بالوصية محمد واولاد ... محمد مات الله يرحمو واولادو مافي غير انت فى ييطلعلك
ابو بدر :انت شو عم تحكي
راجي : الصدق ... بوقتها انا نسخت الوصية ..ورحت لعند عمامك واخدو مني الوصية وكذبوني ودبرولي تهمة فوتوني فيها ع الحبس عشرين سنة
ابو بدر (بصدمة) : ٢٠ سنةةة
راجي : اي والله ... وطلعت وظبطت شغلي ووضعي ومن وقتها وانا عم دور عليك
ابو بدر : طيب انا شو بدي اعمل هلق
راجي : بصراحة انا لما طلعت كنت ناوي انتقم بس لقيت الكل مات وماضل غير الولاد ... وهلق بس بدي رجعلك حقك
ابوبدر : كيف
طلع ورقة من جيبتو وقال وقع هون هي وكالة لصديقي محامي يمشيلك بالقضية .. انا مفهمو كلشي
ابو بدر : بس انا مامعي ادفع للمحامي
راجي : ولا يهمك بس تحصل على املاكك بتدفعلو ... المهم هلق انو تحصل على حقك
~~~~~~~~~~~~~~
اخر الليل ابو بدر قاعد برا وشارد لبعيد بعيد كتير وعم يحكي حالو : معقول .. معقول بعد هالسنين يتغير وضعنا ... ويصير عندي اراضي واملاك ... وارفع راس بناتي قدام بيت حماهن ... ومايخجلو مني ومن شغلي ... بس معقول يوافقو ولاد عمي يرجعولي كلشي ... بس لا حاسس هالشغلة صعبة كتير ... ومابنسى عمامي كيف قلعوني حتى من البيت البيت ومارحمو حالي قلعوني وقالولي روح انت ما الك عنا شي روح دبر حالك ... ولا كيف حطو المحامي المسكين بالسجن ٢٠ سنة .... بس هو قال انن ماتو .... بس اكيد ولادهن انجس منهن ... الله يجيب العواقب سليمة
طلعت لعندو صباح وقالت : شبك يارجال من وقت راح هالزلمة وانت شارد ... مين هاد وشو بدو
ابو بدر بقلبو : خايف احكي واملكن على الفاضي
ابو بدر : مافي شي ... انسي ...خلينا نفوت ننام الوقت اتأخر
~~~~~~~~~~~~~~•
مرقت عدة ايام
بس بهل الايام صار شي مو محسوب حسابو
~~~~~~~~~•
اليوم
فاقت قمر واتجلست وهي عم تتمطمط لتشوف شمس قاعدة بفرشتها مبين التعب والارهاق على وجها .. وكأنو طول الليل مو نايمة
قمر : شمس ليش هيك شكلك .. شو مانك نايمة
هزت راسها بنفي بدون ماترد
قمر : شمس شو القصة
شمس : بدي افسخ الخطبة