CMP: AIE: رواية ودق قلب الحجر الفصل السادس والثلاثون36والسابع والثلاثون37بقلم ميفو السلطان
أخر الاخبار

رواية ودق قلب الحجر الفصل السادس والثلاثون36والسابع والثلاثون37بقلم ميفو السلطان

رواية ودق قلب الحجر 

الفصل السادس والثلاثون36

بقلم ميفو السلطان

 بدر في حاله من الهيام مع حبيبته وشعر بسكونها ولينها وعدم نفورها منه ليركنها علي صدره ولا يتجاوز .احس انه دخل عالم يشعر فيه ان حبيبته نبض قلبه تخرج من داخله وبينما هما في حاله من السكون فجاه صدح عيار ناري وعم الصريخ المكان هب بدر والرعب دخل عليه ليقوم مسرعا يلبس ليري ماذا حدث.

 

نعود بالزمن قليلا لنجد بدار وكرم يتحدثان ونجيه تقف معهم سعيده بكرم وما فعله هتفت..... والله يا ولدي عملتك دي علتك بين العبابده كلياتهم  لتبهت حينما اقترب بكري ابن عم بدر فهتف..... حد جالك اننا محتاجين ارض يا كرم عشان تعلي من بتنا.

هب بدار وعلم ان بكري ينوي علي الشر فهتف ....فيه ايه يا بكري مالك.

هتف بكري..... فيه اللي انت واعيله وعايز انفذه.

بهت الكل وتسود حاله من الوجوم .وقف كرم امام بكري ونظر اليه بغل رهيب فهو يلمح للاتفاق ليقوم بدار ويشده لحجره جانبيه وكرم يذهب وراءه .وقف بكري .....ارض ايه اللي هيضحك علينا بيها ابن الشواتفه فيه ايه يا بدار دا كان كلامنا.

هتف كرم..... مالك بينا يا بكري مش عيله في بعض اياك.

هتف بكري.. ايه يا بدار خلاص بجيتو عيله وهتسيب خيتك لده.

صرخ كرم..... وانت مالك بخيته مرتي مالك بيها. صفحه حكايات ميفو 

هتف بكري...... عشان هيا حجي ومستنيها اخدها.

اشعل كرم .....نهارك اسود انت عايز مرتي فهجم عليه وانقلب الامر لعراك شديد َو بدار يحاول ان يقف بينهم ليبتعد بكري ويخرج طبنجته وصرخ .....لاه جبل ماتاخد حجي اخد روحك.

بهت بدار .....بكري اعجل اكده كان اتفاج وراح لحاله اعجل ماتجلبهاش نار ودمار.

هتف بكري..... لاه اني حجي ماحدش يطوله.

هتف كرم بغل .....واني طولته وبجت مرتي وهتفضل مرتي وعايز تموتني موتني.

صرخ بكري..... بقي اكده عَموما بتنا ماهياش رايداك وهتموت يا كرم ولا هتاخدها  وتحط صباع عليها ليشد الطبنجه .

بهت عندما اندفعت اميمه لتقف امام كرم فصرخ بكري.... بعدي بعدي عنيه انت واجفه جصاده ليه.

صرخت.. واقفه جصاد جوزي يا بكري مالك بجوزي.

هتف.... مالي انه متفج اتفاج يبقي ينفذه.

هتفت.....انت كَمان عارف يادي الفرح يادي الهنا دا ناجص الصاجات يابن عمي تدور بيها.. اقتربت منه لتلصق الطبنجه في صدرها ......موتني يا بكري موتني اني اني سبب الحزن ده كله موتني عشان نخلص.

صرخ كرم..... بعدي .....بترفع سلاحك عليا يا بكري .

صرخ بكري .....ايوه اللي ياخد حاجه بتاعتي لازمن يموت احنا متفجين علي اكده  وهيا راضيه وبدر ماهواش راجل عشان يهملها. 

لترفع اميمه يدها وتنزل علي وجهه بهت بكري لتصرخ..... جطع لسانك لما تجول عليا بتاعتك َو راجلي واجف جصادك  مين اللي راضيه يا خلفه العار.... اني مره متجوزه ارضي براجل تاني.

هتف بكري بغل .....بقي راضيه بيه بعد الي عمله فيكي بقي راضيه بيه بعد ده كله.

لتنظر اليه بغضب.... ايوه راضيه وحابه ....مالك بينا عاد لتكون فاكر اني لو سبته هرَوحلك لاه اني لو انطبجت السما ماهيوحصلش. ولم يدك عن راجلي ....اقتربت وهتفت بغضب ... مين اللي مش راجل ....اخوي مش راجل..... بدر العابد مش راجل.... بدر العابد راجل وسيد الرجاله يجفلك وينزل ينهش جلبك ...بدر العابد كبيري واخوي وتاج راسي ولما يجول اني مرت كرم انخرس واجطم وابجاله مرته انشالله اموت فيها .جاي تجول بتاعتك ليه كت شاريني اياك ..جاي تجول علي اميمه بت العابد مرت كرم الشواتفه حجك ليه كت عابده والا سبيه اني مره متجوزه راجل يشرف ،،ايه عينك الواسعه دي وجاي تجف لراجل تجول علي مرته حجي يا مري دي ينشال فيها رجاب يا صعيدي .،الصعيدي مايبصش لحرمه غيره ياللي ماعندك ربايه ولا شرف ،،،،،وجاي تجول علي سيدك بدر انه مش راجل.. عارف لو في يدي الطبنجه دي افرغها في جلبك ولا تجربش من راجلي ولا تنطج بحرف علي اخوي .اخوي ده  سندي في الدنيا ..بدر العابد كبير عيله العابد وسيد العبابده وسيد الناس ..اخوي فاهم اخوي تجف اكده زي الجلم جدامه وتنخرس عشان لو كان واجف كان هيبلعك لسانك ويحط مكانه مداسه يابن خالي ،،،اللي مالوش كبير بيعمله كبير وانا الحمد لله ليا كبير وعالي واتفج وراح وخلصت جصه وجه راجلي وخده اخوي في حضنه واللي يشاور عليه اخوي همشي وراه عميه ،،لم حالك وصون ادبك واحفظ لسانك عن جوزي واخوي سيد الناس ،، وخليك راجل وبعد بقه بلاش جرف.

تلبس بكري الشياطين فصرخ ....اكنك رايداه اكني جرف وابجي راجل طب اني هعرفك ازاي ابقي راجل.. ليشد الزنات ويطلق النار هنا قد هجم كرم واحتضنها  لتدخل الطلقه في كرم  ليسقط كرم وهيا في احضانه كانت الطلقه قد دخلت في كتف كرم ليهجم بدار علي بكري ويمسكه ويتجمع الكل ويعم الصراخ .

تاوه كرم والنزيف يشع من يده ليجد اميمه نائمه علي صدره فهمس ......اميمه جومي  الا انها لم تتحرك ليهوي قلبه كان قد بدا يتوه وهيا فوقه همس .....اميمه جلبي بيكي ايه ليبعدها وينظر اليها فوجد الدماء تشع من صدرها فمن قرب الطلقه قد نفذت من كتفه واخترقت صدرها فوجدها جثه هامده فصرخ ويتوه ويكلبش فيها وعَم الهرج والمرج وهو لا يحس ويتوه ويده قابضا علي يدها ليتوه اخيرا عن الدنيا وقلبه مع من راحت بين يديه.

نزل بدر ليجد تلك المصيبه هجم علي بكري..... والله لاجتلك واجطعك نساير لينهال عليه ضربا ويجتمع اولاد عمومته ويبعدوه عنه .ابتعد بدر وحمل كرم وبدار يحمل اميمه وينطلقا مسرعين فاي دقيقه ستكون فارقه لهما .

ذهبا الي المشفي ليتلقفهم الاطباء وقف الجميع في حاله من الرهبه مر الوقت وخرج الطبيب هتف.. حاله كرم ماهياش واعره كلها شويه ويفوج ويبقي زين لكن حاله اميمه هيا اللي واعره وحياتها بيد ربنا ادعولها . 

صرخت نجيه..... بتي.... بتي هتروح .....بتي هتروح مني.... يا مري الله يحرج التار عاللي عايزينه يا سوادك يا نجيه .... اقتربت ومسكت جلباب بدر،،،،،،مبسوط يا بدر اتفجت وانبسطت مبسوط اهي البت بتروح مبسوط يا كبيري مبسوط .......يا مري يا حزنك يا نجيه البت الحيله اللي كيف النسمه اتفجو عليكي يا بتي اتفجو وكل واحد بيجطع وينهش شويه .....ادي اخره الكبر.... ادي اخرته البت اللي مليانه حب وحنيه بتروح ....الحجوني يا عالم ولدي جتل بتي جتلت خيتك يا مري يا سوادي ،،

اقترب بدار د،داهدي يامه هتبقي زينه .

صرخت ...زينه ،،البت بين يد ربنا وتجولي زينه يا سوادك يا نجيه د،اعدد علي مين والا مين لتندفع وتمسك بدر من يدك وعمايلك يا جاحد من جلبك اللي متعبي شكاير حزن وطين وبا وانحال علينا انت ايه البت مجتوله بسببك يوم فرحك ،،فرحت وكبشت الفرح اهو فرحك بلعنا حزن وطين انت ماتفرحش انت حزن وغم انت حجاره وصنم انت دعوه بلا وانحالت علينا روح روح مارضيش عنك روح ،،،يا رب سيبلي بتي سيبها يا رب كانت تجلس تنتحب والكل صامت لتقترب منها شكران وصبا تحتضناها لتنهار بين احضانهم .

وقف بدار والدموع تنزل َمن عينه وبدر تراجع وتجمد وقد قلبه من الوجع ركن علي احد المقاعد ووضع راسه بين يديه خوفا علي اخته ظل الحال ومر الوقت والكل في ترقب لا ينامون ولا ياكلون. سواد حل علي تلك العائله وبدر اصابه حاله من الخرس والجمود احس انه سبب كل مصايب تلك العائله احس مدي بشاعته وبشاعه مافعله احس ان لا احد يريده ولا احد يحبه شعر بانه قليل وفقد عنفوان البدر الذي يصاحبه اينما يمشي .لينزوي ولا يتكلم مع احد والكل يؤازر بعضه الا هو لا ينطق ولا يقترب من احد حتي زوجته لا ينظر اليها ولا يكلمها.. لتقترب هيا منه. وتمسد علي كتفه.. بدر انت عامل كده ليه ساكت كده ليه.. 

رفع نظره اليها لتجد نظره وجع تصرخ من عينيه ليقوم ويبتعد ولا يتكلم شعرت بوجع داخلها عليه .

مر الوقت فاق  كرم واستيقظ وجد امه وابيه حاول استيعاب ما حدث هب فصرخ من الوجع لتهتف نبويه..... ايه يا ولدي انت جرحك طري.

صرخ..... مرتي مرتي فين ودوني لمرتي لتطرق نبويه هوي قلبه ليهتف.. مرتي بيها حاجه اصحَك تجولي اموت فيها.

اقترب ابيه..... لاه يا ولدي مرتك في غيبوبه بين يد ربنا والكل بيدعيلها حالتها صعبه يا ولدي.

قام كرم هتف ابيه .......رايح فين انت مخبول هتسجط من طولك.

هتف..... اسجط ان شالله اموت اني رايد اشوف مرتي ....مرتي عايزاني مرتي فدتني بروحها ليقوم ويسنده ابيه . قابله كل من بدر وبدرا هتف كرم..... مرتي هتعيش يا بدر وتفرح مرتي ماهتهملنيش وهعوضها بالدنيا ومافيها ماتوطيش راسك اكده مرتي زينه وهتجوم وتبقي ست دار الشواتفه .

ركن علي بدر واخذه وذهب الي اميمه التي كانت غائبه عن الوعي اقترب وسقط بجوارها شهق بالبكاء ربت بدر علي كتفه .نظر اليه وهتف جتلناها يا بدر انا وانت جتلنا حبيبتي. وجفت جدامه تدافع عني وتجوله راجلي تضربه علي وشه وتجوله راجلي.. اني راجلها يا بدر اميمه وجفت للدنيا وعاملاني راجلها بعد كل ده. بعد اللي عملناه فيها. وجفت تجله بدر العابد سيد الناس وكرم راجلي واللي يعملوه مالكش صالح بعد ماتفجنا عليها َو جهرناها َوجفت للسو ده تدافع عني َوعنك واحنا التنين جرف وحزن اسود.. ايه دي هيا ازاي ملاك اكده هيا ازاي جلبها اكده هموت يا جلبي ارجعيلي اشيلك جوا نن عيوني خدي مالي وحالي وارضي ...خدي دنيتي الطلجه تطلع منى تخش فيكي يا جلب كرم ماعرفتش تنغرز جواتي تطلع روحي ولا انك تتمسي ....وجفتي ليه جدامي ليه ياجهرك يا كرم يا سواد سنينك حبيبك بيروح جدامك يا خلفه الشوم.. جلبك ده ايه حجر اهو ادشمل وبجي حصاوي اندعست واتطحنت بجت تراب مشي عليه الخلج جلبك اندعس وانهري يا كرم.. عشجت عشج هتديه لمين... راح الصخر من جلبك وحط مكانه عشج وجهر السنين.. جومي شوفي اللي كان جلبه حجر بينح زي النسوان جومي مهملاني لمين يا واخده جلبي ،،،يا مري ماعارفش اخد نفسي يا حزنك يا كرم ايامك اسودت من عمايلك ،،جتالناها يا بدر جتلناها  لينهار ويسقط ارضا يجهش بالبكاء ليحَمله بدر .

هتف........ لاه ماتخدنيش بعيد لاه نيمني جارها بالله عليك ماتبعدنيش.. ليصمم ليريحوه في سرير بجوارها ظل عيونه تتاملها ودموعه تنزل حتي انهار تماما ونام وتاه في دنياه.. 

خرج بدر ولا يعرف اين يذهب اندفع الي احد الحجرات ليجهش بالبكاء وينتحب.. كان هذا كثير عليه اخير انفجر قلب البدر واخرج دموعا عزيزه .،اخرج انهارا من الوجع تساقطت لتزيح حجاره القلب وتاتي مكانها وجع واي وجع ،،وجع مساوء ظهرت امامه وظهرت ببشاعه اخذت انفاس اغلي ما عنده ،،تساقطت دموعه وانحني الراس بعد ان كان راسا لا ينحني ولا يلين ،دخل القلب فتت مابداخله من عنفوان ،،،،،،ظل يبكي ويبكي ويريد ان يصرخ ،،،،مبسوط يا بدر خيتك بتموت بسببك مبسوط. ماعملتش حاجه زينه خربت علي اخوك وخربت علي حالك وموت اختك.. ايه دخلتك عالخلج تموت تمرط النفس انت ماينفعش تخش عيشه حد انت دخلتك جهر وحزن ايه منك لله عاللي عملته في حبايبك ماسيبتش حد الا ما وجعته ليخبط علي صدره جلبي بيتمزع وجرفان من حالي خيتي هتروح وحبيبتي هتروح ايه الجرف ده ،،انت كيف ما امك جالت دعوه بلا وانحالت تجبض ارواح حبايبك ،دانت حزن اسوت ينبعد عنه انت واغش لو جرب من حد يضيعه ،،عملولك ايه تمزع وتجطع .،سيد وانت زباله ،،  لينهار ويضع يديه بين راسه .

احس بيدين علي راسه تجلد وهب مبتعدا.. اقتربت صبا منه وتحتضنه من الخلف مسح دموعه مسرعا  هتفت.......اهدي يا بدر هتبقي كويسه بس تهدي ...

ابعد يدها وابتعد هتف...... ايوه كل حاجه هتبقي كويسه بدر العابد هيخلي كل حاجه كويسه بس تجوم بالسلامه الغاليه  لتقترب وتحتضنه رغما عنه وقف متسمرا لا يتحرك لا يرفع يده عليها وقلبه يحرقه. لتتنهد وتهتف .....بطل تبقي كده متكتمش في نفسك كده والنبي.

هتف.. اطمني اني كويس بعدها وخرج وتركها لتقف مقهوره علي تحوله فاصبح كالصنم لا يتكلم..

مرت الايام والكل يترقب وكرم قد تعافي وبدر لا يكلم احدا َصبا حاولت كثيرا معه الا انه لا ينطق ليأتي يوم وتفيق اميمه وتفتح عيونها لتجد الكل يقف حولها اقترب منها كرم وقبل يديها حمداله عالسلامه يا جلب كرم.

همست.....انت زين

ابتسم ....زين بشوفتك .....انت في ايه والا في ايه.. جلبي والله هموت كت هموت يا اميمه..

همست......بعد الشر عليك.

قبل يدها..... جومي لاجل دنيتي تنور والفرح يدخل دارنا الهم عبي بالكفه  لتتنهد  فهتف..... كت ميت وروحي عاودت ليا. 

اقترب بدر وقبل راس اخته وهتف .....حمدالله بالسلامه يا جلبي تجوميلنا بالف سلامه يا جلب اخوكي.

لتهتف نبويه..... جومي بقه عشان دارنا مستنياكي تنوريها.

هتف بدر..... معلهش يا خاله استاذنك خيتي تاجي تكمل شفا عندنا وانت يا كرم معاها يا اخوي .

ابتسم كرم وهتف .....اللي تجوله يا بدر...

 لتمر الايام وتخرج اميمه لتذهب الي بيت اهلها ومعها زوجها ليجلس الجميع حامدين ربهم علي ما مر من سواد لياخذ كل حبيب حبيبه ،وصعد بدار واخذ شكران.صعد كرم واخذ اميمه وحملها ودخل بها ..همست نزلني انت تعبان بيدك .

هتف عاشقا ،،،،اسكتي دانا اشيلك واني مدبوح يا جلبي والله ،،ليذهب ويضعها بالراحه ويندفع يحتضنها ،،ااااه اااه يا اميمه اااه كت هموت يمين الله كت حاسس ان جلبي اتمزع رجدتك كت واعره كت كيف العيل يا جلبي مستني حد يملس عليه مسك يديها وقبلها مامتخيلش ان ده حوصل ليكي ،،قبل يديها  ليحتضنها فهمست ،،،هملني هنام ،

كلبش فيها ...بالله عليكي الكلمه دي ماتجوليها ونامي نامي في حضني اتوحشك نامي وسيبيلي حالك ارتاح الا الحصره كت هتخلص عليا ..تنهدت ونامت علي الفور وهو يكلبش فيها ويشكر ربه انها عادت لاحضانه .. .

وظلت صبا جالسه وحيده لا يقربها بدر لتصعد الي حجرتها وحيده مقهوره ظلت تنتظره حتي وقت متاخر لياتي اخيرا لتهب وتقترب منه.. كده يا بدر تقلقني عليك.

هتف.. وتجلجي ليه بريحك مني.

تنهدت  فهو تغير كثرا لتقترب منه وتلمس يده..... مالك يا بدر اتقلبت ليه فيك ايه موجوع ليه كده هيا بقت كويسه.

هتف .....موجوع مين جال.

اقتربت ونظرت اليه وااخذت يده ووضعتها علي قلبها.... ده اللي بيقول قلبي حاسس بوجعك يا بدرقلبي بيصرخ من صرخه قلبك اللي كتمها يا بدر .....اغمض عينيه بوجع اقتربت واحتضنته عنوه وهو لا يتحرك.... 

هتفت..... شايل جبل علي صدرك ليه سيب نفسك يا بدر مانتش جبل ولا حجاره انت انسان بتعرف تحزن وتغلط وترجع تقف بتعرف تقع وترجع تقف بتعرف تعترف انك تعبت واتوجعت .مش عيب ان بدر يتوجع مش عيب ان بدر يحس مش عيب يا بدر رفعت يدها لوجهه تلمسه بحنان .....اتكلم قول اللي جواك انا اهه بديك فرصه تتكلم قول ان بدر موجوع من عمايله قول ان بدر غلط وراجع نفسه لما اتوجع... اصرخ وقول موجوع عشان الناس تعرف ان جوه فيه قلب مش حجر.. نظر اليها بحب لتهمس شايفه جواهم حاجه وخايفه اصدقها اصح علي حلم ويطلع كابوس .خايفه اتوجع  لمانظره عينيك دي تروح .ظل ينظر اليها بعشق ويحس بضعف كان يقاوم نفسه كان يريد ان يبتعد عن الكل وما سبب لهم اوجاع ليجدها تهمس بدر صبا موجوعه علي وجعك

همس ......بطلي مش جادر بطلي لتلمس وجهه بحنان لتهمس بدر بصلي وقول جواك ايه ماتسيبنيش موجوعه كده..احس انه سينفجر ليشدها اليه  بحرقه احس ان روحه تنسحب منه احس بانه سيقتل وستنهي انفاسه ظل معها لفتره يشبع منها كحبيبه ليتجلد ويبتعد.. لتهمس بدر بطل وجع...

صرخ بطلي كفايه لاعاد فيه وجع ولا يحزنون خلاص خلصت اكده ليستدير ليقول ما جعلها تحس بانشقاق في قلبها عندما......

الواد اتبهدل كتير والله ،،،،


الفصل السابع والثلاثون


...كان بدر يغلي من داخله وانفاسه تحترق فبعد ما فعله باخته ومصابها وما تسببه في وجع لاخيه وحبيبته احس انه السؤ نفسه لا يصلح لاحد وخاصتا بعد كلام امه  شعر للبدر انه يكفي ما فعله بمن حوله فليبتعد ويعيش وحيدا يكف سوءه عن غيره وهذا ما يستحقه ،اقترب من صبا وهتف.... اني غلطت وعارف اني غلطت وَجعتك واتجبرت عليكي اني حاسس اني اجرمت مع كل الناس وعشان اكده لازمن كلو ينصلح.. اسمعي يا صبا اني غلطت اني اجبرتك تتجوزيني وعشان اكده بحلك من الجوازه دي يا بت الناس.

بهتت وقلبها يهوي في قدميها هتفت......بتقول ايه.

هتف ....بجول اللي هيحصل بكره الصبح حجزتلك انت وستك ترجعو بيتكو معززين مكرمين ونجفلو الجصه دي كني مادخلت دنيتك ولا تنجهري ولا تتعذبي اهه لا لمستك ولا جيت جارك يبقي خلاص كل حاجه ترجع لاصلها.

اقتربت بقهر..... عايز تسيبني يا بدر.

هتف..... اني ماسيبتكيش اني بصلح اللي وحلت الناس فيه انت ماكنش ليكي تجابليني واعمل فيكي اكده ماكنتيش تستحجي يتعمل فيكي اكده ولا تستحجي راجل كيف اكده .بس خلاص لا عاد فيه جبر ولا حزن اني اهه بوعدك اني ارجعلك دنيتك اللي كتي فيها ولا تنجهريش تاني.

اقتربت ونظرت اليه لتهتف...........خلاص كده قصتنا خلصت.. 

هتف ......ايوه يا صبا خلصت عيشي عيشتك يا بت الناس وشوفي دنيتك تدخلي فيها حد حنين لما تيجي تختاري الشخص اللي هيشاركك الباجي من عمرك، اوعي تختاري شخص جاسي مهما كنت بتحبّيه ومتعلجه بيه هيمرط جلبك  .. دوري ديما على صفة "الحنيّة" ،  الشخص الحنين اللي يهون عليك ، الشخص اللي بيعرف يطبطب ويداوي ويحتوي ويحس بيكي ويراضيكي، الشخص اللي لما تُجعى تلاجي حضنه دفا  ، ميدكش فرصه تدور علي ايد حد غيره عشان تسندك  .. كل حاجه ممكن تهون وتتعوض .. الفلوس بتروح وتيجي، والشكل بيتغير وبنكبر، ومش بيبقي غير الجلب  الحنين، مش بيبقي غير الحب والاحتواء والحنان والرحمة والونس والدفىء .. وهما دول أهم حاجه.اني مش اكده اني جواتي حجاره تموت تنحط عالجلب تدعسه. هتعيشي كيف واني من جوا حزن وشكاير رتش . انا ماستحجش ابقي ليكي يا صبا..

لتسيل دموعها ليشيح بوجهه اقتربت ونظرت اليه وهتفت.........بصلي الا انه لم يمتثل ....صرخت..... بصلي نظر اليها .هتفت..... قولي انك مش عايزني.

ابتعد وهتف ......اظن كفايه اكده لا توجعيني ولا اوجعك.. اهم حاجه انك ماتلمستيش عشان بس ماحسش اني خسيس اكتر ماني حاسس .هتعاودي وعيشي بعيد واجفلي عالعفاشه جصه عفشه وخلصت فاكره انت صح انت كل كلامك صح وبعدك صح وخوفك حج ،داني يتخاف مني يا بت الناس غدار وماليش امان جرف ماحد يحب يجرب منه ومارضاش واصل لحد يترمي الرميه دي اني عايزك تعيشي الحب مع حد بجد وبيحس ،،بكره الصبح هاخدك واوصلك للمطار ليستدير ويخرج لتنهار بالبكاء ظلت تنتحب ،،،،،سابك خلاص بدر حبيبك سابك ليه يا بدر انا كنت مستنيه تقولي كلمه حسيتك اتغيرت وحاسه بوجعك قلت اتغير حسيته والله ..ليه يا حبيبي تموتني كده. لتنهار وتظل طول الليل تنتحب.


*******

عند شكران دخل بدار متعب جلس علي الكرسي  وركن عليه هتفت شكران ...جوم يا بدار ريح عالسرير انت تعبان.

تنهد ولم ينطق لتقوم وتقترب منه لتربت علي كتفه ....... جوم يلا ماتجعدش اكده ليشدها تقع علي رجله لتتململ اوعي انت مخبول بعد ...

هتف..... تعرفي مره تبطلي عشان اني علي اخري وحاسس بجهر السنين.

لتغضب وهتفت..... يعني اني بجولك جوم نام وريح وانت تجولي حاسس بجهر دا ايه ده اني غلطانه من اساسه اني جيت جارك كت اسيبك احسن لتحاول ان تقوم شدها وكبلها وهتف.. انت ايه مابتصدجي اجول كلمه ترازيني بعشره.

صرخت.....انت اتخبلت جاي من بره تجول خناج للبيع الله دا ايه المرار ده مالك بيا عاد لتكون فاكر اني نسيتلك زعك فيا يوم الفرح و ايه زعلك ان خالي يجول اني سندك خايف لاخرج من تحت يدك وعايزني اجعدلك تذل فيا.

هتف...... انت مش راضيه تكتمي برضك ماهو طين عمال يتنحنح وعينه هتبظ اسكت اياك.

صرخت......بعد بلا حزن،،،. لاه ماهكتمش َماعتش هسكتلك شكران الطيبه ماهتسكتش ليك وتجول حاضر وطيب شكران جدك َوجد عشره زيك اوعي اكده والله اطين عيشتك  لتهب مبتعده انت كل شويه تيجي تزع فيا وعشان هبله اجطم واسكت جايب طبعك ده منين دا ايه المرار ده دا سعيد كان  هيبقي  الحنيه وناسها بس بختي..

ليقف وتتحول نظراته الي غضب حارق لترتعب لتهمس .....هو انجلب ليه اكده يا مري هيضربني والا ايه.. لتهتف ايه بتبصلي ليه اني مش خايفه منك والله انادي لخالي لو حطيت يدك عليا .

اقترب منها وشدها بعنف لتصرخ هتف..... اكن سعيد كان هيبقي حنين مش اكده دا حاجه حلوه جوي وهتنادي لخالك يعمل ايه يضربني والا يعلجني بالفلكه

لتهتف... انت اللي بتنرفزني وبعد بقه اني مش طيجاك ..

شدها وهتف .....انت عايزه ايه دلوك.

لتدمع عيونها لتهمس .....بطل بقه بتوجعني. 

تنهد واحس بنبره صوتها الطفوليه ليديرها ويشدها الي احضانه لتتململ فهتف بطلي بقه بطلي اهمدي.

لتخبطه.... مالكش صالح الله انا همشي العيشه عشان ولدي وعشان جهره مرة عمي ،،من اهنه ورايح مالكش صالح بيا واصحك تزعج والا تجرب ويا ريت تشفلك مجعد تاني ،،اني جاعده عشان ولدي ،بس انت خلاص..

هز راسه وحاوطها بيديه..... يا رب اعمل ايه يا رب تعبت الاجيها منين والا منين يا بت ارحميني بقه جطر شاطح وجافش..واشفلي مجعد تاني والله انجهر ... شدد عليها وهمس وحشتيني طيب اعمل ايه والله حاسس بجهر الدنيا.. ظل يتلمسها فتنهد ......طب خلاص عاد ..هكتم اهه واعملي مابدك بس بعاد لاه ..ماهتنيلش ازع تاني بس انت ماتجيبيش سيره المحروج ده..

لتدفعه بغضب .....انت بتجول علي خالي محروج..

رفع يده الي وجهه من الغيظ هتف ......يا رب الصبر يا رب الجلطه داخله عليا واني لسه صغير.. ليتنهد انت مخبوله.

صرخت....مش انت اللي جولت ايه جله ادبك دي.

صرخ..... بجول علي سي طين سعيد هشتم خالك ليه اني.

نظرت اليه بتزمر...... انت شفت اهو كداب وزعيت فيا تاني .. انت بتزع فيا ليه. والله ماهسكتلك .

رفع حواجبه....... يا مري دا بتخرج من جصه لجصه يا بت  بقه ايه ده ليتنهد .حاول ان يهدي نفسه ليجدها تاخذ المخده وتحدفها عليه يلا نام عندك وعدي الليله الغابزه دي.

ظل واقفا ينظر اليها والمخده في يده حدفها عليها لتهتف  انت ماعايزش الليله تعدي علي خير صوح.

هتف..... هتعدي ازاي وانت جالبه عفريت اكده.

نظرت اليه غاضبه واقتربت وخبطته.... ولما اني عفريت جاعد اهنه ليه والا اجولك روح للسنيوره اللي مكلبشه في جلبك روحلها تهدي اعصابك بدل ما كل شويه تاجي تجول يا خناج بدل ماتصالحني دا مرار بعد والله ماجعدالك فيها وهروح عند مرت عمي..

هتف....... يا مري اني هكمل مرار لحد ميته وسنيوره وطينه راحه فين دي ومهملاني اعض في الحيط .... وحشتني انكتم شالله تخلص عليك ....نظر اليها َو هيا تلملم اشياوها ليهمس طب ماني عايز اتهبب اصالح ماتجعدي اما اتسخمط علي ايامك.. اهدي يا طين ليتنهد ويذهب اليها وياخذ روبها التي ستلبسه لتهتف.... ايه سيب.

هتف.... طب خلاص عاد ماهزعش وهنكتم بطلي بقه ده كله عشان عشان كلمتين بجالنا ساعه بننحر بعض ليه. خلاص بقه حجك عليا دانت حبيبي والله واللي خد عجلي بطلي يا بت بقه.

نظرت اليه قاطبه ضحك .....والله زي العيال لما بتغضب اجبلك مصاصه اياك.

هتفت........برضك بتتريج ماهتبطلش انت .

اقترب مسرعا..... لاه والله هبطل هبطل اهوه ليضع يده علي فمه .

لتهتف .....كل ده عشان جولتلك ريح يعني الحج عليا اني خايفه.. لتصمت فجاه وتستدير  فشدها مسرعا لتقع في احضانه ليهتف.. خايفه عليا صوح.. جطمتيها ليه طيب هو حرام تخافي عالحزين جوزك.

هتفت.. لا ماخايفاش عليك اني ويلا روح نام. 

هتف.. عيوني دا حبيبي يؤمر شدها وحاوطها بيده ووقف ينظر اليها في المراه فهتف شايفه دول شايفه اللي حاضنها ده.... مني عينه حبيبه يكون رايج وراضي مني عينه يكون في حضنه وحابب رفع يده علي بطنها مني عيني ياجي يربطنا محبه َحنيه اشيلك في نن عيوني واشيله علي جلبي.

همست.......يعني ماهتكرهوش.

ليديرها.. اني برضك اكره حته من حبيبي داني عاشج وعاشج وواجع لشوشتي. رايد اجيب جورطه عيال كان يتحسس بطنها بحنيه.

لتهمس..... لاه مش عايزه.

رفع وجهها...... مش عايزه ايه يا جلب بدار.. لتتنهد همس...... طب هتفضلي اكده دا جلبي هيفضل موجوع اكده.

همست .......انت اللي وجعتني بالجامد وخلاص ماعتش عايزاك اني.

اقترب من وجهها يلفحها بانفاسه لتحترق..... ماعتيش عايزه حبيب بيعشق حبيبه يموت عليه ويتمناه العمر كله يتمناه حبيب وبس والله من غير خلف عاشج بخلف عاشج اني عاشج في كل حلاتي.

همست.....لاه انت بتضحك عليا عشان اجعد وماروحش لخالي و يديني لسعيد انت خايف من اكده بطل بقه.

تنهد..... طب ادعي علي سعيد اكتر من اكده لفين الواد زمانه هرسه جطر يا جلبي هعمل اكده ليه بس اذل نفسي ليه داني حاسس اني ناجص ابوس رجلك بس لو طلبتيها هعملها. شكران اني بحبك جوي بصيلي طيب .

هزت راسها ابتسم وقبل يديها همس والله هراضيكي بس حني عليا ليني لحبيبك يا جلبي والله جلبه وروحه.

رفعت عيونها له ليرجف قلبها كانت تريده بشده ولكن رعبها من ما فعله يقف بينهم لتهز راسها بغلب وتهتف...... مش عارفه.

ابتسم وهتف....... طب تصدجي دي حاجه كويسه ان حبيبي بطل يرفضني واني راضي باكده راضي ان جلبي علي الاجل مش عايز يرمح. شدها يحتضنها لتنام علي صدره هتف..... حاسس ان دنيتي بتنور واحده واحده بعد ما كت سواد في سواد.

همست.....يعني نسيت حبيبتك..

ضحك.... انا اجدر انسي حبيبي.

رفعت راسها وتقطب جبينها فضحك....يا بنتي اهمدي مابتصدجي مانت حبيبي ولا فيه حبيب غيرك يا جمر وحشتيني نفسي اخدك ونسافر نجطي ايام كيف اللي جضيناها علي البحر ايام ماتتنسيش لتتنهد. وتصمت هتف طب  حبيبي مش هيجولي حاجه..مش عايز حاجه 

لتتنهد وتهتف.. عايزه مانجه.

ليرفع حاجبيه.. نعم ياختي.

لتهتف ....ايه عايزه مانجه.

هتف.... تصدجي انك فصيله.. مستني تجولي بحبك بموت فيك لاه عايزه مانجه.

دفعته.....خلاص مش عايزه منك حاجه هكلم خالي يجبلي.

تنهد.. اني عارف اني علي بالك ماخش دنيا هخشها مشلول او مجلوط. لاه يا جلبي هجبلك الدنيا بحالها.. هريح انهارده وبكره من النجمه هجبلك

لتقطب.. لاه ماعايزاش بكره انت لو رايد تجبلي هتجبلي دلوك.

تنهد .....دلوك طب اريح هبابه..

ذهبت الي الفراش.... روح اني خلاص هنام وان شالله العيل ينط في وشه منجه البلد كلياتها مش عايزه منك حاجه ...اه اجي اطلب يجول تعبان والهانم كان بيتصرمح بيها طول الليل والنهار من غير تعب.

ظل ينظر اليها محصورا ..... طب اروح فين دلوك من مراري ده يا رب بحب هبله ليتنهد طب يا جلبي هنزل واجيب اللي عايزاه ليتحامل علي نفسه وينزل لتمر ساعات حتي انتصف الليل  ليعود ووجدها بعد عناء بعد ان نزل المركز وبحث عنها ليعود ويدخل المطبخ ويقطعها لها ويصعد بها فوجد زوجته نائمه كالملاك .اقترب وتنهد بغلب نمتي .

دخل وغير ملابسه َواقترب واندس بجوارها ووضع الطبق بجوارها واخذها في احضانه همس .....شكران جلبي جبتلك اللي طلبتيه.. لتتحرك وتحتضنه وتنام علي صدره .تنهد شكران اصحي يا عمري لتتململ في احضانه .هتف فوجي جبتلك المانجه فتحت عيونها فنظر اليها بحب فكان قريبا من وجهها همس..... جومي يا جلب بدار جبتلك اللي طلبتيه.

لتهمس بنعاس شديد.... جبت ايه.

همس ....الَمنجه..

لتغمض عينها هزها لتفتحهم جلبي جومي جطعتهالك اهه

لتهمس جبتلي عن حج..

همس ....ايو والله لفيت لما ورمت..

تململت بنعاس واقتربت منه وقبلته وهمست....مانحرمش منك وتنام مره اخري وتكلبش فيه وتتوه في النوم.

ابتسم علي فعلتها.. ولا يحرمني منك يا جلبي..اهو الكلمه دي ودت اي تعب جواتي كفايه انك في حضني راضيه ومبسوطه يا رب اهديها وجربها مني.


كانت نجيه تجلس وتحتضن ابنتها وتقبل راسها.. كت هموت يا بتي كت هتشدي نفسي مني.. اكده تجفي بيناتهم تخلعي جلبي اكده.

تنهدت.... ماحسيتش ياما والله كلامه فور جتتي وحرجلي دمي يجول ان اخوي مش راجل يجول اكده داني لو طولت اخلعله جلبه ياماي داني اخوي سيد الناس.

سمعت بدر..... انت اللي ست البلد والناس كلها يا غاليه اقترب وجلس وشدها اليه ..... حجك علي راسي حجك لو جعدت العمر كله اطيب خاطرك عاللي عملته َماهكفكيش.. اني غلطت في حجك اني كت وحش في حج الكل ورايد اتحجج للكل .قبل راسها رايدك تسامحيني يا بت ابوي اني جيت عليكي بس يمين بالله ماكت عايز أذيكي اني دماغي دونا عن الناس بتفكر لحالها بالله عليكي يا خيتي اني محروج .سامحيني.

نظرت اليه فبدر جامد وشديد لا يلين هكذا لتهمس ....ماتجولش اكده انت اخوي َكبيري وسندي ربنا يخليك لينا يا اخوي تنهد وقام لتهتف امه رايح فين دلوك.

تنهد .....خارج ..ياما.

هتفت..... وسايب عروستك يا ولدي.

همس بوجع.. عروستي..  خلاص ياما ماعتش حاجه هتفضل زي ما هيا في دنيه بدر ليتركهم والوجع يشق قلبه.

تنهدت امه .....الواد انجلب جلبي واجعني عليه اعمل ايه بس.

تنهدت اميمه.... كله ياما انجلب كلو تعب وجلبه تعب الدنيا تعبت الكل.

احتضنها بهيه..... بس احنا نجدر نرجع الحلو يا بتي لو عايزين.

هتفت اميمه.. ماعتش ينفع ياما انا موجوعه جوي.

احتضنها وتهمس.. امال وجفتي ليه جدام راجلك تحافظي عليه ماكتيش خايفه. هان عليكي نفسك يا بت جلبي ليه.. اسمعي لجلبك وسيبي عجلك. كرم بيحبك كرم خد الطلجه مكانك كان ممكن يموت كرم ساب ارضه لبدر عشانك كرم جعد جارك ينح زي النسوان ورايد يجعدلك يطيب خاطرك.

سمعا كرم..... جوليلها ياما جوليلها بدل ماهي جافشه ماعارفش اتلم عليها بجالي يومين جوليلها.

لتضحك بهيه.. ماني بجول اهه انت اللي مش ليك في النحنحه يا واد نعملك ايه.

اقترب والتصق بها لتبهت من بجاحته فهتف.... والله هيه بس تسيبني اتنحنح لما افطسها.

هبت.. ايه جله ادبك دي عيب اكده اختشي.

ضحك... طب براحه لساتك تعبانه هتهبي زي الوبور ليه اكده.

اقتربت وخبطته ....وبور في عينك اجعد بقه اجعد جار امي كل حالك ايه ده وتركتهم. صعدت ضحكت بهيه هتفت.... جوم جوم يا ولدي جوم واصبر بتي دماغها ناشفه بس طيبه جوم اتنحنح وزود وان ماجتش نحنحه هاتها صلبته مش مضررب بالنار يا واد

ضحك....... والله انت عسليه يا مرت عمي هجوم واتشجلب فوج بس ترضي ليقوم لزوجته.


وقف بدر يركن علي احد الاعمده منزويا كان قد لمح صبا في الشرفه فتواري ووقف يتاملها بعشق ودموعه تنزل ،،همس جلبي بينخلع يا واخده جلبي هموت حاسس بنفسي بيروح حجك عليا روحي وعيشي وافرحي وانسي بدر بهمه وحزنه وجرفه روحي وتنسعدي واجفلي عليا وعلي جرفي اني جرف يا جلب بدر لو طولت اداويكي واموت بعديها هتمني اموت والله .جلبي محروج هعيش من غيرك ازاي حاسس بعصره بتدعس جلبي ...من عمايلك ويدك وتستاهل يا بدر كانت دموعه تسيل بغزاره وعيونه تتامل حبيبته حتي دخلت ليمسك قلبه ويحس بكلبشه في صدره ودموعه تنهال انهارا.

قامت  بهيه وهيا تدعو لهم فخرجت احست بوجع في قلبها فبدر يقف وحيدا يركن علي احد الاعمده وملاَمحه تشع قهرا اقتربت لتتفاجاه وتلمح دموعه التي لم تراها ابدا  لتقترب وتحتضنه و..

       الفصل الثامن والثلاثون من هنا

لقراءة باقي الفصول من هنا

تعليقات



حجم الخط
+
16
-
تباعد السطور
+
2
-