رواية بنات راعي البقر
الفصل الثاني2
بقلم مريم اليوسف
"يأتي على المرء وقت، يتخلى فيه عن كل شيء ليفوز بنفسه، غالبًا يكون ذلك بعد أن يبذل من نفسه الكثير ليفوز بأشياء وأشخاص، و يفشل..؟!💭🤍"
كان محكم عليها بضمتو وعم يبوسها وهية عم تحاول تقاوم ... لحتى واخيرا قدرت تبعدو عنها
قمر :لك بعدددد عننيي ... نسيان نحنا وين
جواد : عفكرة حرام يلي عم تعمليه معي
قمر : هلق يلي عم اعملو معك انا حرام ويلي عم تعملو انت شو
مسكها من ايدها وقلا تعي نقعد ونحكي
قمر :قلتلك بدي شوية وقت
جواد :لشو ... عرفان انا شو في من وراها هي حركاتك
قمر : شو عرفان بالله
جواد :مشان اشهر زواجنا ... وانا قلتلك وضعي
قمر :عأساس تقنع اهلك
جواد : بس عطيني شوية وقت
قمر :عفكرة صرلنا سنة اذا متذكر
جواد : والله حفظانو لهل الحكي بصممم
قمر : بس انا ما مشان هيك بدي الوقت وتتركني لحالي فترة
جواد :لكن مشان شو
قمر :بدي نترك ... بس قررت فكرت منيح واخدت هالقرار وانا بكامل ارادتي
وقف وقال :شووو
قمر :متل ماسمعت انا معد عندي استعداد كمل بهيك علاقة
جواد : وحدة من حركاتك مشان تضغطي علي مو هيك
قمر : لا والله ... عنجد عم فكر بهالموضوع بشكل جدي ... نحنا مستحيل نظبط مع بعض
جواد : خلص لا تكملي ... انا هاليومين رح اجي واطلبك رسمي... واهلي ان وافقو او رفضو وحتى لو بدن يغضبو علي معد فارقة معي ... واذا مابدن يجو معي بجيب اي حدا ... بس انت لاترجعي تحكي هالحكي
قعدت قمر وقالت :حتى لو وافقو انا معد بدي
مسكها من كتافها ووقفها وقال :شوو عم تخبصي
قمر : يلي اسمعتو ... جواد طلقني
جواد : قمر شو هالتخبيص
قمر : طلقني وخلي كل واحد يروح بحال سبيلو ... حتى لو وافقو اهلك واتزوجنا مفكر رح تخلص المشاكل بالعكس وقتها رح تبلش ... اهلك رح يرحموني او المجتمع ... اصغر كلمة رح يقولها اجت بنت راعي البقر وراحت بنت راعي البقر هي اختي نجمة اكبر مثال صابها الديسك من ورا تَجبر بيت عمها وهلق رجعت لعنا ناوية ع الطلاق ... وهيي اذااا وافقوا ... مشان هيك خلي كل واحد بطريق ونوفر وجع راس
جواد : وحبنا
قمر : مع الايام رح يتلاشى
جواد : بس انا مارح اتخلى عنك ... ورح حارب الدنيا كلها كرمالك
قمر : لو قايلي هالكلام من قبل يمكن كان اثر فيني ... بس هلق صعب ... شو ماحكيت وشو ماقلت مافيك تتركن
ساكت وماحكي
قمر : طلقني وخلينا نخلص من هالشغلة هلق
جواد : بس مارح طلقك
قمر : انا كلشي انتهى بالنسبة الي .. ولا تتواصل معي الا لما تقرر تنطقها
تركتو وطلعت واول خطوة خطتها برات الغرفة كانو دموعها ماخدين حريتهن
~~~~~~~~~~~~~~~•
نزلو من السيارة عباب بيتن وقمر اسرعت بمشيتها لتلحقها شمس بعجلة
شمس :قمرر ... قمر
وقفت قمر وقالت : شمس خلص ... قلتلك مافيني شي ولا تضلي تتسأولي قدام اهلك
تركتها ومشت و شمس هالمرة مشت على مهلها وهية شاكة بموضوع اختها من وقت راحت مع فاروق رجعت مو على بعضها ... معقول حكاها شي ... انا حاسة انو في حدا بحياتها معقول فاروق ... بس مبارح الظهر ... ولا ظهر بالنسبة لألي وهية بتعرفو من زمان ... اي صح لما كنا بالمطعم عرفتنا عليه ... والله مابعرف .... والمحادثة المأمنة بكلمة السر ماعم اقدر ادخل عليها لأعرف مع مين عم تحكي ... بس الا ما اعرف
~~~~~~~~~~~~~~~~~•
وصلو الشباب ع خيمتهن
سمر :يا الله شو تعبت مو متعودة عهيك شغل
سمير :معلش اتحملي .. مانا مطولين هون ... رح انفذ خطتنا ونروح ... المهم انت وامل اتقربو كتير من قمر وشمس وحاولو تسحبو منن معلومات عن الضيعة قد مافيكن
امل :ماشي .. بكرا بنفتح معن الموضوع
سمير :مامعنا كتير وقت ... اليوم
امل :اليوم؟
سمير :اي بتروحو بتعملولن زيارة وبتحكو شفتو اليوم بالشغل ماصرلكن تحكو منيح
سمر :طيب بعد ما نرتاح ونتغدا بنروح
سمير :تمام
~~~~~~~~~~~~~~•
راكب فاروق سيارة غير يلي كان راكبها الصبح .. ماشي فيها ووصل لقدام ورشة جواد ... دخل فيها وصفها مكان التصليح
وقف جواد ومشي لعندو وفاروق نزل منها والتقو عند الباب
حط فاروق ايدو عليها وقلو شو رأيك بهل العروس
برم حواليها جواد ونزل لتحتها ... وبعدها وقف وقلو افتحلي الغطا ...
خلص فحص وقال: ممتازة ... مابينخاف عليك عندك نظرة قوية بالسيارات
فاروق :تسلم تسلم من بعدك
جواد :ياولد اعمل شاي
الولد :امرك معلم
جواد: تعا نقعد هون
قعدو ع كراسي حديدة وقدامن طاولة صغيرة
فاروق : شو كان صاير اليوم
جواد : والله مابعرف
فاروق : لك القصة من زمان وانا نسيتها وماكنت بعرف انها بنت ابو بدر فكرت من هدول يلي بيقعدو بالخيم وشغلة نزوة وبتمرق
جواد : ايو نزوة يازلمة ... لك شلل رباعي
فاروق :طيب ليش بالسر
جواد:اهلي مارضو يخطبولي اياها عجزت بأمي وتقلي بغضب عليك اذا بتقرب على هالعيلة
فاروق :هنن البنات فيهن شي يعني
جواد : اعوذ بالله يازلمة ... متل الشاش الابيض ... بس عقولتن مانن من قد المقام عأساس نحنا نازلين من السما ... كل فترة بفتح الموضوع وبيرجع بيتسكر .... عرضت عليها الزواج بالسر بالاول رفضت بس بعدين قبلت .. وانت وقاسم كنتو شهود ع كتب الكتاب
فاروق : ماعم قلك انا نسيان وفكرت شي وحدة من العمال تبعوت الخيم ... اي المهم شو قصتكن .. بدا تشهر الزواج يعني
جواد :لا بدا نترك
فاروق : عم تهدد مشان تعلن الزواج
جواد :لا عم تحكي جد قال معد بدها هالزواج يكمل ... قال حتى لو انشهر مارح تخلص من اهلي وبظن معها حق ... وصارت تقول مابدها تصير متل اختها التانية متزوجة ماخدة فريد اي بيت حماها عوفوها تيابها
فاروق اتذكر موقف مبارح بس ماحكي
فاروق :وانت شو رأيك
جواد :مستحيل اتخلى عنها
فاروق :بتحبها لهل الدرجة
جواد : شو عم نلعب شدة يازلمة .. طبعا بحبها ومارح فرط فيها ... قلت بعطيها شوية وقت لتروق وتهدا ... وانا رح حاول اقنع امي بركي بترضى
فاروق :الله يخترلك الخير يارب
اجا الولد ضيفهن شاي
جواد: اي انت مو ناوي تتزوج
فاروق :ههههه حتى الله يريد
جواد : مو حاطط ببالك شي وحدة
فاروق : حاليا لا والله
جواد : الله يبعتلك بنت الحلال
~~~~~~~~~~~~~•
الوقت العصر
شمس قاعدة مع امها واختها عم يشربو متة ويفصفصو بزر وقمر نايمة بالغرفة التانية او عم تتظاهر بالنوم
متمددة ع فراشها وعيونها عم يشرو دموع بخنقة وكبت وعم تمر عبالا ذكريات
###فلاااش_بااااك##
عم يشتغلو بقطف البندورة مجموعة كبيرة من العمال وهية كانت جنب اختها
اجا قاسم منهم وقال :قمر بدي تنضفيلي بيت المزرعة
قمر :اي تكرم
شمس :اجي معك
قمر :لا مافي داعي ... مابطول
تركت من ايدها وراحت فورا والابتسامة ع ملا وجهها ... بعدت كتير عنهن لشافتو راكب بسيارتو ركضت لعندو وفتحت الباب وركبت واول ماصارت جنبو برمت لعندو وضمتو
قمر :اشتقتلك ... اشتقتلك ... اشتقتلك
جواد :وانا كمان ياعمري
بعدت عنو وهو حرك الدركسيون ومشي اقل من دقائق كانو وصلين ع مرزعة جنب المزرعة يلي عم تشتغل فيها .. وفيها غرفة صغيرة ومنتفعاتها
هي الغرف او البيوت موجودة بكل مزرعة بهل المنطقة مشان الزوادة او العدة او الحارسة الها استخدامات كتير
نزلت من السيارة وبرمت لعندو وهو ضمها من خصرها وكملو ع الغرفة ... فتح الباب وسحبها من ايدها ودخلو جواتها وسكر الباب وسندها ع الباب وهو قبالها واديه وحدة عخصرها والتانية على خدها :وعيونو بعيونها
جواد :انو بس بدي افهم انت شو عملتي فيني ... طول الوقت عم فكر فيكي ... بفيق بنام بشوفك بكل مكان
ساكتة وبس عم تتطلع بعيونو بكل حب
جواد : عم اهرب من الشغل واترجى قاسم ليدبرلي طريقة شوفك وهو عم يتمقطع فيني
قمر : هههههه
جواد : ماتبلى هالضحكة الحلوة
قمر :.....
جواد : كأنو عاجبك الوضع هيك ونحنا واقفين وعم نتصفن ببعض
قمر : كتير ههههه
جواد : اصبح ماشفتي شي تعي لقلك
#ذاكرة تانية
كانو مشغولين بمستودع من مستودعات ابو القاسم وعم يعبو تفاح يأقفاص حسب النوعية والجودة وقاسم بيناتن عم يتفقد الشغل ليجي جواد وينضم الهن
جواد :السلام عليكم
ابتسم قاسم واجا ناحو وقال وعليكم السلام
هية رفعت راسها بخجل والابتسامة على وجها .. بس فورا نزلت راسها ومعد رفعتو
قاسم عيونو شوي على قمر وشوي على جواد : شو شايفك عنا
جواد : اي والله مسافر برا المحافظة كم يوم وقلت اجي شوفك قبل ماروح
قاسم :اي فيك الخير والله .. اقعد نشربك شي
جواد :لا مستعجل
قاسم بمكر :طيب مستعجل روح هي شفتني ...ولا بدك تذكار مشان تضل تتذكرني بغيبتك
جواد : والله بدي رضاك علي
قاسم :خلص روح الله يرضى عليك ههههه
جواد :بسيطة يا قاسم ... يلا سلام
قاسم :الله معك
طلع جواد وقاسم ضحك ضحكة كبيرة
قاسم :قمر
اتطلعت عليه
قاسم :زكاتك كاسة شاي (وغمزها )
ضحكت وقالت :تكرم
تركت من ايدها وطلعت فورا لبرا شافتو ماشي اتجاه السيارة
قمر بصوت وصل لمسامعو : مابدك تشرب شاي قبل ماتروح
التفت عليها وابتسم ورجع فورا لعندها
جواد :من ايديكي بشرب سم
قرب ليضمها بس هية رجعت فورا لورا وقالت مو هون ... تعا معي
راحو ودخلو ع مستودع تاني كان فاضي مافيه غير طاولة خشب كبيرة وعليها عدة شاي وقهوة وغاز سفري صغير
اتجهت لعند الطاولة وبلشت بتحضير الشاي وتعبي الابريق من قنينة مي قرب هو وضمها من ضهرها
وطبع بوسة على خدها
جواد :رح اشتقلك كتيير
قمر :بدك اتطول
جواد : والله مابعرف رايح بشغل حتى يخلص فورا راجع
فلتها لعندو وقال :تروحي معي ؟
قمر :هههههه شو سهل الحكي
جواد : والله بنظبطها بنلاقي شي كذبة لأهلك
قمر : بدال ماتظبط هي ظبط شي تاني ... وساعتها بروح معك لأخر الدنيا وقدام كل الناس
جواد : معك حق ... بس ما طالع بأيدي شي ... اهلي رافضين رفض قطعي الموضوع وكل مابفتحو بتصير مشكلة وامي بتحلف انو تغضب علي ... قوليلي شو اعمل انت من جهة واهلي من جهة ومافيني اتخلى عن حدا منكن
قمر هالحكي زعجها وقالت : خلص روح هلق بتتأخر
جواد : شبك انقلب وجهك
قمر : مافي شي .. خلص روح
جواد : هيك بدك تودعيني ع الناشف
قربت وباستو ع خدو بوسة سريعة
قمر : يلا روح
جواد :عم تحكي جد
سحبها لعندو قرب من شفافها .............
####باااااااك##
مسحت دموعها لما حست ع حركة بالغرفة
تجلست وشافت شمس قاعدة قدام خزانة صغيرة فاتحتها وبقلبها كتب كتير مصفوفة بشكل حلو ومرتب وشمس عم تدور عشي بيناتن
قمر :عشو ع تدوري
شمس : ع كتاب .. لا تشغلي بالك .. زعجتك
قمر : لا مانمت
شمس :ليش
قمر تجاهلت السؤال : وين امي ونجمة
شمس :بالغرفة التانية ... تروحي ع الدكان
قمر :لا ليش ناقصنا شي
شمس :ما سمعتي امل وسمر قال بدن يجو لعنا بدي روح جيب ضيافة
قمر :اممم ... اي بس مابدي شي روحي لحالك
شمس :جبلك شي
قمر :لا
~~~~~~~~~~~~•
(ارجوك لا تقتحم تفكيري )
بدكانة الضيعة
واقفة قادم صاحب الدكان يلي عم يحسبلها الاغراض يلي اخدتهن .. وهية عم تتلفت حواليها لتشوف اذا نست شي وشافت ع الطاولة شوكلا جالاكسي مديت ايدها لتاخد قطعة واجت ايدها فوق ايد شخص كمان كان مادد ايدو ياخد نفس القطعة ... سحبت ايدها واتطلعت عليه لتتفاجئ بفاروق وهو كمان اتفاجئ فيها وما انتبه لوجودها لانو نزل فورا من سيارتو وقال لصاحب المحل :بدي باكية دخان وقرب من الشوكلا المفضلة عندو لياخد قطعة
اتطلع فيها وابتسم ورجع اتطلع بعلبة الشوكلا اخد قطعتين وراح لعند صاحب الدكان اخد من الباكيت وعطاه مصاري وهداك فتح الدرج ليرجعو الباقي بهل الاثناء رجع فاروق لعند شمس وعطاها القطعة التانية يلي اخدها
شمس : لا مابدي شكرا
فاروق : هالمرة اقبليها مني
حطها قدامها وطلع .. وهية لحقتو بعيونها ركب سيارتو ومشي
~~~~~~~~~~~~~~~~•
فارشين حصيرة تحت شجرة وقاعدين البنات الخمسة قمر ونجمة وشمس وامل وسمر وقدامن فواكه وموالح وحلو وعصير
امل : عنجد هالضيعة كتير حلوة
شمس : لا تغرك المظاهر
امل : عجب .. شو القصة
شمس عم تشرب عصير :لا تهتمي
سمر :قديش صرلكن قاعدين بهل الضيعة
قمر :من قبل مانخلق تقريبا
امل : انتو اصلكن من هون
شمس : لا
ابي كان يشتغل متلنا واجا على هالضيعة واستقر هو وامي .. بالاول كانو قاعدين بخيم متلكن بس عقولتن انو لما صار عندو ٣ بنات معد يأمن عليهن بالخيمة ... واستأجر هالغرفتين وقاعدين فيهن لهلق
امل : لهلق بالاجار .
شمس :اي والله
سمر:ماصمدتو شي شوية مصاري واشتروه او اشترو شقة
شمس :مين قلك ما صمدنا ... بالعكس بس صاحب البيت مارضي يبعنا اياه مع انو من الاول هو قلو لابي ظبط وضعك لبيعك اياه
سمر :وشو غير رأيو
شمس : شبعرفني ... بكون شد عليه عرق اللؤم متل اهل ضيعتو
قمر وهية شاردة : هو مادخلو ... اهل الضيعة والمختار ماخلوه يبيعنا البيت
شمس بصدمة :عنجدددد ؟؟
قمر : والله
شمس : وانت مين قلك
قمر :شو بدك مين قلي ... وانت لاتحكي شي قدام اهلك ... الظاهر رضو يخلونا نستملك
امل :يعني رضو يبيعوكن البيت
شمس :لحظة شوي امل .... قمر ليش ماكانو رضيانين نستملك
قمر :لانن بشوفنا غرب مابدا تنين يحكو فيها
شمس : الاندال ... لأ وابوكي مصر يضل بهل الضيعة النحس تضرب منها لأهلها
قمر : ابوكي غير انو رزقتو هون ابوكي خايف علينا ... كبرنا بهل الضيعة والعالم بتعرفنا وبنعرفن وين بدنا نقوم نروح نقعد عند شي حدا ابن حرام ... او ننزال ع المدينة نرجع نأسس من اول وجديد ... خلص اسكتي وارضي هي البيت رح يصير النا والحمد لله عم نشتغل ونصرف عحالنا ومحدا الو عنا شي ... صح اهل الضيعة بيعتبرونا غرب بس بحياتن ما اذونا
شمس :صح ما اذونا جسديا بس اذونا نفسيا ... اذونا بمعاملتن السيئة النا وشوفة حالن علينا ... اذونا لما نص العالم ما ترضى تشغلنا خايفة ع ولادها مننا .... اذونا لما مايرضو يناسبونا هي انت لهلق محدا دق بابك ... ولا نجمة لو ما فريد الجربان محدا رضي يعطيه ما رضو اهلو يجو يخطبولو نجمة ولأ فوق كل هاد شايفين حالن عليها عأساس هنن احسن او احلا او انضف ... طول عمرن الوسخ طالع من باب الدار عندن ماشافو النضافة الا ع دور نجمة .... وكل هاد وما اذونا ... مشان الله خليكي ساكتة قال ما اذونا قال ...
عم الصمت لدقائق وقمر شردت بمكان ونجمة شردت بمكان
كسر هالصمت امل : انتو بس ٣ بنات
شمس :في اخ صغير اسمو بدر هلق مع ابي بيشتغل ولما تفتح المدارس بيرجع ع المدرسة
سمر :الله يخليكن لبعض ولا يفرقكن
قمر: تسلميلي
~~~~~~~~~~~~~~~~•
الوقت المغرب
وابو بدر راجع مع البقرات ع الطريق وابنو بدر ماشي قدامو سايقهن
لينضم لمشيتو فريد
فريد: مرحبا عمي
ابو بدر :اهلين يا ابني
فريد : كيفك كيفها همتك
ابو بدر: الحمد لله بخير من رب العالمين
فريد : عمي بدي حكيك مشان نجمة
ابو بدر :وانت شايف التوقيت او المكان مناسبين
فريد : معك حق بس البنات اجو ع البيت وكبرو بالحكي وانا مابدي التقى فيهن ونحكي
ابو بدر : انت تعا المسا وطول ما انا بالبيت محدا الو كلمة غيري
فريد :امرك
~~~~~~~~~~~~~•
قاعدة بزاويتها جنب خزانة الكتب وشاردة ... وجنبها لوح الشوكلا يلي ضيفها عليه فاروق
وحكت بداخلها :مزال بكره اهل هالضيعة ليش قبلت منو الشوكلا ... كان لازم ارفض ... خلص بكرا برجعلو اياها
وبالزاوية التانية قاعدة قمر وكمان شاردة وعم تحكي داخلها : ياريت كنت متلك ياشمس من الاول عندي مبادئ وما اسمح لحدا يقرب مني ... لك انا شو يلي عملتو بحالي
وعجنب نجمة كمان شاردة وقالت : ولا حتى اتصل او سأل ... معقول وجودي وعدمو واحد ... اي بس ايمت الخادمة حدا بيفقدها وبيسأل عنها ... مابيسألو غير وقت بدن منها شي
~~~~~~~~~~~~~~~•
قاعدين الشباب والبنات بخيمتهن وكأنو عم يخططو لشي مؤامرة
سمر : حاليا بس هيك عرفانا عنهن ... ماحبيت اسأل كتير مشان محدا يشك ... قلت بنسألن عن حياتن بالاول بعدها بننتقل ع الضيعة
مؤيد :عملتو منيح
امل : بس حتى هدول مبين حالتن المادية ماشي حالها عحسب الضيافة يلي حطوها
سمير :هدول بكون بيشتغلو ليصرفو عحالن ومايحرمو حالن شي وحسب ماحكيتو اننو ماعندن شي يخافو عليه عم يعيشوا حياتن متل مابدن
امل :كلامك مظبوط وهيك حسيت انا كمان
~~~~~~~~~~~~~•
صار استنفار ببيت ابو بدر بعد ماعرفو بزيارة فريد الهن واستقبلو ابو بدر بغرفة لحالن
ابو بدر :اي فريد شوفي عندك
فريد : عمي انا جاي احكي وانت تحكم
ابو بدر :تفضل
فريد :بالاول خلي نجمة تجي
ابو بدر عم يسايرو وقال :يا نجمةة تعي
اجت نجمة والباقي وقف على الباب يتسمع
فريد : رح احكي وقدام نجمة واذا عم احكي شي غلط تقول
ابوها :تفضل
فريد :اول ماتزوجنا يا نجمة مو انت يلي كان بدك تشتغلي كل شغل البيت ... كل مابدو حدا يشتغل شغلة هية تقلو عنك وعنك ... وانا قلتلها انو مانك مجبورة بكل يلي بالبيت تقلي معلش واصلا الشغل مو متعب لحتى الكل طمع فيها ... وانا قلت مزالها رضيانة وامي رضيانة يصطفلوا .. صح ولا مو صح يا نجمة
نجمة نزلت راسها: اي صح كان بدي اكسب محبة الكل ومابدي يحسوني تقيلة
فريد :وانا ماقلتلك مانك مجبورة وانت تقولي معلش مابتنقص من المروى شي
نجمة :صح
فريد :اي انا شو بكون دخلني بهل الموضوع
نجمة : بس انا تعبت ومعد اقدر صارت امك تطالعني ع الشغل بأرضكن ... اشتروا بقرة وخليتوني انا اشتغل فيها كمان
فريد :كنتي تعي وقوليلي انا مابدي
نجمة :ياما قلك تعبانة وانت ماترد
فريد :طيب شو اعملك ... التعب بدو رياحة وانت هاد كلو من ايدك انت يلي ماعم تريحي حالك
نجمة : انت بس اول فترة قلتلي لا تشتغلي بس بعدين معد اهتميت
فريد : اي معد بدي اهتم انت هاد يلي جبتيه لحالك
.........
ومن برا عم يسمعو الحديث وشمس حكت : لك اااخ منك يا نجمة ... ليش هيك عملتي بحالك
قمر : ياحرام بدها تسايرن ليحبوها قام ركبو على ضهرها
...........
فريد :وشو رأيك ياعمي الحق عمين بهي المرحلة
سكت ابو بدر وقال كمان في حق عليكن شفتوها ماعم تحكي معد رحمتوها
فريد : طيب تحكي تقول
انفتح الباب ودخلت شمس منفعلة : واذا ما حكت انتو مانكن شايفيين ... مافيكن نظر ... هلق صار الحق عليها ..... هيك بتبادلو المنيح انتو .... انت حكي امك واخواتك يساعدوها .... ولا مزال الوالدة رضيانة عليك انت ساكت في مين عم يدفع تمن هالرضا ماهيك
فريد :انت بتخرسي وماتدخلي
شمس :كيف مابدي اتدخل ... عم تقول ما بتحكي .... بس في مين يحكي عنها وياخدلها حقها الحمد لله مانها مقطوعة من شجرة ... واصلا هية بطبعها مابتحكي .... لانو بعمرو الورد ما اشتكى مات وماحكى ... وهي نجمة متل الوردة مابتحكي وبتصبر ... بس للصبر حدود
فريد :عمي احكي مع بنتك انا ماني جاي احكي مع فصاعين ... جاي احكي مع رجال
ابو بدر :خلص شمسسس
شمس : مو ليكون مفكر حالو زلمة ليحكي مع زلم
ابو بدر :شمسس ... لبراااا
طلعت لبرا ولحقتها اختها قمر :معد تعرفي تسدي بوزك
شمس :مانك شايفتيه ... بعد كل هاد بدن يحطو الحق عليها لهديك الهبلة
......
فريد : انا حكيت يلي عندي وجاي رجع نجمة
ابو بدر : بس ماقلت شو رح يصير بعد ماترجع
فريد :وعد انو ماخليها تشتغل لحدا والارض مارح تطلع عليها والبقرة رح نبيعها
ابو بدر : نجمة مابتطلع الا عبيت لحالها ... لانو هاد كلو حكي وغير هيك اهلك كانو يسمعوها حكي طالع نازل ومتعاييرن مننا ... مزال بتتعايرو منا ليش لتناسبونا
فريد :لا هالحكي ماصار
ابو بدر : لا صار ونص ... وانا ماني عم حاسبك انسى الماضي ... واذا بدك نفتح صفحة جديدة نجمة مابتقعد الا ببيت لحالها لأنو بعرف بنتي ادمية وبيتاكل حقها لانها مابتحكي ... ولأضمنها بدي الها بيت لحالها
فريد :بس انت بتعرف البير وغطاه ... وماقدرتي الشي
ابو بدر : مشكلتك ... واذا ماقدرتك بيت اهلها اولى فيها .... بالاول قلتنا وضعك وقلنا معلش مابدنا نكون من يلي بعسرو الزواج ... بس طلعتو مابتستاهلو المنيح هالايام بيندعس عليه ... لا طلبنا منك مهر حتى جهازها هية طلعتو من مصاريها ونقول معلش عم نشتري زلمة ... بس لهون وبكفي ... يا اما بتطالعها ع بيت لحالها او بتضل ببيت ابوها معززة مكرمة متلها متل اخواتها
فريد :اخر حكي
ابو بدر : اخر حكي
فريد :شو يا نجمة
نجمة :متل ماقال ابي
فريد : طيب ... السلام عليكم
~~~~~~~~~~~~~~~•
بصباح يوم جديد
ياترى شو مخبيلنا هاليوم
ماشيين بالارض متوجهين البقعة يلي عم يتشغلو فيها كل العمال ... وشمس وقمر ماششين حد بعض
شمس :بابا زعلان مني ماهيك
قمر :معو حق يزعل ... ماعيب عليكي عم تعلي صوتك فوق صوت ابوكي
شمس :لانو هداك فريد قهرني
قمر :اي خلص سكري على هالسيري بكفي ما نمنا منيح من وراها
شمس :بس انا مقهورة من نجمة لك ليش هالبنت بلا شخصية بالمرة
قمر :في مين ماخد حصة غيرو
شمس :شو قصدك
قمر : يلي فيه شوكة بتنخزو
شمس : تضربي ايه
~~~~~~~~~~~~~~•
قاعد جواد لحالو عم يشرب قهوة ع البرندة .. اجت امو من وراه وقالت :هاد انت هون ... وعم تشرب قهوتك لحالك كمان
جواد :اي والله
امو :شبك قالب وجهك
حط الفنجان من ايدو والتفت ع امو الواقفة قبالو مسك ايدها بأديه التنتين وباسن وقال : مشان الله يا امي ارضي بهل البنت
سحبت ايدها بقهر وقالت :معد نخلص من سالفتها .... قلتلك مليوون مرة لاتحلم اخطبلك من هداك البيت ... لسه ناقص اناسب بيت راعي البقر وشيلك عن هاد البنت كبيرة عليك
جواد :شو كبرها اذا اصغر مني ب٣ سنين
:البنت بس قطعت ٢٠ عنست .... هالبنات فلتانين من شب لشب نص اهل الضيعة معد حدا شغلن عندن بسبب سمعتن وبعلقو الشباب فيهن ... وهي يلي بدك اياها لو فيها خير ماكانت ضلت لهل بلا جازة
جواد :حراام عليكي تحكي عليهن وانت ماشفتي منن شي
امو :ماضروري شوف لأعرف ... الشغلة واضحة متل عين الشمس ... اسماع جواد اقسم بالله بغضب عليك ليوم الدين اذا لسه بتفتح هالموضوع ... اشر ع اي بنت لروح اخطبلك اياها الا هي البنت عم تفهممم
وقف جواد وبصوت عالي : وانااا مابدي غير هالبنت شأتو ام ابيتو
امو : عم ترفع صوتك علي كرمالها
جواد : لأنكن ماعم تفهوو عليي
امو : انت يلي ماعم تفهم ومعمي على قلبك
جواد : اي معمي على قلبي .... وغيرها ماباخد وبكرا شوفي
مشي وهية صارت تصرخ : شوو بدك تعمل ... فهمنيي....جوااد عم احكي معك وقففف ... جوادد شوبدك تعملللل
راح جواد معد بينلو اثر وع صوتها طلع اخوه الاصغر امجد
امجد :شبك اميي
امو :اخوك رح يجلطني ... اقسم بلله موتي رح تكون على ايدو
امجد :ع نفس القصة
امو :ليش عم نخلص منهاا ... اكيد عاملتلو شي بنت هالكلب ...هالفلتاني و****** و******
امجد : اي والله مو طبيعي كيف صاير بتحسيه معملو غسيل دماغ
امو :انا بفرجيها ... انا بفرجيها ... قلي كيف بقدر اوصلها
امجد : خلص اتركيها علي رح اعرفلك وين عم تشتغل وخبرك
~~~~~~~~~~~~~~~~•
وصل فاروق ع الارض وبنفس اللحظة وصل جواد
نزلو من السيارات وقربو من بعض
فاروق ضحك وقال :اهلين بالعريس
جواد مبين انو معصب كتير : اندهلها بدي حكيها
فاروق : لساتكن متزاعلين
جواد : حاظرتني من كل شي ... بس بدي حكيها كلمتين وروح
فاروق :اسماع مني اتركها فترة .. لا تضل تضغط عليها
جواد : اااخ بس اااخ
فاروق :بعدين انت شكلك معصب واذا حكيتها ممكن تحكي شي تزيد الطين بله
جواد :معصب وبس رح انفجر
فاروق :شو القصة .. تعا احكيلي
جواد :مستعجل ... بحكيلك بعدين
فاروق :طيب عراحتك .. ومتل ماقلتلك بس فترة صغيرة ابعدو عن بعض خلي كل واحد يستجمع افكارو وهية بترجع عن قرارها
جواد :ان شاء الله
راح جواد ركب سيارتو ومشي وشمس طلعت من جنب الحيط ... وتقريبا سمعت نص الحديث بس ماعرفت عن مين عم يحكو او اذا البنت يلي عم يحكو عنها موجودة هون .. ما اهتمت ودخلت ع الغرفة لتعمل شاي كالعادة .. وفاروق انتبه انها عم تفوت ع البيت ولحقها
فاروق :صباحو
شمس :صباح النور
طلعت الشوكلا من جيبتها وقربت لعندو ومدتو اتجاهو
فاروق :شو هاد
شمس بجدية :مابقبل شي من حدا .. وياريت ما تتكرر
فاروق بأستغراب :عفكرة مو محرزة
شمس :ممكن بنظرك الموضوع تافه بس عندي مرفوض حتى لو كان بلا معنى
فاروق : ع راحتك .. حطيه عندك
ولف وطلع
وهية رمتو ع الطاولة وتابعت عمل الشاي
~~~~~~~~~~~~~~~•
قاعدين عم ياكلو البنات لحال والشباب لحال
وفاروق قاعد جنب المرابعي عم يحكو عن الارض والمرابعي عم يعرفو عكم شغلة بيجهلها فاروق ... وفاروق كل شوي عيونو تتمرد وتروح لتلقي عليها نظرة ... شاف فيها كيف قاعدة وواثقة من حالها ما بتلتف لا هيك ولا هيك ...
فاق من شرودو على صوت جاي من بعيد .. صوت مرى عم تنده :يا فاارووق
الكل التفت لمصدر الصوت ومنهن يلي وقف
وقف فاروق وشافها وكأنو عرف سبب جيتها وتحرك بسرعة وراح ناحيتها
ام جواد :ويينها ... وينها بنت هالحرام
مسكلها اديها يلي عم تشوبر وتهدد فيهن ليهديها
فاروق :خالتي روقي وهدي حالك ...شو القصة
ام جواد :غشم حالك انت كمان ... وينا هالفلتانة ... وينا بس قلي وينا
فاروق :تعي معي وبنحكي ع رواق
ام جواد :انا ماني جاي احكي برواق مع حدا انا جاي اقلع عينها لهل العايبة
طبعا العمال عم يسمعو بعض الحديث وبعضو لأ ولحد هلق مو فاهمين شي الا قمر يلي فاهمة كل القصة ... وصارت ترجف من التوتر والخوف
التفتت شمس ع اختها بحركة لا ارادية لتشوفها مخطوف لونها وعم ترجف ... رجعت اتطلت بام جواد ... ولماسمعت حديث جواد ... وكأنو فهمت شي
قربت وهمست بادن اختها :انت؟؟؟؟
هزت راسها بعجز
شمس بصدمة : انت!!!!!!!!!!!
ام جواد علي صوتها :قليي وييينها ... يا قمررر ... يا زفتة
شمس : روحي احكي انت معها او انا بحكي
تقدمت بخطواتها قمر ووقفت قدامها بس نبرتها غير شكلها من شوي : انا قمر تفضلي
للوهلة الأولى اتفاجئت ام جواد بجمالها بس تغاضت هالامر وقالت :انت يلي لافة على ابني وعم تلعبيلو براسو
قربت شمس :ليش ابنك ولد صغير لحتى حدا يلعبلو براسو ... وبعدين هو يلي عم يدايق اختي ويلحقها ... واكبر دليل انو اختي حاظرتو
اخدت التلفون من جيبة اختها وعطتو لاختها وقالتلها فرجيها انك حاظرتيه ... ومين قلك انو اختي شايلتو من ارضو
قمر :شممسسس اسكتي شوي
شمس :ليش بدي اسكت مين يلي جاي ومتهجم ع التاني .. تضب ابنها ومحدا مقرب عليهن
ام جواد : ياحرام بتحزنو ... متل العقارب معلقة الشب فيها وعم تقول مادخلو ... حبيبتي البنت اذا مامدت ايدها محدا بيتسلقها
قمر : ممكن نحكي شوي عجنب انا واياكي
ام جواد : ماااني جاي احكي مع حدا جاي فهمكن حدودكن والا بخليكن تنقلعو من الضيعة بليلة مافيها ضو قمرر
شمس : والله لو قعدتنا بالضيعة بفضلك مابدنا اياها ولا قعدتها
فاروق : خلصنااااا
سكتو شوي
فاروق : خالتي ام جواد مابصير هالشي يلي عملتيه .... بدك تحكي مع البنت بتاخدينا عجنب مو قدام كل الشغيلة ... مابرضاها عحدا انا
ام جواد : يلي عندي قلتلو
قمر : بس ما سمعتي يلي بدي قولو
ام جواد : مابدي اسمع منك شي
لفت لتمشي بس شمس مسكتها من ايدها ووقفتها : مو على كيفك بدك تسمعيي
شافت الشرار كيف عم يطلع من عيونها ويمكن خافت منها
كتفت اديها وقالت : تفضلي
قمر : عجنب لو سمحتي
مشت قدامها وام جواد اضطرت تلحقها ... واجت شمس بدا تلحق اختها بس ايد فاروق وقفتها : خليهن لحالن
التفتت عليه لتصير مقابلو : انت بتعرف بالقصة
هز براسو بأي
شمس : شو القصة
فاروق ليش مابتعرفي
شمس :لأ
فاروق :لكن شو عرفك انها حاظرتو
شمس :سمعت الصبح عم يقلك انها حاظرتو بس ماعرفت مين هي لحتى اجت هي وفهمت القصة
فاروق :امممم
شمس : اي احكيلي
فاروق : ما من صلاحيتي ...خلي اختك تحكيلك
شمس :اي وبالناقص انت التاني
تركتو وراحت قعدت عجنب
ابتسم بأعجاب وراح لعند العمال وقال :سوء تفاهم يا شباب خلينا نرجع عشغلنا
~~~~~~~~~~~~~~•
ام جواد :احكككي
قمر :مابقدر احكي وانت بهي العصبية
ام جواد : بالله شو
قمر :اهدي بس شوي مافي حدا عصبي طول الوقت والا مايكون عندو جانب رايق ... اسمعيني بس هالمرة برواق وبوعدك يصير يلي بدك اياه ... مقدرة موقفك وخوفك على ابنك
ام جواد :بدي تضحكي علي بشي كلمتين متل ماضحكتي على ابني ... لا تحلمي
قمر : انت اكبر قدر ... مبين عنك مرى مقدرة وبتعرف منيح شو بدها ومستحيل ينضحك عليكي... وانا ابدا مابدي اقنعك فيني بالعكس انا بدي ابعد عنو
قدرت قمر بكلامها تهدي ام جواد وترضخلها لحتى تسمعلها : احكي عم اسمعك
قمر : انا مابنكر انا جواد انو ماكان في بيناتنا شي ... بالعكس حبيتو وحبني وحكينا مع بعض بس لما عرفت موقفكن اتجاهي قلت انسحب انا مابرمي حالي عحدا مابدو اياني حتى لو هالشي على حساب قلبي وقررت اترك بس جواد ماعم يترك وحتى شوفي اني حاظرتو خلص انا القصة انتهت بالنسبة الي بس هو ماعم يقتنع ... مابدي اياه يخسركن بسببي
ام جواد :عمين عم تضحكي انت
قمر :طيب لا تصدقي يلي قلتلك اياه ... بس صدقي شي واحد وهو انا وجواد خلص ... ولتكسبي ابنك اسمعي شو رح قلك .... حاولي تسايريه هالفترة مشان ماتخسروه ... وانا الرفض رح يجي من عندي .. بهل الحالة بكون كسبكن وانا صرت برا
ام جواد :مافهمت
قمر :عم قلك سايريه ... عأساس انكن وافقتو وبتقوليلو رح نرضى نخطبلك اياها بتجي انت لعنا وانا رح ارفض ساعتها بترجعي لموقفك .. فهمتي علي كيف ... وحتى لو انا بدي ابي معد يزوج حدا مننا بكفي يلي شافو بزواجت اختي نجمة
هزت براسها وقالت : الحق الكذاب لورا الباب
تركتها ومشت ومالحقت تاخد نفس الا شمس مزروعة جنبها
شمس :هلق وبهل الثانية بدك تقوليلي شو القصة
قمر :انت بتعرفي شي
شمس :لا مابعرف وبدي اعرف منك
قمر :خلص بالبيت
شمس :قلتلك هلق
قمر :وانا قلتلك بالبيت
تركتها ورجعت ع الشغل
شمس :كيف ممكن تكوني بهل البروود
~~~~~~~~~~~~~~•
وصلت سيارة العمال عبيت شمس وقمر ونزلو منها وشمس عم تلحق اختها يلي عم تمشي بعجلة
شمس :لك وقفيي
قمر :شمس حليي عني
شمس : بدي اعرف كلشيي
قمر :....
شمس : طيب شو قلتي لفاروق قبل مانجي
قمر :قلتلو مايجيب سيرة لجواد انو امو اجت ع الشغل وعلت صوتها علينا
شمس :وليش
قمر :هييييك
شمس :بدك تحكيلي
قمر :مووو هلق
~~~~~~~~~~~~~~~~•
المسا
فاقت شمس من قيلولتها يلي اوقات بتعملها بعد ماتجي من الشغل ... وشافت نجمة وقمر قاعدين برا راحت لعندن وحكت :وين امي وابي
نجمة : قال رايحيين يعطو حق البيت للزلمة ويخلصو العقد
قعدت جنبها ع الارض وحكت اي قمر خانم في شي حابة تقوليلي اياه
نجمة :شي متل شوو
شمس :اسألي اختك شو مخبية عنا
قمر : عن جواد
نجمة :امممم
شمس:كمان انت بتعرفيي
قمر: اي بتعرف
شمس :وليش انا مابعرف
قمر :لانو لسانك طويل ومتبري منك
شمس : المهم هلق بدي اعرف
قمر نزلت راسها وحكت : يلي رح قولو حتى نجمة مابتعرف فيه
نجمة :في شي مابعرفو ... هاتي لشوف
شمس :اذا انت شي واحد انا مابعرف شي .. تفضلي احكي
قمر :انا وجواد متزوجين بالسر
نجمة وشمس :شوووووووو
..............
قاعدين التلاتة جنب بعض وساكتين
نطقت شمس بهمس : ليش
قمر بهدوء محزن : خفت ... خفت موت وما اتزوج ..... حبيت جرب كيف بكونو المتزوجين ... متأكدة انو ماحدا رح يطلبني حتى جواد اهلو مارضو ... انا بالبداية قلت بكرا بيقنعهن .... بس بعد ماشفت نجمة وحياتها مع بيت حماها ... اقتنعت انو حتى لو وافقو رح كون عم اتعذب مارح كون مبسوطة ابدا
نجمة :ولوين وصلتي
قمر :وصلت للقرف ... خلص قرفت من كلشي ... من السرقة والهريبة متل يلي عم يلتقى بالتاني بالحرام ... كل مرة كنت قابلو خاف كتير يقوم حدا يكشفنا ... ولا لما بيطلب من قاسم انو يشوفني ... لما بروح معو بقول بيني وبين حالي هاد اكيد عرفان شو رح نعمل ... خلص انا قلتلو ينهي القصة انا من عندي نهيتها معد بدي اياه ... معد بدي شييي (صارت تبكي)
شمس :بعد شو ... بعد ماضيعتي حالك
قمر :ماصار شي كلو بيرجع متل اول
شمس :وبركي مع الايام تزوجتي
قمر :هه من كل عقلك في حدا لسه بدو يجي يطلبني ... اذا وانا بعز صباي محدا دق بابي هلق وانا عم يقولو عني معنسة بدو حدا يطلبني ... خلص كلشي بيمضى وبروح وهالسر رح يضل بينا ويندفن هون
نجمة :طيب بركي قنع اهلو
قمر :ههههه احكيلا شمس شو صار اليوم
قامت وطلعت لبرا
شمس : اجت امو وصارت تبهدل ... بس قمر سكتتها وفهمتها انو مابدها ابنها وبعدين مابعرف شو حكو على جنب
~~~~~~~~~~~~~~~~~•
مر فاروق ع الورشة وشاف جواد قاعد وسارح وبأيدو كاسة شاي وفي اكتر من سيارة واقفين بدن تصليح ومحدا مقرب عليهن
فاروق :شو روقت
جواد :من وين بدو يجي الرواق رح اختنق يا زلمة
فاروق :له له ... هلق بنت بتعمل فيك هيك
جواد : اتركها لربك يازلمة ... الله لايوقعك بحب بنت اهلك مو رضيانين فيها ... اصعب شعور بالدنيا .... لا قادر تغضب اهلك ولا قادر تدعس على قلبك
فاروق :والحل
جواد :الصبح صرخت وعليت صوتي على امي وطلعت مابعرف ...مابعرف
فاروق : اهلك متسحيل يوافقو هيك حسيت ... انا بقول اتركها وادعس على قلبك متل ماقلت لاتنسى هدول اهلك مو مشان مشاعر كم شهر تغضبن طول العمر
جواد :لك لو قصة حب كنت دعست عقلبي ... بس هي صارت مرتي ... لك اذا مو مشاني مشانها كيف بدي اتركها هيك ... اتركها مطلقة وهية بنظر اهلها والعالم كلو بعدها بنت
فاروق :طيب اذا هية بدها هيك خلص تسطفل
جواد :حكيت معها ؟؟؟
فاروق :اي حكينا شوي ... ومصممة تنهي كلشي ... قالتلي بعيد عن اهلو وبعيد عن كلشي انا مشاعري عم تبرد اتجاه جواد ... يمكن من البداية ماكان حب
وقف جواد وقال :هي شووو عم تخبص ... شو مانو حب ... كذابة ... كذابة ... انا بفرجيها
فاروق :جواااد ... ياجوواااد .. بس اهدى خلينا نروق ونحكي
راح ركب اول سيارة طلعت قدامو واقفة للتصليح وانطلق فيها طلع الشغيل من جوا وقال :يااامعليمم ... هي السيارة مافييها فاااارم
فاروق :شووووو
راح ركب سيارتو ولحقو
وهو عم يسب ويشتم : لك شووو بديي انا ... شو دخلني لكون مرسااال ... بنعن ابوك ع ابوووها الله يجيب العواقب سليمة ... حسبي الله ونعم الوكيل
ماشي وماعرف وين يروح لحتى لمح غبرة ودخان لقدام شوي ... دعس ع البنزين واسرع ليشوف السيارة يلي راكبها جواد فايتة بعامود كهربا والدخان عم يطلع منها ... كيف نزل وركض وطلعو من السيارة وهو غرقان بدمو مابيعرف ... لحظات متل الحلم ... او متل الكابوس