رواية لينا الفصل الثاني2بقلم ساره محمد
اول مقربت من البنت اتفاجأت انها لينا... لاء انا اتصدمت..
لينااا انتي كويسه؟!
بصتلي وهي بتتنهد من كتر العياط وهزت راسها ب لاء..
قولتلها طيب ثواني وطلعت اجري اجيب لها الطرحه والعبايه.. وفجأه لما رجعت....
لقيتها واقعه علي الارض ومغم عليها..
شيلتها وحطتها في العربيه وغطيتها بالعبايه...
بصيت لقيت لجنه هيحققو معايا بقا وسين وجيم..
وقفت
الظابط مين دي؟!
انا : دي خطيبتي تعبانه شويا وانا جيبها من العياده عندي علي المستشفي..
انا دكتور اتفضل البطاقه...
لسا هيبصلي ويستجوبني...
لقيتني تلقائي بعلي صوت وبزعق وبقوله محتاجه تروح حالا علي المستشفي انت لسا هتستجوبني..
لقيته رجع لورا وقالي اتفضل...
طلعت بالعربيه ومسكت تليفوني واتصلت بحسام صاحبي
الو يا حسام بقولك ايه تعالالي وهاتلي معاك محلول وكل الحجات اللازمه وجهاز الضغط.. متنساش حاجه..
حسام : اجيلك فين؟! العياده..
انا : لا لا البيت يا حسام
حسام البيت!!؟
انت لسا هتستغرب يا حسام انجز..
حسام : طيب حاضر انا كنت نازل من العياده اصلا هجيب الحاجه معايا وهاجي..
شيلتها ودخلتها حطبتها علي سريري وغطيتها..
كانت الدنيا بتشتي والجو ساقعه جدا قعدت اكح..
شكلي اخدت برد.. قومت عملت حاجه سخنه لحد محسام ميوصل..
لقيت حسام بيرن روحت فتحتله..
حسام دخل.. في اي يا ابني قلقتني...
انا : تعالي بس..
حسام اول مدخل انصدم..
مين دي ؟!
انا : دي حاله...
يعم قيسلها الضغط الاول يالا..
ضغطها واطي خالص..
هات المحلول...
ركب لها المحلول وخلص كل حاجه وقالي احكيلي بقا...
تعالي برا طيب..
طلعنا برا..
حسام :ايا الي حصل بقا..
حطيت ايدي علي راسي وقولتله والله يا حسام دي حاله عندي لحد امبارح بس كنت مشخصها فصام شخصي بس من شويا اتشخصت مرض الفصام الأنشقاقي...
حسام : معلش بس وصح شويا علشان انا دكتور باطن وانت نفسيه وعصبيه..
انا : كنت فاكر لحد امبارح عندها فصام عادي وشخصيتين
بس من شويا اكتشفت انهم اكتر وانهم لحد دالوقت تلاته...
حسام :بس مش كنت المفروض تودبها المستشفي وتكلم اهلها يا يوسف..
انا :معرفش اهلها لما جاتلي جات لوحدها وطلبت مني ان اهلها ميعرفوش وانا اصلا معرفهمش..
حسام : طيب انت اخدت برد يمعلم والساعه بقيت 4 وعندك شغل بكره...همشي انا بقي..
انا : لا منا هناملي ساعتين ولا حاجه انت بس بكره الصبح
ابعتلي ممرضه تفضل معاها لحد ماجي..
حسام : تمام ماشي..
نمت كنت تعبان جدا ومقتول نوم هو انا اه كنت ميت نوم.. بس بحس كويس اووي بأي حركه جنبي وانا نايم..
حسيت بحركه.. قولت هقوم دالوقت بس مكنتش قادر حقيقي.. وبعدين افتكرتها فقوم دخلت الاوضه ملقيتهاش.. ببص في المطبخ لقيتها واقفه ومسكه السينه..
دخلت بكل هدوء....
ليناااا...
ادورت وبصيتلي
لينا : انا لازم اعمل كدا.. وبتنهيد سألتني صح..
لاء مش صح طبعاً.. هتموتي كافره..
لينا :هكون عارفه اني هموت وبأردتي بدل هبقا انا الي بموت نفسي.. مش نفسي هي الي بتموتني...
الدموع كانت مغرقا ملامحها..
كل حاجه وليها حل انا الدكتور وبقولك في حل..
لينا بصوت عالي: طيب يا دكتور وانااا عندي ايه...
سكتت...
لينا : ساكت ليه يا دكتور.. عرفت بقا اني لازم امووت.. ومسكت السكينه وبتقربها من ايديها..
رديت عليها بسرعه وقولتها.. : مرض الفصام الأنشقاقي...
لينا : يعني...!!!!!!!!!
يعني بتتقمصي دور الشخصيا وتعيشيها لا ارادياً.. لحد دالوقت حكيتيلي عن 3 شخصيات..دا دول الي انتي اكتشفتيهم ولاحظتيهم..
وقعت السكينه من ايديها واتنهدت وقالتلي..
الحل؟! فين الحل الي انت قولت عليه!؟ايه.. فين.. ؟!
انا : تعالي بس نطلع من المطبخ ده واهدي كدا وانا هشرحلك كل حاجه..
كان شعرها مفرود علي ضهرها كانت ملامحها جميله لدرجه اني مش قادر اوصف جمال عيونها.. مع ان عيونها سمرا ومش ملونه بس جميله جداً ومليانا غموض..
قولتلها انا هطلع احضرلك حاجه تشربيها.. وانتي في عبايه وطرحه جوا ادخلي البسيهم...
من المعروف ان مرضي الفصام بيبقا احتماليه الانتحاو عندم كبيره واكبر في الفصام الأنشقاقي...
دخلت المطبخ حضرت الفطار وعصير وطلعت وهي طلعت بعد ملبست.. الطرحه والعبايه..
قعدت..
اتفضلي لازم تاكلي...
لينا : اكل... فين تليفوني...
معرفش لما روحتلك مكنش معاكي...
انتي لازم تحكي لاهلك...
لينا : ممكن تليفونك اعمل منه مكالمه..
اه طبعاً اتفضلي...
اخدته واتصلت بحد شكلها مامتها..
قالتها الو يا ماما جايين امتا.. معلش تليفوني نسيته في البيت وده تليفون صاحبتي... انا في الكليه...
فهمت من كلامها مع مامتها ان اهلها مش في البيت ولسا هيرجعو كمان يومين...
جات قعدت.. وقالتلي.. تخيل لو كانو اهلي في البيت وملقونيش رجعت يوم... تخيل...
وقعدت تعيط...
قولتلها اهلك راجعين امتا؟!
قالتلي هما عند عمي في اسماعيليه وهيجو كمان يومين...
طيب تقدري تعدي اليومين دول هنا هجيب ممرضه تعد معاكي علشان لازم اتابع حالتك اكتر...
بصيتلي وسكتت..
قولتلها لازم علاجك يتاخد ولازم تفكري في موضوع اهلك مينفعش تعدي لوحدك اليومين دول يا اما تدخلي المستشفي في اليومين دول..
لينا بصدمه... : لاء مستشفي لاء استحاله...
انا : تمام اتفقنا... العلاج بتاعك هيبقا مع الممرضه هنا ..
وهتفكري في موضوع اهلك...
روحت اليوم ده بعد سلمت الممرضه كل حاجه وشرحتلها وقولتلها اي حاجه تحصل اتصلي بيا فوراً...
نزلت اليوم ده مع اني كنت منمتش واخدت دور برد.. وطول اليوم كنت في العياده وجه تاني يوم معرفتش اصحا الصبح كنت تعبان جداً والممرضه اتصلت بيا وقالتلي انها مش هتقدر تيجي النهارده فغيبت من الشغل..
دخلت للينا وقولتلها دي اوضه اختي وده لبسها اعتبريها اوضتك اليومين دول...
وخرجت قعدت علي الكنبه ومكنتش قادر اقوم اعمل حاجه سخنه حتي روحت في النوم... فتحت عيني لقيتها قاعده قصاادي..
لينا..!
ردت عليا وقالتلي انت كويس... انت كنت بتتكلم وبتهلوس وانت نايم... قامت حطت ايديها علي راسي...
يح... انت سخن...
ضحكت وقولتلها يح... دي تخليني استقيل 😂
لينا : طيب هعملك كمادات يا دكتور...
لا لا انا كويس...
لينا :كويس ايه دا انت بتموت...
جابت الكمادات وسندتني لحد السرير واخدت العلاج ونمت..
جه حسام علي الساعه 11 بالليل... خبط ولينا فتحتله ودخلته...
وخرجت راحت اوضتها...
قولتله اقفل الباب يا حسام وتعالي...
حسام : اقفل باب اوضتك الي في بيتك اهو وقفله اي حاجه...انا مأخدتش بالي وقتها للأسف..
دخل قعد وقالي مالك يعم...
شوفت اخرت جاريم ورا حالاتك.. بس حلوه اووي الحاله دي وفعد يضحك...
قولتله متستهبلش يا حسام انا متمسك بالحاله دي علشان هعمل رسالتي عنها...
حسااام.. اوووو يا ابن اللاعيبه طول عمرك دماغ بقا انت بتعمل معاها كل ده علشان رسالتك...
بصيت لقيت حركه برا... ق لتله اوعا كدا يا حسام وقمت بسرعه... لقيت لينا بصيتلي وعيطت وفتحت باب الشقه وطلعت تجري....