![](https://blogger.googleusercontent.com/img/b/R29vZ2xl/AVvXsEjyipUNPpVggMg8OfD450rN5HK7LHAmERVdUnoF9-n17RM7cN5uUrAxQ33DuFvsIxLN0QXkqfwQHYKxYFY5cnqBweFvQUR1-nr_8c4JVMPNB8Z2exTL6F2P6sCsf5oC76si88yesZ5F4ER9iLDnJKO3kntA4TU8BKpbiUJ1iszg2WTIQ7om_-doBtKcEqGI/s320-rw/FB_IMG_1707667369557.jpg)
رواية فريدة
الفصل الرابع عشر14
بقلم منه محمد
بعد محاولات كثيره من اقناع "بلقيس" ل"تهاني"
تهاني : خلاص انا موافقه انها تكمل اللي كانت بتعمله قبل كده مش همنعها عنه، بس هتفضل متعاقبه اسبوع
عشان عملت كده من ورايا
بلقيس : ماشي يا طنط اللي تشوفيه، بس نصيحه مني انت لازم تتكلمي مع فريدة لانها محتجالك اوي
تأثرت بكلامها و كأنها
اخيرا تذكرت ان لديها ابنه المفروض ان تجلس و تتحدث معها لكن اخذتها
دوامه الحياه عنها بالرغم من انها لا تعمل و دايما تجلس ف المنزل إلا انها لا تعرف عنها شيئاً
بلقيس : عن اذنك يا طنط
تهاني : بلقيس استني
توقفت لتسمعها : شكراً
بلقيس بابتسامه : العفو ياطنط انا معملتش حاجه و فريدة بردو صاحبتي
كان لازم اخرجها من ده زي مدخلتها فيه، ابقي سلميلي عليها، ثم ذهبت و رحلت
____________________________________________________________________________
ذهبت لغرفه ابنتها و وجدتها جالسه علي فراشها تبكي مسحت دموعها بسرعه عندما رأت والدتها
تهاني بصوت حنون :
ينفع اتكلم معاكي يا فريدة
تحدث بصوت باكي : اتفضلي يا ماما
تهاني : انت عندك مشاكل يا فريدة و مقولتليش
فريدة : انا اسفه غضب عني
تهاني : انا عارفه اني كنت قاسيه معاكي و ان خوفنا الزيادة عليكي هو اللي عمل كده، من انهارده متخبيش حاجه عليا تاني اي حاجه تحصل قوليلي عليها قبل اي حد و متخافيش
ارتمت في حضنها بشوق فهي لم تعانق امها منذ كانت صغيره
تهاني : و هاخليكي تكملي علاجك و شغلك اللي كنت بتعمليه
فريدة بفرح : بجد يا ماما !!
تهاني : اه بس ده بردو ميمنعش انك متعاقبه اسبوع عشان تخبي عني حاجه تاني
فريدة بتضجر الاطفال : يا ماما
تهاني بحزم : خلاص و لا كلمه، ثم اكملت بلطف : و يلا عشان نتغدي
عمر : بجد اقنعتيها ازاي؟
بلقيس : اتكلمت معاها ببساطه وضحت لها سبب اللي حصل، فريده بينها و بين مامتها فوجه كبيره عمرها ما اتكلمت معاها اعتقد المفروض دلوقتي تكون اتكلمت معاها
عمر : هايل، دي حاجه كويسه ان حاولت كتير اقولها تزيل الفجوه دي بس خوفها منعها كويس انك عرفتي تقنعيها
بلقيس : ايوه بس فريدة لسه متعاقبه اسبوع
عمر : اسبوع بحاله
بلقيس : اه للاسف
بعد استعادتها هاتفه لان امها اعادته لها لكن كان عقابها عدم نزولها من المنزل فقط، امسكت الهاتف و اجرت مكالمه
فريدة : الو استاذ عاصم
عاصم : الو ازيك يا فريدة ايه الاخبار ؟
فريدة : انا كويسه الحمد لله
عاصم : اومال مبتنزليش الورشه ليه بقالك فتره ؟
فريدة : مفيش، تعبانه شويه
عاصم : الف سلامه عليكي
فريدة : الله يسلمك، ااا انا كنت عايزه اتكلم معاك بخصوص اخر موضوع اتكلمنا فيه
عاصم : فكرتي كويس
فريدة : اه
عاصم : و قررتي ايه ؟
فريدة : ..........