رواية لينا الفصل الاول1بقلم ساره محمد
لينا احمد...
ايوا انا..
اتفضلي الدكتور مستنيكي...
دخلت بنت عندها 21 سنه كانت خايقه جدا قعدت علي الكرسي وبصيتلي وانا مش قادر اترجم الكلام الي في عينيها وقالتي..
انت الدكتور؟!
قولتلها اه انا...
لا لا انت صغير انا عاوزه حد كبير ازاي يعني انت الدكتور...
في مشكله معاكي يعني اني انا الدكتور؟!
اه.. لا لا.. طيب ممكن امشي.. مش عاوزه اكشف خلاص..
بصيتلها.. وقولتلها بصي انتي اخدتي الخطوه وجيتي
اعتبريني دكتور كبير في السن واحكي..
اكيد انكم عارفين ان مش اي حد بيروح لدكتور نفسيه وعصبيه وكون ان بنت شابه جايه لوحدها فا ده قرار اكيد مكنش سهل انها تاخده فبصراحه محبتش اني اسيبها ترجع تاني بعد مأخدت الخطوه دي..
ها يستي ايه المشكله واحنا اكيد هنلاقي لها حل...
تقدري تطلعي علي السرير وترتاحي خالص وانتي بتحي يا بصيت علي اسمها.. يا لينا..
لينا : لا لا انا مرتاحه كدا...
بص انا هتكلم وانت اسمعني الأول بس وبعدين ابقي انت اتكلم لما اخلص خالص..
انا : تمام جدا اتفضلي..
بص انا سرقت النهارده..
بصيتلها باستغراب ومقدرتش متكلمش..
سرقتى ايه ؟!
لينا : بيتزا..
ممكن متتكلمش ولا تسأل وانا هقول كل حاجه.. يا اما هقوم وامشي..
انا :تمام انا متأسف كملي..
مبدأيا انا مش حراميه والله انا معايا فلوس اهو شوف وفتحت شنطتها وورتني.. انا معرفش عملت كدا ليه..
امبارح روحت احضر في كليه اداب برضو معرفش ليه مع اني في هندسه.. لبست هيلز وحطيت روج احمر فاقع وطلعت نص شعري من الطرحه وروحت وقعدت.. واتصاحبت علي كل الي هناك قضيت يومي كله هناك..
بدأت تنهار وتعيط وهي بتحكي وتقولي.. انا مبقتش عارفه اتحكم في نفسي هي الي بتمشيني مش انا.. انا بقيت خايفه من نفسي اوووي...
سكتت..
انا في الوقت ده حاولت اهديها واطمنها علي اد مقدر علشان ترجع تاني.. لأن الحاله بتاعتها دي نادره اووي وكمان دي فرصه كويسه اتوي ليا علشان اعمل رسالتي عن حالتها...
طيب حاولي تهدي ومتخافيش خالص... اشربي ميا وعطيتلها كبايه الميا كانت ايديها بترتعش من الخوف..
انتي خايفه كدا ليه لازم اول حاجه تكوني هاديه..
انا بقا يستي اسمي يوسف..
حاولي متنسيش الأسم بقا...
اولا حالتك بسيطه جدا هتتابعي فتره معايا ومش طويله.. متخافيش.
بس اولا لازم تواظبي علي العلاج..
قطعت كلامي وقالتلي.. مش عاوزه اهلي يعرفو.. لو سمحت..
انا : مش هيعرفو خبي العلاج في مكان ميوصلوش له بس لازم تاخديه في معاده..
لينا :تمام..
طيب يا لينا دالوقت اول متلاقي نفسك بتسيطر عليكي تيجي هنا.. انا هكلم السكرتريه واقولها انك اول واحده تدخلي ومن غير متخليكي تخبطي حتي علي الباب..
حاولي تلحفي نفسك وتيجي تمام..
لينا : تمام.. شكراً لحضرتك يا دكتور..
انا : اسمي يوسف متنسيش بقا...
وده رقم تليفوني لو معرفتيش تيجي اتصلي عليا.. وانا هساعدك علي اد مقدر..
لينا : تمام..
تاني يوم الساعه 2 بالليل تليفوني رن كنت ميت فعلا مش نايم قومت ورديت..
الو...
بنت بتعيط جامد جدا : الو انا لينا...
لينا !!
الو يا لينا انتي فين..؟! في ايه
صوت عياط..
ردي يا لينا..
لينا : انا في الشارع واقفه قدام قدام حاجه زي ملهي ليلي..
مش عارفه لابسه ايه وازاي نزلت من غير الطرحه.. انا خايفه اووي..
طلعت اجري اخدت طرحه من طرح ماما الله يرحمها وعبايا ونزلت اجري ركبت العربيه واول مقربت اوصل شوفت شباب من بعيد بيدايقو بنت وواحد بيشدها من ايديها كانت لابسه دريس احمر وبشعرها.. طلعت اجري نزلت من العربيه اول مشفوني طلعو يجرو..
اول مقربت من البنت اتفاجأت انها لينا... لاء انا اتصدمت..
لينااا انتي كويسه؟!
بصتلي وهي بتتنهد من كتر العياط وهزت راسها ب لاء..
قولتلها طيب ثواني وطلعت اجري اجيب لها الطرحه والعبايه.. وفجأه لما رجعت....
و