رواية نداء القلب
الفصل الثالث 3
بقلم نورهان ناصر
"نور"
لسه هرد عليها لقيت اللي مسكني وحط إيده على بوقـ*ـي ...مقدرش أقولكم إحساسي كان عامل إزاي وهو قريب مني أوي كده وصوت أنفاسه المكتومة وكل كوم وشفـ"ـايفه دي كوم تاني ...معرفتش أقاوم جسمي مطوعنيش ولقيته ساحبني لجوه والتلفون وقع مني مكنتش سامعه غير صريـ*ـخ نهى وهي بتنادي عليا .....
حاولت أزيـح إيده عن بوقـ"ـي بصعوبة و روحت ضربـ*ـته برجلي ووقعته على السرير وحاولت أجري علشان أطلع بسرعه لقيته قام تاني وقبل ما يمسكني أنا أصلا بخاف أجري آه صدقوا بحس دايما إنه مفيش أمل وكده كده هيمسكني معرفش بس أفلام الرعب الله يبارك لها إللي بشوفها عرفتني إن الهرب ممنوش فايده وكده كده هتمسك هو مبدأ غريب شوي بس أنا اتقمصته وبقى جزء مني واكتر حاجه بكـرهها يعني إن حد يجري ورايا ...المهم لقتني بقوله بدموع ورفعت أيدي لفوق كعلامة استسلام مني وحاولت أهديه وقولت : أبعد عني أنا معلمتلكش حاجه أنا أنا أنقذتك ...!!
وقتها مكنش فارق معايا هو فاهمني ولا لأ أو أصلًا سامعني فـفضلت أشاورله بـإيدي إنه يهدى وخلاص وحرفيًا هموت من خوفي ......!!
لقيته بيشاور على بو* قه تاني خوفت ولقتني بقوله بدموع وخوف: أعمل إيه أنا خايفه ....!!
لقيته بيشاور على ورقه وقلم كانوا مرميين على الأرض ميلت وجبتهم وعطيتهمله مسكهم ولقيته بيكتب ........!!
وبعد ما خلص عطاني الورقه وكان مكتوب فيها
( أنا مش فاكر أي حاجه أنا مش هأذيكي والله بس ساعديني أنا حاسس بألـ"ـم رهيب في شـفـ"ـايفي أنا مش أخر*س )
دموعي نزلت أكتر وبصيت عليه لقيته قعد على السرير وهو حاطط أيده على شفـ"ـايفه وبيـ"ـأن من الـ*ـوجع وبيصدر الهمهمات إللي مفهمتهاش دي تاني........!!
أهي شفـ"ـايفه دي كانت أكتر حاجه مخوفاني لأنها متخـيـ*ــطه حرفيًا ......وقتها قولت في عقلي إيه جو أفلام الرعب ده إللي وقعت نفسي فيه ياربي ......!!
أنا ملاحظتهاش لأني مرفعتش عيني فيه علشان غض البصر أو أنا مركزتش عمومًا يعني ......!!
إستغفرت ربي وقولت وأنا برتجف وبصيت في الأرض : أنا خايفه أنا لقيتك قدام بيتي في ناس جابوك هنا وكان معاهم واحدة بعنين ملونه .......!!
لقيته رفع إيده وحطها على رأسه وهنا شفت الدبلة في إيده اليمين...!!
" متجوز " دي الكلمة إللي قولتها في عقلي ....!!
وبعدها لقيته بيشاور على الورقه تاني عطيته الورقه ورجعت وقفت عند الباب وهو كتب وبعد كده عطاني الورقه وكان مكتوب فيها
( أنا مش فاكر حاجه رأسي وجعـ"ـاني ساعديني أعرف أنا مين وهديكِ إللي تطلبيه )
بصيتله بضيق وقولتله: إللي بيعمل خير مبيستناش مقابل ... سكت شوي وبعدين قولتله ..... وأنا هساعدك صح بس مش هنا أنا عايشة لوحدي وإنت أول راجل أدخله هنا بعد وفاة جدي واتفضل تعالى معايا هوديك المستشفى وهناك هما هيتصرفوا في حالتك دي وكمان لازم نبلغ البوليس دي حالة تعــ"ـدي جسدي و ......!
مكملتش كلامي ولقيته بيهز رأسه جامد كأنه دايخ ووقع على الأرض أغمى عليه لأن من شكله كده ده حصله عــنــ*ــف جسدي وشكله مأكلش من زمان ...ضحكت بسخرية ...وقولت هياكل إزاي بشفـ"ـايفه دي ...ده هو أصلا بيتنفس بالعافيه ... و ضغطه واطي جدًا .......!!
اتنهدت وقربت منه وسندته ورقدته على السرير بعد ما اطمنت إنه لسه بيتنفس .... ووقفت في زاوية الباب أعيط لأني مش قادرة أتخيل إن فيه بشر بالوحــشـــ*يــه دي وغير ده كله أنا مش عارفه أتصرف ولا أفكر صح .....!
بعدها مسحت دموعي وقفلت باب الأوضة وطلعت أخدت شنطتي ومشيت على المستشفى وأنا شاردة في كل إللي حصل انبارح وإزاي هتصرف بعد ما دبست نفسي وعقلي عمال يودي ويجيب يا ترى هيعيش ولا لأ ........!!
وفي وسط ده كله كنت بفكر يا ترى مين ده وحكايته إيه ومين دول إللي عملوا فيه كده ....؟
وصلت المستشفى وقضيت روتيني اليومي في المستشفى عادي مفيش جديد غير خناقة كل يوم مع المدير علشان أبات في المستشفى وأنا لو هموت استحالة ....هقولكم ليه لأني ببساطة مبرتحش فيها وكمان هي مش مضمونه أغلب المصايـ"ـب بتحصل فيها ..ده غير بردو إن لأفلام الرعب دور فيها ..هههههه ما شاء الله حياتي كلها قلبت فيلم رعب !!
وبعد وصلة الخناق المعتادة أخدت شنطتي ورجعت البيت بدري النهاردة .....هههههه مش أوي يعني كانت الساعة داخله على 11
كنت عامله تلفوني وضع الطيران ونسيت خالص نهى إللي أكيد قلقانه عليا من بعد مكالمة الصبح ..والله معرفت أفكر صح ونسيت افتحه ...!!
المهم وأنا ماشيه في الطريق لقيت نور عربية جي من بعيد وقفت استخبيت جنب الحيط وحسيت إن قلبي هيوقف من الخوف لأنهم هُـما أكيد جيين علشانه يشوفه مـ"ـات ولا جراله ايه ....؟
بصيت كدة لقيتهم نزلوا اتلفتوا شوي في الشارع ومعاهم البت الشقرا دي وبعد كده مشوا أنا اتنهدت واتنفست بأريحية إنهم مشوا وروحت البيت ومصدقت إني وصلت وأول ما دخلت لقيت ...........!!