CMP: AIE: رواية المبروكه الفصل السابع والعشرون26بقلم رشا منصور
أخر الاخبار

رواية المبروكه الفصل السابع والعشرون26بقلم رشا منصور


رواية المبروكه الفصل السابع والعشرون26بقلم رشا منصور





الحج إبراهيم..... 
أنا مش طايق وجودها خلاص في حياتي بس خايف بنتي تسألني اقولها ايه 
أمك اللى عملتلك السحر ولا أقولها أنا وافقت أن الجن يمو'تها تفتكري إحساسها هيكون ايه 
ولو الناس عرفت الحقيقة دى هيبقي شكلها ايه ولو قولت لها أنها مش مامتك هتعرف أنى طول السنين دى كنت بكدب عليها يارب أنا مش قادر ع الابتلاء ده
نهي.... 
صعب عليا الحج إبراهيم وتخيلت حياة أسماء وسط الناس والتنمر عليها وحياتها النفسية 😭😭
وبالذات لما يتقدم لها عريس واهله يعرفه أن مامتها كانت رقاصه في كباريه
بص يا حج ابراهيم أنا قولتلك أني ممكن امحي جزء من ذاكرتها وبكدا اسماء مش هتعرف حاجه ولا الناس 
وتقدر تعتبر أنها غلطه إحنا بشر يا حج إبراهيم وكلنا بنغلط أنت نفسك غلطت ورغم كدا كملت حياتك
حاول تديها فرصة وابدء معاها صفحه جديده وأنا رشا منصورهخلي في حمايه ع أسماء علشان محدش يقدر يأ"ذيها قولت إيه
الحج إبراهيم.....
قولت يارب اعملي اللي في الصالح وأنا ربنا يلهمني الصبر 
نهي....
أهم حاجه اوعي تقول أى حاجة ل مدام سهام واوعدك قبل ما الاسبوع ما يخلص كل حاجه هتتصلح

الحج إبراهيم....
نزلت الشقه ولقيت سهام قدامى بتقولي فين الحاجات اللي قولت هجيبها من البواب 
بصيت لها ودخلت عند اسماء خدتها في حضني وفضلت أبكي لقيت أسماء بنتي بتقولي 
أهدي يا بابا بكره هيبقي أحلي ونامت ع دراعي....
قولت في بالي أنا أتحمل أى حاجة المهم أنك تكونى بخير وتعيشي بين الناس رأسك مرفوعه 
نهي... 
كنت عارفه بكل اللى بيحصل مع الحج إبراهيم من خلال القرين وأمرت قرين أسماء أنها تشغل باله وأمرت الجن أنه يدخل سهام في اوضة تانيه بعيد عنهم وتفضل نايمه 

أسماء....
بابا عاوزة أكل حاسه اني جعانه إيه رأيك نعمل الأكل سوي انهاردة يلا بينا وخدت أيد بابا وروحنا المطبخ وعملنا أكل وحلويات وفضلنا نضحك طول اليوم
نهي.... 
لازم أستعد علشان البرنامج وعزيز عملي فيها مصمم أزياء وعمال يختار ليا الملابس والاكسسوارات 🤦🏼‍♀️
ولكم أن تتخيلوا هدومى كلها ع الأرض عاااااا 
شيل كل الهدوم دى وعلقها ع الشماعه حالا وخدت بعض وع ماسبيرو وأول ما شوفت المذيع
المذيع....
مدام نهي أنا متشكر جدا لحضرتك أنك وافقتي إني أكمل البرنامج رغم أنهم كانوا هيرفدونى 😔
نهي....
أنا صحيح وافقت لكن بشرط أنك تتكلم معايا بأسلوب محترم وراقي بلاش أسلوب السخريه 
وسيبته وروحت قعدت في مكانى منتظرة يظبطوا الإضاءة والصوت ولقيت المخرج بيقولى
المخرج....
عندى لكي مفاجأة يا مدام نهي حالة مصابة وتعالجيها قدام الناس إيه رأيك 
نهي.... 
طب هو مش المفروض أشوفها قبل البرنامج واتكلم معاها وأعرف بتشتكي من إيه ولا حد قالك أنى ساحرة 
أول ما أشوفها اخمن العلاج
المخرج....
يا مدام نهي اطمني دى واحدة متفقين معاها تجيب بنتها وتمثل أنها تعبانه وانتى تعالجيها يعني شو للبرنامج ولكي
نهي.... 
أنت بتهرج صح عاوزنى اكدب ع الناس ... 
بعد أذنك خد الممثلين بتوعك دول وامشي دلوقتي تمام

المخرج.... يا استاذه بس افهميني 
نهي... 
لأ حضرتك اللى محتاج تفهمني لو صممت ع كلامك ده أنا هخليك أنت نفسك الحاله ومش هتحتاج تمثل قدام الناس لأنى هخلي الجن يعفرتك فعلاً ايه رأيك بقي

المخرج.... أهدى يا استاذه ده كان مجرد اقتراح 😏

نهي... بصيت له وروحت فردت كف ايدي وظهر فنجان قهوه وفضلت أشرب فيه قدامة وهو واقف متنح 
قولت له ياريت تشوف وراك ايه علشان مصدعه وعاوزة اشرب قهوتى بهدوء 
وجه ميعاد الحلقه وكانت رشامنصورجميلة واتكلمت عن قدرتي في علاج كل مصابي السحر وان قريب جدا هعلن عن عنوان مكتبي علشان اساعد كل الناس 
وخلصت الحلقه وأول ما وصلت العمارة طلعت عند 
الحج إبراهيم المفروض أن ده اليوم اللى هعمل فيه الجلسه الثانيه ل أسماء 
الحج إبراهيم....
فتحت الباب لقيت مدام نهي قدامي رحبت بها 
نهي... أنا جايه علشان اسماء واسفه إني متصلتش بالتليفون بس الموبايل فصل شحن هي فين 
اسماء....
 مدام نهي أنارشامنصور شوفت البرنامج كان جميل بابا قالي انك جارتنا من فترة بس اعذريني أول مرة أشوفك
 ‏ ‏نهي.... 
 ‏ ‏اة ما أنا اصلي ماليش اختلاط مع الجيران علشان كده انتي مش عرفاني أنا جيت علشان أن شاء الله هاخد شقه تانيه هنا في العمارة وهعملها مكتب 
 ‏ ‏وبعدين قولت في بالي عاوزة الجن اللى عليها يتكلم بصوته حالا 
 ‏ ‏الجن.... أنا ملتزم بالاتفاق وهفضل في حمايه أسماء 
 ‏ ‏
 ‏ ‏الحج إبراهيم...
 ‏ ‏ايه ده صوت مين ده أنا بنتي صوتها ماله 
 ‏ ‏نهي....
 ‏ ‏ هو أنا مش قولت ل حضرتك أن معاها جن بيحميها وهو بيأذي أى حد يقرب منها 
 ‏ ‏بصيت ل أسماء وقولت أنا متفقه معاك ولازم تلتزم وأنا وعدتك أنى هحميها من اللى كان السبب
 ‏أسماء.... 
 ‏مدام نهي أنتي واقفه ليه اتفضلي اقعدي تشربي إيه
 ‏نهي....
 ‏ ياريت فنجان قهوه من ايدك يا قمر
 ‏اطمن يا حج إبراهيم الجن ملتزم بالاتفاق واظن أنت شوفت بنفسك وهو هيبعد عنها أول ما يطمن عليها
 ‏الحج إبراهيم...  
 ‏أعملي اللي فيه صالح ل بنتي بس أهم حاجه مترجعش للحاله اللي كانت عليها تاني وياريت الجن يخلص من اللي أسمه كريم ده شيطان فى هيئة إنسان 
 ‏نهي.... 
 ‏تمام يا حج إبراهيم أطمن أنا هطلع علشان أبني 
 ‏وع فكره سعيد جوزى جهز العقد ياريت لو تطلع معايا تمضي وتاخد الفلوس بصراحه أنا رشامنصورعاوزة ابدء أعمل الديكورات فيها وافرشها 
 ‏الحج إبراهيم....
 ‏ يلا بينا يا اسماء أنا خارج ربع ساعة وجاى ع طول
 ‏نهي...
 ‏  تم توقيع العقد واستلمت المفتاح وبعد أربع ايام هنسجلها في الشهر العقاري واتصلت ب مكتب الديكورات
 ‏وجالى المهندس وقولت له ع كل اللى محتاجاه في المكتب والإضاءة وقولت له يعملي سلم بين الشقه والمكتب علشان اطلع وانزل بعيد عن الزباين وابتدى الشغل من تاني يوم 
 ‏ واستدعيت شرحام علشان اسأله عمل ايه مع 🐶كريم 
 ‏ ‏وشوفت كريم وهو بيكلم نفسه ووشه فيه ألوان الطيف آثار الضر'ب وقلة النوم وكل شويه يصر.خ 
 ‏ ‏ايه ده باين عليه اتهبل يلا اخلص منه اهو نرتاح من أمثاله خلي الدنيا تنضف 
 ‏ ‏وجهزت العمل اللى فيه نقط د.مه وقولت التعويذه عليه
 ‏ ‏
 ‏ ‏ هولام تعالي حالا خد العمل ده ادفنه في جسم 🐶 عاوزة في خلال تلات ايام اسمع أن امره أنتهي 
 ‏ ‏وعارفه أنك عاوز مقابل اتفضل قول
 ‏ ‏
 ‏ ‏هولام.... 
 ‏ ‏فعلا السحر الأسود له مقابل ولكن ده كان قبل ما تكونى أم ولي العهد عزازيل طلباتك أصبحت بدون مقابل 
 ‏ ‏وبعد لحظات كنت نفذت المطلوب في الحال 
 ‏نهي.... 
 ‏واضح أن كلام عزازيل صح وأن بعد كدا أنا اللى هكون في حمايته وبصيت له وهو كالعادة بيلعب بس المرة دى عمال ينط من الدولاب للسرير أنا بفكر اجيب له شجرتين موز ما أنا مخلفه قرد 
 ‏واستدعيت صرماط وقولت له عاوزة أعمل فقدان ذاكرة ل سهام بس ع حاجات معينه وفهمته المطلوب 
 ‏وبعد كام يوم نزلت للحج إبراهيم وفتحت ليا مدام سهام الباب واستقبلتني بالاحضان وقالت ليا أنا مش عارفه أشكرك إزاى أنك عالجتي بنتي 
 ‏يا إبراهيم يا أسماء تعالوا بسرعه مدام نهي هنا 
أسماء.... أهلا وسهلا حضرتك عامله ايه 

الحج إبراهيم .... بصيت ل مدام نهي وقولت لها أنا متشكر ع كل حاجه بجد جميلك ده ع رأسي

نهي.... أنا رشامنصورنفذت الاتفاق واعتبر أن كل حاجه انتهت واستمتعوا بحياتكم الجديدة ويلا بينا علشان سعيد منتظرنا في العربيه علشان نسجل العقد
وبعد شهرين كان المكتب اتوضب وطبعاً أتعرف في العمارة أنى السبب في شفاء اسماء ده غير أنى قولت عنوان المكتب في البرنامج والمدرسة عندي

وجبت سكرتيرة ليا ومساعدة تعمل ملف لكل حالة 
وفي الوقت ده إدارة المستشفى بلغتنا أن خالة سعيد ماتت بصراحه محدش زعل عليها أهو ارتحنا منها 
واشتريت شقه في المنطقة عندى ل مها بنت أخت الست لواحظ ووظبطها وفرشتها أفخم فرش 
ومرت الشهور والسنين وشهرتي بتزيد واسمي بقي في الجرائد والمجلات نهي المبروكة

وجه اليوم اللى عزيز هيدخل فيه المدرسة وزى أى طفل كان قلقان وخايف لأنه لسه متعودش يتعامل مع حد
وكان دورى كأم إني اطمنه ونبهت عليه يتصرف زى الأطفال وبلاش شغل القرود ويكون هادي ومطيع وعرفته أن صرماط وعشيرته معاه واخدته المدرسة بتاعته وطبعاً الكل استقبلنا بالترحاب ما هو إبن المبروكة.   



تعليقات



حجم الخط
+
16
-
تباعد السطور
+
2
-