رواية مهمه بنات وشباب المخابرات
الفصل الثالث عشر 13
بقلم اش
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️❤️❤️
نبدا روايتنا في عربيه كان فيها البنات ويزيد وكانوا رايحين على الشركه
كارما: انا عضمي كله متكسر اشوف فيك يوم يزيد يا ابن زهره
يزيد انتوا بتحبونا اوي كده
ايه :ها يا بنات خلصت هزار ولا لسه
كارما: خلصنا خلصنا
وبعد كده راحوا على الشركه وكل واحده راحت علي شغلها............... اما في مصر عند شباب
فكان طائف واقف وماسك صورة ايه وبيبصلها بحزن
طائف: ليه يا حبيبتي ليه مشيتي وسبتيني وليه عملت كده في قلبي انا من بعدك مش عارف اعيش وبتمنى اني اروح ليكي
اما ايان فكان بيروح على شغله واول ما يرجع يخش الاوضه بتاعته وكان يفضل فيها لثاني يوم الصبح لغايه ما ينزل على شغله وهكذا
اما معاذ فكانت حياته متدمره خالص وكان كل شويه يفتكر اخته ودايما كان يقول اللي هو كان السبب في اللي حصل وهو اللي ضيعها بايده
تعالوا نرجع تاني في تركيا عند البنات في شركه AAYK
اسماء: ايه انتي ليه طلبتينا احنا بقى لنا ربع ساعه بنتفرج على بعض
ايه: يا بنات احنا هننزل مصر
كارما: انتي بتقولي اي
صدمه وقعت على الكل ايه اللي هي بتقوله ده خلاص هنقابلهم بعد المده دي كلها بس ازاي احنا مش مستعدين للمواجهه
ايه: حضري نفسكم يا بنات احنا بعد يومين هننزل مصر بس ما حدش هيعرف اللي احنا في مصر غير بعد اسبوع ويا ريت ما حدش يسال على اي حاجه........ وبعد كده خرجت وسابتهم لانها ما كانتش قادره تمسك دموعها اكتر من كده لانه وحشها كتير وحاولي تليه تنساه لكن ما عرفتش وكان بيجي لها كل يوم في حلمها وكان بيعيط وكان بيترجاها ترجع له ثاني
لحد ما جيل يوم اللي الكل كان مستنيه اليوم اللي هيسعد ناس وهيدمر حياه ناس تانيه كتير
الكل جهز نفسه ومستعدين عشان ينزلوا مصر ومستنيين ايه تنزل
يزيد: هي راحه تتجوز ولا اي كل ده بتلبس
ايه: لا راح انخطب يا خفيف
يزيد: مش معقول هو انتي بتضحكي
اسماء: دي بتضحك بتضحك انتم شفت اللي انا شفته يا بنات
ايه :انتم هبل ولا اي كل ده عشان ضحكت
اسماء: اصل انا بصراحه نسيت ان انتي بتضحكي اصلا انا بقى لي ثلاث سنين ما شفتكيش ضحكتي من تلات سنين وحياتك كلها بقت كلها شغل فلما نشوفك بتضحكي فدي صدمه لينا يعني
ايه: طب يلا يا اختي انتي وهو وهي هي...... ومشيت ايه وسبقتهم
يزيد :انا حاسس ان الضحك ده هيقلب بمصايب بعد كده
اسماء :اسكت بدل ما تسمعك وتبقى اول نصيبه تعملها فيك انت
ياسمين: انا هعمل نفسي ما سمعتش حاجه لاني مش مستغنيه عن عمري وكمان ايديها بقت تقيل اوي يا بنات وانا جسمي متكسر لوحده يعني بردك مش مستحمله
ايه كانت مستنياهم ومفكراهم اللي هما يخرجوا وراها على طول وافتكرت قبل ما تروح للبنات وتقولهم اللي احنا هنزلوا مصر افتكرت ليلت بالليل هي مسكت الورقه وكتبت اي هقولكم ايه كانت كاتبه اي في الورقه:-
وحشتني!! كدب اللي قال البعد بينسى
الوقت مبينسيش
مش عارفة أعيش مش عارفه اقول موحشتنيش
عيني اللي لمعت وقت مالقيتك اكبر دليل على اني
حبيتك
وان اللي بينا كتير اووي والبعد بينا مقسنيش
لكن نصيبنا نفترق وهنعمل ايه؟
قولت ان بعدك عني نساني لكن مكانك عندي
محافظ عليه وعشان كدا تاسع قصيده اكتبها ليك
وفي كل مره اكتب وحشتني
انا ليه بعدك مبقتش عارفه أعيش؟؟
ايه او اش💘💘
ايه رجعت تاني من عالم الاحلام وقالت هما اتاخروا ليه ودخلتلهم وقالتلهم
ايه: ما تيلا بقى هو احنا هنفضل واقفين كده كتير.......... وطالعه كلهم على العربيه وصلوا المطار واستنوا شويه وقت وركبوا كلهم الطياره وراجعه تاني لارض الوطن
_____نروح مع بعض في مكان رحنا قبل كده امريكا_____
لين: هتنزلي خلاص يا ايمان
ايمان: لازم انزل عشان اشوف اخويا وكمان هرجع لك تاني يا لانا اكيد يعني انتي هتنزلي مصر
لين: انتي عارفه كويس اللي انا ما ينفعش انزل مصر
ايمان: ده انتي قلبك اسود اوي ده انا نسيت الموضوع ده
لين: لا طبعا ما اقدرش اسامحه وكمان اقفلي على الموضوع ده ويلا بينا بقى عشان اوصلك المطار
فعلا البنات راحوا المطار وركبت ايمان الطياره وصلت مصر هي كمان..... وكانت متحمسه اوي اللي هي تشوف اخوها بس ما تعرفش الا اخوها بقى واحد ثاني خالص على اللي هي تعرفه.....
تعالوا بقى نروح عند معتز وفاطمه اللي طلع عين امهم معتز طول الثلاث سنين دولت ما سابش فاطمه وكان بيحاول معاها عشان صوتها يرجعلها وحاله مامتها كل ماده كان بيسوق وفاطمه حالتها كانت بتدهور عشان خاطر صوتها ما كانش راضي يرجعلها ومعتز كان يا عيني تعبان وسطهم لحد ما مامتها ما قررت اللي هي تقول السر اللي هي خبيته عنها طول عمرها.... معتز ما عادش بيروح الشغل غير ساعه واحده وجاب شقه لفاطمه ووالدتها وطلعها من المستشفى وكان هو اللي بيقعد معاها طول النهار ويروح بيته بالليل كان متمرمط من الاخر يا عيني. وغير كده كانت فاطمه اتعودت عليه خلاص وكان بيفهمها من غير ما تتكلم ومامتها كانت مستغربه عمايله دي وليه هو مهتم اوي كده وكمان ما فيش بيني وبين فاطمه اي حاجه.....
معتز: يلا يا فطومه بقى عشان نروح للدكتور
فاطمه كانت بتهز راسها بلا عشان بتكره الدكتور قوي عشان مش بيفهمها وبيفضلوا عنده ساعات عشان خاطر هو ما بيفهمهاش وعشان كده هي مش عاوزه تروح
معتز :ما انتي لو ما رحتيش يبقى مش هتخفي ولا انتي بقى مش عايزه تخفي
فاطمه كانت عماله تعيط وبتهز راسها لا وبتحرك بقها بمعنى اللي هي مش بتحب الدكتور
معتز: دي المره الخامسه اللي احنا نغير فيها الدكتور يا فاطمه
فاطمه كانت بتحرك بقها وبتقول له ما تسيبنيش
معتز قرب منها وقالها :مش هسيبك ابدا
فاطمه حركت شفايفها تاني قالت له انت ليه بتعمل معايا كده
معتز كان خايف اللي فاطمه تفهم حبه ده على انه اللي هو شافقه رد عليها
معتز: عشان انت في حمايتي ولازم احميكي من كل شر واذى
حركه فاطمه شفايفها وقالت انا تعبانه وعايزه انام
___معتز وخرج بره الاوضه سبعه عشان تستريح شويه___
معتز: انا هنزل يا امي
فريده: ماشي يا حبيبي خلي بالك من نفسك هي فاطمه نامت
معتز: ايوه انا هنزل بقى وهبقى اجي بكره ثاني
وفي مطار القاهره كانوا البنات وصلوا بالسلامه لارض الوطن
اسماء :اخيرا اخيرا نزلنا مصر
ياسمين: انا ما كنتش مصدقه لغايه ما وصلت ارض مصر
ايه: يلا يا بنات عشان خاطر انا عايزه اروح انام
كارما: انا نفسي اشوف معاذ الاول
ايه: احنا مش هنظهر غير بعد اسبوع وانا قلت الكلام ده واحنا في الشركه هناك ويا ريت لما تشوفوهم ما حدش يتكلم على حاجه من ثلاث سنين اللي فاتوا انتم فاهمين
اسماء :على اساس يعني اللي الثلاث سنين اللي فاتوا دول كانوا جنه وانتي خايفه من الحسد
ايه: ممكن ما اسمعش صوت حد فيكم
ياسمين: البت دي عندها انفصام في الشخصيه مش كانت بتضحك من شويه
كارما: اسكتي يخرب بيتك هتنفخنا والله
ايه: يا ريت تبطلوا تتكلموا بصوت واطي ويلا بقى عشان خاطر انا عايزه انام شويه عشان اروح الشركه
يزيد: نعم تروحي فين بصي بقى انا نازل مصر عشان ارتاح شويه مش عشان اشتغل وكمان انا عايزه اتجوز يا ماما هو انا هفضل قاعد جنبك كده على طول ولا اي
ايه: انت بتقول اي يا يزيد في حاجه ولا اي
يزيد: ابدا ابدا مش بقول اي حاجه اشوفك بكره بقى ان شاء الله في الشركه
هو مشي من قدامها بسرعه لانه عارف بسط ايه ومن خلال البصه دي بتقول كلام فيها كتير اوي
ايه: يا ريت بقى نمشي من هنا انا بدات اللي انا افقد اعصابي
اسماء: هي هتفضل تكلمنا كده لحد امتى انا ساكته وماسكه نفسي عشان ما اقومش اضربها
كارما: لحد ما ترجع زي زمان
اسماء: هي هتودي نفسها في مصيبه عشان الانتقام ده
ايه :ما تيلا بقى يا زفته منك ليها انا زهقت
هو خرجوا البنات من المطار وركبوا عربياتهم وراح على الفيلا وكل واحده طلعت اوضتها عشان تنام عشان تستعد لبكره
وفي مكان تاني في المطار كانت ايمان نزلت من الطياره وهي بتحاول ان هي تدور على اخوها فضلت مستنياه دقائق بس لما زهقت مشيت وقفت التاكسي وعرفته العنوان وبعد مرور نص ساعه كانت واقفه قدام الفيلا
ايمان: ماشي يا ليث ماشي انا هعرفك شغلك كويس ولما اشوفك هيبقى لينا كلام تاني مع بعض
___ودخلت ايمان الفيلا بس ما كانش حد موجود فيها____
ايمان: ازيك يا دادا عامله اي
الداده: حمد لله على السلامه يا بنتي
ايمان: الله يسلمك يا دادا امال فين اهل البيت هم هاجروا ولا اي
الداده: لا يا بنتي ابوكي لسه في الشغل ومش بيرجع غير بالليل وعمتك لسه خارجه من شويه مش بترجع دلوقتي
ايمان: طب وليث..... ليث فين
طارق وهو جاي من وراها: ليث مسافر مش هيرجع دلوقتي ممكن يرجع بكره واحتمال ما يرجعش اصلا
َ ايمان: انت بتقول اي مستحيل ليث........... بس قطع كلامهم دخول شخص ما كانوش متوقعين اللي هو يجي