رواية مهمه بنات وشباب المخابرات الفصل الرابع عشر 14بقلم اش

الفصل الرابع عشر 14 

بقلم اش

وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️❤️❤️

_________________________________________

  نبدا روايتنا عند طارق وبنته ايمان لما كانوا قاعدين بيتكلموا ودخل عليهم شخص ما كانوش يتوقعه......... والشخص ده كان. 

"""""""""""""""""""""""""""""""""""""""""""""""""""""

ليث: ومين قالك انه مش هرجع تاني

ايمان: ليث وحشتني اوي يا حبيبي انت عامل اي

ليث: وانتي كمان وحشتيني يا قلب اخوكي

طارق : وانت اي اللي نزلك مصر انت مش كنت مسافر

ليث: ملكش دعوه بيا واعمل حسابك ان نهايتك هتبقى على ايدي يا طارق بيه............ واخد ايمان وطلع على اوضه

ايمان : هو اي اللي حصل يا ليث انا كنت ماشيه وانت بتتكلم مع بابا واموركم زي الفل اي اللي حصل واي اللي خلاك تتغير دلوقتي

ليث: انتي هتعرفي قريب كل حاجه

ايمان: طب انا عاوزه انام انا تعبانه اوي من السفر

ليث: خشي نامي يا حبيبه اخوكي نامي وارتاحي

اما بقى في فيله البنات فكانت اسماء وياسمين وكارما قاعدين في الجنينه

اسماء: انا بجد فرحانه فرحانه اللي احنا اخذنا اجازه من الشغل

ياسمين: بس انا مش مرتاحه لايه

اسماء :بس اهم حاجه اللي احنا اخذنا اجازه

ياسمين: بس انا متاكده اللي ايه هتعمل نصيبه

كارما: معاذ وحشني اوي يا بنات

اسماء: شوفوا انا بتكلم في اي وهي بتتكلم في اي وكمان انا خايفه من المواجهه ده

ايه : يا بنات جهزه نفسكم عشان احنا هنروح للشباب

ياسمين: انتي بتهزري صح نروحليهم عادي كده انتي عارفه احنا عملنا اي وانتي عارفه احنا بقى لنا قد اي ما جيناش مصر ثلاث سنين وكمان احنا عرفنا الناس اللي احنا موتنا يعني لو ظهرنا ليهم هتبقى صدمه للكل وكمان ممكن ما حدش يسامحنا وكمان انا مش عارفه انتي ليه كنتي طلعتي الاشاعه دي احنا بقى لنا ثلاث سنين مختفيين والثلاث سنين دول كنا في شغل وما عملتيش اي حاجه من الانتقام وكمان بقتي طريقتك غريبه اوي ما بقتيش زي الاول وكمان انتي ما عدتيش بتقولي لنا على اي حاجه ويزيد هو اللي عارف عنك كل حاجه احنا يعتبر ما عدناش نعرفك اصلا

ايه :انا بجد تعبانه ومحدش حاسس بيا انا طول الثلاث سنين دول عايشه في عذاب ومحدش حاسس وكنت بفضل قاعده بالساعات اعيط لوحدي وما حدش كان حاسس ويزيد اللي انت بتقول عليه ده عارف كل حاجه هو ما يعرفش اي حاجه غير اللي انا عايزه يعرفه انا لو قلتلكم ان انا خايفه اكتر منكم انتم مش هتصدقوا انا حاسه ان اليوم ده مش هيعدي على خير وانا لازم اعمل كده عشان الخطه تكمل

ياسمين :واي الخطه بقى

ايه :هقولك...... وشرحتلهم ايه الخطه...... وبس كده فهمتم هنعمل اي

كارما: يخرب بيت دماغك اي ده دماغ ابليس انا ما كنتش اتوقع منك كده

ايه :عشان تعرفوا بس ان انا مش اي حد

ياسمين: بس انا خايفه من حازم حاسه ان هو هيولع فيا

ايه: ما تخافيش هعرفهم كل حاجه عشان يساعدونا بس انا مش عارفه يزيد اتاخر كده ليه

يزيد: انا سامع حد بيجيب في سيرتي

ايه :عندك مانع ولا اي

يزيد: لا عادي اعملي اللي انتي عايزاه بس انا المفروض الكبير هنا وكمان المفروض تحترموني شويه

اسماء: الحقوا يا بنات ده بيقول لكم نحترمه انت شارب اي على الصبح انت تعرف عننا كده

يزيد: لا ما اعرفش

ياسمين: طب يلا يا بنات نمشي انا اعصابي بدات تبوظ من كتر التوتر

اما بقى عندي شباب فطائف كان قاعد سرحان وحازم كان بيكلمه وما كانش بيرد عليه

حازم: هو انتم هتفضلوا كده كتير حياتنا وقفت من ساعه ما هربوم

طائف: انت مش بتحس انت ما عندكش مشاعر مراتك ماتت وانت ولا همك

ايه: ومين قال اللي احنا موتنا

طائف: لا لحظه ده صوتها لا مستحيل اكيد انا بتخيل...... شكوك طائف اتاكدت لما سمع صوت ايه مره ثانيه

ايه :احنا سبناكم ثلاث سنين بس رجعنا واكننا داخلين في مقبره اموات

حازم ما كانش مستوعب اللي هم فعلا لسه عايشين...... اما معاذ فبص لكارما بحزن وحب وبعدين سببهم وخرج من الفيلا من غير ما ينطق ولا كلمه كارما عيطت وراحت ورا اخوها راحت وراه عشان تلحقوا........ اما ايان كان بيبص للبنات بعدم وعي وبعدين بص لاسماء وقالها

ايان: هو انا ليه حاسس ان انا بهلوس يمكن من قله النوم بس انا شايف اسماء قدامي

حازم فاق من صدمته وعرف اللي هم كانوا عايشين في وهم

حازم: لا مش هلوسه ده حقيقه بس احنا اللي طلعنا اغبياء عشان صدقنا المسلسل الهندي ده وحبينا.... وبعدين بص لياسمين بحزن وغضب وبعدين قالها كلمه ياسمين ما كانتش تتوقعها ابدا...... ياسمين انتي طالق طالق طالق..... وبعدين سابهم وخرج بره الفيلا

ياسمين ما كانتش مستوعبه انه طلقها بس ضحكه بسخريه لانها ما كانتش متوقعه كده منه بس هو معذور في اللي عمله هي كانت متوقعه اللي هو هياخدها في حضنه اول ما يشوفها طب ازاي وهو كان عايش في الوهم بقى له ثلاث سنين وفي نفس الوقت ياسمين ما قدرتش تمسك دموعها انها تنزل وخرجت بره عشان ما كانتش عاوزه حد يشوفها

اما ايان ففضل يبص على اثناء وعمل عكس اللي اصحابه عملوه قرب منها وحضنها وبدا اللي هو يعيط كان بيعيط زي الاطفال كان بيعيط على حبيبته اللي فضلت ثلاث سنين غايبه عنه

ايان: ليه..... ليه تسيبيني كل ده انا عملت اي يزعلك انتي ما تعرفيش انا كنت عايش ازاي من غيرك انا كنت كل يوم بشوفك في احلامي وكنت كل اما اشوفك توحشيني عشان كده انا بطلت انام عشان ما اشوفكيش بس برده كنت في عقلي انا كنت عايش زي المجنون من غيرك.............. اتفاجئ ايان باسماء لما حضنته اكثر وفضلت تعيط بصوت عالي هي بردك كانت بتعذب من غيابه عنها وكان على بالها طول الثلاث سنين وما غابش من بالها لحظه

____اما بقي طائف فبص لايه بقسوه وقال لها:-

طائف: هو انتم اي اللي جابكم انا مش عايز اشوف وش واحده فيكم هنا انتم سامعين انتم من ساعه ما ظهرتم في حياتنا واحنا عايشين في الم وعذاب وحزن انتم غيرتوا حياتنا وخلتوها عامله زي الجحيم يا بنات المخابرات انا بكرهك يا ايه بكرهك عارفه يعني اي بكرهك عارفه يعني اي ........... وبعدين سابهم وخرج بره الفيلا سابهم قبل ما تنزل دموعه من عيونه ايوه ايه دمرتني انا كنت بعيط كل يوم على فراقها وكل ده اطلع كنت عايش في كذبه بس اقسم بيني وبين نفسه لا يعيشها كل اللي عايشته له ده بس بطريقته

اما ايه فكانت واقفه مكانها مصدومه وما كانتش غير كلمه واحده بتتكرر في عقلها انا بكرهك يا ايه انا بكرهك هو انا خلاص كده خسرت اخر امل كنت عايشه عليه هو انا كده خسرت حبيبي بس خلاص هو مشى وسابني مشى وسابني............ ما قدرتش ايه تستحمل كل ده وقعت على الارض تعيط بانهيار بكل مدى كانت بتعيط وتنهار اكتر بتعيط وتعيط على كل حاجه حصلتلها في حياتها.... هو لسه بقى ما جاش الوقت اللي انا استريح فيه...... ايه كانت بتعيط بهستريه وكانت بتضحك في نفس الوقت بهستريه.. 

قرب منها يزيد واحتواها...... بس هي صرخت اكتر واكتر باسم طائف وكل اما تفتكر كلامه وكانت بتصرخ اكتر

اما ياسمين فكانت خارجه من الفيلا بس لما سمعت صوت وصريخ ايه رجعت جري تاني..... بس لما دخلت وشافت منظر ايه فضلت تعيط اكثر عليها... كانت ايه بتعيط جامد وكانت بتصرخ بشكل مخيف

ايان: حد يتصرف حد يعمل اي حاجه هي ممكن يحصل لها اي حاجه لو فضلت كده

اسماء: حد يرن على ليث بسرعه هو اللي هيقدر يساعدنا 

وفعلا ياسمين رنت على ليث....... وفيله ليث كان نايم بس اللي قطع نومه صوت التليفون ما ردش في الاول بس مع تكرار الرنه قام ورد... 

ليث: الو

ياسمين : الحق يا ليث ايه عماله تصرخ وبتعيط ومش عارفين نسكتها ورجعت زي زمان انا خايفه عليها اوي ومش عارفه اعمل اي

ام ليث المبذوع من مكانه وقام لبس بسرعه وخرج عشان يروح لايه ويشوفها مالها

ليث طب رني على الدكتور بسرعه انا خمس دقائق وهكون عندك بسرعه يا ياسمين....... وما سمعش صوت ايمان وهي بتنادي عليه

ايمان ليث... ليث استنى...... مين ياسمين دي بس يا ترى وماله كان بيجري كده ليه

ياسمين كلمت الدكتور وشويه وليث كان وصل........ 

ليث: ايه... ايه اهدي... هو اي اللي كان حصل عشان يحصل معاه كده

اسماء: طائف طائف قالها انه مش بيحبها وبيكرها ومن ساعتها وهي عامله كده ومش عارفين نعمل لها اي

ليث: انا هاخدها واطلع بيها فوق ولما الدكتور يجي ابقوا طلعهلي

ليث: ما حدش يستاهل اللي انتي عامله في نفسك ده

ايه :انا حاسه اني هموت قالي انه بيكرهني هو المفروض يفهم اللي انا كنت تعبانه وكنت عاوزه اخد راحه انا عارفه اللي انا طولت بس بجد انا اكتشفت ان في الفتره دي اللي انا بعشقه بس هو ما فهمنيش ولا حس بيا انا عارفه ان انا غلطت بس هو المفروض كان يسامحني والله كان غصب عني....... وانفجرت ايه في العياط مره ثانيه

وفضل ليث معها ويهديها لحد ما جه الدكتور واداها مهدئ وحذرهم من الضغط نفسي عليها عشان لو حصلها اي حاجه تاني هتضطر اللي هي تروح لمستشفى للعلاج النفسي.... 

_____اما بقى عند فاطمه ومعتز:-

فريده: يا فاطمه يا فاطمه شوفي مين بيرن الجرس وتعالي

فاطمه راحت فتحت الباب وطلع اللي كان بيرن الجرس هو معتز..... معتز كان واقف قدامها وعمال يكلمها بس ما كانش في اي رد منها

معتز: انتي زعلانه مني يا فاطمه ولا اي

فاطمه بردك ما كانتش بترد..... ومعتز طلع من جيبه شيكولاته كان جايبها لها عشان يصالحها..... 

معتز : وانا مقدرش على زعل قطتي

فاطمه اخذت منه الشيكولاته وضحكت فاطمه ما كانتش زعلانه مني ولا حاجه بس عشان اتاخر عليها بس خمس دقائق فزعلت منه.. 

فريده : مين يا فاطمة 

معتز : انا يا امي

فريده: تعالي يابني ادخل انا كنت عاوزه اقولك على حاجه يا فاطمة وكويس ان معتز هنا 

فاطمه كانت بتحرك راسها وكانت بتقول كلام بشفايفها معناه اتفضلي يا ماما عاوزه اي

فريده : انا... انا مش أمك يا فاطمة 

صدمه وقعت على فاطمه هي ازاي بتقول كده هي ازاي بتقول انها مش مامتها وهي ازاي عايشه كل السنين دي مع واحده ما تعرفهاش

                  الفصل الخامس عشر من هنا

لقراءة باقي الفصول من هنا