الفصل التاسع9
بقلم سحر حسين
لقيت زين واقف ورايا وبيقول لي ........
زين : مالك يا ريم في حاجه معاكي .
ريم : اه في انا مش عايزه اكمل .
زين : تكملي ايه بالظبط .
ريم : اكمل شغل هنا .
زين : ليه في حاجه معاكي .
ريم : مش مرتاحه .
زين : ايوه ممكن اعرف ايه اللي حصل بالظبط .
ريم : محصلش حاجه عايزه امشي وخلاص .
زين : طيب انتي ممكن تاخدي اجازه مفتوحه وترتاحي براحتك انا عارف انك زعلتي من كلام قمر وأنها رفضت الشغل معاكي .
ريم : بقولك ايه بلا قمر ولا شمس انت السبب في اللي انا فيه .
زين : انا ليه عملت ايه .
ريم : معملتش حاجه سبني في حالي وعتبر أن انا في اجازه مفتوحه .
زين : تمام بس انا عايز افهم في ايه بالظبط .
ريم : ممكن بقي تسبني في حالي .
زين : انا مش فاهم مالك بس تمام تعالي اوصلك طيب .
ريم : لا شكرا انا همشي لوحدي .
زين : ريم بعد ازنك لو سمحت علي الاقل عشان اطمن عليكي .
ريم : تطمن عليا خليك بعيد انت بس وانا هكون كويسه .
زين : يا بنتي هو انا عملتلك ايه بس .
ريم : معملتش حاجه انا اللي عملت كل حاجه .
زين : يا بنتي في ايه اتكلمي .
ريم : استاذ زين بص معلش انا تعبانه شويه ممكن تسبني امشي .
زين : تمام ماشي هوصلك لو سمحت مترفضيش .
**************
مقدرتش اقوله لا وفي نفس الوقت مش عايزه امشي معاه بس هو خدني معاه ونزلنا ركبنا العربيه ولقيته مشي من طريق تاني مش طريق البيت وداني الشاطئ اللي كنا بنقعد فيه علي طول وقالي ........
*************
زين : تعالي يا ريم انزلي .
ريم : انا عايزه اروح انا تعبانه .
زين : تمام هروحك بس انزلي الاول .
ريم : استاذ زين ........
زين : ( قطع كلامها ) بعد ازنك يا ريم ممكن تنزلي .
ريم : يوه بقي مش عايزه .
زين : بعد ازنك .
****************
نزلت وانا مخنوقه وعلي أخري مشينا شويه لحد الشاطئ وقلع الجزمه بتاعته ولقيته بيوطي عشان يقلعني الجزمه بتاعتي قولته .......
**************
ريم : استاذ زين بتعمل ايه .
زين : اقلعي الجزمه .
ريم : طيب انا هقلعها لوحدي بعد ازنك .
زين : تمام اتفضلي .
ريم : اهو ممكن افهم بقي هنعمل ايه .
زين : بصي العلماء بيقولوا أن الوقوف علي الرمله وانتي حافيه القدمين واليدين بتسحب الطاقه السلبيه من الجسم .
ريم : لا والله ....
زين : اه وربنا زاي ما بقولك كده .
ريم : استاذ زين انا امشي ونبي .
زين : ما احنا هنمشي والله بس علي رمله تعالي بس اسمعي كلامي وانتي مش هتندمي .
ريم : تمام ماشي .
*******************
خدنا بعضنا وفضلنا ماشين واحنا ساكتين وهو كان كل شويه يبص عليا ويتكلم يقول اي حاجه ملهاش لزم .....
**********
ريم : استاذ زين انت عايز ايه بالظبط .
زين : بصراحه عايز اعرف انتي مالك في ايه بالظبط .
ريم : في واحده صاحبتي حصل معاها حاجه كده وانا مخنوقه عشانها قوي .
زين : طيب احكيلي يمكن نلاقي حل للمشكله صاحبتك .
ريم : مفيش هي للاسف حبت المدير بتاعها وكانت خلاص هتعترف بحبها ليه بس للاسف ظهرت حبيبته القديمه وخلتها ترجع في قررها وقررت انها تسيب الشغل خالص .
زين : بصي هي بصراحه غلطانه أنها حبت المدير بتاعها وكمان كانت هتعترف بحبها ليه من غير ما تتأكد من حبه ليها .
وبعدين مش شرط أن حبيبته القديمه ترجع يبقا أن هو لسه بيحبها أو في حاجه في قلبه من ناحيتها اصلا .
ريم : يعني من وجهت نظرك أنها غلطانه أنها حبت المدير بتاعها .
زين : لا طبعا مش قصدي كده انا قصدي أنها تتأكد من حبه قبل ما تعترف بحبها ليه محدش يعرف يمنع قلبه من الحب صح .
ريم : ايوه ماشي هي بقي تعمل ايه دلوقتي .
زين : هي لزم تتأكد من حبه هو الأول .
ريم : ايوه يعني تعمل ايه .
زين : تسأله . ....
ريم : تسأله ازاي يعني .
زين : تقوله في حد في حياتك ولا لا .
ريم : بسهوله كده .
زين : حلوه الحب في السهولة دي .
ريم : طيب سيبك بقي من صاحبتي وقولي انت في حد في حياتك ولا .
زين : انا لا مفيش حد في حياتي .
ريم : طيب وقمر لسه ليها مكان في قلبك .
زين : قمر قمر دي مستحيل يكون ليها مكان في قلبي تاني ولو هي اخر واحده في الدنيا مش هينفع ارجع ليها .
ريم : طيب نرجع بقي لصاحبتي أنصحها تعمل ايه بقي .
زين : والله ..اممممممم مش عارف .
ريم : والله لا والله كتر خيرك شكرا علي الافاده .
زين : هههههههههه اصل بصراحه خايف اقولك حاجه صاحبتك تعملها غلط .
ريم : لا متخفش هي هتعمل كل حاجه صح عشان اللي بتحبه .
زين : مدام بتحبه اووي كده يبقي تحاول توقعه في حبها .
*************
قدينا وقت جميل اووي مع بعض انا اصلا أي وقت معاه يبقي جميل .
خدنا بعضنا ورجعنا وروحنا وانا قاعده في البيت كنت بفكر اعمل ايه واتصرف ازاي .......
لحد ما وصلت لقرار مهم جدا