رواية جوسكا (الجزء الثاني)
الفصل الرابع عشر 14
بقلم نجلاء فتحي عاشقة الكلمات
[أتى المساء ]
فتح إبراهيم الباب لفاطمة وجدها على الأرض وشعرها مشعت وهزيلة تنفس بضيق وترجل لها وجلس بجوارها على الأرض وقال حقك عليا حبستك علشان غضبى دماااار حميتك من نفسى. ،،والله العظيم حبيتك أكثر من مراتى الأولى الكلام مقلتوش لحد أم محمد حياتى معها كانت جحيم بسبب مش راضية على عيشتها وكرهتني فى صنف الحريم ولما شوفتك غيرتى نظرتى محبتش أمشى معاكى فى الحرام وخليت علاقتنا فى النور أتجوزتك ومعرفش عنك غير أسمك وأنك مطلقة وبس ومش هممنى أنتى أي إللى وجعنى لما نطقتى أسم رعد للدرجادى بتحبية خلاص هطلقك
فاطمة روحى وأنتى طا٠٠،،،وضعت فاطمة إيدها على فمة وهنا الصمت سار للحظات بينهم ،،شالت إيدها بكسوف وقالت بلاش تطلقنى أنا مش عايزة أسيب بيتك مش عايزة أبعد عن محمد
إبراهيم لم ينكر سعادة من كلامها لكنة تمهل وقال مين رعد عايز أعرف كل حاجة عنك
فاطمة / رعد دة لا لا
إبراهيم / حاوط وجهها بحنان بين كف إيدة وقال لازم أعرف لو بتحبية وعد أطلقك وتروحي لية المهم عندى سعادتك وأفضل أخوكى احاول أخلى نفسى كدة
فاطمة بتوتر / أبتعدت عنة وقالت رعد دة شخص من خيالى مش موجود أرتحت معاة صاحبى هو إللى مخلى فاطمة عايشة
إبراهيم بتركيز / من أمتى وهو معاكى ولية وصلتى نفسك كدة
فاطمة بشهقات/ كنت ذى أى بنت نفسى ألبس وأكل وأعيش نفسى وابويا قال لا خالتى إللى أبنها عمرو ومتجوز أختى. دايما بيهنى وشايفينى مجنونة خالتى دى بحبها علشان كانت بتديني فلوس ولابس بس بعد جوازة أختى وهى بتخاف منى ومش هى لوحدها حتى بنتها إللى كانت فى يوم أختى وسرنا مع بعض
إبراهيم / لية أنتى مش وحشة
فاطمة/ واحدة مش متجوزة عنيا وحشة هما بيفكروا كدة ،،،
إبراهيم / أحكيلى ظروف جوازك ممكن.
فاطمة/ برعشة خوف جوز سندس بنت خالتى الراجل إللى أتخانقت معاة فى المكتبة جوزنى صاحبة راجل أكبر من أبويا ومن غير فرح ولا لابست فستان يدوب كتب كتاب وروحت معاة بيتة وأنا بهدومى العباية السودة والنقاب ضربنى من أول يوم وكان وكان بيعمل معايا حجات غضب عارفت بعديها ربنا نهى عنها أكيد فهمت أقصد أى. وسبت الكلية وأنا فى أخر سنة ولما طلبت الطلاق رمانى بهدومى إلى. دخلت بيها بيتة جلبيتى إللى عليا فى نصف الليل وبقيت منبوذة و مطلقة بعديها أتقدم ليا عرسان وأنا أرفض كل الرجالة فى نظرى ذى عمرو وذى أبويا وذى مصطفى محدش نصفنى ،،ملقتش غير رعد حضنة أحتوانى إيدة بتمسح دموعى عمرة م زعلني سر سعادتي ،،أبويا لما مات أشتغلت كذا شغلة وسابتها الجميع طماع فى الحرام طبعا واحدة مطلقة والطريق سهل. حضرتك أول واحد أشتغل معاة وأحس مش طمعان فيا دخلت بيتك وخرجت بأمان حتى وأنا مراتك مش قربت منى تعرف لما دفعت عنى أدام أشرف مش عارفة أوصف أحساسى أي. أنا فعلا بتكسف أى حاجة حصلت بينى وبين مصطفى طليقى، ،غصب مش برضايا قرفت من الحاجة دى أنت أنسان محترم علشان كدة تستاهل واحدة مش مجنونة ذى بكلم نفسى وراضية
أبراهيم تذكر أوقات ضعفها تشوفة رعد وتكلمة. بكى قلبة كيف لواحدة تتعرض لهذا ،،وصامدة كتر خير الدنيا أنها تكلم نفسها
فقال/ أختك مش معاكى
فاطمة/ أختى دى ماشية على هوا جوزها صدقنى بدافع عنها ممكن سبب كرة جوزها ليا لانى مكنتش موافقة على جوازهم. هو وعدها هيشترى شقة بعد سنة جواز لحد الأن مش عمل حاجة وقاعدين عند أمة بسبب أنهيارى لما جيت أختى طلبت شقتى وأنا أشوف أى مكان تانى حتى لو أروح أقعد مع خالتى
أبراهيم/ هى دى شقة أبوكم
فاطمة بنفى/ لا شقتنا كانت إيجار، ،أنما الشقة دى واخدة قرض من البنك وأشترتها ومحدش ساعدنى ربنا قدرنى وسديت القرض قبل ميعادة لولا كدة كنت أتسجنت أصلا محدش يعرف أنى كاتبة الشقة بأسم عبدالله أخويا فى السر يعنى الشقة ملك لعبدالله
إبراهيم/ لية عملتى كدة ممكن يرميكى
فاطمة/ مستحيل دة أبن عمرى تربية أيدى قبل ميكون أخويا أصلا شايلة موضوع الزواج من راسى
إبراهيم/ تعرفى أنك أكبر منى بسنتين
فاطمة بصدمة/ معقول
إبراهيم/ شفت بطاقتك ومش فارق معايا
فاطمة/ وأي إللى جبرك عليا
إبراهيم/ قلبى
فاطمة/ هتتعب معايا
إبراهيم/ محدش مرتاح ،،وأنتى كمان هتتعبى أهل مراتى مش هيسكتوا على جوازنا حطى إيدك فى إيدى ونعيش حياتنا ومستعد أستحمل رعد لحد ما تكرهية وتخرجية من حياتك خالص
فاطمة/ حياتنا مش هتكون طبيعية مصطفى قرفتى فى ال٠٠ ثم سكتت من خجلها
أبراهيم/ وأنا مش أقرب منك لحد ما أنتى ترجعى ثقتك فيا وقبليها فى نفسك بس بلاش تلبسى نقابك أدامى وشك حلو
مسحت دموعها وقالت حلو أى دة باهت ومش مهتمية بية ذى البنات عمرى م روحت كوافير ولا قربت منة
أبراهيم/ ولسة جميلة ،،معايا لو عايزة تعيشى فترة خطوبة وأحنا تحت سقف واحدة موافق عايزة فرح وفستان. موافق عايزة تعيشى مرحلة الطفولة موافق
فاطمة/ أمسكت إيدة ،،،أوعا تسبنى حاسة بيتك أمان وأبنك حتة منى
إبراهيم/ وعد ،،،،يلا بعد إللى عارفتة موافقة على جوازنا أهم شئ القبول بينا
فاطمة/ موافقة بس بلاش تقرب منى غير لما أكون جاهزة للمقابلة
إبراهيم/ تحت أمر بطتى ثم قال بمشاكسة،،أى رأيك نخرج شوية
فاطمة/ لا مش عايزة. محمد مش أكل لازم أوضب لية أكلة حلوة
إبراهيم/ أمممم يا بختك يا محمد لاقيت حد بيحبك ومهتم بيك
ضحكت هى رغم حزنها وجريت للخارج للمطبخ، ،،أما هو تنهد وقال وعد منى أحميكى لأخر عمرى وعد منى لتكوني أم عيالى يا بطتى
بقلم نجلاءفتحى عاشقةالكلمات
_____
مر أسبوع أخر والحال بدأ بين فاطمة وإبراهيم أفضل من الأول. وصحتها بدأت تكون بخير
أتصل عليها وقال تجهز وبعد وقت أخدها وأخذ عربية من صاحبه كالعادة حتى لا يتعبها الشمس وتوقف أمام كوافير لا بأس بية وقال عمرى ما معملتى وشك أنا بقا أحققلك أول حلم. أنزلى ثم نزل وشدها لأنها كانت مصدومة ودخل بيها للمكان وقال للبنت العاملة فية. المدام بتاعتى أعملى إللى نفسها فية وأغلى حاجة عندك ميهمكيش الفلوس ثم نظر لفاطمة وقال أنا أستناكى فى العربية برا وتركها وهى مصدومة وبعد وقت دخل ليها لم يرى وجهها ولا حتى طلب أن يشوفها ثم ركب عربيتة تانى وهنا توقف أمام مول كبير ونزل وأخذها فى إيدة وتجاهل أعتراضها كالعادة وقالت بصوت منخفض ،،أنا منقبة ودة قسم الكجوال مش ينفع، ،تجاهل كلامها وقال لفتاة تبيع يريد طقم واسع فضفاض للمحجبات لا يريد شئ أسود حتى لو دبوس ممنوع وياريت جيب مش بنطلون وعايز طرحة طويلة تنفع لفة طويلة مش قصيرة فردت الفتاة وقالت،،موجود حاولت تعترض فاطمة نظر لها فسكتت ،،كعورت إيدها بجوارها تريد التحدث لم تقدر فنظرتة تخرسها لذلك تلعن نفسها أمامة
ثم جلس وأنتظرها وبعد وقت رفع رأسة ليها حين ندهت علية وجدها أمامة ترتدى جيب جينز رصاصى اللون وعلية بلوزة بيضاء مشجرة بألوان زاهية ،،وعلية طرحة رصاصى فاتح طويلة تشبة الخمار من الأمام ومن الخلف رسمة ٧ على ظهرها. ومع وشها الذى عملتة فى الكوافير ولا تضع مكياج أبتسم برضا على شكلها ثم لف. للفتاة وقال ناقص شنطة و جزمة وبالفعل جلبت لة طلبة وهنا أحرج فونه. وحاوط كتفها واتصور سيلفى وقال. شوفى شكلك قمر أزاى
فاطمة/ متهزرش لا يمكن أقلع النقاب ،،لابساه من أول جامعة و٠٠٠
إبراهيم/مش عايز كلام كتير،،قلعتي النقاب و لابستى ملابس تناسبك وكلها محترمة ومحتشمة
فاطمة/ الزوج أوقات بيخلى زوجتة تتنقب وانت عايزنى أقلعة
إبراهيم/أخيرا أعترفتى أنى جوزك ،،،،ولما وجدها متوترة، ،غير الموضوع وقال أنا حر فى مراتى وبعد جدال كسب إبراهيم فى الحوار وأشترى ليها ملابس خروج كلها مفهاش لون أسود ورجع البيت وطول الطريق يضحك على فاطمة لأنها تدارى وشها بالطرحة وهى متعصبة.
بقلم نجلاءفتحى عاشقةالكلمات
[فى شقة فاطمة ]
عبدالله هيتجن أختة أختفت فين وحين رجع من كليتة سمع صوت داخل الشقة وأخرج المفتاح بلهفة على أعتقاد أختة فاطمة أتت، وأنصدم أن المفتاح لا يفتح حاول فشل رن الجرس وهنا فتح لة عمرو وقال لة خير
عبدالله/
لقراءة باقي الفصول الجزء الثاني من هنا
لقراءة الجزء الاول جميع الفصول كاملة من هنا