رواية المجنونه والعنيد
الفصل الاول 1
بقلم اش
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️❤️❤️
ما تيجوا بقى نتعرف على بطلتنا المجنونه
حلا بنت بتعشق المغامرات مجنونه جدا بتحب تمارس الالعاب العنـ ـيفه بتحب تجرب كل حاجه بتشوق وجنون جميله جدا شعرها اصفر وطويل وطولها مناسب وعيونها عسلي بت جامده من الاخر
عامر خطيب حلا متربيه معاه من صغرها من بعد ما اهلها ما تــوفـ ـوا وهنعرفوا سبب الـوفـ ـاه مع بعض في الروايه شاب رجوله وسيم جدا عايش هو وامه وحلا........ واي حد هيظهر معانا في الروايه هنتعرف عليه على طول يلا بينا نبدا روايتنا
عامر: يخرب عقلك ايه يا بت اللي انتي بتعمليه ده
حلا: بعمل ايه يعني عادي
عامر: بتعملي ايه... ماشي على سور السطح بالعجله وعادي حرام عليك اللي انتي بتعمليه ده
حلا: انت عارف يا عامر ان انا بحب المغامره والجنون
عامر: انزلي بس كده الاول يا حلا
حلا: نزلت اهو يا عامر ها بقى ايه اللي مضايقك كده
عامر: مضايقني كل حاجه انتي بتعمليها انتي اتخضيت الجنون بجد دي حركات حد يعملها
ومشى وهو متعصب نزلت قدام البيت على البحيره قعدت قصاده وافتكرت ورجعت بالذاكره لورا من 10 سنين لما ماما وبابا اتـ ـوفـ ـوا في حـ ـادثـ ـه عـ ـربيـ ـات وسابوني لوحدي وما كانش ليا اي حد وما كانش ليا اي هدف سابوني لوحدي بواجه العالم بنت عندها 10 سنين بس مختلفه شويه عن اي بنت. ام عامر هي اللي اهتمت بيا كنا جيران كانت هي اللي بتيجي وصحيني وتوديني المدرسه انا اللي ما كنتش عاوزه اسيب بيتنا وهي احترمت ده وعمرها ما سابتني وانا دلوقتي عندي 21 سنه بابا كان مامن مستقبلي بوديعه اخذها لما اوفي سن بس انا عمري ما كان بيبسطني الفلوس او المظاهر انا حاسه ان انا مختلفه بحب الخطر مش عارفه ازاي مش بحب الروتين اليومي او الملل وعامر بيتضايق من كده طب اعمل ايه.. عامر جه وقعد جنبي
عامر :انا خايف عليكي يا حلا
حلا: من ايه يا عامر
عامر: من نفسك
حلا :هههههه نفسي دي هي اللي خلتني اعيش لحد دلوقتي
عامر: يا بنتي البنات اللي في سنك بتحب الميكاب واللبس مش انتي بتلعبي مصارعه لا وبتمشي على سور السطح في بنت بتعمل كده
حلا: لا الميكاب واللبس ده انا ما ليش فيه وبعدين انا عاجبني نفسي يا عم ما تخافش
عامر: جنانك ده هيمو9تك
حلا :عمر الشقي بقى ههههه
عامر: مهما اتكلمت معاكي ما فيش فايده اللي في دماغك في دماغك
حلا: سيبك انت بس شايف الميه حلوه ازاي
عامر: احنا في ديسمبر يا ماما والدنيا تلج
حلا: هههه هههه
عامر: لا ما تقوليش انك هتنزلي البحر....... وفعلا حلا نزلت البحر
حلا: الميه جميله انزل وتعالى
عامر: والله مجنونه
حلا: اتجنن هو في احلى من الجنان.......... وشديته في البحر
عامر: انتي هتشليني
حلا: مش عاجبك طلقني
عامر: مش لما اتجوزك الاول وبعد عمرا طويل
عامر ابن الجيران انا بحبه من واحنا اطفال وهو كل حاجه ليا واكثر حد انا برتاح ليه.............. الباب كان بيخبط ولقيته عامر وهو بيقول لي
عامر: افتحي يا حلا.......... وكان متعصب جامد فتحت..... انتي سبتي الشغل يا حلا
حلا: ايوه
عامر: ليه حلا ده عاشر وظيفه
حلا: ممله وما فيهاش اثاره وانا مش بحب الملل يا عامر
عامر: اثاره اثاره اثاره انتي مجنونه انتي مش طبيعيه يا حلا
حلا :انت بتزعق ليه يا عامر وبعدين ايه اللي خلاني مش طبيعيه عشان عاوزه اعيش سعيده
عامر: انا زهقت دي مش تصرفات بنت
حلا: بنت بنت بنت يعني امو9ت نفسي عشان بنت ايه يعني لما اعيش حياتي بالطريقه اللي بتعجبني
عامر: على كده بقى لو اتجوزنا ممكن تسيبيني لو ضايقتك شويه وحسيتي ان انا ممل انتي انسانه عمرك ما هتتحملي مسؤوليه احنا لو اتجوزنا انا ما امنش مع اولادي معاكي
حلا:انت شايفني كده
عامر :ايوه يا حلا كانك طفله وعمرك ما هتتحملي مسؤوليه
حلا: انا ما كنتش اعرف اللي انا في نظرك كده ومضايقاك للدرجه دي ولو الدبله اللي في ايدي هي اللي مكتفاك اعتبر كل حاجه خلصت ما بينا
عامر: كل حاجه خلصت
حلا: سلام يا عامر....... دخلت وقفلت الباب وانا عيني مدمعه وافتكرت عامر وهو بيقولي...... فلاش باك
عامر :انا بحبك يا حلا........ وكنت ساعتها فرحانه اوي
حلا: بجد يا عامر
عامر: بحبك.. بحبك ومش شايف غيرك ينفع بقى تشاركيني حياتي وتقبي حبيبتي وام ولادي
حلا: وانا بحبك من زمان اوي يا عامر بس هتفضل معايا
عامر: عمري ما هتخلى عنك
حلا: هتستحمل جناني
عامر: هحاول
________________باك_______________
حلا :انت ما حفظتش على الحب ده يا عامر انا صحيح قويه بس مش هستحمل بعدك عني.......... دخلت اوضتي ولميت هدومي في شنطتي..... انا هبعد انا بحبه اه بس هو شايف اللي انا منفعلهوش اني مجنونه وانا شايفه اني عايره سعيدة نزلت وقفلت الشقه هروح فين مش عارفه ركبت العربيه بتاعتي وقررت ان اروح اسكندريه
عند عامر فكان راح يخبط على باب شقه حلا
عامر :افتحي يا حلا ارجوكي طيب انا اسف...... وفضل يخبط لحد ما ملقاش في امل ومشى وهو زعلان
حلا كانت سايقه العربيه وكانت مبسوطه اوي وكانت بتقول لنفسها......
حلا: يا ترى انا هروح فين ولا انا ماشيه فين انا ما اعرفش الطريق ده انا هفضل ماشيه كده ببركه ربنا..... وفجاه مره واحده خبطت واحد بالعربيه نزلت من العربيه وقالت....... ايه ده انا هببت ايه
لقت واحد قاعد وماسك ركبته مسكته من لياته
حلا: انت ياض يا ابن***** ما لقيتش غير عربيتي وتنتحر قصادها ايه النصائب السوداء دي....... لقيته مره واحده عينيه احمرت كده نزلت ايدي بكل هدوء واحترام...... انا في الوش ما عنديش معلش...........مره واحده قام وقف طول بعرض بارتفاع........ ايه يا هندسه مش تخلي املك في ربنا كبير هتمو9ت كافر يا جدع...... وسابني ومشى من غير ولا كلام وانا جريت وراه
حلا :يا هندسه يا هندسه طب احنا هنا فين ممكن تقولي.... بردك ما كانش بيرد عليا....... انت اخرس انت لو اخرس يبقى اكيد اطرش يبقى اياكش تولع يا تور.... وقف مره واحده وبصلي
_انتي قلتي ايه
حلا: مين اللي قفلوا النور الدنيا عتمه جدا..... مشي تاني وهو متعصب..... يعني هتتعب في حاجه لو قلتلي احنا فين دي اخلاق ولاد البلد يا طحش انت
*لف وشه ليا تاني والمره دي كان هيضربني مسكني من لياتي وهو بيقولي
_هو انتي مش هتسيبيني في حالي بقى وكمان بالطويل لسانك عليا اعمل فيكي ايه
حلا: اهدى بس يا عسل ما انت بردك اللي غلطان
_انا غلطان
حلا: ايوه غلطان وبعدين انت ازاي تقف تتكلم مع واحده تافهه زي ممكن تسيبني........ وفعلا سابني ومشى ورحت افتح العربيه..... اوبا انا قفلت على المفتاح يا شتات الشتات يا با رشدي. قمت جاريه وراه تاني وفضلت امشي وراه من غير اي صوت بس ده ما كانش بيمشي ده كان بيجري...... وبعد كده لف ليا
_مش هنخلص النهارده بقى
حلا: اصل عربيه اتقفلت والمفتاح كان جوه وكمان شنطتي وكل حاجتي جوه وانت السبب المفروض تساعدني مش ده اخلاق ولاد البلد ولا ايه
_انتي غبيه يا بت انتي في بنت محترمه تمشي في الوقت متاخر ده لوحدها
حلا: الظروف بقى ممكن تساعدني بقى
_اوف يلا بقى عشان اخلص منك
حلا :وحد الله
_لا اله الا الله
حلا: صلي على النبي
-اللهم صل وبارك عليه
حلا :امك
_نعم
حلا :لا اوعى تفهمني غلط انا كنت هقولك امك ثم امك ثم امك
_يا رب صبرني
حلا: ليه هو انا ابتلاء......... فتحلي العربيه في دقيقه..........ايه ده هو انت حرامي عربيات ولا ايه
_ما اشوفش وشك تاني
حلا: يعني انا اللي عايزه اشوف وشك....... ومشى وهو متعصب..... انا هسميك الاستاذ قموصه والله دمك عسل يا بنت يا حلا يا بنت ام حلا
وكملت سواقه لحد ما وصلت اسكندريه... ولا الحوجه ليكي يا استاذ قموصه نزلت من العربيه ونزلت شنطي ودخلت فندق عشان ابات فيه الكام ساعه اللي فاضلين على النهار ما يطلع وكنت هلكانه وعلى اخري وحجزت اوضه اليومين على ما ادور على بيت جنب البحر بقى واخذت مفتاح الاوضه وطلعت نمت على طول عشان كنت هلكانه وتعبانه....
تعالوا نروح بقى عند عامر قدام بيت حلا كان عامر بيخبط على الباب
عامر: يا حلا ارجوكي افتحي بقى
البواب طالعه على صوت عامر وهو بيخبط على الباب :انا شفتها ماسكه شنطه كبيره وكانت ماشيه بيها امبارح
عامر: ايه وما رجعتش
البواب: لا........ وبعد كده سابه ونازل
عامر سند ظهره على الباب وقعد:..... انا اللي غبي انا اللي عصبيتي ضيعتها من ايدي حلا ارجوكي ارجعيلي انا ما اقدرش اعيش من غيرك
عند حلا صحت من النوم العصر ايه ده انا نمت كتير اخذت شاور ونزلت عشان اتغدى ومنها ادور على البيت دخلت مطعم واتغديت فيه وبعد كده مشيت اسال على بيت لحد اخيرا وبعد عذاب دلوني على بيت للايجار جنب البحر على طول رحت البيت وسالت البواب
حلا: صاحبه مين
البواب: استاذ اسر فوق
حلا: طب ممكن تكلمه ينزلي.......... البواب رن عليه
البواب: الو يا استاذ اسر في مستاجر عايز يشوف حضرتك
اسر :طب خليه يطلع
البواب: اصلها بنت
اسر: تمام تمام نازل اهو
كنت واقفه اتفرج على البحر وجماله على مصاحب البيت ينزل
اسر: اهلا بحضرتك كنت عاوزه تاجري الشقه......... ولسه بلف وشي اسر قال..... انتي
حلا :استاذ قموصه دي حلوت اوي