رواية احتواء القاسي الفصل السادس والعشرون26بقلم سوسو تويكس
دخلتا ليها في الغرفه لقيتها لسه زعلانه وانفها محمر من البكا حتى وقت دخلت رفضت تعاين لي من غير ما احس لقيت روحي حضنتها نظرة الزعل الفي عيونها دي بالزات نقطة ضعفي، ما وعيت الا على صوتها وهي بتقول بخجل:مممعتصم _حاولتا اغير الموضوع وانا بقول :اولا انا ما اسف وما جيت اعتذر ليك لاني ما غلطان_رفعت لي حاجبنها وانا الحركه دي بتجيب قراري_معتصم:وما ترفعي لي حاجبك لانو الحركه دي بتكسرني وما مسؤول اذا اتهورتا_لينه:راحتك تافهة على فكره_معتصم:شكرا ده بعتبرو اطرا، وهسي خلينا من النكد ده نسافر وين_لينه:نسافر؟ _معتصم:ايي ترفيه وكده بدل الhoneymoon_لينه: أمريكا _اتذكرتا انو بكري هناك، طوالي رفضتا_لينه: عليك الله يا معتصم عشان عايزه امشي قبر امي هناك واشوف عمي جمال بالمره_عيونها رغرغو عايزه تبكي، معتصم:خلاص بنمشي البت البكايه دي_قعدت تضحك _اتصلت لي صحبي الفي يوغندا عشان يقطع لينا تذاكر من هناك لأمريكا، وهنا عندنا قريبنا في المطار شفتا اقرى رحله لي يوغندا بتين كان بعد بكره، رجعت عشان اكلمها لقيتها حاضنه ليها قميص اسود، وقت شافتني اتخلعت ودست القميص، سالتها:ده شنو_ردت لي بتوتر:لالا ماف شي _عرفتها كذابه _بقيت أقرب عشان اوترها، ملامحها وهي متوتره و خايفه ما بتتوصف_شويه كده وح تبكي وقت بقيت قريب همستا ليها:قميصي لو عجبك في غيرو كتار بديك ليهم_لزتني وهي بتمتم:ق ققميص شنو لالا ده ما.. _معتصم:خلاص ما تتراجفي،جيت عشان اوريك انو ح نسافر يوغندا بعد بكره ومن هناك بنلقا التذاكر جاهزه عشان نمشي أمريكا _ما ردت لسه ماسكه القميص بتعاين تحت،؛معتصم:عايزك تتعايشي بدون حواجز نحنا لا ح نقعد مع بعض شهر ولا شهرين نحنا ح نقعد اكتر من سنه ونص، فزي ما انا بتعامل بدون حواجز يا ريت انتي زاتك نفسي الشي_لينه:خلاص تمم_قلتا ليها وانا طالع من الغرفه:في قمصان غير الأسود ده لو عايزاهم🙂_جدعتني بالمسند، طلعتا وانا بفكر معقوله الفي بالي، طيب تفسير انو قميصي الأسود العندها ده شنو، فكره الموضوع ساي بتخليني ابتسم وانا بتذكر ملامحها وهي متوتره....
يتبع