رواية احتواء القاسي الفصل الحادي والثلاثون31بقلم سوسو تويكس
رجعنا السودان ومن ح ننزل في بيتو القديم الكان عايش فيهو مع امنيه، قالي وهو برفع الشنط في التاكسي:ناس امي ح يستقبلونا هناك في بيتنا_طبعا عجبتني كلمة بيتنا دي بقيت اتبسم براي لمن تحتار فيني قالي:شكلو عجبتك كلمة بيتنا دي_لينه:شديد_ضحك وقال:عبال الزول القالها_ما اداني فرصة افهم قصد شنو _المهم وصلنا البيت واول ما دخلنا لقانا الحوش الكان كلو نجيله وفي الزوايا زارع ودور، وفي نص النجيلة طريق يودي للصاله _صراحه البيت كان راقي وبسيط، حتى بتلقوهو بالوان بارده وهادئه وده بيعكس شخصيتو البارده تماماََ_دخلنا لقيناهم في الصاله قاعدين عمو سليمان خالتو ساميه وملاذ وكان معاهم راجل كده ومرة وبت شابة، اظنها بتهم،دقيقه! البت دي بتشبه صورة امنيه معقوله دي اماني اختها الصغيره القالها معتصم، رحبو بينا واستقبلونا، وملاذ والبت ديك مشو يجيبو الضيافة _عرفوني عليهم وفعلاََ كلامي طلع صاح خالتي سيده دي ام امنيه وأماني اخت امنيه الصغيره، والراجل داك ابوهم_لكن شكلو خالتو سيده ما حبتني من خلال سلامها ونظراتها والأكد لي وقت قالت:زمان حرمتا العرس عديل يا ولدي، وحسي اهدا عرستا من بعد امنيه بتي _وعاينت لي نظره كده، طبعا الجو كلو بقا مشحون، قلتا اغير الموضوع سالتهم:ماجد وين ما ظاهر معاكم_ساميه:ماجد ده في الجامعه عشان خريج ضاغطنهم شديد_اماني:لكن احسن ليهو يتفكفك ما زيينا لسه في تالت _لينه:في تالت بتقري شنو_طوالي خالتي سيده قالت:بتي عااد ماشاءالله صيدلة زي اختها امنيه، وما بليق بيها الا المهندس _المهندس ده طبعا قاصده بيهو معتصم،وهو خشمو ما فتحو الشي العرفتو انو هي في مقام امو لانو من زمان اتربو وسط بعض،طبعا اماني انحرجت وده ظاهر من ملامح وشها غيرت الموضوع وهي بتسالني:انتي برضو في تالت لغات صاح؟ _لينه:ايي_اتونسنا شويه ومعتصم والراجل داك وعمو سليمان مشو مكان الرجال_فضلنا نحنا بس، خالتو ساميه قالت:امونه وملاذ انتو تمشو رتبو الملابس في الدولاب _مشو وخلونا نحنا ال٣ خالتو سيده ديك يالنظرات، طوالي قمتا مشيت لي ناس ملاذ في الغرفه، لقيتهم فعلا برتبو في الملابس ما خلوني اساعدهم، وتعامل اماني معاي كان حلو شديد ما زي امنيه ومن خلال ونستنا عرفتا انها مرتبطه والريحني زياده انها كانت بتحاول توصل لي انو معتصم اخوها
#إحتواء_القاسي🖤
#Saggo✨
{#تكملة}
♡♡♡♡♡♡♡♡♡♡♡♡♡♡♡ توصل لي انو معتصم اخوها ومستحيل تفكر فيه بطريقه تانيه زي الموضوع الكان بتلمح ليهو امها، المهم دخلت قلبي وحبيتها شديد وقت قامو ماشين اتبادلنا الأرقام، بعد ما مشو معتصم جا داخل الغرفه وما جاب سيره عن كلام خالتو سيده وانا ما فتحتا الموضوع_لينه:دي ياها اماني القلتا صاح _معتصم:ايي ظريفه ووناسه مش_لينه:شديد حبيتها ودخلت قلبي_ضحك وجا رقد في السرير عايز ينوم، مشيت استحميت وجيت انا زاتي انجدعتا نمتا_بليل قاعده بملل ما قدرتا انوم لانو النهار حت قضيتو نوم، مشيت لي معتصم الكان شعال بتلفونو:رايك شنو نلعب كوره شايفه عندك بلستيشن _معتصم:بتعرفي؟ انا ما برحم لكن وريتك من حسي_لينه:نشوف في اللعب الكلام هييين _طلعنا عشان نلعب وقبلي ما نبدأ ختينا الشروط، لينه:لو خسرتا ح تغسل لي العده الشهر الجاي كامل_ابتسم لي وقال:وانتي لو خسرتي اولاََ ح تحفظي معاي سوره البقره، وثانياََ وقت اكون ماشي الشغل تجي تودعيني بي:مع السلامه حبيبي، ولو عملتي معاها بعض الإضافات تكوني ما قصرتي_فنيتو بالمسند وقلتا:اصبر لي يا تافه، استعد لي غسيل العده بس_بدينااللعبه وكانت مسخنه هو لعاب وانا زاتي ما هيينا الاتنين تعادل وخلاص ده اخر هدف لو دخلتو ح افوز عليهو، عايزه ادخل الهدف كده وانا فرحانه بكلو اني ح افوز جسمي هبط ويد البلاستيشن وقعت مني وقت حسيتو بانفاسو في وجهي وطبعها على خدي، ركبي ساحو عديل من حركت دي وهو طوالي دخل فيني الهدف وفاز، بقى يعاين لي ويضحك وانا لسه متصنمه من حركتو_وقت استوعبت انو عمل كده عشان يبوظ اعصابي ويفوز_قمتا بضرب فيهو وانا بقول :قلنا نلعب بنزاهة، عشان عرفتني ح افوز عليك صاح_ضحك زياده وهو بقول:في زول قال ليك العبي بنزاهة، وبعدين براك الوقفت اللعب وضيعتي فرصة الفوز من حاجه بسيطه انا ذنبي سنو_زعلتا ما فاضل لي الا ابكي قلتا :تافه منحرف تاني ما بلعب معاك_كان بضحك شويه شويه هدا وبقا مركز معاي حسيتو بدا يقرب، بحركة سريعه قمتا من الكنبه و اتجهت على الغرفه وانا بقول:نعستا عايزه انوم _ما ناقشني ودخل وراي لقاني راقده في طرف السرير، ما سالني وهو زاتو رقد في الطرف واي زول مدى ضهرو للتاني...
يتبع