رواية مجنونتي الفصل الخامس عشر15 والسادس عشر16بقلم نورهان محمد
نور وهى تأكل: قول قول هو حد يعرفك غيرى
ادهم وهو يجلس: بصى فى عينى
نور وهى تعتدل فى جلستها: اممممم
أدهم: انتى بتحبى أحمد
نور وهى تنظر فى عينه وتغرق بها: كنت أول حب ليا يا أدهم ليه عملت كده ليه خليتنى قريبه منك وبعد كده اكتشف انك انت السبب فى بعدى عن أهلى تعبتنى فى بعدك وتعبتنى فى قربك برضو ليه اعتديت عليا ليه خطبت بعدى ليه وجعتنى فى قربك وفى بعدك
أدهم وهو يقترب منها ويمسك يدها وينظر فى عينها: انا فضلت سنين مراقبك يانور وانتى ولاحاسه بيا نور انا خوفت تكونى لحد تانى وتكونى لغيرى مكنتش هستحمل والله انا عاوزك تسامحينى وتدينى فرصه واحده بس واوعدك مش هتندمى
نور وهى تبكى: بس انا تعبت تعبتنى اوى يا أدهم انا صحيح بحبك بس بحبه اكتر
ادهم وهو يضغط على يدها وينظر لها بغضب: قصدك مين
نور بضحك: ياعم بهزر معاك كنت هموت واضحك على شكلك ده شكلك مسخره اوى وشك كله زبادى ونشا وعينك بس ال باينه شكلك فظيع بس خوفت تقول انى تافهه
أدهم: انتى تافهه لا طبعا ودى تيجى
كانت نور تنظر لادهم وتضحك وادهم ينظر لها ويتأملها وهو يبتسم فهذه المجنونه جعلت لحياته حياه فكانت حياته جاده جدا ولا يوجد بها اى مجال للضحك ابتسم أدهم على اختياره لمعشوقته المجنونه وشكر ربه عليها
أدهم: انا اصلا متجوز هبله مالها السنجله ما كنت قمر بعاكس وبتعاكس
اضيقت نور عينها: بتعاكس مين يا وجه المعزه انت وبعدين مين الهبله ال تبصلك دى
ادهم: لا مش هقولك
بقولك اى انا عاوز اشيل ال على وشى ده
نور: روح اغسله ده انا مجهزه كتير
أدهم وهو يغمز لها: لا ده انا هغسله وهنحتفل بس اهدى
نظرت نور له بشك: قصدك اى
أدهم وهو يمشي: هتعرفى دلوقتي
نور وهى تمسك ملابسها: عاوز يتحشحر بيا ده ولا اى
جلست تفكر نور عن ماذا سيفعل بها ادهم
وبعد قليل جاء أدهم وهو يمسك فستان قصير بلون ازرق
نور: فستان مين ده 😑بتخونى
أدهم: ياشيخه اتوكسى هو حد يتجوز ولا يبص لوحده غيرك
هو فى سره: اليشوفك يكره الصنف اصلا
نور: سمعتك على فكره
أدهم: طب يلا البسى ده وجوه فى كل حاجه هتحتاجيها وفكى الضفيره ال مخلياكى من رابعه اول دى
نور: هات ياخويا
ذهبت نور ترتدى الفستان
نور وهى ترتدى الفستان: يالهوي اى ده فين الكم فين الوش احيه اى الصياعه دى والله الراجل ده مشكوك فى امره
ارتدت نور الفستان بعدما وضعت القليل من الميك اب
نور: امممم شعرى بقا اعمله اى
اخرجت نور الاستشوار والمكواه
نور وهى تكوى شعرها: اعععع انا اى ال خلانى اتجوز ما كنت قاعده فى البيت والدنيا فل اى القرف ده
انتهت نور من كل شئ ثم خرجت رأت أدهم يرتدى بدله بدون الجاكيت وكان جميل جدا
خرجت نور وادهم كان يقف وينظر بذهول
ادهم: مين حضرتك
نور: يعني اى يعنى قصدك اى يعنى مش فاهمه قصدك انى وحشه
أدهم: لا بس علطول متعود على اللبس الطويل والطرحه وكده
نور بغرور: ده اصلا اقل ما عندي
أدهم وهو يركع لها ويعطيها خاتم
نور: الله شكله حلو اوى دهب ابيض ده يا أدهم ولا فضه
ادهم: يعني مرات أدهم الشافعي تلبس دهب أبيض وهو شغال لى المخابرات وكمان عنده شركه
نور: مه اكيد مش ال فى بالى
أدهم ببسمه: لا هو
البس أدهم نور الخاتم وبعدها بدوا بالرقص على اغاني هادئه
أدهم: انا عاوز اقولك ان انتى الملح ال فى حياتى
نور: وش قصدك هااا وش قصدك بذا الكلام
أدهم: قصدك يعني ان مثلا ينفع تاكلى فراخ من غير اما يكون عليها ملح الاكل يانور والله ما كان ليه طعم من غيرك
نور: معلش الفرخه كانت نفسيتها وحشه علشان كده مكنتش طعمها حلو
أدهم: نور اسكتى والله سكاتك نعمه
نور بضحك: بزمتك كلامك صح
أدهم بضحك: صراحه لا
بقولك اى مش انا كنت واعدك ب سفريه ل باريس
نور ببسمه واسعه: اه
أدهم: اجهزى بقا عندنا طياره كمان
ركضت نور لغرفتها دون ان تسمع بقيه الكلام
نور بصوت عالى: ادههههم فين الشنط
ذهب لها ادهم: ياحبيبتى الشنط جاهزه انا مجهز كل حاجه وبعدين ده لسه كمان يومين
نور ببسمه واسعه: بحبك
ضحك ادهم وقام بحضن نور
أدهم: ربنا يخليكي ليا ياحبيبتي
نور: ومتحرمش منك يا حبيبى
خرج أدهم ونور يجلسون امام التلفاز يضحكون وبعدها ذهب أدهم ونور للنوم
فى الصباح
استيقظ ادهم ونور على صوت عالى فى الأسفل
نزلت نور وهى تركض للاسفل لترى ماذا يحدث وادهم اخذ المسدس وهبط للاسفل
أدهم ببسمه خبيثه: جيت لقضاك يا دكتور
نزل ادهم للاسفل وجد احمد يقترب من نور: نور انتى كويسه مين جابك هنا
نور: أحمد ابعد عنى انت مش فاهم حاجه
مسك أحمد يد نور وجاء ليخرج اوقفه صوت أدهم
أدهم بصوت جحيمى: سيب ايدها
نظر أحمد وانصدم من أدهم
أحمد: أنت
أدهم وهو يبعد أحمد من نور: ابعد عن مراتى
أحمد بصدمه: مرات مين
ادهم ببسمه مستفزه: م. ر. ا. ت. ى
أحمد: نور مراتى انا احنا كتب كتابنا كان امبارح
أدهم وهو يجلس على الكرسى ويجلس نور على قدمه: بس متمش
أحمد: انت كداب
أدهم: نور كانت طليقتى وكان بينا شويه مشاكل وحليناها امبارح
وغمز أدهم لنور
جن جنون أحمد وفجأه اخرج المسدس وصوبه على أدهم واخرج رصاصه واصابت
البارت 16
مجنونتى
اصابت طرف الكرسى الذى كان عليه أدهم ونور فعندما خرجت الرصاصه لم يصدر أدهم اى رد فعل ولاكن نور صرخت
أحمد: دى كانت تحذير ليك بس لو مجبتش نور التانيه هتكون فى دماغك ان شاءلله
أدهم وهو يجلس ويضع يده على خصر نور: نور ليا وبس
وقام أدهم ب اخراج مسدسه واصاب أحمد فى قدمه
أدهم: ودى كانت تحذير ليك برضو لو مطلعتش من هنا هطلعك عند ال خلقك ونور بح
قام أحمد بإطلاق رصاصه ف اصابت يد أدهم
نور بصراخ: ادههههههمم
قام ادهم بتصويب المسدس على أحمد واطلق صراح رصاصه اخترقت يد أحمد
أدهم: شكلك مش عاوز تطلع حى
وفى ذلك اللحظه وصل عده اشخاص
أدهم وهو يمسك يد نور ويأخذها ويذهب الى غرفتهم: طلع البتاعه ده بره والدم ال على الارض يتمسح
نور بخوف: أدهم ايدك بتنزف
أدهم: نور حبيبتي اهدى انا هقوم بالازم متخافيش
نور: طب هطلع علشان مش هقدر استحمل وانت بتطلع الرصاصه
أدهم ببسمه: ماشي يانورى
وبعد قليل خرج أدهم وجد نور فى المطبخ تجهز الفطور
نور: هعملك فطار تحلف بيه
ادهم: هحلف بيه فعلا ان هو ال جابلى تسمم
نور: اطلع بره يا أدهم اطلع بره
أدهم: خلاص خلاص ياستى ادينى طالع
نور: رجاله اخر زمن ناكره للجميل
وبعد مرور الوقت
نور ببسمه بلهاء: بقولك اى تريقه مش عاوزه ماشي
أدهم ببسمه: ماشي
وضعت نور الطعام على السفره
نظر ادهم لطبق بإستغراب
أدهم: اى ده يانور
نور ببسمه بلهاء: بيض
أدهم بصدمه: هو بيض بالمرار الطافح ولا اى ماله اسود ليه
نور: نفسيته وحشه
أدهم: هاتيلى الجبنه والزيتون شكل الواحد هيعيش عليهم بقيت عمره
مر الوقت
فى المساء
نور: أدهم مش احنا فى جزيره
أدهم: اه
نور: طب تعالى نتمشى شويه اتخنفت
أدهم: تعالى نتمشى على البحر
طلعت نور ارتدت درس طويل وفردت شعرها الذى كان يتميز بالطول
نور ببسمه واسعه: انا جاهزه
أدهم بحب: يلا يانورى
مر الوقت وكانت نور تتذكر ما حدث معها جلست على الرمل بجانبها ادهم
استندت برأسها على كتفه
نور بحزن: انا تعبت اوى يا أدهم تعبت مفيش يوم بيعدى من غير ما يكون فى يوم راحه انا مش عارفه حتى بابا وماما دلوقتي مطمنين ولا لا
أدهم: انا كلمت اهلك يانور وطمنتهم عليكى وهما عارفين اننا اتجوزنا وانك معايا متخافيش ياروحي هخلى حياتك احلى ان شاءلله
نور: ان شاءلله
مر اليوم بحزنه وفرحه
فى مساء اليوم الثانى
أدهم: نور خلصتى ولا لسه يلا هنتاخر على الطياره
نور: خلاص خلصت ياعم اهو اى الذل ده
أدهم: طب اخلصى بقا
ذهبت نور وادهم الى المطار وصعدوا على الطائره
نور بصريخ: يالهوووووى هنموت يخربيتك والله كنت حاسه انك طمعان فيا وفى الخاتم ال جبته مه انتوا الرجاله كده اندال كلكم والله
أدهم: والله انا استاهل كل ده علشان اتجوزت واحده هبله زيك اسكتى يخربيتك
نور: طب اقولك حاجه منك لله
أدهم: وحسبى الله ونعم الوكيل فيا صح كده
نور ببسمه غبيه: اى ده حفظت بسرعه لا شاطر والله
وبعد مرو الوقت وصل أدهم ونور الى الفندق
أدهم: لو سمحت اريد حجز غرفه واحده لنا
الموظف: تفضل هذه غرفه لك انت والمدام
نور بستغراب وصدمه: مدام
أدهم: بس اخرصى يخربيتك
صعد أدهم ونور الى غرفتهم
أدهم: مدام
مش عارفه انك مدام يالى هتفضحينى وهتشلينى قريب
نور: الله وانا حد قالى قبل كده ما انا استغربت برضو
أدهم: هتجننينى
نور ببسمه بلهاء: الله وانا مالى يا لمبى
مر الوقت ونام أدهم ونور
فى المساء
نور: شوفلنا فرح بقا ولا حته نلفوا فيها
أدهم: ماشى ياستى تعالى هنروح حفله وبعد كده نتمشى شويه
نور بفرحه: اشطا يا زمكس
ذهبت نور لكى تجهز وتركت ادهم فى صدمته
أدهم بقرف: زمكس
مر القليل من الوقت وقد انتهى أدهم وكان يرتدى قميص وبنطال
أدهم: نوووووور يلا اخلصى
نور: خمس دقايق وجايه
انتظر ادهم وقد مر نص ساعه
أدهم: اى دخلتى ملقتيش الهدوم اخلصى
نور: خمس دقايق وطالعه
أدهم: ربنا يستر
وبعد مرور نصف ساعة اخرى
أدهم: والله العظيم لو ما طلعتى يا نور لقلع ومش نازل فى حته
نور وهى تخرج وهى ترتدى فستان طويل باللون الاسود وحجاب باللون الازرق وجزمه بكعب باللون الازرق والقليل من الميك اب
أدهم ببسمه: زى القمر ياحبيبتى روحى بقا شيلى ال فى خلقتك ده
نور: وربنا ما ليا دعوه انا تعبت فيه اوى انت مش اخد بالك من سحبه الايلاينر
أدهم: اهو ده بقا اول حاجه تتمسح
نور بتزمر: لا مليش دعوه
أدهم وهو يجلس ويضع قدم فوق الاخرى: خلاص مش هننزل يلا بقا انتى حره
نور: والله انت بارد وكالح اووووف بقا
ذهبت نور وازالت الميك اب
نور: حلو كده ياسى أدهم
أدهم بضحك: حلو يا قلب أدهم
بعد مرور القليل من الوقت وصل أدهم ونور الى الحفل فعندما دخل أدهم ونور وجدت نور بنت تجرى على أدهم وتحتضنه
نور: ده انت يومك اسود