رواية احتواء القاسي الفصل الثامن عشر18بقلم سوسو تويكس
فصلتا وقت شفتو ابتسم يخ ابتسامه هلاك بس، اول مره اشوف ببتسم، عايزه ادخل قالي:دي اخر مره تطلعي بدون توب المره الجايه ح اتصرف معاك بطريقه ما ح تعجبك_دخلتا غرفتي وانا ببتسم ببلاهة، من قبيل كنت ببكي من ردة فعلو لانو حسيتو مجبور، وحسي من حاجه بسيطه مزاجي اتغير، ايي انبسطتا وعايزة اطير من الفرح وقت شفتا الغيره في عيونو وطريقه كلامو عن بكري، ما بنكر انو اتالمتا وقت حسيت انو امنيه لسه في قلبو، بس غيرتو دي اثبتت انو عندي مكانه حتى ولو صغيره♥️_تاني يوم الصباح سمعتهم قالو معتصم من إمبارح بايت في بيتو القديم البيت الكان ساكن فيهو مع امنيه_مجرد التفكير في اسمها عكر لي مزاجي، بقو يتكلمو عن تحضيرات الزواج وح يكون بعد شهر من امتحاناتي الحتبدا بعد بكرة _لينه:انا ما عايزة اي تحضيرات_كلهم انصدم، سليمان :لي يا بتي؟ _سكت ما عرفتا ارد بشنو انو التحضيرات دي كلها ع الفاضي وانو اليوم البستلم فيهو شهاده تخرجي باليد التانيه ح استلم ورقة طلاقي💔، وهو حاليا في بيتو بستعيد ذكرياتو مع امنيه_ وقت شافني سكت وما رديت قال لي:لينه انتي لو ما عايزه الزواج ده صدقيني ماف زول بجبرك _لينه:ما كده يا عمي لكن..._ساميه:ماف لكن يشهد الله معزتك عندنا قدر شنو وبعتبرك زي ملاذ بتي وااحد وماف ام بترضى تشوف زواج بتها مختصر_لينه:كل القصه اني فاقده امي شديد، وبالنسبه للتحضيرات خير اعملوها_مضى اسبوع وحاجه خلصتا امتحاناتي حقت المستر الاول والبيت كلو مشغول في التحضيرات وباين الفرحه في عيونهم_ومعتصم من يوم الجنينه تاني ما شفتو قالو ح يقعد هناك في بيتو، بحاول ما ابين ليهم زعلي وبقينا في كلام الشيله مشيت مع ملاذ وساره بت خالتي، ما كان عندي نفس اختار اي شي، والزعلني اكتر انو حتى ما كلف نفسو يوصلنا الا طلبنا ترحال، خليتهم يختارو لي على ازواقهم عارفاهم الاتنين مجانين تسوق ازواقهم راقيه شديد، ما خلو توب، فستان، طقم ما اشترو، خمو كترة حاجات _واليوم التاني كان للعطور و... الخ_٣يوم ونحنا في كلام الاشترا واليوم ال٤ اشترو حاجات الحبس، وجا وقت اودعهم عشان خالتي سعاد ام ساره، أصرت انحبس عندها، مضى اليوم الكل وداع كاني مهاجرة، ركبتا العربيه وانا بعاين للبيت قلتا بسخريه:منو الكان عارف اني بعد ٤شهور ح اطلع منك للحبس ما للمطار عشان ارجع أمريكا...
لم يكن حب من طرف واحد فحبي يكفي كلا الطرفين💜
يتبع