رواية احتواء القاسي الفصل الثالث والعشرون23بقلم سوسو تويكس
بعد مرق يجيب العشا وقفل فيني الشقه مشيت غيرتا بزعل، مسحتا دموعي وانا بعاين ليدي الحمرت من العقاب_العشا زاتو طلع لي
من نفسي، رقدتا في سريري، سمعت صوتو بنادي طوالي عملتا فيها نايمه وقت ما رديت دخل لي في الغرفه، معتصم:تمثيلك فاشل ماف زول نايم ببكي_فتحتا عيوني وانا زعلانه منو قلتا بانفعال:مالك اها عايز شنو، الطلعه وخليتها والعشا زاتو خليتو_معتصم:انتي غلطانه وبتزعلي كمان _جا قعد جمبي في السرير وحقيقي نبرة صوتو كانت فيها حنية تجيب الجفاف العاطفي مسك يدي المحمرة وحتا لي فيها التلج الكان شايلو وقال:انا ما ح اعتذر ليك لاني ما غلطتا وقت عاقبتك، وما بكذب عليك واقول انو آخرة تاني ما بعيدا_بعد الحنيه دي كلها كنت قايلا عايز يعتذر، عايزه اجر يدي منو مسكها زياده وهو بقول:وكلو ما تغلطي وتعاندي ح تتعاقبي لانك مرتي حتى لو فترة مؤقته برضو مرتي، وحسي خلينا نمرق نتعشا لاني جعان ومستعد اكلك علماََ انك ح تقيفي لي في حلقي زي الشوكة_وقعد يضحك، يخ والله اول مره اشوفو بيضحك كده ركزتا مع انيابو الطوال وده خلى ضحكتو تكسر في أضلاع القفص الصدري، والله لقيت زعلي زاتو راح بس مبتسمه ببلاهة وانا مركزه مع ضحكتو، انتبه لي وهو بقول:والله شكلك انتي الح تاكليني لو قعدنا اكتر من كده، قومي ارح_طلعتا واول شي جاتني ريحة الشاورما ومعاها الشبس وبارد، ما متذكرة من الاستعجال اذا بسملتا ولا لأ طوالي بديت في حقتي،٥ دقايق خلصتا ولسه حاسه نفسي جوعانه، بقيت اعاين لي معتصم وهو يا داب بدا ياكل حقتو، وقت لاحظ لي بعاين ليهو قسم من الشاورما حقتو ومداها لي طوالي شلتها والله انا بالزات بطني دي ما بلعب بيها، قالي:ما متوقع انك تشيليها عااان الجعانه دي _لينه:اتكلم لي بكره ما برجعها ليك_معتصم:نوو كرامه والله _لينه:في الأكل ده ما بعرف شي اسمو كرامه _قعد يضحك فيني، يلا انا بطبعي كده لو لقيت زول بتجاوب وبضحك معاي طوالي بفتح باب ونسه بدخل في الناس بسرعه يعني خمس دقايق في الونسه ممكن اوريك الروضه القريت فيها اسمها شنو😂، وكان متجاوب معاي، اول مره نقعد مع بعض وما نتشاكل او اي واحد يتجاهل التاني، وكسرنا واحد من الحواجز البيناتنا، ولسه في حواجز ح تتكسر...
يتبع