رواية احتواء القاسي الفصل الرابع والعشرون24بقلم سوسو تويكس
تمينا المراسم ورجعنا الشقه بعد خلصنا عشا بقينا نتونس صراحه انا ما فهمتا لي ونستها شي لان كل تركيزي معاها وقت تضحك او تغير صوتها مع الموقف البتحكي فيهو، يخ حتى فصلتها وقت تتضحك كتير،اي زول اتجه على غرفتو واتذكرنا اتفاقنا قبل شويه انو نحاول نتعايش ونفهم الفترة دي والوقت داك ح نبقى فريند_ردت لي بلغتها الاجنبيه وهي بتضحك:of cours_ جيت رقدتا في السرير جا في بالي البلوفر والفنيله العالق فيهم ريحة برفانها متذكرنهم؟ للان محتفظ بيهم فتحتا شنطة هدومي طلعتا البلوفر وطوالي ريحة برفانها اتتخللت لانفاسي، بس برضو ما لازم اعلق نفسي، كلها فترة موقته وتطلب الطلاق _صحيت الصباح مع الأذان كنتا مارق للجامع بس قلتا اصحيها معاي بالمره عشان تصلي، ضربتها باب غرفتها كم مرة بس شكلها غرقانه في النوم دخلتا غرفتها وكان منظرها فظيع راسها واقع لتحت ورجل يمين ورجل شمال وفاتحه خشمها وبتشخر كمان، طلعتا تلفوني اديتها كم صورة ذله ظابطات، صحيتها وانا منفقع في الضحك، قالت وهي في نفس وضعها ولسه ما واعيه :انت الجابك شنو باقي اليل ده_معتصم:ده الصبح قومي عشان تصلي قال ليل قال😂_بعد استوعبت قامت مخلوعه وهي بتصلح في بجامتها وشعرها الاتنكش ضحكت فيها زياده وانا بقول:الزول يشوفك امبارح ولا يشوف خلقتك اليله😂_قعدت تحمر لي وهي لسه نعسانه وبتقول:امشي صلاتك احسن ليك😒_يا دوب اتذكرتا عاينتا للساعه لقيت الناس فاتوني للصلاة _معتصم:تاتي اعملي ليك منبه ما بجي
بصحيك بسببك الناس فاتوني للصلاة يا خشبوعه _قالت بتحميره:خشبوع ده مش اسم الشيطان البشغل وبنسي الزول الصلاة😒_معتصم:ايي وفي خشبوع إنس زييك كده🙂، حسي الا اصلي في البيت_لينه :خلاص صلي بي وتكسب فيني اجر_معتصم:خلاص امشي سريع اتوضي والا بصلي بخليك_لينه:ما تزلنا🙂_المهم بعد صليت بيها لقيتها قامت طوالي سالتها:في اذكار و ورد بتاع قران ما تقوليهم؟ _رجعت قعدت وهي بتقول:مابعرف الأذكار لكن _معتصم:بوريك ليهم، لكن وعد ما تخليهم لاي سبب من الأسباب بالزات الورد اليومي تمام؟ _ردت لي بابتسامه:تمام وعد...
يتبع