رواية مزاولة حب الفصل الخامس والثلاثون35والسادس والثلاثون36بقلم دودو محمد
رجعت تمارا على الشاليه وقعدت تفكر فى كلام يوسف وتضحك وسمعت صوت غريب فى الشاليه استغربت وقامت تشوف مين ملاقتش حد وسمعت الصوت فى اوضتها فتحت الباب ودخلت وبصت فى الاوضه ملاقتش حد ولسه هتخرج ايد شدتها ودخلتها الاوضه والباب اتقفل وحط أيده على بؤقها بصت تمارا ليه بصدمه ونزل أيده من على بؤقها قالت انت بتعمل ايه هنا فى اوضى
ياسين :- جاى اخد حقى منك
تمارا :- بعدم فهم تاخد حقك تقصد ايه
ياسين :- اقصد انك انتى ليا انا وبس يا تمارا
تمارا :- حاولت تبعده عنها وقالت انت اكيد اتجننت يا ياسين ابعد عنى لو سمحت
ياسين :- لاء يا تمارا انتى اللى جيتى ليا برجلك هنا ولازم من الليله تكونى ليا انا يا تمارا وقرب منها علشان يبوسها
تمارا :- غيرت اتجاه وشها وحاولت تبعده عنها وقالت تصدق انك طلعت فعلا حيوان وكلهم كان عندهم حق يحذرونى منك والحمدالله أن الجوازه دى مكملتش ابعد عنى يا ياسين
ياسين :- انا ابقى حيوان ولو ضيعتك من ايدى انا حبيتك بجد يا تمارا انا رفض خطط ارين كلها علشان حبيتك حاولت ابعد عنك اى حاجه تأذيكى فى المقابل عاملتى ايه كسرتينى قدام الناس كلها رافضى تتجوزينى فى اخر ثانيه كسرت فيا حاجات كتير حلوه وبعد عنها وقعد على السرير وقال انا عمرى ما فكرت اذيكى منكرش أن الاول حاولت اخدك من يوسف كأنتقام على اللى عمله معايا فى أول مقابله ما بينا بس بعد كده حبيتك بجد كان انتقام بس اتغير وبقى حب اه كنت دايمآ اشمت فى يوسف علشان انتى اختارتينى انا مش هو بس فى الاخر هو اللى انتصر واخدك منى يا تمارا
تمارا :- يعنى انت كنت بتنتقم من يوسف بيا انا يعنى كنت واخدنى وسيله مش اكتر
ياسين :- قولتلك الأول يا تمارا وبعد كده لما قربت منك حبيتك بجد نسيت كل حاجه وبقيت افكر فيكى انتى وبس رسمت حياتى الجايه كلها معاكى انتى وقام وقف وقرب منها وقال انا لازم اخليكى ليا بأى طريقه وقرب منها وحاول يتهجم عليها
تمارا :- زقته وقالت ابعد عنى يا حيوان
ياسين :- انتى اللى وصلتينى لكده يا تمارا انتى اللى جننتينى وعملتى فيا كده ومسكها شدها نيمها على السرير واتهجم عليها
تمارا :- قعدت تصرخ وتضربه فى كتفه وتبعده عنها وتقول يوسف يووووووسف الحقنى
ياسين :- يوسف يوسف يوسف فيه ايه احسن منى علشان هو معاه فلوس وانا لاء ورينى بقى هيبص فى وشك تانى ازاى وقعد يبوس فيها
تمارا :- بدموع ابعد عنى يا حيوان ابعد عنى وقعدت تزق فيه وتصرخ بأسم يوسف واتفاجئت بيوسف بيشد ياسين من عليها وبيضرب فيه رجعت لوراه وضمت رجليها عند صدرها وقعدت تبص عليهم وتعيط
يوسف :- اه يا واطى يا زباله ده انا هطلع روحك بأيديا دول وقعد يضرب فيه
ياسين :- بعده عنه وطلع مطواه من جيبه وقال ده انا اللى هخلص عليك النهارده وتمارا هتبقى ليا انا وبس وفتح المطوه وقرب منه
تمارا :- بدموع لاء يا ياسين ابوس ايدك بلاش
يوسف :- ياسين بلاش جنان تمارا بتاعتى انا وعمرها ما هتكون ليك تمارا بتحبنى انا ومش بتحبك انت سيب المطوه اللى فى ايدك دى
ياسين :- ضحك وقال مالك خوفت صح انا هقتلك وهاخد تمارا واتجوزها وهنعيش مع بعض احلى واجمل قصة حب
تمارا :- بلاش يا ياسين وانا هعملك كل اللى انت عايزه بلاش تأذيه علشان خاطرى
ياسين :- هقتله يا تمارا هقت وقبل ما يكمل الكلمه يوسف هجم عليه ولف دراعه وراه ضهره واخد المطواه من أيده وقعد يضرب فيه لحد ما اغمى عليه
يوسف :- راح عند تمارا وقال أهدى يا تمارا خلاص متخافيش
تمارا :- بصت ليه بدموع وقامت وقفت واترمت فى حضنه ومسكت فيه بخوف
يوسف :- طبطب على ضهرها وقال متخافيش يا تمارا طول ما انا جمبك
تمارا :- شافت ياسين بيتحرك قالت خلى بالك يا يوسف
يوسف :- لف بسرعه ضهره وقعد يضرب فيه تانى لحد ما اغمى عليه واتصل بالشرطه وجات اخدته وراح عند تمارا وقال أهدى خلاص كل حاجه رجعت زى الاول
تمارا :- اخدت نفس وقالت خلاص يا يوسف انا كويسه روح على الشاليه بتاعك
يوسف :- مش باين انك كويسه خالص يا تمارا
تمارا :- قولتلك انا كويسه يا يوسف امشى بقى
يوسف :- بصلها وقال ماشى يا تمارا اللى يريحك ومشى
تمارا :- استنى
يوسف :- بص ليها وقال ايه
تمارا :- انت دخلت ازاى هنا
يوسف :- كنت جاى اطمن عليكى وسمعت صوتك وانتى بتصرخى وبتنادى عليا كسرت الباب ودخلت ولاقيت الصوت طالع من اوضك وبس وبعد كده كل حاجه حصلت قدامك
تمارا :- اوك تقدر تمشى
يوسف :- لسه هيخرج لاقه تليفونه بيرن بص لتمارا وقال ده اخوكى كريم
تمارا :- بأستغراب كريم طيب رد عليه شوف فيه ايه
يوسف :- رد عليه وقال ايه بتقول ايه طيب انا هجيب تمارا وجاين حالا وقفل التليفون وبص لتمارا
تمارا :- بقلق فيه ايه
يوسف :- بزعل ابوكى
تمارا :- بخضه ماله
يوسف :- عمل حادثه بالعربيه وهما جاين على هنا
تمارا :- بدموع ايه بتقول ايه ب.ب.بابا ط.ط.طيب حد فيهم حصلهم حاجه
يوسف :- اخوكى وامك كويسين كدمات بس لكن ابوكى هو اللى حالته خطر
تمارا :- بدموع يا حبيبى يا بابا وطلعت تجرى وخرج يوسف وراها وراحوا على المستشفى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى القاهره.....فى شقة انس
رجع انس من الشغل ودخل الشقه وقفل الباب وسمع صوت يارا فى المطبخ دخل المطبخ براحه وحضنها من ضهرها وباسها فى رقابتها وحط راسه على كتفها وقال
انس :- واحشتينى
يارا :- بخضه خضتنى يا انس انت رجعت بدرى ليه النهارده من الشغل
انس :- مش عايزانى امشى يعنى
يارا :- لفت ليه واترمت فى حضنه وقالت انا مقدرش استغنى عنك وفرحانه طبعآ انك رجعت من الشغل
انس :- ابتسم وباس راسها بحب وقال جهزى الشنط هنروح اسكندريه
يارا :- بعدت عنه وبصت ليه وقالت بجد
انس :- باسها برقه على شفايفها وقال بجد
يارا :- اخد اجازه من الشغل يعنى
انس :- ايوه
يارا :- حضنته جامد وقالت يا حبيبى يا انس بموت فيك
انس :- طبطب على ضهرها وقال وانا بعشقك يا قلبى يلا علشان منتأخرش
يارا :- طلعت تجرى وقالت هوا ودخلت الاوضه حضرت الشنط
انس :- دخل وباسها من خدها وقال تعالى عايزك ومسك ايديها وقعدها قصاده على السرير وطلع علبه من جيبه فيها خاتم رقيق ولبسه ليها وباس ايديها وقال ايه رأيك يا حبيبتى
يارا :- بصت على الخاتم بأعجاب وفرحه وقالت الله شكله حلو اوى ربنا يخليك ليا يا حبيبى واترمت فى حضنه
انس :- باس راسها وقال دى حاجه بسيطه يا قلبى ربنا يقدرنى واخليكى اسعد واحده
يارا :- انا فعلا اسعد واحده علشان انت جوزى حبيبى
انس :- رفع راسها ليه وقرب من شفايفها وباسها بوسه طويله وبعد وقت بعد عنها وحط راسه عند راسها وقال فيهم ايه دول كل ما اقرب منهم بحس نفسى عطشان وعايز ارتوى منهم اكتر واكتر انتى حطى فيهم ايه
يارا :- بكسوف مش بحط فيهم حاجه والله
انس :- ضحك وقال طيب ما تجيبى واحده تانى أتأكد إذا كان فيهم حاجه ولا لاء
يارا :- بكسوف انس
انس :- ابتسم وبص فى الساعه وقال ما تيجى لسه شويه على الطايره
يارا :- بعدم فهم اجى فين
انس :- ضحك على طريقة يارا وقال قربى وانا اقولك
يارا :- قربت زى ما هو قالها
انس :- قرب من شفايفها وباسها ومد أيده فتح السوسته بتاعة الترنج
يارا :- بعدت عن شفايفه وقالت ا.ا انت هتعمل ايه
انس :- شششش وقلعها الجاكت وقرب من رقابتها وباسها و(سكتت شهرزاد عن الكلام الغير مباح )
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اسكندريه
وصلت تمارا مع يوسف المستشفى ودخلت تجرى شافت امها وأخوها راحت عندهم بدموع وقالت
تمارا :- بابا عامل ايه يا ماما
سميه :- ادعيلوا يا بنتى
تمارا :- هو ايه اللى حصل اصلا
كريم :- بابا حب يعملك مفاجئه ليكى وقال كلنا نروح نقضى معاكى يومين فى اسكندريه وركبنا العربيه وانا وماما قولنا نريح وراه شويه وبابا يسوق بينا ونيمنا وفؤقنا على العربيه وهى بتخبط فى شجره بابا اخد هو الاصابه علشان كان قدام وانا وماما محصلش لينا حاجه واتصلنا بالاسعاف وجينا هنا
تمارا :- بدموع يا حبيبى يا بابا طيب انا عايزه اشوفه
سميه :- ممنوع
تمارا :- بصوت عالى هو ايه اللى ممنوع انا لازم ادخل ليه
يوسف :- طيب أهدى يا تمارا انا هكلم الدكتور يدخلك ليه
تمارا :- بدموع بس بسرعه يا يوسف
يوسف :- حاضر وسابها وراح عند الدكتور وشويه ورجع وقال ادخلى يا تمارا الدكتور وافق بس بلاش كلام كتير علشان صحته
تمارا :- بدموع ح.ح.حاضر ومدت ايديها وفتحت الباب ودخلت عنده وشافت منظره قعدت على الكرسى بدموع وقالت الف سلامه عليك يا بابا ياريت كنت انا وانت لاء يا حبيبى ربنا يخليك ليا وميحرمنيش منك ابدآ
عماد :- فتح عينه بتعب وقال كويس انك جيتى يا بنتى كنت خايف اموت قبل ما اشوفك
تمارا :- مسكت أيده وقالت بدموع بعد الشر عليك يا بابا متقولش كده علشان خاطرى بلاش كلام علشان خطر عليك
عماد :- يا بنتى انا حاسس ان ايامى خلاص معدوده فى الدنيا انا مش خايف من الموت بس اكتر حاجه مزعلانى أن هموت من غير ما اكون اطمنت عليكى كان نفسى انا اللى اكتب كتابك على عريسك واوصلك ليه
تمارا :- هتعيش وهتجوزنى وهتشوف احفادك كمان بلاش كلامك ده ارجوك يا بابا
عماد :- كح وقال يا بنتى دى اعمار محدش هيعيش اكتر من عمره
تمارا :- بدموع نامت على صدره وقالت هتعيش يا بابا مستحيل يحصلك حاجه انت لو سبتنى اموت من غيرك فى الدنيا دى والله ماا قدر على بعدك عنى يوم واحد يا حبيبى
عماد :- بتعب نادى يوسف يا تمارا
تمارا :- بدموع حاضر وقامت فتحت الباب وندهت على يوسف
يوسف :- دخل وقال الف سلامه عليك يا عمى أن شاءالله ترجع لينا احسن من الاول
عماد :- يا عالم يا ابنى انا كان ليا طلب عندك
يوسف :- قول يا عمى تحت امرك
عماد :- تتجوز بنتى
تمارا :- بصت لابوها بصدمه وقالت ايه اللى انت بتقوله ده يا بابا
عماد :- اسكتى يا تمارا خلينى اكمل كلامى
يوسف :- اكيد طبعآ يا عمى انا موافق انا بحلم باليوم ده اصلا
عماد :- تروح تجيب المأذون وتيجى اوعى تتأخر فاهم
يوسف :- بفرحه هوا وخرج يجرى
تمارا :- بابا ايه اللى انت هتعمله ده
عماد :- خلينى افرح بيكى قبل ما اموت يا بنتى ده طلبى الاخير وقعد يكح
تمارا :- بدموع حاضر حاضر بس متتكلمش كتير ارجوك الكلام غلط على صحتك
عماد :- هتنفذى طلبى الاخير يا بنتى
تمارا :- بدموع حاضر يا بابا بس بلاش تتعب نفسك وشويه ودخل الدكتور يكشف عليه تمارا بدموع خير يا دكتور
الدكتور :- أن شاءالله خير
تمارا :- يعنى حالته ايه
الدكتور :- صعبه طبعآ
وفى الوقت ده دخل يوسف ومعاه المأذون وقال
يوسف :- انا جيت يا عمى
عماد :- اقعد جمبى على السرير يا ابنى
تمارا :- كانت واقفه ودموعها على خدها
المأذون بدأ يكتب الكتاب وهو حاطط ايد عماد فى ايد يوسف والدكتور والممرض واقفين وبعد وقت مضى الدكتور والممرض كشهود ومضت تمارا ويوسف
عماد :- قرب منها وباسها وقال مبروك يا حبيبتى
تمارا :- مبروك على ايه بس يا بابا انا اهم حاجه عندى انك تقوم بالسلامه
عماد :- خد مراتك وامشى يا يوسف يلا
تمارا :- امشى فين انا مش هتحرك من هنا غير وانت خارج من هنا يا بابا
عماد :- بتعب اسمعى الكلام ومتتعبنيش يا بنتى
تمارا :- مش هقدر امشى واسيبك وانت كده والله العظيم ما هقدر
عماد :- لو مروحتيش دلوقتى حالا يا تمارا هطلب من الدكتور يخرجنى من المستشفى وانا حالتى كده ولو جرارى حاجه يبقى ذنبى فى رقابتك هتمشى ولا انفذ كلامى
تمارا :- انا نفذت كلامك ورضيت بكتب الكتاب بس مش هقدر انفذ كلامك وامشى واسيبك يا بابا
عماد :- يبقى ذنبى فى رقابتك وبدء يشيل المحلول من أيده
تمارا :- بدموع خلاص خلاص هنفذلك طلبك
عماد :- يلا امشى
تمارا :- اترمت فى حضنه وقعدت تعيط
عماد :- ابتسم ليها وقعد يطبطب على ضهرها وقال يلا روحى مع جوزك وبص ليوسف وقال خد مراتك يا يوسف
يوسف :- بفرحه حاضر يا عمى وراح مسك ايديها وقال امشى معايا يلا يا تمارا
تمارا :- بعدت عن ابوها وبصت ليه بدموع وباست راسه وخرجت معاه وبصت فى المكان وقالت امال فين ماما وكريم
يوسف :- ها تلاقيهم بيشتروا حاجه وهيجوا امشى يلا
تمارا :- بصت على ايده اللى ماسكها وشدت أيديها من أيده وقالت متلمسنيش
يوسف :- نعم
تمارا :- انا وافقت على كتب الكتاب علشان خاطر بابا بس فاهم وسابته ومشيت
يوسف :- ابتسم ومشى وراها ورجعوا على الشاليه
تمارا :- بأستغراب شكل فيه حد فى الشاليه
يوسف :- بصلها ومردش عليها
تمارا :- مشيت وبصت على شاليه يوسف وقالت وفيه حد عندكم انتوا كمان
يوسف :- ها ل.ل لا ده انا سايب النور بس تعالى يلا ادخلى الشاليه بتاعكم
تمارا :- راحت فتحت الباب وقالت بصدمه ماما كريم انتوا بتعملوا ايه هنا وازاى سيبتوا بابا لوحده
سميه :- ها ما احنا جاين ناخد حاجه من هنا وماشين
يوسف :- تعالى بس ادخلى اوضك
تمارا :- انا ليه حاسه بحاجه غريبه فيكم
يوسف :- ابتسم وقال ادخلى الاوضه بتاعتك بس
تمارا :- هزت كتفها بأستغراب ودخلت اوضتها ووقفت مصدومه مكانها
يوسف :- دخل حضنها من وراه وقال ايه رأيك
تمارا :- بعدت عنه وقالت انا مش فاهمه حاجه
يوسف :- الفستان ده اللى كان عجبك وانتى معانا ايام ما كنا بنشترى فستان فرح التانيه صح
تمارا :- ايوه هو ده اللى عجبنى وانت عرفت منين
يوسف :- شوفتك وانتى سرحانه فيه وعجبك وقولت لازم اجيبه ليكى يوم فرحنا
تمارا :- فرحنا انا مش فاهمه حاجه تقصد ايه بيوم فرحنا ده
فى الوقت ده دخلت ندى ورحمه ويارا تمارا بصت ليهم بصدمه وقالت انتوا بتعملوا ايه هنا وانتى يا ندى مش المفروض تكونى فى إيطاليا
ندى :- وانا اقدر برضه محضرش فرحك يا تمارا
تمارا :- فرحى
يارا :- ايوه يا عروسة ومبروك كتب الكتاب
تمارا :- كتب الكتاب وانتوا عرفتوا منين
رحمه :- حرام عليكم بقى كفايه عليها كده وفهموها
تمارا :- يفهمونى ايه حد فيكم يتكلم
حسام :- انا هقولك يا بنتى
تمارا :- عمو حسام وانت كمان هنا
حسام :- كلنا يا بنتى هنا علشان فرحك انتى ويوسف
تمارا :- فرح ايه ده
عماد :- فرحك انتى يا بنتى
تمارا :- بصدمه بابا انت ازاى خرجت من المستشفى
عماد :- يا بنتى انا كويس مفيش حاجه احنا عملنا كده علشان توافقى تتجوزى يوسف
تمارا :- بصدمه يعنى كلكم كنتوا عارفين وبتلعبوا بيا
عماد :- مكانش قدامنا غير كده يا بنتى انتى عناديه رغم انك بتحبيه بس مش عايزه تتنازلى وتوافقى عليه كان لازم نعمل كده علشان نخليكى توافقى على الجواز من يوسف يا تمارا
تمارا :- يعنى مهمكش مشاعرى ووجع قلبى عليك يا بابا وروحت عملت كده
عماد :- هتتوجعى ساعه بس هتعيشى سعيده عمرك كله انا عملت كده علشان عارف ومتأكد انك بتتعذبى فى بعد يوسف عنك كفايه عند ووجع وفراق اللى حصل ننساه ونبدء مع بعض صفحه جديده يا بنتى
تمارا :- بصت ليهم كلهم وطلعت تجرى وسابتهم
حسام :- اجرى وراه مراتك يلا واقف مستنى ايه
يوسف :- طلع يجرى وراه تمارا وقال تمارا استنى
تمارا :- مردتش عليه وقعدت تجرى
يوسف :- طلع يجرى اكتر وسابقها ووقف قصادها وهو بينهج وقال استنى يا تمارا
تمارا :- بدموع ابعد عنى يا يوسف
يوسف :- شدها فى حضنه وقال انا اسف يا تمارا اسف
تمارا :- قعدت تضربه على كتفه وقالت ابعد عنى أنا بكرهك بكرهك يا يوسف
يوسف :- أهدى يا تمارا انا مكنتش عايز اوصلك للحاله دى والله انا مستعد اعمل اى حاجه بس مشوفش دموعك دى تانى
تمارا :- انت ليه غاوى تعذب قلبى ليه بتحب تشوفنى وانا موجوعه وبتقطع حرام عليك بقى
يوسف :- بالعكس يا تمارا انا عمرى ما حبيت اوجعك ولا اشوفك بتتعذبى انا بحبك يا تمارا واللى عملته ده علشان عارف ومتأكد انك انتى كمان بتحبينى بس عنادك مش مخليكى تعترفى بده علشان كده اتجوزتك بالطريقه دى
تمارا :- انا بجد تعبت ومش عايزه اى حاجه من الدنيا انا نفسى اموت علشان ارتاح من العذاب اللى انا فيه ده
يوسف :- بخوف ولهفه بعد الشر عليكى متقوليش كده تانى يا تمارا
تمارا :- انت لازم تطلقنى فاهم
يوسف :- لاء مش هطلقك يا تمارا انا ما صدقت انك بقيتى مراتى وبليل هتكونى فى بيتى
تمارا :- بليل أكون فى بيتك ازاى
يوسف :- ما هى دى المفاجئه اللى عاملها ليكى بليل الفرح بتاعنا
تمارا :- انتوا ازاى تعملوا كل ده من ورايا ازاى
يوسف :- ما قولتلك كنا عاملين مفاجئه ليكى
تمارا :- شوف عروسه تانيه غير تحضر الفرح بقى عن اذنك وسابته ومشيت
يوسف :- بصلها وهى ماشيه ومسك تليفونه واتصل برحمه وقال زى ما قولنا هترفض موضوع الجواز والفرح الدور عليكم انتوا بقى
رحمه :- تمام سيبها علينا سلام
يوسف :- قفل السكه مع رحمه وراح يقعد مع مالك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشاليه
دخلت تمارا اوضتها لاقت البنات التلاته قاعدين بصت ليهم بغيظ وقالت
تمارا :- انتوا قاعدين هنا بتعملوا ايه يا اندال
ندى :- مستنين حضرتك علشان نبدء نجهز للفرح
تمارا :- مفيش فرح
رحمه :- والله انتى ناسيه انك مراته دلوقتى وممكن يخدك بيته من غير اى فرح عادى
تمارا :- لاء مش ناسيه وهطلق منه
يارا :- تمارا انا اول واحده كنت رافضه حبك ليوسف ده بس هو ندم على كل اللى عمله واتأسف ليكى واتقدم قصاد الناس كلها وانتى رفضيه ورغم كده حاول معاكى مره واتنين وتلاته ومستعد يحاول معاكى العمر كله يوسف بيحبك بجد يا تمارا وانتى كمان بتحبيه وعمرك ما هتحبى غيره قلبك ده رافض اى حد تانى غير يوسف يبقى ليه العند بقى عيشى حياتك مع اللى قلبك اختاره وانسى اللى فات
تمارا :- مش قادره انسى والله العظيم ما قادره فكرت انك تحبى واحد طول عمرك وتفضلى تستنيه لما يرجعلك ويوم ما يرجع تلاقيه خاطب دى حاجه بتموتنى من جوايا كسرت مشاعر وحاجات كتير حلوه جوايا كرامتى وكبرياءه اتجرحوا واتكسروا لما عمل كده انا علطول فى صراع داخلى ما بين كرامتى وقلبى انا لو عليا نفسى انسى واعيش حياتى معاه زى ما كنت بحلم بس كبريائي رافض الفكره دى
ندى :- بصى يا تيمو انتى مهما عملتى قلبك اللى هيفوز فى الاخر يبقى ليه العذاب ده كله احضرى الفرح وحاولى تعيشى حياتك معاه لو لاقيتى نفسك مش قادره تنسى اطلبى منه الطلاق وسبيه
تمارا :- يا سلام وانا كده ابقى استفاد ايه
رحمه :- استفادى انك اديتى قلبك فرصه يختار صح او غلط اهم حاجه انك تحاولى
تمارا :- سكتت ومردتش عليهم
يارا :- انا بعد اللى شوفته مع انس بقولك مفيش حاجه مستحيله فى الدنيا دى يا تيمو
تمارا :- اتنهدت وقالت لاء برضه
التلاته بصوا لبعض بقلة حيله
وفى الوقت ده الباب خبط ودخل عماد وطلب من البنات يخرجوا ويسيبوهم لوحديهم
البنات التلاته خرجوا وقفلوا الباب وراهم وراح عماد قعد جمب تمارا ومسك ايديها
تمارا :- بصت لابوها بدموع واترمت فى حضنه وقعدت تعيط
عماد :- طبطب على ضهرها وقال عيطى براحتك يا بنتى لحد ما تلاقى نفسك ارتحتى
تمارا :- قعدت تعيط اكتر وتمسك فى ابوها اكتر واكتر لحد ما حست نفسها ارتاحت بعدت عن حضن ابوها ومسحت دموعها
عماد:- ارتحتى
تمارا :- شويه
عماد :- مسك ايديها وقال ممكن افهم بقى اخرت اللى انتى فيه ده ايه
تمارا :- مش عارفه يا بابا
عماد :- انا عملت كده علشان عارف ومتأكد انك بتحبى يوسف وعمرك ما هتقدرى تنسيه بعد ما رافضى ياسين بسببه وهو كمان عرف غلط واتأسف ليكى كتير يوسف بيحبك بجد يا تمارا وانا هبقى مطمن عليكى معاه انسى كل اللى فات يا حبيبتى وابتدى معاه صفحه جديده عيشى حياتك اللى عيشتى عمرك كله بتحلمى بيها يا بنتى انا مش هضغط عليكى اكتر من كده وهسيبك تفكرى مع نفسك وسابها وخرج من الاوضه
تمارا :- بصت للفستان بدموع وحطت راسها ما بين ايديها ورجعت شعرها لوراه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه مالك
كان يوسف قاعد وقلقان من رد تمارا وخايف لتعاند وترفض بص لمالك وقال
يوسف :- تفتكر ممكن بعد ده كله ترفض برضه
مالك :- تمارا عناديه بس عندها حق الصراحه
يوسف :- انت يا ابنى معايا ولا معاها
مالك :- انا مع الحق انا لو مكانها مبصش فى وشك العمر كله دى عاشت تحلم بيك وفى الاخر صحيت على خزوق وانت راجع ليها بواحده فى ايدك
يوسف :- اعمل ايه طيب غلط وعرفت غلطى مفيش انسان مبيغلطش
مالك :- بس غلطه عن غلطه بتفرق يا جوى وانت ماشاءالله ،عليك شوية أخطاء ايه سكر
يوسف :- ولا اسكت كلامك دمه تقيل ومستفز
مالك :- مستفز علشان الحقيقه المره
يوسف :- بص ليه بغيظ ولسه هيقوم يمشى
مالك :- رايح فين يا ابنى
يوسف :- هغور من وشك
مالك :- اقعد هنا بلاش استعباط وفى الوقت ده شاف ندى جايه بص ليوسف وقال لاء غور انت بقى
يوسف :- واطى
مالك :- ثانكس
ندى :- جات واتنهدت وقالت لسه رافضه زى ما هى
يوسف :- نفخ وقام مشى وسابهم
ندى :- دماغها رهيبه عناديه بشكل
مالك :- سيبك انت يا ابيض واحشتينى
ندى :- بحب وانت كمان
مالك :- انا كان مالى باللى يتجوز واللى ميتجوزش كنا قاعدين فى اوضتنا صبح وليل بوس وشخلعه
ندى :- مالك اتلم
مالك :- طيب ما تيجى نتلم على بعض وندخل جوه وغمز ليها
ندى :- بص احنا فى ايه وانت فى ايه
مالك :- قام وقف ومسك ايديها وقال صدقينى اللى بقولك عليه هيديكى طاقه تكملى معاهم هما اصلا فقر امشى يا حبيبتى معايا ربنا يهديكى
ندى :- بضحك بس بقى يا مالك مش وقته
مالك :- لاء وربنا ده وقته ونص كمان وميل عليها وشالها ودخلوا الشاليه
ندى :- يا مجنون نزلنى
مالك :- دخل الاوضه ونزلها وقال ده انا لسه ملحقتش اشبع من الشفايف العسل دول وقرب منها وباسها
ندى :- مالك اوعى بقى
مالك :- متأكده عايزانى ابعد
ندى :- ها
مالك :- خلاص مش هغصب عليكى ولسه هيمشى
ندى :- شدته تانى وقالت عارف لو بعد هقتلك
مالك :- ضحك وقال اموت انا
ندى :- ضحكت وقربت من شفايفه وباسته ومدت ايديها ورفعت ليه التيشيرت وقلعته ليه
مالك :- بضحك براحه عليا ده انا زى جوزك برضه
ندى :- ضربته على كتفه وقالت غلس
مالك :-ضحك وميل عليها وشالها وحطها على السرير وقرب منها و(سكتت شهرزاد عن الكلام الغير مباح )
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه وبدر
راحت رحمه عند بدر وهو واقف عند الشاطئ وقالت
رحمه :- حبيبى بيعمل ايه
بدر :- اتنهد وقال بحلم باليوم اللى هتكونى فيه مراتى يا رحمه
رحمه :- وانا والله العظيم بالحلم باليوم اللى هكون فيه فى بيتك
بدر :- ربنا يرزقنى وقبل السنه تكونى معايا وفى حضنى
رحمه :- مسكت أيده وقالت إن شاءالله يا حبيبى
بدر :- ابتسم ليها وقال عملتوا ايه
رحمه :- لسه زى ما هى رافضه
بدر :- عناديه اوى تمارا
رحمه :- اوى اوى
بدر :- لو بتحبه بجد قلبها اللى هيفوز فى الاخر
رحمه :- تمارا دى بتموت فيه بس دماغها ناشفه اوى
بدر :- يبقى هتوافق على الفرح
رحمه :- يارب يسمع من بؤقك ربنا
بدر :- هتشوفى
وفى الوقت ده تليفون رحمه رن بصت فيه وقالت
رحمه :- دى تمارا
بدر :- طيب ردى
رحمه :- ردت وقالت ايوه يا تمارا وسكتت شويه وقالت................
🦋مزاولة حب 🦋 36
🐝الفصل السادس وثلاثون🐝
كانت واقفه رحمه مع بدر على الشط وتليفونها رن بصت بأستغراب لبدر وقالت
رحمه :- دى تمارا
بدر :- طيب ردى عليها شوفى عايزه ايه
رحمه :- ردت عليها وانتظرت شويه وقالت انتى مجنونه ازاى تعملى كده ماشى يا تمارا اقفلى وبصت لبدر وقالت انا لازم اروح الشاليه عند يوسف حالا
بدر :- طيب فيه ايه طمنينى
رحمه :- بعدين انا لازم امشى وسابته وراحت على الشاليه بتاعهم وقالت ماما فين يوسف
سميحه :- فى اوضه
رحمه :- راحت خبطت على الباب وقالت افتح يا يوسف بسرعه
يوسف :- فتح الباب وقال فيه ايه يا رحمه
رحمه :- اللحق تمارا لسه ماشيه حالا هترجع القاهره
يوسف :- ايه مين قالك
رحمه :- هى اتصلت بيا قالت ليا أنها راجعه القاهره
يوسف :- ليه يا تمارا ليه وخرج يجرى ركب العربيه بتاعتهم وطلع يجرى بيها علشان يلحقها وكل شويه يزود السرعه وكان هيعمل كذا حادثه بسبب سرعته وبيبص على كل العربيات لحد ما شاف عربية تمارا طلع يجرى عليها اكتر ووصل عندها وبص من الشباك وقال تمارا اقفى
تمارا :- انت ، انت جاى ورايا ليه
يوسف :- وقفى العربيه يا تمارا بقولك
تمارا :- لاء مش هقف وياريت ترجع مكان ما جيت وزودت السرعه
يوسف :- زود هو كمان السرعه وقال تمارا بلاش جنان اقفى بقولك
تمارا :- مردتش عليه وسرعة اكتر
يوسف :- اتغاظ وسرع عربيته اكتر ومره واحده وقف قصاد تمارا
تمارا :- داست فرامل على اخر لحظه قبل ما تخبط عربية يوسف
يوسف :- نزل وفتح باب عربيتها وقال انزلى يا تمارا
تمارا :- لاء مش نازله
يوسف :- بلاش عند وانزلى بقولك
تمارا :- لاء مش هنزل
يوسف :- ميل جوه العربيه وشال تمارا من جوه وطلع بيها
تمارا :- ابعد عنى سبنى بقولك وقعدت تهز رجليها وتضربه على كتفه
يوسف :- تعبتينى معاكى يا تمارا
تمارا :- محدش قالك اتعب معايا نزلنى بقى
يوسف :- ابتسم وقال لاء وحطها فى عربيته وقفل الباب وراح ركب العربيه وبص ليها وقال وآخرة اللى انتى بتعمليه ده ايه
تمارا :- مش هتجوزك يا يوسف مش هتجوزك
يوسف :- يا بنتى انتى مراتى انتى نسيتى ولا ايه
تمارا :- هطلقنى يا هرفع عليك قضية خلع
يوسف :- خلع ايه هو احنا لحقنا وشغل العربيه
تمارا :- افتح الباب ده بقولك نزلنى من ام العربيه دى
يوسف :- لاء ومشى بالعربيه علشان يرجع ليهم تانى
تمارا :- انت عارف لو مفتحتش الباب ده هصوت وأقول أن انت خطفنى
يوسف :- صوتى معايا اللى يثبت انك انتى مراتى
تمارا :- عااااا انا بكرهك وقعدت تضربه على كتفه وتقوله نزلنى بقولك نزلنى
يوسف :- أهدى يا تمارا هتخلينى اعمل حادثه
تمارا :- ياريت خلينى اموت واستريح منك وقعدت تشد أيده علشان يوقف بالعربيه
يوسف :- وهو مش قادر يتحكم فى العربيه قال حاسبى يا تمارا حاسبى حاااااااااسبى وخبط فى شجره واتخبط فى العربيه واغمى عليه
تمارا :- اتخبطت فى راسها خبطه بسيطه وبصت على يوسف لاقيته راسه بتنزل دم ومغمى عليه خبطت على وشه بخوف ودموع وقالت يوسف لالالا رد عليا ارجوك ابوس ايدك رد عليا يارب يوسف يا يوسف اوعى تروح وتسيبنى بالله عليك رد عليا اشتمنى اضربنى بس اوعى يحصلك حاجه يوسف رد على تمارا حببتك انا اموت لو حصلك حاجه يا يوسف أنا بحبك والله العظيم بحبك واتفاجئت بيوسف بيبوسها من شفايفها
تمارا :- قعدت تضربه على كتفه علشان قلقها عليه ولفت دراعها حاولين رقابته وعمقت البوسه وهى دموعها نازله وبعد وقت بعد عنها يوسف وحط راسه على راسها وقال بحب
يوسف :- حمدالله على السلامه يا مدوخانى اخيرآ نطقتى
تمارا :- بدموع حرام عليك خضتنى عليك ليه تعمل فيا كده ليييييه
يوسف :- انا فعلا دماغى مفتوحه بس مش مهم المهم عندى انك اخيرآ قلبك حن عليا ونطقتيها
تمارا :- رفعت راسها وبصت على راسه وقالت الجرح مش كبير
يوسف :- مش مهم الجرح المهم أن فرحتى كملت يا تمارا
تمارا :- شمت وقالت ريحت دخان
يوسف :- بص على العربيه من بره وقال انزلى بسرعه يا تمارا العربيه هتولع ونزل يجرى وفتح الباب لتمارا ومسك ايديها وطلعوا يجروا بعيد عن العربيه والمنطقة كانت زراعيه وهما بيجروا وقع يوسف وتمارا وقعت فؤقيه اتكسفت ولسه هتقوم
يوسف :- منعها تتحرك وعكس الوضع وقرب من شفايفها وباسها
تمارا :- حاولت تبعده عنها بس معرفتش
يوسف :- بعد عن شفايفها ونام جمبها على ضهره وهو نفسه سريع وقال طعم شفايفك حلو اوى
تمارا :- قامت قعدت بكسوف وقالت ا.ا ايه اللى انت عملته ده
يوسف :- ايه ببوس مراتى وكلها كام ساعه وهتبقى حاجات تانيه غير البوس
تمارا :- اتلم وبلاش قلة أدب وقامت وقفت نفضت هدومها وقالت قوم انت كمان علشان تطهر الجرح اللى فى دماغك ده
يوسف :- بوسه تانى والجرح هيلم علطول
تمارا :- اتلم يا يوسف
يوسف :- قام وقف قصادها وقال تمارا خلاص بقى خلينا نفرح بقربنا لبعض وننسى كل اللى فات وحط أيده على خدها وقال تعالى نتجوز بقى ونبقى احلى بابا وماما نفرح بحته منك ومنى
تمارا :- بصت فى عينه بحب وهزت راسها بمعنى أنها موافقه
يوسف :- فرح واخدها فى حضنه وقال بحبك اوى يا تمارا اوى اوعدك مش هخلى الدموع دى تعرف خدك تانى وباس راسها
تمارا :- بفرحه لفت دراعها حاولين وسطه وحطت راسها على صدره بحب
يوسف :- يلا علشان نلحق نجهز للفرح
تمارا :- بعدت عن حضنه وقالت يلا
يوسف :- حط أيده على كتفها وتمارا لفت دراعها وراه ضهره وقال يعنى انا هقولهم ايه دلوقتى على العربيه منك للى اكلت دراع جوزها يا بعيده
تمارا :- ضربته على صدره وقالت وانا مالى انت اللى مش بتعرف تسوق
يوسف :- وحياة النونه مش انتى اللى خلتينى اعمل الحادثه
تمارا :- هزت كتافها وقالت وانا مالى
يوسف :- هتسلمينى تسليم أهالى لابويه وامى امشى يا اختى امشى خلينا نروح نركب عربيتك علشان نلحق نرجع
تمارا :- قعدت تضحك على طريقة كلامه
يوسف :- بصلها وهى بتضحك وضحك على ضحكها وباس راسها وبعد وقت وصلوا عند عربية تمارا وراكبوها هما الاتنين وشغل يوسف العربيه ورجع بيها تانى عندهم وبلغهم أن تمارا وافقت تحضر الفرح والكل فرح ليهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جاء الليل وجهزت تمارا والبنات وراح يوسف علشان ياخد تمارا ووقف بره ينتظرها وبعد وقت خرجت تمارا مع عماد وهى مكسوفه بص ليها يوسف بأعجاب وسلم على عماد واخد تمارا باس ايديها وقرب من راسها وباسها وقال
يوسف :- انا مش مصدق نفسى انك خلاص بقيتى بتاعتى يا تمارا حاسس ان انا بحلم
تمارا :- وانا مكنتش أتخيل بعد كل اللى حصل ده أن هيجى يوم وهسامحك وابقى ليك
يوسف :- ربنا يخليكى ليا يا تمارا وميحرمنيش منك أبدآ يارب
تمارا :- ابتسمت ليه بحب وقالت بحبك
يوسف :- بحب بعشقك يا اجمل ما شافت عينى
مالك :- ياااااا عم الرومانسى يا ست الرومانسيه فيه ناس مستنيه والله اللى يشوفكم دلوقتى ما يشوفكم من كام ساعه بس اتحركوا بقى مش ناقصين فقع مراره
يوسف :- ده على اساس حضرتك يوم فرحك مكنتش عامل فيها سومه الحساس
ندى :- سومه الحساس مين ده يا اخويه لاء طبعآ ملوكى مفيش منه اتنين انتوا بس اللى متغاظين مننا اكمننا جوز عصافير مقطقطين
تمارا :- ما انتوا الاتنين أساس المحن والسهوكه يا اختى انتى هتقوليلى
رحمه :- أن جيتوا للحق انتوا الاربعه عندكم كمية محن مشوفتهاش على حد
ندى :- اركنى انتى يا لوزه على جمب يا بتاعة الحب الممنوع
رحمه :- انا بتاعة الحب الممنوع
ندى :- ايوآ والاتنين اللى هناك طوال عاملين شبه فيلم غرام الافاعى لايق جدآ عليهم سهونه حبهم من تحت لتحت
يارا :- بقولكم ايه امشوا احسن شكلنا كده هنشوف قلبه سوده فهمتى طبعآ
ندى :- بصت لاخوها انس وقالت انا بقول كده برضه والكل ضحك وركبوا العربيات وراحوا على القاعه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى القاعه
وصلوا كلهم لقاعه ودخلوا يوسف وتمارا وقعدوا فى المكان المحدد ليهم وكل واحد قعد مكانه وبعد شويه دخلت ريتاج مع مامتها قام كريم وراح عندهم وقال
كريم :- منوره يا طنط
ام ريتاج :- بنورك يا ابنى مبروك
كريم :- الله يبارك فى حضرتك وبص لريتاج وقال ازيك يا ريتاج
ريتاج :- الحمدالله مبروك لتمارا
كريم :- الله يبارك فيكى عقبالك وقال بصوت واطى عقبال انا وانتى يارب وقال احم اتفضلى يا طنط اعرفك على ماما واخدهم وعرفهم على أمه وقعدت ام ريتاج مع سميه وريتاج راحت مع كريم وقال ايه الحلاوه دى
ريتاج :- بكسوف ش.ش.شكرآ
كريم :- امته بقى يجى اليوم اللى انا وانتى نبقى قاعدين مكان العروسه والعريس كده
ريتاج :- ياااااه لسه كتير اوى
كريم :- احباط إحباط يعنى مفيش أن شاءالله يا حبيبى ربنا يسهل مش لسه كتيرررر اوى تسدى نفس الواحد والله
ريتاج :- مش بقولك الحقيقه
كريم :- ما انا عارف انها الزفت الحقيقه لسه ربنا يديكى ويدينى طولت العمر لحد ما نتخرج بقى
ريتاج :- صح كده
كريم :- ريتاج روحى عند امك
ريتاج :- نعم
كريم :- وانا كمان رايح عند امى امشى قدامى وراحوا قعدوا على الترابيزه
عند تمارا ويوسف
طلب منهم الدجى يفتتحوا الفرح بالرقصه السلو وراحوا الاتنين وحط يوسف أيده فى وسط تمارا وتمارا حطت ايديها على كتفه وبدأوا يرقصوا مع بعض
يوسف :- بحبك اوى يا تمارا انتى الضحكه الحلوه اللى بتحلى ايامى اوعى فى يوم من الايام تحرمينى منك يا تمارا مهما حصل
تمارا :- جربت ابعد عنك ومقدرتش يا يوسف قلبى رافض يكون لغيرك وهو اللى انتصر فى الاخر ومقدرش يبعد عنك اكتر من كده قلبى مريض بحبك يا يوسف
يوسف :- مسك ايديها وباسها وقال مش عايز اغمض عينى ثانيه واحده عايز افضل باصص عليكى كده طول الوقت
تمارا :- نامت فى حضنه وقالت يااااه يا يوسف حاسه نفسى بحلم مش قادره اصدق كل اللى بيحصل ده انا حلمت باليوم ده من زمان اوى يا يوسف
يوسف :- باس راسها وقال احلمى وانا احققلك كل احلامك يا قلبى
تمارا :- مش عايزه حاجه تانى من الدنيا غير أن أبقى معاك وفى حضنك
يوسف :- بحبك بحبك بحبك بحبببببببببببببك ولف بيها والكل صفر ليهم ونزلها على الأرض وقال بعشقك لدرجة الجنون يا تمارا
تمارا :- ابتسمت بحب وحضنته وكملوا رقص وبدأوا الكابلز يشاركوا فى الرقصه
بدر ورحمه
رحمه :- امتى بقى نتجوز احنا كمان
بدر :- والله العظيم لو عليا انا عايز دلوقتى قبل شويه بس مش بأيدى حاجه يا رحمه
رحمه :- حست انها جرحت بدر بكلامها ابتسمت ليه وقالت مش مهم على مهلك المهم اننا مع بعض يا بدر انا استناك العمر كله
بدر :- انا بحبك اوى يا رحمه ونفسى نتجوز اكتر منك بس الظروف هى اللى بتحكم عليا بكده
رحمه :- هنتجوز هنتجوز هنروح من بعض فين انا مكلبشه فيك ومش هتعرف تهرب منى عمرك
بدر :- ابتسم وقال احلى كلبش فى حياتى والله
رحمه :- ما تجيب بوسه مشبك
بدر :- بص ليها وقعد يضحك
رحمه :- بضحك اوعى تصدق انا بهزر ياض ده انا ادبحك لو تفكر تعملها
بدر :- بس انا اكيد فى يوم من الايام هعملها
رحمه :- بتحلم
بدر :- لاء مش بحلم وابوكى اكيد هيبقى عارف ان انا بعمل كده
رحمه :- شكلك اتجننت وراحت منك يا بدر
بدر :- ايوه وفيها ايه ما انتى هتبقى ساعتها مراتى
رحمه :- ضربته على كتفه وقالت غلس وقعت قلبى والله
بدر :- انتى مجنونه انا عمرى ما افكر اعمل كده غير بالحلال وتكونى مراتى
رحمه :- بعشقك يا بدوره
بدر:- وانا بموت فيكى يا رحومتى
انس ويارا
يارا :- مالك سرحان كده ليه
انس :- بحب تعرفى أن انا غيران عليكى اوى من عيون الناس نفسى اداريكى عن الناس كلها ومحدش يشوفك غيرى انا وبس يا يارا
يارا :- انا ليك وعمرى ما هكون ليك لو قدامى ملايين الناس وحطت راسها على صدره
انس :- ضمها اكتر ليه وباس راسها وكملوا رقص
مالك وندى
مالك :- إنبى ما فى حد فى جمالك يا قمرى
ندى :- إنبى انت اللى عسل
مالك :- ما تجيبى بوسه
ندى :- وحياة امك انت مش بتشبع
مالك :- اشبع انا عمرى ما اشبع منك يا قلبى
ندى :- يا لهوى على حبيبى يا ناس عايزه اكلك اكل وربنا
مالك :- وانا تحت امرك اهو عايز اعيش ليله ولا الف ليله وليله
ندى :- اوعى تفهمنى صح
مالك :- ده انا فاهمك صح الصح سافله
ندى :- ضحكت
مالك :- اموت انا وكملوا رقص
وبعد وقت انتهى الفرح وكل واحد روح على الشاليه بتاعهم ويوسف وتمارا راحوا على الفندق
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف وتمارا
دخلوا الاتنين الاوضه وكانت تمارا مكسوفه بص ليها يوسف بحب وقرب منها ومسك ايديها وباسها برقه وقال
يوسف :- نورتى حياتى كلها يا قلبى
تمارا :- بكسوف ر.ر.ربنا يخليك
يوسف :- تعالى يا تيمو عايز اتكلم معاكى كلمتين ومسك ايديها وراحوا قعدوا على السرير
تمارا :- خير يا يوسف
يوسف :- انا كنت عايز اتكلم معاكى فى موضوع كده ممكن يكون مش وقته بس حابب نتكلم فيه قبل ما يحصل بينا اى حاجه
تمارا :- ايه هو الموضوع
يوسف :- ابنى
تمارا :- ابنك
يوسف :- ايوه اللى فى بطن ارين ده الله اعلم اذا كان ابنى ولا بس اكيد لما تولد انا هعمل تحليل DNA انا متابع كل تحركاتها فى بلدها وأخبارها بتيجى ليا اول بأول لحد بس ما تولد ولما تولد هعمل تحليل زى ما قولتلك لو ابنى انا هخده منها وهخليه يعيش معانا انت ايه رأيك
تمارا :- سكتت شويه ومردتش عليه
يوسف :- انا عارف انها هتكون صعبه عليكى شويه انك تربى ابن جوزك بس مش حابب ابنى يتربى بعيد عنى وعلى ايد ارين وانتى اكيد فاهمه تربية هناك هتبقى شكلها ايه انا عايز ابنى يتربى على عادتنا وعلى تقاليدنا وليكى مطلق الحريه لو مش حابه الفكره انا ممكن اخليه مع امى تخلى بالها منه
تمارا :- لاء طبعآ ابنك يتربى معاك انا مش معترضه على فكره ان ابنك يعيش معانا واخد بالى منه بس مجرد الكلام فى الموضوع ده فكرنى باللى حصل منك
يوسف :- انسى بقى يا تمارا احنا عايزين نبدء صفحه جديده بعيد عن الماضى واللى كان فيه وانا فرحان اوى انك وافقتى أنك تخدى بالك من ابنى انا بحبك اوى يا تمارا وحضنها
تمارا :- مدت ايديها ببطئ وقربتها من يوسف وضمته اكتر ليها بحب
يوسف :- بعدها عن حضنه ومسك وشها بين ايديه وقرب من شفايفها وباسها
تمارا :- بعدت عنه وقامت وقفت وقالت احم ا ا.انا هدخل الحمام اغير الفستان
يوسف :- قام وقف قصادها وقال خليكى غيرى هدومك هنا براحتك وانا هدخل اغير فى الحمام وقرب من راسها وباسها وراح اخد هدومه ودخل الحمام
تمارا :- وقفت قصاد المرايا وبصت على نفسها وابتسمت بحب ومدت ايديها مسكت السلسله وقربتها من شفايفها وباستها وسابتها ومدت ايديها وشدت رباط الفستان فكته ونزلته من على جسمها ولبست قميص نوم قصير وعليه الاسدال وفى الوقت ده خرج يوسف وقال
يوسف :- ادخلى اتوضى
تمارا :- دخلت اتوضت وخرجت وبدء يوسف يصلى بيها الركعتين وبعد وقت انتهى وقال الدعاء وقرب من راسها وباسها وقال
يوسف :- ربنا يبارك ليا فيكى يا تمارا
تمارا :- ابتسمت ليه بحب وقامت وقفت
يوسف :- قام وقف وقرب منها وقرب على شفايفها وباسها بوسه طويله وبعد عنها رفع ليها الاسدال وقلعه ليها وبص ليها بحب وقال ايه الجمال ده يا قلبى
تمارا :- بكسوف ش.ش.شكرآ
يوسف :- جعانه
تمارا :- هزت راسها يمين وشمال وقال لاء مش عايزه
يوسف :- مد أيده على كتفها وبدء ينزل حمالة القميص
تمارا :- بصت على ايده اللى على كتفها وبصت ليوسف فى عينيه وبصت على أيده وهى بتنزل الحماله التانيه وغمضت عينيها بتوتر وكسوف
يوسف :- ميل عليها وشالها
تمارا :- فتحت عينيها وبصت ليه بحب ولفت دراعه حاولين رقابته وقربت من شفايفه وباسته
يوسف :- عمق البوسه اكتر وحطها على السرير وبعد عن شفايفها ومشى أيده على شفايفها ونزل بيها على رقابتها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه انس
دخل انس ويارا الشاليه على اوضت النوم وقعد انس على حرف السرير يقلع الجزمه بتاعته ووقفت يارا قصاد المرايا قلعت الاكسسوار بتاعها ولسه هتقلع الفستان لاقت انس واقف وراه ضهرها وبيبص على انعاكسهم فى المرايا ومد أيده يفتح ليها سوستة الفستان بصت ليه بكسوف فى المرايا وابتسمت ليه
انس :- قرب شفايفه من ضهرها العريان الظاهر من السوستة وباسها برقه
يارا :- غمضت عينيها بكسوف وبعدت عنه
انس :- قرب تانى ليها وشدها فى حضنه وباس راسها وقال بحبك
يارا :- بصت ليه بحب وقالت بعشقك
انس :- نزل الفستان من عليها فى الارض وشالها حطها على السرير وقرب منها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند ندى ومالك
دخلوا الاتنين الشاليه وهى ندى مش قادره تفتح عينيها بصت فى الساعه وقالت بتعب
ندى :- لسه بدرى على الطياره هنام بقى شويه احسن خلاص مش قادره افتح عينى
مالك :- لاء يا حبيبتى تنامى ايه صحصحى معايا كده الله يخليكى
ندى:- عايز ايه يا مالك بقى
مالك :- هو ايه اللى عايز ايه عايز ا.ا ا حاجات
ندى :- بجد تعبانه ومش قادره افتح عينى يا مالك ودخلت الحمام غيرت هدومها ونامت على السرير وقالت اطفى النور بالله عليك
مالك :- بغيظ مش هطفى حاجه مليش دعوه ودخل يغير هدومه
ندى :- بصت عليه وهو ماشى وضحكت عليه
مالك :- غير هدومه وخرج من الحمام ونام على السرير جمب ندى وقعد يتقلب كتير
ندى :- فيه ايه يا ابنى بتتحرك كتير كده ليه مش عارفه انام منك
مالك :- قرب منها وقال ندوش تعالى نتكلم مع بعض شويه مش عارف انام
ندى :- يا مالك بقولك تعبانه وعايزه انام
مالك :- طيب تعالى اقولك على حاجه
ندى :- لاء انا عارفه الحاجه دى ايه
مالك :-بغيظ نامى يا فقر واداها ضهره
ندى :- بصت عليه وابتسمت وخبطت على ضهره وقالت ملوكه يا موكه رد عليا
مالك :- عايزه ايه
ندى :- بقولك
مالك :- امممم
ندى :- بحبك
مالك :- يا راجل احلفى
ندى :- وحياة موكه عندى
مالك :- بت انتى انا على أخرى
ندى :- بدلع طيب بقولك
مالك :- امممم
ندى :- بص ليا طيب
مالك :- لاء حرام
ندى :- يا غلس
مالك :- مش لسه كنت عندك وقولتيلى عايزه تنامى خلى النوم ينفعك بقى
ندى :- ما انا مش هعرف انام الا فى حضنك
مالك :- متلاقيش انا حضنى بيأدى إلى حاجات يرفضها المجتمع
ندى :- اخس عليك يا مالك بقى ندوش تهون عليك
مالك :- مش انا هونت عليكى يبقى تهونى
ندى :- بطل غلاسه بقى هات حضنك علشان انام
مالك :- لف ليها وفرد دراعه وقال تعالى يا مدوخانى
ندى :- بفرحه قالت هيييييه ونامت فى حضنه
مالك :- ضمها فى حضنه وباس راسها وقال مشكلتى ان انا ضعيف اوى من نحيتك ومقدرش ازعلك
ندى :- بجد يا مالك
مالك :- انتى لسه بتسألى يا ندى
ندى :- قربت من شفايفه وباسته وقالت بحبك
مالك :- وانا كمان بحبك بس نامى ولمى الدور احسن عواطفى كده هتنهار
ندى :- بضحك ودلع طيب ما تنهار براحتها
مالك :- يا بنتى انتى عايزه ايه بالظبط عايزه تنامى ولا عايزه وغمز ليها
ندى :- انت وذوقك بقى
مالك :- حبيبتى هو حد قالك انك مجنونه قبل كده
ندى :- ياااااه كتير اوى يا حبيبى
مالك :- طيب تصبحى على خير بقى
ندى :- وربنا اشرحك
مالك :- وهو كاتم ضحكته قال ايه فيه ايه
ندى :- اقلع التيشيرت ياااض
مالك :- مش كده يا برعى اهدا
ندى :- وحياة امك
مالك :- وهو مش قادر يمسك نفسه من الضحك قال مش انتى اللى رفضى فى الاول
ندى :- بعمل لنفسى برستيج اخلص
مالك :- شرس شرس يعنى مفيش كلام وقام قلع التيشيرت ولسه هيقرب منها
ندى :- ايه هتعمل ايه
مالك :- ده ايه الغباء ده ما انتى عارفه هعمل ايه مش انتى اللى قولتى اقلع التيشيرت
ندى :- ااااه يا سافل انت دماغك راحت شمال انا اقصد تقلع التيشيرت علشان البتاع اللى فيه ده مضايقنى ومش عارفه انام منه يلا بقى تصبح على خير وغمضت عينيها
مالك :- بصلها بصدمه وقال ناااااعم يا روح امك وربنا ما انا سايبك النهارده وقرب منها
ندى :- بضحك خلاص خلاص انا بهزر يا رمضان انت ايه مبتهزرش
مالك :- لاء بهزر يا اختى وقرب منها و(سكتت شهرزاد عن الكلام الغير مباح )