رواية مأمني وأماني
الفصل السابع عشر 17
بقلم توسل محمد طه
*هذه المره كان الجُرح بداخلي، لن تنفعه المسكنات ولا المهدئات كالذي قبله، بل قبر وكفن، اعزل به نفسي عن العالم!* 💔
ي اموت انا ي تموت انت وجات تضربو بالسكين جا جاسر من ورا مسكها
بقت تتلاوى مع جاسر في السكين وفياض جا عشان يمسكها السكين دخلت في بطنو💔
جوري رمت السكين وبقت ترجف وشغاله مااات مااات مااات
جاسر بقا واقف مصدوم ومنطط عيونو بسرعه نزل على فياض وطلع السكين منو جوري فتحت الباب وجرت وجاسر بقا مشغول مع فياض واتصل على عروه عشان يجي ويلحقو
وفياض بقا غارق في دموو وواقع في الأرض جا عروه وطلع ليهم جاسر وعروه شالو ودوه مسشتفى(.....) وبقو خايفين يسالو الطعنو شنوو
جوري بقت ترجف وتمشي خطوتين وتقع لحد م جا خالد مسكها خافت وبقت تصرخ فكني فكني
جوري اهدي دا انا خالد في شنو مالك الحاصل شنوو وليه حالتك كدا قولي بسم الله
جوري لمن شافتو خالد قعدت تبكي وخالد رفعها وداها العربيه
وجوري تبكي شديد
جوري احكي الحصل شنو م الفي بالي صح ي جوري؟💔
انا قتلتو قتلتو😭
قتلتي منووو😳
فيااض طعنتو بالسكين مااات انا قاتله😭😭
كدي اهدي وقولي بسم الله واحكي لي القصه من البدايه من نزلت حصل شنوو
طيب انت لم نزلتني أفكاري كانت جايطه م كنت قادره أصدق د كلو في فياض قلت اواجهو بالكلام وقررت م امشي معاهو ااي مكان بس لازم اعرف الحقيقه وفياض جاا وطلعت معاهو....الخ
طييب م تخافي وكويس انها جات كدا ي جوري وم حصلت ليك حاجه احمدي ربنا
بس انا قتلتو😭
م انتي جاااسر
كيييف🥺
انتي قلتي كنتي بتتلاوي في السكين انتي وجاسر وفياض جا عشان يمسكك والسكين دخلت فيهو
اايوه
طيب م كنتي ماسكه السكين براك انتي وجاسر سوااا
اااي
يبقا م تخافي انا بعرف جاسر وفياض اكتر منك بس ادعي انو يكون فياض عايش لانو لو عايش ماف ااي شي بحصل
كيف ماف شي بحصل
افهمي انو انتي وجاسر كنتو ماسكين السكين سوا يعني طعنتوو مع بعض وهم م ح يبلغو لسببين السبب الاول انو جاسر معاك وهو عارف نفسو عشان كدا م ح يخلي فياض يبلغ السبب التاني حتى لو ختوها كلها فيك ح يقولو السبب شنو الخلاك تطعنيه دفاع عن الشرف صح؟
اايوه صح
يبقا انتي بطله كدا لانو القتل حلال لو كان دفاع عن شرفك
فهمتي
اايوه فهمت
بس في حاجه
شنو؟
هم م ح يسكتو ولا ح يخلوك على كدا يااخ انا صاحبهم م ح يخلوني
فياض وجاسر وعروه اكعب مما تتصوري واسألي جواد عنهم جواد عرف الحاجه دي عشان كدا خلانا بس انا للاسف عرفت متأخر وشاركت معاهم في كم حاجه 💔 بس تبت الحمد الله *وان الله غفور رحيم*
يعني ح يحصل شنوو واعمل شنوو😭
هو حصل وانتها ي جوري💔
حصل شنوو ي خالد😭 اهلي عرفو😭
فبركو صورك ورسلوها في قروب الاولاد حق الحله💔
وانا مشيت ليك البيت لقيت امك حالتها حاله💔 منهاره شديد ي جوري والناس كلهم بقو يتكلمو في سيرتكم 💔
وجواد😭💔
جواد اتصل علي وانا حكيت ليه كل حاجه وهو الخلاني اجيك هنا جواد اتكسر شديد ي جوري💔
لا م تقولها😭😭😭 ياااااااالله😭 ي رب تشيل روحي وتريحني انا م بقدر اتحمل دا كلووو😭
استغفري واحمدي ربك انك لسه كويسه
انا كسرت ضهر ابوي واخواني اعيش لشنوو تاني😭 خلاص سمعتي اتشوهت
جواد لسه م عرف بي انو انتي طعنتي فياض وانك لسه كويسه اتصلي كلميه ومدا ليها التلفون
م بقدر اواجهو م بقدر اخت عيني في عينو تاني😭 هو وصاني وحذرني ابعد من فياض بس انا م سمعت الكلام انا استاهل كل الحصل لي استاهل اموت م بستاهل محبه اخواني لي ولا ثقه امي وابوي فيني😭
جوري بقت تبكي لمن جاتها تشنجات💔 واغمى عليها
خالد بسرعه واداها المستشفى وطلع عندها انهيار عصبي حاااد💔
واتصل على جواد حكا ليه كل الحصل وقال ليه لازم يخلو المنطقه لانو الناس م ح ترحمهم💔ولا ح ترحم جوري
جواد: طيب ح نمشي وين ي خالد💔 دا تعب وغربه سنين وعرق جبين البيت دا ح يطلعو منو كيف ويمشو وين💔
المكان ساهل انت بس اقنعهم انو لازم يرحلو ان شاءالله لمده معينه💔
ح اقنعهم💔 بس عندك مكان انت؟💔
اااي انا عندي اختي بت ابوي عايشه مع خالتها من ابوي اتوفا وعندها ود خالتها دا عايش في عماره في(......) واكيد عندهم شقه فاضيه؟
بتقدر تتواصل معاها وتسالها تتأكد لينا؟
والله ي مان علاقتي معاها م كويسه شديدد زي م مفروض تكون لكن بطرقي الخاصه عرفت المعلومات دي بس ح اتصل واسألها ليك
شكرا ليك ي خالد ياااخ
ماف شكر بين الإخوان
تسلم ي خوه بس خليك معاهم انا اصلا عندي اجازه ح انزل ٤٥ يوم وبرجع
خلاص في انتظارك ي مان وم تخاف اختك وأهلك في عيوني والله💔
تسسسلم كتيير انا بتصرف وبرجع ليك بتلفون ان شاءالله
تمام بينا تلفون.
جوري بهناك امها واختها جو المستشفى وامها بس تبكي ولا كلمه م قالتها ليها وجوري تبكي شديد والدكتور قال مفروض م تزعل تاني لانو عندها انهيار عصبي امها سمعت كلامو وسكتت وجات تطلع جوري اتكلمت بصوت كلو حزن وكسر وضعف ودمووع💔 وقالت ليها:
امي😭
امها م ردت بس وقفت مكانها
امي م عايزه تتكلمي معااي😭 انا غلطت ي امي بس غصبا عني😭اعفي لي ي امي😭
بهيسه: اوعا تقولي كلمه امي دي تاني في خشمك💔
جوري بقت تبكي شديد
اعفي لي ي امي اعفي لي حقكم😭
اعفي ليك؟ انا ربيتك كدا ي جوري؟ ودموعها بدت تجري انا ربيتك احسن تربيه م ربيتك كدا والله انتي م تربيتي دا جزانا عشان دلعناك؟ عشان وثقنا فيك؟ وخليناك تعملي العايزه على اساس انك تربيتنا ونحن واثقين منها بس كسرتي ضهرنا ي جوري كسرتي عيني مع الحريم وكسرتي اخوانك مع الرجال وابوك! عارفه انو ابوك جاتو صدمه اتسببت ليه بي ضغط بسببك وجمال حلف الا ينزل ويقتلك عشان يرد شرفو بس ابوك منعو وجواد ي جوري جواد💔 اخوك البحبك اكتر من نفسو خذلتي وكسرتي ي جوري كسرتي ضهرنا😭 تعب سنينا كلو ي جوري راح بسببك ح نواجه الناس كيف نخت عينا في عينهم كيف ي جوري😭 نحن ي جوري الا نرحل جواد قال ترحلو من بيتنا من تعبنا ومن حياتنا عمرنا كلو نعمر في البيت دا كسرتينا لدرجه ح نخلي تعبنا كلو ورانا ونمشي ي جوري عملنا ليك شنو عشان تكافينا كدا ليه ي جوري يااااريت لو متت قبل اشوف اليوم دا ياااريت😭
انا ي جوري لمن شفت صورك م كنتي عارفه حاسه بشنو يشهد الله ي جوري كانو قلبي اتقسم😭 واقفه مع الحريم اشوف صورك عند بتاع الدكان ي جوري م فكرتي فينا م فكرتي في نفسك م فكرتي في ابوك واخوانك نودي وشنا وين ي جوري نودي وشنا وين من الناس يااااريت لو متت قبل اشوف اليوم دا يااااريت😭
م تقولي كدا ي امي م تقولي كدا😭💔
المووت اهون وارحم علي من الشفتو😭 ي الله الصبر ي الله😭
جوري بقت تبكي شديد لمن اغمى عليها وقلب امها حنا عليها رغم كميه الزعل الفيهو
وجواد اتكسر شديد بس لقا يوسف معاه وسندو
اهل جوري رحلو البيت الجديد او بالأصح رحلو جزء من عفشهم بس وكانو قاعدين مع جوري في المستشفى لانو حالتها اتدهورت شديد بعد سمعت كلام امها💔
ومرت تلاته يوم في المستشفى والليله قالو يخرجو جوري من المستشفى
خرجوها وهي مكسوره وهزيله وظاهر في صحتها مشو على البيت الجديد
مشو وخلو وراهم كل حياتهم اصحابهم جيرانهم أهلهم زاتو مدرستها صحباتها بيتهم وشقا ابوها وذكرياتهم كلها خلو كل شي وراهم بسبب غلطه م مقصوده بسبب الحب الحرام الدخلت فيهو جوري بسبب ثقتها في انسان غريب عنها غشاها بي كلامو المعسول بسبب الطريق الغلط المشت فيهو 💔
غلطت جوري ودفعو الثمن على غلطتها ابوها واخوها وامها💔 غلطت جوري ودفعو التمن اهلها💔 كسرتهم رغم عزة النفس الكانت فيهم💔 غلطت جوري وانجرفت ورا الكلام المعسول الكاذب ودفعت تمنو غالي غالي شديد
صدقت كل الكلام المعسول وم عرفت انو دا فخخ عشان تقع فيهو صح هي نجت من الاغتصاب بس سمعتها وسمعت اهلها اتدمرت ودا بسببها هي نجت بس ماف زول بصدق انها نجت💔
والناس منتظرا فرصه زي دي عشان يقعدو يألفو ويلفو ويدورو في الموضوع الناس م بتستر بعض لا بالعكس الحاجه الزي دي بتنتشر اسرع من فعل الخير في بلدنا
قال ليها مرتي وصدقت انها مرتو💔 قال ليها بحبك وصدقت انو بحبها💔 البحبك بصونك م بدمرك البحبك بجيك بالباب مااف حب زي دا
في زمنا بقا الواحد يقول ليها نعمل ونعمل لم تقول لا وتقاوم يقول ليها م انتي مرتي في النهايه وتخضع ليه على اساس انها مرتو في النهايه وتنسى انها لسه م بقت مرتو💔
*البشيل منك العايزو بالحرام عمرو م بجيك بالحلال*
جوري الغلطت وكتار الدفعو تمن غلطها💔
امها وجمانه طلعو قبليها وجوري حست بحجم غلطها حست قدر شنو هي كسرت امها واخوانها وابوها وندمت بس الندم م برجع حاجه قعدت في السلم وبقت تبكي بحرقه تبكي بي وجع تبكي بي ندم وأثناء م قاعده تبكي تحس بي يد في كتفها