رواية احتواء القاسي الفصل الثامن والثلاثون38بقلم سوسو تويكس
من الفرحه خلينا السوق، ملاذ قالت لي ارجع معاهم البيت هناك، ويكلمو معتصم يجي يفطر فطور رمضان هنا وبعداك ارجع معاهو_شفتها فكره حلوه بدل ما ارجع هناك واقعد براي_وصلنا البيت وساره رجعت بيتهم، ملاذ اول ما دخلنا في الباب بقت امورك بأعلى حسها:أميييي يا يممممه_وانا بسكت فيها وهي لسه بتكورك_خالتو ساميه جات طالعه من عرفتها مخلوعه بتبوها و مصلايتها شكلها كان بتصلي يا حليلا، جسمها لمن برجف من الخلعه_سالتها:مالك في شنو بتعيطي كده حصل شنو_جرت ليها حضنتها وبقت تنطط معاها 😂 غايتو ملاذ دي شافعه بس_خالتو ساميه قرصتها من اضانها، عرفتا معتصم اتعلم الحركة دي من منو🐸، قالت ليها وهي لسه جاره ليها اضانها:انتي يا بت هبله بتين تعقلي، كنتي بتكوركي لشنو_ملاذ:فكي لي تشاني بالاول_بعد فكرها صرخت وهي بتحصنها وبتقول:ح ابقى عمة هييي، ح ابقى عمه، وتاني ما بناديك بي يمه تاني بقول ليك حبوبه_خالتو ساميه لسه ما مستوعبه ولا فاهمة ملاذ، عاينت لي وهي بتقول:البت دي اليله عمارتها زادت يعني حصل ليها حادث أثر على دماغها ولا شنو_موتتني من الضحك عايزه اتكلم ملاذ سبقتني وهي بتقول:يعني ح تبقي حبوبه،وانا ح ابقى عمه، لينه حامل يا امي_خالتو ساميه اخدت ليها صنه مسافه عشان تستوعب، تاني جات حضنتني وهي مدمعه من الفرح بعد شويه قلبتو بكا عديل، بعد استوعبت اني واقفه قالت لي:اقعدي يا بتي ما صاح تقيفي فترة طويله كده، اقعدي ومن الكرسي ده ما تتحركي تاني_ غايتو اليوم مضى على كده انا كان اتحركت من الكرسي الا عشان اصلي بس، حكم القوي 😂، لكن رفهو عني شديد والله طولتا ما ضحكنا بالطريقه دي، بالعصر كده ضربو لي معتصم و وروهو اني معاهم وهو زاتو يجي يفطر بي هنا_وبرضو وقت التجهيزات لصينيه رمضان ما خلوني اعمل شي، لحدي بعد العشا كده، كنا قاعدين كلنا، وملاذ طبعا ما قادره تكتم الشمار، كلو مره تهمس لي:والله يا لينه ما قادره اكتم الخبر _طبعا خبرتها ما تقول قدام معتصم، عايزه اوريهو انا بطريقتي الخاصه، واثناء ونستنا معتصم اتسرق وبقا يكح وجك المويه كان جمبي، قالي:اديني مويه عليك الله _عايزه اقوم خالتي ساميه قالت بخلعه:لالا ما تتحركي من مكانك، خلي ملاذ بتديك المويه _طبعا احتار شديد، أشر لي بعيونو في شنو؟، اشرتا ليهو ماف شي_المهم مضى الوقت لحدي ما رجعنا البيت، غيرتا وجيت قعدتا جمبو في كنبة الصاله..
غيرتا وجيت قعدتا جمبو في كنبة الصاله، كان شغال بتلفونو، وقت شافني استعدل قعدتو بحيث بقا مواجهني قالي : كويس جيتي انا زاتي عندي موضوع عايز اتكلم فيهو معاك، عايزك تهدي تسمعيني للآخر بدون انفعال تمام_ما ركزتا في كلامو ده لانو الفرحه عاميه عيوني قلتا ليهو بابتسامه واسعه :حتى انا عندي خبر عايزه اوريك ليهو_معتصم:من الابتسامه دي شكلو خبرة حلو، معناها قولي انتي اول، لانو ما معروف اذا وريتك الموضوع تقدري تقولي خبرك ده ولا لأ _برضو ما ركزتا شلتا نفس طويل، مسكتا يدو وختيتها على بطني، وعلينا ليهو في عيونو، أخد ليهو صنه مسااافه كم دقيقه كده، حتى سالني بتوتر:ده الفي بالي.. ي. يعني قصدي ا.. انك حامل_هزبت ليهو راسي بابتسامه وقلتا: ايي صاح_ زحا يدو وقام من الكنبه مسك راسو، وقف مسافه بعداك دخل الغرفه، خلاني متفاجئ من ردة فعلو دي، بعتي انا اتوقعتا كلو ردود الفعل الا تصرفو ده خلاني تايهة، هل هو فرحان ولا دي صدمه ولا... الخبر ما عجبو، يا دوب ركزتا انو كان عايز يقول لي موضوع ركزتا في جمله'' اهدي وما تنفعلي اسمعيني للاخر'' معقوله يكون الموضوع الطلاق، انا راسي ح يضرب من التفكير، شكلو كان عايز يطلبني ووقت عرف اني حامل خططو خربت_دخلتا ليهو جوا في الغرفه لقيتو قاعد في طرف السرير وماسك راسو بين يدينو، ناديتو وانا خلاص على وشك اني ابكي:معتصم_رفع راسو وقالي:ما حسي يا لينه، بنتكلم في الموضوع بكرة أنشأ الله _سكتا لانو حتى انا ما مستعده المواجهة دي حالياََ_جيت رقدنا في طرف السرير وانا راسي ح ينفجر من التفكير ما قادره انوم بس بتقلب، لحدي ما اخدتني غفوة، قمتا لقيتو ماف في السرير عاينتا للساعه لقيتها ٣ ص، طلعتا من الغرفه سمعتا صوت معتصم من الجنينه شكلو بتكلم بالتلفون، قربتا كده سامعاهو قال:ما قدرتا اوريها بالموضوع خبر الحمل ده جاط الأمور كلها، وحاليا ما بقدر اوريها لانو ما معروف ردة فعلها ح تكون شنو وهي حامل_راسي لمن لفه وحسيت الأرض بتدور بي وانا سامعاهو والكلام يتردد لي في اضاني ياهو زاتو الموضوع شكلو الطلاق. ....
يتبع