رواية احتواء القاسي
الفصل التاسع والثلاثون39
بقلم سوسو تويكس
قعدتا في الأرض وبطني فارماني فرم من الوجع وجاني هبوط عديل، جا داخل الصاله تفاجأ بمنظري، نزل لمستواي وهو بقول بخوف:مالك انتي كويسه_رفعتا راسي ودموعي بنزلو من الألم ما قادره ارد، شالني وداني الغرفه بقا ماشي وجاي بخوف ما عارف يعمل شنو وكلو شويه يجي يسالني:انتي كويسه، حصل ليك حاجه، حاسه بشنو_الالم شويه شويه بدا يهدا، قمتا بهدؤ، وانا اصلا ما فيني حيل عشان اناقشو او اسألو_دخلتا الحمام اتوضيت،طلعتا جيت اصلي قالي: بقيتي كيف_اكتفبت باني اعاين ليهو بحسره بس_شلتا المصلايه عايزه اصلي، قالي:انتظري نتوضى ونصلي سوا _ابيت انتظرو، وصليت براي، وحرفيا في السجود كملتا كل موية راسي، انهرتا وانا ببكي، لي بحصل معاي كل ده، ما قادره اتحمل اكتر من كدا _تميت صلاة واستغفرتا، لقيتو قاعد بعاين لي، ما قال كلمه وانا ما فتحتا خشمي، لسه ما استجمعتا كل قواي عشان اقدر اواجهو_اليله ما طلع بعد الصلاة طوالي لانو قال ح يمشي معلي نتابع عند دكتوره_وفعلا الساعه ٩ اتجهزنا ومشينا لي دكتوره اخصائيه نسا وتوليد، واثناء الموجات، قالت لينا بفرحه:الف الف مبروك توأم، بس لسه بدري عشان نعرف نوع الجنين _وقت قالت توأم شلتا هم، بعد ما يطلقني ح اوريهم كيف ح اتعامل معاهم كيف، لاحظتا ليهو كان فرحان وظاهر من عيونو بس برضو في قلق واضح_بعد خلصنا، الدكتوره قالت :لازم تعتني بيها عنايه خاصه لانو مناعتها ضعيفه وهي ما حامل بي جنين واحد لأ هم توأم، واحذري من الانفعال، وابعدي عنو لانو بأثر على صحتك قبل صحة الجنين، وبسبب الانفعال في خطر على حياتك وعلى التوأم_المهم صرفت لينا الادويه وطلعنا العربيه رجعنا البيت _بعد غيرنا قلتا ليهو:ما حاسي انو طولنا في المواجهة، بعده خلاص لازم نخت نقط على الحروف، انا ما بقدر اعيش في تواهان زي ده_قعدني في السرير وهو بقول:ما شايف ليها داعي، شفتي الدكتوره قالت شنو ممنوع تنفعلي _قلتا بسخريه:لي؟ خايف على اولادك_قال بزعل:انا خايف عليك انتي، هم ليه ما جو على الدنيا، بس انتي انا ما بقدر بجازف بيك_لينه:بالجد بقيت ما فاهماك، كدي قول بالواضح عايز شنو، حيرتني معاك ياخ، مش كان عايز تطلقني وخبر الحمل هو الوقفك، طيب بتمثل لي تاني_معتصم:انتي بتقولي شنو؟ وطلاق سنو؟ جنيتي صاح،انا ما بقدر افكر اخسرك اصلاََ لمن افكر بالطلاق، يعني نظرتك لي بقت بالطريقه دي_#التكملة وانا بديت احس بالالم تاني في بطني:طيب لي بتتعامل معاي كده؟ عايزه تفسير لي تصرفاتك دي، والموضوع المتدعايز تقولو امبارح شنو لو ما الطلاق هااا؟ _جاني على حضنو وهو بقول:اسف يا ننتي، وما تشغلي بالك بالموضوع، ما كان شي مهم، حاليا المهو انك تركزي على صحتك وما تنفعلي تمام؟ _لينه:لأ عايزه اعرف الموضوع _معتصم:ننتي ياخ ما تبقى عنيده، كلو شي بي اوانو، حسي خلينا في المهم قولك ح يكونو ولد وبت ولا ولدين ولا بتين_عرفتو عايز يغير الموضوع، وما ناقشتو زياده لانو خايفه انو الجنين يتأثر بانفعالي ولو حصل ليهو شي وقتها ما ح اسامح نفسي_جا العيد وبعدو اتوالت الايام لحدي ما دخلتا في الشهر التالت، الفترة الفاتت تعالو معاي كان حلو واهتمام كتير بحاول قدر الإمكان ما يخليني انفعل، بس ما هو زاتو معتصم الزمان، ما بعاين في عيوني وقت يجي يتكلم في حاجه هو داسيها عني والشي ده واضح من عيونو، بس المهم عندي حسي صحة التوأم _اليله التخريج حق ماجد، وكان يوم طويل وممل بالنسبه لي لانو الناس كلها متحركين الا انا من الكرسي ما بخلوني اقوم، المهم التخريج انتها وكان حلو شديد بالزات لحظة جا يشيل الشهاده _رجعنا بيتنا بعد التخريج طوالي وكان بليل، جينا تعبانين وانا اصلا الفتره دي بقيت انوم كتير طوالي على السرير، تاني يوم كانو عاملين لي ماجد قعده عائليه _خلاص معتصم فات الشغل بعد ما وصلني لي ناس خالتو ساميه، زي الضهر كده مرت خالو '' ام بكري'' مريم، ومعاها خالتو سعاد وساره بتها جو_عشان يساعدون في تجهيزات القعده لانو ح تكون بعد العصر، وطبعا كلهم متحركين شغالين بجهزو في الحاجات الا انا خلوني قاعده مع خالتو مريم'' ام بكري '' طبعا هي شاماني وزعلانه من وقت رفضتا بكري عكسي خالي التقبل الموضوع _تشيل وتحمر لي وشغاله طعبن بالكلام كأنها عايزه توصل لي معلومه_وانا بكره الحركات دي مووت لاحظتا ليها من إمبارح في التخريج برضو، قلتا ليها :خالتو مريم انتي لو عندك حاجه قوليها عديييل، انا شغل المطاعنات ده ما بنفع والله_مريم:تكرم عينك عايزه تعرفي انو انا شمتانه اييي شمتانه فيك عشان فضلتي ولدي الماف زيو على ولد عمك الحسي اتزوج ولمن مرتو حامل و اسي عنك الموضوع _طبعا كلهم جو على صوتها لأنها كانت منفعله وصوتها عالي_ساميه:مريم ده كلام شنو ده انا نسيتي انها حامل ما توريها بالهظار _وبقت تحمر ليها_مريم :ولا تحمري لي، لي بتين ح تدسو
_مريم :ولا تحمري لي، لي بتين ح تدسو عنها اهدا مرتو اماني لمن بقت حامل وما عايزين توروها، اصلو دي اخر اي واحده ترفض ولدي_وقفتا من الخلعه الصدمات جات على ورا بعض، كيف يعني معتصم اتزوج ومنو؟ اماني؟ ياها أقرب واحده لي ولمن حامل منو كمان، مسكتا بطني وانا بتأوه من الألم، الم بطني ما كان أقل من ألم قلبي البتمزق، وقعتا في الارض وانا ما قادره اتنفس وماسكه بطني الحاسه بيها اتقطعت حته حته زي قلبي، واخر شي شايفاهم كلهم جايين علي وصوت أصواتهم بعييده وضلااام...