رواية مزاولة حب الفصل التاسع والعشرون29والثلاثون30بقلم دودو محمد
فى شقة انس
دخلت يارا تعمل القهوه لانس وحطتها على النار وسرحت فى اللى حصل ما بينها وبين انس وبعد وقت سمعت القهوه بتفور وانس واقف قصادها بصت على القهوه وبصت لانس وقالت
يارا :- ا.ا.اسفه ثوانى وهعملك واحده تانيه
انس :- ماشى انا جيت اقولك أن بدر خرج
يارا :- بفرحه بجد يعنى هو فى البيت دلوقتى
انس :- ايوه لو عايزه تكلميه روحى كلميه
يارا :- بفرحه ماشى وسابته وطلعت تجرى على اوضتها ومسكت تليفونها واتصلت بأخوها وانتظرت الرد
بدر :- عامله ايه يا حبيبتى
يارا :- بفرحه الحمدالله انا فرحانه اوى انك خرجت بسرعه كده
بدر :- وانا فرحان علشان انتى فرحانه يا حبيبتى
يارا :- طيب تعال اتغدا معانا
بدر :- مش هينفع يا يارا انا جسمى كله متكسر ومش قادر اتحرك
يارا :- بخضه ليه مالك تعبان اجبلك دكتور طيب
بدر :- أهدى يا يارا انا كويس بس ضهرى واجعنى من قعدت الحجز بتاعة امبارح
يارا :- معلش يا حبيبى نام ريح جسمك ومتتحركش
بدر :- ورايا مشوار مهم هعمله واجى انام
يارا :- مشوار ايه ده
بدر :- مشوار يا يارا يخص الشغل
يارا :- اااه ماشى عايز حاجه
بدر :- عايز سلامتك يا حبيبتى باى
يارا :- باى وقفلت السكه وبصت لاقت انس قاعد جمبها على السرير قالت انا فرحانه اوى يا انس انت اللى خرجته
انس :- مش انا وعدك
يارا :- ايوه
انس :- يبقى لازم انفذ وعدى ليكى
يارا :- ابتسمت ليه بحب وقالت شكرآ يا انس
انس :- احنا مفيش ما بينا شكر يا يارا
يارا :- تعرف انت غريب اوى يا انس مش قادره احدد انت ايه بالظبط حنين ولا قاسى ساعات الاقيك حنين وطيب وشهم وساعات الاقيك قاسى وعصبى ومتعجرف كل ما اقول قدرت افهم شخصيتك الاقى نفسى مسكت نقطه فى بحر غاويط ملوش نهايه
انس :- انا كل ده فى بعض يا يارا قليل اوى اللى يقدر يفهمنى ويمشى على دماغى صح
يارا :- بس انت كده شخصيه متناقده يا انس
انس :- مش يمكن ده اللى ميزنى عن باقى الناس عندك
يارا :- بصت ليه وابتسمت بتوتر
انس :- يلا قومى حضرى ليا هدوم الشغل وانا هدخل اخد شاور
يارا :- حاضر وقامت وقفت وقالت طيب مش عايز قهوه
انس :- لاء خلاص علشان اتأخرت
يارا :- ماشى وحضرت المكواه وبدأت تكوى الهدوم بتاعت انس وبعد وقت خرج انس وهو صدره عريان من فوق وحاطط البشكير على وسطه ووقف قصاد المرايا
يارا :- اول ما شافته كده حست أن قلبها هيوقف عليها وقعدت تبص عليه
انس :- شم وقال ايه ريحة الشياط دى وبص على يارا لاقها سرحانه فيه والمكواه على القميص بتاعه راح يجرى وقال انتى يا بنتى
يارا :- فاقت وقالت ها ا.ا.ايوه
انس :- شاور بعينه على القميص وقال بصى انتى عملتى ايه
يارا :- بصت على القميص بصدمه وشالت المكواه وقالت نهار اسوح ا.ا انا اسفه مأخدش بالى والله
انس :- داس على أسنانه وقال امته هتخدى بالك بقى
يارا :- لما تلبس حاجه من فوق
انس :- نعم
يارا :- اقصد يعنى م.م.مينفعش تطلع كده من الحمام
انس :- ربع أيده على صدره وقال ليه بقى أن شاءالله
يارا :- ها ع.ع.علشان فيه واحده معاك فى البيت ومينفعش تبقى بالشكل ده
انس :- قرب ليها وقال والواحده دى بقى تبقى غريبه، على ما اعتقد انها مراتى صح
يارا :- اتوترت من قربه ليها وهو بالمنظر ده وقالت ا.ا.ايوه مراتك بس على الورق بس
انس :- قرب اكتر ليها وشدها فى حضنه وقال انا مستعد اخليه رسمى كمان
يارا :- سندت ايديها على صدره وبصت ليه بصدمه وقالت ه.ه.ها
انس :- رفع وشها ليه وقرب من شفايفها وباسها بوسه طويله وبعد وقت بعد عنها وغمض عينه وقال جهزى قميص غيره بسرعه وخرج من الاوضه وسابها
يارا :- وقفت مكانها مصدومه من اللى حصل ومشيت ايديها على شفايفها وقالت ه.ه.هو اللى حصل ده بجد ولا انا ك.ك.كنت بحلم وبصت على المكواه وسمعت صوت انس من بره بيقولها
انس :- يلا اخلصى علشان اتأخرت
يارا :- راحت اخدت قميص تانى من الدولاب وجهزته وخرجت من الاوضه وهى بتبص فى الارض وقالت بتوتر ا.ا الهدوم ج.ج.جاهزه
انس :- قام دخل الاوضه لبس هدومه وجهز نفسه وقال انا ماشى
يارا :- ا.ا انا عايزه اروح عند بدر اطمن عليه
انس :- ومقولتيش ليه من بدرى
يارا :- وهتفرق ايه اقول دلوقتى ولا من بدرى
انس :- علشان انا متأخر على الشغل وحضرتك لسه هتجهزى
يارا :- مش هتأخر والله هجهز بسرعه
انس :- طيب اخلصى
يارا :- دخلت تجرى على الاوضه ولبست هدومها وخرجت وقالت انا جاهزه
انس :- امشى يلا وخرجوا الاتنين من الشقه وانس حط أيده فى جيبه وقال انا نسيت المحفظه بتاعتى وفتح الباب
يارا :- خليك انا هدخل اجيبها ليك ودخلت بصت عليها لاقيتها على الترابيزه مدت ايديها واخدتها وقعت منها فى الارض واتفتحت ولاقت صورتها معاه فى المحفظه استغربت واخدتها من الأرض وبصت فيها وقالت غريبه صورتى بتعمل ايه معاه فى المحفظه وسمعت صوته بينده عليها قفلت المحفظه بسرعه وطلعت تجرى
انس :- بتعملى ايه كل ده
يارا :- ها ك.ك.كنت بدور عليها
انس :- اخدها منها وحطها فى جيبه وقال امشى يلا ونزلوا الاتنين مع بعض وصلها انس لحد البيت وراح على شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند بدر
نزل من بيته راح عند الراجل اللى كان عايز منه الشيكات ودخل مكتبه وقال
بدر :- ارتحت انت كده صح
الراجل :- ده حقى والحق ميزعلش حد
بدر :- مين اللى دفع ليك الفلوس
الراجل :- اللى دفع دفع انت ايه اكل وبحلقه كمان
بدر :- مسكه من هدومه وقال اقسم بالله لو مقولتش مين اللى دفع الفلوس لكون مطلع روحك بإيديا
الراجل :- هموت ابعد عنى
بدر :- انطق بقولك
الراجل :- واحد اسمه انس قال إنه جوز اختك
بدر :- بعد عن الراجل وقال أنس
الراجل :- وهو بيكح قال ايوه
بدر :- بص ليه بغيظ وسابه ومشى وراح البيت وطلع عنده الشقه لاقه يارا قاعده واول ما شافته
يارا :- طلعت تجرى واترمت فى حضنه وقالت بدر حبيبى عامل ايه
بدر :- طبطب عليها وقال الحمدالله يا حبيبتى امال فين جوزك
يارا :- وصلنى وراح على شغله
بدر :- انتى اللى قولتى لجوزك يدفع ليا الفلوس
يارا :- بأستغراب فلوس ايه
بدر :- الفلوس اللى كنت مستلفها علشان اجوزك بيها
يارا :- انا مش فاهمه حاجه يا بدر
بدر :- انا كنت مستلف فلوس وماضى شيكات بالفلوس دى والراجل لما اتأخرت عليه قدم الشيكات وجات الشرطه اخدتنى والنهارده خرجت وروحت سألت الراجل ده قالى أن اللى دفع الفلوس دى انس جوزك
يارا :- انا معرفش حاجه عن موضوع الفلوس دى وهو مقالش ليا حاجه هو كل اللى قالوا ليا أن خرجك علشان وعدنى بكده
بدر :- انا همضى على شيكات وهديها لجوزك وهشتغل واسدهم ليه وابقى اخد منه الشيكات دى لما اخلص
يارا :- ايه اللى انت بتقوله ده يا بدر انس جوز اختك مش حد غريب
بدر :- جوز اختى على عينى وعلى راسى بس مش هسمح أن يصرف عليا مليم واحد الفلوس دى انا كنت واخدها علشان جوازك وهسدهم ليه علشان انتى ملزومه منى انا يا يارا
يارا :- بس انس مش هيرضى
بدر :- مش بمزاجه يا يارا
يارا :- مش عارفه بقى
بدر :- سيبك انتى من الموضوع ده المهم طمنينى عليكى عامله ايه مع جوزك
يارا :- ها ك.ك.كويسه
بدر :- شكلك مش بيقول انك كويسه
يارا :- ما انت عارف ان دى دنيا جديده عليا ولسه محتاجه وقت على ما اتعود عليها
بدر :- ربنا يسعدك يا حبيبتى
يارا :- عامل ايه مع رحمه
بدر :- بوجع كويس
يارا :- مالك
بدر :- بوجع خايف اظلمها معايا اعلقها بيا اكتر من كده وفى الاخر مقدرش أوفى بوعدى ليها واتجوزها وحتى لو اتجوزتها هبقى ظلمتها معايا مش هعرف اعيشها فى نفس المستوى اللى عايشه فيه انتى شايفه الدنيا ملطشه معايا ازاى انا بحبها اوى بس مش عايز اظلمها
يارا :- يعنى ناوى تعمل ايه
بدر :- هبعد عنها هسيبها تعيشى حياتها مع واحد احسن منى يستحقها بجد يعيشها فى نفس مستواها
يارا :- بس رحمه بتحبك يا بدر
بدر :- وانا بحبها وعلشان بحبها لازم أضحى وابعد عنها هى مش هتبقى سهله عليا بس لازم اعمل كده علشان مصلحتها مش هبقى انانى واستغل حبها ليا ده واتجوزها واعيشها فى الفقر يا يارا
يارا :- بس كده انتوا الاتنين هتتعذبوا اوى يا بدر
بدر :- اتنهد وقال عارف بس لازم استحمل علشان خاطرها
يارا :- انا السبب لو مكنتش استلفت علشان تجوزنى كان زمانك دلوقتى بتجهز نفسك علشان تتجوز انت ورحمه
بدر :- بس بلاش هبل انتى اختى يا عبيطه وملزومه منى وفرحت لما اتجوزتى انس علشان راجل بجد ويقدر يحميكى وقام وقف وقال هدخل انام شويه علشان افوق واقعد معاكى شويه قبل ما تمشى
يارا :- ادخل نام يا حبيبى وانا هدخل اعملك اكل وابقى اصحيك لما اخلص
بدر :- باس راسها وقال ربنا يخليكى ليا يا حبيبتى وسابها ودخل الاوضه ونام على السرير وبص فى تليفونه لاقه رحمه كانت رنه عليه قفل تليفونه ونام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
خلصت تمارا شغلها ونزلت هى ورحمه وندى ووقفوا عند الرصيف وقالوا
ندى :- انتوا هتعملوا ايه دلوقتى
تمارا :- انا هستنى ياسين وهروح معاه الشقه
ندى :- وانتى يا رحمه
رحمه :- ها م.م مش عارفه
ندى :- مالك يا بنتى النهارده طول النهار سرحانه وتايهه كده
رحمه :- م.م.مفيش
تمارا :- كانت قلقانه على حبيب القلب ومنمتش خالص
ندى :- هيييييح يقطع الحب وسنينه
رحمه :- بقولكم ايه انا ماشيه مش فايقه لكلامكم ده
تمارا :- استنى يا بنتى هنا اتكلمى فيه ايه مشقلب حالك كده
رحمه :- قولتلكم مفيش
ندى :- مش هنبوس ايديكى علشان تتكلمى اخلصى يا بنتى وقولى مالك
رحمه :- يوووه بقى سبونى فى حالى
تمارا :- بطريقتك دى بتأكدى لينا أن فيه حاجه وكبيره كمان ومش هنسيبك غير لما تتكلمى
رحمه :- بصت ليهم ودموعها نزلت منها
ندى :- هتقلقينا ليه اتكلمى بسرعه وقولى فيه ايه
رحمه :- بدموع بس محدش يقول حاجه ليارا
تمارا :- محدش هيقول حاجه اخلصى
رحمه :- انا روحت للراجل اللى عايز فلوس من بدر بعد ما عرفت من انس أنه هو السبب فى اللى بدر فيه ومكانش فيه لسه حد فتح ودخلت ليه المكتب وقولتله انا جايه ادفع الفلوس لبدر واخد الشيكات نظراته ليا كانت مش كويسه حسيت بخوف بس بقيت اصبر نفسى لحد ما ادفع الفلوس واخد الشيكات وامشى كان كل همى حاجه واحده أن بدر يخرج وسكتت
ندى :- ها وبعدين
رحمه :- قالى المبلغ كذا طلعته ليه وحطيته قصاده على المكتب وقولتله عايزه الشيكات لاقيته وقف وجاى عندى وبيحاول يقرب منى ولما زعقتله وزقيته لاقيته كتم نفسى وحاول يتهجم عليا ضربته برجل فى بطنه من تحت واخد شنتطى وطلعت اجرى وجيت على الشركه
تمارا :- وطبعآ سيبتى ليه الفلوس ومأخديش الشيكات
رحمه :- بدموع ايوه
ندى :- خرج بدر طيب ولا لسه
رحمه :- شكله لسه علشان برن عليه مش بيرد
تمارا :- طيب ما تتصلى بيارا واسأليها اكيد عارفه
رحمه :- اتصلت مش بترد
ندى :- جربى تانى يمكن مسمعتش الفون ولا حاجه
رحمه :- هجرب عليها وانا ماشيه يلا همشى انا سلام وسابتهم ومشيت
ندى :- مسكين بدر الدنيا ملطشه معاه
تمارا :- ربنا يرزقه ويتجوز هو ورحمه بقى
ندى :- يارب
تمارا :- انتى هتروحى لوحدك ولا مع مالك
ندى :- لاء مستنيه مالك علشان عزمنى على العشا
تمارا :- ربنا يسعدكم يارب
ندى :- يارب وانتى هتروحى تعملى ايه فى الشقه مع اللى اسمه ياسين ده
تمارا :- اتنهدت وقالت هروح معاه اختار الوان دهانات الشقه والديكور
ندى :- طيب خلى بالك على نفسك انا لحد دلوقتى مش قادره استريح لشخص ده
تمارا :- كده كده مامته موجوده فى الشقه والعمال يعنى مش هنكون لوحدينا
ندى :- ربنا يستر والله انا مش مرتاحه للخطوه اللى انتى اخديها دى يا تمارا انتى بترمى نفسك فى النار
تمارا :- انا بحاول انسى يوسف واعيش حياتى يا ندى اللى بعمله ده هو الصح
ندى :- اهو ياسين جه اهو
ياسين :- جه وقال السلام عليكم
ندى وتمارا :- وعليكم السلام ورحمة الله وبركاته
ياسين :- بص لتمارا وقال واحشتينى
تمارا :- ابتسمت ليه بتوتر وقالت ع.ع.عامل ايه
ياسين :- ابتسم وقال انا كويس طول ما انتى معايا وليا
ندى :- على فكره انا صحبتها والله ولا حضرتك مش شيفنى
ياسين :- سورى مأخدش بالى يا انسه ندى صح
ندى :- اه صح
ياسين :- اصل اللى يشوف صحبتك ينسى الدنيا كلها وميبقاش شايف غيرها
ندى :- يا مرارتى هتتفقع حضرتك رومانسيه اوفر مبالغ فيها بشكل رهيب
ياسين :- ما كل واحد وحسب اللى معاه يمكن حضرتك شيفاها اوفر بس جمال صحبتك يستحق الافوره ولا ايه يا انسه ندى
ندى :- تمارا خدى خطيبك وامشى احسن هتشل
تمارا :- ضحكت على كلام ندى وقالت يلا يا ياسين ومشوا الاتنين مع بعض
ندى :- سكة السلامه الداهيه اللى تودى دى الرومانسيه بتاعته مضره بالصحه والله
مالك :- جمب ودنها مين ده
ندى :- بخضه مالك خضتنى
مالك :- ضحك وقال يقطعنى
ندى :- بعد الشر
مالك :- يا لهوى يا ناس على السكر
ندى :- شوفت الرومانسيه طالعه زى العسل منك ازاى مش زى التانى
مالك :- تانى مين
ندى :- اللى اسمه ياسين ده عليه شوية سهوكه تفقع المراره والله
مالك :- هو كله على بعضه إنسان مبالغ فيه المهم عايزه تروحى فين بقى
ندى :- اى مكان يا حبيبى انشالله الفيلا اللى هنعيش فيها انا وانت
مالك :- امممم تصدقى فكره واهو ما اجتمع رجل وامراه والا كان ثالثهم الشيطان وانا بتلكك الصراحه
ندى :- ضربته على كتفه وقالت بطل قلة ادب
مالك :- مين اللى بتقول كده ندى ده انتى نفسك اكتر منى وقعد يضحك
ندى :- قعدت تضرب فيه وتقول والله العظيم غلس وبارد ودمك تقيل ها
مالك :- بضحك بس بس يا مجنونه بهزر وربنا
ندى :- لاء انت واحد قليل الادب وغلس
مالك :- خلاص يحرقك ايدك تقيله
ندى :- احسن تستاهل
مالك :- بضحك خلاص متزعليش بقى بهزر طيب امشى يلا وركبوا العربيه بص مالك ليها وقال خلاص يا ندوش بهزر والله
ندى :- مش معنى ان انا بحبك وبهزر معاك تقول عليا كده
مالك :- انا عارف انتى ايه يا ندى عارف انك محترمه ومؤدبه وبعدين انا جوزك يا عبيطه مش حد غريب انتى ناسيه أننا مكتوب كتابنا
ندى :- لاء مش ناسيه
مالك :- خلاص بقى متزعليش
ندى :- ماشى بس بعد كده متقولش أن انا مستعجله اكتر منك والكلام ده
مالك :- حاضر
ندى :- حضرك الخير يا مالك يا ابن ام مالك
مالك :- ضحك وقال بحبك يا مجنونه
ندى :- وانا كمان بحبك
مالك :- مسك وشها ما بين ايديه وقرب من شفايفها وباسها بوسه خفيفه وبص فى عينيها وقال بحبك لدرجة الجنون يا ندى بقيت اتخيل كل كلامك وحركاتك وانا لوحدى وافضل اضحك عليهم بقيت بفكر فيكى علطول لدرجة أن انا مش ببقى مركز فى الشغل بسببك قلبتى حالى من اول لحظه شوفتك فيها وقرب من راسها وباسها وقال ربنا يخليكى ليا وميحرمنيش منك يا ندى أبدآ
ندى :- ابتسمت ليه بحب وحضنته وقالت وانا بعشقك ونفسى أفضل فى حضنك ومبعدش عنك ولا ثانيه
مالك :- ثانيه كمان وهشغل العربيه وهخدك الفيلا وهحضر الشيطان
ندى :- بعدت عنه وضربته على كتفه وقالت بكسوف غلس
مالك :- قعد يضحك وشغل العربيه ومشى بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا وياسين
ركبوا العربيه بتاعة تمارا وشغلت تمارا العربيه ومشيت بيها وراحت عند شقة ياسين وبعد وقت وصلوا ونزلت تمارا مع ياسين وطلعوا على الشقه ودخلوا الاتنين وتمارا بصت حاوليها وقالت
تمارا :- امال مامتك فين
ياسين :- امى مش موجوده راحت تزور ناس قريبها لسه راجعين من الكويت
تمارا :- وليه مقولتليش كده من الاول
ياسين :- وهتفرق ايه يا تمارا لو قولتلك يعنى
تمارا :- لاء هتفرق كتير يا ياسين وبعدين فين العمال اللى انت قولتلى أنهم شغالين فى الشقه
ياسين :- اكيد بيتغدوا ودلوقتى جاين
تمارا :- انا ماشيه
ياسين :- وقف قصادها وقال فيه ايه يا تمارا
تمارا :- فيه أن مينفعش نبقى انا وانت هنا لوحدنا لو سمحت ابعد وخلينى امشى
ياسين :- مسكها من دراعها وقال أهدى يا تمارا
تمارا :- بعدت عنه وشدت دراعها من أيده وقالت بعصبيه مليون مره اقولك متلمسنيش
ياسين :- انا مقصدش يا تمارا انا بحاول اهديكى
تمارا :- لو سمحت سبنى امشى
ياسين :- مش هسيبك تمشى وانتى كده أهدى بس
تمارا :- اتزفت وهديت ممكن بقى تبعد عن سكتى
ياسين :- اقعدى بس
تمارا :- يوووه شكلك مش بتفهم وزقته علشان تمشى
ياسين :- اتعصب ومسكها من دراعها وقال مش معنى ان انا بحبك هسيبك تغلطى فيا لو اتكررت تانى مش هيحصل كويس يا تمارا فاهمه
تمارا :- انت اتجننت ازاى تكلمنى كده سيب دراعى
ياسين :- داس اكتر على دراعها
تمارا :- بألم ابعد عنى بقولك
ياسين :- شدها من دراعها وقعدها على الكنبه وقال انا لو عايز اعمل فيكى حاجه هعملها مش هخاف منك بس انا بحبك ومستحيل اذيكى يا تمارا بلاش نظرة الخوف والشك اللى فى عينيكى ليا دى وفى الوقت ده جرس الباب رن وراح ياسين وفتح الباب ودخلوا العمال
تمارا :- بصت للعمال وبصت لياسين وقامت وقفت
ياسين :- الانسه تمارا خطيبتى وجايه النهارده علشان تختار الالوان صح يا تمارا
تمارا :- بصت ليه بتوتر وقالت ص.ص.صح
ياسين :- طيب يلا اختارى علشان تلحقى تروحى
تمارا :- بصت لياسين وبصت للعمال وغمضت عينيها وقعدت على الكنبه
ياسين :- اتفضلى الكتالوج اهو اختارى منه
تمارا :- اخدته منه وبصت فيه واتنهدت بوجع وبدأت تختار الالوان وبعد وقت خلصت
ياسين :- قومى يلا علشان اروحك
تمارا :- وقفت ونزلت عند العربيه من غير ولا كلمه
ياسين :- ركب العربيه وقال هتوقفى عندك كتير
تمارا :- ركبت وشغلت العربيه وقبل ما تمشى قالت ياسين انا اسفه مش قصدى والله اشك فيك بس اتوترت شويه لما لاقيت أن احنا لوحدنا فى الشقه
ياسين :- لازم تثقى فيا يا تمارا انا لو وحش ولو ناوى على شر ليكى مكنتش هدخل ليكم من الباب واطلب ايديكى من ابوكى كان فيه مليون طريقه اخد بيها اللى انا عايزه بس مش انا اللى اعمل كده انا بحبك ومستعد احميكى من العالم كله حتى من نفسى يا تمارا
تمارا :- متزعلش منى انا اصلا متلغبطه ومش عارفه انا بعمل ايه ولا بقول ايه
ياسين :- مسك ايديها وابتسم ليها وقال حصل خير يا قلبى
تمارا :- سحبت ايديها من أيده وابتسمت ليه بتوتر ومشيت بالعربيه وروحت الفيلا ونزلت من العربيه ونزل ياسين وقال
ياسين :- يلا يا قلبى تصبحى على خير
تمارا :- ابتسمت ليه وقالت وانت من أهله
ياسين :- وقف تاكسى ورجع تانى على البيت
تمارا :- بصت على الفيلا بتاعة يوسف واتنهدت ودخلت قعدت جمب ابوها وحطت راسها على كتفه
عماد :- عملتى ايه يا بنتى
تمارا :- اختارت كل حاجه الحمدالله
عماد :- ربنا يسعدك يا حبيبتى
تمارا :- هو انا كده بكون بظلم ياسين معايا
عماد :- ليه بتقولى كده
تمارا :- اتنهدت وقالت حاسه ان انا بظلمه هو كويس وبيحبنى وبيعمل حاجات كتير اوى علشانى بس انا مش قادره اقدم ليه حاجه تفكيرى اتجاهه خوف وقلق اوقات كتير كلامكم بيأثر فيا وبشك فيه بس بتفاحئ أن ظلمته وجرحته بتفكيرى وافعالى بجد انا مبقتش فاهمه ولا عارفه حاجه
عماد :- باس راسها وطبطب على كتفها وقال مش شرط يكون احساسنا دايمآ يطلع صح ممكن احنا بنبقى عايزين حاجه تانيه ف بنحاول نقنع نفسنا أن احنا صح وبنغمى عينينا عن الحقيقه ونعيش فى الخيال اللى راسمه خيالنا وأوقات بيبقى إحساسنا صح فنمشى وراه إحساسنا ونلاقى نفسنا وصلنا للحقيقه كامله وواضحه يعنى اللى عايز أوصله ليكى أن الاحساس ده بيتبنى حسب مزاجك انتى لو حابه تشوفى الحقيقه وتفتحى عينك هتصدقى احساسك وتمشى وراه لو حابه تغمى عينك على الحقيقه هتكدبى احساسك ده حتى لو صح علشان رافضه تمشى وراها
تمارا :- بصت لابوها وقالت انت عايز توصلى ايه يا بابا
عماد :- انا مش عايز اوصلك انا عايزك انتى اللى توصلى لمعنى كلامى وتفهميه لوحدك علشان تقدرى تقتنعى بكلامى يا بنتى يلا اطلعى اوضك ونامى الوقت متأخر
تمارا :- بصت لابوها بأستغراب وقامت وقفت وقالت تصبح على خير
عماد :- وانتى من أهله يا حبيبتى
تمارا :- طلعت على اوضتها واترمت على السرير بتاعها وقعدت تفكر فى كلام ابوها لحد ما عينيها راحت فى النوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة بدر
صحى بدر على صوت أخته يارا فتح عيونه بصعوبه وقال
بدر :- فيه ايه يا يارا
يارا :- قوم يلا يا حبيبى علشان تاكل
بدر :- مش عايز اكل يا يارا انا عايز انام
يارا :- مفيش نوم قوم يلا انت من بدرى نايم وبعدين رحمه هتتجنن عليك واتصلت بيا كذا مره تسأل عليك وانا اقولها انك نايم حرام يا بدر كلمها وطمنها عليك البنت هتموت عليك والله
بدر :- وانا هموت واسمع صوتها يا يارا بس مش هقدر اعلقها بيا اكتر من كده
يارا :- طيب كلمها المرادى بس وحياة اغلى حاجه عندك دى عيطت علشانك
بدر :- اتنهد وقال ماشى يا يارا
يارا :- ربنا يهديك يا حبيبى وخرجت وقفلت الباب وراها
بدر :- بص على يارا وهى خارجه ومسك تليفونه وفتحه لاقه رسايل كتير اوى من رحمه اتنهد بوجع ولسه هيتصل لاقها بتتصل فتح السكه ولسه هيرد
رحمه :- بدموع انت واحد بارد ومعندكش دم علشان سايبنى قلقانه عليك كل ده ومتصلتش بيا اول ما روحت البيت
بدر :- طيب أهدى
رحمه :- بدموع وعصبيه متقوليش أهدى انت ايه برود الأعصاب اللى عندك ده انا كنت هموت عليك ومأكلتش ولا شربت بسبب خوفى عليك وانت ولا هنا وبكل برود تقولى أهدى
بدر :- اعملك ايه يعنى جيت تعبان ونمت
رحمه :- كان ممكن تتصل بيا دقيقه واحده تطمنى عليك وتقولى انك تعبان وهتنام مش تنام وتقفل تليفونك وتسيبنى هتجنن عليك بالشكل ده حرام عليك والله اللى بتعملوا فيا ده
بدر :- خلاص خلصتى كلامك
رحمه :- انت مالك بتتكلم معايا كده يا بدر
بدر :- تعبان ولسه صاحى من النوم انا لازم اقفل باى وقفل السكه وداس على التليفون بأيده وغمض عينه بوجع وقال انا اسف يا رحمه غصب عنى والله الظروف هى اللى حكمت علينا بكده ودمعه نزلت من عينه مسحها بسرعه وقام خرج من الاوضه
يارا :- اول ما شافته قامت من على الكنبه وقالت عملت ايه مع رحمه
بدر :- ولا حاجه وسابها ودخل الحمام
يارا :- حرام والله اللى بيحصل ده وفى الوقت ده جرس الباب رن راحت فتحت الباب وقالت انس تعال
انس :- لاء يلا علشان الوقت أتأخر وانا تعبان وعايز انام
يارا :- طيب ادخل على ما البس هدومى
انس :- نفخ ودخل وقفل الباب وراه
يارا :- اقعد
انس :- قعد وقال ممكن تخلصى بقى
يارا :- حاضر وفى الوقت ده خرج بدر وقال
بدر :- منور يا انس
انس :- شكرآ وبص ليارا وقال واقفه ليه ادخلى اجهزى علشان نمشى
يارا :- حاضر ودخلت الأوضه وسابتهم
بدر :- ليه دفعت الفلوس
انس :- علشان اخرجك
بدر :- بس انا مطلبتش منك تخرجنى
انس :- بس اختك طلبت منى اخرجك وانا وعدها أن هخرجك ونفذت وعدى ليها
بدر :- مليش دعوه بحد انا مش هقبل لاى حد يدفعلى مليم واحد فلوسك هكتبلك بيهم شيكات وهسددهم ليكم
انس :- اللى يريحك انت حر
يارا :- خرجت وقالت انا جاهزه
بدر :- خليكم ناموا هنا فى اوضت يارا
انس :- لاء هنروح شقتنا
يارا :- ياريت يا انس خلينا نايمين هنا والصبح نروح
انس :- بصلها كتير وقال بس الصبح بدرى
يارا :- بفرحه ماشى
بدر :- حضرى العشا لجوزك يا يارا
انس :- لاء انا اتعشيت فى الشغل
يارا :- خلاص هحضرك انت يا بدر
بدر :- انا هحضر لنفسى ادخلى انتى مع جوزك
يارا :- بس
بدر :- قطعها وقال اسمعى الكلام
يارا :- ماشى تعال الاوضه اهى
انس :- دخل الاوضه وبص فيها وقال هنام فين
يارا :- على السرير
انس :- وانتى
يارا :- على السرير برضه
انس :- بصلها ورفع حاجبه
يارا :- ايه بتبصلى كده ليه مفيش غير سرير واحد ومش هينفع حد فينا ينام على الأرض هنام احنا الاتنين على السرير وهنحط مخده ما بينا
انس :- انا معنديش اى مانع انام على السرير ومن غير مخده كمان طيب ما انتى نايمه امبارح طول الليل فى حضنى وانتى اللى طلبتى منى كده
يارا :- اتكسفت ووشها احمر وقالت احم خ.خ.خلاص لو سمحت واتفضل نام بقى
انس :-قلع جاكت البدله و نام على السرير وحط أيده تحت راسه وقال على فكره السرير هيخدنى انا وانتى بالعافيه
يارا :- مش هتغير هدومك
انس :- لاء
يارا :- ط.ط.طيب انا عايزه اغير هدومى
انس :- ما تغيرى
يارا :- ا.ا.اطلع بره طيب
انس :- ازاى يعنى هقول لاخوكى ايه طالع بره الاوضه علشان اختك اللى هى مراتى عايزه تغير هدومها
يارا :- طب والعمل دلوقتى
انس :- معرفش اتصرفى ونام واداها ضهره
يارا :- هوف مستفز وقالت ممكن لو سمحت تخليك زى ما انت لحد ما اغير هدومى
انس :- انا هنام اصلا
يارا :- احسن برضه وبصت ليه بكسوف وتوتر وبدأت تغير هدومها وبعد ما قلعت الهدوم بدور على البجامه بتاعتها اللى كانت لسه قالعها لاقتها تحت انس خبطت على رأسها وقالت هخدها ازاى دى ومشيت براحه وراحت عنده ومدت ايديها ببطئ علشان تشد البجامه واتفاجئت بأيد انس بتشدها وبينيمها جمبه بصت ليه بصدمه وقالت ل.ل.لو سمحت سبنى
انس :- مشى أيده على شفايفها وقال شششش
يارا :- بصت ليه بكسوف ونفسها سرع
انس :- قرب من شفايفها وباسها ومشى أيده على دراعها العريان وضمها اكتر ليه وبعد وقت بعد عنها وهو نفسه سريع وبص فى عينيها
يارا :- نفسها سرع وحاولت تبعده عنها مقدرتش مسكت فى قميصه وداست بأيديها جامد عليه واول ما بعد عنها بصت فى عينيه
انس :- لسه هيقرب منها تانى زقته وقامت تجرى بعيد عنه ورجعت شعرها لوراه وادته ضهرها
انس :- قام وقف وراها ولف دراعه حاولين وسطها وشدها اكتر ليه وباس رقابتها
يارا :- انس ارجوك ابعد
انس :- باس رقابتها وقال ليه
يارا :- مش هقدر اديك حاجه وانا مش قادره افهمك يعنى انت عايز جسمى ليك ولا عايز تنتقم منى علشان اتحديتك ولا انت فعلا بتحبنى وعايز تعمل كده علشان نبقى زوج وزوجه بحق وحقيقه ونعيش فى سعاده انا مش هقدر اسلمك نفسى غير لما افهم اللى فى دماغك ليا
انس :- بعد عنها وغمض عينه وراح قعد على السرير ومردش عليها
يارا :- بصت ليه ودموعها نزلت منها وقالت يااااه لدرجاتى الجواب عندك صعب
انس :- مد أيده بالبجامه وقال خدى البسى هدومك
يارا :- بصت ليه بوجع واخدت من أيده البجامه ولبستها وحطت مخده ما بينهم ونامت
انس :- بصلها واتنهد ونام هو كمان
يارا :- اياك تشيل المخده دى فاهم
انس :- وانا هشلها ليه يعنى انا لو مكنتش عايزها مكنتش هسمح ليكى تحطيها من أساسه
يارا :- بصت ليه بغيظ وغمضت عينيها ونامت
انس :- بعد وقت اتأكد انها نامت شال المخده من جمبهم وقرب على يارا وشدها فى حضنه وباس راسها وغمض عينه ونام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
صحيت تمارا من نومها على صوت اخوها كريم فتحت عينيها وقالت
تمارا :- فيه ايه يا كريم
كريم :- كل ده نوم اصحى يلا
تمارا :- ليه هى الساعه كام
كريم :- الساعه تمانيه
تمارا :- يا نهار اسوح انا اتأخرت على الشغل وقامت تجرى
كريم :- استنى قبل ما تدخلى الحمام كنت عايز اقولك ان قولت لريتاج عليكى ووافقت انها تقابلك النهارده
تمارا :- تمام بعد الشغل هقابلها
كريم :- شكرآ يا احلى اخت فى الدنيا
تمارا :- عد الجمايل يا كيمو وبعتت ليه بوسه فى الجو ودخلت الحمام
كريم :- ابتسم وخرج من الأوضه
تمارا :- بعد وقت خرجت من الحمام وجهزت نفسها ونزلت تجرى وقالت صباح الخير
عماد :- صباح النور يا بنتى
سميه :- اقعدى افطرى
تمارا :- لاء افطر ايه انا متأخره على الشغل يلا سلام وخرجت تجرى ركبت عربيتها وراحت على الشركه ودخلت المكتب بتاعها وقالت صباح الخير يا بنات
ندى ورحمه :- صباح النور
ندى :- اتأخرتى كده ليه
تمارا :- راحت عليا نومه
ندى :- كويس انك جيتى احسن النهارده المدير عامل اجتماع للكل
تمارا :- ليه متعرفيش
ندى :- لاء دلوقتى كلنا نعرف وقعدوا التلاته يشتغلوا وبعد وقت دخل السكرتير يبلغهم أن الاجتماع هيبدء وراحوا التلاته الاجتماع ويوسف ومالك كانوا موجودين وبدء الاجتماع واتكلم المدير وقال
المدير :- النهارده عندى خبر سعيد ليكم الشركه هينضم ليها شركه تانيه هى لسه هتبدء جديد بس انا واثق أن فى خلال كام سنه هتبقى من أكبر الشركات الموجوده فى مصر الشركه الجديده اسمها T،Y,R,K,M نرحب كلنا بأستاذ عماد وأستاذ حسام
رحمه وتمارا بصوا لبعض وقالوا
تمارا ورحمه :- بابا
عماد :- انا سعيد جدآ بالشراكه اللى ما بينا وبتمنى أننا كلنا نتعاون مع بعض علشان نكبر الشركتين ويبقوا من أكبر الشركات فى الوطن العربى طبعآ انا شايف الاستغراب على وشكم من اسم الشركه وانا هوضح ليكم معنى الاسم
T اول حرف من تمارا بنتى
Y اول حرف من يوسف ابن استاذ حسام
R اول حرف من اسم رحمه اخت استاذ يوسف
K اول حرف من اسم ابنى كريم
M اول حرف من اسم الشريك التالت لينا استاذ مالك
ندى :- بصت بصدمه وقالت مالك
حسام :- احنا طبعآ تعبنا جدآ الفتره اللى فاتت على ما جهزنا الشركه دى وبتمنى أن تعبنا ده ميروحش على الفاضى طبعآ الاولاد هما اللى هيكونوا مسؤولين عنها وانا واثق أنهم هيكونوا قد الثقه وهيقدروا يحافظوا عليها مبروك يا ولاد
تمارا :- طلعت تجرى على ابوها وحضنته وقالت ربنا يخليك لينا يا بابا
عماد :- مبروك يا بنتى انا حققتلك حلمك بس يارب تقدرى تحافظى عليها يا بنتى
رحمه :- حضنت ابوها وقالت شكرآ يا بابا
حسام :- مبروك يا بنتى
رحمه :- اكيد كان يوسف ومالك عارفين صح
عماد :- اكيد كانوا عارفين وهما اللى ساعدونا نجهز الشركه
المدير :- مبروك يا ولاد وبتمنى انكم تجتهدوا اكتر علشان تقدروا تكبروها فى وقت صغير وهتفضل الشركه بتاعتى الداعم الرئيسى لشركتكم وليكم
يوسف :- مبروك يا تمارا
تمارا :- الله يبارك فيك
ندى :- بزعل مبروك يا مالك
مالك :- الله يبارك فيكى يا حبيبتى
ندى :- سابتهم وخرجت
مالك :- طلع يجرى وراها وقال ندى استنى يا ندى مالك
ندى :- مفيش
مالك :- لاء فيه انا مش عبيط عنك
ندى :- والله ده انا اللى طلعت عبيطه عنك يا مالك بجد انا مصدومه فيك ازاى متقوليش على حاجه زى كده انا كنت هفرح ليك والله
مالك :- والله العظيم انا كنت عاملها ليكى مفاجئه مش قصدى اخبى عليكى انا حبيتك تتفاجئ بالخبر زيك زى تمارا ورحمه
ندى :- والله
مالك :- والله العظيم يا عبيطه انا بحبك وبعمل كل ده علشانك انتى علشان أمن ليكى مستقبلك وعلشان لما ربنا يكرمنا ببيبى يبقى نقدر نعيشه عيشه كريمه روقى بقى
ندى :- بصت ليه ومردتش عليه
مالك :- خلاص بقى يا ندوش هتضحكى ولا ابوسك هنا وخلى اللى يشوفنا يشوفنا
ندى :- دمك سم
مالك :- انا مش دمى سم انا دماغى هى اللى سم وفيها شويه افكار هتودينا بوليس الاداب ها هتتعدلى ولا انفذ افكارى الشيطانيه
ندى :- مردتش عليه
مالك :- كده طيب استعنا على الشقا بالله وقرب منها
ندى :- هتعمل ايه يا مجنون
مالك :- هنفذ اللى قولتلك عليه ولا انتى مفكرانى بهددك
ندى :- ضحكت وقالت على فكره انت مش طبيعى والله مجنون
مالك :- من بعد ما عندك يا حبيبتى ايوه كده خلى الضحكه تنور وشك بعشق امك وربنا
ندى :- ابتسمت ليه بحب وسابته ومشيت
مالك :- وربنا بحبك يا ابيض وراح وراها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف
دخل مكتبه وفى الوقت ده تليفونه رن رد عليه وقال
يوسف :- ها عملت ايه
المتصل :- كله تمام وموجود عندى اهو
يوسف :- انا جاى حالا وقفل السكه مع المتصل ونزل ركب عربيته وراح عند اللى اتصل بيه ودخل يجرى وقال .............
🦋مزاولة حب 🦋30
🐝الفصل الثلاثون🐝
فى شقة بدر
بدأت يارا تفتح عينيها واحده واحده ورفعت راسها ببطئ وبصت فوق لاقت نفسها نايمه فى حضن انس بصت حاوليها بأستغراب وقالت
يارا :- انا نمت ازاى هنا وبعدين كان فيه مخده ما بينا راحت فين وبتبص لاقتها جمب انس من الاتجاه التانى مدت ايديها علشان تخدها وشها قرب جدآ من وش انس بصت ليه يارا بحب ومشيت ايديها على خده وابتسمت وقربت من خده وباسته برقه وقعدت تبص عليه وهو نايم وفى الوقت ده اتفاجئت بأنس فتح عيونه حاولت تبعد لاقت ايد انس على كتفها ومقربها ليه اكتر
انس :- فتح عيونه لاقه يارا وشها قريب منه وبتبص ليه مد أيده على كتفها وقربها اكتر وبص فى عيونها وقال كنتى بتعملى ايه
يارا :- بتوتر ها و.و ولا حاجه ك.ك.كنت باخد المخده
انس :- والله
يارا :- احم م.م.مين شال المخده اللى كانت ما بينا
انس :- معرفش ممكن تكونى انتى
يارا :- لاء طبعآ مستحيل اشلها وبعدين دى جمبك انت ازاى هشيلها واحطها جمبك
انس :- هيكون مين يعنى عفريت جه وشالها
يارا :- يعنى مش انت اللى شيلتها
انس :- وانا هشيلها ليه
يارا :- مش عارفه ممكن اكون فعلا انا شيلتها وانا نايمه مش عارفه بقى وحاولت تبعد عنه وقالت خلينى اقوم يا انس
انس :- لاء
يارا :- اوعى يا انس بقى وحاولت تحرك نفسها كتير علشان تعرف تقوم
انس:- غمض عينه وقال بتوتر ب.ب.بس بس أهدى بلاش اللى انتى بتعمليه ده
يارا :- اتحركت اكتر وقالت مش هبس غير لما تشيل دراعك وتسيبنى اقوم
انس :- يا بنتى انتى كده هتخلينى امنعك تقومى خالص أهدى بقى
يارا :- اهو هديت سبنى بقى
انس :- بحب، عمرى ما هسيبك
يارا :- بصت ليه بصدمه وقالت ها
انس :- مشى أيده على شفايفها وقال زى ما سمعتى كده
يارا :- بتوتر غ.غ.غريبه اول مره تقول كلمه رومانسيه
انس :- ابتسم ليها وقال متنكريش ما انا قولتلك شكلك حلو فى الفستان اللى كنتى لابسه فى الشقه عندنا
يارا :- والله ده انجاز عظيم الصراحه
انس :- قربها اكتر ليه وقال علشان انا بتاع أفعال مش اقوال وقرب من شفايفها وباسها بوسه طويله وبعد وقت بعد عنها وبص على يارا لاقها مغمضه عينيها ومسلمه نفسها ليه قام قعد على السرير واتنهد وقال لو عايزه تقومى قومى
يارا :- فتحت عينيها وقامت قعدت وقالت بعصبيه انت بتعمل معايا كده ليه فهمنى، لحظه تبقى رومانسي معايا وتقرب ليا ولحظه تبعد عنى وتبقى قاسى وتتغير لإنسان تانى غريب انا بجد مش فاهمه حاجه انت عايز توصل لايه بالظبط يا انس
انس :- مش عايز اوصل لحاجه وقومى اخلصى واجهزى علشان نمشى واعملى حسابك أننا معزومين بليل على العشا بره
يارا :- اتنهدت وقالت ربنا يسهل ممكن تخرج بقى علشان اغير هدومى
انس :- بصلها واخد الجاكت بتاعه وخرج من الاوضه
يارا :- بصت عليه بغيظ وهو خارج وقامت من على السرير غيرت هدومها وخرجت من الاوضه
انس :- يلا بينا
يارا :- ثوانى هدخل الحمام وسابته ودخلت الحمام وبعد وقت خرجت
انس :- مش خلاص يلا بينا
يارا :- هصلى الاول وسابته ودخلت الاوضه وأدت فرضها وخرجت وقالت انا جاهزه يلا بينا
انس :- فتح الباب ونزل وهى نزلت وراه وراحوا على شقتهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف
وصل المكان الخاص بصاحب المكالمه ودخل يجرى وقال
يوسف :- فين هو
الراجل :- جوه متكتف
يوسف :- فتح الباب ودخل وبص من فوق لتحت وراح عنده ومسكه من هدومه وقال انت تعرف مراتى من امته
الشاب :- م.م.مراتك مين
يوسف :- انت هتستعبط يالا انا عندى صور كتير ليكم انتو الاتنين مع بعض واختفيت لما عرفت أن انا بدور عليك وعرفت اجيبك برضه هتنطق ولا ادفنك مكانك هنا ومحدش هيعرف عنك حاجه
الشاب :- لالالا بلاش تموتنى ارجوك انا هقولك كل حاجه
يوسف :- اتكلم
الشاب :- انا اتعرفت على ارين من شهرين فى الديسكو وكنا بنتقابل مع بعض عادى بنشرب ونرقص وبعد كده كل واحد مننا بيروح على بيته بس وسكت
يوسف :- بغيظ كمل كلامك
الشاب :- بتوتر ب.ب.بس في يوم احنا الاتنين تقلنا فى الشرب وسكرنا جامد وخرجنا ركبنا العربيه وروحنا على بيتى ووو،بص ليه بخوف وسكت
يوسف :- ضربه بالبوكس فى وشه وقال وطبعآ نمت معاها صح
الشاب :- بألم والله العظيم غصب عننا كنا سكرانين ومش حاسين بحاجه ولما فوقنا انا اتصدمت بس هى كانت ردت فعلها غريب اوى لبست هدومها ومشيت من غير ولا كلمه ومن سعتها انا بعد عنها واختفيت واكيد الصور اللى معاك دى من سعتها
يوسف :- ضربه بالبوكس فى وشه وقعه على الأرض بالكرسى وقعد يضربه بالرجل فى بطنه وفى وشه دخل الراجل اللى كلمه ومسك يوسف بعده عن الشاب وقال
الراجل :- انت كده هتموته وهتودى نفسك فى داهيه على واحد ميستهلش
يوسف :- تف علي وش الشاب وقال رحمك من ايدى يا وسخ وبص للراجل وقال خليه محبوس هنا من غير لا اكل ولا شرب واتسل عليه طول ما انت قاعد كده واضرب فيه
الراجل :- من عينيا
يوسف :- بص لشاب بغيظ وخرج ركب عربيته ومشى بيها على الفيلا بتاعتهم ودخل وهو الشرار هينط من عينيه وقال فين ارين يا ماما
سميحه :- بخضه يوسف ايه رجعك بدرى كده
يوسف :- مفيش يا ماما ردى عليا فين ارين
سميحه :- نايمه جوه فى اوضتها
يوسف :- ماشى ودخل الاوضه ورزع الباب
ارين :- قامت من نومها مفزوعه من صوت الباب وقالت يوسف فيه حد يخبط الباب كده
يوسف :- داس على أسنانه وراح مسكها من شعرها وقال قد ايه طلعتى واحده واطيه ورخيصه كله قال بلاش منها اللى تسلمك نفسها قبل الجواز انا غمض عينى ومقدرتش اشوف الحقيقه المره دى وادينى بشرب دلوقتى من الكاس ده ليه تعملى كده نقصتك ايه انا علشان تروحى تخونينى ردى عليا
ارين :- اوعى كده سيب شعرى ايه الكلام العبيط اللى بتقوله ده
يوسف :- كلام عبيط صح وفتح تليفونه وجاب الصور وقال وده برضه كلام عبيط وانتى فى حضن راجل تانى يا مدام يا محترمه شايفه و****ة الصور عامله ازاى شايفه نفسك رخيصه قد ايه وشد شعرها اكتر وقعها فى الارض وقال انطقى اللى فى بطنك ده من مين
ارين :- بألم انت اتجننت منك طبعآ
يوسف :- ده على اساس انك منمتيش مع حد غيرى
ارين :- ا.ا انت جبت الكلام ده منين
يوسف :- شغل التسجيل اللى سجله لشاب وهو بيتكلم وبيعترف باللى حصل
ارين :- بتوتر ك.ك.كداب محصلش ا ا.احنا اخر صدقتنا كانت فى الديسكو محصلش حاجه ما بينا
يوسف :- ضربها بالقلم وقال كدابه انا مراقب كل حركاتك من زمان اوى بس متخيلتش انك بالقذاره دى انطقى بقولك اللى فى بطنك ده من مين
ارين :- م م.منك يا يوسف انا اسفه اللى حصل ما بينا ده كان غصب عننا شاربنا كتير ومحسناش بنفسنا سامحنى ارجوك
يوسف :- اسفه ها اممم اصلك دوستى على رجلى انتى عبيطه يا بت انت المفروض دلوقتى تتقتلى على اللى عملتيه ده بس عقابآ ليا علشان صدقت واحده و***ه زيك هسيبك تسافرى لأهلك طبعآ بعد ما اطلقك واعرفك ازاى تخونى يوسف حسام واللى فى بطنك ده لو أتأكد أنه ابنى هخده منك بطريقتى وهعرفه أن امه ماتت احسن ما يبقى عارف ان أمه عايشه وجابت العار لابوه ومد أيده على وسطه وشد الحزام بتاعه وقلعه وقعد يضرب فيها
ارين :- بصريخ هحبسك يا يوسف أنا هعرفك ازاى تمد ايدك عليا وقعدت تصرخ
سميحه :- جات تجرى وقعدت تخبط على الباب وتحاول تفتحه وقالت افتح يا يوسف افتح علشان خاطر امك افتح يا يوسف
يوسف :- قعد يضرب فيها بالحزام وقت كبير جدآ وبعد وقت لبس الحزام وقال انتى طالق يا ارين وبصلها بقرف وخرج وسابها
ارين :- بصت عليه واترمت على الارض وقعدت تعيط
يوسف :- خرج من الاوضه وهو متعصب
سميحه :- فيه ايه يا ابنى
يوسف :- انا طلقتها خلاص وهمشى دلوقتى وارجع ملاقهاش فى الفيلا ماشى
سميحه :- طيب فهمنى يا ابنى ايه اللى حصل
يوسف :- مش وقته يا ماما وسابها ومشى
سميحه :- لا حولا ولا قوة الا بالله واتنهدت وراحت تطمن على ارين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
خلصوا شغل فى الشركه وكل واحد جهز حاجته علشان ينقل لشركه الجديده ونزلوا التلاته من الشركه وقالوا
ندى :- طيب انتوا هتنقلوا الشركه بتاعتكم انا مال امى بقى انقل معاكم ليه
تمارا :- انتى عبيطه ولا بتستعبطى مش جوزك شريك فيها وانتى وهو واحد يعنى شركتك زى ما شركتنا يارب تكونى فهمتى
ندى :- بنات انا واحشتنى يارا اوى ما تيجوا نروح عندها
تمارا :- وانا كمان والله وبصت لرحمه وقالت وانتى يا رحمه هتعملى ايه
رحمه :- بحزن لاء مليش نفس اروح فى حته
ندى :- يا بنتى انتى لسه زعلانه من اللى حصل امبارح ما خلاص اللى حصل حصل
رحمه :- مش مشكله الفلوس فى داهيه انا اللى مزعلنى أن بدر كلمنى بطريقه غريبه امبارح ومن سعتها وهو مش راضى يرد عليا مش عارفه ليه
تمارا :- قصدك ممكن يكون عرف باللى حصلك ده وعلشان كده زعلان منك
رحمه :- ايوه
ندى :- طيب واحنا هنتعب نفسنا ليه تعالوا نروح عند يارا ونعرف منها اكيد هى عارفه السبب
تمارا :- صح ندى عندها حق اكيد يارا عارفه اخوها ماله
رحمه :- ماشى
تمارا :- طيب والحاجه اللى معانا دى
ندى :- ابتسمت وقالت مفيش غيره
مالك :- بتعملوا ايه يا بنات
ندى :- اهو جه على السيره
مالك :- انتوا كنتوا جايبين فى سيرتى
ندى :- لاء بس ممكن طلب صغنون قد كدهون
مالك :- قد ايه يا اختى
ندى :- كدهون
مالك :- قولى يا آخرة صبرى
ندى :- تاخد حاجتنا احنا التلاته وتروح توديهم الشركه الجديده
مالك :- نعم يا اختى
ندى :- علشان خاطرى يا لوكا اهون عليك كدهون
مالك :- انا بسبب الكلمه دى بالذات هطفش منك كدهون
ندى :- خلاص بقى يا لوكا وافق
مالك :- هوافق بس بشرط
ندى :- ايه هو
مالك :- مش هينفع أقوله ليكى هنا تعالى معايا العربيه
ندى :- بصت لتمارا ولرحمه ورجعت بصت لمالك وقالت طيب ما تقول هنا عادى ما انت عارف ان انا مش بخبى حاجه عنهم
مالك :- المشكله مش فيهم المشكله أننا فى الشارع وهنتمسك بقضية فعل فاضح فى الطريق العام
رحمه وتمارا :- بصوا لبعض بكسوف وضحكوا على كلام مالك
ندى :- اتكسفت وقعدت تضرب فيه وقالت والله العظيم انت قليل الادب ماشى يا مالك انا غلطانه أن بكلمك ومش عايزه منك حاجه
مالك :- بضحك خلاص خلاص يا مجنونه بهزر وربنا هاتى الحاجه
ندى :- بارد وغلس ودمك تقيل
التلاته قعدوا يضحكوا على ندى واخد مالك حاجات رحمه وندى وتمارا علشان يوصلهم الشركه الجديده وركبوا البنات التلاته العربيه عند تمارا وراحوا على بيت يارا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة بدر
صحى بدر من نومه ومسك تليفونه بص فيه لاقه رحمه متصله بيه كتير اوى اتنهد بحزن وقام خرج من اوضه وبص على باب اوضة يارا لاقه مفتوح عرف أنهم مشوا دخل الحمام اخد شاور واتوضه وخرج لبس هدومه واده فرضه ونزل شغله وفى الوقت تليفونه رن برقم رحمه كنسل عليها وبدء يشوف شغله وشويه جات ليه رساله منها بتقوله فيها
رحمه :- بدر انت مش بترد عليا ليه انت زعلان منى فى حاجه لو عملت حاجه تزعلك منى انا اسفه بس بالله عليك رد عليا بلاش تسبنى كده انا هموت علشانك وحياة اغلى حاجه عندك كلمنى يا بدر
بدر :- اتنهد بحزن وغمض عينه بألم وقال انا اسف يا رحمه بحبك والله العظيم بحبك وعلشان كده لازم ابعد عنك ومظلمكيش معايا فى الفقر ده وقفل تليفونه خالص وكمل شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
وصلوا البنات التلاته ورنوا الجرس وفتحت ليهم يارا واول ما شافتهم فرحت وحضنتهم وقالت
يارا :- واحشتونى اوى يا بنات اوى
ندى :- واحشتونى ايه بس من لاقه أحبابه نسى أصحابه وانتى انس نساكى الدنيا بحالها
يارا :- يا شيخه اتنيلى اللى ميعرفش يقول عدس ادخلوا ادخلوا
البنات التلاته دخلوا وقفلوا الباب وراهم
تمارا :- بصدمه هو محصلش
يارا :- بعدم فهم هو ايه ده اللى محصلش
ندى :- يا حزنى مش عارفه ايه هو اللى محصلش يا بت هى تقصد أن الجواز مبقاش راسمى نظمى فهمى ؟
يارا :- بكسوف احم ل.ل.لاء لسه
تمارا :- يا شماتة ابله ظاظا فينا هو ايه النظام
ندى :- يا فضحتك يا ندى اخوكى لسه ولد ولود
يارا :- اتلمى منك ليها م.م.محصلش وخلاص
ندى :- بت انتى يوم ما قومنا معاكى بالواجب وحطينا ليكى ميكب ولبستى فستان استغفر الله العظيم صايع مأثرش فى الراجل بحاجه خالص
يارا :- هزت راسها يمين وشمال وقالت لاء
تمارا :- خالص خالص
يارا :- خااااالص
ندى :- قلبى عندك يا ضنايا والله ده ابو الهول لو كان شافك اليوم ده كان نطق واتحرك من مكانه كمان
تمارا :- احنا عارفين انه تقيل اوى بس مش لدرجه دى انتى مستحملاه ازاى يا اختى بالطريقه دى
يارا :- علشان بحبه
ندى :- هييييييح بتحبيه وهو بيحبيكى لدرجة انكم عايشين اخوات تحت سقف واحد حكمتك يارب
يارا :- بصت لرحمه وقالت رحمه مالك
رحمه :- بحزن مفيش
تمارا :- لاء فيه قوليلها مالك
ندى :- اكيد انتى عارفه يا يارا
يارا :- بصت ليهم بتوتر وقالت ه.ه.هو بس نفسيته تعبانه شويه من الليله اللى قضاها فى الحبس
تمارا :- وهى ذنبها ايه يا يارا هى بتحبه وخايفه عليه وبتحاول تكلمه وهو رافض يرد عليها
يارا :- انا عارفه أن هى مش ذنبها حاجه وهو برضه مش ذنبه حاجه الدنيا ملطشه معاه وجوازى نهى عليه وشغال ليل نهار علشان يقدر يسد الديون اللى عليه هو مضغوط جامد والله ورافض حتى حد يساعده
رحمه :- والله العظيم انا مقدره كل ده بس كل اللى انا عايزاه اطمن عليه بس مش اكتر ومش هزعجه ولا هزودها عليه انا بس اسمع صوته كل يوم
يارا :- اتنهدت بحزن وقالت هقوله والله بس اصبرى عليه يهدا شويه
رحمه :- بدموع حاضر
يارا :- قعدت جمب رحمه وشدتها فى حضنها وقالت روقى بس وكل حاجه هتبقى كويسه وبصت ليهم وقالت كويس انكم جيتوا علشان انا وانس معزومين على العشا بره ومحتاجه انكم تظبطونى بقى
تمارا :- ايوه يا عم الله يسهلوا
ندى :- يا شيخه اتنيلى دى تتكتب فى التاريخ أن انس ياخد معاه حد وهو معزوم
يارا :- يعنى لا هيبقى فيه ده ولا ده اهى اى حاجه وخلاص
تمارا :- على رأيك اهى حاجه تسد خانه وخلاص
ندى :- قومى يا اختى خدى شاور وجهزى نفسك ما احنا اشتغلنا ميكب ارتيست لحضرتك
تمارا :- وربنا ما هعمل اى حاجه غير لما اكل
يارا :- بس انا معملتش اكل النهارده
ندى :- نعم يا اختى امال الراجل كان هياكل ايه
يارا :- ما انا قولت هيجى من الشغل هنخرج ونتعشى بره علشان كده معملتش اكل
تمارا :- يجيبوا ويحطوا عليكى يا بعيده طيب عندك ايه ناكلوا
يارا :- عندكم التلاجه ادخلوا اعملوا سندوتشات على ما ادخل اخد شاور
ندى :- سندوتشات ادعى عليكى بأيه وانتى فيكى كل العبر ودخلت هى وتمارا عملوا سندوتشات وخرجوا أكلوا هما الاربعه ودخلوا يجهزوا يارا وبعد وقت خلصوا
تمارا :- يخربيت كده يا شيخه قمر اقسم بالله
يارا :- بجد
ندى :- واوووو بجد ده مش بعيد انس يلغى العزومه وتقضوا ليله رومانسيه على انوار الشموع والكهربه تعمل كونتاكت
يارا :- اتلمى يا قليلة الادب
ندى :- هييييح امته الكهربه تعمل كونتاكت عندى انا ومالك
تمارا :- هتموتى على الجواز الله يحرقك
ندى :- هو فيه احلى واجمل من الجواز
تمارا :- امال عامله محترمه اوى ليه قدامه
ندى :- بعمل لنفسى برستيج قدامه بس هو عارف ان انا سافله اصلا
تمارا :- طيب امشى يا سافله
ندى :- ضحكت بدلع وقالت اموت فى السفاله انا ومشوا التلاته وسابوا يارا تستنى انس لحد ما يجى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا
سابت البنات وركبت العربيه وراحت تقابل ريتاج واتصلت بكريم وعرفت مكانهم وراحت ليهم ونزلت من العربيه ودخلت الكافيه وبصت عليهم لاقت كريم بيشاور ليها راحت عندهم وقالت
تمارا :- مساء الفل يا قمرات
كريم :- والله هو ده اللى بعد الشغل هتيجى
تمارا :- معلش يا كيمو روحت عند يارا علشان كانت واحشانى وبصت لريتاج وغمزت لكريم وقالت بصوت واطى لاء زى القمر الصراحه
كريم:- ايه رأيك فى ذوقى
تمارا :- عسل بجد وقالت ازيك يا ريتاج
ريتاج :- بكسوف ا.ا.الحمدالله
تمارا :- مالك مكسوفه كده امشى الولا كريم علشان تفكى طيب
ريتاج :- ل.ل لاء عادى والله
تمارا :- بس طلعتى احلى واجمل بكتير عن ما الولا ده وصفك
ريتاج :- رجعت شعرها وراه ودنها وقالت ش.ش.شكرآ
تمارا :- بقولك ايه يا كيمو ما تروح تتمشى شويه كده
كريم :- ليه بقى أن شاءالله
تمارا :- مزاجى كده هتمشى ولاااااا
كريم :- خلاص خلاص وقام وقف وقال ربنا على المفترى وسابهم ومشى
تمارا :- مشى خلاص فكى بقى وخلينا نتكلم بنات مع بعض انتى بتحبى الولا كيمو ده صح
ريتاج :- بكسوف احم ا.ا.ايوه بس هو اللى سابنى من غير ما حتى يقولى سبب البعد ده ايه
تمارا :- بصى هو كريم الفتره اللى فاتت مر بظروف صعبه جدآ واللى شافه صعب على اى شاب فى سنه يستحمله علشان كده بعد عنك وعن الكل وكان حابس نفسه فى الاوضه بس هو اصلا بيحبك وبيموت فيكى وعلشان كده بعد عنك علشان مستكترك على نفسه
ريتاج :- بس انا حاولت أخرجه من الحاله اللى هو كان فيها من غير ما اعرف السبب اللى وصله لكل ده ومع ذلك بعد عنى ورفض أننا نكمل مع بعض رغم ان انا والله بحبه ومقدرش استغنى عنه
تمارا :- سيدى يا سيدى على الرومانسيه عمومآ يا ستى حصل خير وهو ندم أن عمل معاكى كده وعايز يصلح اللى عمله ده وترجعوا تانى لبعض وعلشان كده انا جيت اقابلك ها ايه رأيك
ريتاج :- بس
تمارا :- قبل ما تقولى حاجه عايز اقولك ان انا معاكى فى أى قرار هتاخديه بس صدقينى الحب الاول ده مش بيتعوض مهما قابلتى ناس وحبتيهم هيفضل الحب الاول هو اللى عايش جوه منك العمر كله مبيتنساش وممكن كمان متحبيش تانى غيره لأن هى فرصه واحده بتيجى مره فى العمر ويا نحافظ عليها يا نضيعها من ايدينا ونفضل ندور عليها الباقى من عمرنا
ريتاج :- انا اصلا بحبه وعمرى ما هحب غيره وسامحته من زمان اوى من قبل ما حتى يجى يصالحنى علشان مقدرش اعيش من غيره وحبه ده هو الدافع ليا فى كل حاجه
تمارا :- انا فرحانه اوى بكلامك ده وفرحانه أن اخويا اختار البنت الصح اللى هتكمل معاه حياته بس هطلب منك طلب وهطلبه منه هو كمان
ريتاج :- ايه هو
تمارا :- متخلوش حبكم ده يكون سبب فى فاشلكم خلوه دافع ليكم تكملوا دراستكم وتدخلوا الكليه اللى نفسكم فيها وبعد ما تحققوا نجاحكم ده ابقوا فكروا فى خطوة الخطوبه والجواز
ريتاج :- اكيد طبعآ وهو ده اللى احنا كنا بنعملوه بنهتم بدراستنا اول حاجه ولما نكون فاضين شويه بنكلموا بعض
تمارا :- شاطرين انتوا لسه صغيرين وبكره لما تكبروا هتحسوا بطعم الحب اكتر واكتر وهتلاقوا نفسكم متمسكين ببعض اكتر
ريتاج :- انا فرحانه اوى أن قابلتك
تمارا :- انا اكتر يا حبيبتى هو الولا كيمو كل ده راح فين يكونش اتعرف على واحده تانيه وقاعد معاها
ريتاج :- بخضه بجد وبصت حاوليها
تمارا :- ضحكت وقالت لاااااا انتى ضايعه خالص كريم بيحبك يا بنتى ومستحيل يبص لحد غيرك
ريتاج :- بصت لتمارا بكسوف وابتسمت ليها وبعد وقت جه كريم وخرجوا التلاته من الكافيه روحوا ريتاج على بيتها وراحوا هما على الفيلا بتاعتهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
وصل انس من الشغل وفتح الباب ودخل وقفل الباب وراه وبص بأستغراب على الشقه وقال
انس :- راحت فين دى ودخل بص فى المطبخ ملاقهاش راح عند باب الاوضه وخبط عليه
يارا :- فتحت الباب ووقفت قصاده
انس :- اول ما شافها كده تنح وفضل يبص ليها من غير ولا كلمه
يارا :- بكسوف من نظراته قالت ا.ا.انا جاهزه و.و.وهدومك اللى هتلبسها جاهزه
انس :- قرب منها وباس راسها برقه
يارا :- احم ط.ط.طيب انا هستناك بره لحد ما تجهز ولسه هتمشى
انس :- مسكها من دراعها وقال خلينا قاعدين مش لازم نروح العزومه
يارا :- ها ل.ل ليه
يارا :- قرب اكتر ليها وقال خلينا لوحدينا أحسن مش عايز حد غيرى يشوفك كده
يارا :- ب.ب.بس كده الناس هتزعل
انس :- اللى يزعل يزعل انا اهم حاجه عندى انتى
يارا :- بجد
انس :- ابتسم ليها وقال بحب بجد
يارا :- امال ليه بتعاملنى كده
انس :- مشى أيده على خدها وقال بلاش تسألينى يا يارا على حاجه هتعكنن علينا حياتنا
يارا :- ما انا مش فاهمه حاجه يا انس انتى بتحبنى بجد ولا لاء
انس :- قرب من شفايفها وباسها بوسه طويله وبعد وقت بعد عنها وسابها ودخل الاوضه
يارا :- وقفت مكانها مصدومه ومش قادره تفهم حاجه خالص وبصت على باب الاوضه وقالت افهم ايه بقى من اللى حصل ده انا تعبت من الغموض ده والله وراحت قعدت على الكنبه وبعد وقت خرج انس من الاوضه بصت ليه يارا بأعجاب وحب
انس :- يلا بينا ومد أيده ليارا
يارا :- بصت لايده ومدت ايديها ببطئ وحطتها فى أيده
انس :- قرب ايد يارا لشفايفه وباسها برقه وبص ليها وقال يلا
يارا :- ابتسمت ليه بكسوف وقالت ي.ي.يلا وفتح الباب انس ونزلوا الاتنين وهما أيديهم فى ايد بعض وراحوا المكان اللى فيه العزومه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخلت تمارا الفيلا هى وكريم وقعدت جمب ابوها وباسته فى خده ونامت فى حضنه وقالت
تمارا :- بحبك اوى يا بابا
عماد :- طبطب على كتفها وقال وانا بموت فيكى يا روح بابا كنتوا فين كده
كريم :- ها ك.ك.كنا بنتمشى شويه علشان زهقانين
سميه :- شوفتوا اللى حصل
تمارا :- ايه اللى حصل
عماد :- خلاص يا سميه اسكتى
تمارا :- هو فيه ايه يا بابا خليها تتكلم قولى يا ماما ايه اللى حصل
سميه :- مش يوسف طلق مراته بعد ما أداها علقة موت
تمارا :- بصدمه طلقها
سميه :- اه بعد ما عدمها العافيه وضربها وقطع جسمها طلقها
تمارا :- وليه كل ده عملت ايه
سميه :- محدش عارف حاجه يوسف رافض يقول السبب
تمارا :- وقفت وقالت عمومآ دى حياته وهو حر فيها عن اذنكم وسابتهم وطلعت اوضتها
عماد :- ارتحتى كده
سميه :- وانا عملت ايه ما كده كده كانت هتعرف
عماد :- اقولك ايه بس وسابها ودخل اوضه
سميه :- بصت لكريم وقالت انا عملت ايه علشان يزعل
كريم :- انتى عارفه أن تمارا بتحب يوسف وأنها مجروحه من موضوع جوازه ده ومجرد ما هتسمع كده هتزعل اكتر
سميه :- انا قولت اقولها علشان لما تسمع من بره متتصدمش
كريم :- حصل خير يا ماما عن اذنك وسابها وطلع اوضه
تمارا :- طلعت اوضتها واترمت على السرير وقعدت تعيط وفى الوقت ده تليفونها رن برقم ياسين اتنهدت ومسحت دموعها وردت عليه وقالت ايوه يا ياسين
ياسين :- عامله ايه
تمارا :- الحمدالله كويسه
ياسين :- مالك يا تمارا صوتك بيقول انك كنتى بتعيطى
تمارا :- لا مش بعيط ولا حاجه
ياسين :- لاء يا تمارا انتى بتكدبى واضح اوى الحزن فى صوتك وانك كنتى بتعيطى
تمارا :- بعصبيه قولتلك مفيش يا ياسين بقى
ياسين :- طيب طيب أهدى خلاص
تمارا :- ياسين معلش انا هقفل دلوقتى يلا باى وقفلت السكه مع ياسين وقامت راحت عند الشباك لاقت يوسف قاعد فى الجنينه عندهم حزين اتنهدت بوجع ودموعها نزلت منها وبعد وقت مسحت دموعها وخرجت من اوضتها ونزلت وراحت عند يوسف وقعدت جمبه من غير ولا كلمه
يوسف :- بص ليها مده من غير ولا كلمه
تمارا :- مالك بتبص ليه كده
يوسف :- ولا حاجه
تمارا :- انا طبعآ مش هسألك انت عملت كده ليه لان دى حياتك وانت حر فيها بس اوعى اكون انا السبب فى اللى حصل ما بينك وبينها ده
يوسف :- اتنهد بوجع وقال اللى حصل ده بعيد عنك يا تمارا انتى ملكيش دعوه بيه
تمارا :- طيب كويس انك طمنتنى وقامت وقفت
يوسف :- مسك ايديها وقال رايحه فين
تمارا :- رايحه الفيلا عندنا انا بس جيت اطمن أن اللى حصل ده بعيد عنى
يوسف :- خليكى جمبى يا تمارا انا محتاجك بجد ودموعه نزلت منه
تمارا :- بصت على دموعه وقعدت تانى ومدت ايديها ببطئ ومسحت دموعه
يوسف :- مسك ايديها اللى مسحت دموعه وقربها من شفايفه وباسها برقه
تمارا :- اتوترت وبصت ليه بصدمه
يوسف :- تمارا انا محتاج وجودك فى حياتى اوى عارف ان غلط فى حقك كتير وكنت غبى وحمار لما عملت كده وجريت وراه شهوتى ونسيت حبك اللى عايش فى قلبى من زمان اوى غلط لما سمعت لشيطانى ونسيت دينى غلط فى حاجات كتير اوى ودفعت التمن بس اكتر حاجه وجعتنى وكسرتنى بعدك عنى
تمارا :- دموعها نزلت منها وقالت ارجوك يا يوسف بلاش تصعبها عليا لو بتحبنى بجد ساعدنى انساك واعيش حياتى اللى ضاعت منى فى حبى ليك انا تعبت ونفسى ارتاح سنين عمرى راحت منى على وهم وسراب على احلام خياليه ودفعت تمن غبائى ده واتعذبت بما فيه الكفايه نفسى ارتاح بقى
يوسف :- ما هو علشان انا بحبك وجارحك ده كان بسببى انا مش قادر اتقبل فكرة أن حد تانى يطيب ليكى الجرح ده يا تمارا
تمارا :- وقفت بدموع وقالت كفايه حرام عليك بقى
يوسف :- وقف قصادها ومد أيده مسح دموعها وقال حقك عليا يا تمارا انا غبى وحمار علشان اخلى دموعك تنزل منك بالشكل ده
تمارا :- رفعت راسها وبصت ليه بوجع
يوسف :- مشى أيده على خدها ونزل بصوابعه على شفايفها وقرب منها ولسه هيبوسها
تمارا :- بعدت عنه وبصت ليه بتوتر وطلعت تجرى من عنده وهى خارجه تجرى خبطت فى ياسين ووقعت فى حضنه بعدت عنه وقالت ي.ي ياسين
ياسين :- بص ليها وبص ليوسف اللى كان جاى بيجرى وراها وبينده عليها
تمارا :- غمضت عينيها بتوتر وقالت خ.خ.خير يا ياسين ا.ا انت جاى ليه
ياسين :- جيت اطمن عليكى بعد ما سمعت صوتك فى التليفون حزين انتى كنتى بتعملى ايه عنده يا تمارا
تمارا :- ها و.و.ولا حاجه
يوسف :- اول ما شافها واقفه مع ياسين غمض عينه بوجع ودخل يجرى على اوضه
ياسين :- تمارا انا علشان بحبك بقبل باى حاجه الا الخيانه مش هقبل بيها أبدآ حتى لو روحى فيكى
تمارا :- ت.ت تقصد ايه بالكلام ده
ياسين :- يعنى اللى شوفته بعينى ده يوحى بحاجه واحده بس انك كنتى قاعده معاه جوه وحاول يقرب ليكى
تمارا :- ا.ا ايه اللى انت بتقوله ده ل ل.لاء طبعآ محصلش حاجه من دى و.و.وانت اكيد عارف اخلاقى كويس وان انا مستحيل هقبل أن يحصل حاجه زى كده
ياسين :- ماشى يا تمارا هحاول اصدق كلامك بس مش هقبل اشوفك معاه تانى وعندك حرية الاختيار يا انا يا هو ومهما كان قرارك هتقبله
تمارا :- بصت ليه وبصت على الفيلا بتاعة يوسف ورجعت بصت تانى لياسين واتنهدت وقالت...........