رواية مزاولة حب الفصل الحادي والثلاثون31والثاني والثلاثون32بقلم دودو محمد
فى المطعم
دخل انس وفى أيده يارا المطعم وراح عند الترابيزه اللى عليها أصدقائه وقال
انس :- مساء النور
ايمن صديق انس :- مسا العسل يا باشا
رامى صديقهم التانى :- هتتجزا يا باشا متأخر عن الميعاد نص ساعه بحالهم
مجدى صديقهم التالت :- يا عم اسكت انت وهو أحسن يدى الواحد جزا ويحرمنا من أننا نروح البيت
انس :- اهو قالكم اللى فيها يا ظريف منك ليه وبعد الكرسى ليارا علشان تقعد
يارا :- كانت متوتره وبصت لانس وقعدت على الكرسى
انس :- ظبط ليها الكرسى وراح قعد على الكرسى اللى جمبها
ايمن :- منوره يا مدام
يارا :- ش.ش.شكرآ
مجدى :- دى حنان مراتى ودى تسنيم مرات ايمن ودى شيماء مرات رامى
يارا :- ابتسمت ليهم وقالت اتشرفت بيكم
تسنيم :- وانتى اسمك ايه
يارا :- يارا
شيماء :- عاشت الاسامى يا يارا
يارا :- شكرآ
حنان :- كده بقينا اربعه ولو انى مكنتش أتخيل أن انس باشا يتجوز ومراته تبقى قاعده معانا دلوقتى
تسنيم :- ده انتى عملتى إنجاز عظيم يا يارا ده احنا تعبنا من كتر العرايس اللى بنجبها ليه وهو بيرفض
شيماء :- فاكره شاهنده يا حنان البنت كانت هتموت عليه وكان ناقص تقوله انا اهو هموت عليك لكن مع مين لا حياة لمن تنادى كان مطنش بطريقه فظيعه والمشكله أن كل ما هو يعمل معاها كده كل ما هى تتجنن عليه اكتر
حنان :- بس يا بنتى منك ليها احسن ما تكون بتغير عليه ولا حاجه
يارا :- ابتسمت ليهم وقالت ل.ل لاء عادى براحتكم
انس :- ايه مش نتلم شويه فى الليله دى ولا ايه النظام
ايمن :- الحق انس باشا هيقلب
رامى :- ايه يا انوس شكلك بتخاف من المودام
مجدى :- ده انتوا بكره هتتعلقوا فى الخدمه عيشوا حياتكم وودعوا مراتتكم
انس :- سيبهم ده انا هشخلعهم بكره
رامى :- شخلعه لاء ابوس ايدك قولى حاجه يا مدام يارا
يارا :- يعنى ايه يشخلعكم حاجه وحشه يعنى
ايمن :- يعنى هيرقصنا على الشناكل
يارا :- ا.ا.انا مش فاهمه حاجه
شيماء :- لاااااا انتى لازم تتعودى على اللغه علشان تفهمى القاعده
حنان :- شكلها ورور لسه
يارا :- يعنى ايه
تسنيم :- بكره تتعود شباب بقى ما احنا كنا شباب وضحكت
يارا :- بصت لانس بأستغراب
انس :- فكك منهم
ايمن :- اخس عليك يا انوس يا خاين بتبيع صحابك علشان مراتك
رامى :- مكانش العشم يا ابو الانانيس
مجدى :- اقسم بالله ده انتو هتتنفخوا بكره
ايمن :- بقولك ايه يا عروسه شوية دلع من اللى اتمنع على انوس حبيب قلبنا وحننى قلبه علينا بكره
يارا :- اتكسفت واتوترت وبصت لانس
انس :- تصدقوا أن انا غلطان أن عرفتها عليكم يا شوية عرر
رامى :- فكها يا انوس شويه البنت هتطفش منك مش كفايه خنقنا فى الخدمه
انس :- قرب من يارا وقال لو زهقتى وعايزه تمشى قولى
يارا :- ل.ل لاء خالص القاعده دمها خفيف
انس :- ماشى
شيماء :- يارا
يارا :- نعم
شيماء :- انتى قاعده فى البيت ولا بتشتغلى
يارا :- لاء حاليآ قاعده فى البيت
تسنيم :- خليكى زى خيبتى كنت شغاله ولما اتجوزت قعدت فى البيت وبقيت شبه القرده طول النهار وراه العيال وابوهم
حنان :- انا الحمدالله كان اول شرط ليا اكمل شغلى
شيماء :- وانا كمان اتمسكت بشغلى ورفض اقعد فى البيت كده بقى اتنين اتنين تعادل
رامى :- هو احنا مش هناكل فى ام اليوم ده ولا ايه
ايمن :- وحياتك يا اخويه هموت من الجوع
مجدي :- اهو الاكل جاى
والأكل اتحط على الترابيزه وبدأوا ياكلوا كلهم وبعد وقت خلصوا وطلبوا حاجه يشربوها واشتغلت اغانى رومانسيه قام انس وقف ومد أيده ليارا
الكل بصوا لبعض بأستغراب
يارا :- بصت ليه بأستغراب ومدت ايديها حطتها فى أيده وقامت من على الكرسى والكل سقف ليهم
انس :- حط أيده حوالين وسط يارا وقربها منه
يارا :- اتوترت من قربه ليها وحطت ايديها على كتفه وبدأوا الاتنين يرقصوا على الموسيقه
ايمن :- انتو شايفين اللى انا سامعه
تسنيم :- انا مش قادره اصدق عينى انس بيرقص سلو مع انثى متفجرة الانوثه
شيماء :- ربنا يسعدهم يارب شكلهم بيحبوا بعض
حنان :- وهى شكلها كيوت وهاديه
رامى :- إنبى لولا العيبه كنتوا صورته وفرجتهم فى الشغل انا لو حكيت بالكلام كده محدش هيصدق اللى انا شايفه بعينى ده
مجدى :- ادعولهم ربنا يهنيهم ويسعدهم يارب
الكل :- يارب
انس :- مبسوطه
يارا :- بتوتر ا ا ايوه
انس :- متزعليش من كلامهم هما كده بيحبوا الهزار علطول
يارا :- لاء انا مش زعلانه بالعكس والله انا فرحانه أن اتعرفت عليهم بس شكلك واخد عليهم أوى وهما واخدين عليك
انس :- اكيد ما احنا مع بعض علطول فى الشغل
يارا :- مش قصدى على اصحابك قصدى على مراتتهم
انس :- دى غيره
يارا :- لاء خالص انا بسألك عادى
انس :- علشان احنا علطول مع بعض فى العزومات ومن زمان اوى نعرف بعض وبعتبرهم مراتات اخواتى
يارا :- ما هو واضح انهم بيعزوك اوى لدرجة كانوا بيجيبوا ليك عرايس كل شويه
انس :- لاء ده كده غيره بقى
يارا :- ل.ل لاء مش غيرانه
انس :- طيب عينى فى عينك كده
يارا :- ها وبصت ليه فى عينيه وسرحت فيهم
انس :- قعد يبص فى عينيها وسرح فيهم وقرب شفايفه من دماغها وباسها برقه وضمها اكتر فى حضنه
يارا :- كانت سعيده جدآ بقربها من انس وحطت راسها على كتفه وقعدوا الاتنين يرقصوا لحد ما سمعوا صوت الناس بتسقف ليهم بعدوا عن بعض وابتسمت يارا ليه بتوتر وكسوف
انس :- يلا بينا نروح
يارا :- ليه لسه بدرى
انس :- امشى معايا بس وراحوا عند الترابيزه واخدوا شنطة يارا ومشيوا
ايمن :- ايوه يا عم الله يسهلوا
مجدى :- كل اعوذ برب الفلق بلاش قر عليهم وكلهم قعدوا يضحكوا
بعد وقت وصلوا الاتنين الشقه ودخلوا وقفلوا الباب وراهم
انس :- مسك ايد يارا وقال تعالى
يارا :- اجى فين
انس :- تعالى بس ودخلوا اوضت النوم وبص فى عيون يارا وقرب من شفايفها وباسها وبعد وقت بعد عنها
يارا :- فتحت عينيها وبصت فى عينه وقالت ا.ا.انت هتعمل ايه
انس :- حط صوبعه على شفايفها وقال شششش ولسه هيفتح السوسته بتاعة الفستان
يارا :- بعدت عنه واديته ضهرها وقالت ل ل لاء يا انس مش هيحصل غير لما أتأكد من مشاعرك ليا
انس :- وقف وراها ولف دراعه على بطنها وقرب من ودنها وهمس ليها وقال ب.ح.ب.ك ومد أيده فتح ليها السوسته بتاعة الفستان
يارا :- مصدقتش نفسها لفت ليه وبصت ليه بصدمه وقالت اللى انا سمعته ده حقيقى
انس :- حط صوبعه على شفايفها وقال ششش الليله دى مش عايز فيها كلام يا يارا سيبى نفسك خالص وقرب من شفايفها وباسها بوسه طويله وبعد عن شفايفها
يارا :- بصت ليه بحب وكسوف وبدأت تفتح ليه زراير القميص وتبص فى عينيه
انس :- ابتسم ليها وقربها تانى لشفايفه وباسها
يارا :- فتحت ليه زارير القميص وقلعته ليه ورمته على الأرض
انس :- وقع الفستان من عليها فى الارض وميل عليها وشالها وحطها على السرير وقرب منها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا
خيرها ياسين ما بينه وبين يوسف وهى بصت ليه وبصت على الفيلا بتاعة يوسف ورجعت بصت ليه بحزن وقالت
تمارا :- انت يا ياسين
ياسين :- وهو فرحان بجد يا تمارا
تمارا :- وهى ماسكه الدموع فى عينيها قالت ايوه يا ياسين
ياسين :- بحبك اوى يا يارا وصدقينى مش هتندمى على اختيارك ليا
تمارا :- بحزن أن شاءالله
ياسين :- تمارا انا مش عايز اشوف نظرة الحزن اللى فى عينيكى دى انا مقدر الحاله اللى انتى فيها دى بس قلبى بيوجعنى عليكى اوى
تمارا :- معلش هاخد شوية وقت لحد ما بس اتأقلم على الوضع ده تصبح على خير يا ياسين وسابته وطلعت على اوضتها
ياسين :- بص على شباك يوسف لاقه واقف وبيبص عليهم ابتسم ليه بأنتصار ومشى
يوسف :- قفل أيده بعصبيه وغمض عينه بألم وبص على شباك اوضت تمارا واتنهد ودخل قعد على سريره بحزن
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
كانت يارا نايمه فى حضن انس وهى مكسوفه والاتنين ساكتين محدش فيهم بيتكلم يارا رفعت راسها وبصت لانس وقالت
يارا :- مالك
انس :- مفيش
يارا :- ساكت ليه طيب
انس :- عادى هقول ايه يعنى
يارا :- معرفش والله فى موقف زى ده المفروض تقولى ايه بس كنت بشوف فى الافلام والمسلسلات بيقولها مبروك بيضحك معاها بيهزر مش بيبقى ساكت كده وتحسسنى انك ندمت علشان حصل كده
انس :- اتنهد وقال انا عمرى ما عملت حاجه وندمت عليها علشان بفكر فيها قبل ما اعملها مليون مره
يارا :- والله طيب كويس تصبح على خير وادته ضهرها ودمعه نزلت منها وغمضت عينيها ونامت
انس :- لما حس انها نامت حط دراعه تحت راسها وقرب منها وقعد يمشى أيده على شعرها بحب ومشى ايده على خدها وقعد يبص ليها وهى نايمه وقال مكنتش عايز ده يحصل خايف اقربك ليا اكتر من كده خايف تجيبى ليا حتة عيل وملحقش اشبع منه الموت دايمآ محاصرنى خايف اسيبك لوحدك خايف عليكى من الايام يا يارا خايف على وجع قلبك من فراقى فى يوم من الايام عارف انك بتحبينى وانا كمان والله العظيم بحبك ومن اول مره شوفتك فيها مع ندى بس القدر أن انا ظابط فى الجيش وشايل حياتى على كف أيدى طول الوقت وقرب من راسها وباسها وشدها فى حضنه اكتر وغمض عينه ونام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انتهى الشهر بدون احداث تذكر وانتقلوا ابطالنا لشغل فى الشركه الجديده
تمارا :- بتتجنب الكلام مع يوسف نهائى
يوسف :- بيحاول كتير يتكلم معاها بس مش عارف
يارا وانس رجعت حياتهم تانى زى الاول انس بيبعد عن يارا ويارا تايهه ومش قادره تفهم انس بيعمل كده ليه
ندى ومالك لسه مجانين زى ما هما
رحمه وبدر رحمه هتتجنن وتوصل لبدر وتشوفه ولا تسمع صوته بس هو مش بيرد عليها رغم أن هو هيموت عليها وبيتعذب من بعدها اكتر منها
كريم وريتاج علاقتهم اتحسنت ورجعت زى الاول
فى فيلا عماد
فى اوضت تمارا
كانت لابسه الفستان الابيض والدموع فى عينيها وبتبص لنفسها فى المرايا
ندى :- ليه عملتى فى نفسك كده يا تمارا
تمارا :- بصت لندى وقالت عملت ايه يا ندى علشان هتجوز طيب ما ده الطبيعى ايه الغلط فى كده
ندى :- تمارا انتى فاهمه انا قصدى ايه انتى قلبك متعلق بيوسف ازاى هتقدرى تعيشى مع راجل تانى
تمارا :- وقفت بعصبيه وقالت يوسف يوسف يوسف يلعن ابو قلبى اللى حبه عمل ليا ايه يوسف غير كسر قلبى ووجعنى اللى انا عملته ده رد فعل طبيعى بعد صدمتى فيه عايزين منى ايه بعد كل ده اختاره هو بعد ما هو اختار غيرى انا مش مستعده اضيع يوم واحد تانى فى تفكيرى فى الماضى، يوسف ماضى ولازم ينتهى يا ندى
ندى :- كلامك ده بيأكد ليا انك بتغلطى اكبر غلطه فى حياتك علشان اخدى ياسين عند فى يوسف وده هيضيعك فعلا يا تمارا لسه قدامك فرصه اخيره ارفضى يا تمارا وابعدى عن ياسين بلاش هتتعذبى اوى فى حياتك اوى وفى الوقت ده الباب خبط راحت ندى فتحت الباب لاقته عماد قالت عمو عماد تعال تمارا خلصت خلاص
عماد :- طبطب على كتفها وقال عقبالك يا بنتى
ندى :- هانت خلاص يا عمو فاضل شهر واحد
عماد :- ربنا يسعدك يا بنتى
ندى :- ويخليك لينا يارب أنا هنزل اشوف الناس تحت عن اذنك وسابتهم ونزلت
عماد :- دخل وقال بسم الله ما شاءالله قمر يا بنتى
تمارا :- ابتسمت ليه بحزن
عماد :- راح عندها ومسك وشها ما بين ايديه وقال لسه قدامك وقت يا تمارا انا عمرى فرض عليكى رأىى طول عمرى بحترم رغبتك وقرارك لان دايمآ بيبقى صح إنما المرادى بالذات حاسس انك بضيعى نفسك يا حبيبتى ارفضى قبل ما تنزلى قصاد الناس وانا هقولهم انك تعبتى والغى الفرح انا كل مره بسمع كلامك اسمعى المرادى بس كلامى
تمارا :- اتنهدت وقالت مبقاش ينفع يا بابا خلاص
عماد :- لييييييه
تمارا :- كده يا بابا كده
عماد :- بص ليها وهز رأسه يمين وشمال
تمارا :- حطت دراعها فى ايد ابوها وقالت يلا بينا اتأخرنا على الناس تحت
عماد :- اتنهد وقال ماشى يا تمارا ماشى ونزلوا الاتنين تحت وكان مستنيها ياسين اول ما شافها ابتسم ليها بحب وراح أخدها من ايد ابوها وسلم عليه
ياسين :- ايه القمر ده يا قلبى
تمارا :- ابتسمت ليه بتوتر وقالت ش.ش.شكرآ
ياسين :- انا فرحان اوى ومش قادر اصدق نفسى انك خلاص هتبقى ليا وبتاعتى انا وبس
تمارا :- ابتسمت ليه بتوتر ومردتش عليه
ياسين :- يلا امشى وراحوا قعدوا فى المكان المخصص ليهم
تمارا :- دورت بعينيها فى المكان على يوسف ملاقتهوش
ياسين :- بص لتمارا بحب وقام قعد جمب المأذون وفى الجمب التانى عماد وحطوا أيديهم فى ايد بعض
تمارا :- دموعها نزلت منها وغمضت عينيها بألم وفتحت عينيها لاقت يوسف واقف قصادها ودموعه نازله منه وقال
يوسف :- ليه يا تمارا ليه
تمارا :- قامت وقفت بدموع وقالت وانا مسألتكش ليه لما عملت كل ده فيا انا حره اعمل اللى انا عايزاه
يوسف :- بلاش
تمارا :- هتجوزه
يوسف :- انا بحبك
تمارا :- وانا بكرهك
يوسف :- كدابه
تمارا :- وانت خاين
يوسف :- انا اسف
تمارا :- وانا مش قابله اسفك ده
يوسف :- تمارا
تمارا :- ابعد عنى يا يوسف
وفى الوقت ده جه ابوها وقال
عماد :- أمضى يا تمارا
تمارا :- بصت ليوسف وبصت لابوها ومدت ايديها ببطئ واخدت القلم وقربت ايديها علشان تمضى
يوسف :- بدموع بلاش يا تمارا ارجوك بلاش تعملى كده
تمارا :- دموعها نزلت اكتر وغمضت عينيها وحطت القلم ولسه هتمضى
يوسف :- هز راسه يمين وشمال
تمارا :- سابت القلم وقالت بدموع مش هقدر اعمل كده وراحت عند ياسين وقالت انا اسفه يا ياسين بس مش هقدر اتجوزك علشان هظلمك بجد معايا اسفه بجد وبصت ليوسف وطلعت تجرى على اوضتها واترمت على السرير وقعدت تعيط
يوسف :- فرح أن تمارا رفضت تتجوز ياسين ورجع تانى على فيلته
الناس استغربت اللى حصل وبدأوا يمشوا
سميه :- اتعصبت من اللى حصل وطلعت تجرى على اوضت تمارا وفتحت الباب ودخلت ومسكت تمارا من دراعها وقفتها وقالت ممكن افهم ايه اللى انتى عملتيه ده
تمارا :- انا اسفه يا ماما بس مقدرتش اكمل
سميه :- انتى اتجننتى انتى فضحتينا قدام الناس كلها هورى وشى ازاى لناس بعد اللى حصل ده منك لله منك لله يا شيخه
تمارا :- بدموع مين اهم عندك بنتك ولا منظرك قدام الناس
سميه :- بعصبيه وليكى عين كمان تتكلمى ورفعت ايديها ولسه هتضربها بالقلم
عماد :- مسك ايديها
سميه :- بصت لعماد وقالت سيب ايدى يا عماد خلينى اربيها من اول وجديد خلينى اصلح اللى انت عملته بدلعك فيها دلعك خلاها مش شايفه حد قدامها ولا بيهمها حد
عماد :- خلاص يا سميه سبيها دلوقتى وتعالى معايا
تمارا :- انا اسفه يا بابا
عماد :- اول مره يكون امك عندها حق انا السبب فى اللى انتى وصلتى ليه دلوقتى ده
وخرج هو وسميه من الاوضه وسابوها
تمارا :- اترمت على السرير وقعدت تعيط
ياسين :- روح على البيت وقعد يكسر كل حاجه فيه وقعد فى الارض وقعد يعيط أمه قعدت جمبه واخدته فى حضنها ياسين مسك فيها اكتر وقال ليه تعمل فيا كده يا امى ليه انا حبيتها بجد وكنت راسم حياتى كلها وهى جمبى وقعد يعيط فى حضنها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند ندى ومالك
خرجوا من الفرح وكانت ندى مضايقه ودموعها نازله منها اخدها مالك فى العربيه وراحوا كافيه ودخلوا وطلب ليها ليمون وقال
مالك :- ممكن افهم انتى زعلانه وبتعيطى ليه
ندى :- بدموع علشان تمارا بتتعذب ما بين كرامتها وحبها، قلبها بيحب يوسف وكرامتها رافضه تستسلم وتتنازل بده اللى هى حاسه بيه صعب والله
مالك :- لاء يا ندى اللى وصل تمارا للى هى فيه دلوقتى ده عنادها
ندى :- لاء مش حكاية عناد بس انت قولى كده واحده عاشت عمرها كله بتحب واحد ورسمت أحلامها كلها عليه وقفلت قلبها على حبه وبعد ده كله البيه راجع بيحب واحده تانيه وخاطب كمان ومقضيها وكمان اتجوزها وبعد ما زهق من التانيه راجع يقولها انا اسف وبحبك واتجوزينى المطلوب منها ايه ها تجرى عليه وتقوله انا كمان بحبك ومواقفه عليك
مالك :- انا عارف كل ده وكمان كنت اول واحد اقف ليوسف فى موضوع ارين بس تمارا غلطت لما دخلت طرف تالت فى الموضوع وكملت فى موضوع الجواز رغم كلنا قولنا ليها بلاش وفى الاخر ايه اللى حصل فضيحه لأهلها كانوا فى غنى عنها ولا ايه
ندى :- انا معاك فى الحته دى وانا اتحايلت عليها ترفض قبل ما تنزل بس ركبت دماغها ونزلت برضه
مالك :- اهو اللى حصل حصل بقى واهم حاجه انها متجوزتش اللى اسمه ياسين ده وانتى روقى بقى
ندى :- ماشى
مالك :- وبعدين قوليلى بس انتى خلاص هتختفى كده ليه، خسيتى خالص يا بنتى مش هيبقى فيه لحم احضنه يوم الدخله
ندى :- بكسوف مالك ايه اللى انت بتقوله ده بطل قلة ادب
مالك :- وانا قولت ايه بس انتى بقيتى عضم وانا الصراحه عايز لحم احضنه براحتى
ندى :- والله بقى هو انا كده لو مكانش عجبك بلاش
مالك :- بلاش ايه ده انا قتيلك قال بلاش قال
ندى :- مجنون والله
مالك :- بس عشق جنانك بحبك يا مجنونه
ندى :- ابتسمت بحب وقالت وانا بموت فيك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه
مسكت تليفونها وقعدت تتصل كتير على بدر وكالعادة مردش عليها دموعها نزلت منها وقالت
رحمه :- ما انا لازم افهم انت بتعمل معايا كده ليه وخرجت من الاوضه بتاعتها وبصت تشوف فيه حد ولا لاء ووقفت تاكسى وركبته وراحت عند بيت بدر وطلعت خبطت على الباب بس محدش فتح والجار اللى قصادهم فتح وقال
الجار :- خير يا بنتى
رحمه :- لو سمحت ممكن اعرف شغل بدر فين
الجار :- هو شغال فى اتنين بس دلوقتى هتلاقيه عند المكانيكى اللى فى الشارع اللى وراه
رحمه :- شكرآ ليك ونزلت تجرى وراحت عند المكانيكى اللى فى الشارع اللى وراه ووقفت قصاد الباب وقالت لو سمحتوا ممكن حد ينادى بدر
بدر :- بأستغراب خرج من تحت العربيه وقال رحمه
رحمه :- ايوه يا بدر
اصحاب بدر :- الله يسهلوا
بدر :- قام وقف وبص بغيظ لأصحابه ومسك رحمه من دراعها ومشى بيها
رحمه :- دراعها وجعها من مسكت ايد بدر بس حاولت تستحمل ومتظهرش الالم
بدر :- بعد عن المكان ووقف فى مكان فاضى مفهوش حد وساب دراع رحمه
رحمه :- دراعها كله بقى شحم بصت لدراعها وبصت لبدر وقالت ممكن افهم انت مش بترد عليا ليه وبتتهرب منى
بدر :- مش فاضى انا للحب والسهوكه بتوعك دول انا واحد وراه مليون حاجه اهم من الحب والكلام الفارغ ده
رحمه :- بصدمه ايه اللى انت بتقوله ده يا بدر سهوكة ايه دى ، والحب دلوقتى بقى كلام فارغ
بدر :- ايوه كلام فارغ بالنسبه للى زينا حاجه كده عمرك ما هتحسى بيها انا واحد لو اشتغل عمره كله مش هيعرف يسدد ربع الديون اللى عليه واحد زى مينفعش يفكر فى الحب الحب ده اتخلق للناس اللى زيكم اللى مش شايلين هم بكره فى حاجه امشى يا رحمه وانسينى شوفى حياتك مع واحد يستاهلك بجد
رحمه :- بدموع بس انا مش عايزه غيرك انت
بدر :- بعصبيه افهمى بقى دنيتى مش زى دنيتك انا واحد طالع عين اللى خلفوه علشان يعرف يسدد اللى عليه إنما انتوا دنيتك كلها رفاهيه هتقدرى تعيشى مع واحد كل يوم بيرجعلك بالمنظر ده لما يجى يخدك بالحضن يخلى هدومك كلها شحم هتقدرى تعيشى مع واحد ممكن ميلاقيش حق أكلك هتقدرى تعيشى مع واحد مش هيقدر يجبلك طقم من اللى انتى بتلبسيهم دلوقتى
رحمه :-بدموع اه اقدر انا مش عايزه كل اللى انت قولت عليه ده مش عايزه هدوم مش عايزه اكل ولا اشرب انا عايزاك انت بشحمك بفقرك بكلك على بعضك انا بحبك يا بدر ومستعده استحمل اى حاجه فى مقابل اعيش جمبك حضنك اللى كله شحم ده احسن مليون مره من اى حضن تانى
بدر :- والله افترضنا انك انتى هتقبلى وهتقدرى تعيشى العيشه دى أهلك هيرضوا يعيشوا بنتهم العيشه دى طبعآ لاء، امشى يا رحمه وياريت متحاوليش تتصلى بيا تانى ولا تيجى ليا هنا فاهمه واداها ضهره ولسه هيمشى
رحمه :- لو بعد عنى وسبتنى انا هموت نفسى
بدر :- غمض عينه بألم ولف ليها وقال بلاش جنان يا رحمه
رحمه :- الجنان الحقيقى أن انا اقبل ابعد عنك واسيبك حبك يا اعيش معاك يا مش هعيش فى الدنيا دى خالص لان كده كده من غيرك هبقى ميته
بدر :- افهمينى يا رحمه
رحمه :- انا فاهماك يا بدر انت بتعمل كل ده علشان ابعد عنك ومتظلمنيش معاك بس الظلم الحقيقى أننا نبعد عن بعض يا بدر انت بتحبنى وانا بحبك يبقى ليه نتعذب وراحت مسكت أيده وقالت انا متمسك بيك لاخر يوم فى عمرى ومسحت أيده من الشحم بأيديها ومسحته فى الفستان بتاعها وقالت الشحم ده انا بفتخر بيه مش بتكسف منه يا بدر
بدر :- دموعه نزلت منه وبص فى الارض
رحمه :- رفعت راسه ومدت ايديها ومسحت دموعه وقالت اللى زيك يعيش طول عمره راسه مرفوعه لفوق علشان انت مثال الشاب المكافح بالحلال وانا فخوره جدآ بيك
بدر :- بص ليها بحب وقال انا بحبك اوى يا رحمه اوى
رحمه :- ابتسمت ليه بحب وقالت وانا بعشقك يا بدر
بدر :- يلا تعالى اروحك الوقت أتأخر
رحمه :- خلينى معاك شويه انت واحشنى اوى
بدر :- وانتى كمان واحشتينى اوى بس مينفعش لازم تروحى
رحمه :- طيب هترد عليا لما اتصل بيك
بدر :- ابتسم ليها بحب وقال هرد عليكى يلا بقى علشان اروح اكمل شغلى
رحمه :- ماشى يلا بينا
بدر :- وقف تاكسى وروح رحمه الفيلا بتاعتها ورجع تانى على شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
دخلوا انس ويارا الشقه ودخلت يارا على اوضتها غيرت هدومها وخرجت من الاوضه وقالت
يارا :- احضرك العشا
انس :- لاء
يارا :- اتنهدت وقالت ماشى ودخلت الاوضه وقعدت على السرير وقعدت تهز فى رجليها وتاكل فى ضوافيرها وقامت بغيظ من على السرير وخرجت من الاوضه لاقته نايم على الكنبه قالت ممكن تقولى انت بتعمل معايا ليه كده
انس :- روحى اوضك ونامى يا يارا
يارا :- لاء مش هروح اوضى غير لما افهم كل حاجه انت من يوم اللى حصل ما بينا متكلمتش معايا نص كلمه وبعد عنى تانى أنا عملت ليك ايه علشان تعمل فيا كل ده رد عليا
انس :- اتقلب واداها ضهره وقال روحى نامى وسبينى انام علشان عندى شغل الصبح
يارا :- طلقنى يا انس
انس :- بص ليها بصدمه
يارا :- انا خلاص تعبت ومش قادره استحمل تجاهلك ليا ده طلقنى يا انس كفايه لحد كده ارجوك
انس :- سبينى انام يا يارا بقولك عندى شغل الصبح
يارا :- انت ايه البرود اللى عندك ده يا شيخ طلقنى بقولك
انس :- قام قعد وبص ليها وقال ...............
؛
🦋مزاولة حب 🦋 32
🐝الفصل الثانى والثلاثون🐝
فى شقة انس
طلبت يارا الطلاق من انس بعد ما العلاقه ما بينهم زادت فى التوتر وقالت
يارا :- طلقنى يا انس
انس :- بص ليها بصدمه
يارا :- انا خلاص تعبت ومش قادره استحمل تجاهلك ليا ده طلقنى يا انس كفايه لحد كده ارجوك
انس :- سبينى انام يا يارا بقولك عندى شغل الصبح
يارا :- انت ايه البرود اللى عندك ده يا شيخ طلقنى بقولك
انس :- قام قعد وبص ليها وقال اللى انتى عايزاه هعمله ليكى بس الصبح ممكن بقى تسبينى انام
يارا :- لاء مش هسيبك تنام وهطلقنى دلوقتى يا انس
انس :- غمض عينه بعصبيه وقال ادخلى اوضك ولمى الدور يا يارا
يارا :- مش هدخل اوضى يا انس واللى عندك اعمله
انس :- اللهم طولك يا روح
يارا :- طلقنى
انس :- قام وقف ومسكاها من دراعها وقال انتى ليه عناديه ومش بتسمعى الكلام
يارا :- سحبت دراعها من أيده وقالت حرام عليك اللى بتعملوا فيا ده عملت ليك ايه علشان تلعب بمشاعرى وحبى ليك ده ذنبى علشان حبيتك حرام عليك كفايه بقى وقعدت تضرب فى صدره وتعيط
انس :- غمض عينه بألم وشدها فى حضنه وقعد يطبطب عليها
يارا :- مسكت فى هدومه اكتر وقعدت تعيط وقالت انا تعبت والله العظيم تعبت ارحمنى بقى كفايه
انس :- ضمها فى حضنه اكتر وباس راسها
يارا :- زقته وقالت ابعد عنى متلمسنيش انا بكرهك يا انس بكرهك
انس :- بص ليارا بوجع وسابها وفتح الباب ومشى من البيت
يارا :- قعدت فى الارض وقعدت تعيط وحطت ايديها على وشها وقالت ليه كده حرام عليك ليه وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها قامت قعدت على سريرها وافتكرت اللى حصل امبارح رجعت شعرها لوراه ودموعها نزلت منها وقالت
تمارا :- ليه عملتى كده يا تمارا مكنتيش قادره تستحملى شويه وتتجوزى ياسين على الأقل مكانش حصلت الفضيحه اللى حصلت امبارح دى وسكتت شويه وقالت غصب عنى مش هقدر اعيش مع اى راجل تانى غير يوسف كنت هظلم ياسين معايا ومكنتش هقدر أسعده وبعدين قالت يوسف يوسف يوسف كل حاجه حصلت فى حياتى سببها يوسف حبى ليه دمرنى انا لازم أنساه واعيش لنفسى وبس وقامت من على سريرها دخلت الحمام جهزت نفسها وبعد وقت خرجت أدت فرضها وغيرت هدومها ونزلت تحت وقالت صباح الخير
سميه :- قامت وقفت وقالت أنا داخله اوضى يا عماد وسابتهم ودخلت اوضتها
تمارا :- اتنهدت وقالت انا اسفه يا بابا
عماد :- اسفك مبقاش
ينفعنى بحاجه اللى حصل حصل خلاص يا تمارا وسابها ومشى
تمارا :- دموعها نزلت منها واتنهدت وخرجت ركبت عربيتها وراحت على الشركه ودخلت على المكتب الخاص بتاعها وقعدت تشوف شغلها وشويه وسمعت صوت دوشه بره قامت خرجت تشوف فيه ايه لاقت الأمن بيمنع ياسين من الدخول وهو بيحاول يهرب منهم راحت عندهم وقالت سيبوه
الامن :- بس احنا عندنا تعليمات أنه ميدخلش الشركه
تمارا :- بعصبيه مين اللى اداك التعليمات دى
يوسف :- انا يا تمارا
تمارا :- بصت ليه بغيظ وقالت وانت تمنعه ليه من دخول الشركه المكان ده مش ليك لوحدك فاهم
يوسف :- ويدخل هنا تانى ليه مش خلاص كل حاجه انتهت
تمارا :- شئ ميخصكش وبصت لياسين وقالت اسفه يا ياسين على اللى حصل معاك من الأمن اتفضل معايا ودخلوا المكتب بتاع تمارا وقفلت الباب وقالت اتفضل اقعد يا ياسين تشرب ايه
ياسين :- مش عايز اشرب حاجه ليه عملتى كده معايا يا تمارا انا بحبك ليه كسرتى قلبى ووجعتينى انا سألتك تختارينى انا ولا هو وانتى فرحتينى وقولت ليا انك عايزانى انا ليه طلعتينى سابع سما ونزلتينى مره واحده سابع ارض قولتلك من الاول بلاش تجرحى قلبى بلاش تعملى معايا اللى هو عمله معاكى كسرتينى ووجعتى قلبى ليه انتى عارفه امبارح انا حصلى ايه بسببك انا روحت المستشفى علشان كان عندى أنهيار عصبى مش قادر اصدق اللى حصل منك ده يا تمارا
تمارا :- بدموع انا اسفه ليك بجد عارفه أن مهما اتأسف ليك مش هكفر عن ذنبى اللى عملته ده بس مقدرتش انا لسه بحب يوسف ولو كانت الجوازه دى تمت لا انا ولا انت كنا هنكون مبسوطين مع بعض انا حاولت لاخر لحظه احافظ على وعدى ليك قلبى اللى كسب فى الاخر ومقدرش يعيش مع حد تانى غير يوسف
ياسين :- بدموع معنى كلامك ده انكم هتتجوزا
تمارا :- لاء طبعا انا عمرى ما هكون ليه بس مقدرش اكون مع حد غيره من الاخر انا قررت اعيش لوحدى أحبه بس مش مسامحه على اللى عمله معايا
ياسين :- بس انا بحبك ومش هقدر اعيش من غيرك
تمارا :- بصت فى الارض ودعكت ايديها فى بعض وقالت ا.ا.انا اسفه يا ياسين بس انا مقدرتش احبك دور على واحده تحبك بجد هى دى اللى هتقدر تسعدك وانسانى ارجوك
ياسين :- راح مسك ايديها وقال تمارا ارجوكى انا رسمت حياتى الجايه كلها معاكى
تمارا :- سحبت ايديها من أيده وادته ضهرها وقالت ياسين ارجوك متصعبهاش عليا بترجاك
ياسين :- عمومآ يا تمارا انا هفضل جمبك ضهرك وسندك ووقت ما تحتاجينى هتلاقينى جمبك وهفضل احميكى لآخر يوم فى عمرى ودموعه نزلت منه وقعد يبص ليها وخرج يجرى من المكتب ومشى من الشركه
تمارا :- غمضت عينيها بألم وقالت انا اسفه يا ياسين بجد اسفه
يوسف :- كان عايز منك ايه تانى
تمارا :- لفت بضهرها وقالت وانت مالك
يوسف :- تمارا بلاش عند بقى آن الأوان نكون مع بعض
تمارا :- ده بعينك اوعى تكون فاكر أن انا سيبت ياسين علشان خاطر سواد عيونك يبقى بتحلم انا سيبت ياسين علشان حسيت نفسى مش مرتاحه معاه فبلاش تاخد فى نفسك قلم لو سمحت وراحت قعدت على الكرسي بتاعها
يوسف :- ابتسم وقال على فكره انتى مش شاطره خالص فى الكدب
تمارا :- اصل الكدب ليه ناسه بيكونوا محترفين فيه زيك كده بالظبط
يوسف :- بحبك برضه
تمارا :- وانا بكرهك برضه
يوسف :- وحياة امك هتجوزك
تمارا :- وحياة امك انت بتحلم وياريت تتفضل بره خلينى اشوف شغلى
يوسف :- قرب منها وقال عيونك الحلوين دول باين فيهم حبك ليا ابقى داريهم بقى
تمارا :- بصت ليه بغيظ
يوسف :- ابتسم وغمز ليها وسابها وخرج وقفل الباب وراه
تمارا :- بغيظ مستفز وابتسمت وقالت بس دمه خفيف اوى وبموت فيه وبعدين قالت احم ايه يا تمارا نسيتى ولا ايه شكلك ضعيفه وهضيعينا معاكى هوف بقى وبدأت تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
دخل انس الشقه بعد ما قضى طول الليل بره دخل بص على يارا ملاقهاش بص فى المطبخ محدش موجود دخل الاوضه محدش موجود نده بصوت عالى وقال
انس :- يارا يا يارا محدش رد عليه خرج وخبط على باب الحمام وقال يارا انتى جوه يارا محدش رد فتح الباب ملاقاش حد اتغاظ ومسك تليفونه اتصل بيها مردتش عليه داس على أسنانه وقال ماشى يا يارا وفتح باب الشقه ونزل وراح عند شقة بدر وطلع فوق ورن الجرس فتحت ليه يارا بص ليها بغيظ
يارا :- بصت ليه وسابته ودخلت
انس :- دخل وراها وقال ممكن افهم ازاى تنزلى من البيت من غير ما تقولى
يارا :- مزاجى كده
انس :- يارا اتكلمى عدل
يارا :- والله هى دى طريقتى فى الكلام وانا حره ورجوع لبيتك مش راجعه تانى وطلقنى يا انس انا مستحيل اعيش معاك تانى
انس :- داس على أسنانه ومسكها من دراعها وقال ايه اللى انتى بتقوليه ده انا ماسك نفسى عليكى بالعافيه ادخلى غيرى هدومك ويلا معايا
يارا :- سحبت دراعها من أيده وقالت قولتلك مش هروح معاك انا كرهت العيشه معاك انت واحد معقد معندكش لا دم ولا احساس واحد عنده انفصام فى الشخصيه ده انت كرهتنى فى نفسى يا شيخ من يوم ما اتجوزنا وانت بتتعامل معايا بقسوه ،شويه تقرب وشويه تبعد وحتى لما بقيت رومانسي معايا كان علشان مزاجك وبس بتعمل كل ده فيا ليه علشان عارف ان بحبك وضامن وجودى جمبك بس لاء يا انس قسوتك عليا كرهتنى فيك خلتنى بقيت اكره وجودك جمبى فى اى مكان للاسف يا انس انت خسرتنى وصعب تكسبنى تانى طلقنى وخلينى احاول الم قلبى اللى اتكسر بسبب عمايلك فيه
انس :- يارا بلاش تهور ارجعى بيتك
يارا :- مبقاش بيتى خلاص يا انس بقى بيتك انت لوحدك عيش فيه بقى مع نفسك وادخل نام على سريرك بدل نومت الكنبه اللى كسرت ضهرك دى
انس :- يعنى ده اخر كلام عندك
يارا :- لفت وضهرها بقى ليه ودموعها نزلت منها وقالت ايوه طلقنى
انس :- انتى بتاعتى انا ومش هطلقك يا يارا فاهمه وخرج وسابها
يارا :- اول ما سمعت كلمة انتى قلبها وجعها وغمضت عينيها وفرحت لما كمل كلامه وقال ليها انها بتاعته فتحت عينيها وابتسمت والدموع نازله من عينيها وبصت اتجاه الباب واتنهدت بأرتياح أن انس مطلقهاش
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
عند ندى
كانت داخله عند مالك وهى مبتسمه ومدت ايديها ولسه هتفتح الباب سمعت صوت مالك وهو بيتكلم فى التليفون وقربت ودنها من الباب وقعدت تسمع كلام مالك بصدمه
مالك :- لاء طبعآ متعرفش ومقولتش ليها اى حاجه وسكت شويه وقال لاء طبعآ هقولها كل حاجه بس بعد الفرح وسكت تانى وقال وانتى والله واحشتينى اوى يا حبيبتى وسكت تانى شويه وقال حبيبت قلبى اكيد بحبكم انتوا الاتنين كل واحده فيكم طريقة حبها مختلفه فى قلبى عن التانيه وسكت تانى وقال ايه ده هنبدء نغير ولا ايه انتى الحب الاول والاخير يا قلبى وضحك بصوت عالى وقال باى يا حبيبتى
ندى :- بعدت عن الباب بصدمه وطلعت تجرى على المكتب بتاعها ودموعها نزلت منها وقعدت تعيط وقالت معقول يا مالك بتخونى مع واحده تانيه انا مش قادره اصدق نفسى معقول اللى سمعته بودنى ده لالالا مستحيل مالك يعمل فيا كده مستحيل وقعدت تعيط وشويه والباب خبط مسحت دموعها وقالت ادخل
مالك :- فتح الباب وقال الجميل تقلان عليا ليه واحشتينى وقعد على حرف المكتب
ندى :- م .م.مفيش بس عندى شغل
مالك :- راح قعد قصادها على المكتب وقال مالك يا ندوش شكلك كنتى بتعيطى
ندى :- ها ل.ل.لاء وانا هعيط ليه وقامت وقفت بعيد عنه
مالك :- قام وراها وقال مالك يا ندى شكلك مش طبيعي فيه ايه
ندى :- مفيش يا مالك بس الشغل كتير وتعبانه شويه
مالك :- من امته بتعملى كده يا ندى مهما كان عندك شغل كتير كنتى بتهزرى وبتضحكى عادى
ندى :- بعصبيه يووووه بقى قولتلك تعبانه شويه ايه مش من حقى اتعب زى الناس
مالك :- بعصبيه حسك عينك صوتك يعلى عليا تانى يا ندى فاهمه
ندى :- بصوت عالى هتعمل ايه يعنى هطلقنى ياريت
مالك :- بصلها بصدمه وقال ايه اللى انتى بتقوليه ده شكلك اتجننتى يا ندى فيه ايه مالك انطقى
ندى :- بقولك ايه انا ماشيه وراحت اخدت شنتطها ولسه هتخرج من الباب
مالك :- مسك دراعها جامد وقال انتى ليه بتعملى كده انا كل ده مش عايز أفقد اعصابي واتعصب عليكى علشان لو اتعصبت مش هتقدرى على عصبيتى يا ندى
ندى :- بألم سيب دراعى يا مالك
مالك :- مش هسيبك غير لما تنطقى وتقولى فيه ايه
ندى :- سيب دراعى بقولك انت بتوجعنى
مالك :- ساب دراعها وقال سيبتك اهو انطقى
ندى :- سبنى امشى يا مالك انا تعبانه ومش قادره اتكلم
مالك :- اللهم طولك يا روح انطقى بقولك
ندى :- دموعها نزلت منها وقالت عايز تعرف انا بعمل كده ليه علشان مش عايزه اكون عزول بينك وبين اى حد تانى مش عايزه اخدك من حد خلاص ارتحت
مالك :- بأستغراب انا مش فاهم حاجه عزول ايه وتخدينى من حد ازاى ممكن توضحى كلامك
ندى :- بدموع كفايه تمثيل عليا بقى انا عرفت كل حاجه وفتحت الباب وخرجت
مالك :- طلع يجرى وراها وقال تمثيل ايه ده وعرفتى ايه ما تتكلمى شبه الناس وفهمينى تقصدى ايه بالكلام ده
ندى :- بجد رهيب فى التمثيل يا مالك لو سمحت ابعد عن سكتى وخلينى امشى
مالك :- بعصبيه انتى فيه ايه مالك ما تفهمينى ليه عامله كل ده عماله تتكلمى بالالغاز وانا شبه العبيط مش فاهم اي حاجه ردى على اللى خلفونى انتى عايزه تجننينى
الموظفين بصوا ليهم على صوت مالك
ندى :- ممكن توطى صوتك الموظفين بيبصوا علينا
مالك :- بصوت عالى ما اللى يبص يبص ما انتى طلعتى عين اهلى ومش راضيه تتكلمى انا زهقت يا شيخه يخربيت أم دى عيشه حاجه تقرف انا اللى هغور فى ستين داهيه علشان حضرتك ترتاحى وبص ليها بغيظ ومشى
ندى :- بصت عليه وهو ماشى وبصت على المواظفين اللى بيبصوا ليها ودخلت تجرى على المكتب بتاعها وقعدت على الكرسى وحطت راسها على المكتب وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه
كانت قاعده فى المكتب بتاعها ومسكت تليفونها ولسه هتتصل ببدر لاقيته هو بيتصل بيها ابتسمت بحب وقالت
رحمه :- صباح الخير
بدر :- انتى ليه مقولتيش ليا انك جيتى للراجل اللى كان عايز منى الفلوس
رحمه :- بتوتر ها م.م.مين اللى قالك
بدر :- مترديش على سؤالى بسؤال
رحمه :- م.م.ما انا خوفت ا.ا.اقولك تزعل منى
بدر :- وكنتى بتعملى ايه عنده
رحمه :- ها
بدر :- انطقى كنتى بتعملى ايه عنده
رحمه :- بص ا.ا.انا هقولك على كل حاجه بس اوعدنى انك مش هتزعل منى و لا هتعمل اى حاجه
بدر :- بعصبيه اتكلمى اخلصى
رحمه :- ا ا انا لما عرفت انك محجوز بسبب الشيكات دى من انس روحت عنده علشان ادفعلك الفلوس دى واخليه يخرجك
بدر :- ودفعتى فلوس
رحمه :- ا.ا.ايوه
بدر :- انتى ازاى بالغباء ده الفلوس انس دفعها واخد الشيكات وبعد كده الراجل أتنازل عن المحضر يعنى هو ضحك عليكى
يارا :- م.م.معرفش بقى انا كنت عايزه اخرجك من المكان اللى انت كنت فيه بأى طريقه
بدر :- مش انا الراجل اللى هيقبل أن واحده تصرف عليه مش معنى انك انتى معاكى فلوس وانا لاء تصرفى عليا من جيبك لاء يا رحمه فلوسك اللى انتى دفعتيها هتكون عندك وبعد كده حسك عينك تعملى اى حاجه زى كده فاهمه
رحمه :- ا.ا.انت ليه بتعمل فرق ما بينا يا بدر مش انا وانت واحد
بدر :- لاء اتنين وبطريقتك دى عمرنا ما هنكون واحد
رحمه :- تقصد ايه
بدر :- سلام وقفل السكه
رحمه :- يووووه بقى هى كانت نقصه ده انا ما صدقت أنه صالحنى هوف بقى ربنا يستر وميعرفش أنه اتهجم عليا كمان وقعدت تفكر بخوف لو بدر عرف بالموضوع ده
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند كريم
كان ماشى هو وريتاج وبيتكلموا على اللى حصل فى الفرح وقال
كريم :- الصراحه انا مكنتش مرتاح لياسين ده وفرحت اوى لما تمارا رفضت تتجوزه
ريتاچ:- ليه بس ده حتى كان شكله طيب والله وزعلت اوى امبارح عليه لما تمارا رفضته قدام الناس كلها كسرت رجولته
كريم :- هى طبعآ تمارا غلطانه لما نزلت وعملت كده قدام الناس مع اننا كلنا قولنا ليها بلاش تكملى فى موضوع الجوازه دى بس هى كانت عناديه جدآ ومشيت اللى فى دماغها وحصل اللى حصل امبارح ده
ريتاج :- انا حسيت من كلامها معايا أنها بتحب حد وقلبها متعلق بيه وتقريبآ كده شكله الحب الاول علشان كانت بتتكلم عليه بوجع
كريم :- لاء عادى هى بس بتحب الناس الأوفياء اللى بيحافظوا على وعدهم وحبهم لبعض وبيتمسكوا بيه
ريتاج :- امممم ممكن
كريم :- سيبك انتى انا لحد دلوقتى مش قادر اصدق نفسى أننا رجعنا لبعض
ريتاج :- ابتسمت وقالت البركه فى تمارا كلامها وصل لقلبى وقدرت تقنعنى وتخلينى اسامحك
كريم :- يا بت تمارا برضه ولا انتى سامحتينى علشان بتحبينى
ريتاج :- احم ب.ب بقولك ايه انا جعانه اوى
كريم :- وانا مالى
ريتاج :- نعم
كريم :- مش انتى بتغيرى الكلام يبقى مليش دعوه
ريتاج :- بطل غلاسه بقى يا كريم انا جعانه بجد
كريم :- لاء انتى كده داخله على طمع وطمعانه فى العشين جنيه اللى معايا امشى يا بت العبى بعيد
ريتاج :- ضحكت وقالت غلس
كريم :- قلب الغلس وعمر الغلس وروح الغلس انتى
ريتاج :- بصت ليه بكسوف ومشيت وسابته
كريم :- الحمدالله نسيت الاكل وطلع يجرى وراها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند بدر
قفل السكه مع رحمه وبص لصاحبه بغيظ
صاحبه :- شوفت مش قولتلك انا اول ما شوفتها امبارح افتكرت شكلها علطول وهى خارجه من عند الزفت ده بتجرى
بدر :- ده انا هطلع روحوا بأيدى
صاحبه :- سيبه ليا متشغلش بالك انت بحاجه
بدر :- لاء انا اللى هربيه وراح عند المحل بتاعه ودخل على المكتب وقال بعصبيه بقى بتاخد فلوسك مرتين يا واطى ده انا هطلع عين اللى خلفوك وراح مسك فيه
الراجل :- ايه اللى انت بتقوله ده ابعد عنى
بدر :- ازاى تاخد من جوز اختى الفلوس وتاخد من خطيبتى
الراجل :- بتوتر هى دى خطيبتك ا.ا انا معرفش والله
بدر :- وانت كان لازم تعرف انها خطيبتى يعنى ؟!
الراجل :- انا اسف والله
بدر :- هات الفلوس
الراجل :- ها
بدر :- هات الفلوس اللى اخدها منها اخلص
الراجل :- طيب بعدين انا مش معايا فلوس دلوقتى
بدر :- هتجيب الفلوس ولا اموتك وداس على رقابته
الراجل :- بألم خلاص هموت هديك فلوسك
بدر :- بعد عنه وقال هات يا حرامى يا نصاب
الراجل :- طلع الفلوس وحطهم على المكتب ومسك رقابته بألم وقال فلوسك اهى
بدر :- اخدهم وبص ليه بقرف وخرج من عنده وراح عند رحمه وطلب من الأمن أنه يدخل لرحمه بس الأمن رفض لما شاف منظر هدومه مسك تليفونه واتصل على رحمه وانتظر الرد
رحمه :- ايوه يا بدر
بدر :- انزلى ليا حالا عند الشركه
رحمه :- انت تحت
بدر :- ايوه
رحمه :- طيب اطلع
بدر :-الامن رافض يدخلنى الشركه علشان جاى من الشغل عليكى علطول
رحمه :- اتنهدت بزعل وقالت انا نازله حالا
بدر :- قفل السكه معاها ووقف يستنى نزولها
رحمه :- نزلت تجرى عند بدر ومسكت ايده وقالت تعالى معايا
بدر :- لاء يا رحمه انا جيت اديكى فلوسك ورايح شغلى علطول
رحمه :- انت جيبتها منه
بدر :- ايوه اتفضلى اهم
رحمه :- اخدتهم منه وقالت تعالى بقى
بدر :- قولتلك مينفعش عندى شغل
رحمه :- علشان خاطرى
بدر :- اتنهد وراح معاها
رحمه :- للأمن بعصبيه بعد كده لما يجى استاذ بدر تدخلوه علطول مفهوم
الامن :- بس حضرتك
رحمه :- قطعته وقالت مفهوم
الامن :- مفهوم
رحمه :- دخلت الشركه وهى ماسكه ايد بدر وطلعت على المكتب بتاعها ودخلوا وقالت اقعد يا بدر
بدر :- مش هينفع يا رحمه
رحمه :- بدر اسمع الكلام علشان خاطرى اقعد عايزه اتكلم معاك كلمتين
بدر :- اتنهد وقعد على الكرسى وقال خير
رحمه :- قعدت قصاده على الكرسى التانى وقالت بدر انت عارف انا بحبك قد ايه صح
بدر :- ايوه
رحمه :- وعارف انك هتفضل طول عمرك سيدى وتاج راسى صح
بدر :- بص ليها بعدم فهم
رحمه :- راحت عنده ومسكت أيده وقالت بدر انا محتاجاك جمبى
بدر :- يعنى ايه
رحمه :- يعنى عايزاك تيجى تشتغل هنا فى الشركه وتبقى جمبى علطول علشان تقدر تسد الديون ونتجوز الشركه جديده ومحتاجين موظفين كتير فى جميع المجالات علشان خاطرى وافق هنا احسن ليك فى كل حاجه اول حاجه هتبقى معايا علطول تانى حاجه المرتبات حلوه مش ليك بس للموظفين كلهم وهتقدر تسدد ديونك ونتجوز انا وانت
بدر :- وقف وقال لاء يا رحمه لو مكسوفه منى يبقى خلاص كل واحد مننا يروح من طريق
رحمه :- انت عارف ان انا مش كده وان انا ممكن ابيع الدنيا علشانك بس انا عايزه ليك الراحه يا بدر
بدر :- انا مرتاح فى الشغل اللى انا فيه
رحمه :- لاء مش مرتاح بدليل انك شغال فى اتنين إنما لما تشتغل هنا مش هتحتاج تشتغل فى شغل تانى ومسكت أيده وقالت صدقنى انا مش هساعدك فى اى حاجه هسيبك تقدم هنا زى اى موظف وتتقبل بمجهودك الشخصى وهيبقى مرتبك زى اى مرتب اى موظف شغال هنا مش هيبقى ليك استثنا يبقى ليه ترفض بس مدام حاجه احلى واحسن وهتنفعك وهتخلينا مع بعض فى أقرب وقت ممكن علشان خاطرى يا بدر لو بتحبنى بجد وافق انا نفسى ابقى معاك بقى
بدر :- سكت ومردش عليها
رحمه :- ها وافق بقى
بدر :- هفكر يا رحمه وهرد عليكى
رحمه :- هتفكر فى ايه بس وافق بقى يا بدر علشان خاطرى
بدر :- قولتلك هفكر وارد عليكى يا رحمه انا لازم امشى وسابها ومشى
رحمه :- هوف بقى وراحت قعدت على الكرسى بتاعها وقالت ربنا يهديك وتوافق بقى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا
بعد وقت جه وقت البريك وخرجوا البنات التلاته وراحوا المطعم اللى قصاد الشركه وطلبوا اكل وقعدوا التلاته ساكتين
تمارا :- بصت ليهم وقالت مالكم يا بنات
ندى :- بزعل مفيش
رحمه :- بزعل مفيش
تمارا :- والله ده احنا التلاته شكلنا شبه الستات المطلقه يوم الصباحيه بتاعتهم ما تنطقى منك ليها طيب انا ومعروف مالى انتوا بقى فيه ايه
رحمه :- بدر عنده عزة نفس رهيبه ورافض اى حاجه تيجى من نحيتى وكل شويه يحس أن انا احسن منه مع أن والله العظيم انا مش شايفه غير حبه وبس
تمارا :- بدر شاب مكافح وقليل اوى تلاقى زيه اليومين دول وعزة نفسه دى مبقتش موجوده عند ناس كتير اوى
رحمه :- عارفه والله ودى اكتر حاجه مخليانى احبه اكتر بس انا زعلانه علشانه ونفسى اعمله اى حاجه علشان أخرجه من اللى هو فيه ده
تمارا :- انتى عرضى عليه الشغل عندنا فى الشركه
رحمه :- اه وكان رافض وبالعافيه قالى أنه هيفكر
تمارا :- يبقى هيوافق بس عزة نفسه منعته أنه يوافق علطول
رحمه :- ياريت
تمارا :- وانتى يا ست الكتكوته
ندى :- بقولكم ايه ابعدوا عنى ومحدش يسألني عن حاجه
تمارا :- وحياة امك واحنا من امته بنسيب بعض فى حاجه زى كده انطقى مالك
ندى :- بدموع مالك
رحمه :- ماله
ندى :- بيعرف واحده غيرى أو بمعنى أصح يعرفنى انا عليها
تمارا :- بصدمه ازاى يعنى مش فاهمه
ندى :- سمعت مالك بيتكلم معاها وبيقولها أن انا معرفش حاجه وهيعرفنى كل حاجه بعد الفرح وقالها واحشتينى وابتدينا الغيره وان انا وهى كل واحده فينا حبها مختلف فى قلبه وبس وهى الأساس
رحمه :- لاء بتهزرى مستحيل مالك يعمل كده انا اعرف مالك من زمان اوى وملوش هو فى السكه دى اسألينى انا والله
ندى :- والله العظيم سمعته بودنى وهو بيتكلم معاها وبيقولها كده
تمارا :- يمكن فيه لبس فى الموضوع يا ندى اصل كلنا عارفين مالك بيحبك قد ايه وهو الصراحه شخصيه محترمه جدآ مستحيل اصدق اللى انتى قولتيه ده
ندى :- لبس فى الموضوع ازاى هو ده اللى سمعتوا وملهوش اى تفسير تانى غير كده
رحمه :- لاء اكيد فيه حاجه غلط يا ندى اسأليه وشوفى هو هيقولك ايه طيب
ندى :- انا اتخانقت معاه ومعرفش راح فين
تمارا :- وحياة امك طفشتى الراجل
ندى :- معرفش بقى انا بحبه وفكرة أنه يخونى دى مش هقبلها نهائى انا عندى الموت اهون مليون مره أن يكون بيحب واحده غيرى
رحمه :- اللى يقدر يساعدك فى الموضوع ده يوسف هو اللى يعرف كل حاجه عن مالك
يوسف :- ايوآ انا جيت اهو
تمارا :- اول ما سمعت صوته اتوترت ورفعت راسها وبصت ليه
رحمه :- ابن حلال بتيجى على السيره
ندى :- جيت فى وقتك يا يوسف
يوسف :- قعد وبص على تماره ورجع بصلهم وقال فيه ايه
ندى :- قالت ليوسف على اللى سمعته
يوسف :- ضحك وقال مالك يعمل كده مستحيل طبعآ ده انا مش متخيل ازاى مالك فتح قلبه وحبك اصلا مالك طول عمره رافض موضوع الحب ده وعمره ما كلم واحده انتى اول واحده فى حياته على فكره
ندى :- ازاى بس ده انا سمعته بودنى وهو بيقول ليها كده وبعدين دى مش اول مره قبل كده فى المصيف سمعته بيتكلم ومع واحده وقال إنها صحبته
يوسف :- اه اكيد لولو دى صحبتنا كلنا حتى رحمه تعرفها
رحمه :- لولو دى عسل ده احنا كلنا بنات ورجاله بنموت فيها وكنا علطول بنروح نقعد معاها وكمان ممكن ننام عندها باليوم والاتنين
يوسف :- اهو شوفتى
ندى :- بس مش دى اللى كان بيكلمها النهارده
يوسف :- ايآ كان مين اللى بيكلمها دى بس مستحيل مالك يحب غيرك مالك بيخاف على قلبه اوى على فكره ومش بالساهل يسلمه لحد
ندى :- طيب ممكن تشوفه هو فين
يوسف :- ماشى وطلع تليفونه واتصل على مالك وقال مقفول
ندى :- هوف بقى يعنى هيكون راح فين
يوسف :- هقولك انا مالك لما بيزعل ولا يكون مخنوق بيحب يقعد لوحده فى بيته ومش بيحب يتكلم مع حد
ندى :-يعنى هو دلوقتى فى البيت
يوسف :- اكيد
ندى :- وقفت وقالت أنا رايحه ليه وسابتهم ومشيت
تمارا :- فاعل خير اوى يا اخويه
يوسف :-ابتسم وقال طول عمرى
رحمه :- وقفت وقالت طيب هروح انا اشوف شغلى
تمارا :- استنى انا جايه معاكى
يوسف :- مسك ايديها وقال استنى يا تمارا وبص لرحمه وقال روحى انتى يا رحمه
رحمه :- اوك وسابتهم وراحت على شغلها
تمارا :- شدت ايديها من أيده وقالت نعم افندم
يوسف :- اقعدى
تمارا :- نفخت وقعدت وقالت اهو اتزفت
يوسف :- بحبك
تمارا :- بكرهك
يوسف :- يا بنتى بطلى كدب عيونك فضحاكى
تمارا :- بقولك ايه بلاش الشويتين اللى بتعملهم دول علشان انا مستحيل اسامحك على اللى انت عملته فيا
يوسف :- ولا حتى هتسامحيتى لو اديتك دى ومد أيده بيها
تمارا :- بفرحه السلسله واخدتها منه وقالت لاقيتها فين دى ده انا قلبت عليها الدنيا
يوسف :- ابتسم ليها وقال كنت فى الجنينه وشوفتك وانتى بتحدفيها روحت اخدها وخليتها معايا
تمارا :- ش.ش.شكرآ انك رجعتها ليا تانى
يوسف :- انا يوم ما لبستها ليكى من قبل ما اسافر قولتلك حافظى عليها علشان دى اول هديه ليا من بابا وغاليه عليا اوى
تمارا :- وانا حافظت عليها لحد ما رجعت وعمرى ما شيلتها من رقابتى لحد ما رجعت مصر ولاقيت ان انا مش من حقى احتفظ بحاجه بتاعة واحد مبقاش ليا
يوسف :- عارف ان غلط كتير فى حقك وعارف انك كنتى ارجل منى مليون مره وحافظتى على وعدك ليا اللى انا مقدرتش احافظ عليه بس بتمنى زى ما انتى طلعتى احسن منى فى الاول تطلعى احسن منى دلوقتى وتسامحينى
تمارا :- بصت ليه ومردتش عليه
يوسف :- تمارا انا بحبك ومش قادر استحمل بعدك عنى اكتر من كده كفايه وجع وفراق لحد كده
تمارا :- وقفت وقالت اللى بينا بقى صعب يرجع يا يوسف بلاش تحلم بحاجه زى كده لمجرد أن سيبت ياسين انا لا هكون ليك ولا لغيرك انا هعيش لنفسى وبس ولسه هتمشى
يوسف :- مسك ايديها وقام وقف وقال انا مش هتعب ولا هييأس من طلب السماح منك يا تمارا وعارف ومتأكد إن هيجى يوم وتسامحينى وشاور على قلبها وقال علشان ده مفهوش غيرى انا وهو اللى هينتصر فى الاخر وقرب ايديها من شفايفه وباسها وسابها ومشى
تمارا :- اتنهدت وقعدت على الكرسى تانى وقالت لنفسها ايه يا تمارا هتضعفى ولا ايه لاء ارجوكى أجمدى كده وخليكى قويه ودفعت الحساب وقامت خرجت من المطعم وراحت تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا مالك
راحت ندى عند الفيلا ورنت الجرس ومحدش فتح ليها قعدت ترن الجرس لحد ما زهقت ولسه هتمشى لاقت الباب اتفتح اتنهدت بأرتياح وقالت
ندى :- كل ده علشان تفتح
مالك :- عايزه ايه يا ندى
ندى :- عايزه اعرف الحقيقه
مالك :- حقيقة ايه
ندى :- طيب مش هدخلنى
مالك :- وسع ليها علشان تدخل وقفل الباب
ندى :- قعدت على الكنبه بتوتر وبصت ليه
مالك :- وقف وربع أيده على صدره وقال اتفضلى اتكلمى حقيقة ايه اللى عايزه تعرفيها
ندى :- مين اللى انت كنت بتكلمها النهارده
مالك :- بأستغراب بكلمها فين
ندى :- فى التليفون وانت فى مكتبك انا كنت جايه عندك وسمعتك بتقولها انك مش هتقولى دلوقتى بعد الفرح هتبقى تقولى وان حب كل واحده مننا مختلف عن التانى فى قلبك وأنك بتحبها هى اكتر علشان هى الأساس
مالك :- داس على أسنانه وقال وانتى بقى شايفه أن انا من النوع ده صح
ندى :- انا مقولتش كده انا بسألك وعايزه اعرف الحقيقه
مالك :- مش محتاجه تقولى كده نظرة عيونك كلها شك فيا يا ندى
ندى :- بصت على الأرض ودعكت ايديها فى بعض
مالك :- تمام يا ندى هقولك مين دى ، دى تبقى ...........