رواية مزاولة حب الفصل الثالث والعشرون23والرابع والعشرون24بقلم دودو محمد
انتهى وقت العمل وكل واحد روح على بيته دخلت ندى وهى الدموع فى عينيها على اوضتها واترمت على السرير وقعدت تعيط دخلت امها وقعدت جمبها وقالت
ام ندى :- مالك بس يا بنتى
ندى :- انتى شايفه ابنك بيعمل معايا ايه
ام ندى :- معلش يا بنتى استحملى بس اليومين دول لحد ما يهدا شويه
ندى :- المشكله طول ما هو بيودينى ويجى يخدنى عمره ما هيهدا انتى مش بتشوفى حاجه، ولا ايه اللى بيحصل يا ماما
ام ندى :- ايه اللى بيحصل يا بنتى
ندى :- هو ويارا يا ماما واحد فيهم هيموت التانى قريب اوى وهما يعملوا كده مع بعض وهو يقسى عليا اكتر
ام ندى :- وايه اللى حصل وصلهم لكده
ندى :- العند يا ماما ابنك بيحب يارا بس بيكابر ومش عايز يعترف بده وبيحاول يدارى حبه باللى بيعملوا فيها
ام ندى :- بيحبها ؟!
ندى :- ايوه
ام ندى :- طيب ما انا قولتله عليها كذا مره رفض
ندى :- ما انا لسه بقولك بيكابر
ام ندى :- سكتت شويه وفكرت مع نفسها وقالت هو مش هينفع معاه غير كده
ندى :- ناويه تعملى ايه يا ماما
ام ندى :- اخوكى مش هينفع معاه غير لوى الدراع وانا بقى ناويه احطه قدام الأمر الواقع
ندى :- احيه مش فاهمه
وفى الوقت ده الباب خبط
ام ندى :- قومى شوفى مين
ندى :- انا حاسه بمصيبه هتحصل من وراه تفكيرك يا حاجه ربنا يستر وغنت وهى ماشيه وقالت حاسس بمصيبه جيالى يا لطيف يا لطيف مصيبه مكانتش على بالى وفتحت الباب بصدمه وقالت يا لطيف يا لطيف
مالك :- مساء النور اخوكى موجود يا عسل
ندى :- بصدمه م.م.مالك
مالك :- ايه ده انتى تعرفينى
ندى :- مالك متستهبلش وبصت وراها وقالت امشى قبل ما حد يشوفك
مالك :- رن الجرس تانى وقال بصوت عالى السلام عليكم
ندى :- بخوف يا مالك ايه الجنان اللى بتعمله ده انا بتكلم جد امشى ابوس ايدك
وفى الوقت ده سمعت صوت انس وراها بيقول
انس :- انت ايه جابك هنا
ندى:- غمضت عينيها بخوف وقالت ربنا يستر مصيبه هتحصل دلوقتى
مالك :- ممكن اتكلم معاك كلمتين
انس :- بزعيق ادخلى جوه يا ندى
ندى :- بخوف ح.ح.حاضر ودخلت اوضتها وقالت ماما اطلعى عند انس بسرعه مالك بره واحتمال يبقى كفته
ام ندى :- مالك مين ده يا بنتى
ندى :- مالك اللى كلمتك عليه قبل كده زميلى فى الشغل
ام ندى :- بأبتسامه ااااه مالك
ندى :- مش وقت همزاتك دى خالص يا ماما ابوس ايدك روحى ليهم قبل ما يبقى المرحوم مالك
ام ندى :- طيب يا بنتى أهدى وقامت علشان تخرج ليهم
ندى :- يا مسهل يا ماما يا حاجه انتى ماشيه مشيت السلحفاه كده ليه ما انتى طول النهار بتجرى زى الارنب فى البيت ده ايه الغلب ده ياربى
ام ندى :- فتحت الباب وخرجت وراحت عندهم
انس :- بقرف انت جاى هنا ليه
مالك :- انا طالب ايد الانسه ندى
انس :- انت عبيط يالا هو انت ماشى تخطب فى اى بنت تقابلك مش كنت متقدم ليارا
مالك :- حاول يتمالك أعصابه وقال انا متقدمتش ليارا يارا مش اكتر من اخت ليا
انس :- وكداب كمان
مالك :- اتنهد وقال انا مش كداب بس كل الحكايه ندى من خوفها منك قالت ليك كده علشان متزعقش ليها علشان كنت واقف معاهم
انس :- وانا معنديش بنات للجواز
ام ندى :- ما تصبر يا ابنى كده واستهدا بالله واتكلم مع الراجل شكله كويس
انس :- وقف وقال شرفت وانسة
مالك :- بص ليه وقال ممكن افهم انت رافضنى ليه ده انت حتى مسألتنيش عن حاجه تخصنى ومعرفتش اى حاجه عنى
انس :- والله انا حر اختى ومش هدهالك
ام ندى :- اقعد بس يا ابنى ربنا يهديك
انس :- اتنهد وقعد وقال قعد اهو يا ماما بس برضه مش هجوزه اختى
مالك :- بعصبيه ومحدش هيتجوز اختك غيرى واعمل حسابك انا لندى وندى ليا
انس :- قام بعصبيه ومسك مالك من هدومه وقال انت اتهبلت ازاى تتكلم معايا كده طيب ورينى هتتجوز اختى ازاى وانا همحيك من على وش الارض
مالك :- زق أيده وقال ولا انت ولا عشره زيك هيبعدوا ندى عنى يا انس انا بحبها واللى بيحب حد مستعد يبيع عمره كله علشانه وكفايه عقد بقى على نفسك اكتر من كده
انس :- مسك مالك من هدومه وقال اطلع بره وابقى ورينى هتتجوزها ازاى يا حيلة امك
ام ندى :- يا ابنى عيب مش كده الراجل فى بيتنا
مالك :- شد هدومه من ايد انس وبصله بقرف ومشى ووقف عند الباب وبص اتجاه باب اوضت ندى لاقها واقفه بتعيط داس على أسنانه وفتح الباب ونزل
ندى :- كانت واقفه على الباب وشافت كل اللى حصل ودموعها نازله على خدها
انس :-بص لامه وقال بعصبيه البت دى بعد كده رجليها متخطيش بره عتبة البيت ماشى
ام ندى :- وشغلها يا ابنى
انس :- مفيش شغل تانى بعد كده ودخل اوضه
ندى :- بصت لامها ودخلت تجرى على اوضتها واترمت على السرير وقعدت تعيط
ام ندى :- اتنهدت بوجع وقالت ليه بس كده يا ابنى تكسر قلب اختك وراحت تطيب خاطرها بكلمتين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
كان الكل قاعد وقامت ارين وقفت وقالت بتعب
ارين :- انا خلاص تعبانه ومش قادره افتح عينى اكتر من كده تصبحوا على خير وسابتهم ودخلت على اوضتها
الكل :- وانتى من أهله
رحمه :- بصت ليوسف علشان تأكد كلامها ليه
يوسف :- شك فى ارين وشاف نظرة رحمه ليه قام وقف وقال وانا كمان هنام تصبحوا على خير وسابهم وطلع على الاوضه بتاعته هو وارين وفتح الباب براحه ودخل بص على السرير واتأكد أن فعلا ارين نايمه فى اوضتها اتنهد ولسه هيخرج
ارين :- مسكت أيده وقالت نورت اوضك يا حبيبى
يوسف :- سحب أيده من ايديها وقال ا.ا.انا خارج تانى كنت جاى اخد هدوم ليا
ارين :- قامت وقفت وقالت خلاص بقى يا يوسف كل ده ليه بس اللى حصل حصل يا حبيبى
يوسف :- ايوه حصل بس غصب عنى
ارين :- غصب عنك ازاى يا يوسف
يوسف :- قصدى انك مأخديش الحبوب زى ما اتفقنا يا ارين
ارين :- لو عايزنى أنزله أنزله بس سامحنى وارجع تانى اوضك
يوسف :- بعصبيه ايه اللى انتى بتقوليه ده انا عمرى ما اطلب منك تعملى كده
ارين :- قربت منه وقالت اعمل ايه طيب علشان تسامحنى
يوسف :- بعد عنها وقال متعمليش يا ارين انا لما احس نفسى عايز ارجع تانى الاوضه هبقى ارجع لوحدى
ارين :- ماشى يا يوسف براحتك
يوسف :- بصلها بقرف وسابها وخرج من الاوضه
ارين :-بغيظ بكره تيجى ليا تترجانى يا يوسف ونامت تانى على السرير
يوسف :- خرج من الاوضه ونزل قعد فى الجنينه وقعد يبص على شباك تمارا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
وصل ياسين الفيلا ودخل وهو بيبص على الفيلا من فوق لتحت وراح قعد فى اوضت الضيوف ينتظر عماد يدخل ليه وبعد وقت دخل عماد وسلم عليه وقعد على الكرسى وقال
عماد :- منور يا ياسين
ياسين :- بتوتر ب.ب بنور حضرتك
عماد :- مالك قاعد متوتر كده
ياسين :- احم ا.ا.اصل الموقف اللى انا فيه ده مخلينى متوتر شويه
عماد :- لاء اهدا كده اجبلك تشرب ايه
ياسين :- ش.ش.شكرآ
عماد :- لاء ازاى مينفعش ونده على الشغاله وقال ليها تجيب عصير لياسين وبص لياسين وقال تمارا كانت كلمتنى عنك وقالت انك عايز تتجوزها
ياسين :- ا.ا.ايوه ده شرف ليا طبعآ وهبقى سعيد جدآ لو حضرتك وافقت واوعدك أن هشلها فى عينيا
عماد :- طبعآ انت عارف ان تمارا بنتى الوحيده ومش هديها لاى حد كده وخلاص هفكر مليون مره قبل ما اعمل كده وعلشان اوافق اجوزها ليك لازم أسأل عليك كويس اوى واتأكد انك تستحق تمارا بنتى
ياسين:- طبعآ حضرتك معاك حق وانا هسيب ليك كل البيانات الشخصيه فى الدوسيه ده أسأل براحتك واتأكد من اخلاقى وانا هنتظر تليفون حضرتك تبلغنى بقرارك
عماد :- أن شاءالله
ياسين :- وقف وقال استأذن انا بقى حضرتك
عماد :- استنى بس اشرب العصير
ياسين :- مره تانيه أن شاءالله عن اذنك
عماد :- سلم عليه وقال نورت
ياسين :- ربنا يكرم حضرتك
عماد :- بصوت عالى تمارا يا تمارا
تمارا :- جات وسلمت على ياسين وقالت نعم يا بابا
عماد :- وصلى ياسين للباب
تمارا :- حاضر اتفضل يا ياسين
ياسين :- عن اذنك وخرج مع تمارا
تمارا :- وصلته عند الباب
ياسين :- ابتسم ليها وقال انا فرحان اوى يا تمارا مش مصدق نفسى أن بقرب لحلمى
تمارا :- ابتسمت ليه بتوتر وقالت ا.ا.اللى فيه الخير يقدمه ربنا
ياسين :- مسك ايديها وقال انا عارف انك مش فرحانه زي بس اوعدك هعيشك ملكه هنسيكى أى لحظة حزن عشتيها يا تمارا
تمارا :- سحبت ايديها من أيده بتوتر وقالت ا.ا.ان شاءالله
ياسين :- عايزه حاجه قبل ما امشى يا تمارا
تمارا :- ش.ش.شكرآ
ياسين :- ابتسم ليها ومشى
تمارا :- بصت على الفيلا عند يوسف لاقته واقف وبيبص عليهم بصت ليه ودخلت جوه الفيلا
عماد :- تمارا تعالى عايزك
تمارا :- حاضر يا بابا ودخلوا المكتب وقعدت وقالت خير يا بابا
عماد :- انا من بكره هسأل عليه هو سايب كل بياناته ولو لاقيته كويس هتفق معاه على الخطوبه سنه
تمارا :- بحزن اللى تشوفه صح يا بابا اعمله
عماد :- على عينى كسرة قلبك ونظرة الحزن اللى فى عينيكى دى يا تمارا بس هو ده النصيب محدش عارف هيكون مع مين
تمارا :- اكيد هتعب كتير اوى لحد ما اتقبل شخص تانى فى حياتى غير يوسف بس فى الاخير هعيش وانسى
عماد :- انا عارف ان بنتى قويه وهتقدر تعمل كده
تمارا :- أن شاءالله يا بابا
عماد :- ربنا يسعدك يا بنتى يارب
تمارا :- ابتسمت ليه وقالت ويخليك لينا يا حبيبى ووقفت وقالت هطلع انام احسن خلاص مش قادره افتح عينيا تصبح على خير يا بابا
عماد :- وانتى من أهله يا حبيبتى
تمارا :- خرجت من المكتب طلعت على اوضتها
عماد :- رجع لوراه وقال رغم أن انا مش مرتاح لشخص ده بس بكره هيبان كل حاجه وقام خرج من المكتب وطلع على اوضه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
فى اوضت رحمه
كانت قاعده على سريرها وتليفونها رن بصت فيه لاقته رقم غريب ردت عليه وقالت
رحمه :- السلام عليكم
بدر :- وعليكم السلام ورحمه الله وبركاته ازيك يا رحمه
رحمه :- مين
بدر :- انا بدر يا رحمه اخد رقمك من تليفون اختى يارا
رحمه :- بفرحه بدر عامل ايه
بدر :- كويس الحمدالله واحشتينى
رحمه :- ابتسمت وقالت وانت كمان
بدر :- عارفه انا بقيت من كتر ما بفكر فيكى بشوفك علطول فى احلامى وبقيت بتكلم معاكى وانا صاحى كأنك قاعده معايا
رحمه :- بحب انت جميل اوى يا بدر مش عارفه اقولك انا بحس بأيه بس مجرد ما بفكر فيك بلاقى قلبى بيدق جامد والبسمه بتترسم على شفايفه انا فعلا محظوظه أن ربنا بعت ليا واحد زيك يا بدر
بدر :- ياااااه كلامك ده خلانى احس أن انا طاير فى السما بحبك اوى يا رحمه
رحمه :- بحب وانا بحبك يا بدر
بدر :- انا عايز أصرخ بأعلى صوت واقول لدنيا بحالها أن بحبك
رحمه :- ابتسمت وقالت لاء خليك بعقلك احسن يا ابن الناس
بدر :- وهو اللى يحب لهطت القشطه دى يبقى عنده عقل
رحمه :- ضحكت وقالت مجنون
بدر :- بس بعشقك
رحمه :- يلا بقى انا لازم تصبح على خير
بدر :- وانتى من أهله يا قلبى
رحمه :- قفلت السكه وحضنت التليفون وقالت بعشقك اوى يا بدر وحطت راسها على المخده وغمضت عينيها ونامت وهى حضنه التليفون والضحكه مرسومه على شفايفها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد لتبدء ندى بفتح عيونها على صوت تليفونها بصت فيه لاقته مالك قامت قعدت على السرير ودموعها نزلت منها وردت عليه وقالت
ندى :- ايوه يا مالك
مالك :- صباح الخير يا حبيبتى
ندى :- صباح النور
مالك :- ندى انتى بتعيطى
ندى :- بدموع انس قعدنى من الشغل قولتلك يا مالك بلاش تتهور علشان متعقدش الأمور اهى جات فوق دماغنا ومش هعرف اشوفك تانى
مالك :- بعصبيه هو مفكر نفسه مين علشان يتحكم فينا كده انا هجيلوا النهارده اعرفه مقامه
ندى :- ابوس ايدك كفايه تهور بقى يا مالك طول ما انس متعصب مش هتعرف تتعامل معاه وهتحصل نتيجه عكسيه اصبر شويه يا مالك ارجوك
مالك :- اتنهد وسكت شويه وقال طيب أهدى وبطلى عياط
ندى :- ماشى يا مالك بس اوعدنى انك مش هتعمل اى حاجه من ورايا مع انس
مالك :- حاضر يا ندى اوعدك
ندى :- متنساش انك وعدنى يا مالك
مالك :- طيب هشوفك ازاى انا مقدرش يفوت يوم عليا من غير ما اشوفك
ندى :- ولا انا كمان بس مش فى ايدينا حاجه غير أننا نصبر شويه لحد ما نشوف حل لموضوع انس ده طول ما هو متعصب من يارا هيفضل كده
مالك :- يعنى المفتاح مع يارا
ندى :- ايوه
مالك :- يعنى لو يارا وافقت على اخوكى ده يبقى احنا كده موضوعنا اتحل
ندى :- يعنى حاجه زى كده
مالك :- تمام سيبى الموضوع ده عليا
ندى :- هتعمل ايه يا مالك
مالك :- متقلقيش يا ندى يلا باى دلوقتى علشان اجهز لشغل
ندى :- اتنهدت بقلق وقالت باى وقفلت السكه ورجعت شعرها لوراه وقالت ربنا يستر من اللى جاى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
الكل راح على الشركه وقعدوا على المكاتب الخاصه بيهم وبصوا على مكتب ندى وقالوا
رحمه :- امال فين ندى مجاتش ليه
تمارا :- مش عارفه
يارا :- ندى مش هتنزل الشغل اليومين دول
رحمه :- بأستغراب ليه
يارا :- اتصلت بيها قالت ليا أن مالك اتقدم ليها وأخوها رفضه وقال ليها مفيش شغل تانى
تمارا :- ده ايه التخلف ده هو بيستعبط ازاى يعنى يرفض مالك وكمان يقعدها من الشغل
يارا :- انا عارفه ليه عمل كده هو بيحاول يستفزنى انا علشان عارف ان انا هزعل عليها وهتغاظ وهيزيد فيها اكتر كل ما يلاقينى متعصبه علشانها
رحمه :- بس دى أخته ازاى يعمل كده فيها
يارا :- هو شخصيته كده عندى ومستفز وانا هحاول أتمالك اعصابى على قد ما اقدر
تمارا :- والله العظيم بجد الله يكون فى عون ندى وعونك انتى كمان دماغك كانت فين لما حبيتى واحد زى ده
يارا :- ضحكت بوجع وقالت ما انا لو كنت فكرت بعقلى مكنتش حبيته يا تمارا بس للاسف انا حبيته بقلبى وده مليش سلطه عليه ومش فى ايدى حاجه غير أن احبه
تمارا :- اتنهدت بوجع وقالت عندك حق الحال من بعضه قلوبنا دى هى سبب عذابنا
وكل واحده شافت شغلها
وفى الوقت ده السكرتير جه وبلغ تمارا أن يوسف عايزها اتنهدت وقامت راحت عنده وخبطت على الباب ودخلت
يوسف :- تعالى يا تمارا
تمارا:- خير يا يوسف
يوسف :- اقعدى
تمارا :- قعدت وقال نعم
يوسف :- كنت شايف امبارح ياسين واقف معاكى عندكم فى الفيلا
تمارا :- اه ايه المشكله
يوسف :- قام وقف وراح قعد قصادها وقال لسه برضه مصممه تتجوزيه يا تمارا
تمارا :- اه وقعد مع بابا واتفقوا على كل حاجه
يوسف :- مسك ايديها وقال تمارا انا خايف عليكى والله صدقينى ياسين ده شخص غامض وهتتعبى معاه غير انك عمرك ما هتقدرى تحبيه لانك بتحبينى انا يا تمارا
تمارا :- بصت ليه بتوتر وغمضت عينيها وسحبت ايديها ووقفت وقالت ا.ا.انا هروح مكتبى
يوسف :- وقف قصادها وقال تمارا كفايه هروب بقى اتنازلى لو مره واحده بس واعترفى بحبك ليا
تمارا :- سكتت ومردتش عليه
يوسف :- اتكلمى يا تمارا اتكلمى
تمارا :- اه بحبك بس عمرى ما هكون ليك اه بحبك بس هدوس على قلبى برجليا اه بحبك بس هعيش حياتى مع واحد بيحبنى بجد اه بحبك بس بحب كرامتى اكتر يا يوسف ومش هسمح لحد يجرحها حد لو الحد ده هو اللى بحبه وروحى فيه عن اذنك وسابته ومشيت
يوسف :- بص عليها وهى خارجه وقعد على الكرسى بوجع وكسره
تمارا :- طلعت تجرى على الحمام وقفلت وراها الباب وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى مكتب مالك
كان قاعد بيفكر يحل مشكلته ازاى مع انس وافتكر كلام ندى مسك تليفونه وطلب من السكرتير يبلغ يارا أنه عايزها وقفل التليفون وبعد وقت الباب خبط ودخلت يارا وقالت
يارا :- خير يا مالك
مالك :- اقعدى يا يارا
يارا :- قعدت وقالت خير ندى فيها حاجه
مالك :- لا أنا ولا ندى كويسين يا يارا اكيد ندى حكت ليكى اللى حصل امبارح
يارا :- ايوه علشان انس رفضك يعنى
مالك :- ايوه
يارا :- بنى أدم مستفز
مالك :- يارا انا ليا طلب عندك
يارا :- قول يا مالك
مالك :- انس
يارا :- ماله
مالك :- مش هيوافق على طلبى غير لو انتى وافقتى تسمعيه زى ما طلب منك وانتى رفضى
يارا :- مستحيل يا مالك الشخص ده عمرى ما هقعد معاه ولا اتكلم معاه أبدآ
مالك :- علشان خاطر ندى يا يارا ندى منهاره بسبب قرار قعدها من الشغل وعلشان رفضه ليا
يارا :- بس ده حيوان مينفعش الكلام معاه نهائى وعايز رأيه هو اللى يمشى وبس
مالك :- استحملى يا يارا انتى كده كده بتحبيه وطول عمرك هتموتى عليه يبقى هيحصل ايه لو اتنازلتى شويه ووافقتى تسمعيه
يارا :- بس
مالك :- اسمعى كلامى بس اسمعيه ولو معجبكيش كلامه خلاص سبيه وامشى مش هتخسرى حاجه
يارا :- لاء هخسر يا مالك هخسر كرامتى ولو اتنازلت دلوقتى هتبقى حياتى كلها بعد كده تنازلات ووقفت وقالت أنا اسفه يا مالك بس بجد مش هقدر اعمل كده انس مغرور ومتعجرف وهيفهم اللى انا هعمله ده ضعف منى وانا مش هقبل اعيش ضعيفه ليه
مالك :- اتنهد وقال عندك حق واسف لو طلبت منك حاجه زى كده
يارا :- ياريت والله كان فى ايدى حاجه اعملها ليكم بعيد عن أنس مكنتش هتأخر عنكم عن اذنك وخرجت وسابته
مالك :- اتنهد وقال وبعدين يا مالك هتعمل ايه انا لازم اتصرف لازم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى بيت انس
صحى انس من نومه وخرج من اوضه ونده على امه بس مردتش عليه استغرب وراح خبط على باب اوضتها وفتح الباب لاقها لسه نايمه راح خبط على كتفها وقال
انس :- ماما يا ماما انتى لسه نايمه كل ده وخبط على كتفها وقال ماما يا ماما ردى عليا بس مردتش عليه اتخض وقعد يخبط على وشها وفتح الباب ونده على ندى وقال هاتى برفان من عندك وتعالى بسرعه
ندى :- خرجت تجرى من اوضتها وراحت عن اوضت امها وقالت بدموع امى مالها يا انس
انس :- اخد منها البرفان وقال معرفش مش بترد ورش على أيده وحطها عند مناخير أمه وقال ماما ردى عليا
ام ندى :- بدأت تهز راسها
ندى :- بدموع ماما ردى علينا ابوس ايدك
ام ندى :- بصت بتعب لندى وقالت هو ايه اللى حصل
انس :- انتى كان مغمى عليكى يا ماما
ام ندى :- يبقى الضغط على تانى علشان زعلت امبارح
انس :- وايه بس اللى زعلك
ام ندى :- انت اللى بتسأل يا ابنى انت نسيت عملت ايه امبارح
انس :- وقف وقال ا.ا.انا عملت كده لمصلحتها
ام ندى :- مصلحة اختك معاه يا انس الشاب باين عليه كويس وابن ناس بترفضه ليه
انس :- مش وقته الكلام ده وجاب علاج الضغط وقال خدى بس العلاج
ام ندى :- مش هاخد حاجه يا انس وخلينى اموت علشان ترتاح منى ومن زنى
انس :- يا ماما ايه اللى انتى بتعمليه ده خدى بس العلاج وربنا يسهل
ام ندى :- بصت الاتجاه التانى ومردتش عليه
انس :- يعنى انتى عايزه ايه دلوقتى
ام ندى :- توافق على العريس اللى متقدم لاختك
انس :- بس يا ماما
ام ندى :- قطعته وقالت مفيش بس
انس :- اتنهد وقال طيب اسأل عليه الاول
ندى :- كانت حاسه ان قلبها هيوقف عليها من الفرحه
ام ندى :- ماشى
انس :- ممكن تخدى العلاج بتاعك بقى
ام ندى :- لاء
انس :- ليه تانى ما قولتلك هنفذ اللى انتى عايزاه
ام ندى :- لسه فيه طلب تانى ولو منفذتهوش مش هاخد علاج ولا هاكل ولا هشرب وانت حر يا انس
انس :- طلب ايه تانى يا ماما
ام ندى :- بصت ليه وقالت..............
24
🐝الفصل الرابع وعشرون🐝
فى بيت انس
انس بيحاول يقنع أمه انها تاخد علاج الضغط وهى رفضت تاخده غير بشروط اول شرط يوافق على جواز ندى من مالك وقال ليها أنه هيسأل عليه الاول والشرط التانى هو
ام ندى :- بصت ليه وقالت تتجوز يارا
انس :- وقف بعصبيه وقال ايه لاء طبعآ دى لو اخر واحده مش هتجوزها
ام ندى :- يبقى خلاص مش هاخد علاج ولو حصل ليا حاجه يبقى ذنبى فى رقابتك انت
انس :- قعد جمبها وقال يا ماما ربنا يهديكى خدى العلاج بقى
ام ندى :- لاء مش هخده غير لما توافق
انس :- انا وافقت على العريس اللى متقدم لبنتك لكن يارا لاء والف لاء يا ماما
ام ندى :- وانا برضه علاج لاء والف لاء
انس :- يوووووه بلاش عند معايا يا ماما الله يكرمك خدى علاجك بقى
ام ندى :- انا مش بعاند معاك يا انس انت اللى بتعاند نفسك ومسكت راسها بتعب
انس :- بخضه مالك يا ماما
ام ندى :- الدنيا بتلف بيا ودق جامد فى دماغى
انس :- ما من الضغط يا ماما خدى علاجك بقى
ام ندى :- بتعب خلينى اموت علشان تستريح منى يا انس
انس :- يوووووه حاضر يا ماما اللى انتى عايزاه هعمله خدى العلاج بقى
ام ندى :- يعنى هتتجوز يارا
انس :- نفخ وقال ايوه خدى يلا
ام ندى :- هاتى تليفونك يا ندى
انس :- ليه هتعملى ايه
ام ندى :- هتصل بيارا وابلغها اننا رايحين عندهم النهارده
انس :- بصدمه ايه النهارده
ام ندى :- ااااه يا دماغى مش قادره
انس :- طيب خلاص أهدى اعملى اللى انتى عايزاه
ندى :- خدى التليفون اهو يا ماما
ام ندى :- اتصلى بيارا يا بنتى
انس :- بس يا ماما
ام ندى :- ااااه خبط جامد فى دماغى
انس :- يوووووه خلاص ماشى
ندى :- خدى يا ماما ردت اهى
ام ندى :- ازيك يا بنتى
يارا :- خالتى الحمدالله انتى عامله ايه
ام ندى :- تعبانه اوى يا بنتى
يارا :- الف سلامه عليكى يا خالتى خير مالك
ام ندى :- الضغط عالى عليا اوى وكنت هروح فيها علشان مش باخد العلاج
ندى :- بعد الشر عنك وليه بس يا خالتى متخديش العلاج
ام ندى :- ما انا هخده اهو بس قولت اتصل بيكى واسألك انتوا فى البيت النهارده
يارا :- ايوه يا خالتى موجودين
ام ندى :- ماشى يا بنتى احنا جاين ليكم النهارده بعد العشا
يارا :- تشرفوا طبعآ يا خالتى بس انتى تقصدى مين بأحنا دى
ام ندى :- انا وندى وانس
يارا :- بصدمه انس
ام ندى :- ايوه يا حبيبتى يلا هسيبك بقى علشان اروح اخد العلاج مع السلامه يا بنتى وقفلت السكه
انس :- نفخ وقال خلاص نفذتى اللى فى دماغك خدى العلاج بقى
ام ندى :- اخدته منه وقالت ربنا يخليك ليا يا حبى
انس :- مد أيده بالميه وقال ويخليكى لينا يا ماما يارب
ام ندى :- اخدت الميه واخدت العلاج بتاعها وقالت جهز نفسك بقى قبل العشا
انس :- اتنهد وقال إن شاءالله يا ماما وخرج وسابهم
ندى :- بفرحه حلاوتك يا ام انس يا جامد ده انا صدقتك وربنا وخوفت عليكى
ام ندى :- ضحكت وقالت مش قولتلك أن اخوكى مش هيجى غير بلوى الدراع
ندى :- والنبى انتى حتة سكر يا جامد انت يا قمر
ام ندى :- ضحكت وقالت ربنا يسعدكم يارب يا حبيبتى
ندى :- ضحكت وقالت ويخليكى لينا يارب وقامت وقفت وقالت هروح بقى ابلغ مالك وبستها فى خدها وخرجت تجرى على اوضتها واتصلت بمالك وانتظرت الرد
مالك :- عامله ايه يا حبيبتى
ندى :- بفرحه انس وافق
مالك :- بأستغراب وافق على ايه
ندى :- وافق عليك يا ابنى قال لماما هيسأل عليك الاول
مالك :-بفرحه بجد ولا مقلب منك احلفى طيب يا ندى
ندى :- مقلب ايه يا ابنى وانا ههزر فى حاجه زى كده والله العظيم وافق
مالك :- بفرحه يا احلى خبر فى حياتى اخيرآ هتبقى بتاعتى وابوس براحتى
ندى :- مالك اتلم
مالك :- بضحك خلاص خلاص بس ايه اللى غير رأيه من بليل لصبح كده
ندى :- لاااااا ده موضوع طويل هبقى اقوله ليك لما اشوفك
مالك :- طيب مش هتنزلى الشغل
ندى :- مش عارفه بس المهم أنه وافق عليك دلوقتى هبقى اخلى ماما تكلمه على الشغل
مالك :- أن شاءالله يا احلى واجمل ما فى الدنيا دى بحالها
ندى :- ابتسمت بحب وقالت يلا بقى هقفل معاك باى
مالك :- باى يا قلبى
ندى :- قفلت معاه وحضنت التليفون وقالت الحمدالله يارب أنه وافق وهبقى من نصيبه بحبه اوى اووووى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
فى مكتب البنات
قفلت يارا مع ام ندى التليفون وبصت للبنات بصدمه
رحمه :-فيه ايه مالك مصدومه كده ليه
يارا :- بصدمه انس جاى عندنا بليل
تمارا :- جاى عندكم ليه
يارا :- معرفش خالتى قالت ليا أنها جايه هى وندى وانس عندنا بليل
رحمه :- بصت لتمارا وقالت انتى فهمتى اللى انا فهمته
تمارا :- تقريبآ كده فهمت نفس اللى فهمتيه
يارا :- انتوا فهمتوا ايه علشان انا مفهمتش
رحمه :- انس جاى يخطبك يا عروسه
يارا :- بصدمه يخطب مين؟ انا !
تمارا :- لاء هيخطبنى انا يا فالحه
يارا :- لالالا طيب ازاى مستحيل انس يخطبنى اكيد انتوا فهمتوا غلط
رحمه :- طيب قوليلى انتى يا اذكى اخواتك ايه هيودى انس عندكم
يارا :- مش عارفه بس اكيد مش هيخطبنى انس يخطبنى ازاى مينفعش لالالا اكيد فيه حاجه تانيه يارب يكون كلامكم صح انا مش عارفه هعمل ايه
تمارا ورحمه بصوا لبعض وقعدوا يضحكوا على كلامها
يارا :- اعملوا حسابكم انتوا هتيجوا معايا النهارده
رحمه :- اكيد طبعآ من غير ما تقولى
تمارا :- انا مش هقدر اروح معاكم بس هتابع معاكم بالفون
يارا :- ليه مش هتقدرى
تمارا :- اتنهدت وقالت تعبانه شويه
يارا:- علشان خاطرى يا تمارا تعالى معانا
رحمه :- خلاص يا يارا خليها براحتها هى شكلها مرهق وبصت فى الساعه وقالت يلا بينا الوقت خلص
والتلاته وقفوا ونزلوا تحت علشان يروحوا رحمه ويارا راحوا على البيت وتمارا راحت تركب العربيه بتاعتها علشان تمشى بس لاقت العربيه عطلانه نفخت ونزلت منها علشان تركب تاكسى بس كان يوسف نزل وراح عندها وقال
يوسف :- العربيه مالها
تمارا :- عطلانه معرفش مالها
يوسف :- طيب تعالى اوصلك معايا
تمارا :- لاء هركب تاكسى
يوسف :- مسكها من ايديها وقال تعالى بس يا تمارا بلاش عندك ده
تمارا :- بصت على ايده اللى ماسكه ايديها ومشيت معاه وركبت العربيه بتاعة يوسف
يوسف :- ركب جمبها وبصلها بحب وابتسم
تمارا :- بصت ليه بكسوف وقالت ايه بتبص ليا كده ليه
يوسف :- اتنهد بحب وقال ولا حاجه بس انا فرحان اوى النهارده علشان اول مره تقوليلى بحبك
تمارا :- رجعت شعرها وراه ودنها بتوتر وقالت ا.ا.انا قولتلك الكلمه دى ب.ب.بس قولتلك كلام تانى معاه ي.ي.يعنى متمسكش اوى فى الكلمه دى
يوسف :- انا اى كلمه قولتيها بعد كلمة بحبك مسمعتهاش يا تمارا العالم كله وقف عندى على اللحظه دى
تمارا :- يوسف ياريت تنسى اى كلمه قولتها ليك فى المكتب النهارده انت دلوقتى راجل متجوز وانا فى حكم المخطوبه ومينفعش اى حد فينا يجرح مشاعر الإنسان اللى عايش معاه
يوسف :- هطلقها يا تمارا وانتى ارفضى اللى اسمه ياسين ونكمل مع بعض اللى فاضل من عمرنا
تمارا :- هزت راسها يمين وشمال وقالت مبقاش ينفع يا يوسف خلاص وياريت تمشى بقى علشان عندى صداع وعايزه اروح
يوسف :- بصلها واتنهد وشغل العربيه ومشى بيها وراح على الفيلا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى بيت يارا
وصلت يارا ورحمه على البيت ودخلوا على اوضت يارا واترمت رحمه على السرير وقالت
رحمه :- ااااااه خلاص مش قادره الشغل طلع عينى النهارده
يارا :- انا بقى مش حاسه بأى حاجه من كتر التوتر من اللى هيحصل بليل
رحمه :- صح يا يويو لو انس اتقدم ليكى هتعملى ايه
يارا :- يا لهووووووى دى مجرد التفكير بس في الموضوع ده حاسه ان قلبى هيوقف عليا
رحمه :- طيب افرضى قالك بكل كبرياء وشموخ يارا تقبلى تتجوزينى على سنة الله ورسوله
يارا :- هقوله طبعآ موافقه ده انا عيشت عمره كله مستنيه اللحظه دى
رحمه :- لااااااا اوعى تعملى كده يخربيت التخلف
يارا :- ليه
رحمه :- اوعى توافقى عليه بسهوله كده طلعى عينيه زى ما عمل معاكى طول السنين اللى فاتوا دى وكان عارف بحبك ليه ولا معبرك
يارا :- يعنى ارفضه
رحمه :- اوعى تعملى كده لو فكرتى ترفضيه انسى انس ده العمر كله
يارا :- يووووه امال اعمل ايه ما تتكلمى علطول
رحمه :- يعنى لو طلب ايدك خدى نفس عميق كده وارجعى بضهرك لوراه وقولى سيبنى افكر وهبقى ارد عليك وخليكى تقيله كده علشان يعرف انك مش هتموتى عليه
يارا :- صح عندك حق لازم اطلع عينه واكسر ليه مناخيره اللى طالع بيها السما دى
رحمه :- ايوه كده يا جامد وضحكت وقالت امال فين بدر
يارا :- زمانه جاى من الشغل أصله مسك شغلانه تانيه اشتغل مكانيكى وفى الوقت ده سمعوا صوت الباب بيتفتح قالت ابن حلال جه على السيره
رحمه :- احم طيب تعالى نخرج ليه
يارا :- ايه يا بت السهوكه اللى بقت فيكى دى أهدى شويه يا اختى خلى الراجل ياخد نفسه الاول
رحمه :- ا.ا.انا قصدى تبلغيه أن انس وأمه واخته جاين علشان يحضر نفسه
يارا :- والله ماشى يا اختى امشى قدامى
وخرجوا الاتنين من الاوضه
بدر :- بأحراج ر.ر.رحمه ا.ا.انتى هنا
رحمه :- عامل ايه يا بدر
بدر :- ك.ك.كويس
يارا :- بدر انس وندى وخالتى جاين لينا النهارده بعد العشا
بدر :- ليه خير
يارا :- احم م.م.معرفش
بدر :- لاء شكلك عارفه الموضوع وموافقه كمان
يارا :- بدر بس بقى
بدر :- ربنا يسعدك يا حبيبتى
يارا :- هدخل احضر الاكل وسابتهم ودخلت المطبخ
رحمه :- مالك يا بدر
بدر :- بأحراج مكنتش حابب تشوفى شكلى وأنا كده
رحمه:- ماله شكلك
بدر :- علشان كلى شحم وهدومى متبهدله يعنى
رحمه :- ابتسمت ليه وقالت على فكره شكلك حلو اوى والشحم ده حببنى فيك اكتر عارف ليه علشان انت كده راجل بجد بتكافح وتشتغل مش زى اكتر الشباب بتوع اليومين دول عايزين يقعدوا كلهم على مكاتب ومسكت أيده
بدر :- سحب أيده منها وقال خلى بالك احسن ما تتبهدلى شحم من ايدى
رحمه :- مسكت أيده ومسحتها بأيديها وقالت الايد دى هى اللى تستاهل تلبس الدبله بتاعتى يا بدر ويبقى ليا الشرف كمان
بدر :- بحب انتى ازاى كده انا كل يوم بحبك اكتر من اليوم اللى قابله يا رحمه انا علشان خاطر عيونك اعمل اى حاجه اول ما اشتغلت مكانيكى كنت بفكر ازاى هتتقبلى فكرة أن أكون شغال مكانيكى بس خلفتى كل توقعاتى يا رحمه
رحمه :- يعنى انت اشتغلت الشغلانه التانيه دى بتاعة المكانيكى ليه مش علشان تقدر تعمل حاجه ونتجوز يعنى علشانى يبقى مسمعكش تقول الكلام ده تانى علشان مزعلش منك ماشى
بدر :- وانا مقدرش على زعلك
رحمه :- ابتسمت ليه بحب
بدر :- بحبك يا رحمه
رحمه :- وانا بحبك يا بدر
يارا :- احم احم وانا بحبكم انتوا الاتنين وضحكت
رحمه :- احم انتى هنا من امته
يارا :- دى كانت فقرة محن ايه هييييييح خالص يعنى
رحمه :- اتلمى يا يارا احسنلك
بدر :- المهم حضرتى الاكل ولا لسه هموت من الجوع
يارا :- ادخل اغسل ايدك ويلا
ودخل بدر غسل أيده وقعدوا التلاته ياكلوا ومر الوقت
وبعد وقت طويل جرس الباب رن يارا بصت لرحمه بتوتر ومسكت فيها جامد
بدر :- قام فتح الباب وسلم عليهم ودخلهم
يارا :- راحت سلمت على ام ندى وقالت ازيك يا خالتى نورتينا والله
ام ندى :- بنورك يا حبيبتى بسم الله ماشاءالله قمر يا حبيبتى
يارا :- بكسوف شكرآ يا خالتى وراحت سلمت على ندى وبصت لانس من فوق لتحت ومسلمتش عليه
رحمه :- سلمت على ام ندى وندى وقالت ازيك يا استاذ انس
انس :- كويس
بدر :- والله العظيم احنا بيتنا نور النهارده
ام ندى :- البيت منور بأصحابه يا حبيبى الله يرحم امكم كانت ست ولا كل الستات كانت محبوبه من الكل
يارا :- بزعل الله يرحمها
ام ندى :- انا امكم واى حاجه عايزينها اطلبوها منى علطول متتكسفوش
بدر :- ربنا يخليكى يا خالتى
ام ندى :- طيب احنا جاين النهارده علشان اطلب ايد اختك يارا لابنى انس
يارا :- مسكت ايد رحمه بتوتر وبصت على انس لاقته مش بيبص ليها خالص
بدر :- ده شرف لينا طبعآ يا خالتى بس نشوف ايه رأى العروسه وبص ليارا وقال ايه رأيك يا يارا
يارا :- كانت لسه هتندفع وتوافق شدتها رحمه وقالت فى ودنها
رحمه:- متنسيش اللى قولتلك عليه
يارا :- احم سبونى افكر براحتى وابقى ارد عليكم
انس :- بص ليها بغيظ وداس على أسنانه وقفل قبضة أيده جامد علشان يتحكم فى أعصابه
ام ندى :- براحتك طبعآ يا بنتى بس كنت عايزه اتكلم كلمتين معاكى لوحدنا
يارا :- وقفت وبصت لانس بأستفزاز وقالت اتفضلى يا خالتى
ام ندى :- تعالى يا بنتى سندينى اقف
يارا :- راحت مسكت ايديها وقفتها وراحوا على اوضت يارا
ندى :- قعدت جمب رحمه وقالت بصوت واطى هو ايه النظام
رحمه :-ناويه تطلع عين اخوكى على اللى عمله فيها
ندى :- بصوت واطى احسن يستاهل وضحكت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اوضت يارا
دخلت يارا وهى سانده ام ندى الاوضه وطلبت منها تقفل الباب وراهم قفلت الباب وقعدت ام ندى على السرير وقالت
يارا :- خير يا خالتى
ام ندى :- اولا كده انا اسمى ماما بلاش كلمة خالتى دى فاهمه
يارا :- حاضر يا خالتى يوووه اقصد يا ماما
ام ندى :- اقعدى هنا جمبى
يارا :- قعدت جمبها وبصت ليها
ام ندى :- مسكت ايديها وقالت انا عارفه انك بتموتى فى الولا انس ابنى وهو كمان بيموت فيكى
يارا :- ها ع ع عارفه؟!
ام ندى :- اه عارفه من لما كنا فى الرحله
يارا :- بصى يا خالتى اقصد يا ماما أنا اه بحبه بس هو متعجرف اوى وغلس ومستفز وكل حاجه سوده فيه
ام ندى :- ضحكت وقالت عارفه بس بأيدك تغيره يا عبيطه الراجل لما بيحب بيبقى مستعد يعمل اى حاجه علشان يحافظ على حبيبته
يارا :- طيب ما انتى بتقوليلى أنه بيحبنى ورغم كده لسه عامل شبه ابو الهول ومش بيتحرك وبيحرق دمى وخلاص
ام ندى :- بضحك لو سمعك بتقولى عليه كده كان علقك
يارا :- ما هو ده اللى بقول عليه مركب ليا الرعب وبخاف منه ده مش بيعرف يتفاهم غير بأيده
ام ندى :- هو طيب اوى بس مشكلته عصبى شويتين انتى بقى بشطارتك تغيره وتخليه يقلل شويه من عصبيته دى
يارا :- ولو متغيرش اعمل ايه بقى
ام ندى :- هيتغير اسمعى كلامى انا عارفه بقولك ايه
يارا :- بصت ليها ومردتش عليها
ام ندى :- ها نقول مبروك
يارا :- طيب هو اخرس ولا ايه من ساعة ما دخل منطقش ولا حرف
ام ندى:- ضربتها بخفه على راسها وقالت يا بت بطلى لماضه ها موافقه
يارا :- موافقه بس انتى عارفه لو متغيرش وبقى معايا كويس هقطعهولك واحطهولك فى كياس وابعتهولك هديه ماشى
ام ندى :- ضحكت وقالت مبروك يا مرات ابنى وحضنتها
يارا :- احيه انتى قولتى مرات ابنى
ام ندى :- اه طبعآ هتبقى مرات ابنى قريب اوى أن شاءالله ويلا بقى نقول ليهم انك موافقه ونقراه الفاتحه
يارا :- بتوتر وخوف م م ماشى
وخرجوا الاتنين مع بعض
ام ندى :- طيب يا جماعه عروستنا وافقت نقراه الفاتحه بقى
رحمه :- بصت لندى بصدمه ورجعت بصت ليارا
انس :- بص ليارا بتحدى وابتسم ليها
يارا :- اتوترت لما شافت ابتسامة انس ليها
بدر :- يبقى على خيرة الله نقراه الفاتحه والكل قراه الفاتحه
ام ندى :- مبروك يا حبايبى
بدر :- طيب الفرح هيكون امته أن شاءالله
ام ندى :- كمان ست شه
انس :- قطعها وقال اخر الشهر ده
الكل بص لانس بصدمه
بدر :- بس هيبقى صعب اوى الوقت ضيق جدآ انتوا عارفين أن امى لسه ميته وصعب نعمل فرح
انس :- انا اصلا مش هعمل فرح هكتب الكتاب وهنروح البيت
يارا :- كانت مصدومه وفاتحه بؤقها ومش مصدقه اللي بيحصل
بدر :- مفيش مشكله بس احنا لسه فيه حاجات كتير اوى ورانا مش هنلحق نخلصها على اخر الشهر
ام ندى :- يا حبيبى متشليش هم حاجه احنا واحد واى حاجه ناقصه يارا احنا نجيبها
بدر :- انا اسف يا خالتى اختى مش اقل من اى واحده ولازم تدخل زيها زى اى بنت
ام ندى :- يا ابنى ليه بتعمل فرق ما بينا بس هى مش زيها زى اختها ندى
بدر :- واحد والله بس انا هجيب كل حاجه لاختى وبالزياده أن شاءالله وعلى اخر الشهر كل حاجه هتكون عندها
يارا :- ها جاهز ايه يا بدر لاء طبعآ الوقت صغير اوى
انس :- هيفرق معاكى الوقت فى ايه كده هتبقى فى بيتى وكده هتبقى فى بيتى يبقى ليه التأجيل
يارا :- انت عارف اخر الشهر فاضل عليه قد ايه
انس :- اسبوعين
يارا :- طيب كويس انك عارف
انس :- انا عارف انا بعمل ايه كويس اوى
ام ندى :- خلاص يا يارا اخوكى موافق بقى
يارا :- لسه هتتكلم
بدر :- خلاص يا يارا متشغليش بالك فى الاسبوعين دول هتكونى جاهزه أن شاءالله
يارا :- م.م.مينفعش برضه انا مش هكون جاهزه
ام ندى :- يا بنتى وافقى بقى هتفرق ايه اسبوع ولا اتنين ولا سنه
انس :- ممكن يا جماعه اقعد معاها شويه
بدر :- اه طبعآ اتفضلوا يا جماعه معايا
يارا :-بخوف ندى بت تعالى رحمه يا رحمه
انس :- بص ليها ورفع حاجبه لفوق وقال خايفه
يارا :- و.و وانا هخاف من ايه
انس :- اكيد طبعآ عارفه اللى هيحصلك منى
يارا :- ها
انس :- ايه بلعتى لسانك
يارا :- ا.ا انت تقصد ايه
انس :- راح قعد جمبها وقال يعنى هعرفك ازاى تتحدينى يا يارا وتخلى امى تتحايل عليكى علشان توافقى لو قلبك جامد وافقى على الجواز منى وانا هكرهك فى اليوم اللى وافقتى عليا فيه
يارا :- بصت ليه بصدمه ومردتش عليه
انس :- حط رجل على رجل ورجع لوراه وقال سكتى يعنى
يارا :- انت ايه يا اخى يخربيت عجرفتك شايف نفسك على ايه طيب عند بعند يا انس مش هرفضك وهنشوف مين فينا اللى هيندم التانى على موافقتة على الجوازه السوده دى ولعلمك بقى انا لا بخاف منك ولا من عشره زيك
انس :- عايز قلبك جامد كده علطول ماشى يا حلوه
يارا :- حلوه فى عينك وانا هيفضل قلبى جامد علطول بس على الله انت اللى تصد للاخر يا انس
انس :- داس على أسنانه وقال مبروك عليكى الجوازه يا عروسه
يارا :-بأستفزاز الله يبارك فيك يا عريس وقالت بصوت عالى بدر يا بدر
بدر :- جه وقال ايه يا يارا
يارا :- وصل انس لباب علشان عايز يمشى
انس :- بص بغيظ ليارا وقام وقف ومشى من غير ولا كلمه
يارا :- بصت عليه وهو ماشى ودمعه نزلت منها مسحتها ودخلت تجرى على اوضتها
والكل روح على بيته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها على صوت تليفونها مدت ايديها واخدت التليفون من جمبها وبصت عليه لاقته ياسين نفخت وقفلت الصوت وحطته تانى جمبها وحطت المخده على وشها وقالت
تمارا :- عااااااا تعبت تعبت بقى واتنهدت وقامت من على سريرها وراحت عند الشباك بتاعها وبصت منه على يوسف لاقته قاعد على الكرسى وبيشرب القهوه بتاعته اتنهدت بوجع وقالت واخرتها هتطلع امته من قلبى يا يوسف وفضلت تبص عليه وهو قاعد واول ما يوسف بص عليها دخلت تجرى. وقعدت على حرف السرير ورجعت شعرها لوراه وقالت يااااااارب وقامت دخلت الحمام وشويه وخرجت لبست هدومها وأدت فرضها وخرجت من اوضتها ونزلت تحت وقالت صباح الخير
عماد :- صباح النور يا بنتى
سميه :- صباح الخير يا تمارا
كريم :- صباح الخير
تمارا :- قعدت وقالت انا جعانه اوى وقعدت تاكل
عماد :- تمارا انا سألت على ياسين ده
تمارا :- وقفت اكل وبصت لابوها وقالت وطلع ايه
عماد :- كله بيحلف بأدبه وبأخلاقه يعنى من الاخر مفهوش غلطه
تمارا :- بزعل يبقى خلاص كده هنوافق عليه
عماد :- بس وسكت
تمارا :- بس ايه اتكلم يا بابا
عماد :- رغم أن كل حاجه بتقول أنه كويس بس انا مش مرتاح ليه معرفش ليه
تمارا :- يبقى خلاص بلاش منه مدام مش مستريح ليه
سميه :- هو ايه اللى بلاش منه هو مين اللى هيتجوز انتى ولا هو وبعدين لو هو مش كويس مكانش جه من الباب واتقدملك ردى عليه بالموافقة وخلينى افرح بيكى بقى
تمارا :- بس بابا مش مرتاح ليه
سميه :- ابوكى مش هيرتاح لاى واحد هيخدك منه اى اب كده بيبقى عايز بنته جمبه ومتتجوزش اسألينى انا
عماد :- جايز يكون كلام امك صح بلغيه بالموافقه وخليه يجيب امه ويجى
تمارا :- اتنهدت وقالت حاضر يا بابا
كريم :- على فكره بقى هو كويس جدآ ولو مكانش هو كان زمانى دلوقتى ميت
سميه :- بعد الشر عليك يا حبيبى ليه بتقول كده
كريم :- علشان انا كنت هغرق ولو مكانش هو انقذنى فى الوقت المناسب كان زمانى موت
تمارا :- وانت حابه بقى علشان انقذك
كريم :- ايوه وعلشان انا شايفه مؤدب ولما حب حد دخل البيت من بابه
تمارا :- ممكن برضه وقامت وقفت وقالت على العموم انا هكلمه وهقوله زى ما بابا قالى يلا سلام وخرجت افتكرت أن عربيتها عطلانه نفخت وقالت لما اروح بقى لرحمه اخليها تطلع عربيتها وخلاص ودخلت الفيلا عند يوسف لاقته قاعد فى الجنينه واول ما شافها قام يجرى وراح عندها وقال
يوسف :- صباح الخير
تمارا :- صباح النور رحمه صحيت ولا لسه
يوسف :- لاء صاحيه
تمارا :- ماشى ولسه هتمشى
يوسف :- تمارا
تمارا :- بصت ليه وقالت نعم
يوسف :- لو عايزانى اوصلك الشركه على سكتى تعالى انا عارف ان عربيتك عطلانه
تمارا :- لاء هخلى رحمه تطلع عربيتها المركونه فى الجراچ دى
يوسف :- وليه طيب تعالوا اوصلك احسن
تمارا :- لاء روح انت متعطلش نفسك وسابته ودخلت لاقت ارين واقفه وبتبص ليها بغيظ ابتسمت ليها وقالت صباح الخير
ارين :- بغيظ مش ناويه بقى تبعدى عن جوزى
تمارا :- ابعد عنه ازاى انا ويوسف اصدقاء من قبل حتى ما يشوف وشك
ارين :- انا مش عبيطه انتى بتحبى جوزى وهو بيحبك وانا بحب يوسف ومش هسمح لأى واحده تقرب ليه
تمارا :-اهو عندك بره اشبعى بيه وبصت ليها بقرف وسابتها وطلعت عند رحمه
ارين :- افرحى بنفسك بكره هرتاح منك للابد ودخلت اوضتها
تمارا :- دخلت عند رحمه وقالت ما تخلصى يا زفته كل ده بتعملى ايه
رحمه :- خلاص اهو خلصت
تمارا:- هاتى معاكى مفاتيح عربيتك
رحمه :- ليه إن شاءالله
تمارا :- علشان عربيتى عطلانه من امبارح
رحمه :- خلاص نركب تاكسى ولا نخلى يوسف يوصلنا
تمارا :- اموت واعرف انتى ليه مش عايزه تشغلى عربيتك
رحمه :- مش بحب اسوق عربيات
تمارا :- هاتى المفتاح وانا هسوق
رحمه :- لاء اخاف عليها
تمارا :- بت انتى وربنا هطلع روحك فى ايدى هتجيبى المفتاح بتاع العربيه ولا لاء
رحمه :- طيب طيب وراحت جبته واديتها المفتاح وقالت على الله تخدشيها خدشه واحده فاهمه
تمارا :- امشى قدامى يا رحمه احسن وربنا اطلع فيكى غيظى من السلعوه اللى تحت دى امشى
رحمه :- طلعت تجرى ونزلت قدامها وراحوا عند الجراچ وركبوا العربيه وشغلتها تمارا بس العربيه مرضتش تشتغل
تمارا :- بصت لرحمه وقالت هى العربيه دى اخر مره اشتغلت كانت امته
رحمه :- احم من يوم ما جات مشغلتهاش
تمارا :- اللهى يجيبوا ويحطوا عليكى يا بعيده ادعى عليكى بأيه وانتى فيكى كل العبر هتمشى العربيه ازاى ياللى تنشكى فى معاميعك انزلى انزلى
رحمه :- نزلت وضحكت وقالت احسن برضه
تمارا :- نزلت وقالت هنروح الشغل ازاى يا ام العروف
يوسف :- كان واقف ومربع أيده على صدره وابتسم وقال انا لسه موجود
رحمه :- بصت لتمارا وابتسمت وقالت حبيبى يا چو
تمارا :- رحمه انتوا ليه كده
رحمه :- بضحك كده ايه
تمارا :- عيله عايزه الولعه
رحمه :- ضحكت وقالت ثانكس يا روحى
يوسف :- بضحك امشوا يلا
تمارا :- مشيت هى ورحمه وراكبوا العربيه وركب يوسف وراحوا على الشركه وبعد وقت وصل يوسف بالعربيه واتغاظ لما شاف ياسين واقف عند باب الشركه بص لتمارا ورجع بص لياسين تانى
تمارا :- اتنهدت وبصت لرحمه وليوسف وفتحت الباب ونزلت وراحت عند ياسين
ياسين :- برن عليكى مش بتردى يا تمارا
تمارا :- احم م.م.مسمعتش الفون
ياسين :- ولا يهمك يا حبيبتى ومسك ايديها وقال واحشتينى
تمارا :- بصت على يوسف وهو فى العربيه ورجعت بصت لياسين وابتسمت ليه بتوتر وسحبت ايديها من أيده وقالت ب.ب.بابا سأل عليك وقالى ابلغك تجيب مامتك وتيجى
ياسين :- بفرحه بجد ده احلى خبر سمعته فى حياتى
تمارا :- ش.ش.شوف هتيجى امته علشان ابلغ بابا
ياسين :- انا لو عليا عايز من دلوقتى بس طبعآ عارف أن مش هينفع بكره كويس بلغى ابوكى بكره أن شاءالله هاجى انا وامى
تمارا :- ا.ا.ان شاءالله
ياسين :- بص على يوسف فى العربيه ورجع بص لتمارا وقال طبعآ مش هسألك انتى جايه معاه فى العربيه ليه لان اكيد فيه اسباب تخليكى تركبى معاه بس كل اللى هقوله ليكى راعى شعورى يا تمارا انا بحبك وبغير عليكى ومش سهل عليا اشوفك راكبه العربيه مع حبيبك القديم
تمارا :- اممم بص يا ياسين يوسف صديق ليا من قبل اى حاجه وانت عارف كده، كتير هتشوفنا مع بعض ده بحكم الجيره مش اكتر ياريت تحاول تتقبل الصداقه دى يا ياسين يا اما كل واحد يروح لحاله واحنا لسه فى أولها
ياسين :- يا تمارا ياريت انتى تقدرى مشاعرى كراجل بيشوف حبيبته مع حبيبها السابق
تمارا :- وياريت انت تنفذ كلامك اللى قولته ليا انك هتقدر تنسي ليا بدل ما تحط نفسك بالمقارنه معاه يا ياسين
ياسين :- مسك ايديها وقال ما هو ده اللى ناوى اعمله فعلا بس لازم انتى تساعدينى على كده طول ما انتى قريبه منه مش هقدر انسي ليكى
تمارا :- اتنهدت وقالت ياسين انا مقدره مشاعرك والله بس برضه لو فضلت تتكلم فى موضوع يوسف ده كتير الحياه هتبقى مستحيله ما بينا
ياسين :- لاء خلاص مش هتكلم كتير فى الموضوع اهم حاجه خلينا نفرح باللحظه السعيده دى
تمارا :- ا.ا.انا لازم اطلع علشان اتأخرت على الشغل
ياسين :- ابتسم ليها وقال ماشى يا حبيبتى
تمارا :- بصت ليوسف ورجعت بصت لياسين وابتسمت ليه وقالت باى وطلعت تجرى على فوق
يوسف :- بص لرحمه وقال روحى انتى يا رحمه وانا جاى وراكى
رحمه :- انت ناوى تعمل ايه
يوسف :- اسمعى الكلام يا رحمه انزلى يلا
رحمه :- ماشى ونزلت من العربيه وطلعت فوق على الشركه
يوسف :- نزل من العربيه وراح عند ياسين وقال ممكن افهم انت عايز ايه من تمارا ومتقوليش انك بتحبها لأننا رجاله وفاهمين بعض كويس اوى
ياسين :- وانت مالك بتدخل بصفتك ايه
يوسف :- متردش على سؤالى بسؤال يا ياسين عايز ايه من تمارا
ياسين :- قرب من ودنه وقال جسمها وبعد عنه
يوسف :- داس على أسنانه وقال انت عارف لو قربت من تمارا هيبقى اخر يوم فى عمرك فاهم
ياسين :- ضحك وقال هتعمل ايه يعنى ها كلها يومين وهتبقى خطيبتى انا وهخليها مش طايقه تبص فى وشك بس متقطعش وبعت ليه بوسه فى الهوا وسابه ومشى
يوسف :- بص ليه وهو ماشى وقال تمارا لازم تبعد عن الحيوان ده لازم وطلع يجرى على الشركه وراح مكتب تمارا ومسك تمارا من ايديها وشدها وراه
تمارا :- يوسف سيب ايدى انت ايه اللى بتعمله ده
يوسف :- دخل المكتب هو وتمارا وقفل الباب وراه وقال تمارا انتى لازم تبعدى عن الحيوان ده
تمارا :- ربعت ايديها على صدرها وقالت ليه أن شاءالله
يوسف:- البنى ادم ده مش كويس وعايز منك وسكت
تمارا :- انت ازاى كده يعنى انانى وكداب كمان يعنى علشان مش عايزنى لغيرك تطلع عليه كلام كدب ياسين كويس وانا مرتاحه ليه ودى حياتى انا وانا حره فيها وبطل شغل المراهقين اللى انت بتعمله ده يا يوسف وياريت تشيلنى من دماغك وركز مع مراتك ام ابنك وحسك عينك تدخل فى اللى ملكش فيه وبصت ليه وسابته وخرجت
يوسف :- غبيه يا تمارا غبيه وبعنادك ده هضيعى نفسك انا لازم انقذك منه حتى لو هدفع عمرى كله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مر اسبوع بدون احداث تذكر واتقدم ياسين وتم الاتفاق على الفرح بعد سنه واليوم هو خطوبة تمارا وياسين
اجتمعت المعازيم فى فيلا عماد فى الجنينه وكل ده منزلتش تمارا من فوق والكل استغرب تأخيرها راحت سميحه لسميه وقالت
سميحه :- هى بنتك اتأخرت كده ليه يا سميه المعازيم وصلت من بدرى والعريس كمان اطلعى شوفيها
سميه :- مش عارفه والله يا سميحه هطلع اشوفها وراحت عند السلم ولسه هتطلع
عماد :- رايحه فين يا سميه
سميه :- هطلع اشوف بنتك منزلتش ليه لحد دلوقتى
عماد :- خليكى انتى انا هطلع اشوفها
سميه :- ماشى وسابته وراحت تانى الجنينه عند المعازيم
عماد :- طلع وخبط على باب اوضت تمارا ودخل
تمارا :- وهى قاعده على سريرها قالت تعال يا بابا
عماد :- منزلتيش ليه يا بنتى
تمارا :- اتنهدت وقالت مفيش انا نازله اهو يا بابا
عماد :- قعد جمبها وقال مالك يا بنتى
تمارا :- متقلقش عليا يا بابا انا كويسه وبصت ليه والدموع فى عينيها واترمت فى حضنه وقعدت تعيط
عماد :- ضمها اكتر فى حضنه وطبطب عليها وقال لو مش عايزاه انزل أنهى الموضوع يا بنتى وكل واحد يروح لحاله
تمارا :- بعدت عن حضن ابوها وقالت مينفعش يا بابا خلاص وبعدين انا لازم اديله فرصه ياسين بجد طيب وبيحاول يحببنى فيه بس للاسف ده اللى رافض حد يدخل فيه بعد يوسف وشاورت على قلبها
عماد :- حاولى يا بنتى ولسه قدامك سنه على الفرح لو حسيتى نفسك مش قادره تكملى سبيه ويبقى كل شئ قسمه ونصيب
تمارا :- اكيد يا بابا وقامت وقفت وقالت يلا بينا ننزل لناس تحت
عماد :- وقف قصادها ومسح دموعها وقال طول ما انا عايش مش عايز اشوف دموعك يا تمارا واى قرار هتاخديه اتأكدى أن هكون معاكى فيه وفى ضهرك
تمارا :- اترمت فى حضنه وقالت ربنا يخليك ليا يا بابا انت اكبر نعمه فى حياتى بشكر ربنا عليها
عماد :- طبطب على ضهرها وقال ويخليكى ليا يا بنتى ويريح قلبك
تمارا :- بعدت عنه وقالت يلا بينا ونزلوا الاتنين تحت فى الجنينه ويوسف كان واقف ومتابع نزول تمارا وعينه كانت عليها
ياسين :- اول ما شاف تمارا راح عندها وسلم عليها وقال طالعه زى القمر
تمارا :- بصت على يوسف ورجعت بصت لياسين وقالت ش.ش.شكرآ
ياسين :- طلع علبه قطيفه من جيبه ومد أيده لتمارا
تمارا :- بصت ليوسف وبصت لياسين
يوسف :- بص لتمارا وهز راسه يمين وشمال علشان ترفض
تمارا :- مدت ايديها ببطئ لياسين وغمضت عينيها بألم
ياسين :- لبس تمارا الخاتم وقرب شفايفه من ايديها وباسها
يوسف :- قفل أيده بعصبيه وقال بصوت واطى ليه يا تمارا ليه
وراحت تمارا وياسين علشان يرقصوا تحت نظرات يوسف
تمارا :- كانت بترقص مع ياسين وعينيها على يوسف
ياسين :- بحب انا فرحان اوى يا تمارا وبحلم باليوم اللى هتبقى مراتى فيه
تمارا :- كانت بتبص على يوسف ومسمعتش ياسين
ياسين :- تمارا تمارا
تمارا :- ها ن.ن.نعم
ياسين :- بقولك انا فرحان اوى وبحلم باليوم اللى هتبقى مراتى فيه
تمارا :- ابتسمت ليه بتوتر ونزلت عينيها فى الارض
يوسف :- عينه عليهم وهو متعصب وقافل أيده جامد علشان يقدر يتحكم فى أعصابه
ارين :- على فكره بقى لايقين جدآ على بعض
يوسف :- بعصبيه ممكن تسكتى
ارين :- بصت ليه بزعل ومسكت تليفونها وقعدت تقلب فيه
يوسف :- اتنهد وراح مد أيده لارين وقال تعالى نرقص
ارين :- اتنهدت وقالت اوك وراحت معاه
تمارا :- عينيها كانت على يوسف واتغاظت لما لاقته جاى يرقص هو وارين وبصت لياسين لاقته عمال يبص ليها ابتسمت ليه بتوتر وبصت الاتجاه التانى بعيد عن يوسف
يوسف :- بص لتمارا بوجع وبص لياسين بغيظ ورجع بص لارين
تمارا :- حست أن دموعها هتنزل منه بعدت عن ياسين وقالت عن اذنك هدخل الحمام وسابته وطلعت تجرى على الحمام
ياسين :- بص لتمارا ورجع بص ليوسف وداس على أسنانه ومشى بعيد عن يوسف
يوسف :- بعد عن ارين وقال هدخل الحمام ودخل جوه وراه تمارا
تمارا :- وقفت وراه الباب وحطت ايديها على بؤقها وقعدت تعيط وبعد وقت راحت غسلت وشها وظبطت الميكب بتاعها وخرجت لاقت يوسف واقف بصت ليه وسابته ومشيت
يوسف :- مسكها من دراعها وقال ليه يا تمارا
تمارا :- ليه ايه
يوسف :- ليه تعذبى نفسك وتعذبينى
تمارا :- ابتسمت وقالت ومين قالك أن انا بتعذب باللعكس انا فرحانه اوى وياسين طيب اوى وبيحبنى بجد ومستعد يعمل اى حاجه علشانى وبصراحه بقى قلبى بدء يحبه
يوسف :- كدابه يا تمارا
تمارا :- وانا هكدب ليه بس انا لو مش عايزاه ايه هيغصيبنى اتجوزه بلاش توهم نفسك بحاجات مش موجوده عن اذنك زمان ياسين مستنينى وسابته ومشيت
يوسف :- كدابه يا تمارا وكدبك ده باين اوى فى عينيكى وراح وراها
تمارا :- بصت على ياسين ملاقتهوش راحت تدور عليه وتشوفه فين ومن بعيد لاقته واقف مع ارين استغربت وراحت عندهم وقالت ياسين انت بتعمل ايه هنا
ياسين :- ها ت.ت تمارا انتى هنا من امته
تمارا :- لسه دلوقتى حالا بس انت بتعمل ايه هنا مع دى
ياسين :- م.م.مفيش
ارين :- ايه يا عروسه كنت ببارك للعريس اوعى تكونى غيرانه على خطيبك منى
تمارا :- انا اغير منك انتى وابتسمت وقالت انتى اخر واحده احطها فى دماغى اصلا
ارين :- عمومآ خطيبك دمه خفيف جدآ وسعيده جدآ أن اتعرفت عليه وسابتهم ومشيت
تمارا :- هى كانت عايزه منك ايه
ياسين :- ها م.م.مفيش لاقتها جايه تسلم عليا وبتقولى انها مرات يوسف وقد ايه هى بتحبه وبس وانتى جيتى
تمارا :- ماشى
ياسين :- بحب انتى غيرانه عليا يا تيمو
تمارا :- لاء طبعآ بس الزفته دى حيه ومحراب شر بس مش اكتر
ياسين :- بخيبة أمل اه ماشى
وبعد وقت انتهى الفرح وكل واحد روح على بيته