رواية مأمني وأماني
الفصل الحادي عشر 11
بقلم توسل محمد طه
*لا حياة لي بعدك كوني بخيرُ لأجلي*😔♥️
وفجاءه نور غرفه العمليات ولع والعمليه بدت والناس كلها متوترين وخايفين على توسل لم عرفو واحد من الأطفال ميت في بطنها وليهو فتره طويله الجو بقا مكهرب وام علاء وابوه جو ومعاهم اخوانو وأم علاء من شافتو حضنتو عليها وبقت تبقي وعلاء م قدر يتمالك نفسو وهو في حضن امو بقا يبكي زي الطفل🥺💔
لو حصلت ليهم حاجه ي امي انا ح اموووت م بقدر اعيش من غير توسل ي امي انتي عارفه كدا💔 وأمو تبكي بسس
علاء قعد في الأرض وامو قعدت معاهو وبقا ماسك فيها ويبكي بحرقه
ح يكونو بخير ي امي صح ح يكونو كويسين لو توسل او الطفل التاني حصلت ليهو حاجه انا ح امووت ي امي
علاء انت زول حافظ القرآن ومؤمن بالله ي ولدي خلي املك في ربنا كبيير ي ولدي خليك قوي عشان خاطر توسل بعد تطلع كويسه من العمليات منو الحيقويها ي علاء لو انت ضعفت انت لو بتحب توسل خليك قوي عشانها ي قلبي ودموعها جاريه
م قادر ي امي ااي صح انا مؤمن بالله وبالقدر بس صعبه علي اخسر واحد فيهم ي امي💔 ي امي توسل حياتي كلها ي امي انا تعبت عشان اصل ليها م بتحمل بعادها مني
جا ابوهو رفعو وشايف الحزن في عيون ولدو وربت على كتفو اصبر ي ولدي كلو لخير بإذن الله علاء عاين لي ابوهو وسكت ابوهو حضنو وقال ليه كل شي ح يكون تمام انا متأكد انت بس خليك قوي ي ولدي
سوما ومشكاة بس اكتفو انهم يبكو
وابو توسل دا منهاار عديل💔 كان ببكي زي علاء واكتر منوو خاايف على بتو وكيف م يخااف عليها وهي سندو في الحياه دي هي وحيدتو والقريبه لي قلبو كان ببكي كأنو طفل جاهو علاء عشان يرفعو م قدر وبقا قاعد جنبو سااي وابو علاء حاول يتكلم معاهو بس بدون فايده
وشيماء رغم أنها كانت مكسوره بس اتقوت عشان خالتها وبقت واقفه معاها وخالتها تبكي وكل م تسكت شويه تعاين لي ابو توسل ترجع تنهار من الأول
كانت دي اصعب لحظات تمر عليهم في حياتهم كلهم كانو شايفين انو توسل في خطر واضح كانو خايفين على الطفل من انو يكون اتسمم بسبب موت اخو وكانو خايفين اكتر اذا جسم توسل اتسمم معناها خلاص توسل ح تموت💔
*داخل غرفه العمليات*
الدكتور كان بتكلم مع توسل وبحاول انو ينسيها توترها وكدا
د. دي اول ولاده ليك ؟
ت: ااي
ان شاءالله تطلعو منها بعافيه وتربي الولد في عزكم
ان شاءالله يارب
اها فكرتي في الإسم
ااي
ورينا معااك
اسيل
ولو طلع ولد
سندد
ليه الإسم دا
عشان ح يكون سندد لي ولي ابوهو
بسيرة ابوهو والله شكلو ابو سند بحبك شديددد
اااي
ربنا يسعدكم ياااخ
وأثناء الكلام طلعو الولد الميت وكان بصوره ابشع مما تتخيلو حتى الملامح م واضحه💔 الجنين بدا يتحلل والعيون وملامح الوش كلها بقت م واضحه وجسمو كان منفوخ شديددد لدرجه تخلع الدكتور لمن جاتو رهبه من المنظر الشافو💔
ولد ولا بت ي دكتور🥺
ولد💔
ممكن اشوفو؟
لا انتي اسي مفترض م تتوتري ولا تخافي خليك طبيعيه ي توسل
عايزه اشوفو ي دكتور💔
بعد العمليه طيب
توسل سكتت والدكتور واصل في شغلو وبعد شويه توسل سمعت صوت بكاا❤ دموعها نزلت وقالت الحمدلله وبقت تبكي
ولد ولا بنت ي دكتور سألتو نفس السؤال بس بنبره مختلفه عن المره الفاتت نبره كلها أمل وعوض❤
ولد كماان🤍
توسل اتنهدت وحمدت ربها وأثناء م بتبكي الدكتور صرخ بصوت عالي
الله اكبر الله اكبر الله اكبر😭
وطلع ولد تاني توسل لمن سمعت صوت بكاا طفل تااني بقت في عالم تااني
ت: دا شنوو د حللم ي ربي طفل ببكي معقول الولد الحياة رجعت ليهو وبقت أفكارها تتداخل م فكرت انو دا طفل تالت لانو الموجات م وضحت انو هي حامل بي تلاته تؤام م اتنين بقت م قادره تتنفس ونفسها ضااق شديد ومع صرخه الطفل التالت شهقت شهقه زي خرااج الروح💔
_________
وأثناء م واقفه وقفت عربيه قزازها مظلل قدامها م اتحركت لحد م نزل القزاز وظهر من وراهو فياض
ف: منتظره عزومه
جوري اتحركت عليهو وركبت العربيه
صباح الخير
ف: صباح النور
كيفك
الحمدلله بخيير انت كيفك
انا كويسه
الحمدلله
وسكتو الاتنين تاني اتكلم فياض
ف: جوري
عيونها
بتحبيني
اكتر م بتتصور
لي ياتو درجه
اغصى درجه
بتقدري تضحي عشاني؟
م عندي غيرك اضحي عشانو اصلا
ليه بتحبيني كدا؟
الحب لو كان بسبب د م حب اصلا
افهم انو جوابك من غير سبب وم عارفه بتحبيني ليه؟
ااي بس عارفه انو ربنا زرع حبك في قلبي حب غير مشروط
القال ليك منوو
يقولو لي شنوو؟؟!
انو حب غير مشروط
ليه هو عكس كدا؟
جاوبها ببرود ايواا
المعنى؟!
المعنى انو انا عندي شروط للعلاقة دي ولو عايزاني اواصل واكمل معاك واتزوجك تعمليها
شروطك شنوو
كل شي في وقتو حلوو بس خليك عارفه انو انا م بحب زول يقول لي لا عشان كدا اوعا يجي يوم وتقولي لي فيهو لا تمام ي حب
جوري قالت ليه تمام وهي م مطمئنه للقالو
انزلي وصلتي
طيب يلا بااي وجات تنزل فياض قال ليها انتظري
ج: في شنوو
زعلانه مني؟
ابداا لا
طيب قربي
أقرب وين
انا مش راجلك؟
جوري بقلق وخوف قالت ليه ااي
طيب مالك م بتثقي فيني؟
بثق
يبقا قربي
وقربت منوو وباسها في خدهاا💔 وقال ليها بحبك يلا امشي وكدا دا الشرط الاول انتي نجحتي فيهو
جوري نزلت من غير تقول ليه شي وجرت على فصلها وبقت متوتره م قادره تتنفس
جاتها تقوى وتسنيم حكت ليهم الحصل وانو فياض وصلها وقال ليها بحبك قبل تنزل بس م حكت ليهم انو قال عندو شروط للعلاقه او وبالحركه العفنه العملها فياض قبل تنزل وصحباتها طبعا معجبات بشخصيه فياض الكاريزما دي جدااا وبقولو لي جوري حظظك بيهو انتي محظوظه بحبيب زي دا جدااا وجوري اكتفت انها تبتسم ليهم بس م انتو م عارفين قدر شنو الحب دا صعب وعزااب
وقالت ليهم انتو فاكرين الغرام دا جنات ودانيه قطوفها؟؟ والله الغرام دا عذااااب بس انتو م عارفين شي ضحكو على كلامها لانهم م عارفين شي بس خلصت يومها وراجعه البيت لقت فياض واقف ليها برا ابتسمت ليه ومشت عليهو اول م ركبت فياض قال ليها اشتقت ليك استغربت من الحنيه الجاتو دي لكن فرحت بيها جدااا وكان ظاهر الفرح في وشها فياض ابتسمت وقرب منها شديد المره دي و💋