رواية احتواء القاسي الفصل الخامس والعشرون25بقلم سوسو تويكس
حسيت بالجد انو الله مرسلو لي ما حصل يوم صليت الصبح حاضر ودي كانت أول مره بعد خلصنا تلاوة، قلت ليهو بحرج:ح اتعبك معاي ممكن كلو يوم تجي تصحيني للصلاه لانو براي ما بعرف اقوم والمنبه ما بسمعو _معتصم:تاني استعدي للمويه البارده بالصباح_لينه:لو المويه اخطاني_معتصم:حسي سيبي النقه وأمشي اعملي الشاي _مشيت سويت الشاي وكان بسكويت ختيتو وشلتو مشيت ليهو في الصاله كان شغال بالتلفون وبيضحك فجأة اسمع ليك الريكورد صوت بت، انا غليت من جواي غلي وهو كمان وقت شافني ولا كذب تم الريكورد للآخر وسجل ليها واحد وهو بقول:كدي الموضوع داك لمن اجيكم في البيت_رزعتا صينيه الشاي لمن لمن عملت صوت وهو زاتو احتار قالي :مالك قالبه خلقتك حسي ما كنا كويسين _ما رديت ليهو شلتا كبايتي وبشرب فيها وممثله اني شغاله بالتلفون، وهو ما سالني تاني وتم باقي مراسلتو وشغال يضحك_اتغزت غيز عيوني لمن رغرغو، وصلتني رساله في الواتس من بكري بهنئ فيني لانو ما حضر الزواج الوقت داك سافر، قمتا رديت ليهو ريكورد قاصده اغيز معتصم وانا بقول:الله يبارك فيك وعبالك كده يا بوكي نشوفك عريس _طبعا بوكي ده لقبو من صغير_معتصم حتا الكبايه وقال لي بهدؤ :ده بكري صاح انا مش حذرتك تقطعي تواصلك معاهو_لينه:لمن توقف تتكلم مع بنات بالأول بعداك تعال قولي ما تتكلمي مع بكري_عايزه اهرب لانو شكلو ما يبشر بالخير جراني من يدي وهو بقول:وقت اكون بتكلم معاك ما تمشي تخليني،(وقربني اكتر وهو جاري اضاني لا عرفتا اتوتر من الموقف انا فيهو والمسافة القريبه الفاصلاني عنو ولا عرفتا ابكي من اضاني الحاسه بيها اتقطعت عديل _قالي بهدؤ ونظره خلتني ارجف من الخوف:ما تجننيني وما تختبري صبري عشان انتي ما حمل غضبي والله وربي وما اعبد تاني بس جيبو اسمو ساي شوفي بعمل ليك شنو وحسي ده تمسحي اي رقمو واي زفت بتعلق بيهو فاهمة؟ _من الخوف مسحتا بياناتو كلها، رفعت راسي لقيتو مركز معاي يلا انا هنا ركبي ساحو عديل، قلتا لي بتوتر واضح:مممعتصم ممكن تفكني _فكاني وانا جريت جري على غرفتي حاسه جمسي هبط عديل، سجمان خلاص دايما بخليني انفذ أوامرو، بقيت اضحك وسط البكا لانو شكلو غار من بكري وده واضح من عيونو، والشي ده خلاني اطير من الفرح،للدرجه دي بغار علي قلتا وانا بضحك :عاد غيرتك صعبه يا المنفسن...
يتبع