رواية احلامي البريئه الفصل التاسع عشر19بقلم ملك روحي
مراد وصل القصر بتاعه وأول مادخل عينه جات على اوضه احلام ومكان الشباك بتاعها اللي كانت دايما بتبقى موجوده فيه. حس بوجع في قلبه ودخل القصر وطلع اوضته وقفل على نفسه بالمفتاح.
عبدالله وصل القصر ودخل جري ورا مراد ودور عليه وطلع اوضته لقاه قافل بالمفتاح..
عبدالله؛ افتح يامراد متعملش كده في نفسك لازم تبقى أقوى من كده.
مراد؛ سيبني لوحدي ياعبدالله عايز انام.
عبدالله؛ ماشي انا موجود تحت لو احتجت حاجه.ونزل عبدالله.
ومراد تليفونه رن وكان المتصل مجهول.
مراد؛ الوو
المجهول؛ حمدلله على السلامه يامراد.
مراد؛ كمال والله ماهسيبك هخليك تندم ياجبان.
كمال؛ ضحك بصوت عالي.. تندم مين انت لسه طالع من المستشفى وتعبان وانا لو عليا مكنتش اخليك تخرج حي بس الرجاله معرفوش يتصرفوا صح المره دي خابت بس المره الجايه هتصيب وتكون في مقتل.
مراد؛ وانا موافق يبقى نتقابل ونصفي حسابنا مع بعض وش لوش ولا انت خايف.
كمال؛ انا اخاف وهخاف من مين منك انت ده انا لسه معلم عليك وقبل كده بردوو وانت معرفتش تعملي حاجه.
مراد؛ هعمل متقلقش وهردلك كل اللي عملته فيا. ومستبيع مبقاش فارق معايا حاجه.
كمال؛ يااه للدرجادي مش فارق معاك الموت.
مراد؛ مفيش حاجه فارقه معايا قد اني اخد حق اخويا سليم منك ياكلب وانتقم لموته ياخاين ياواطي.
كمال؛ ضحك بصوت عالي.. انا اللي خاين وواطي طيب وانت تبقى ايه ده حتي اخوك شافك مع حبيبته وبعدها مات يعني ظبطك متلبس.
مراد؛ كله كان فخ من تدبيرك انت والفاجره اللي معاك بس ورحمه اخويا لأخليها تتمني الموت على أيدي.ومش هرحمها.
كمال؛ اهدي ياوحش مش كده بلاش تهور انا عايزك في مصلحه هتكسب منها فلوس كتير.
مراد؛ مصلحه ايه بقا انا هشتغل معاك انت.
كمال؛ ليه طب مااخوك كان شغال معايا وكنت بكسبه دهب بس هوه وش فقر الله يرحمه بقاا مكانش يستاهل النعمه.
مراد :هوه اللي مكانش يستاهل بردوو قولي ايه هوه الشغل عشان اول ماشوفك هقتلك.
كمال؛ في شحنه مخدرات جايه البلد قريب وعايزك تستقبلها باسم شركتك وهيكون ليك مكسب متحلمش بيه.... بقلمي #ملك روحي
مراد؛ موافق امتا هستلمها وعايز اشوفك قريب.
كمال؛ متستعجلش اي جديد هبلغك بيه بس انت اصبر علي رزقك هكلمك تاني واقولك المطلوب تعمله سلام يامراد وضحك وقفل الخط.
مراد؛ الغضب سيطر عليه.. والله لأقتلك ياكمال والمرادي مش هتفلت من ايدي.
عند احلام.
.وصلت البيت وكان باباها مستنيها وقلقان لما اتأخرت.احلام دخلت وقفلت الباب.
احلام؛ والتعب باين علي وشها. ازيك يابابا.
عم محمد؛ الحمد لله يابنتي حمدلله على السلامه أتأخرتي ليه ومال وشك يااحلام انتي تعبانه.
احلام؛ لأ يابابا انا كويسه متقلقش بس إرهاق من الشغل.
عم محمد؛ قلتلك يابنتي بلاش شغل وانتبهي لكليتك شايفه نفسك عامله ازاي ومبتاكليش وخسيتي النص.
احلام؛ انا بخير ياحبيبي متقلقش قدها وقدود.
وفجأه الباب خبط وكانت غاده.
احلام فتحت الباب وغاده حضنتها.
غاده؛ احلام انتي كويسه ياحبيبتي.
احلام؛ غمزت لها عشان باباها ميعرفش حاجه.. ايوه ياغاده كويسه انتي عامله ايه.
غاده؛ اه الحمد لله بخير كنت جيبالك المحاضرات اللي فاتتك. ازيك ياانكل عامل ايه وازاي صحتك.
عم محمد؛ بخير يابنتي الحمد لله اتفضلي وانا هحضرلكم الغدا.
غاده؛ لا شكرا ياانكل انا عايزه احلام في كلمتين وهمشي علطول.
احلام؛ طيب تعالي ندخل اوضتي. ودخلت غاده واحلام.
غاده؛ ايه اللي حصل يااحلام انا عرفت انك تعبتي في المستشفى واغمى عليكي مش تكلميني وتعرفيني كنت جيتلك انا روحت المستشفى لاقيتك روحتي جيتلك علطول هنا.
احلام؛ وطي صوتك ياغاده بابا ميعرفش حاجه. انا هحكيلك كل حاجه وبدأت احلام تحكي اللي حصل معاها لغاده.
غاده؛ واضح كده ان مراد ندم فعلا يااحلام.
احلام؛ انتي اللي بتقولي كده ياغاده مكانش ده رايك
غاده؛ بس واضح من كلامك انه ندم وعرف غلطه وواضح انه حبك يااحلام.
احلام؛ معرفش ياغاده بس انا قلبي شايل منه ومش قادره اسامحه مش هقدر انسه اللي حصل والكلام اللي قالهولي ولا انتي نسيتي.
غاده؛ منسيتش بس اللي انا اعرفه انك بتحبيه ومش هتقدرى تنسيه ولا هتقدري تكوني مع حد تاني.
احلام؛ انا مش فهماكي ياغاده انتي شويه تقوليلي انسيه ميستاهلش حبك ودلوقتي غيرتي كلامك.
غاده؛ عشان خايفه عليكي وطالما هوه ندم وعرف غلطه يبقى ايه المانع انك تسامحيه بس بردوو مش دلوقتي لازم يتربي شويه كمان وغمزت لها.
احلام :مش هقدر ياغاده اسامح قلبي واجعني اووي وفي نفس الوقت مش قادره امنع قلبي انه يحبه ويشتاقله انا مبقتش فاهمه نفسي.
غاده؛ طب والدكتور خالد.
احلام؛ د. خالد تعب معايا جدا وساعدني كتير كفايه انه وقف جنبي وقت ماكنت محتاجه شغل وكمان عمره محسسني بفرق بينا مش عارفه ياغاده اعمل ايه معاه وهوه قالي فكري وردي عليا.
غاده؛ لو مش هتقدري تحبيه يبقى تصارحيه من دلوقتي يااحلام... بقلمي #ملك روحي
احلام؛ وهوه ده اللي هيحصل.
. وعدي اليوم تاني يوم الصبح. نزلت احلام على المستشفى ودخلت مكتبها. ولسه هترتاح وتقعد كان د. خالد دخل وقفل الباب.
احلام؛ بصدمه د خالد.
د خالد؛ عايز اتكلم معاكي ضروري حاجه مهمه.
احلام؛ اتفضل يادكتور.
د خالد؛ مراد يبقالك ايه وفي ايه مابينكم.
احلام؛ بتوتر.. مراد مين مش فاهمه.
د خالد؛ لا انتي فاهمه كويس مراد مين اللي جه هنا وكان متصاب في حادثه ودخلتي العمليات وكنتي مخضوضه عليه وبتعيطي ولما سألتك انتي تعرفيه قولتيلي انه معرفه قديمه.
احلام؛ وانت بتسأل ليه اظن دي حاجه تخصني.
د خالد :لا متخصكيش لوحدك لاني متقدم لخطوبتك ومن حقي اعرف كل حاجه عن حياتك.
احلام؛ الكلام ده لو اتخطبنا فعلا وبعدين ده موضوع قديم وانتهى خلاص ومش من حق أي حد يسألني عنه لانه يخصني انا وبس.
د خالد؛ افهم من كده انك مش موافقه على خطوبتنا.
احلام :انا لسه مخادتش قرار انت قولتلي فكري وردي عليا واحنا لسه بنتعرف على بعض.
د خالد؛ لأ يااحلام كل حاجه واضحه انتي مش موافقه وبتقولي كده عشان مزعلش بس انا اللي بقولك اهوه انا بعفيكي من اي رد وبتمنالك كل خير.
احلام؛ دكتور خالد استنى لو سمحت. متزعلش مني دي حاجه مش بأيدي غصب عني ارجوك سامحني.
د خالد؛ بصلها بلوم وعتاب.. وخرج بدون رد.
احلام اخدت شنطتها وخرجت من المستشفى وكانت متعصبه ومش طايقه حد.
واول ماخرجت وقفت تاكسي واول ماركبت لقت راجل في التاكسي وحط منديل على بوقها وفقدت الوعي. والتاكسي طلع بسرعه.