رواية احلامي البريئه الفصل العشرون20بقلم ملك روحي
بعد ماركبت احلام التاكسي ولقت راجل وحط منديل على بوقها وفقدت الوعي وطلع التاكسي بسرعه ووصل بيت مهجور ووقف التاكسي ونزل السواق والراجل اللي جنب احلام ودخلوها جوه البيت وربطوها كويس وواحد منهم اتصل عالتليفون.
=الووو ايوه ياباشا كله تمام حاضر ياباشا متقلقش في انتظارك.
وبعد ساعه وصلت عربيه سوده ونزل منها كمال ونيره.ودخلوا البيت
كمال؛ بيكلم واحد من رجالته اللي كانوا في انتظاره. هيا فين؟!
=جوه ياباشا بس لسه مفاقتش.
دخل كمال ونيره جوه لقوا احلام نايمه عالكرسي ورابطين ايديها ورجليها.
نيره؛ بقاا دي اللي مراد بيحبها دي بيئه اووي بقاا يرفضني انا ويجري ورا دي.
كمال؛ المعلومات اللي وصلتني بتقول انه بيحبها وكانت في البيت عنده بنت الجنايني بتاعه.
نيره؛ كمان بنت الجنايني ذوقه زباله خالص.
كمال؛ بس اللي عرفته انها دكتوره.
نيره؛ وايه يعني دكتوره بس شحاته.
كمال؛ احنا جبناها هنا عشان مراد ينفذ العمليه الجديده ونعرف نضغط عليه كويس وميبقاش في خطر علينا طول مالبنت دي تحت ايدي هخليه ينفذ كل اللي اطلبه منه وبعدها نسافر بره ونخلص بقاا منه بس قبل مااسافر محضرله كام كيلوا هيروين كده هياخد فيهم تأبيده.
نيره؛ يعني انت ناوي تحبسه.
كمال؛ اصلي حاولت كتير اموته مابيموتش يبقى نلبسه قضيه محترمه ياخد فيها تأبيده او اعدام. وأوعدك هيكون اعدام.
نيره؛ المهم اننا نمشي من هنا خلال الأسبوع الجاي انا زهقت بقاا.
كمال؛ اوعدك هيحصل.وخرج بره عشان يكلم مراد.
عند مراد..
كان نايم بكل تعب وباين على وشه الحزن.وفجأه رن التليفون.. مراد وهوه بيفتح عيونه بصعوبه وبيمسك التليفون..
مراد؛ الوو.
كمال؛ ايوه ياوحش انت نايم ولا ايه.
مراد؛ مين كمال وقام اتعدل.
كمال؛ ايوه انا صباح الخير هتسمع صوتي كتير الايام الجايه وخصوصا اننا هيبقي بينا شغل كتير.
مراد؛ عايز ايه اخلص.
كمال؛ لا مفيش بس كنت بطمن عليك وكمان عايز اقولك هتعمل ايه في العمليه الجديده.
مراد؛ عمليه ايه انت فاهم اني ممكن اشتغل مع واحد زيك واطي انا كل اللي عايزه اقابلك وصدقني هندمك عاليوم اللي اتولدت فيه.
كمال؛ افهم من كده انك رافض تشتغل معايا العمليه الجايه.
مراد؛ صدقني مش هتلحق تشتغل اي عمليه عشان ساعتها هتكون ميت
كمال؛ انا كنت حاسس انك مش هتوافق عشان كده عملت حسابي. بقلمي #ملك روحي
في حد هنا عزيز عليك موجود عندنا لو حابب تشوفها حيه وكويسه يبقى تنفذ العمليه.
مراد؛ بأستغراب. هيا مين دي اللي عندك انطق.
كمال؛ احلام.
مراد؛ اتنفض من مكانه والغضب سيطر عليه.. انت بتقول ايه احلام فين عملت فيها ايه ياحيوان.
كمال؛ اهدي بس كده ياوحش مكنتش اعرف انك بتحبها كده بس طلعت بتحبها اوي والا مكنتش اتخضيت عليها كده.
مراد؛ انطق احلام فين هيا كويسه هقتلك ياكمال حسابك تقل معايا اوي.
كمال؛ هيا لحد دلوقتي كويسه وموجوده عندنا في امان لما العمليه تتم هترجعلك وفوقيها بوسه
مراد؛ عايز ايه انطق
كمال؛ الشحنه هتيجي من الجمارك عن طريق البحر باسم شركتك. وهتستلمها عن طريق شركتك.
مراد؛ امتا هتوصل اخلص.
كمال؛ هبعتلك فاكس بكل التفاصيل المطلوبه ولازم تتنفذ والا حبيبه القلب هتموت.
مراد؛ لأ انا هنفذ كل حاجه متأذيهاش انا مبقاش فاضلي غيرها.
كمال؛ يبقى اتفاقنا.وقفل التليفون.
مراد؛ نزل بسرعه عشان يشوف عبدالله ملقاهوش رن عليه..
مراد؛ الوو ايوه ياعبدالله انت فين تعالي بسرعه.
عبدالله؛ في ايه يامراد انت كويس.
عبدالله؛ ايوه متزفت احلام اتخطفت كمال خطفها تعالي بسرعه عشان نتصرف بعدين ياعبدالله هفهمك.وقفل التليفون.
مراد؛ فضل يرن على رجالته عشان يدورا على احلام. وبعد ربع ساعه وصل عبدالله.
عبدالله؛ ايه اللي حصل يامراد.
مراد؛ حكاله كل حاجه وقاله لازم نتصرف بسرعه اكيد احلام اتخطفت من قدام العماره اللي قدام بيتها او من قدام المستشفى لازم نشوف الكاميرات.
عبدالله؛ تمام بس انت هتنفذ اللي طلبه منك كمال.
مراد؛ مفيش قدامي حل تاني ياعبدالله دي احلام عايزني اعمل ايه.
عبدالله؛ انا مقولتش حاجه بس لازم تبلغ البوليس. وكمان والدها لازم يعرف.
مراد؛ أنت هتروح تجيبه هنا في القصر تحت حمايتي انا مضمنش كمال ممكن يخطفه هوه كمان.
عبدالله؛ حاضر هجيبه بس معرفش رد فعله هيكون ايه.
مراد؛ مش مهم المهم يكون في امان. ومشي مراد بسرعه عالشركه عشان يشوف الفاكس اللي بعته كمال.
عبدالله نزل بسرعه عشان يجيب ابو احلام القصر ووصل البيت وخبط عليه وفتح عم محمد.
عم محمد :اهلا يابني اتفضل.
عبدالله؛ ازيك ياراجل ياطيب عامل ايه.
عم محمد؛ انا كويس يابني احلام نزلت من بدري عالمستشفى.
عبدالله؛ ااانا جاي عشان اقولك حاجه ياعم محمد.
عم محمد؛ خير يابني في حاجه.
عبدالله؛ احلام...
عم محمد؛ مالها يابني احلام هيا كويسه حصل ايه.
عبدالله؛ محصلش حاجه اطمن هيا كويسه بس في راجل بينه وبين مراد عداوه قديمه حب يعلم عليه وخطف احلام عشان يهدد مراد.
عم محمد؛ بتقول ايه احلام بنتي فين ياعبدالله هيا مالها ومال كل ده.
عبدالله؛ اهدي ياعم محمد هيا كويسه والله وهنبلغ البوليس وننقذها انا عايزك تطمن.
عم محمد؛ اطمن ايه بنتي ملهاش زنب في كل ده بنتي فين انا عايز بنتي.. ااااه.
عبدالله؛ مالك ياعم محمد.
عم محمد؛ وهوه ماسك دماغه مش عارف يابني مش قادر اصلب طولي.. ووقع عالارض.