رواية خادمة بيتي وملكة قلبي الفصل السادس عشر16بقلم سعيده عكاشه
تسابيح=منجدة باقي بس اسبوع و رهف م بيّنت اي شي انا ابتديت اخاف
منجدة=بتكون لسه بتفكر
تسابيح=انا بقيت م افهمها خلاص قربت تتم الشهر وهي بتفكر شنو هو
منجدة=تعالي نمشي الجامعة ونستفسر منها
*ف الجامعة*
تسابيح=وين جوز اللوز
منجدة=اللي هم؟
تسابيح=مؤمن ورهف
منجدة=انا زاتي مستغربة زمان كانو بيستقبلونا من الباب
رهف=حاساكم بتتكلمو عني
منجدة=ابن الحلال عند ذكرو بيبان🌚
رهف=بعد الانوثة دي كلها تقولي لي ابن الحلال🥲😂
تسابيح=خلاص عشان خاطرك بقيناها بت الحلال🐦
رهف=شفتو جدول الامتحان
منجدة=انا من الصدمة لمن بقيت اشوف الكلام كلو عشرة عشرة🐦
تسابيح=اذا انتو القاريين هتقولو كدة انا هقول شنو🥲
رهف=انتي شيلي شيلتك بس🐦😂
منجدة=وين مؤمن
رهف=شكلو الجدول اثر ع دماغو بقى مُصدِع ع طول😂
منجدة=طيب زي م وريتك انا وانتي هنقرأ مع بعض
رهف=تعالي عندي
منجدة=انتي تعالي عشان ايهم يشرح لينا
رهف=تسابيح هتنزعجي؟
تسابيح=ابدا م ف سبب بيخليني انزعج بس فتشو لي زول قرّاي يقريني🥲
رهف=والله انتي بعد د الا ذكاء اصطناعي زول بقى م ينفع معاك😂
تسابيح=ي زولة خلاص بس بقرأ كم شيت من كل مادة وبس
رهف=طيب انا هكلم مؤمن عشان تقرو مع بعض
تسابيح=لأ م ضروري
رهف=لو انتو م قريتو مع بعض انا ومنجدة كمان م هنقرأ
تسابيح*لو هي م جات م هتتقرب من ايهم وكدة احتمال نتخطب جد و د اللي م عاوزاه انا*=طيب انتو الاتنين تعالو
رهف=طيب الساعة اربعة
*ف البيت*
منجدة=تسابيح انتي قبلتي انك تقري مع مؤمن بس نسيتي يامن وكلامو ولو لقاكم سوا ف حتة واحدة هينتهي منكم
تسابيح=انتي امشي وريه لو وريتو هيقتلني عشان خالفت كلامو
منجدة=هو لو عرف انتي ليه عملتي كدة م هيسوي شي
تسابيح=المهم انتي هتوريه
منجدة=عاوزة تضحي بي🥲
تسابيح=اثبتي لي حبك😂
منجدة=اصلا م ف شي مضيعك غير المسلسلات الهندية والحوارات الهبلة دي🙂
*عند يامن*
منجدة=عاوزة اتكلم معاك ف موضوع
يامن=قولي صباح الخير مساء الخير اي شي شنو هو داخلة مداهمة انتي
منجدة=مساء الخير
يامن=مساء النور موضوعك شنو
منجدة=طبعا انت عارف انو نحنا عاوزين نقرب ايهم ورهف بأي طريقة
يامن=ايوة
منجدة=و ف نفس الوقت انت عاوز تبعد مؤمن وتسابيح عن بعض
يامن=حاسك هتقولي شي يعصبني
منجدة=دقيقة خليني اكمل كلامي
يامن=كملي
منجدة=نحنا قررنا انا ورهف نقرأ هنا ويشرح لينا ايهم و رهف قالت م هتجي لو مؤمن وتسابيح م قرو مع بعض
يامن=وانتو قبلتو؟
منجدة=م كان ف حل تاني قدامنا عشان نجمع رهف وايهم
يامن=افهم انكم عارضتو كلامي
منجدة=انا اصلا م نفذتو عشان اعارضو بس تسابيح انجبرت تعارض
يامن=تمام بس انا هفضل معاكم
منجدة=انت جادي؟
يامن=متين شوفتيني بمزح
منجدة=افتكرتك هتجوط اتوقعت ردة فعل اقوى
يامن=حصل الحصل م ف داعي اتكلم
منجدة=تمام
يامن=بس جيتي عشان تقولي د؟
منجدة=ايوة
يامن=تعالو تحت انتو وتسابيح تحت نتكلم شوية
منجدة=هكلمها*وطلعت*
*عند تسابيح*
تسابيح=منجدة ابشري
منجدة=م ف شي يخليني ابشر اخوك رفض الفكرة
تسابيح=كنت متأكدة لان هو مستحيل يغير رأيو
منجدة=لو كدة انا حاجة عظيمة😌
تسابيح=ليه قال
منجدة=لان اقنعتو انو يغير رأيو
تسابيح=بتمزحي
منجدة=جادة والله
تسابيح=دي معجزة عديل
منجدة=قال لينا تعالو تحت عاوز يتكلم معانا
تسابيح=شكلنا سبقنا الاحداث
منجدة=لأ انا متأكدة انو كان جادي
*عند يامن ومنجدة وتسابيح*
يامن=امتحاناتكم متين
تسابيح=بعد عشرة ايام
يامن=يعني بعد الخطوبة
تسابيح=م تذكرني انا خلاص فاضت بي من رهف
منجدة=الليلة هنحاول نقرب بينهم
تسابيح=انتي لافة تصلحي علاقات الناس وخليك بايرة كدة😂
منجدة=ع اساس انتي العرستي🥲
تسابيح=ع الاقل حبيت لكن انتي زي يامن روبوت عديل😂
منجدة=دي الحاجة الوحيدة اللي اتشابهنا فيها
يامن=يعني من سماحتها🙂
منجدة=شكلو اخوك كمان عاوز يعرس🐦
تسابيح=انتي فتشي ليه
يامن=بقيتي خطابة ولة شنو
منجدة=لالا انا بجمع العشاق😂لو عندك جيب
يامن=لالا شكرا انا لو بقيت منهم زاتو م عاوز زول يجمعنا🐦
تسابيح=خليكم من د انت كيف اقتنعت بكلام منجدة
يامن=حنكها سنين
منجدة=م حنكتك براك رضيت
تسابيح=شباب انا همشي لان باقي ساعة وهم هيجو وانا عاوزة انوم
منجدة=انا هجز شوية حاجات وبعدها بلحقك
تسابيح=تمام*ومشت*
يامن=وانا هقعد مع منو
منجدة=انت زول فاضي م عندك شي اقعد براك
يامن=هتجاوز الاهانة
منجدة=المهم ماشة اعمل كيك وعصير
يامن=انتظريني هجي اساعدك
منجدة=تساعدني ولة تأكل واصلا د شنو التغيير المفاجئ يوم الليلة د
يامن=م ف تغيير بس نحنا عشان م اتكلمنا مع بعض كتير انتي م عارفة طباعي
منجدة=تمام تمام
*ف المطبخ*
يامن=احكي لي عنك
منجدة=م ف شي انت م عارفو بالعكس انا المابعرف عنك شي
يامن=انتي عارفة كل شي
منجدة=يامن انت ليه م حاولت تصلح علاقتك مع امك
يامن=هي لو حاولت كان حاولت
منجدة=انت جرب م هتخسر شي
يامن=اقفلي الموضوع نهايتو م لخير
منجدة=ع اساس نحنا علاقتنا حلوة شديد والموضوع د هيأثر فيه
يامن=انتي ماخدة عني فكرة سيئة
منجدة=م كدة بس انت بتجاكرني ولو م ضايقتني م بتقدر
يامن=انا بستمتع لمن اضايقك🐦
منجدة=وجاي تقول لي اني ماخدة عنك فكرة سيئة؟
يامن=المفروض نحنا اصحاب يعني شي طبيعي
منجدة=برضو انا وايهم ومؤمن اصحاب بس هم م بيحرقو دمي
يامن=ع سيرة مؤمن انتي ليه م راضية تبعدي عنو
منجدة=تسابيح عرفنا السبب لكن انا ليه ابعد
يامن=م الا يكون ف سبب
منجدة=لمن احب تعال ابعدني وساعتها يمكن انفذ كلامك لكن بدون سبب م ف شي يخليني انفذ كلامك
يامن=يعني انتي م بتحبي
منجدة=طالما انت بتكره البنات بدون سبب م ف شي بيخليني احب الاولاد بدون سبب
يامن=انا غيرت الفكرة دي
منجدة=كتر خيرها الغيرتها ليك
يامن=لاول مرة ف واحدة قدرت
منجدة=واسمها منو تعيسة الحظ دي
يامن=دي ماخدة حظ الدنيا كلو البتعرفني🐦
منجدة=من يومك مغرور مع انو م ف زول معبّرك ويلا وريني اسمها
يامن=م ضروري تعرفي اسي كل شي ف وقتو حلو*وطلع*
منجدة=كريه مستفز واصلا انا مالي يصطفلو هم الاتنين
*الساعة اربعة*
تسابيح=كنت عاوزة اقول نورتو لكن الكذب حرام🐦😂
رهف=اصلا بدون تقولي عارفين ي حاقدة😌🥲
منجدة=مالك ي مؤمن بقيت زي السكرانين كل بعد يومين مصدع
مؤمن=د كلو بس عشان حاولت اقرأ شيت🥲😂
منجدة=لو كدة الليلة بتدخل ف غيبوبة عديل😂
مؤمن=ي جماعة براحة ع مخي انا م بتحمل معلومات كتيرة ولا متعود عليها🥲😂
يامن=شباب كيفكم
مؤمن=ي زول مختفي وين انت
يامن=مشغول م بفتح واتس كتير
مؤمن=طيب وين ايهم
يامن=دقيقتين وبيجي
منجدة=لحدي م هو يجي تعالو ذوقو طبخ الشيف منجدة😌😂
يامن=م بنصحكم انكم تذوقو🐦
منجدة=عشان كلامك د م هتاكل ولا هتشرب شي🥲
يامن=انا زاتي م مستغني عن روحي
ايهم=والله شميت ريحة الكيك من قدام الباب😂
منجدة=احم عشان تعرف اني م حاجة سهلة😂😌
ايهم=وضحي لينا د ف ورقة الامتحان
منجدة=كريه م تقلب المواجع
ايهم=الحق يقال
تسابيح=يلا م نضيع وقت