رواية حلم واقع الفصل الثالث3والرابع4بقلم رانيا عماره
وبعد ماخلصوا رموها من العربيه وسط صحرا وكانت متبهدله جدا
منال(بعياط وتعب) :منك لله يافتحي منك لله عمري ماهسامحك ابدا،، ااه يااارب ياااارب
وكان معدي راجل عرباوي(من العرب) ف شافها
منال(بعياط) :الحقني ابوس ايدك الحقني
الراجل(بيبص ف ناحيه تانيه) :خدي يااخت خدي استري نفسك
وبيديها الجاكت بتاعه
منال(بعياط) :متشكره... ممم.. مش.. مش عارفه اقولك ايه
الراجل(مدير وشه) :تعالي معايا ارجعك بيتك
عند نور صاحبه لين كانت قاعده حزينه بعد ال حصل ل صاحبتها لين وكانت بتقلب في الانترنت لقيت بوست مكتوب فيه(فضيحه سيده مصريه ادخل شوف بنفسك) والصوره كان باين عليها من برا انها حد تعرفه بس كانت بتكدب نفسها
نور(بتوتر) :لا اكيد بيتهيئلي يمكن حد تاني
ودخلت ع اللينك وفتحته لقيت منال!!!!
(منال في الفيديو) :ابوس أيديكم سيبوني ابوس ايدك محدش يعملي حاجه
فتحي:ده تحمدي ربنا وتسجدي 100شكر اني مش هطير رقبتك انا بس هاخد الغرض وهخليهم يرموكي ف الصحرا زي الكلبه ههههه ووريني مين هينجدك مش عاملالي فيها ب 7رجاله ورايحه جايه من عند المحامي اديني بوجب معاكي اهو
منال(بصويت) :لااااا سيبوني سيبووونيي
وبعد ما نور خلصت الفيديو بدأ جسمها يترعش وجالها انهيار
نور(بتترعش) :لاااا لا يمكن لاااا لاا
مامت نور:في ايه يابنتي مالك؟
نور(بعياط وصويت) :طنط منال ياماما فضحوها ونزلوا فيديو صعب ليها ع الانترنت
مامت نور(بصدمه) :ياساتر يارب اللهم احفظنا انا مش فاهمه حاجه؟
نور(بعياط) :اكيد اخت طليقها هي ال عملت كده اكيد هي انتي مشوفتيش كانوا بيكلموها ازاي اخر مره وانا قاعده جنبها!! الشر كان باين ف عيونهم ياماما كان باين اوووي
واول حاجه عملتها نور لبست وكانت نازله
ابو نور:رايحه فين يانور؟
نور:رايحه مشوار مهم يابابا عن اذنك
ابو نور:حاجه غريبه هي البنت مالها يادلال؟
مامت نور:اقعد هحكيلك ال حصل
ابو نور:نور حصلها حاجه؟
مامت نور:مش نور يامحمد انا هحكيلك ال حصل
عند ماجده كانت قاعده مع اخوها فتحي وبناتها
ماجده (بشماته) :عفارم عليك ياواد تربيه اختك ده انت فضحتها فضيحه الناس مش هتنسهالها لحد ماتموت بس يخيبك اوعي تكون شاركت ف الجريمه ل مراتك تغير ههههه أصلها بتغير اوي
فتحي(بيضحك) :هههه ماتغير مانا بعمل كل ده علشان أأكلها هي والعيال ومتقلقيش انا مشاركتش انا كنت يادوب المُتفرج هههه
ماجده:يخيبك يافتحي ده انت دماغك دي متكلفه اوي كده مابقاش ليها عين تتكلم ف حقوق بس اوعي يكون حد عرف انه انت
فتحي:يعرف مين ده انا كنت لابس القناع الاسود وبعدين هي بعد ال حصلها يبقي كويس اوي لو عرفت ترجع بيتها
ماجده:هو ده الكلام يادوب نعملنا كوبايتين شاي نعدل مزاجنا ال اتعكر الايام اللي فاتت
فتحي:لا شاي ايه احنا عايزين شربات
ماجده (بتضحك) :احلى شربات لاخويا
عند لين كانت في الشغل وعينيها غفلت شويه ويمكن هي قاصده علشان تشوفه
الشاب(خايف) :لين محتاجك ف كلمتين مهمين
لين:خير؟
الشاب:في حاجات كتير بتحصل من وراكي لازم تاخدي بالك..مامتك في خطر
صحيت لين من نومها وقلبها بيدق بسرعه
لين:ماما في خطر؟ اعمل ايه اتصرف ازاي؟ هرجع ازاي؟ مش عارفه اعمل ايه مش عارفه!
علياء:خلصتي الاوردر ولا لسه... ايه ده مالك؟
لين:لازم ارجع مصر
علياء:هترجعي ازاي طيب والشغل؟
لين (بتوتر) :مش عارفه مش عارفه
علياء:طيب اهدي ممكن تكلمي استاذ مجدي وهو يا يوافق يايرفض
لين(بتوتر):لازم انزل ماما في خطر
علياء:خطر؟
مشيت لين وطلعت تجري وهي بتجري وقعت وعينيها غفلت دقيقه بالظبط
الشاب :اوعي تنزلي مصر هتبوظي كل ال خططتيله
لين:لازم انزل ماما في خطر
الشاب :هتخسري كتير لو رجعتي انا بحذرك
لين(بعياط) :طيب اعمل ايه؟
الشاب :متسافريش وهتطمني وانتي بعيد
صحيت لين بعد ماوقعت لقيت حد بيسندها
_Are you ok?
لين: Yes, I'm fine.
وكملت جري لحد ماوصلت اوضتها ومسكت موبايلها وبدأت تقلب في الاخبار لعل وعسي تعرف اي خبر لحد ماقابلها الخبر ال مكنش ينفع تشوفه!!
لين(بصويت) :دي ماما!!!! دي ماماا؟؟؟ لااا انا بحلم ايوه انا بحلم
بتبص حواليها تتأكد
لين(بعياط) :انا مش بحلم! انا في الواقع يااارب اعمل ايه واتصرف ازاي.. مين ال عمل كده؟
عند المحامي كانت قاعد ع المكتب بيشتغل
نور:من فضلك محتاجه أستاذ رامي
السكرتيره:معلش هو عنده شغل كتير
نور:ارجوكي بلغيه ضروري اني تبع مدام منال
السكرتيره:حضرتك في حاجه ضروريه للدرجادي؟
نور:ارجوكي ده موضوع حياه او موت بلغيه ضروري
السكرتيره(بترفع التليفون) :استاذ رامي في أنسه مصممه انها تقابل حضرتك شكل الموضوع لا يحتمل التأجيل
المحامي:طيب دخليها
السكرتيره:تمام اتفضلي معايا
وخدتها جوا في مكتب المحامي
المحامي:اتفضلي اقعدي
نور:متشكره
المحامي:تشربي ايه
نور:ولا اي حاجه انا جايه لحضرتك في موضوع مهم مدام منال ال رافعه قضيه ميراث علي طليقها بعد وفاه لين بنتهم
المحامي:ايوه خير
نور(بتتمالك اعصابها) :ممكن تشوف الفيديو ده
وبتديله الموبايل وبعد الفيديو ماانتهي
المحامي(بصدمه) :الموضوع ده ميتسكتش عليه ابدااا تعالي معايا
وخد نور وراحوا قسم الشرطة
في الشركه
كان علي شغال ف جاتله عبير
على (متفاجئ) :معقول خلصتي شغلك
عبير(بسهوكه) :طبعا خلصته كله
علي(بإبتسامه) :في حاجه خير؟
عبير(بسهوكه) :ابداا ده انا لقيت نفسي خلصت قولت اجي اقعد معاك
علي:طيب ايه رايك نتغدا سوا بعد الشغل
عبير(بسهوكه) :هفكر
علي:لا انتي مش هتفكري انا خلاص قررت
عبير(بسهوكه) :خلاص هاجي حتي عاوزاك في كلمتين علي رواقه
عند لين كانت في صدمه نفسيه كبيره ومش عارفه تعمل ايه ولا تتصرف ازاي هل ترجع مصر وهيتعرف ان ال حصل ده كله كان حوار؟ ولا تستني وهتفضل قلقانه علي مامتها ومش عارفه تتصرف ازاي؟
لين(بدموع) :خلاص هنهي حياتي وارتاح مابقاش ليا لازمه في الحياه دي هعمل ايه؟ انا مليش حد ومحدش هيزعل عليا
وخدت نفسها ونزلت ووقفت قدام الجسر وقررت الانتحار مع ان كان جواها تراجع وخوف بس في حاجه بتدفعها للانتحار ولسه هترمي نفسها؟ بس حد شدها ل ورا
علياء(بنظره حاده) :مش هتموتي!!
لين(بعياط) :سيبيني اموت سيبيني ياعلياء
علياء: مش هيحصل تعالي معايا
لين بتبصلها ب حزن
علياء:خليكي قويه اوعي تستسلمي ل مشاكلك اياً كانت ايه هي!... تعالي معايا يا لين
ورجعت معاها البيت
عند منال والراجل العرباوي كانوا خلاص وصلوا البيت لان المسافه كانت طويله جدااا
الراجل :انتي ياحجه محدش هيسيبك هنا
منال(بعياط) :هروح فين
الراجل:بينا ع القسم بس اطلعي البسي هدمتك
وبعد مالبست خدها علي القسم
الظابط:ممكن تهدي ياأستاذه.. اسمك ايه؟
منال(بعياط) :منال
الظابط:معكيش اي اثبات شخصيه
الراجل:لمؤاخذه ياباشا اني لقيت الست دي في الصحرا كما ولدتها أمها
الظابط:ااه تمام طيب ايه ال حصل اهم حاجه تهدي خالص وانتي بتحكي
وبعد ماحكيت كل ال حصل
الظابط:هنعرضها علي الطب الشرعي وهتك العرض وده اقرار مننا بتحويلها للطب الشرعي
نرجع ل لين
علياء :حلوه اوي اوضتك دي
وبتلف فيها وكانت لين قاعده ع السرير
علياء :مين ده خطيبك؟
لين:ده حد بيجيلي في احلامي ومتأكده اني هقابله في يوم من الايام
علياء:هو بصراحه وسيم اوي بس شكله خيال مش حقيقي
لين:لا حقيقي ليه محدش مصدقني؟
علياء:لين خليكي واقعيه شويه اكيد يعني شخص بتحلمي بيه وانتي متعرفيهوش اصلا مش هتقابليه لانه مجرد حلم ماكلنا بنحلم معني كده ان ال بنحلم بيه نلاقيه؟
لين(بتحاول تقنعها) :بس ال انا فيه مختلف تماما عن اي حاجه تانيه انا بحلم بيه من سنه وبيجيلي دايما وبيقولي انه هيظهر عادي!
علياء:الغريبه انك فاكره ملامحه وكمان رسمتيها
لين:لاني فاكره ملامحه كويس جدا وحافظاها
علياء:ممم طيب بقولك ايه رايك ناكل سوا
لين: هناكل ايه ياعلياء ف ال انا فيه ده
علياء:صدقيني يابنتي انتي كنتي في حاله استسلام انما لما تنسي كل ده وترميه ورا ضهرك هتحسي انك اتولدتي من اول وجديد
عند علي وعبير في المطعم
على :اول مره ارتاح وانا مع حد اوي كده
عبير(بخبث) :طبعا ياحبيبي هو انا اي حد
علي(بإستغراب) :حبيبي؟
عبير(بسهوكه) :معلش مقصدش الكلمه طلعت مني كده اصل الـ ف قلبي علي لساني
على (بتركيز) :وايه الـ ف قلبك على كده
عبير(بسهوكه) :اصل الـ بيحب حد مبيعرفش يدارى
على :تقصدي ايه؟ ومين بالكلام ده؟
عبير(بسهوكه) :اقصدك انت ياعلي هو انت مش ملاحظ ولا ايه
على :بس انا عمري مافكرت فيكي
عبير (بنظره حاده) :يعني ايه
علي: يابت متقفليش كده الكلام ده كان زمان انما مكدبش عليكي قلبي بدأ يتفتحلك
عبير(بتضحك) :ايوه كده
وفي نفس اللحظه كانت حنان بنت ماجده
ال هي( بنت خالتها) كانت معديه برا ف شافتهم
حنان(بتركيز) :يخيبك بت ملقتيش غير ابن صاحب الشركه وهو ياختي هيبصلك ع ايه بس اقولك الواد ده يلزمني
وراحت داخله جوا ف عبير اول ماشافتها اتلبشت واتوترت
علي:في حاجه؟
عبير(بتوتر) :مممم لا ابدا ممكن ادخل الحمام قصدي التواليت
علي(بقرف من جواه) :روحي
ودخلت التويلت وحطت ايديها علي قلبها من الخضه مااصل دول مجموعه تعابين ال بيطول حاجه بيلحقها قبل التاني
حنان(ف سرها) :ياختي واقعه ع واد مريش مش انا متجوزه واحد لا له ف الشغل ولا له ف الجواز وشه يقطع الخميره من البيت عيني عليا وعلي حظي
عبير(بتعمل متفاجئه) :ايه ده حنان بتعملي ايه هنا
حنان(بخبث) :ابداا اصل رجليا وجعتني من المشي قولت ارتاح هنا شويه.. ايه ده امال انتي بتعملي ايه ياحبيبتي
عبير(بتوتر) :ددد.. ده.. ده انا كنت بتفق علي شغل
حنان(ف سرها) :شغل برضه
نرجع ل لين
علياء:انا بقالي ساعه بقنعك نخرج نغير جو بصي كل حاجه علي حسابي ايه رايك بقي بس تعالي نعمل شويه شوبينج ونتفسح النهارده ونغير جو
لين(بتهز راسها) :ماشي ياعلياء حاضر
ولبست ونزلت معاها راحوا مول كبير
علياء:لا تقوليلي شغل ولا غيره احلي جو والله بصي المحلات منظرها يفتح النفس ازاي
لين:شكرا ياعلياء تعباكي معايا ومخلياكي مش عارفه ترتاحي ولا تشوفي شغلك
علياء:احنا اتفقنا اننا بقينا صحاب خلاص يعني اي حاجه تحتاجيها قوليلي وهتلاقيني موجوده
لين:ميرسي بجد
علياء:انتي اختي.. ايه ده بصي هدخل اجيب حاجه هوا وهجيلك اوعي تمشي
لين:لا انا مستنياكي هنا
ودخلت علياء تشتري الحاجه و لين بتبص لقيت واحد شبه الشاب ال بيجليها ف الحلم! فضلت ماشيه وراه وبتبص ف وشه لقيته واحد تاني
لين: i'm sorry
_ no problem
ورجعت تاني
علياء:كده خضتيني عليكي روحتي فين
لين:سوري ياعلياء كنت بشوف حاجه اه صحيح جيبتي الحاجه ال انتي عايزاها ولالا
علياء:للاسف مطلعتش هي تعالي نشوف اماكن تانيه
عند فتحي جاله واحد من رجالته
_ احنا هنروح في الرجلين يامعلم
فتحي:مين قالك كده
_الدنيا مقلوبه وبيدوروا علي ال عمل الليله دي كلها وشكلنا هنتاخد ف الرجلين وهتبقي انت ال ضيعتنا وطلعتنا من المولد ايدينا فاضيه
فتحي:عيب ياض لما تقول كلام زي ده وانت عارف كويس ان فتحي لما بيعمل حاجه بيخططلها صح
_ال تشوفه يامعلم
فتحي:متقلقش ياض الدنيا أمان ولو حسيت ب لبش هننقل مكانا ولا من شاف ولا من دري
_احنا وراك يامعلم فتحي
ومشي
فتحي:مش انا ال حد يلعب معايا ده انا اوديكم البحر وارجعكم مش عطشانين هه لا ميتين من العطش ولا مرجعكمش خالص ارجعكم ليه علشان تحاولوا تلعبوها معايا من تاني
عند ماجده وبناتها
حنان:البت عبير صدقت نفسها وصدقت انها حلوه وقال ايه لافالك ع ابن صاحب الشركه مش ابن المدير زي ماكانت مفهمانا
ماجده:ياخبر وانتي عرفتي الكلام ده منين ياحنان
حنان(بتضحك) :ماهو انا روحت الشركه من كام يوم وهي مش موجوده وسألت الامن وشاورتله عليه قولتله ده مين قالي ده ابن صاحب الشركه هو حاليا مدير اه بس بكرا يكبر ويبقى شريك فيها ف لما روحت النهارده اتأكدت لما لقيتها قاعده معاه
هبه:وانتي ياذكيه عرفتي مكانهم منين
حنان:فضلت ماشيه وراهم
ماجده :ياختي جاتك نيله ماهو لو كان حيلتك عيل كان شِغلك انما قاعده فاضيه من كتر الفراغ مش عارفه تعملي ايه ولا تراقبي مين
حنان:بيني وبينك ياماما انا مش قابله المنيل جوزي مفيهوش ميزه انا كنت بحلم ب واحد طول ب عرض مش راجل قصير وبكرش
ماجده (بتضحك) :يخيبك بت مش عاجبك العجب اتفضلي اتريقي لحد ماتجيبي عيل زيه
حنان:اجيب ايه ده انا عامله احتياطاتي كويس
ماجده :ده انتي فظيعه طول عمرك
نرجع ل منال والظابط والراجل ال انقذها
الدكتور:ده تقرير موضحين فيه كل حاجه وال تبينلنا ان تم الاعتداء علي السيده منال ليله امس
الظابط:تمام متشكر ل مجهود حضرتك
وخد منال ورجعوا القسم وبعد ماعملوا الاجراءات الراجل خد منال وخرجوا
منال(بتعب) :متشكره جدا علي مساعدتك ليا
الراجل :احنا عندنا ولايا ربنا يسترها علي الجميع مش محتاجه اي مساعده
منال:شكرا مش هنسي جميلك ليا طول حياتي
وبعد مامشي كانت نور والمحامي داخلين
نور :طنط منال؟.. انتي كويسه؟ طمنيني عليكي جيتي هنا ازاي؟
المحامي:متقلقيش يامنال احنا هنقف جنبك ف القضيه ال هنرفعها قريب اوي
منال (بعياط) :ليه كل ده يحصلي ليه؟
نور بتحضنها
نور:متقلقيش ياطنط احنا معاكي وهنرجعلك حقك أن شاء الله بس متخافيش
منال(بعياط) :صعبان عليا نفسي اوي
ف لسه بتكمل كلامها جات عربيه سوده معديه من قدام القسم ضربت المحامي وهربوا
منال:أستاذ رامي!!!
الفصل الرابع
نور:متقلقيش ياطنط احنا معاكي وهنرجعلك حقك ان شاء الله بس متخافيش
منال(بعياط) :صعبان عليا نفسي اوي
ف لسه بتكمل كلامها جات عربيه سوده معديه من قدام القسم ضربت المحامي وهربوا
منال:أستاذ رامي!!!
وطلعوا يجروا عليه والعسكري دخل للظابط وطلع ورجعوا الكاميرات بعد ماطلبوا الإسعاف
الموظف:للأسف العربيه مفيهاش اي ارقام او حروف حتى الأشخاص ال كانوا فيها مغطين وشهم
الظابط :الموضوع ده وراه حاجه كبيره!
وبدأ يجيب الناس القريبين والناس الشاكك فيهم
في المستشفى
الدكتور :علي العمليات بسرعه
منال (بخوف) :استرها يارب
نور(بخوف) :من فضلك ياطنط تعالي روحي معايا في بيت بابا وانا هتابع ال حصل ده
منال(بكسره نفس) :وانتي زنبك ايه يابنتي بس
نور:علشان خاطر لين الله يرحمها
منال:امري لله
وخدتها معاها
مامت نور:اهلا وسهلا يامنال عامله ايه
منال(بتعب شديد) :الحمدلله
مامت نور:بصي انا مش هتقل عليكي في الكلام انا عرفت كل الـ حصل وعارفين انه غصب عنك كمان واليوم كان طويل عليكي.. تعالي معايا الأوضه علشان تنامي
منال (بإحراج) :انا مش عايزه اتقل عليكم
مامت نور:واحنا في بينا الكلام ده تعالي بس
وخدتها ونور لسه عايزه تنزل لقيت باباها داخل الشقه
ابو نور:رايحه فين يانور هي عماره من غير بواب خارجه داخله ولا كأن ليكي حد تستأذنيه
نور:معلش يابابا حصل حاجه صعبه اوي للمحامي بتاع طنط منال وبالمناسبه هي هتقعد عندنا لحد ماالدنيا تهدي
ابو نور:مدام منال علي عينا وعلي راسنا بس خروجك وطلوعك مش عاجبني خصوصا احنا داخلين علي الساعه 9 أجلي اي حاجه ل بكرا يانور
نور:حاضر يابابا
ابو نور:جهزي الغدا لينا كلنا
مامت نور :الاكل علي النار يادوب انت غير وهتلاقيه ع السفره
تاني يوم كانت نور عند المحامي في المستشفى
وكان حالته خطر جدا وفي العنايه المركزه علي اجهزه الاكسجين
نور(بقلق) :استاذ رامي حالته وصلت لـ فين يادكتور؟
الدكتور:احنا عملنا ال نقدر عليه والباقي على ربنا ولعلمك نسبه الشفاء بسيطه جدا لان دخل 15 رصاصه جنب القلب نحمد ربنا انها مجاتش ف القلب مباشره
نور(مصدومه) :15 رصاصه؟؟
الدكتور:للاسف نتمني من ربنا انه يرد فيه الروح من جديد الغيبوبه هتطول ولكن ربنا قادر على كل شيء عن اذنك
نور:اتفضل
بتبص لقيت موبايلها بيرن وده رقم غريب!
نور:ايوه مين؟
مجهول:هما كلمتين و رد غطاهم انفدي بجلدك متدخليش نفسك في الدوامه الـ دخلت فيها منال والمحامي علشان انتي الـ عليكي الدور
وقفل وكانت نور مرعوبه وخايفه ودقات قلبها بتزيد لما حسيت انها في خطر! طلعت تجري وراحت شركه الاتصالات وكانت حريصه جدا لان وارد تكون متراقبه
الموظف:يااهلا بيكي يافندم نورتينا
نور:لو سمحت كنت عايزه اخر رقم اتصل بيا
الموظف:ثواني يافندم... حضرتك عايزه الرقم ولا التسجيل الصوتي؟
نور:ايوه بالظبط التسجيل الصوتي
الموظف:حاضر ثواني
واداها التسجيل ورجعت للظابط في قسم الشرطه
الظابط:ازيك يانور اخبارك ايه
نور:ازي حضرتك انا كنت عايزه أعرض حاجه ليك يمكن تفيدك في القضيه
الظابط:اتفضلي
نور:كان في رقم اتصل بيا من حوالي ساعه واتعرضت للتهديد وروحت شركه الاتصالات واخدت التسجيل الصوتي ال يثبت صحه كلامي
وشغلتله تسجيل المكالمه وبعد ماسمعه
الظابط:احتفظي بالتسجيل ده يانور عموما احنا هنحط عليكي حمايه لحد مانوصل ل بدايه خيط القضيه
نور:طيب انا ممكن حد يإذيني كده صح؟
الظابط: ال اقدر افيدك بيه قللي خروجاتك اليومين دول وابعدي عن اي مكان يخص مدام منال وبالنسبه للمستشفي شيلي رجلك من عليها
عند لين كانت نايمه وحلمت ب الشاب ده تاني
الشاب:لين اتطمني مامتك في آمان
لين:عرفت منين كل الكلام ده؟
الشاب :متسأليش عرفت منين المهم عرفت
لين:ارجوك فهمني انا محتاجه اعرف انت مين؟ وازاي بتجيلي في الحلم كل يوم
الشاب :انا وانتي ضحيه
وصحيت لين والجمله الاخيره عماله تتردد في دماغها!
لين:انا وهو ضحيه ازاي؟ انا مش فاهمه حاجه!! ازاي كل ده بيحصل؟
ف قررت قرار انها تتصل ب نور وال يحصل يحصل ولكن علي حظها مكالمات نور كلها كانت متراقبه بعد الرقم الغريب ال اتصل عليها
لين:نور اسمعيني كويس
نور:لين صح!! صوتك عمره مايتوه عني ابدا
لين:افهميني يانور
نور:ممم بصي هكلمك من رقم تاني، اصل انتي بقالك يومين مجيتيش الجامعه وماما عايزه تكلمك من رقمها تسلم عليكي
لين(مستغربه) :مش فاهمه حاجه؟
وراحت نور قافله معاها واتصلت من رقم تاني والا كانت هتتفضح والشرطه هتعرف ان لين لسه عايشه وان كل ده حوار
نور:لين انتي فين كل ده؟ و ليه عملتي كده؟
لين:في حاجات كتير هتفهميها بعدين المهم ماما كويسه؟
نور(بتكدب) :ممم ايوه كويسه
لين:انتي بتكدبي عليا ماما مش كويسه انا شوفت الفيديو
نور(اتخضت) :انتي شوفتي الفيديو؟
لين(بعياط) :شوفته يانور وعرفت كل حاجه وده الـ خلاني بتطمن علي ماما دلوقت ارجوكي طمنيني عليها انا مليش غيرها
نور(بحزن) :مامتك اتبهدلت اوي وكانت هتموت عليكي ده غير ال حصلها وكلنا شاكين في ابوكي انتي مشوفتيش حصل ايه يوم العزا كانت عمتك وبناتها داخلين والشر مالي عيونهم
لين(مبتسمه) :كل واحد جه عليها هعرف ازاي ارجعلها حقها منه، انا مش هستسلم انا يوم ماارجع هرجع وفي ايدي سلاحي!
نور(بحزن) :ابعدي يا لين عن اي مشاكل انا بسبب تدخلي في المشاكل دي كلها اتعرضت للتهديد مابقتش عارفه لو خرجت هرجع تاني ولالا
لين:متدخليش في حاجه يانور دي امي انا! وانا الـ هرجعلها حقها وحقي!
نور :طيب انتي فين انا مش فاهمه كل ده حصل ازاي!
لين:هتعرفي كل حاجه بعدين
بعد أسبوع كان المحامي لسه على اجهزه التنفس الصناعي ورايح في غيبوبه كامله
وكانت منال متدمره نفسيا وقعدتها طولت عند نور صاحبه لين وكانت نور خارجه ومصممه تروح للمحامي
مامت نور(بإسلوب حاد) :استني عندك
نور:نعم
مامت نور:رايحه فين؟
نور:رايحه للمحامي ياماما
مامت نور(بزعيق) :انتي لسه مصممه تروحي بعد كل ال حصل انا مش هسمحلك تروحي مني فاهمه ولالا
نور:ياماما انا عايزه اعرف شويه معلومات هتساعدنا في القضيه
مامت نور(بزعيق) :وانتي مالك ومال الـ بيحصل ايه دخلك فيه.. لين وتوفيت وخلاص الله يرحمها و...
لسه بتكمل كلامها طلعت منال من الأوضه ومعاها شنطتها
منال(بإحراج) :نور حبيبتي انتي في مقام لين الله يرحمها اسمعي كلام مامتك حرقه قلب الام على ضناها مش سهله اسمعي كلامها
مامت نور:انتي رايحه فين يامنال؟
منال(بإحراج) :يعني انا قعدت كتير وتقلت عليكم هرجع بيتي انا مليش غيره.. ممكن يانور تشوفي الكلب فين علشان عايزه امشي
مامت نور:واحنا بينا الكلام ده يامنال هو اه انا خايفه علي بنتي والمفروض تحطي نفسك مكاني بس مقدرش اتخلي عنك ده بيتك انتي مش غريبه
منال(بإبتسامه) :وعلشان كده بقولها متدخلش نفسها في اي مشكله احنا ملناش غير ربنا.. يلا يانور هاتيلي الكلب علشان امشي
نور(بتوتر) :مممم بس..
منال:مفيش بس ممكن تسمعي الكلام؟
فـ نور دخلت جابت الكلب بتاع لين ومنال نزلت وفـ ايديها الكلب وكانت حزينه ومش عارفه تعمل ايه بس اضطريت ترجع بيتها
عند الولد الـ خبط لين في السجن
الولد:ده مكنش اتفاقنا انا عايز اخرج
ابوه :يابني احنا مش ساكتين وبنشوف حل للموضوع ده متقلقش انت بس وكل حاجه هتمشي تمام وقولتلك ليك نسبه
الولد:ادينا هنشوف اخرتها ايه
ابوه:اخرتها خير
عدي شهر وكل حاجه زي ماهي مفيش جديد وكانت منال قاعده في البيت حزينه علي كل الـ حصلها لقيت الباب بيخبط فـ فتحت
منال:ايه ده فريد؟
فريد(ب خبث) :ازيك يامنال مش هتدخليني
منال(بتبصلك حواليها) :زي مانت شايف مش هينفع انا لواحدي
فريد:وايه المشكله لما تبقي لواحدك ولا هي جات عليا؟
منال(بإستغراب) :انا مش فاهمه حاجه؟
فريد:مانتي كنتي مقضياها في الفيديو جات عليا انا ووقفت
منال(بصدمه وزعيق) :ايه الـ انت بتقوله ده انت اتجننت في عقلك؟ انا كل الـ حصلي كان غصب عني مش بمزاجي
فريد:وفيها ايه يامنال ماتديني فرصتي انا كمان
منال(بصويت) :امشي ياكلب يازباله مش عايزه اشوف وشك هنا تاني امشي
ورزعت الباب في وشه واديت ضهرها للباب وجسمها كان بيترعش وعماله تعيط وكانت منهاره
منال(منهاره بتعيط) :لاااا يارب ليه كل ده ااه واخرتها ايه مابقاش ليا حد ااه ياوجع قلبي منك لله يافتحي ربنا ينتقم منك انت السبب في كل حاجه حصلت.
عند لين كانت شغاله وبتجيب مبالغ حلوه بس عقلها عمال يفكر هل هتقابل الشاب الـ بيجيلها في أحلامها ولا كل ده مجرد وهم
لين (في سرها) :اكيد كل ده مجرد وهم مش معقول هيكون حقيقي علياء عندها حق ف الـ قالته انا بس ال مكبره الموضوع
علياء:ها يالين بتفكري في ايه؟ وايه ال شاغلك اوي كده؟
لين(بإبتسامه) :ابدا ياستي بفكر في حياه الملل الـ انا عايشاها دي اخرتها ايه
علياء:انا هعرض عليكي عرض يارب توافقي
لين:خير
علياء:بصي انا عايشه لواحدي وانتي عايشه لواحدك واحنا بنات يعني ممكن حد يدايقنا في اي وقت ويستغل ان كل واحده عايشه لواحدها ف بما ان ده مينفعش ايه رايك نعيش سوا
لين:فكره حلوه خصوصا انتي طيبه اوي ياعلياء حاسه انك اختي ويمكن اكتر كمان
علياء:وانا والله قلبي ارتاحلك
لين:خلاص ياستي هاتي حاجتك وتعالي نعيش سوا
علياء: طيب هعرض عليكي كمان عرض
عند حنان (بنت ماجده) وجوزها
كانت قاعده علي الكنبه بتفكر هتعمل ايه وبتخطط دخل وقعد ع الكنبه وعمال يحسس علي كرشه
جوزها(بيجعر) :بقولك ايه يابت
حنان(قرفانه منه) :ايه يامنيل
جوزها: ماتقومي تحضري الغدا
حنان: مانت لسه طافح من شويه ولا هو كل شويه أكل أكل أكل ايه ده دي بطن ولا بلاعه
جوزها: بدل مانتي قاعده تعايري كنتي هاتيلي حته عيل بدل ماكل اخواتي عندهم دسته عيال الا انا
حنان(بقرف) :مش عايزه حاجه منك
جوزها :يعني ايه مش عايزه حاجه مني يابنت الكلب
وشدها من شعرها
حنان(بصويت) :اااه سيب شعري انت مابتفهمش بقولك مش عايزه حاجه منك هو البعيد غبي
جوزها:طلاق تلاته ان ماخلفتيلي عيل كمان 9شهور لأكون موديكي عند بيت امك زي الكلبه
حنان : وديني بدل ماابصطبح كل يوم بالخلقه الـ تجيب الهم انت مش شايف وشك عامل ازاي ده انت وشك يقطع الخميره من البيت
ف فضل يضربها وهي تصوت لحد ماراحت غضبانه عند امها
ماجده(بخضه) :ياساتر يارب مالك يابت ايه الـ عامل فـ وشك كده؟
حنان (بتعيط) :المخفي ضربني ياماما مش عايزه اكمل معاه ده قرفني في عيشتي
ماجده(بزعيق) :يعني ايه يضربك يابت ده ليلته طين انا هخلي خالك فتحي يظبطه
تدخل هبه اخت حنان
هبه(بصدمه) :ايه ده مالك
حنان(بعياط) :عره الرجاله مد ايده عليا
هبه:وسكتيله ليه
ماجده:انا هجيب حق البت وهعرفه شغله
عند نور اتسحبت من البيت بدري خالص وراحت المستشفي للمحامي كانت الساعه 9 الصبح وكان لسه في غيبوبه وعلي أجهزه التنفس
نور:ياارب هنعمل ايه
الممرضه وراها بتيجي
الممرضه :حضرتك بنته؟
نور(مش مركزه) :هاا؟ لا انا في مقام بنته طمنيني هو عامل ايه؟
الممرضه :مش هكدب عليكي هو حالته صعبه اوي
نور:مفيش امل يفوق؟
الممرضه:الحقيقه نسبه شفاءه بقيت لا تتعدي 15٪ بس ربنا قادر
نور:ونعم بالله متشكره
الممرضه:العفو
ومشيت
عند لين كانت اتفقت مع علياء انهم يبيعوا الاوضتين بتوعهم ويضموا الفلوس على بعض ويشتروا شقه علي قدهم
لين:هنروح نشوف الشقه امتي؟
علياء:نخلص الاوردرات دي ونروح نشوف قبل الليل مايجي
لين :ياريت ضروري
وبعد ماخلصوا الاوردرات الـ وراهم راحوا يشوفوا الشقق لحد مالقوا شقه بسيطه وجميله وبتطل علي جنينه فيها ورد وقصادهم بعيد في البحر
لين:الله حلوه اوي الشقه دي وسعرها مناسب
علياء:ده حقيقي هي فعلا جميله ومريحه للاعصاب
لين:خلاص هناخدها
علياء :We're going to take that flat
الراجل:We'll write the contract. (سنكتب العقد)
ومضوا العقد والشقه بقيت بتاعتهم وبدأوا ينقلوا الحاجات فيها وقفلوا باب الشقه وعلياء قعدت علي الانتريه ولين كانت بتلف وتتفرج على الشقه
لين:حلوه اووي اووي
علياء:خلاص من هنا ورايح الشقه دي بتاعتنا
عند عبير كانت لسه في الشركه مخلصتش فـ لقيت على بيهزر مع واحده تانيه فـ راحتلهم
عبير(وشها مقلوب) :مين الأخت
علي(بإبتسامه) :طيب ياداليدا على اتصال
داليدا(بإبتسامه) :اوكي باي
ومشيت
علي(وشه مقلوب) :خير في حد يدخل على حد كده؟
عبير:وانا يعني كنت دخلت عليكم اوضه النوم احنا في شركه عادي
علي:التزمي ب الفاظك دي احنا في مكان محترم
عبير(بتلطف الجو) :سوري ياعلي مقصدش بس ماهو يعني مينفعش كده
علي(مشغول) :ايه الـ مينفعش؟
عبير:قدر مشاعري حتي وان انا..
علي:مش من حقك
عبير:خليك فاكرها
وراحت ماشيه
عبير:هو الزفت ده مش جايب نتيجه ولا ايه ده انا دافعه فيه مرتبي كله يووه
نرجع ل منال تاني يوم صحيت الصبح والكلب كان نايم جنبها
منال(بإبتسامه حزينه) :انت الـ باقيلي بعد لين انت الحاجه الوحيده الـ من ريحتها
وقامت تعمل اكل فـ لقيت الباب بيخبط فتحت لقيت نور
نور:ازيك ياطنط منال
منال:ازيك ياحبيبتي اتفضلي
نور:مينفعش ياطنط انك تفتحي الباب لأي حد كده يفرض مطلعش انا؟
منال:انتي هتقولي فيها.. فريد جالي امبارح وقفلت الباب في وشه والله يابنتي مابقيت عارفه انا عايشه ليه؟
نور:بعد الشر ياطنط مين فريد ده؟
منال:الـ كان سبب في مشكلتي انا ولين قسيت عليها علشان واحد خسيس وواطي
نور:هو حد حضرتك كنتي ناويه تتجوزيه؟
منال:للاسف بس الحمدلله بان علي حقيقته
نور:الحمدلله بصي ياطنط انا هجيبلك واحد يركبلك في الباب عين سحريه كده مينفعش تفتحي لأي حد يفرض طلع فتحي ده هتعملي ايه؟
منال:وهو هيقدر يجي بعد الـ عمله انا مش هقول غير وأفوض امري الي الله
عند لين وعلياء كانوا نايمين بس علياء صحيت الاول
علياء:لين اصحي عايزين نجيب الفطار علشان نلحق الشغل
لين(نايمه) :5 دقايق كمان
علياء :طيب بقولك انا هنزل اشتري الفطار وارجع علشان نكسب وقت شويه
لين(نايمه) :ماشي
ف علياء بصت لـ صوره الولد الـ لين راسماه وفضلت تضحك
علياء(بتضحك) :والله يالين انا ماعارفه ازاي مقتنعه بالتخاريف دي
ونزلت وشافت حاجه خليتها اتمسمرت في مكانها!!